iPadOS 26
iPadOS 18
ਇਸ ਕੰਟਰੋਲ ਦੀ ਸੋਧ ਕਰਨ ਨਾਲ ਇਹ ਪੰਨਾ ਆਪਣੇ ਆਪ ਅੱਪਡੇਟ ਹੋ ਜਾਵੇਗਾ

iPad ’ਤੇ ਐਪ ਲਾਇਬ੍ਰੇਰੀ ਵਿੱਚ ਆਪਣੀਆਂ ਐਪਾਂ ਲੱਭੋ ਅਤੇ ਉਹਨਾਂ ਦੀ ਵਰਤੋਂ ਕਰੋ

ਐਪ ਲਾਇਬ੍ਰੇਰੀ ਤੁਹਾਡੀਆਂ ਐਪਾਂ ਨੂੰ ਉਤਪਾਦਕਤਾ ਅਤੇ ਵਿੱਤ, ਰਚਨਾਤਮਕਤਾ ਅਤੇ ਜਾਣਕਾਰੀ ਅਤੇ ਪੜ੍ਹਨ ਵਰਗੀਆਂ ਸ਼੍ਰੇਣੀਆਂ ਵਿੱਚ ਵਿਵਸਥਿਤ ਦਿਖਾਉਂਦੀ ਹੈ। ਜਿਹੜੀਆਂ ਐਪਾਂ ਦੀ ਤੁਸੀਂ ਸਭ ਤੋਂ ਵੱਧ ਵਰਤੋਂ ਕਰਦੇ ਹੋ, ਉਹ ਸਕਰੀਨ ਦੇ ਸਿਖਰ ਦੇ ਨੇੜੇ ਅਤੇ ਆਪਣੀਆਂ ਸ਼੍ਰੇਣੀਆਂ ਦੇ ਸਿਖਰਲੇ ਪੱਧਰ ’ਤੇ ਹੁੰਦੀਆਂ ਹਨ, ਜਿਸ ਨਾਲ ਤੁਸੀਂ ਉਹਨਾਂ ਨੂੰ ਆਸਾਨੀ ਨਾਲ ਲੱਭ ਅਤੇ ਖੋਲ੍ਹ ਸਕਦੇ ਹੋ।

iPad ’ਤੇ ਐਪ ਲਾਇਬ੍ਰੇਰੀ (ਮਨੋਰੰਜਨ, ਉਤਪਾਦਕਤਾ ਅਤੇ ਵਿੱਤ ਆਦਿ) ਸ਼੍ਰੇਣੀ ਅਨੁਸਾਰ ਵਿਵਸਥਿਤ ਐਪਾਂ ਨੂੰ ਦਿਖਾ ਰਹੀ ਹੈ।

ਨੋਟ: ਤੁਹਾਡੇ ਵੱਲੋਂ ਆਪਣੀਆਂ ਐਪਾਂ ਦੀ ਵਰਤੋਂ ਕਰਨ ਦੇ ਆਧਾਰ ‘ਤੇ, ਐਪ ਲਾਇਬ੍ਰੇਰੀ ਵਿੱਚ ਐਪਾਂ ਨੂੰ ਸਮਝਦਾਰੀ ਨਾਲ ਸ਼੍ਰੇਣੀਆਂ ਵਿੱਚ ਵਿਵਸਥਿਤ ਕੀਤਾ ਜਾਂਦਾ ਹੈ। ਤੁਸੀਂ ਐਪ ਲਾਇਬ੍ਰੇਰੀ ਵਿਚਲੀਆਂ ਐਪਾਂ ਨੂੰ ਹੋਮ ਸਕਰੀਨ ਵਿੱਚ ਜੋੜ ਸਕਦੇ ਹੋ ਪਰ ਤੁਸੀਂ ਉਹਨਾਂ ਨੂੰ ਐਪ ਲਾਇਬ੍ਰੇਰੀ ਵਿੱਚ ਕਿਸੇ ਹੋਰ ਸ਼੍ਰੇਣੀ ਵਿੱਚ ਮੂਵ ਨਹੀਂ ਕਰ ਸਕਦੇ।

ਐਪ ਲਾਇਬ੍ਰੇਰੀ ਵਿੱਚ ਐਪ ਲੱਭੋ ਅਤੇ ਖੋਲ੍ਹੋ

  1. ਹੋਮ ਸਕਰੀਨ ’ਤੇ ਜਾਓ, ਫਿਰ ਐਪ ਲਾਇਬ੍ਰੇਰੀ ’ਤੇ ਜਾਣ ਲਈ ਆਪਣੀ ਹੋਮ ਸਕਰੀਨ ਦੇ ਸਾਰੇ ਪੰਨਿਆਂ ਨੂੰ ਖੱਬੇ ਪਾਸੇ ਸਵਾਈਪ ਕਰੋ।

    ਤੁਸੀਂ ਸਕਰੀਨ ਦੇ ਹੇਠਾਂ Dock ਵਿੱਚ ਸਭ ਤੋਂ ਸੱਜੇ ਪਾਸੇ ਵਾਲੇ ਬਟਨ ਐਪ ਲਾਇਬ੍ਰੇਰੀ ਬਟਨ ’ਤੇ ਟੈਪ ਕਰ ਕੇ ਵੀ ਐਪ ਲਾਇਬ੍ਰੇਰੀ ਨੂੰ ਤੇਜ਼ੀ ਨਾਲ ਖੋਲ੍ਹ ਸਕਦੇ ਹੋ।

  2. ਸਕਰੀਨ ਦੇ ਸਿਖਰ ’ਤੇ ਦਿੱਤੇ ਖੋਜ ਖੇਤਰ ’ਤੇ ਟੈਪ ਕਰੋ, ਫਿਰ ਉਸ ਐਪ ਦਾ ਨਾਮ ਦਾਖ਼ਲ ਕਰੋ ਜਿਸ ਨੂੰ ਤੁਸੀਂ ਲੱਭ ਰਹੇ ਹੋ

    ਜਾਂ ਵਰਣਮਾਲਾ ਸੂਚੀ ਨੂੰ ਬ੍ਰਾਊਜ਼ ਕਰਨ ਲਈ ਸਕ੍ਰੌਲ ਕਰੋ।

  3. ਐਪ ਖੋਲ੍ਹਣ ਲਈ ਇਸ ‘ਤੇ ਟੈਪ ਕਰੋ।

ਜੇਕਰ ਐਪ ਲਾਇਬ੍ਰੇਰੀ ਵਿੱਚ ਕਿਸੇ ਸ਼੍ਰੇਣੀ ਵਿੱਚ ਕੁਝ ਛੋਟੇ ਐਪ ਆਈਕਨ ਹਨ, ਤਾਂ ਤੁਸੀਂ ਉਹਨਾਂ ‘ਤੇ ਟੈਪ ਕਰ ਕੇ ਸ਼੍ਰੇਣੀ ਦਾ ਵਿਸਤਾਰ ਕਰ ਸਕਦੇ ਹੋ ਅਤੇ ਇਸ ਵਿਚਲੀਆਂ ਸਾਰੀਆਂ ਐਪਾਂ ਦੇਖ ਸਕਦੇ ਹੋ।

ਹੋਮ ਸਕਰੀਨ ਪੰਨਿਆਂ ਨੂੰ ਲੁਕਾਓ ਅਤੇ ਦਿਖਾਓ

ਕਿਉਂਕਿ ਤੁਸੀਂ ਐਪ ਲਾਇਬ੍ਰੇਰੀ ਵਿੱਚ ਆਪਣੀਆਂ ਸਾਰੀਆਂ ਐਪਾਂ ਲੱਭ ਸਕਦੇ ਹੋ, ਹੋ ਸਕਦਾ ਹੈ ਕਿ ਤੁਹਾਨੂੰ ਐਪਾਂ ਲਈ ਜ਼ਿਆਦਾ ਹੋਮ ਸਕਰੀਨ ਪੰਨਿਆਂ ਦੀ ਲੋੜ ਨਾ ਪਵੇ। ਤੁਸੀਂ ਕੁਝ ਹੋਮ ਸਕਰੀਨ ਪੰਨੇ ਲੁਕਾ ਸਕਦੇ ਹੋ ਜੋ ਐਪ ਲਾਇਬ੍ਰੇਰੀ ਨੂੰ ਤੁਹਾਡੇ ਪਹਿਲੇ ਹੋਮ ਸਕਰੀਨ ਪੰਨੇ ਦੇ ਨੇੜੇ ਲਿਆਉਂਦੇ ਹਨ। (ਜਦੋਂ ਤੁਸੀਂ ਲੁਕਾਏ ਗਏ ਪੰਨਿਆਂ ਨੂੰ ਦੁਬਾਰਾ ਦੇਖਣਾ ਚਾਹੁੰਦੇ ਹੋਵੋ, ਤਾਂ ਤੁਸੀਂ ਉਹਨਾਂ ਨੂੰ ਦਿਖਾ ਸਕਦੇ ਹੋ।)

  1. ਹੋਮ ਸਕਰੀਨ ’ਤੇ ਜਾਓ, ਫਿਰ ਹੋਮ ਸਕਰੀਨ ਵਾਲਪੇਪਰ ਨੂੰ ਉਦੋਂ ਤੱਕ ਟੱਚ ਕਰ ਕੇ ਰੱਖੋ ਜਦੋਂ ਤੱਕ ਐਪ ਆਈਕਨ ਹਿੱਲਣ ਨਹੀਂ ਲੱਗ ਜਾਂਦੇ।

  2. ਸਕਰੀਨ ਦੇ ਹੇਠਾਂ ਦਿੱਤੇ ਬਿੰਦੂਆਂ ’ਤੇ ਟੈਪ ਕਰੋ।

    ਤੁਹਾਡੇ ਹੋਮ ਸਕਰੀਨ ਦੇ ਪੰਨਿਆਂ ਦੇ ਥੰਬਨੇਲ ਚਿੱਤਰ ਦਿਖਾਈ ਦਿੰਦੇ ਹਨ ਅਤੇ ਉਹਨਾਂ ਦੇ ਹੇਠਾਂ ਚੈੱਕਮਾਰਕ ਲੱਗੇ ਹੋਏ ਹਨ।

  3. ਪੰਨੇ ਲੁਕਾਉਣ ਲਈ, ਚੈੱਕਮਾਰਕ ਹਟਾਉਣ ਲਈ ਟੈਪ ਕਰੋ।

    ਲੁਕਾਏ ਗਏ ਪੰਨੇ ਦਿਖਾਉਣ ਲਈ, ਚੈੱਕਮਾਰਕ ਜੋੜਨ ਲਈ ਟੈਪ ਕਰੋ।

  4. “ਹੋ ਗਿਆ” ‘ਤੇ ਟੈਪ ਕਰੋ।

ਹੋਮ ਸਕਰੀਨ ਦੇ ਵਾਧੂ ਪੰਨੇ ਲੁਕਾ ਕੇ, ਤੁਸੀਂ ਸਿਰਫ਼ ਇੱਕ ਜਾਂ ਦੋ ਸਵਾਈਪ ਨਾਲ ਹੋਮ ਸਕਰੀਨ ਦੇ ਪਹਿਲੇ ਪੰਨੇ ਤੋਂ ਐਪ ਲਾਇਬ੍ਰੇਰੀ (ਅਤੇ ਪਿੱਛੇ) ’ਤੇ ਜਾ ਸਕਦੇ ਹੋ।

ਨੋਟ: ਜਦੋਂ ਹੋਮ ਸਕਰੀਨ ਪੰਨੇ ਲੁਕਾਏ ਹੋਣ, ਤਾਂ ਤੁਹਾਡੇ ਵੱਲੋਂ App Store ਤੋਂ ਡਾਊਨਲੋਡ ਕੀਤੀਆਂ ਨਵੀਆਂ ਐਪਾਂ ਨੂੰ ਹੋਮ ਸਕਰੀਨ ਦੀ ਬਜਾਏ ਐਪ ਲਾਇਬ੍ਰੇਰੀ ਵਿੱਚ ਜੋੜਿਆ ਜਾ ਸਕਦਾ ਹੈ।

ਹੋਮ ਸਕਰੀਨ ਪੰਨਿਆਂ ਨੂੰ ਮੁੜ-ਕ੍ਰਮਬੱਧ ਕਰੋ

ਜੇਕਰ ਤੁਹਾਡੇ ਕੋਲ ਇੱਕ ਤੋਂ ਵੱਧ ਹੋਮ ਸਕਰੀਨ ਪੰਨੇ ਹਨ, ਤਾਂ ਤੁਸੀਂ ਉਹਨਾਂ ਦਾ ਕ੍ਰਮ ਬਦਲ ਸਕਦੇ ਹੋ। ਉਦਾਹਰਨ ਲਈ, ਤੁਸੀਂ ਇੱਕ ਹੋਮ ਸਕਰੀਨ ਪੰਨੇ ’ਤੇ ਆਪਣੀਆਂ ਮਨਪਸੰਦ ਐਪਾਂ ਇਕੱਠੀਆਂ ਕਰ ਸਕਦੇ ਹੋ ਅਤੇ ਫਿਰ ਇਸ ਨੂੰ ਆਪਣਾ ਪਹਿਲਾ ਹੋਮ ਸਕਰੀਨ ਪੰਨਾ ਬਣਾ ਸਕਦੇ ਹੋ।

  1. ਹੋਮ ਸਕਰੀਨ ’ਤੇ ਜਾਓ, ਫਿਰ ਹੋਮ ਸਕਰੀਨ ਨੂੰ ਉਦੋਂ ਤੱਕ ਟੱਚ ਕਰ ਕੇ ਰੱਖੋ ਜਦੋਂ ਤੱਕ ਐਪ ਆਈਕਨ ਹਿੱਲਣ ਨਹੀਂ ਲੱਗ ਜਾਂਦੇ।

  2. ਸਕਰੀਨ ਦੇ ਹੇਠਾਂ ਦਿੱਤੇ ਬਿੰਦੂਆਂ ’ਤੇ ਟੈਪ ਕਰੋ।

    ਤੁਹਾਡੇ ਹੋਮ ਸਕਰੀਨ ਦੇ ਪੰਨਿਆਂ ਦੇ ਥੰਬਨੇਲ ਚਿੱਤਰ ਦਿਖਾਈ ਦਿੰਦੇ ਹਨ ਅਤੇ ਉਹਨਾਂ ਦੇ ਹੇਠਾਂ ਚੈੱਕਮਾਰਕ ਲੱਗੇ ਹੋਏ ਹਨ।

  3. ਹਰੇਕ ਹੋਮ ਸਕਰੀਨ ਪੰਨੇ ਨੂੰ ਮੂਵ ਕਰਨ ਲਈ, ਇਸ ਨੂੰ ਟੱਚ ਕਰ ਕੇ ਰੱਖੋ, ਫਿਰ ਇਸ ਨੂੰ ਨਵੇਂ ਥਾਂ ‘ਤੇ ਡ੍ਰੈਗ ਕਰੋ।

  4. “ਹੋ ਗਿਆ” ‘ਤੇ ਟੈਪ ਕਰੋ।

ਨਵੀਆਂ ਐਪਾਂ ਡਾਊਨਲੋਡ ਕਰਨ ਦੀ ਥਾਂ ਬਦਲੋ

ਜਦੋਂ ਤੁਸੀਂ App Store ਤੋਂ ਨਵੀਆਂ ਐਪਾਂ ਡਾਊਨਲੋਡ ਕਰਦੇ ਹੋ, ਤਾਂ ਤੁਸੀਂ ਉਹਨਾਂ ਨੂੰ ਹੋਮ ਸਕਰੀਨ ਅਤੇ ਐਪ ਲਾਇਬ੍ਰੇਰੀ ਵਿੱਚ ਜਾਂ ਸਿਰਫ਼ ਐਪ ਲਾਇਬ੍ਰੇਰੀ ਵਿੱਚ ਸ਼ਾਮਲ ਕਰ ਸਕਦੇ ਹੋ।

  1. ਸੈਟਿੰਗਾਂ  > ਹੋਮ ਸਕਰੀਨ ਅਤੇ ਐਪ ਲਾਇਬ੍ਰੇਰੀ ’ਤੇ ਜਾਓ।

  2. “ਹੋਮ ਸਕਰੀਨ ‘ਤੇ ਸ਼ਾਮਲ ਕਰੋ” ਜਾਂ ਸਿਰਫ਼ “ਐਪ ਲਾਇਬ੍ਰੇਰੀ” ਚੁਣੋ।

ਨੋਟ: ਐਪ ਲਾਇਬ੍ਰੇਰੀ ਵਿੱਚ ਐਪਾਂ ’ਤੇ ਐਪ ਸੂਚਨਾ ਬੈਜਾਂ ਨੂੰ ਦਿਖਾਈ ਦੇਣ ਦੀ ਆਗਿਆ ਦੇਣ ਲਈ, “ਐਪ ਲਾਇਬ੍ਰੇਰੀ ਵਿੱਚ ਦਿਖਾਓ” ਨੂੰ ਚਾਲੂ ਕਰੋ।

ਕਿਸੇ ਐਪ ਨੂੰ ਐਪ ਲਾਇਬ੍ਰੇਰੀ ਤੋਂ ਹੋਮ ਸਕਰੀਨ ’ਤੇ ਮੂਵ ਕਰੋ

ਜੇਕਰ ਤੁਸੀਂ ਕਿਸੇ ਐਪ ਨੂੰ ਹੋਮ ਸਕਰੀਨ ਤੋਂ ਐਪ ਲਾਇਬ੍ਰੇਰੀ ਵਿੱਚ ਮੂਵ ਕੀਤਾ ਹੈ, ਤਾਂ ਤੁਸੀਂ ਇਸ ਨੂੰ ਆਸਾਨੀ ਨਾਲ ਹੋਮ ਸਕਰੀਨ ’ਤੇ ਵਾਪਸ ਮੂਵ ਕਰ ਸਕਦੇ ਹੋ।

  1. ਐਪ ਲਾਇਬ੍ਰੇਰੀ ’ਤੇ ਜਾਓ।

  2. ਐਪ ਨੂੰ ਉਦੋਂ ਤੱਕ ਟੱਚ ਕਰ ਕੇ ਰੱਖੋ ਜਦੋਂ ਤੱਕ ਐਪ ਆਈਕਨ ਹਿੱਲਣਾ ਨਹੀਂ ਸ਼ੁਰੂ ਕਰ ਦਿੰਦੇ ਅਤੇ ਐਪ ਹੋਮ ਸਕਰੀਨ ‘ਤੇ ਮੂਵ ਨਹੀਂ ਹੋ ਜਾਂਦੀ, ਫਿਰ ਆਪਣੀ ਉਂਗਲ ਚੁੱਕੋ।

ਇਹ ਵੀ ਦੇਖੋiPad ’ਤੇ ਕੋਈ ਐਪ ਖੋਲ੍ਹੋ
Morty Proxy This is a proxified and sanitized view of the page, visit original site.
ਕੋਈ ਮਦਦ ਮਿਲੀ?
ਅੱਖਰ ਸੀਮਾ: 250
ਵੱਧ ਤੋਂ ਵੱਧ ਅੱਖਰ ਸੀਮਾ 250 ਹੈ
ਫ਼ੀਡਬੈਕ ਲਈ ਤੁਹਾਡਾ ਧੰਨਵਾਦ।
Morty Proxy This is a proxified and sanitized view of the page, visit original site.