iPadOS 26
iPadOS 18
ਇਸ ਕੰਟਰੋਲ ਦੀ ਸੋਧ ਕਰਨ ਨਾਲ ਇਹ ਪੰਨਾ ਆਪਣੇ ਆਪ ਅੱਪਡੇਟ ਹੋ ਜਾਵੇਗਾ

iPad ’ਤੇ ਆਪਣੇ ਨੋਟਸ ਲੌਕ ਨੂੰ ਕਰਨਾ

ਨੋਟਸ ਐਪ ਵਿੱਚ, ਤੁਸੀਂ ਆਪਣੀ ਸੰਵੇਦਨਸ਼ੀਲ ਜਾਣਕਾਰੀ ਨੂੰ ਸੁਰੱਖਿਅਤ ਰੱਖਣ ਲਈ ਨੋਟਸ ਨੂੰ ਲੌਕ ਕਰ ਸਕਦੇ ਹੋ। ਤੁਸੀਂ ਆਪਣੇ ਡਿਵਾਈਸ ਦੇ ਪਾਸਕੋਡ ਜਾਂ ਵਿਉਂਤੇ ਪਾਸਵਰਡ ਦੀ ਵਰਤੋਂ ਕਰ ਕੇ ਆਪਣੇ ਲੌਕ ਕੀਤੇ ਨੋਟਸ ਨੂੰ ਐਕਸੈੱਸ ਕਰ ਸਕਦੇ ਹੋ। ਜੇਕਰ ਤੁਹਾਡੇ ਕਈ ਨੋਟਸ ਖਾਤੇ ਹਨ, ਤਾਂ ਤੁਸੀਂ ਹਰੇਕ ਖਾਤੇ (ਉਦਾਹਰਨ ਲਈ, ਤੁਹਾਡੇ iCloud ਖਾਤੇ ਲਈ) ਲਈ ਲੌਕ ਕਰਨ ਦੀ ਵਿਧੀ ਚੁਣ ਸਕਦੇ ਹੋ।

ਆਪਣੇ ਡਿਵਾਈਸ ਦੇ ਪਾਸਕੋਡ ਨਾਲ ਨੋਟਸ ਲੌਕ ਕਰੋ

ਜੇਕਰ ਤੁਸੀਂ ਲੌਕ ਕੀਤੇ ਨੋਟਸ ਨੂੰ ਐਕਸੈੱਸ ਕਰਨ ਲਈ ਆਪਣੇ ਡਿਵਾਈਸ ਦੇ ਪਾਸਕੋਡ ਦੀ ਵਰਤੋਂ ਕਰਦੇ ਹੋ, ਤਾਂ ਤੁਹਾਨੂੰ ਕੋਈ ਵੱਖਰਾ ਪਾਸਵਰਡ ਬਣਾਉਣ ਅਤੇ ਯਾਦ ਰੱਖਣ ਦੀ ਲੋੜ ਨਹੀਂ ਪੈਂਦੀ ਜਿਸ ਨਾਲ ਤੁਹਾਡੇ ਲੌਕ ਕੀਤੇ ਨੋਟਸ ਦਾ ਐਕਸੈੱਸ ਗੁਆਚ ਜਾਣ ਦੀ ਸੰਭਾਵਨਾ ਘਟ ਜਾਂਦੀ ਹੈ। ਜੇਕਰ ਤੁਸੀਂ ਆਪਣੇ ਡਿਵਾਈਸ ਦੇ ਪਾਸਕੋਡ ਦੀ ਵਰਤੋਂ ਕਰਦੇ ਹੋ, ਤਾਂ ਤੁਸੀਂ ਆਪਣੇ ਲੌਕ ਕੀਤੇ ਨੋਟਸ ਨੂੰ ਐਕਸੈੱਸ ਕਰਨ ਲਈ Face ID ਜਾਂ Touch ID ਦੀ ਵਰਤੋਂ ਵੀ ਕਰ ਸਕਦੇ ਹੋ।

ਜੇਕਰ ਤੁਸੀਂ ਇੱਕੋ Apple ਖਾਤੇ ਨਾਲ ਕਈ ਡਿਵਾਈਸਾਂ ‘ਤੇ ਸਾਈਨ ਇਨ ਕੀਤਾ ਹੈ, ਤਾਂ ਤੁਸੀਂ ਹਰੇਕ ਡਿਵਾਈਸ ਦੇ ਪਾਸਕੋਡ (ਜਾਂ Mac ਲਈ ਲੌਗਇਨ ਪਾਸਵਰਡ) ਦੀ ਵਰਤੋਂ ਕਰ ਕੇ ਉਸ ਡਿਵਾਈਸ ‘ਤੇ ਆਪਣੇ ਲੌਕ ਕੀਤੇ ਨੋਟਸ ਐਕਸੈੱਸ ਕਰ ਸਕਦੇ ਹੋ।

ਡਿਵਾਈਸ ਦੇ ਪਾਸਕੋਡ ਨਾਲ ਲੌਕ ਕੀਤੇ ਨੋਟਸ ਐਕਸੈੱਸ ਕਰਨ ਲਈ OS 16, iPadOS 16, macOS 13 ਜਾਂ ਇਸ ਤੋਂ ਬਾਅਦ ਦੇ ਸੰਸਕਰਨਾਂ ਦੀ ਵਰਤੋਂ ਕਰਨੀ ਲਾਜ਼ਮੀ ਹੈ। OS ਦੇ ਪੁਰਾਣੇ ਸੰਸਕਰਨ ਵਾਲੇ ਡਿਵਾਈਸਾਂ ‘ਤੇ ਤੁਸੀਂ ਲੌਕ ਕੀਤੇ ਨੋਟਸ ਐਕਸੈੱਸ ਨਹੀਂ ਕਰ ਸਕੋਗੇ।

  1. ਆਪਣੇ iPad ’ਤੇ ਸੈਟਿੰਗਾਂ ਐਪ  ’ਤੇ ਜਾਓ।

  2. ਐਪਾਂ ’ਤੇ ਟੈਪ ਕਰੋ, ਫਿਰ ਨੋਟਸ ’ਤੇ ਟੈਪ ਕਰੋ।

  3. “ਪਾਸਵਰਡ” ‘ਤੇ ਟੈਪ ਕਰੋ।

  4. ਜੇਕਰ ਤੁਹਾਡੇ ਕੋਲ ਕਈ ਖਾਤੇ ਹਨ, ਤਾਂ ਉਹ ਖਾਤਾ ਜਿਸ ਲਈ ਤੁਸੀਂ ਪਾਸਵਰਡ ਸੈੱਟ ਕਰਨਾ ਚਾਹੁੰਦੇ ਹੋ।

  5. “ਡਿਵਾਈਸ ਦੇ ਪਾਸਕੋਡ ਦੀ ਵਰਤੋਂ ਕਰੋ” ‘ਤੇ ਟੈਪ ਕਰੋ।

  6. ਵਧੇਰੇ ਸਹੂਲਤ ਲਈ, ਤੁਸੀਂ Face ID ਜਾਂ Touch ID ਨੂੰ ਵੀ ਚਾਲੂ ਕਰ ਸਕਦੇ ਹੋ।

ਨੋਟਸ ਨੂੰ ਵਿਉਂਤੇ ਪਾਸਵਰਡ ਨਾਲ ਲੌਕ ਕਰੋ

ਲੌਕ ਕੀਤੇ ਨੋਟਸ ਲਈ ਵਿਉਂਤਿਆ ਪਾਸਵਰਡ ਬਣਾਉਣਾ ਵਧੇਰੇ ਸੁਰੱਖਿਆ ਪ੍ਰਦਾਨ ਕਰ ਸਕਦਾ ਹੈ, ਪਰ ਜੇਕਰ ਤੁਸੀਂ ਪਾਸਵਰਡ ਭੁੱਲ ਜਾਂਦੇ ਹੋ ਤਾਂ ਤੁਸੀਂ ਆਪਣੇ ਲੌਕ ਕੀਤੇ ਨੋਟਸ ਦਾ ਐਕਸੈੱਸ ਗੁਆ ਸਕਦੇ ਹੋ।

ਤੁਸੀਂ ਆਪਣੇ ਵਿਉਂਤੇ ਪਾਸਵਰਡ ਦੀ ਵਰਤੋਂ ਇੱਕੋ Apple ਖਾਤੇ ਨਾਲ ਸਾਈਨ ਇਨ ਕੀਤੇ ਸਾਰੇ ਡਿਵਾਈਸਾਂ ‘ਤੇ ਆਪਣੇ ਲੌਕ ਕੀਤੇ ਨੋਟਸ ਨੂੰ ਐਕਸੈੱਸ ਕਰਨ ਲਈ ਕਰਦੇ ਹੋ। ਜੇਕਰ ਤੁਹਾਡੇ ਕੋਲ ਇੱਕ ਤੋਂ ਵੱਧ iCloud ਖਾਤੇ ਜਾਂ “ਮੇਰੇ iPad ’ਤੇ” ਖਾਤਾ ਹੈ ਤਾਂ ਤੁਸੀਂ ਹਰੇਕ ਖਾਤੇ ਲਈ ਇੱਕ ਵੱਖਰਾ ਵਿਉਂਤਿਆ ਪਾਸਵਰਡ ਸੈੱਟ ਕਰ ਸਕਦੇ ਹੋ।

ਵਿਉਂਤੇ ਪਾਸਵਰਡ ਨਾਲ ਲੌਕ ਕੀਤੇ ਨੋਟਸ ਐਕਸੈੱਸ ਕਰਨ ਲਈ iOS 9.3, iPadOS 13, OS X 10.11.4 ਜਾਂ ਇਸ ਤੋਂ ਬਾਅਦ ਦੇ ਸੰਸਕਰਨਾਂ ਦੀ ਵਰਤੋਂ ਕਰਨੀ ਲਾਜ਼ਮੀ ਹੈ। OS ਦੇ ਪੁਰਾਣੇ ਸੰਸਕਰਨ ਵਾਲੇ ਡਿਵਾਈਸਾਂ ‘ਤੇ ਤੁਸੀਂ ਨੋਟਸ ਨਹੀਂ ਦੇਖ ਸਕੋਗੇ।

  1. ਆਪਣੇ iPad ’ਤੇ ਸੈਟਿੰਗਾਂ ਐਪ  ’ਤੇ ਜਾਓ।

  2. ਐਪਾਂ ’ਤੇ ਟੈਪ ਕਰੋ, ਫਿਰ ਨੋਟਸ ’ਤੇ ਟੈਪ ਕਰੋ।

  3. “ਪਾਸਵਰਡ” ‘ਤੇ ਟੈਪ ਕਰੋ।

  4. ਜੇਕਰ ਤੁਹਾਡੇ ਕੋਲ ਕਈ ਖਾਤੇ ਹਨ, ਤਾਂ ਉਹ ਖਾਤਾ ਜਿਸ ਲਈ ਤੁਸੀਂ ਪਾਸਵਰਡ ਸੈੱਟ ਕਰਨਾ ਚਾਹੁੰਦੇ ਹੋ।

  5. “ਵਿਉਂਤੇ ਪਾਸਵਰਡ ਦੀ ਵਰਤੋਂ ਕਰੋ” ‘ਤੇ ਟੈਪ ਕਰੋ।

  6. ਵਧੇਰੇ ਸਹੂਲਤ ਲਈ, ਤੁਸੀਂ Face ID ਜਾਂ Touch ID ਨੂੰ ਵੀ ਚਾਲੂ ਕਰ ਸਕਦੇ ਹੋ।

    Face ID ਜਾਂ Touch ID ‘ਤੇ ਆਪਣੇ ਨੋਟਸ ਨੂੰ ਅਨਲੌਕ ਕਰਨ ਦੇ ਇੱਕੋ-ਇੱਕ ਸਾਧਨ ਵਜੋਂ ਭਰੋਸਾ ਨਾ ਕਰੋ। ਜੇਕਰ ਤੁਸੀਂ ਆਪਣੀ Face ID ਜਾਂ Touch ID ਸੈਟਿੰਗਾਂ ਨੂੰ ਅੱਪਡੇਟ ਕਰਦੇ ਹੋ ਜਾਂ ਆਪਣੀ ਨੋਟਸ ਐਪ ਪਾਸਵਰਡ ਬਦਲਣਾ ਚਾਹੁੰਦੇ ਹੋ, ਤਾਂ ਤੁਹਾਨੂੰ ਆਪਣੀ ਨੋਟਸ ਐਪ ਦਾ ਪਾਸਵਰਡ ਮੁੜ-ਦਾਖ਼ਲ ਕਰਨਾ ਪਵੇਗਾ।

ਮਹੱਤਵਪੂਰਨ: ਜੇਕਰ ਤੁਸੀਂ ਆਪਣਾ ਵਿਉਂਤਿਆ ਪਾਸਵਰਡ ਭੁੱਲ ਜਾਂਦੇ ਹੋ ਅਤੇ ਤੁਸੀਂ ਆਪਣੇ ਲੌਕ ਕੀਤੇ ਨੋਟਸ ਨੂੰ ਐਕਸੈੱਸ ਕਰਨ ਲਈ Face ID ਜਾਂ Touch ID ਦੀ ਵਰਤੋਂ ਨਹੀਂ ਕਰ ਪਾ ਰਹੇ, ਤਾਂ Apple ਵੱਲੋਂ ਉਹਨਾਂ ਨੋਟਸ ਦਾ ਐਕਸੈੱਸ ਮੁੜ-ਪ੍ਰਾਪਤ ਕਰਨ ਵਿੱਚ ਤੁਹਾਡੀ ਮਦਦ ਨਹੀਂ ਕੀਤੀ ਜਾ ਸਕਦੀ।

ਤੁਸੀਂ ਆਪਣਾ ਵਿਉਂਤਿਆ ਪਾਸਵਰਡ ਰੀਸੈੱਟ ਕਰ ਸਕਦੇ ਹੋ, ਪਰ ਇਸ ਨਾਲ ਤੁਹਾਨੂੰ ਪਹਿਲਾਂ ਤੋਂ ਲੌਕ ਕੀਤੇ ਨੋਟਸ ਦਾ ਐਕਸੈੱਸ ਨਹੀਂ ਮਿਲਦਾ। ਨਵਾਂ ਵਿਉਂਤਿਆ ਪਾਸਵਰਡ ਹੁਣ ਤੋਂ ਤੁਹਾਡੇ ਵੱਲੋਂ ਲੌਕ ਕੀਤੇ ਸਾਰੇ ਨੋਟਾਂ ਉੱਤੇ ਲਾਗੂ ਹੋਵੇਗਾ। ਸੈਟਿੰਗਾਂ > ਐਪਾਂ > ਨੋਟਸ ‘ਤੇ ਜਾਓ, ਫਿਰ ਪਾਸਵਰਡ > ਪਾਸਵਰਡ ਰੀਸੈੱਟ ਕਰੋ ‘ਤੇ ਟੈਪ ਕਰੋ।

Apple ਸਹਾਇਤਾ ਲੇਖ ਆਪਣੇ iPhone ਜਾਂ iPad ‘ਤੇ ਨੋਟਸ ਨੂੰ ਲੌਕ ਜਾਂ ਅਨਲੌਕ ਕਿਵੇਂ ਕਰਨਾ ਹੈ ਦੇਖੋ।

ਲੌਕਿੰਗ ਵਿਧੀ ਬਦਲੋ

ਜੇਕਰ ਤੁਸੀਂ ਵਿਉਂਤੇ ਪਾਸਵਰਡ ਦੀ ਵਰਤੋਂ ਕਰ ਰਹੇ ਹੋ, ਤਾਂ ਤੁਸੀਂ ਸਵਿੱਚ ਕਰ ਕੇ ਆਪਣੇ ਡਿਵਾਈਸ ਦੇ ਪਾਸਕੋਡ ਦੀ ਵਰਤੋਂ ਕਰ ਸਕਦੇ ਹੋ। ਜਦੋਂ ਤੁਸੀਂ ਲੌਕ ਕਰਨ ਦੀ ਵਿਧੀ ਬਦਲ ਦਿੰਦੇ ਹੋ, ਤਾਂ ਤੁਹਾਡੇ ਵੱਲੋਂ ਐਕਸੈੱਸ ਪਿਛਲੀ ਵਿਧੀ ਨਾਲ ਕੀਤੇ ਨੋਟਸ ਨਵੀਂ ਵਿਧੀ ਦੀ ਵਰਤੋਂ ਕਰਨੀ ਸ਼ੁਰੂ ਕਰ ਦਿੰਦੇ ਹਨ।

  1. ਆਪਣੇ iPad ’ਤੇ ਸੈਟਿੰਗਾਂ ਐਪ  ’ਤੇ ਜਾਓ।

  2. ਐਪਾਂ ’ਤੇ ਟੈਪ ਕਰੋ, ਫਿਰ ਨੋਟਸ ’ਤੇ ਟੈਪ ਕਰੋ।

  3. “ਪਾਸਵਰਡ” ‘ਤੇ ਟੈਪ ਕਰੋ, ਕੋਈ ਖਾਤਾ ਚੁਣੋ (ਜੇਕਰ ਤੁਹਾਡੇ ਕੋਲ ਇੱਕ ਤੋਂ ਵੱਧ ਖਾਤੇ ਹਨ), ਫਿਰ “ਡਿਵਾਈਸ ਦੇ ਪਾਸਕੋਡ ਦੀ ਵਰਤੋਂ ਕਰੋ” ‘ਤੇ ਟੈਪ ਕਰੋ।

ਨੋਟ ਲੌਕ ਕਰੋ

ਤੁਸੀਂ ਸਿਰਫ਼ ਆਪਣੇ ਡਿਵਾਈਸ ਦੇ ਨੋਟ ਅਤੇ iCloud ਵਿਚਲੇ ਆਪਣੇ ਨੋਟਸ ਲੌਕ ਕਰ ਸਕਦੇ ਹੋ। ਤੁਸੀਂ ਉਹ ਨੋਟਸ ਲੌਕ ਨਹੀਂ ਕਰ ਸਕਦੇ ਜਿਨ੍ਹਾਂ ਵਿੱਚ ਟੈਗ, PDF, ਆਡੀਓ, ਵੀਡੀਓ, Keynote, Pages ਜਾਂ Numbers ਅਟੈਚਮੈਂਟਾਂ ਸ਼ਾਮਲ ਹਨ। ਤੁਸੀਂ ਹੋਰ ਖਾਤਿਆਂ ਨਾਲ ਸਿੰਕ ਹੋਣ ਵਾਲੇ ਨੋਟਸ ਜਾਂ ਕੁਇੱਕ ਨੋਟਸ ਵੀ ਲੌਕ ਨਹੀਂ ਕਰ ਸਕਦੇ। ਤੁਸੀਂ iCloud ਵਿੱਚ ਸਾਂਝਾ ਕੀਤਾ ਨੋਟ ਲੌਕ ਨਹੀਂ ਕਰ ਸਕਦੇ।

  1. ਆਪਣੇ iPad ’ਤੇ ਨੋਟਸ ਐਪ ’ਤੇ ਜਾਓ।

  2. ਨੋਟ ਖੋਲ੍ਹੋ, ਫਿਰ “ਨੋਟ ਐਕਸ਼ਨ” ਬਟਨ (ਸਿਖਰਲੇ-ਸੱਜੇ ਕੋਨੇ ’ਤੇ) ’ਤੇ ਟੈਪ ਕਰੋ।

  3. “ਲੌਕ ਕਰੋ” ’ਤੇ ਟੈਪ ਕਰੋ, ਫਿਰ ਸਕਰੀਨ ’ਤੇ ਦਿੱਤੇ ਨਿਰਦੇਸ਼ਾਂ ਦੀ ਪਾਲਣਾ ਕਰੋ।

ਨੋਟ ਲੌਕ ਹੋਣ ‘ਤੇ ਨੋਟਸ ਸੂਚੀ ਵਿੱਚ ਸਿਰਲੇਖ ਦਿਖਾਈ ਦਿੰਦਾ ਰਹਿੰਦਾ ਹੈ।

ਕਿਸੇ ਨੋਟ ਤੋਂ ਲੌਕ ਹਟਾਉਣ ਲਈ “ਨੋਟ ਐਕਸ਼ਨ” ਬਟਨ (ਸਿਖਰਲੇ-ਸੱਜੇ ਕੋਨੇ ’ਤੇ) ’ਤੇ ਟੈਪ ਕਰੋ, ਫਿਰ “ਹਟਾਓ” ’ਤੇ ਟੈਪ ਕਰੋ।

ਆਪਣੇ ਲੌਕ ਕੀਤੇ ਨੋਟਸ ਖੋਲ੍ਹੋ

ਲੌਕ ਕੀਤੇ ਨੋਟ ਨੂੰ ਖੋਲ੍ਹਣ ਨਾਲ ਤੁਹਾਡੇ ਇੱਕੋ ਖਾਤੇ ਵਾਲੇ ਸਾਰੇ ਲੌਕ ਕੀਤੇ ਨੋਟ ਕੁਝ ਮਿੰਟਾਂ ਲਈ ਖੁੱਲ੍ਹ ਜਾਂਦੇ ਹਨ ਤਾਂ ਜੋ ਤੁਸੀਂ ਆਸਾਨੀ ਨਾਲ ਦੂਜੇ ਨੋਟ ਵਿੱਚ ਜਾ ਸਕੋ ਜਾਂ ਹੋਰ ਐਪਾਂ ਤੋਂ ਜਾਣਕਾਰੀ ਕਾਪੀ ਕਰ ਕੇ ਪੇਸਟ ਕਰ ਸਕੋ।

  1. ਆਪਣੇ iPad ’ਤੇ ਨੋਟਸ ਐਪ ’ਤੇ ਜਾਓ।

  2. ਲੌਕ ਕੀਤੇ ਨੋਟ ‘ਤੇ ਟੈਪ ਕਰੋ, ਫਿਰ “ਵਾਪਸ ਜਾਓ” ਬਟਨ ਜਾਂ “ਨੋਟ ਦੇਖੋ” ’ਤੇ ਟੈਪ ਕਰੋ।

  3. ਨੋਟ ਖੋਲ੍ਹਣ ਲਈ Face ID, Touch ID, ਆਪਣੇ ਡਿਵਾਈਸ ਦੇ ਪਾਸਕੋਡ ਜਾਂ ਆਪਣੇ ਨੋਟਸ ਪਾਸਵਰਡ ਦੀ ਵਰਤੋਂ ਕਰੋ।

ਆਪਣੇ ਨੋਟਸ ਦੁਬਾਰਾ ਲੌਕ ਕਰਨ ਲਈ, ਹੇਠ ਲਿਖਿਆਂ ਵਿੱਚੋਂ ਕੋਈ ਵੀ ਕੰਮ ਕਰੋ:

  • ਸਕਰੀਨ ਦੇ ਸਿਖਰ ’ਤੇ “ਅਨਲੌਕ ਕਰੋ” ਬਟਨ ’ਤੇ ਟੈਪ ਕਰੋ।

  • ਨੋਟਸ ਸੂਚੀ ਦੇ ਸਿਖਰ ’ਤੇ “ਹੁਣੇ ਲੌਕ ਕਰੋ” ’ਤੇ ਟੈਪ ਕਰੋ।

  • ਨੋਟਸ ਐਪ ਬੰਦ ਕਰੋ।

  • ਆਪਣੇ iPad ਨੂੰ ਲੌਕ ਕਰੋ।

ਇਹ ਵੀ ਦੇਖੋiPad ’ਤੇ ਆਪਣੀਆਂ ਨੋਟਸ ਸੈਟਿੰਗਾਂ ਬਦਲਣੀਆਂiPad ‘ਤੇ ਪਾਸਕੋਡ ਸੈੱਟ ਕਰੋ
Morty Proxy This is a proxified and sanitized view of the page, visit original site.
ਕੋਈ ਮਦਦ ਮਿਲੀ?
ਅੱਖਰ ਸੀਮਾ: 250
ਵੱਧ ਤੋਂ ਵੱਧ ਅੱਖਰ ਸੀਮਾ 250 ਹੈ
ਫ਼ੀਡਬੈਕ ਲਈ ਤੁਹਾਡਾ ਧੰਨਵਾਦ।
Morty Proxy This is a proxified and sanitized view of the page, visit original site.