iPad ’ਤੇ ਐਪਾਂ ਨਾਲ Siri ਦੀ ਵਰਤੋਂ ਕਰਨੀ

ਤੁਸੀਂ ਆਪਣੀ ਆਵਾਜ਼ ਨਾਲ ਰੋਜ਼ਾਨਾ ਦੇ ਕੰਮਾਂ ਅਤੇ ਸ਼ੌਰਟਕੱਟਾਂ ਨੂੰ ਪੂਰਾ ਕਰਨ ਵਿੱਚ ਤੁਹਾਡੀ ਮਦਦ ਕਰਨ ਲਈ Siri ਨੂੰ ਐਪਾਂ ਵਿੱਚ ਕਾਰਵਾਈਆਂ ਨੂੰ ਪੂਰਾ ਕਰਨ ਲਈ ਕਹਿ ਸਕਦੇ ਹੋ। ਜਦੋਂ ਤੁਸੀਂ ”Siri ਦੇ ਸੁਝਾਅ” ਨੂੰ ਚਾਲੂ ਕਰਦੇ ਹੋ, ਤਾਂ ਤੁਹਾਡੀਆਂ ਐਪਾਂ ਵਿੱਚ ਪੁੱਛਣ ਤੋਂ ਪਹਿਲਾਂ ਹੀ ਤੁਹਾਨੂੰ ਸੁਝਾਏ ਗਏ ਐਕਸ਼ਨ ਵੀ ਪ੍ਰਾਪਤ ਹੋ ਸਕਦੇ ਹਨ। ਟਿਕਾਣਾ ਸੇਵਾਵਾਂ ਚਾਲੂ ਹੋਣ ’ਤੇ, Siri ਵੱਲੋਂ ਟਿਕਾਣੇ ਦੇ ਆਧਾਰ ’ਤੇ ਵੀ ਜਾਣਕਾਰੀ ਪ੍ਰਦਾਨ ਕੀਤੀ ਜਾਂਦੀ ਹੈ, ਜਿਵੇਂ ਕਿ ਜਦੋਂ ਤੁਸੀਂ ਕਿਸੇ ਖ਼ਾਸ ਟਿਕਾਣੇ ਤੋਂ ਜਾਂਦੇ ਹੋ ਤਾਂ ਤੁਹਾਨੂੰ ਕਿਸੇ ਚੀਜ਼ ਬਾਰੇ ਯਾਦ ਕਰਵਾਉਣਾ। ਤੁਸੀਂ ਐਪਾਂ ਵਿੱਚ ਵੀ Siri ਸੁਝਾਵਾਂ ਦੀ ਵਰਤੋਂ ਕਰ ਸਕਦੇ ਹੋ।

ਆਪਣੀਆਂ ਸਾਰੀਆਂ ਐਪਾਂ ਵਿੱਚ Siri ਦੀ ਵਰਤੋਂ ਕਰਨੀ

Siri: ਆਪਣੇ iPad ’ਤੇ, Siri ਨੂੰ ਕਿਰਿਆਸ਼ੀਲ ਕਰੋ, ਫਿਰ ਹੇਠਾਂ ਦਿੱਤੇ ਵਿਚਾਰਾਂ ਨੂੰ ਉਹਨਾਂ ਬੇਨਤੀਆਂ ਲਈ ਦੇਖੋ ਜੋ ਤੁਸੀਂ ਕਰ ਸਕਦੇ ਹੋ।

ਰਿਮਾਈਂਡਰ

ਕੋਈ ਰਿਮਾਈਂਡਰ ਜੋੜੋ

ਕਰਿਆਨੇ ਦੀ ਸੂਚੀ ਵਿੱਚ ਕੋਈ ਸਮੱਗਰੀ ਜੋੜਨ ਜਾਂ ਤੁਹਾਨੂੰ ਕਿਸੇ ਖ਼ਾਸ ਸਮੇਂ ਜਾਂ ਸਥਾਨ ’ਤੇ ਕੁਝ ਕਰਨ ਲਈ ਯਾਦ ਕਰਵਾਉਣ ਲਈ Siri ਤੋਂ ਪੁੱਛੋ। ਉਦਾਹਰਨ ਲਈ, “Add artichokes to my groceries list.” ਜਾਂ “Remind me to pack an umbrella when I get home.”

ਘੜੀ

ਕਿਸੇ ਅਲਾਰਮ ਜਾਂ ਟਾਈਮਰ ਨੂੰ ਸੈੱਟ ਕਰੋ

ਅਲਾਰਮ ਅਤੇ ਟਾਈਮਰ ਸੈੱਟ ਕਰਨ ਲਈ Siri ਤੋਂ ਪੁੱਛੋ। ਉਦਾਹਰਨ ਲਈ, “Set an alarm for 7 a.m.” ਜਾਂ “Set the timer for 3 minutes.”

ਕੈਲੰਡਰ

ਕੈਲੰਡਰ ਇਵੈਂਟ ਬਣਾਓ ਜਾਂ ਬਦਲੋ

ਕੈਲੰਡਰ ਇਵੈਂਟ ਸੈੱਟ ਅੱਪ ਕਰਨ ਲਈ Siri ਤੋਂ ਪੁੱਛੋ। ਉਦਾਹਰਨ ਲਈ, “Set up a meeting with Gordon at 9” ਜਾਂ “What’s on my calendar for Friday?”

ਪਾਸਵਰਡ

ਆਪਣੇ ਪਾਸਵਰਡ ਦੇਖੋ

ਆਪਣੇ ਪਾਸਵਰਡ ਦੇਖਣ ਲਈ Siri ਤੋਂ ਪੁੱਛੋ। ਉਦਾਹਰਨ ਲਈ, “Show me my passwords.”

ਸਟੌਕਸ

ਸਟੌਕਸ ਬਾਰੇ ਜਾਣਕਾਰੀ ਪ੍ਰਾਪਤ ਕਰੋ

ਸਟੌਕ ਮਾਰਕੀਟ ਬਾਰੇ ਜਾਣਕਾਰੀ ਪ੍ਰਾਪਤ ਕਰਨ ਲਈ Siri ਤੋਂ ਪੁੱਛੋ। ਉਦਾਹਰਨ ਲਈ, “How are the markets doing?” ਜਾਂ “How’s Apple stock today?”

ਵੈੱਬਪੰਨੇ ਨੂੰ ਸੁਣਨ ਲਈ Siri ਦੀ ਵਰਤੋਂ ਕਰੋ

ਤੁਸੀਂ Safari ਐਪ ਵਿੱਚ ਸਮਰਥਿਤ ਵੈੱਬਪੰਨਿਆਂ ਨੂੰ ਉੱਚੀ ਆਵਾਜ਼ ਵਿੱਚ ਪੜ੍ਹਨ ਲਈ Siri ਦੀ ਵਰਤੋਂ ਕਰ ਸਕਦੇ ਹੋ।

Siri: Siri ਤੋਂ ਕੁਝ ਇਸ ਤਰ੍ਹਾਂ ਪੁੱਛੋ, “Read this” ਜਾਂ “I want to listen to this page.”

ਜਾਂ Siri ਦੀ ਵਰਤੋਂ ਕੀਤੇ ਬਿਨਾਂ:

  1. ਆਪਣੇ iPad 'ਤੇ Safari ਐਪ ‘ਤੇ ਜਾਓ।

  2. ਉਹ ਪੰਨਾ ਖੋਲ੍ਹੋ ਜਿਸ ਨੂੰ ਤੁਸੀਂ ਸੁਣਨਾ ਚਾਹੁੰਦੇ ਹੋ, “ਪੰਨਾ ਸੈਟਿੰਗਾਂ” ਬਟਨ ’ਤੇ ਟੈਪ ਕਰੋ, ਫਿਰ ”ਪੰਨਾ ਸੁਣੋ” ’ਤੇ ਟੈਪ ਕਰੋ।

ਵੈੱਬਪੰਨੇ ਨੂੰ ਸੁਣਨ ਦੌਰਾਨ “ਸੁਣਨ ਸੰਬੰਧੀ ਕੰਟਰੋਲ” ਬਟਨ ’ਤੇ ਟੈਪ ਕਰੋ, ਫਿਰ “ਰੋਕੋ” ਬਟਨ ’ਤੇ ਟੈਪ ਕਰੋ।

ਦੁਬਾਰਾ ਸੁਣਨਾ ਸ਼ੁਰੂ ਕਰਨ ਲਈ “ਸੁਣਨ ਸੰਬੰਧੀ ਕੰਟਰੋਲ” ਬਟਨ ‘ਤੇ ਟੈਪ ਕਰੋ, ਫਿਰ “ਚਲਾਓ” ਬਟਨ ‘ਤੇ ਟੈਪ ਕਰੋ।

ਆਪਣੀ ਸਿਹਤ ਅਤੇ ਤੰਦਰੁਸਤੀ ਦਾ ਧਿਆਨ ਰੱਖਣਾ

ਤੁਸੀਂ ਆਪਣੀ ਸਿਹਤ ਅਤੇ ਤੰਦਰੁਸਤੀ ਦਾ ਧਿਆਨ ਰੱਖਣ ਅਤੇ ਡੇਟਾ ਲੌਗ ਕਰਨ ਲਈ Siri ਦੀ ਵਰਤੋਂ ਕਰ ਸਕਦੇ ਹੋ।

Siri: ਸਮਰਥਿਤ ਮਾਡਲਾਂ ’ਤੇ, Siri ਨੂੰ ਕਿਰਿਆਸ਼ੀਲ ਕਰੋ, ਫਿਰ ਕੁਝ ਇਸ ਤਰ੍ਹਾਂ ਕਹੋ:

  • “How much did I sleep last night?”

  • “Log my 6AM medications as taken”

  • “Log that my period started today”

  • “What’s my heart rate?”

  • “How far have I walked today?”

Siri ਨੂੰ ਐਪਾਂ ਵਿੱਚ ਸੁਝਾਅ ਦੇਣ ਦੇਣਾ

Siri ਤੁਹਾਡੇ ਰੁਟੀਨਾਂ ਅਤੇ ਤੁਹਾਡੇ ਵੱਲੋਂ ਆਪਣੀਆਂ ਐਪਾਂ ਦੀ ਵਰਤੋਂ ਕਰਨ ਦੇ ਤਰੀਕੇ ਦੇ ਆਧਾਰ ‘ਤੇ, ਇਸ ਬਾਰੇ ਸੁਝਾਅ ਦਿੰਦਾ ਹੈ ਕਿ ਤੁਸੀਂ ਅੱਗੇ ਕੀ ਕਰਨਾ ਚਾਹੁੰਦੇ ਹੋ, ਜਿਵੇਂ ਕਿ ਮੁਲਾਕਾਤ ਦੀ ਪੁਸ਼ਟੀ ਕਰਨਾ।

ਉਦਾਹਰਨ ਲਈ, Siri ਹੇਠ ਲਿਖਿਆਂ ਵਿੱਚੋਂ ਕੋਈ ਵੀ ਕੰਮ ਕਰਨ ‘ਤੇ ਤੁਹਾਡੀ ਮਦਦ ਕਰ ਸਕਦਾ ਹੈ:

  • ਲੌਕ ਸਕਰੀਨ ‘ਤੇ ਨਜ਼ਰ ਮਾਰੋ ਜਾਂ ਖੋਜ ਸ਼ੁਰੂ ਕਰੋ: ਜਿਵੇਂ ਜਿਵੇਂ Siri ਤੁਹਾਡੇ ਰੁਟੀਨ ਨੂੰ ਸਿੱਖਦਾ ਹੈ, ਤੁਹਾਨੂੰ ਸਹੀ ਸਮੇਂ ‘ਤੇ, ਤੁਹਾਨੂੰ ਲੋੜੀਂਦੀਆਂ ਚੀਜ਼ਾਂ ਲਈ ਸੁਝਾਅ ਮਿਲਦੇ ਹਨ।

  • ਈਮੇਲ ਅਤੇ ਇਵੈਂਟ ਬਣਾਓ: ਜਦੋਂ ਤੁਸੀਂ ਕਿਸੇ ਈਮੇਲ ਜਾਂ ਕੈਲੰਡਰ ਇਵੈਂਟ ਵਿੱਚ ਲੋਕਾਂ ਨੂੰ ਸ਼ਾਮਲ ਕਰਨਾ ਸ਼ੁਰੂ ਕਰਦੇ ਹੋ, Siri ਉਹਨਾਂ ਲੋਕਾਂ ਨੂੰ ਸੁਝਾਅ ਦਿੰਦਾ ਹੈ ਜਿਨ੍ਹਾਂ ਨੂੰ ਤੁਸੀਂ ਪਿਛਲੀਆਂ ਈਮੇਲਾਂ ਜਾਂ ਇਵੈਂਟਾਂ ਵਿੱਚ ਸ਼ਾਮਲ ਕੀਤਾ ਸੀ।

  • ਟਾਈਪ ਕਰਨ ਲਈ: ਟੈਕਸਟ ਭਰਦੇ ਸਮੇਂ Siri ਵੱਲੋਂ ਫ਼ਿਲਮਾਂ ਦੇ ਨਾਮ, ਥਾਵਾਂ ਜਾਂ iPad ’ਤੇ ਤੁਸੀਂ ਹਾਲ ਹੀ ਵਿੱਚ ਜੋ ਵੀ ਦੇਖਿਆ ਹੈ ਉਸ ਦੇ ਸੁਝਾਅ ਦਿੱਤੇ ਜਾ ਸਕਦੇ ਹਨ। ਜੇਕਰ ਤੁਸੀਂ ਕਿਸੇ ਦੋਸਤ ਨੂੰ ਦੱਸਦੇ ਹੋ ਕਿ ਤੁਸੀਂ ਆਪਣੇ ਰਸਤੇ ਵਿੱਚ ਹੋ, ਤਾਂ Siri ਤੁਹਾਡੇ ਆਉਣ ਦੇ ਅਨੁਮਾਨਿਤ ਸਮੇਂ ਦਾ ਵੀ ਸੁਝਾਅ ਦੇ ਸਕਦਾ ਹੈ।

  • ਮੁਲਾਕਾਤ ਦੀ ਪੁਸ਼ਟੀ ਕਰੋ ਜਾਂ ਯਾਤਰਾ ਵੈੱਬਸਾਈਟ ‘ਤੇ ਫ਼ਲਾਈਟ ਬੁੱਕ ਕਰੋ: (iPad Air 2 ਅਤੇ ਬਾਅਦ ਵਾਲੇ ਸੰਸਕਰਨ ਵਿੱਚ) Siri ਪੁੱਛਦਾ ਹੈ ਕਿ ਕੀ ਤੁਸੀਂ ਇਸ ਨੂੰ ਆਪਣੇ ਕੈਲੰਡਰ ਵਿੱਚ ਸ਼ਾਮਲ ਕਰਨਾ ਚਾਹੁੰਦੇ ਹੋ।

ਕਿਸੇ ਐਪ ਲਈ Siri ਦੇ ਸੁਝਾਅ ਬੰਦ ਕਰਨ ਲਈ, ਦੇਖੋ: Siri ਦੇ ਸੁਝਾਅ ਨੂੰ ਚਾਲੂ ਜਾਂ ਬੰਦ ਕਰਨਾ।

Siri ਨਾਲ ਸ਼ੌਰਟਕੱਟ ਚਲਾਉਣੇ

ਐਪਾਂ ਉਹਨਾਂ ਚੀਜ਼ਾਂ ਲਈ ਸ਼ੌਰਟਕੱਟ ਪੇਸ਼ ਕਰ ਸਕਦੀਆਂ ਹਨ ਜੋ ਤੁਸੀਂ ਅਕਸਰ ਕਰਦੇ ਹੋ। ਤੁਸੀਂ ਸਿਰਫ਼ ਆਪਣੀ ਆਵਾਜ਼ ਨਾਲ ਇਹਨਾਂ ਸ਼ੌਰਟਕੱਟਾਂ ਨੂੰ ਸ਼ੁਰੂ ਕਰਨ ਲਈ Siri ਦੀ ਵਰਤੋਂ ਕਰ ਸਕਦੇ ਹੋ। ਕੁਝ ਐਪਾਂ ਵਿੱਚ Siri ਸ਼ੌਰਟਕੱਟ ਆਟੋਮੈਟਿਕਲੀ ਸੈੱਟ ਅੱਪ ਹੁੰਦੇ ਹਨ। ਤੁਸੀਂ ਆਪਣੇ ਵੀ ਬਣਾ ਸਕਦੇ ਹੋ।

ਸ਼ੌਰਟਕੱਟ ਲਈ ਸੁਝਾਅ ਮਿਲਣ ‘ਤੇ “Siri ਵਿੱਚ ਜੋੜੋ” ‘ਤੇ ਟੈਪ ਕਰੋ, ਫਿਰ ਆਪਣੀ ਪਸੰਦ ਦੇ ਵਾਕਾਂਸ਼ ਨੂੰ ਰਿਕਾਰਡ ਕਰਨ ਲਈ ਸਕਰੀਨ ਉੱਪਰ ਦਿੱਤੇ ਨਿਰਦੇਸ਼ਾਂ ਦੀ ਪਾਲਣਾ ਕਰੋ ਜੋ ਸ਼ੌਰਟਕੱਟ ਦਿਖਾਉਂਦਾ ਹੈ।

ਆਪਣੇ iPad ’ਤੇ ਆਪਣੀ ਆਵਾਜ਼ ਨਾਲ ਸ਼ੌਰਟਕੱਟ ਚਲਾਉਣ ਲਈ, Siri ਨੂੰ ਕਿਰਿਆਸ਼ੀਲ ਕਰੋ, ਫਿਰ ਸ਼ੌਰਟਕੱਟ ਲਈ ਆਪਣਾ ਵਾਕੰਸ਼ ਬੋਲੋ।

ਤੁਸੀਂ ਨਵਾਂ ਸ਼ੌਰਟਕੱਟ ਬਣਾਉਣ ਲਈ ਸ਼ੌਰਟਕੱਟ ਐਪ ਦੀ ਵਰਤੋਂ ਕਰ ਸਕਦੇ ਹੋ ਜੋ Siri ਦੀ ਵਰਤੋਂ ਕਰਦਾ ਹੈ ਜਾਂ ਮੌਜੂਦਾ Siri ਸ਼ੌਰਟਕੱਟਾਂ ਨੂੰ ਪ੍ਰਬੰਧਿਤ ਕਰ ਸਕਦਾ ਹੈ, ਮੁੜ-ਰਿਕਾਰਡ ਕਰ ਸਕਦਾ ਹੈ ਅਤੇ ਡਿਲੀਟ ਕਰ ਸਕਦਾ ਹੈ। ਸ਼ੌਰਟਕੱਟਾਂ ਸੰਬੰਧੀ ਵਰਤੋਂਕਾਰ ਗਾਈਡ ਨੂੰ ਦੇਖੋ।

ਤੁਹਾਡੇ ਰੁਟੀਨਾਂ ਅਤੇ ਤੁਹਾਡੇ ਵੱਲੋਂ ਆਪਣੀਆਂ ਐਪਾਂ ਦੀ ਵਰਤੋਂ ਕਰਨ ਦੇ ਤਰੀਕੇ ਦੇ ਆਧਾਰ ‘ਤੇ, Siri ਹੋਮ ਸਕਰੀਨ, ਲੌਕ ਸਕਰੀਨ ਅਤੇ ਜਦੋਂ ਤੁਸੀਂ ਖੋਜ ਸ਼ੁਰੂ ਕਰਦੇ ਹੋ ਤਾਂ ਸ਼ੌਰਟਕੱਟ ਦਾ ਸੁਝਾਅ ਵੀ ਦਿੰਦਾ ਹੈ। ਕਿਸੇ ਐਪ ਲਈ ਸ਼ੌਰਟਕੱਟ ਸੁਝਾਵਾਂ ਨੂੰ ਬੰਦ ਕਰਨ ਲਈ Siri ਸੈਟਿੰਗਾਂ ਨੂੰ ਬਦਲਣਾ ਨੂੰ ਦੇਖੋ।

ਇਹ ਵੀ ਦੇਖੋiPad ’ਤੇ Siri ਦੀ ਵਰਤੋਂ ਕਿਵੇਂ ਕਰਨੀ ਹੈiPad ’ਤੇ Siri ਨੂੰ ਚਾਲੂ ਅਤੇ ਕਿਰਿਆਸ਼ੀਲ ਕਰਨਾ
Morty Proxy This is a proxified and sanitized view of the page, visit original site.
ਕੋਈ ਮਦਦ ਮਿਲੀ?
ਅੱਖਰ ਸੀਮਾ: 250
ਵੱਧ ਤੋਂ ਵੱਧ ਅੱਖਰ ਸੀਮਾ 250 ਹੈ
ਫ਼ੀਡਬੈਕ ਲਈ ਤੁਹਾਡਾ ਧੰਨਵਾਦ।
Morty Proxy This is a proxified and sanitized view of the page, visit original site.