iPadOS 26
iPadOS 18
ਇਸ ਕੰਟਰੋਲ ਦੀ ਸੋਧ ਕਰਨ ਨਾਲ ਇਹ ਪੰਨਾ ਆਪਣੇ ਆਪ ਅੱਪਡੇਟ ਹੋ ਜਾਵੇਗਾ

iPad ‘ਤੇ ਮੌਸਮ ਦੀ ਜਾਂਚ ਕਰਨਾ

ਆਪਣੇ ਮੌਜੂਦਾ ਟਿਕਾਣੇ ਲਈ ਮੌਸਮ ਦੀ ਜਾਂਚ ਕਰੋ। ਆਗਾਮੀ ਘੰਟੇਵਾਰ ਅਤੇ 10-ਦਿਨ ਦੇ ਪੂਰਵ-ਅਨੁਮਾਨ ਦੇਖੋ, ਮੌਸਮ ਸੰਬੰਧੀ ਗੰਭੀਰ ਜਾਣਕਾਰੀ ਅਤੇ ਹੋਰ ਬਹੁਤ ਕੁਝ ਦੇਖੋ।

ਮੌਸਮ ਐਪ, ਸਕਰੀਨ ਦੇ ਖੱਬੇ ਪਾਸੇ ਟਿਕਾਣਾ, ਮੌਜੂਦਾ ਤਾਪਮਾਨ, ਦਿਨ ਦਾ ਉੱਚ ਅਤੇ ਘੱਟ ਤਾਪਮਾਨ, ਘੰਟੇਵਾਰ ਪੂਰਵ ਅਨੁਮਾਨ ਅਤੇ 10-ਦਿਨਾਂ ਦਾ ਪੂਰਵ-ਅਨੁਮਾਨ ਅਤੇ ਸਕਰੀਨ ਦੇ ਸੱਜੇ ਪਾਸੇ ਵਰਖਣ ਦਾ ਨਕਸ਼ਾ ਅਤੇ ਹਵਾ ਦੀ ਗੁਣਵੱਤਾ ਦਾ ਪੈਮਾਨਾ ਦਿਖਾ ਰਹੀ ਹੈ।

ਨੋਟ: ਮੌਸਮ ਐਪ ਦੀਆਂ ਮੌਸਮ ਸੰਬੰਧੀ ਗੰਭੀਰ ਚੇਤਾਵਨੀਆਂ, ਹਵਾ ਦੀ ਗੁਣਵੱਤਾ, ਅਗਲੇ ਘੰਟੇ ਵਰਖਣ ਦੀ ਸੰਭਾਵਨਾ ਅਤੇ ਖ਼ਬਰਾਂ ਵਰਗੇ ਕੁਝ ਫ਼ੀਚਰ ਸਾਰੇ ਦੇਸ਼ਾਂ ਅਤੇ ਖੇਤਰਾਂ ਵਿੱਚ ਉਪਲਬਧ ਨਹੀਂ ਹਨ। ਮੌਸਮ ਐਪ ਦੇ ਡੇਟਾ ਸਰੋਤਾਂ ਬਾਰੇ ਜਾਣਨ ਲਈ, Apple ਸਹਾਇਤਾ ਲੇਖ ਮੌਸਮ ਐਪ ਵਿੱਚ ਫ਼ੀਚਰ ਦੀ ਉਪਲਬਧਤਾ ਅਤੇ ਡੇਟਾ ਸਰੋਤ ਨੂੰ ਦੇਖੋ।

ਸ਼ੁਰੂ ਕਰਨ ਤੋਂ ਪਹਿਲਾਂ

ਮੌਸਮ ਤੁਹਾਡੇ ਮੌਜੂਦਾ ਟਿਕਾਣੇ ਲਈ ਪੂਰਵ-ਅਨੁਮਾਨ ਪ੍ਰਾਪਤ ਕਰਨ ਲਈ ਟਿਕਾਣਾ ਸੇਵਾਵਾਂ ਦੀ ਵਰਤੋਂ ਕਰਦਾ ਹੈ। ਪੂਰਵ-ਅਨੁਮਾਨ ਦੀ ਸਟੀਕਤਾ ਨੂੰ ਵਧਾਉਣ ਲਈ ਤੁਸੀਂ “ਸਟੀਕ ਟਿਕਾਣਾ” ਨੂੰ ਚਾਲੂ ਕਰ ਸਕਦੇ ਹੋ।

  1. ਸੈਟਿੰਗਾਂ  > ਪਰਦੇਦਾਰੀ ਅਤੇ ਸੁਰੱਖਿਆ > ਟਿਕਾਣਾ ਸੇਵਾਵਾਂ > ਮੌਸਮ ’ਤੇ ਜਾਓ।

  2. “ਸਟੀਕ ਟਿਕਾਣਾ” ਚਾਲੂ ਕਰੋ।

ਸਥਾਨਕ ਪੂਰਵ-ਅਨੁਮਾਨ ਅਤੇ ਸਥਿਤੀਆਂ ਦੀ ਜਾਂਚ ਕਰਨਾ

  1. ਆਪਣੇ iPad ‘ਤੇ ਮੌਸਮ ਐਪ ‘ਤੇ ਜਾਓ।

    ਤੁਹਾਡੇ ਮੌਜੂਦਾ ਟਿਕਾਣੇ ਲਈ ਵੇਰਵੇ ਦਿਖਾਏ ਗਏ ਹਨ। ਮੌਸਮ ਆਈਕਨਾਂ ਬਾਰੇ ਜਾਣਨਾ ਨੂੰ ਦੇਖੋ।

    ਜੇਕਰ ਤੁਹਾਨੂੰ ਉਸ ਟਿਕਾਣੇ ਦੇ ਵੇਰਵੇ ਦਿਖਾਈ ਨਹੀਂ ਦੇ ਰਹੇ ਜਿਸ ਬਾਰੇ ਤੁਸੀਂ ਜਾਣਨਾ ਚਾਹੁੰਦੇ ਹੋ, ਤਾਂ “ਸਾਈਡਬਾਰ ਦਿਖਾਓ” ਬਟਨ ’ਤੇ ਟੈਪ ਕਰੋ, ਫਿਰ ਸਾਈਡਬਾਰ ਵਿੱਚ “ਮੇਰਾ ਟਿਕਾਣਾ” ਜਾਂ ਕਿਸੇ ਹੋਰ ਟਿਕਾਣੇ ’ਤੇ ਟੈਪ ਕਰੋ।

  2. ਹੇਠ ਲਿਖਿਆਂ ਵਿੱਚੋਂ ਕੋਈ ਵੀ ਕੰਮ ਕਰੋ:

    • ਘੰਟੇਵਾਰ ਪੂਰਵ-ਅਨੁਮਾਨ ਵਿੱਚ ਵੱਖ-ਵੱਖ ਸਮਿਆਂ ਨੂੰ ਦੇਖਣ ਲਈ: ਘੰਟੇਵਾਰ ਡਿਸਪਲੇ ਨੂੰ ਖੱਬੇ ਜਾਂ ਸੱਜੇ ਪਾਸੇ ਸਵਾਈਪ ਕਰੋ।

      ਨੋਟ: ਹਵਾ ਦੀ ਗੁਣਵੱਤਾ ਦਾ ਪੈਮਾਨਾ ਘੰਟੇਵਾਰ ਪੂਰਵ-ਅਨੁਮਾਨ ਤੋਂ ਉੱਪਰ ਦਿਖਾਈ ਦਿੰਦਾ ਹੈ ਜਦੋਂ ਹਵਾ ਦੀ ਗੁਣਵੱਤਾ ਉਸ ਟਿਕਾਣੇ ਲਈ ਕਿਸੇ ਨਿਸ਼ਚਿਤ ਪੱਧਰ ਤੱਕ ਪਹੁੰਚ ਜਾਂਦੀ ਹੈ। ਕੁਝ ਟਿਕਾਣਿਆਂ ਲਈ ਹਵਾ ਦੀ ਗੁਣਵੱਤਾ ਦਾ ਪੈਮਾਨਾ ਹਮੇਸ਼ਾਂ ਘੰਟੇਵਾਰ ਪੂਰਵ-ਅਨੁਮਾਨ ਤੋਂ ਉੱਪਰ ਦਿਖਾਈ ਦਿੰਦਾ ਹੈ।

    • ਵਰਖਣ ਦੀ ਸੰਭਾਵਨਾ, ਉੱਚ ਅਤੇ ਘੱਟ ਤਾਪਮਾਨ ਅਤੇ ਹੋਰ ਬਹੁਤ ਕੁਝ ਦੇਖਣ ਲਈ: ਘੰਟੇਵਾਰ ਪੂਰਵ-ਅਨੁਮਾਨ ’ਤੇ ਟੈਪ ਕਰੋ, ਫਿਰ ਦਿਖਾਏ ਗਏ ਮੌਸਮ ਦੀ ਸਥਿਤੀ ਨੂੰ ਬਦਲਣ ਲਈ “ਚਾਰਟ ਸਥਿਤੀ” ਬਟਨ ’ਤੇ ਟੈਪ ਕਰੋ।

      ਸਲਾਹ: ਆਉਣ ਵਾਲੇ ਦਿਨਾਂ ਲਈ ਉਹੀ ਜਾਣਕਾਰੀ ਦੇਖਣ ਲਈ ਖੱਬੇ ਪਾਸੇ ਵੱਲ ਸਵਾਈਪ ਕਰੋ।

    • ਮੌਸਮ ਸੰਬੰਧੀ ਹੋਰ ਵੇਰਵੇ ਦੇਖਣੇ: ਹਰੇਕ ਟਿਕਾਣੇ ਦੇ ਮੌਸਮ ਪੰਨੇ ਵਿੱਚ ਸੰਭਾਵੀ ਖ਼ਰਾਬ ਮੌਸਮ ਸੰਬੰਧੀ ਚੇਤਾਵਨੀਆਂ, ਮੌਸਮ ਸੰਬੰਧੀ ਖ਼ਬਰਾਂ, ਹਵਾ ਦੀ ਗੁਣਵੱਤਾ, UV ਇੰਡੈਕਸ, ਹਵਾ, ਦ੍ਰਿਸ਼ਟਤਾ, ਚੰਦਰਮਾ ਦੇ ਪੜਾਅ ਅਤੇ ਹੋਰ ਬਹੁਤ ਸਾਰੀ ਵਿਸਤ੍ਰਿਤ ਜਾਣਕਾਰੀ ਸ਼ਾਮਲ ਹੁੰਦੀ ਹੈ।

      ਵਰਖਣ ਜਾਂ ਕੁਝ ਖ਼ਰਾਬ ਮੌਸਮੀ ਘਟਨਾਵਾਂ ਬਾਰੇ ਸੂਚਨਾਵਾਂ ਪ੍ਰਾਪਤ ਕਰਨ ਲਈ, ਮੌਸਮ ਦੀਆਂ ਸੂਚਨਾਵਾਂ ਦਾ ਪ੍ਰਬੰਧਨ ਕਰਨਾ ਨੂੰ ਦੇਖੋ।

      ਸਲਾਹ: ਅੱਜ ਦੇ ਤਾਪਮਾਨ ਜਾਂ ਵਰਖਣ ਦੀ ਪੁਰਾਣੀ ਔਸਤ ਨਾਲ ਤੁਲਨਾ ਕਰਨ ਬਾਰੇ ਵਧੇਰੇ ਜਾਣਕਾਰੀ ਦੇਖਣ ਲਈ ਔਸਤ ਮੌਸਮ ਦੇ ਵੇਰਵੇ ’ਤੇ ਟੈਪ ਕਰੋ।

      ਮੌਸਮ ਐਪ ਦੀ ਸਕਰੀਨ ਸਿਖਰ 'ਤੇ ਟਿਕਾਣਾ ਦਿਖਾ ਰਹੀ ਹੈ ਅਤੇ ਇਸ ਦੇ ਹੇਠਾਂ ਮੌਜੂਦਾ ਤਾਪਮਾਨ ਅਤੇ ਮੌਸਮ ਦੀ ਸਥਿਤੀ ਦਿਖਾਈ ਜਾ ਰਹੀ ਹੈ। ਸਕਰੀਨ ਦੇ ਬਾਕੀ ਹਿੱਸੇ ਵਿੱਚ ਮੌਸਮ ਦੇ ਵੇਰਵੇ ਹਨ, ਜਿਹਨਾਂ ਵਿੱਚ UV ਇੰਡੈਕਸ, ਹਵਾ ਅਤੇ ਵਰਖਣ ਸ਼ਾਮਲ ਹਨ।

ਮੌਸਮ ਇਕਾਈਆਂ ਨੂੰ ਵਿਉਂਤਬੱਧ ਕਰਨਾ

ਤੁਸੀਂ ਮੌਸਮ ਡੇਟਾ ਵਿੱਚ ਵਰਤੀਆਂ ਗਈਆਂ ਇਕਾਈਆਂ ਨੂੰ ਬਦਲ ਸਕਦੇ ਹੋ। ਇਸ ਵਿੱਚ ਤਾਪਮਾਨ ਲਈ ਫ਼ਾਰਨਹਾਈਟ ਜਾਂ ਸੈਲਸੀਅਸ ਅਤੇ ਮੀਲ ਪ੍ਰਤੀ ਘੰਟਾ, ਕਿਲੋਮੀਟਰ ਪ੍ਰਤੀ ਘੰਟਾ, ਨੌਟ, ਜਾਂ ਹਵਾ ਲਈ ਬੋਫ਼ਰਟ ਸ਼ਾਮਲ ਹਨ।

  1. ਆਪਣੇ iPad ‘ਤੇ ਮੌਸਮ ਐਪ ‘ਤੇ ਜਾਓ।

  2. ਸਾਈਡਬਾਰ ਡਿਸਪਲੇ ਕਰਨ ਲਈ “ਸਾਈਡਬਾਰ ਦਿਖਾਓ” ਬਟਨ ’ਤੇ ਟੈਪ ਕਰੋ।

  3. “ਹੋਰ” ਬਟਨ ’ਤੇ ਟੈਪ ਕਰੋ, ਇਕਾਈਆਂ ’ਤੇ ਟੈਪ ਕਰੋ, ਫਿਰ ਹੇਠ ਲਿਖਿਆਂ ਵਿੱਚੋਂ ਕੋਈ ਵੀ ਕੰਮ ਕਰੋ:

    • ਤਾਪਮਾਨ ਇਕਾਈਆਂ ਨੂੰ ਬਦਲੋ: ਫ਼ਾਰਨਹਾਈਟ, ਸੈਲਸੀਅਸ ‘ਤੇ ਟੈਪ ਕਰੋ ਜਾਂ “ਸਿਸਟਮ ਸੈਟਿੰਗ ਦੀ ਵਰਤੋਂ ਕਰੋ”।

    • ਹਵਾ, ਵਰਖਣ, ਦਬਾਅ ਜਾਂ ਦੂਰੀ ਦੀਆਂ ਇਕਾਈਆਂ ਨੂੰ ਬਦਲੋ: ਮੌਜੂਦਾ ਮਾਪ ਇਕਾਈ ਦੇ ਅੱਗੇ “ਐਕਸ਼ਨ ਬਟਨ” ਮੈਨਿਊ ‘ਤੇ ਟੈਪ ਕਰੋ, ਫਿਰ ਕੋਈ ਵਿਕਲਪ ਚੁਣੋ।

ਮੌਸਮ ਬਾਰੇ ਰਿਪੋਰਟ ਭੇਜਣਾ

ਤੁਸੀਂ ਆਪਣੇ ਟਿਕਾਣੇ ਦੇ ਮੌਸਮ ਦੀ ਰਿਪੋਰਟ ਕਰ ਸਕਦੇ ਹੋ ਜੇਕਰ ਇਹ ਮੌਸਮ ਐਪ ਵਿੱਚ ਦਿਖਾਈਆਂ ਗਈਆਂ ਚੀਜ਼ਾਂ ਨਾਲ ਮੇਲ ਨਹੀਂ ਖਾਂਦਾ ਹੈ।

  1. ਆਪਣੇ iPad ‘ਤੇ ਮੌਸਮ ਐਪ ‘ਤੇ ਜਾਓ।

  2. ਸਾਈਡਬਾਰ ਦੇ ਸਿਖਰ ’ਤੇ “ਹੋਰ” ਬਟਨ ’ਤੇ ਟੈਪ ਕਰੋ, ਫਿਰ “ਇੱਕ ਸਮੱਸਿਆ ਦੀ ਰਿਪੋਰਟ ਕਰੋ” ’ਤੇ ਟੈਪ ਕਰੋ।

    ਜੇਕਰ ਤੁਹਾਨੂੰ ਸਾਈਡਬਾਰ ਦਿਖਾਈ ਨਹੀਂ ਦੇ ਰਹੀ, ਤਾਂ “ਸਾਈਡਬਾਰ ਦਿਖਾਓ” ਬਟਨ ’ਤੇ ਟੈਪ ਕਰੋ।

  3. ਉਹਨਾਂ ਵਿਕਲਪਾਂ ‘ਤੇ ਟੈਪ ਕਰੋ ਜੋ ਤੁਹਾਡੇ ਟਿਕਾਣੇ ਵਿੱਚ ਮੌਸਮ ਦੀਆਂ ਸਥਿਤੀਆਂ ਦਾ ਸਭ ਤੋਂ ਵਧੀਆ ਵਰਣਨ ਕਰਦੇ ਹਨ, ਫਿਰ “ਸਪੁਰਦ ਕਰੋ” ‘ਤੇ ਟੈਪ ਕਰੋ।

ਤੁਹਾਡੇ ਵੱਲੋਂ Apple ਨਾਲ ਸਾਂਝੀ ਕੀਤੀ ਗਈ ਜਾਣਕਾਰੀ ਤੁਹਾਡੇ Apple ਖਾਤੇ ਨਾਲ ਸੰਬੰਧਿਤ ਨਹੀਂ ਹੈ।

ਇਹ ਵੀ ਦੇਖੋiPad ‘ਤੇ ਹੋਰ ਟਿਕਾਣਿਆਂ ‘ਤੇ ਮੌਸਮ ਦੀ ਚੈੱਕ ਕਰਨਾiPad ‘ਤੇ ਮੌਸਮ ਦੇ ਨਕਸ਼ੇ ਦੇਖਣਾiPad ‘ਤੇ ਮੌਸਮ ਵਿਜੇਟਾਂ ਦੀ ਵਰਤੋਂ ਕਰਨਾ
Morty Proxy This is a proxified and sanitized view of the page, visit original site.
ਕੋਈ ਮਦਦ ਮਿਲੀ?
ਅੱਖਰ ਸੀਮਾ: 250
ਵੱਧ ਤੋਂ ਵੱਧ ਅੱਖਰ ਸੀਮਾ 250 ਹੈ
ਫ਼ੀਡਬੈਕ ਲਈ ਤੁਹਾਡਾ ਧੰਨਵਾਦ।
Morty Proxy This is a proxified and sanitized view of the page, visit original site.