iPadOS 26
iPadOS 18
ਇਸ ਕੰਟਰੋਲ ਦੀ ਸੋਧ ਕਰਨ ਨਾਲ ਇਹ ਪੰਨਾ ਆਪਣੇ ਆਪ ਅੱਪਡੇਟ ਹੋ ਜਾਵੇਗਾ

iPad ਨੂੰ ਚਾਲੂ ਅਤੇ ਇਸ ਦਾ ਸੈੱਟ ਅੱਪ ਕਰਨਾ

ਤੁਸੀਂ ਆਪਣਾ ਨਵਾਂ iPad ਚਾਲੂ ਕਰ ਸਕਦੇ ਹੋ ਅਤੇ ਇੰਟਰਨੈੱਟ ਕਨੈਕਸ਼ਨ ਨਾਲ ਸੈੱਟ ਅੱਪ ਕਰ ਸਕਦੇ ਹੋ। ਤੁਸੀਂ iPad ਨੂੰ ਆਪਣੇ ਕੰਪਿਊਟਰ ਨਾਲ ਕਨੈਕਟ ਕਰ ਕੇ ਵੀ ਸੈੱਟ ਅੱਪ ਕਰ ਸਕਦੇ ਹੋ। ਜੇਕਰ ਤੁਹਾਡੇ ਕੋਲ ਕੋਈ ਹੋਰ iPhone, iPad ਜਾਂ Android ਡਿਵਾਈਸ ਹੈ, ਤਾਂ ਤੁਸੀਂ ਆਪਣਾ ਡਾਟਾ ਆਪਣੇ ਨਵੇਂ iPad ਵਿੱਚ ਟ੍ਰਾਂਸਫ਼ਰ ਕਰ ਸਕਦੇ ਹੋ।

ਨੋਟ: ਜੇਕਰ ਤੁਹਾਡਾ iPad ਕਿਸੇ ਕੰਪਨੀ, ਸਕੂਲ ਜਾਂ ਹੋਰ ਸੰਸਥਾ ਵੱਲੋਂ ਪ੍ਰਬੰਧਿਤ ਜਾਂ ਵਿਵਸਥਿਤ ਕੀਤਾ ਜਾਂਦਾ ਹੈ, ਤਾਂ ਸੈੱਟਅੱਪ ਨਿਰਦੇਸ਼ਾਂ ਲਈ ਪ੍ਰਸ਼ਾਸਕ ਜਾਂ ਅਧਿਆਪਕ ਨਾਲ ਸੰਪਰਕ ਕਰੋ। ਆਮ ਜਾਣਕਾਰੀ ਲਈ, Apple at Work ਵੈੱਬਸਾਈਟ ਜਾਂ ਸਿੱਖਿਆ ਵੈੱਬਸਾਈਟ ਨੂੰ ਦੇਖੋ।

ਸੈੱਟਅੱਪ ਲਈ ਤਿਆਰ ਕਰੋ

ਸੈੱਟਅੱਪ ਨੂੰ ਜਿੰਨਾ ਸੰਭਵ ਹੋ ਸਕੇ ਨਿਰਵਿਘਨ ਬਣਾਉਣ ਲਈ, ਅੱਗੇ ਦਿੱਤੀਆਂ ਆਈਟਮਾਂ ਉਪਲਬਧ ਹੋਣੀਆਂ ਚਾਹੀਦੀਆਂ ਹਨ:

  • Wi-Fi ਨੈੱਟਵਰਕ (ਤੁਹਾਨੂੰ ਨੈੱਟਵਰਕ ਦੇ ਨਾਮ ਅਤੇ ਪਾਸਵਰਡ ਦੀ ਲੋੜ ਪੈ ਸਕਦੀ ਹੈ) ਰਾਹੀਂ ਇੰਟਰਨੈੱਟ ਕਨੈਕਸ਼ਨ ਜਾਂ ਨੈੱਟਵਰਕ ਪ੍ਰਦਾਤਾ ਰਾਹੀਂ ਮੋਬਾਈਲ ਡੇਟਾ ਸੇਵਾ (Wi-Fi + Cellular ਮਾਡਲ)

  • ਤੁਹਾਡਾ Apple ਖਾਤਾ ਅਤੇ ਪਾਸਵਰਡ; ਜੇਕਰ ਤੁਹਾਡੇ ਕੋਲ Apple ਖਾਤਾ ਨਹੀਂ ਹੈ, ਤਾਂ ਤੁਸੀਂ ਸੈੱਟਅੱਪ ਦੇ ਦੌਰਾਨ ਨਵਾਂ ਬਣਾ ਸਕਦੇ ਹੋ

  • ਜੇਕਰ ਤੁਸੀਂ ਸੈੱਟਅੱਪ ਦੇ ਦੌਰਾਨ Apple Pay ਵਿੱਚ ਕਾਰਡ ਜੋੜਨਾ ਚਾਹੁੰਦੇ ਹੋ, ਤਾਂ ਤੁਹਾਡੇ ਕ੍ਰੈਡਿਟ ਜਾਂ ਡੈਬਿਟ ਕਾਰਡ ਖਾਤੇ ਦੀ ਜਾਣਕਾਰੀ

  • ਜੇਕਰ ਤੁਸੀਂ ਆਪਣੇ ਨਵੇਂ ਡਿਵਾਈਸ ’ਤੇ ਆਪਣਾ ਡਾਟਾ ਟ੍ਰਾਂਸਫਰ ਕਰ ਰਹੇ ਹੋ, ਤਾਂ ਤੁਹਾਡਾ ਪਿਛਲਾ iPad ਜਾਂ ਤੁਹਾਡੇ ਡਿਵਾਈਸ ਦਾ ਬੈਕਅੱਪ

    ਸਲਾਹ: ਜੇਕਰ ਤੁਹਾਡੇ ਕੋਲ ਆਪਣੇ ਡਿਵਾਈਸ ਦਾ ਬੈਕਅੱਪ ਲੈਣ ਲਈ ਲੋੜੀਂਦੀ ਸਟੋਰੇਜ ਨਹੀਂ ਹੈ, ਤਾਂ iCloud ਵੱਲੋਂ ਤੁਹਾਨੂੰ ਆਪਣਾ iPad ਖ਼ਰੀਦਣ ਤੋਂ ਤਿੰਨ ਹਫ਼ਤਿਆਂ ਤੱਕ ਅਸਥਾਈ ਤੌਰ ‘ਤੇ ਬੈਕਅੱਪ ਪੂਰਾ ਕਰਨ ਲਈ ਢੁਕਵੀਂ ਸਟੋਰੇਜ ਪ੍ਰਦਾਨ ਕੀਤੀ ਜਾਵੇਗੀ ਅਤੇ ਇਹ ਬਿਲਕੁਲ ਮੁਫ਼ਤ ਹੁੰਦੀ ਹੈ। ਆਪਣੇ ਪਿਛਲੇ ਡਿਵਾਈਸ ’ਤੇ, ਸੈਟਿੰਗਾਂ > ਆਮ > ਟ੍ਰਾਂਸਫਰ ਜਾਂ [ ਡਿਵਾਈਸ ] ਰੀਸੈੱਟ ਕਰੋ” ’ਤੇ ਜਾਓ। “ਸ਼ੁਰੂ ਕਰੋ” ’ਤੇ ਟੈਪ ਕਰੋ, ਫਿਰ ਸਕਰੀਨ ‘ਤੇ ਦਿੱਤੇ ਨਿਰਦੇਸ਼ਾਂ ਦੀ ਪਾਲਣਾ ਕਰੋ।

  • ਜੇਕਰ ਤੁਸੀਂ ਆਪਣਾ Android ਕੰਟੈਂਟ ਟ੍ਰਾਂਸਫ਼ਰ ਕਰ ਰਹੇ ਹੋ, ਤਾਂ ਤੁਹਾਡਾ Android ਡਿਵਾਈਸ

ਆਪਣੇ iPad ਨੂੰ ਚਾਲੂ ਕਰਨਾ ਅਤੇ ਇਸ ਦਾ ਸੈੱਟ ਅੱਪ ਕਰਨਾ

  1. Apple ਲੋਗੋ ਦਿਖਾਈ ਦੇਣ ਤੱਕ ਟੌਪ ਬਟਨ ਨੂੰ ਦਬਾ ਕੇ ਰੱਖੋ।

    iPad ਦੇ ਸਿਖਰਲੇ ਸੱਜੇ ਪਾਸੇ ਬਟਨ ਵੱਲ ਇਸ਼ਾਰਾ ਕਰਦਾ ਹੋਇਆ ਹਰਾ ਤੀਰ।

    ਜੇਕਰ iPad ਚਾਲੂ ਨਹੀਂ ਹੁੰਦਾ, ਤਾਂ ਤੁਹਾਨੂੰ ਬੈਟਰੀ ਚਾਰਜ ਕਰਨ ਦੀ ਲੋੜ ਪੈ ਸਕਦੀ ਹੈ। ਵਧੇਰੇ ਮਦਦ ਲਈ Apple ਸਹਾਇਤਾ ਲੇਖ ਜੇਕਰ ਤੁਹਾਡਾ iPad ਚਾਲੂ ਨਹੀਂ ਹੁੰਦਾ ਜਾਂ ਕੰਮ ਕਰਨੋਂ ਹਟ ਗਿਆ ਹੈ ਨੂੰ ਦੇਖੋ।

    ਸਲਾਹ: ਜੇਕਰ ਤੁਸੀਂ ਨੇਤਰਹੀਣ ਹੋ ਜਾਂ ਤੁਹਾਡੀ ਦ੍ਰਿਸ਼ਟੀ ਘੱਟ ਹੈ, ਤਾਂ ਤੁਸੀਂ VoiceOver, ਜਿਸ ਨੂੰ ਸਕਰੀਨ ਰੀਡਰ ਵੀ ਕਹਿੰਦੇ ਹਨ, ਨੂੰ ਚਾਲੂ ਕਰਨ ਲਈ ਹੋਮ ਬਟਨ (ਹੋਮ ਬਟਨ ਵਾਲੇ iPad ’ਤੇ) ’ਤੇ ਤਿੰਨ-ਵਾਰ ਕਲਿੱਕ ਕਰ ਸਕਦੇ ਹੋ ਜਾਂ ਟੌਪ ਬਟਨ (iPad ਦੇ ਹੋਰ ਮਾਡਲਾਂ ’ਤੇ) ’ਤੇ ਤਿੰਨ-ਵਾਰ ਕਲਿੱਕ ਕਰ ਸਕਦੇ ਹੋ। ਜ਼ੂਮ ਨੂੰ ਚਾਲੂ ਕਰਨ ਲਈ ਤੁਸੀਂ ਤਿੰਨ-ਉਂਗਲਾਂ ਨਾਲ ਸਕਰੀਨ ’ਤੇ ਦੋ ਵਾਰ ਟੈਪ ਵੀ ਕਰ ਸਕਦੇ ਹੋ। ਐਕਸੈੱਸਬਿਲਟੀ ਫ਼ੀਚਰ ਨਾਲ ਸ਼ੁਰੂ ਕਰਨਾ ਨੂੰ ਦੇਖੋ।

  2. ਹੇਠ ਲਿਖਿਆਂ ਵਿੱਚੋਂ ਕੋਈ ਇੱਕ ਕੰਮ ਕਰੋ:

    • ਕਿਸੇ ਹੋਰ ਡਿਵਾਈਸ ਨਾਲ ਸੈੱਟਅੱਪ ਕਰਨ ਲਈ: ਜੇਕਰ ਤੁਹਾਡੇ ਕੋਲ iOS 11, iPadOS 13 ਜਾਂ ਬਾਅਦ ਦੇ ਸੰਸਕਰਨ ਵਾਲਾ iPhone ਜਾਂ iPad ਹੈ, ਤਾਂ ਤੁਸੀਂ ਆਪਣੇ ਨਵੇਂ ਡਿਵਾਈਸ ਦਾ ਆਟੋਮੈਟਿਕਲੀ ਸੈੱਟ ਅੱਪ ਕਰਨ ਲਈ ਇਸ ਨੂੰ ਵਰਤ ਸਕਦੇ ਹੋ। ਆਪਣੀਆਂ ਬਹੁਤ ਸਾਰੀਆਂ ਸੈਟਿੰਗਾਂ, ਤਰਜੀਹਾਂ ਅਤੇ iCloud ਕੀਚੇਨ ਨੂੰ ਸੁਰੱਖਿਅਤ ਢੰਗ ਨਾਲ ਕਾਪੀ ਕਰਨ ਲਈ ਦੋਵੇਂ ਡਿਵਾਈਸ ਨੂੰ ਇੱਕ-ਦੂਜੇ ਦੇ ਕੋਲ ਲਿਆਓ, ਫਿਰ ਸਕਰੀਨ ‘ਤੇ ਦਿੱਤੇ ਨਿਰਦੇਸ਼ਾਂ ਦੀ ਪਾਲਣਾ ਕਰੋ। ਫਿਰ ਤੁਸੀਂ ਆਪਣੇ iCloud ਬੈਕਅੱਪ ਤੋਂ ਆਪਣੇ ਬਾਕੀ ਬਚੇ ਡੇਟਾ ਅਤੇ ਕੰਟੈਂਟ ਨੂੰ ਆਪਣੇ ਨਵੇਂ ਡਿਵਾਈਸ ’ਤੇ ਰੀਸਟੋਰ ਕਰ ਸਕਦੇ ਹੋ।

      ਜੇਕਰ ਦੋਵਾਂ ਡਿਵਾਈਸਾਂ ‘ਤੇ iOS 12.4, iPadOS 13 ਜਾਂ ਬਾਅਦ ਦੇ ਸੰਸਕਰਨ ਹੋਣ, ਤਾਂ ਤੁਸੀਂ ਆਪਣੇ ਸਾਰੇ ਡੇਟਾ ਨੂੰ ਆਪਣੇ ਪਿਛਲੇ ਡਿਵਾਈਸ ਤੋਂ ਆਪਣੇ ਨਵੇਂ ਡਿਵਾਈਸ ਵਿੱਚ ਵਾਇਰਲੈੱਸ ਤਰੀਕੇ ਨਾਲ ਟ੍ਰਾਂਸਫ਼ਰ ਕਰ ਸਕਦੇ ਹੋ। ਡਾਟਾ ਟ੍ਰਾਂਸਫ਼ਰ ਦੀ ਪ੍ਰਕਿਰਿਆ ਪੂਰੀ ਹੋਣ ਤੱਕ ਆਪਣੇ ਡਿਵਾਈਸਾਂ ਨੂੰ ਇੱਕ-ਦੂਜੇ ਦੇ ਨੇੜੇ ਰੱਖੋ ਅਤੇ ਇਹਨਾਂ ਨੂੰ ਚਾਰਜ ਲਗਾਓ।

    • ਮੈਨੂਅਲੀ ਸੈੱਟ ਅੱਪ ਕਰੋ: ਜੇਕਰ ਤੁਹਾਡੇ ਕੋਲ ਕੋਈ ਹੋਰ ਡਿਵਾਈਸ ਨਹੀਂ ਹੈ, ਤਾਂ “ਬਿਨਾਂ ਕਿਸੇ ਹੋਰ ਡਿਵਾਈਸ ਦੇ ਸੈੱਟਅੱਪ ਕਰੋ” ’ਤੇ ਟੈਪ ਕਰੋ, ਫਿਰ ਸਕਰੀਨ 'ਤੇ ਦਿੱਤੇ ਸੈੱਟ ਅੱਪ ਦੇ ਨਿਰਦੇਸ਼ਾਂ ਦੀ ਪਾਲਣਾ ਕਰੋ।

Android ਡਿਵਾਈਸ ਤੋਂ iPad ‘ਤੇ ਮੂਵ ਕਰਨਾ

ਜੇਕਰ ਤੁਹਾਡੇ ਕੋਲ Android ਡਿਵਾਈਸ ਹੈ, ਤਾਂ ਤੁਸੀਂ ਆਪਣੇ ਨਵੇਂ iPad ਦਾ ਸੈੱਟ ਅੱਪ ਕਰਨ ਲਈ “iOS ਅਪਣਾਉਣਾ” ਐਪ ਦੀ ਮਦਦ ਨਾਲ ਆਪਣਾ ਡੇਟਾ ਟ੍ਰਾਂਸਫ਼ਰ ਕਰ ਸਕਦੇ ਹੋ।

ਨੋਟ: ਜੇਕਰ ਤੁਸੀਂ ਪਹਿਲਾਂ ਹੀ ਸੈੱਟਅੱਪ ਪੂਰਾ ਕਰ ਲਿਆ ਹੈ ਅਤੇ “iOS ਅਪਣਾਉਣਾ” ਦੀ ਵਰਤੋਂ ਕਰਨੀ ਚਾਹੁੰਦੇ ਹੋ, ਤਾਂ ਤੁਹਾਨੂੰ ਆਪਣੇ iPad ਦਾ ਡੇਟਾ ਮਿਟਾ ਕੇ ਦੁਬਾਰਾ ਸ਼ੁਰੂ ਕਰਨਾ ਪਵੇਗਾ ਜਾਂ ਆਪਣਾ ਡੇਟਾ ਮੈਨੂਅਲੀ ਮੂਵ ਕਰਨਾ ਪਵੇਗਾ। Apple ਸਹਾਇਤਾ ਲੇਖ ਆਪਣੇ Android ਡਿਵਾਈਸ ਤੋਂ ਆਪਣੇ iPhone ਜਾਂ iPad ‘ਤੇ ਕੰਟੈਂਟ ਮੈਨੂਅਲੀ ਮੂਵ ਕਰੋ ਨੂੰ ਦੇਖੋ।

  1. ਆਪਣੇ Android ਸੰਸਕਰਨ 4.0 ਜਾਂ ਉਸ ਤੋਂ ਬਾਅਦ ਵਾਲੇ ਡਿਵਾਈਸ ’ਤੇ Apple ਸਹਾਇਤਾ ਲੇਖ Android ਤੋਂ iPhone ਜਾਂ iPad ’ਤੇ ਮੂਵ ਕਰੋ ਦੇਖੋ ਅਤੇ “iOS ਅਪਣਾਉਣਾ” ਐਪ ਡਾਊਨਲੋਡ ਕਰੋ।

  2. ਤੁਹਾਡੇ iPad ’ਤੇ, ਹੇਠ ਲਿਖੇ ਕੰਮ ਕਰੋ:

    • ਸੈੱਟਅੱਪ ਸਹਾਇਕ ਨੂੰ ਫ਼ੌਲੋ ਕਰੋ।

    • “ਆਪਣੀਆਂ ਐਪਾਂ ਅਤੇ ਡੇਟਾ ਨੂੰ ਟ੍ਰਾਂਸਫਰ ਕਰੋ” ਸਕਰੀਨ ’ਤੇ “Android ਤੋਂ” ‘ਤੇ ਟੈਪ ਕਰੋ।

  3. Android ਡਿਵਾਈਸ ’ਤੇ, ਹੇਠ ਲਿਖੇ ਕੰਮ ਕਰੋ:

    • Wi-Fi ਚਾਲੂ ਕਰੋ।

    • “iOS ਅਪਣਾਉਣਾ” ਐਪ ‘ਤੇ ਜਾਓ।

    • ਸਕਰੀਨ ‘ਤੇ ਦਿੱਤੇ ਨਿਰਦੇਸ਼ਾਂ ਦੀ ਪਾਲਣਾ ਕਰੋ।

ਚੇਤਾਵਨੀ: ਸੱਟ ਤੋਂ ਬਚਣ ਲਈ, iPad ਦੀ ਵਰਤੋਂ ਕਰਨ ਤੋਂ ਪਹਿਲਾਂ ਮਹੱਤਵਪੂਰਨ ਸੁਰੱਖਿਆ ਜਾਣਕਾਰੀ ਨੂੰ ਪੜ੍ਹੋ।

ਇਹ ਵੀ ਦੇਖੋਆਪਣਾ iPad ਕਿਰਿਆਸ਼ੀਲ ਕਰਨਾ, ਅਨਲੌਕ ਕਰਨਾ ਅਤੇ ਲੌਕ ਕਰਨਾiPad ਅਤੇ ਆਪਣੇ ਕੰਪਿਊਟਰ ਨੂੰ ਕੇਬਲ ਨਾਲ ਕਨੈਕਟ ਕਰਨਾApple ਸਹਾਇਤਾ ਲੇਖ: ਕਿਰਿਆਸ਼ੀਲਤਾ ਕੋਡ ਨੂੰ ਕਿਵੇਂ ਹਟਾਉਣਾ ਹੈApple ਸਹਾਇਤਾ ਲੇਖ: iPhone ਜਾਂ iPad ਦਾ ਸੈੱਟ ਅੱਪ ਕਰਨ ਵਿੱਚ ਆਪਣੇ ਬੱਚੇ ਦੀ ਮਦਦ ਕਰਨਾ
Morty Proxy This is a proxified and sanitized view of the page, visit original site.
ਕੋਈ ਮਦਦ ਮਿਲੀ?
ਅੱਖਰ ਸੀਮਾ: 250
ਵੱਧ ਤੋਂ ਵੱਧ ਅੱਖਰ ਸੀਮਾ 250 ਹੈ
ਫ਼ੀਡਬੈਕ ਲਈ ਤੁਹਾਡਾ ਧੰਨਵਾਦ।
Morty Proxy This is a proxified and sanitized view of the page, visit original site.