iPadOS 26
iPadOS 18
ਇਸ ਕੰਟਰੋਲ ਦੀ ਸੋਧ ਕਰਨ ਨਾਲ ਇਹ ਪੰਨਾ ਆਪਣੇ ਆਪ ਅੱਪਡੇਟ ਹੋ ਜਾਵੇਗਾ

iPad ‘ਤੇ ਕਿਤਾਬਾਂ ਐਪ ਵਿੱਚ ਕਿਤਾਬਾਂ ਪੜ੍ਹਨਾ

ਕਿਤਾਬਾਂ ਐਪ ਵਿੱਚ, ਤੁਸੀਂ ਉਹ ਕਿਤਾਬਾਂ ਦੇਖ ਸਕਦੇ ਹੋ ਜੋ ਤੁਸੀਂ ਇਸ ਸਮੇਂ ਪੜ੍ਹ ਰਹੇ ਹੋ, ਪੜ੍ਹਣ ਦੀ ਇੱਛਾ ਸੂਚੀ, ਕਿਤਾਬਾਂ ਦੇ ਸੰਗ੍ਰਹਿ ਅਤੇ ਹੋਰ ਬਹੁਤ ਕੁਝ ਦੇਖ ਸਕਦੇ ਹੋ।

  • ਹੋਮ: ਉਹਨਾਂ ਕਿਤਾਬਾਂ, ਆਡੀਓਬੁੱਕ ਅਤੇ PDF ਨੂੰ ਐਕਸੈੱਸ ਕਰਨ ਲਈ ਟੈਪ ਕਰੋ ਜੋ ਤੁਸੀਂ ਇਸ ਸਮੇਂ ਪੜ੍ਹ ਰਹੇ ਹੋ, ਅੱਗੇ ਪੜ੍ਹਨ ਲਈ ਵਿਅਕਤੀਗਤ ਸੁਝਾਅ ਪ੍ਰਾਪਤ ਕਰੋ, ਉਹਨਾਂ ਕਿਤਾਬਾਂ ਨੂੰ ਲੱਭੋ ਜਿਨ੍ਹਾਂ ਨੂੰ ਤੁਸੀਂ ਪੜ੍ਹਣ ਦੀ ਇੱਛਾ ਸੂਚੀ ਵਜੋਂ ਚਿੰਨ੍ਹਿਤ ਕੀਤਾ ਹੈ ਅਤੇ ਹੋਰ ਬਹੁਤ ਕੁਝ। ਤੁਸੀਂ ਰੋਜ਼ਾਨਾ ਪੜ੍ਹਨ ਦੇ ਟੀਚੇ ਵੀ ਸੈੱਟ ਕਰ ਸਕਦੇ ਹੋ ਅਤੇ ਪੂਰੇ ਸਾਲ ਦੌਰਾਨ ਪੂਰੀਆਂ ਹੋਣ ਵਾਲੀਆਂ ਕਿਤਾਬਾਂ ਦਾ ਟ੍ਰੈਕ ਵੀ ਰੱਖ ਸਕਦੇ ਹੋ।

  • ਲਾਇਬ੍ਰੇਰੀ: ਉਹਨਾਂ ਸਾਰੀਆਂ ਕਿਤਾਬਾਂ, ਆਡੀਓਬੁੱਕਾਂ, ਨਮੂਨਿਆਂ, ਸੀਰੀਜ਼ ਅਤੇ PDF ਨੂੰ ਦੇਖਣ ਲਈ ਟੈਪ ਕਰੋ ਜੋ ਤੁਸੀਂ ਕਿਤਾਬ ਘਰ ਤੋਂ ਪ੍ਰਾਪਤ ਕੀਤੀਆਂ ਹਨ ਜਾਂ ਕਿਤਾਬਾਂ ਐਪ ਵਿੱਚ ਮੈਨੂਅਲੀ ਜੋੜੀਆਂ ਹਨ। ਆਪਣੀ ਲਾਇਬ੍ਰੇਰੀ ਨੂੰ ਕਿਸੇ ਕ੍ਰਮਬੱਧ ਸੰਗ੍ਰਹਿ ਜਿਵੇਂ ਕਿ ਪੜ੍ਹਣ ਦੀ ਇੱਛਾ ਸੂਚੀ, ਮੇਰੇ ਨਮੂਨੇ, ਆਡੀਓਬੁੱਕ, ਪੜ੍ਹੀਆਂ ਗਈਆਂ ਜਾਂ ਤੁਹਾਡੇ ਵੱਲੋਂ ਬਣਾਏ ਗਏ ਵਿਉਂਤਬੱਧ ਸੰਗ੍ਰਹਿ ਵਿੱਚ ਦੇਖਣ ਲਈ “ਸੰਗ੍ਰਹਿ” ਬਟਨ ’ਤੇ ਟੈਪ ਕਰੋ (ਸੰਗ੍ਰਹਿ ਬਣਾਉਣਾ ਨੂੰ ਦੇਖੋ)।

ਕਿਤਾਬਾਂ ਐਪ ਵਿੱਚ ਹੋਮ ਸਕਰੀਨ ’ਤੇ ਮੌਜੂਦਾ, ਹਾਲੀਆ ਅਤੇ ਪੜ੍ਹਣ ਦੀ ਇੱਛਾ ਸੈਕਸ਼ਨ ਦਿਖਾਈ ਦੇ ਰਹੇ ਹਨ।

ਨੋਟ: Apple Books ਸਾਰੇ ਦੇਸ਼ਾਂ ਜਾਂ ਖੇਤਰਾਂ ਵਿੱਚ ਉਪਲਬਧ ਨਹੀਂ ਹੈ। Apple ਸਹਾਇਤਾ ਲੇਖ Apple ਮੀਡੀਆ ਸੇਵਾਵਾਂ ਦੀ ਉਪਲਬਧਤਾ ਨੂੰ ਦੇਖੋ।

ਕਿਤਾਬ ਪੜ੍ਹਨਾ

  1. ਆਪਣੇ iPad ‘ਤੇ ਕਿਤਾਬਾਂ ਐਪ ‘ਤੇ ਜਾਓ।

  2. ਕਿਸੇ ਕਿਤਾਬ ਨੂੰ ਨੈਵੀਗੇਟ ਕਰੋ, ਇਸ ਨੂੰ ਖੋਲ੍ਹਣ ਲਈ ਕਵਰ ‘ਤੇ ਟੈਪ ਕਰੋ, ਫਿਰ ਹੇਠ ਲਿਖਿਆਂ ਵਿੱਚੋਂ ਕੋਈ ਵੀ ਕੰਮ ਕਰੋ:

    • ਪੰਨਾ ਪਲਟੋ: ਸੱਜੇ ਪਾਸੇ ਦੇ ਹਾਸ਼ੀਏ ‘ਤੇ ਟੈਪ ਕਰੋ ਜਾਂ ਸੱਜੇ ਤੋਂ ਖੱਬੇ ਸਵਾਈਪ ਕਰੋ।

      ਖੱਬੇ ਜਾਂ ਸੱਜੇ ਪਾਸੇ ਵਾਲੇ ਪਾਸੇ ਨੂੰ ਪੰਨੇ ਪਲਟਣ ਦੀ ਆਗਿਆ ਦੇਣ ਲਈ ਸੈਟਿੰਗਾਂ  > ਐਪਾਂ > ਕਿਤਾਬਾਂ ‘ਤੇ ਜਾਓ ਅਤੇ ਫਿਰ ਦੋਵੇਂ ਹਾਸ਼ੀਏ ਅਡਵਾਂਸ ਨੂੰ ਚਾਲੂ ਕਰੋ।

    • ਪਿਛਲੇ ਪੰਨੇ ‘ਤੇ ਵਾਪਸ ਜਾਓ: ਖੱਬੇ ਪਾਸੇ ਦੇ ਹਾਸ਼ੀਏ ’ਤੇ ਟੈਪ ਕਰੋ ਜਾਂ ਖੱਬੇ ਤੋਂ ਸੱਜੇ ਸਵਾਈਪ ਕਰੋ।

    • ਪਿਛਲੇ ਪੜ੍ਹੇ ਹੋਏ ਪੰਨੇ ’ਤੇ ਵਾਪਸ ਜਾਓ: ਪੰਨੇ ‘ਤੇ ਟੈਪ ਕਰੋ, ਫਿਰ ਪੰਨੇ ਦੇ ਉਪਰਲੇ ਖੱਬੇ ਕੋਨੇ ਵਿੱਚ ਗੋਲ ਤੀਰ ਨੂੰ ਟੈਪ ਕਰੋ। ਆਪਣੇ ਮੌਜੂਦਾ ਪੰਨੇ ‘ਤੇ ਵਾਪਸ ਜਾਣ ਲਈ ਗੋਲ ਤੀਰ ਨੂੰ ਦੁਬਾਰਾ ਟੈਪ ਕਰੋ, ਪਰ ਉੱਪਰ ਸੱਜੇ ਕੋਨੇ ਵਿੱਚ।

    • ਕਿਸੇ ਖ਼ਾਸ ਪੰਨੇ ਜਾਂ ਟਿਕਾਣੇ ‘ਤੇ ਜਾਓ: ਪੰਨੇ ‘ਤੇ ਟੈਪ ਕਰੋ, “ਮੈਨਿਊ” ਬਟਨ ‘ਤੇ ਟੈਪ ਕਰੋ, ਫਿਰ ਖੋਜ ਕਿਤਾਬ ‘ਤੇ ਟੈਪ ਕਰੋ। ਸ਼ਬਦ, ਵਾਕੰਸ਼ ਜਾਂ ਪੰਨਾ ਨੰਬਰ ਭਰੋ, ਫਿਰ ਨਤੀਜਾ ‘ਤੇ ਟੈਪ ਕਰੋ।

    • ਵਿਸ਼ਾ-ਵਸਤੂ ਦੀ ਸੂਚੀ ਦੀ ਵਰਤੋਂ ਕਰੋ: ਪੰਨੇ ‘ਤੇ ਟੈਪ ਕਰੋ, “ਮੈਨਿਊ” ਬਟਨ ‘ਤੇ ਟੈਪ ਕਰੋ, ਫਿਰ ਕੰਟੈਂਟ ‘ਤੇ ਟੈਪ ਕਰੋ।

      ਸਲਾਹ: ਕਿਸੇ ਕਿਤਾਬ ਨੂੰ ਤੇਜ਼ੀ ਨਾਲ ਮੂਵ ਕਰਨ, ਕੰਟੈਂਟ ਨੂੰ ਟੱਚ ਕਰ ਕੇ ਰੱਖੋ, ਫਿਰ ਆਪਣੀ ਉਂਗਲੀ ਖੱਬੇ ਜਾਂ ਸੱਜੇ ਪਾਸੇ ਡ੍ਰੈਗ ਕਰੋ; ਆਪਣੀ ਉਂਗਲੀ ਛੱਡ ਕੇ ਕਿਤਾਬ ਵਿੱਚ ਉਸੇ ਟਿਕਾਣੇ ’ਤੇ ਸਿੱਧਾ ਜਾਓ।

    • ਕਿਤਾਬ ਬੰਦ ਕਰੋ: ਪੰਨੇ ’ਤੇ ਟੈਪ ਕਰੋ, ਫਿਰ ਉਪਰਲੇ ਸੱਜੇ ਕੋਨੇ ਵਿੱਚ “ਬੰਦ ਕਰੋ” ਬਟਨ ’ਤੇ ਟੈਪ ਕਰੋ ਜਾਂ ਪੰਨੇ ਦੇ ਸਿਖਰ ਤੋਂ ਹੇਠਾਂ ਨੂੰ ਸਵਾਈਪ ਕਰੋ (ਵਰਟੀਕਲ ਸਕ੍ਰੌਲਿੰਗ ਚਾਲੂ ਹੋਣ ’ਤੇ ਉਪਲਬਧ ਨਹੀਂ)।

      ਕਿਤਾਬਾਂ ਐਪ ਵਿੱਚ ਕਿਤਾਬ ਦਾ ਪੰਨਾ। ਜਿੱਥੋਂ ਤੁਸੀਂ ਪੜ੍ਹਨਾ ਸ਼ੁਰੂ ਕੀਤਾ ਸੀ ਉਸੇ ਪੰਨੇ ‘ਤੇ ਵਾਪਸ ਜਾਣ ਲਈ ਅਤੇ ਕਿਤਾਬ ਨੂੰ ਬੰਦ ਕਰਨ ਲਈ ਸਕਰੀਨ ਦੇ ਸਿਖਰ ‘ਤੇ ਬਟਨ ਹਨ। ਸਕਰੀਨ ਦੇ ਹੇਠਾਂ ਸੱਜੇ ਪਾਸੇ ਮੀਨੂ ਬਟਨ ਹੈ।

ਟੈਕਸਟ ਅਤੇ ਪੰਨੇ ਦੀ ਦਿੱਖ ਬਦਲੋ

  1. ਆਪਣੇ iPad ‘ਤੇ ਕਿਤਾਬਾਂ ਐਪ ‘ਤੇ ਜਾਓ।

  2. ਕਿਤਾਬ ਖੋਲ੍ਹੋ, ਫਿਰ ਪੰਨੇ ਦੇ ਹੇਠਾਂ “ਮੈਨਿਊ” ਬਟਨ ‘ਤੇ ਟੈਪ ਕਰੋ।

    ਤੁਹਾਨੂੰ “ਮੈਨਿਊ” ਬਟਨ ਦਿਖਾਈ ਦੇਣ ਲਈ ਪੰਨੇ ‘ਤੇ ਟੈਪ ਕਰਨਾ ਪੈ ਸਕਦਾ ਹੈ।

  3. ਥੀਮ ਅਤੇ ਸੈਟਿੰਗਾਂ ‘ਤੇ ਟੈਪ ਕਰੋ, ਫਿਰ ਹੇਠ ਲਿਖਿਆਂ ਵਿੱਚੋਂ ਕੋਈ ਵੀ ਕੰਮ ਕਰੋ:

    • ਫ਼ੌਂਟ ਦਾ ਆਕਾਰ ਬਦਲੋ: ਫ਼ੌਂਟ ਦਾ ਆਕਾਰ ਵਧਾਉਣ ਲਈ ਵੱਡੇ A ‘ਤੇ ਟੈਪ ਕਰੋ ਜਾਂ ਇਸ ਨੂੰ ਘਟਾਉਣ ਲਈ ਛੋਟੇ A ‘ਤੇ ਟੈਪ ਕਰੋ।

    • ਵਰਟੀਕਲ ਸਕ੍ਰੋਲਿੰਗ ਚਾਲੂ ਕਰੋ ਜਾਂ ਪੰਨਾ ਪਲਟੋ ਸ਼ੈਲੀ ਬਦਲੋ: “ਪੰਨਾ ਪਲਟੋ” ਬਟਨ ‘ਤੇ ਟੈਪ ਕਰੋ, ਫਿਰ ਕਰਲ, ਫ਼ਾਸਟ ਫ਼ੇਡ ਜਾਂ ਸਕ੍ਰੌਲ ‘ਤੇ ਟੈਪ ਕਰੋ।

      PDF ਦੇਖਣ ਸਮੇਂ ਵਰਟੀਕਲ ਸਕ੍ਰੌਲਿੰਗ ਨੂੰ ਚਾਲੂ ਕਰਨ ਲਈ ਸਕਰੀਨ ਦੇ ਸਿਖਰ ‘ਤੇ “ਦਿੱਖ” ਬਟਨ ‘ਤੇ ਟੈਪ ਕਰੋ, ਫਿਰ ਵਰਟੀਕਲ ਸਕ੍ਰੌਲਿੰਗ ਨੂੰ ਚਾਲੂ ਕਰੋ।

    • ਬੈਕਗ੍ਰਾਊਂਡ ਮੋਡ ਨੂੰ ਵਿਵਸਥਿਤ ਕਰੋ: “ਦਿੱਖ ਵਿਕਲਪ ਹਲਕਾ” ਬਟਨ ‘ਤੇ ਟੈਪ ਕਰੋ ਅਤੇ ਫਿਰ ਕਿਸੇ ਵਿਕਲਪ ‘ਤੇ ਟੈਪ ਕਰੋ।

    • ਡਿਸਪਲੇ ਦੀ ਚਮਕ ਨੂੰ ਵਿਵਸਥਿਤ ਕਰੋ: ਚਮਕ ਬਾਰ ਨੂੰ ਟੱਚ ਕਰੋ, ਫਿਰ ਆਪਣੀ ਉਂਗਲੀ ਨੂੰ ਕਿਸੇ ਵੀ ਦਿਸ਼ਾ ਵਿੱਚ ਡ੍ਰੈਗ ਕਰੋ।

    • ਪੰਨੇ ਦਾ ਥੀਮ ਬਦਲੋ: ਪੰਨਾ ਥੀਮ ਜਿਵੇਂ ਕਿ ਸ਼ਾਂਤ ਜਾਂ ਗੂੜ੍ਹਾ ‘ਤੇ ਟੈਪ ਕਰੋ।

    • ਫ਼ੌਂਟ ਬਦਲੋ: ਵਿਉਂਤਬੱਧ ਕਰੋ ’ਤੇ ਟੈਪ ਕਰੋ, ਫਿਰ ਫ਼ੌਂਟ ’ਤੇ ਟੈਪ ਕਰੋ। “ਮੂਲ” ਜਾਂ “ਪੈਲਟੀਨੋ” ਵਰਗੇ ਫ਼ੌਂਟ ਨਾਮ ’ਤੇ ਟੈਪ ਕਰੋ। ਫ਼ੌਂਟ ਲਾਗੂ ਕਰਨ ਲਈ, “ਹੋ ਗਿਆ” ਬਟਨ ’ਤੇ ਟੈਪ ਕਰੋ।

    • ਫ਼ੌਂਟ ਨੂੰ ਗੂੜ੍ਹਾ ਕਰੋ: ਵਿਉਂਤੋ ’ਤੇ ਟੈਪ ਕਰੋ, ਗੂੜ੍ਹਾ ਟੈਕਸਟ ਚਾਲੂ ਕਰੋ, ਫਿਰ “ਹੋ ਗਿਆ” ਬਟਨ ’ਤੇ ਟੈਪ ਕਰੋ।

    • ਸਪੇਸਿੰਗ ਅਤੇ ਪ੍ਰਮਾਣਿਕਤਾ ਨੂੰ ਵਿਉਂਤਬੱਧ ਕਰੋ: “ਵਿਉਂਤਬੱਧ ਕਰੋ” ‘ਤੇ ਟੈਪ ਕਰੋ, ਫਿਰ ਐਕਸੈੱਸਬਿਲਟੀ ਅਤੇ ਲੇਆਊਟ ਵਿਕਲਪਾਂ ਦੇ ਹੇਠਾਂ, “ਵਿਉਂਤਬੱਧ ਕਰੋ” ਨੂੰ ਚਾਲੂ ਕਰੋ। ਲਾਈਨ ਦੀ ਸਪੇਸਿੰਗ, ਅੱਖਰ ਦੀ ਸਪੇਸਿੰਗ, ਸ਼ਬਦ ਦੀ ਸਪੇਸਿੰਗ ਅਤੇ ਹਾਸ਼ੀਏ ਨੂੰ ਵਿਵਸਥਿਤ ਕਰਨ ਲਈ ਸਲਾਈਡਰ ਨੂੰ ਖੱਬੇ ਜਾਂ ਸੱਜੇ ਪਾਸੇ ਡ੍ਰੈਗ ਕਰੋ। ਤੁਸੀਂ ਕਿਸੇ ਪੰਨੇ ’ਤੇ ਟੈਕਸਟ ਕਾਲਮਾਂ ਦੀ ਸੰਖਿਆ ਵੀ ਬਦਲ ਸਕਦੇ ਹੋ ਅਤੇ “ਟੈਕਸਟ ਜਸਟੀਫ਼ਾਈ ਕਰੋ” ਨੂੰ ਚਾਲੂ ਜਾਂ ਬੰਦ ਕਰ ਸਕਦੇ ਹੋ। ਆਪਣੀਆਂ ਤਬਦੀਲੀਆਂ ਨੂੰ ਲਾਗੂ ਕਰਨ ਲਈ “ਹੋ ਗਿਆ” ਬਟਨ ’ਤੇ ਟੈਪ ਕਰੋ।

  4. ਥੀਮ ਅਤੇ ਸੈਟਿੰਗਾਂ ਮੈਨਿਊ ਨੂੰ ਬੰਦ ਕਰਨ ਲਈ “ਬੰਦ ਕਰੋ” ਬਟਨ ’ਤੇ ਟੈਪ ਕਰੋ।

    ਕਿਤਾਬਾਂ ਐਪ ਵਿੱਚ ਕਿਤਾਬ ਦਾ ਪੰਨਾ। “ਥੀਮ ਅਤੇ ਸੈਟਿੰਗਾਂ” ਵਿਕਲਪ ਫ਼ੌਂਟ ਆਕਾਰ, ਸਕ੍ਰੋਲਿੰਗ ਦ੍ਰਿਸ਼, ਪੰਨਾ ਪਲਟੋ ਸ਼ੈਲੀ, ਚਮਕ ਅਤੇ ਫ਼ੌਂਟ ਸ਼ੈਲੀ ਲਈ ਕੰਟਰੋਲ ਦਿਖਾਉਂਦੇ ਹਨ।

    ਨੋਟ: ਸਕਰੀਨ ਦੇ ਕਿਸ ਪਾਸੇ ਮੈਨਿਊ ਬਟਨ ਦਿਖਾਈ ਦੇਵੇ, ਇਸ ਨੂੰ ਬਦਲਣ ਲਈ ਸੈਟਿੰਗਾਂ  > ਐਪਾਂ > ਕਿਤਾਬਾਂ ’ਤੇ ਜਾਓ, ਫਿਰ ਪੜ੍ਹਣ ਦੇ ਮੈਨਿਊ ਦੇ ਸਥਾਨ ਦੇ ਹੇਠਾਂ ਖੱਬਾ ਜਾਂ ਸੱਜਾ ਪਾਸਾ ਚੁਣੋ।

ਟੈਕਸਟ ਅਤੇ ਲੇਆਊਟ ਵਿਉਂਤਬੱਧਤਾ ਨੂੰ ਪਹਿਲਾਂ ਵਰਗਾ ਕਰਨ ਲਈ“ਮੈਨਿਊ” ਬਟਨ ‘ਤੇ ਟੈਪ ਕਰੋ, “ਵਿਉਂਤਬੱਧ ਕਰੋ” ‘ਤੇ ਟੈਪ ਕਰੋ, ਫਿਰ “ਥੀਮ ਰੀਸੈੱਟ ਕਰੋ” ‘ਤੇ ਟੈਪ ਕਰੋ।

ਪੰਨਾ ਬੁੱਕਮਾਰਕ ਕਰੋ

ਜਦੋਂ ਤੁਸੀਂ ਕੋਈ ਕਿਤਾਬ ਬੰਦ ਕਰਦੇ ਹੋ, ਤਾਂ ਤੁਹਾਡੀ ਉਹ ਥਾਂ ਆਟੋਮੈਟਿਕਲੀ ਸੁਰੱਖਿਅਤ ਹੋ ਜਾਂਦੀ ਹੈ-ਤੁਹਾਨੂੰ ਕੋਈ ਬੁੱਕਮਾਰਕ ਜੋੜਨ ਦੀ ਜ਼ਰੂਰਤ ਨਹੀਂ ਹੈ-ਪਰ ਤੁਸੀਂ ਉਹਨਾਂ ਪੰਨਿਆਂ ਨੂੰ ਬੁੱਕਮਾਰਕ ਵਿੱਚ ਜੋੜ ਸਕਦੇ ਹੋ ਜਿਨ੍ਹਾਂ ’ਤੇ ਤੁਸੀਂ ਵਾਪਸ ਜਾਣਾ ਚਾਹੁੰਦੇ ਹੋ।

  1. ਆਪਣੇ iPad ‘ਤੇ ਕਿਤਾਬਾਂ ਐਪ ‘ਤੇ ਜਾਓ।

  2. ਜਿਸ ਪੰਨੇ ਨੂੰ ਤੁਸੀਂ ਬੁੱਕਮਾਰਕ ਕਰਨਾ ਚਾਹੁੰਦੇ ਹੋ, ਉਸ ਨੂੰ ਖੋਲ੍ਹਣ ਲਈ ਕਿਤਾਬ ਦੇ ਕਵਰ ‘ਤੇ ਟੈਪ ਕਰੋ, ਫਿਰ ਉਸ ਪੰਨੇ ‘ਤੇ ਟੈਪ ਕਰੋ।

  3. ਪੰਨੇ ਦੇ ਹੇਠਾਂ “ਮੈਨਿਊ” ਬਟਨ ‘ਤੇ ਟੈਪ ਕਰੋ।

    ਤੁਹਾਨੂੰ “ਮੈਨਿਊ” ਬਟਨ ਦਿਖਾਈ ਦੇਣ ਲਈ ਪੰਨੇ ‘ਤੇ ਟੈਪ ਕਰਨਾ ਪੈ ਸਕਦਾ ਹੈ।

  4. ਬੁੱਕਮਾਰਕ ਰਿਬਨ ’ਤੇ ਟੈਪ ਕਰੋ; ਬੁੱਕਮਾਰਕ ਹਟਾਉਣ ਲਈ ਇਸ ’ਤੇ ਦੁਬਾਰਾ ਟੈਪ ਕਰੋ।

ਤੁਹਾਡੇ ਸਾਰੇ ਬੁੱਕਮਾਰਕਾਂ ਨੂੰ ਐਕਸੈੱਸ ਕਰਨ ਲਈ, “ਮੈਨਿਊ” ਬਟਨ ’ਤੇ ਟੈਪ ਕਰੋ, “ਬੁੱਕਮਾਰਕ ਅਤੇ ਹਾਈਲਾਈਟਾਂ” ‘ਤੇ ਟੈਪ ਕਰੋ, ਫਿਰ “ਬੁੱਕਮਾਰਕ” ‘ਤੇ ਟੈਪ ਕਰੋ।

ਟੈਕਸਟ ਦੀ ਚੋਣ ਜਾਂ ਕਿਤਾਬ ਦੇ ਲਿੰਕ ਨੂੰ ਸਾਂਝਾ ਕਰੋ

ਤੁਸੀਂ AirDrop, Mail, ਜਾਂ ਸੁਨੇਹੇ ਐਪ ਦੀ ਵਰਤੋਂ ਕਰ ਕੇ ਟੈਕਸਟ ਚੋਣਾਂ ਭੇਜ ਸਕਦੇ ਹੋ ਜਾਂ ਤੁਸੀਂ ਚੋਣ ਨੂੰ ਨੋਟਸ ਵਿੱਚ ਜੋੜ ਸਕਦੇ ਹੋ। ਕਿਤਾਬ ਜੇਕਰ ਕਿਤਾਬ ਘਰ ਤੋਂ ਲਈ ਹੈ, ਤਾਂ ਚੋਣ ਦੇ ਨਾਲ ਕਿਤਾਬ ਦਾ ਲਿੰਕ ਸ਼ਾਮਲ ਕੀਤਾ ਜਾਂਦਾ ਹੈ। (ਹੋ ਸਕਦਾ ਹੈ ਕਿ ਸਾਂਝਾਕਰਨ ਸਾਰੇ ਦੇਸ਼ਾਂ ਜਾਂ ਖੇਤਰਾਂ ਵਿੱਚ ਉਪਲਬਧ ਨਾ ਹੋਵੇ।)

  1. ਆਪਣੇ iPad ‘ਤੇ ਕਿਤਾਬਾਂ ਐਪ ‘ਤੇ ਜਾਓ।

  2. ਇਸ ਨੂੰ ਖੋਲ੍ਹਣ ਲਈ ਕਿਤਾਬ ਦੇ ਕਵਰ ‘ਤੇ ਟੈਪ ਕਰੋ।

  3. ਕਿਸੇ ਸ਼ਬਦ ਨੂੰ ਟੱਚ ਕਰ ਕੇ ਰੱਖੋ, ਫਿਰ ਚੋਣ ਨੂੰ ਵਿਵਸਥਿਤ ਕਰਨ ਲਈ ਗ੍ਰੈਬ ਪੁਆਇੰਟ ਨੂੰ ਮੂਵ ਕਰੋ।

  4. “ਅੱਗੇ ਭੇਜੋ” ਬਟਨ ’ਤੇ ਟੈਪ ਕਰੋ, ਫਿਰ “ਸਾਂਝਾ ਕਰੋ” ’ਤੇ ਟੈਪ ਕਰੋ।

  5. ਚੋਣ ਸਾਂਝੀ ਕਰਨ ਲਈ Mail, ਸੁਨੇਹੇ ਐਪ ਜਾਂ ਕੋਈ ਹੋਰ ਐਪ ਜਾਂ ਸੇਵਾ ‘ਤੇ ਟੈਪ ਕਰੋ।

ਤੁਸੀਂ ਕਿਤਾਬ ਘਰ ਵਿੱਚ ਕਿਤਾਬ ਦੇਖਣ ਲਈ ਲਿੰਕ ਵੀ ਸਾਂਝਾ ਕਰ ਸਕਦੇ ਹੋ। ਪੰਨੇ ’ਤੇ ਟੈਪ ਕਰੋ, “ਮੈਨਿਊ” ਬਟਨ ’ਤੇ ਟੈਪ ਕਰੋ, “ਸਾਂਝਾ ਕਰੋ” ਬਟਨ ’ਤੇ ਟੈਪ ਕਰੋ, ਫਿਰ ਟੈਪ ਕਰੋ ਕਿ ਤੁਸੀਂ ਲਿੰਕ ਨੂੰ ਕਿਵੇਂ ਸਾਂਝਾ ਕਰਨਾ ਚਾਹੁੰਦੇ ਹੋ।

“ਲਾਈਨ ਗਾਈਡ” ਚਾਲੂ ਕਰਨਾ

ਟੈਕਸਟ ਦੀਆਂ ਵੱਖ-ਵੱਖ ਲਾਈਨਾਂ ‘ਤੇ ਫ਼ੋਕਸ ਕਰਨ ਲਈ “ਲਾਈਨ ਗਾਈਡ” ਦੀ ਵਰਤੋਂ ਕਰੋ। ਲਾਈਨ ਗਾਈਡ ਚਾਲੂ ਹੋਣ ‘ਤੇ ਬਾਕੀ ਪੰਨਾ ਧੁੰਦਲਾ ਹੋ ਜਾਂਦਾ ਹੈ ਅਤੇ ਜੋ ਲਾਈਨ ਤੁਸੀਂ ਪੜ੍ਹ ਰਹੇ ਹੁੰਦੇ ਹੋ, ਉਹ ਜ਼ਿਆਦਾ ਦਿਖਣਯੋਗ ਹੋ ਜਾਂਦੀ ਹੈ।

ਕਿਤਾਬਾਂ ਐਪ ਵਿੱਚ ਕਿਤਾਬ ਦਾ ਪੰਨਾ। ਟੈਕਸਟ ਦੀ ਇੱਕ ਲਾਈਨ ਨੂੰ ਹਾਈਲਾਈਟ ਕੀਤਾ ਜਾਂਦਾ ਹੈ ਅਤੇ ਬਾਕੀ ਟੈਕਸਟ ਨੂੰ ਮੱਧਮ ਕੀਤਾ ਜਾਂਦਾ ਹੈ। ਸਕਰੀਨ ਦੇ ਹੇਠਲੇ ਖੱਬੇ ਕੋਨੇ ਵਿੱਚ “ਲਾਈਨ ਗਾਈਡ ਮੀਨੂ” ਬਟਨ ਹੈ।

  1. ਆਪਣੇ iPad ‘ਤੇ ਕਿਤਾਬਾਂ ਐਪ ‘ਤੇ ਜਾਓ।

  2. ਇਸ ਨੂੰ ਖੋਲ੍ਹਣ ਲਈ ਕਿਤਾਬ ਦੇ ਕਵਰ ‘ਤੇ ਟੈਪ ਕਰੋ, ਫਿਰ ਪੰਨੇ ‘ਤੇ ਟੈਪ ਕਰੋ।

  3. ਪੰਨੇ ਦੇ ਹੇਠਾਂ “ਮੈਨਿਊ” ਬਟਨ ‘ਤੇ ਟੈਪ ਕਰੋ।

  4. ਲਾਈਨ ਗਾਈਡ ਨੂੰ ਚਾਲੂ ਕਰਨ ਲਈ “ਲਾਈਨ ਗਾਈਡ ਮੀਨੂ” ਬਟਨ ‘ਤੇ ਟੈਪ ਕਰੋ, ਫਿਰ ਹੇਠ ਲਿਖਿਆਂ ਵਿੱਚੋਂ ਕੋਈ ਵੀ ਕੰਮ ਕਰੋ:

    • ਲਾਈਨ ਗਾਈਡ ਨੂੰ ਉੱਪਰ ਜਾਂ ਥੱਲੇ ਵੱਲ ਮੂਵ ਕਰਨ ਲਈ ਪੰਨੇ ਦੇ ਉੱਪਰ ਜਾਂ ਹੇਠਾਂ ਟੈਪ ਕਰੋ।

    • ਲਾਈਨ ਗਾਈਡ ਨੂੰ ਉੱਪਰ ਜਾਂ ਥੱਲੇ ਵੱਲ ਮੂਵ ਕਰਨ ਲਈ ਖੱਬੇ ਜਾਂ ਸੱਜੇ ਪੰਨੇ ਦੇ ਹਾਸ਼ੀਏ ‘ਤੇ ਟੈਪ ਕਰੋ (ਵਰਟੀਕਲ ਸਕ੍ਰੋਲਿੰਗ ਚਾਲੂ ਹੋਣ ‘ਤੇ ਉਪਲਬਧ ਨਹੀਂ)।

    • ਲਾਈਨ ਗਾਈਡ ਨੂੰ ਟੱਚ ਕਰ ਕੇ ਰੱਖੋ, ਫਿਰ ਇਸ ਨੂੰ ਪੰਨੇ ‘ਤੇ ਨਵੀਂ ਲਾਈਨ ‘ਤੇ ਡ੍ਰੈਗ ਕਰੋ।

  5. ਬੈਕਗ੍ਰਾਊਂਡ ਮੱਧਮ ਪੱਧਰ ਨੂੰ ਅਡਜਸਟ ਕਰਨ ਜਾਂ ਲਾਈਨ ਗਾਈਡ ਨੂੰ ਬੰਦ ਕਰਨ ਲਈ ਪੰਨੇ ਦੇ ਹੇਠਲੇ-ਖੱਬੇ ਕੋਨੇ ਵਿੱਚ “ਲਾਈਨ ਗਾਈਡ ਮੀਨੂ” ਬਟਨ ’ਤੇ ਟੈਪ ਕਰੋ।

ਇਹ ਵੀ ਦੇਖੋiPad ’ਤੇ ਕਿਤਾਬਾਂ ਐਪ ਵਿੱਚ ਆਡੀਓਬੁੱਕ ਨੂੰ ਸੁਣੋiPad ’ਤੇ ਕਿਤਾਬਾਂ ਐਪ ਵਿੱਚ ਕਿਤਾਬਾਂ ਨੂੰ ਐਨੋਟੇਟ ਕਰੋiPad ’ਤੇ ਕਿਤਾਬਾਂ ਐਪ ਵਿੱਚ ਕਿਤਾਬਾਂ ਨੂੰ ਵਿਵਸਥਿਤ ਕਰਨਾ
Morty Proxy This is a proxified and sanitized view of the page, visit original site.
ਕੋਈ ਮਦਦ ਮਿਲੀ?
ਅੱਖਰ ਸੀਮਾ: 250
ਵੱਧ ਤੋਂ ਵੱਧ ਅੱਖਰ ਸੀਮਾ 250 ਹੈ
ਫ਼ੀਡਬੈਕ ਲਈ ਤੁਹਾਡਾ ਧੰਨਵਾਦ।
Morty Proxy This is a proxified and sanitized view of the page, visit original site.