iPadOS 26
iPadOS 18
ਇਸ ਕੰਟਰੋਲ ਦੀ ਸੋਧ ਕਰਨ ਨਾਲ ਇਹ ਪੰਨਾ ਆਪਣੇ ਆਪ ਅੱਪਡੇਟ ਹੋ ਜਾਵੇਗਾ

iPad ’ਤੇ FaceTime ਆਡੀਓ ਸੈਟਿੰਗਾਂ ਬਦਲਣੀਆਂ

FaceTime ਐਪ ਵਿੱਚ ਸਪੇਸ਼ੀਅਲ ਆਡੀਓ ਧੁਨੀ ਨੂੰ ਅਜਿਹਾ ਬਣਾ ਦਿੰਦੀ ਹੈ ਜਿਵੇਂ ਤੁਹਾਡੇ ਦੋਸਤ ਤੁਹਾਡੇ ਨਾਲ ਕਮਰੇ ਵਿੱਚ ਹੋਣ। ਉਹਨਾਂ ਦੀਆਂ ਆਵਾਜ਼ਾਂ ਫੈਲਦੀਆਂ ਹਨ ਅਤੇ ਆਵਾਜ਼ ਇਸ ਤਰ੍ਹਾਂ ਆਉਂਦੀ ਹੈ ਜਿਵੇਂ ਉਹ ਉਸ ਦਿਸ਼ਾ ਤੋਂ ਆ ਰਹੀ ਹੋਵੇ ਜਿਸ ਦਿਸ਼ਾ ਵਿੱਚ ਹਰੇਕ ਵਿਅਕਤੀ ਸਕਰੀਨ ‘ਤੇ ਹੈ। ਤੁਸੀਂ FaceTime ਕਾਲ ਦੌਰਾਨ ਹੋਰ ਆਡੀਓ ਸੈਟਿੰਗਾਂ ਨੂੰ ਅਡਜਸਟ ਕਰ ਸਕਦੇ ਹੋ।

ਨੋਟ: ਸਪੇਸ਼ੀਅਲ ਆਡੀਓ iPad ਦੇ ਸਮਰਥਿਤ ਮਾਡਲਾਂ ’ਤੇ ਉਪਲਬਧ ਹੈ ਅਤੇ ਇਹ ਫ਼ੀਚਰ AirPods ਦੇ ਹੇਠ ਲਿਖੇ ਮਾਡਲਾਂ ’ਤੇ ਕੰਮ ਕਰਦਾ ਹੈ: AirPods 3, AirPods Pro (ਸਾਰੇ ਮਾਡਲ), ਅਤੇ AirPods Max.

ਬੈਕਗ੍ਰਾਊਂਡ ਆਵਾਜ਼ਾਂ ਨੂੰ ਫ਼ਿਲਟਰ ਕਰ ਕੇ ਬਾਹਰ ਕੱਢੋ

ਜਦੋਂ ਤੁਸੀਂ ਚਾਹੁੰਦੇ ਹੋ ਕਿ FaceTime ਕਾਲ ਵਿੱਚ ਤੁਹਾਡੀ ਆਵਾਜ਼ ਸਾਫ਼ ਸੁਣਾਈ ਦੇਵੇ ਅਤੇ ਬਾਕੀ ਧੁਨੀਆਂ ਨੂੰ ਫ਼ਿਲਟਰ ਕਰ ਕੇ ਬਾਹਰ ਕਰ ਦਿੱਤਾ ਜਾਵੇ, ਤਾਂ ਤੁਸੀਂ ਵੌਇਸ ਆਈਸੋਲੇਸ਼ਨ (ਸਮਰਥਿਤ ਮਾਡਲਾਂ ’ਤੇ ਉਪਲਬਧ) ਨੂੰ ਚਾਲੂ ਕਰ ਸਕਦੇ ਹੋ। ਵੌਇਸ ਆਇਸੋਲੇਸ਼ਨ FaceTime ਕਾਲ ਵਿੱਚ ਤੁਹਾਡੀ ਆਵਾਜ਼ ਨੂੰ ਤਰਜੀਹ ਦਿੰਦਾ ਹੈ ਅਤੇ ਆਲੇ-ਦੁਆਲੇ ਦੇ ਸ਼ੋਰ ਨੂੰ ਰੋਕਦਾ ਹੈ।

  1. ਆਪਣੇ iPad ’ਤੇ FaceTime ਐਪ ਵਿੱਚ ਕਾਲ ਦੌਰਾਨ, ਕੰਟਰੋਲ ਸੈਂਟਰ ਖੋਲ੍ਹੋ।

  2. FaceTime ’ਤੇ ਟੈਪ ਕਰੋ, ਫਿਰ “ਵੌਇਸ ਆਈਸੋਲੇਸ਼ਨ” ਚੁਣੋ।

ਆਪਣੇ ਆਲੇ-ਦੁਆਲੇ ਦੀਆਂ ਆਵਾਜ਼ਾਂ ਸ਼ਾਮਲ ਕਰੋ

ਜਦੋਂ ਤੁਸੀਂ ਚਾਹੁੰਦੇ ਹੋ ਕਿ ਤੁਹਾਡੀ ਆਵਾਜ਼ ਅਤੇ ਤੁਹਾਡੇ ਦੁਆਲੇ ਦੀਆਂ ਸਾਰੀਆਂ ਧੁਨੀਆਂ FaceTime ਕਾਲ ਵਿੱਚ ਸੁਣਾਈ ਦੇਣ, ਤਾਂ ਤੁਸੀਂ ਵਾਈਡ ਸਪੈਕਟ੍ਰਮ ਮੋਡ (ਸਮਰਥਿਤ ਮਾਡਲਾਂ ’ਤੇ ਉਪਲਬਧ) ਨੂੰ ਚਾਲੂ ਕਰ ਸਕਦੇ ਹੋ।

  1. ਆਪਣੇ iPad ’ਤੇ FaceTime ਐਪ ਵਿੱਚ ਕਾਲ ਦੌਰਾਨ, ਕੰਟਰੋਲ ਸੈਂਟਰ ਖੋਲ੍ਹੋ।

  2. FaceTime ’ਤੇ ਟੈਪ ਕਰੋ, ਫਿਰ ਵਾਈਡ ਸਪੈਕਟ੍ਰਮ ਨੂੰ ਚੁਣੋ।

ਆਡੀਓ ਨੂੰ ਆਟੋਮੈਟਿਕਲੀ ਅਡਜਸਟ ਕਰੋ

ਆਪਣੀਆਂ ਆਡੀਓ ਸੈਟਿੰਗਾਂ ਨੂੰ ਆਟੋਮੈਟਿਕਲੀ ਅਡਜਸਟ ਕਰਨ ਲਈ ਆਟੋਮੈਟਿਕ ਮੋਡ ਚੁਣੋ।

  1. ਆਪਣੇ iPad ’ਤੇ FaceTime ਐਪ ਵਿੱਚ ਕਾਲ ਦੌਰਾਨ, ਕੰਟਰੋਲ ਸੈਂਟਰ ਖੋਲ੍ਹੋ।

  2. FaceTime ’ਤੇ ਟੈਪ ਕਰੋ, ਫਿਰ ਆਟੋਮੈਟਿਕ ਨੂੰ ਚੁਣੋ।

ਮਾਈਕ ਨੂੰ ਮਿਊਟ ਕਰਨਾ

  1. ਆਪਣੇ iPad ਵਿੱਚ FaceTime ਐਪ ਵਿੱਚ ਕਾਲ ਦੌਰਾਨ, FaceTime ਕੰਟਰੋਲਾਂ ਨੂੰ ਦਿਖਾਉਣ (ਜੇ ਉਹ ਦਿਖਾਈ ਨਹੀਂ ਦਿੰਦੇ) ਲਈ ਸਕਰੀਨ ’ਤੇ ਟੈਪ ਕਰੋ।

  2. “ਮਾਈਕ੍ਰੋਫ਼ੋਨ ਸਵਿੱਚ” ਬਟਨ ’ਤੇ ਟੈਪ ਕਰੋ।

    ਮਾਈਕ ਨੂੰ ਦੁਬਾਰਾ ਚਾਲੂ ਕਰਨ ਲਈ “ਮਾਈਕ੍ਰੋਫ਼ੋਨ ਸਵਿੱਚ” ਬਟਨ ’ਤੇ ਟੈਪ ਕਰੋ।

ਜਦੋਂ ਤੁਹਾਡਾ ਮਾਈਕ ਮਿਊਟ ਹੁੰਦਾ ਹੈ, ਤਾਂ ਇਹ ਪਤਾ ਲਗਾਉਂਦਾ ਹੈ ਕਿ ਕੀ ਤੁਸੀਂ ਬੋਲ ਰਹੇ ਹੋ ਜਾਂ ਨਹੀਂ ਅਤੇ ਤੁਹਾਨੂੰ ਸੂਚਿਤ ਕੀਤਾ ਜਾਂਦਾ ਹੈ ਕਿ ਤੁਹਾਡਾ ਮਾਈਕ ਮਿਊਟ ਹੈ ਅਤੇ ਇਹ ਕਿ ਤੁਸੀਂ “ਮਾਈਕ੍ਰੋਫ਼ੋਨ ਸਵਿੱਚ” ਬਟਨ ’ਤੇ ਟੈਪ ਕਰ ਕੇ ਇਸ ਨੂੰ ਅਨਮਿਊਟ ਕਰ ਸਕਦੇ ਹੋ।

ਇਹ ਵੀ ਦੇਖੋiPad ’ਤੇ FaceTime ਵੀਡੀਓ ਸੈਟਿੰਗਾਂ ਬਦਲੋ
Morty Proxy This is a proxified and sanitized view of the page, visit original site.
ਕੋਈ ਮਦਦ ਮਿਲੀ?
ਅੱਖਰ ਸੀਮਾ: 250
ਵੱਧ ਤੋਂ ਵੱਧ ਅੱਖਰ ਸੀਮਾ 250 ਹੈ
ਫ਼ੀਡਬੈਕ ਲਈ ਤੁਹਾਡਾ ਧੰਨਵਾਦ।
Morty Proxy This is a proxified and sanitized view of the page, visit original site.