iPadOS 26
iPadOS 18
இந்தக் கட்டுப்பாட்டை மாற்றினால் இந்தப் பக்கம் தானாக மாற்றப்படும்

iPadஇல் இருந்து HomePod மற்றும் பிற வயர்லெஸ் ஸ்பீக்கர்களில் ஆடியோவை பிளே செய்தல்

HomePod, Apple TV 4K மற்றும் AirPlay 2 செயல்படுத்தப்பட்ட ஸ்மார்ட் டிவிகளிலும், Bluetooth® ஹெட்ஃபோன்கள், ஸ்பீக்கர்கள் போன்ற வயர்லெஸ் சாதனங்களிலும் iPadஇல் இருந்து ஆடியோவை பிளே செய்யலாம்.

iPadஇல் இருந்து வயர்லெஸ் சாதனத்தில் ஆடியோவை பிளே செய்தல்

  1. உங்கள் iPadஇல் பாட்காஸ்ட்கள் , இசை போன்ற ஆடியோ செயலியைத் திறந்து, பிளே செய்ய வேண்டியதைத் தேர்ந்தெடுக்கவும்.

  2. “பிளேபேக் சாதனம்” பட்டன்-ஐத் தட்டி பிளேபேக் சாதனத்தைத் தேர்வுசெய்யவும்.

    குறிப்பு: உங்கள் AirPlay 2 செயல்படுத்தப்பட்ட சாதனங்கள் பிளேபேக் சாதனங்களின் பட்டியலில் காட்டப்படவில்லை எனில், அவை ஒரே Wi-Fi நெட்வொர்க்கில் இருப்பதை உறுதிசெய்யவும். Bluetooth சாதனத்தைப் பயன்படுத்தினால், நீங்கள் அதை Bluetooth வரம்பிற்கு வெளியே நகர்த்தும் பட்சத்தில், iPad பிளேபேக் சாதனமாக மாற்றப்படும்.

பிளேபேக் சாதனத்தைத் தேர்ந்தெடுக்க, பூட்டுத் திரையிலோ கட்டுப்பாட்டு மையத்திலோ “பிளேபேக் சாதனம்” பட்டன்-ஐத் தட்டலாம்.

குறிப்பு: Bluetooth ஆடியோ சாதனத்தை அமைப்பது பற்றிய தகவல்களுக்கு, iPadஐ Bluetooth ஆக்சஸரியுடன் இணைத்தல் பிரிவைப் பார்க்கவும்.

பல AirPlay 2 செயல்படுத்தப்பட்ட சாதனங்களில் ஆடியோவை பிளே செய்யவும்

AirPlay 2 மற்றும் iPad மூலம், ஒரே Wi-Fi நெட்வொர்க்கில் இணைக்கப்பட்டுள்ள பல AirPlay 2 செயல்படுத்தப்பட்ட சாதனங்களில் ஆடியோவை இயக்கலாம். எடுத்துக்காட்டாக, லிவிங் ரூம் மற்றும் சமையலறையில் உள்ள HomePod ஸ்பீக்கர்கள், படுக்கையறையில் உள்ள Apple TV 4K, தனியறையில் உள்ள AirPlay 2 செயல்படுத்தப்பட்ட ஸ்மார்ட் டிவி ஆகியவற்றில் பார்ட்டி பிளேலிஸ்ட்டை பிளே செய்யலாம்.

Siri: Siriஐக் கேளுங்கள் அம்சத்தைப் பயன்படுத்தி இதுபோன்ற எதையேனும் சொல்லுங்கள்:

  • “Stop playing music everywhere”

  • “Set the dining room volume to 10 percent”

  • “What’s playing in the kitchen?”

  • “Play a song I like in the kitchen”

  • “Add the living room speaker”

  • “Remove the music from the kitchen”

  • “Move the music to the den”

iPad திரையில் இருந்தும் பிளேபேக் சாதனங்களை நீங்கள் தேர்வுசெய்யலாம்.

  1. கட்டுப்பாட்டு மையத்தில், பூட்டுத்திரையில் அல்லது நீங்கள் பிளேபேக்கைக் கேட்டுக்கொண்டிருக்கும் செயலிக்கான “இப்போது பிளே ஆவது” திரையில் உள்ள “பிளேபேக் சாதனம்” பட்டன்-ஐத் தட்டவும்.

  2. நீங்கள் பயன்படுத்த விரும்பும் ஒவ்வொரு சாதனத்தையும் தேர்ந்தெடுக்கவும்.

குறிப்பு: ஸ்டீரியோ இணைப்பில் அமைக்கப்பட்டுள்ள சாதனங்கள் ஒற்றை ஆடியோ சாதனமாகக் கருதப்படும்.

HomePod ஸ்பீக்கர் மற்றும் Apple TV 4Kஐப் பயன்படுத்துவதைப் பற்றி மேலும் அறிய, HomePod பயனர் வழிகாட்டியையும் Apple TV 4K பயனர் வழிகாட்டியையும் பார்க்கவும்.

AirPlay 2 செயல்படுத்தப்பட்ட ஸ்மார்ட் டிவிகளின் பட்டியலுக்கு, ஹோம் ஆக்சஸரிகள் இணையதளத்தைப் பார்க்கவும்.

இவற்றையும் பாருங்கள்உங்கள் iPadஇல் இருந்து Mac அல்லது டிவியில் ஆடியோவை பிளே செய்தல்iPadஇல் இருந்து Apple TV 4K அல்லது ஸ்மார்ட் டிவிக்கு வயர்லெஸ் முறையில் வீடியோக்களையும் புகைப்படங்களையும் ஸ்ட்ரீம் செய்தல்
Morty Proxy This is a proxified and sanitized view of the page, visit original site.
உதவியாக இருந்ததா?
எழுத்தின் அளவு: 250
அதிகபட்ச எழுத்தின் அளவு: 250
உங்கள் கருத்திற்கு நன்றி.
Morty Proxy This is a proxified and sanitized view of the page, visit original site.