iPadOS 26
iPadOS 18
இந்தக் கட்டுப்பாட்டை மாற்றினால் இந்தப் பக்கம் தானாக மாற்றப்படும்

iPad சாதனத்தில் உள்ள மேப்ஸ் செயலியில் நடைபாதைகள் மற்றும் ஹைக்கிங் பாதைகளைச் சேமித்தல்

நடந்துசெல்வதற்கான பாதையைப் பிரத்தியேகமாக்குவதன் மூலம் ஹைக்கிங் பாதை, உடற்பயிற்சிப் பாதை, நகரச் சுற்றுலா ஆகியவற்றை நீங்கள் திட்டமிடலாம். அமெரிக்க தேசியப் பூங்காக்களில், வழித்தடத்தின் நீளம், உயரம், வகை ஆகியவற்றின் அடிப்படையில் ஹைக்கிங் வழித்தடங்களை நீங்கள் தேடலாம், ஃபில்டர் செய்யலாம். நீங்கள் ஆஃப்லைனில் உள்ளபோதும் அணுகக்கூடிய வகையில் வழித்தடங்களைச் சேமித்து, அவற்றில் குறிப்புகளையும் சேர்க்கலாம்.

குறிப்பு: சில அம்சங்கள் சில நாடுகளிலும் வட்டாரங்களிலும் கிடைப்பதில்லை.

நடந்துசெல்லுதல் அல்லது ஹைக்கிங் செல்வதற்கான வழித்தடத்தை நீங்களே உருவாக்குதல்

  1. உங்கள் iPad சாதனத்தில் உள்ள மேப்ஸ் செயலிக்குச் செல்லவும்.

  2. ஏதேனும் ஒரு சாலை, பாதை, வழித்தடம் அல்லது நடந்துசெல்லக்கூடிய ஓர் இடத்தைத் தொட்டுப் பிடித்து ஒரு பின்னைச் சேர்ப்பதன் மூலம் மேப்பில் நீங்கள் தொடங்குமிடத்தைத் தேர்ந்தெடுக்கவும். “மேலும்” பட்டன்-ஐத் தட்டி, “தனிப்பயன் வழியை உருவாக்கவும்” என்பதைத் தட்டவும்.

  3. பாதையைத் தேர்வுசெய்ய உங்கள் வழித்தடத்தில் உள்ள மற்ற இடங்களைத் தட்டவும். உங்கள் வழித்தடத்தை நிறைவுசெய்ய “பின்வருவனவற்றில் ஒன்றைச் செய்யவும்

    • ஒற்றை வழியாக்குதல்: “ஒற்றை வழி” பட்டன்-ஐத் தட்டவும்.

    • காலடிகளை ரீட்ரேஸ் செய்தல்: “சுற்றி வரும் பாதை” பட்டன்-ஐத் தட்டவும்.

    • லூப்பை மூடுதல்: “லூப்பை மூடு” பட்டன்-ஐத் தட்டவும்.

    • புள்ளியைச் செயல்தவிர்த்தல்: “செயல்தவிர்” பட்டன்-ஐத் தட்டவும்.

    மேப்ஸ் செயலியில் ஒரு பிரத்தியேக வழித்தடத்தின் தூரம், உயரம் குறித்த விவரங்கள், கணக்கிடப்பட்ட நேரம் மற்றும் வழித்தடத்தின் தொடங்குமிடத்திற்குச் செல்லும் வழிகளைச் சேமிப்பதற்கான அல்லது பெறுவதற்கான விருப்பங்கள் காட்டப்பட்டுள்ளன.

  4. பின்வருவனவற்றில் ஒன்றைச் செய்யலாம்:

    • தொடங்குமிடத்திற்குச் செல்ல: “வழிகள்” என்பதைத் தட்டவும் (வழித்தடத்தின் தொடங்குமிடத்திற்கு அருகே இருக்கும்).

    • நடந்துசெல்வதற்கான படிப்படியான வழிகளைப் பெறத் தொடங்க: “செல்” என்பதைத் தட்டவும் (வழித்தடத்திற்கு அருகே நீங்கள் இல்லை என்றால் இது காட்டப்படும்).

    • பிறகு பயன்படுத்துவதற்குப் வழித்தடத்தைச் சேமிக்க: “சேமி” என்பதைத் தட்டி, வழித்தடத்திற்குப் பெயரிட்டு குறிப்புகளைச் சேர்த்த பிறகு (கட்டாயமில்லை) “முடிந்தது” பட்டன்-ஐத் தட்டவும்.

      உதவிக்குறிப்பு: இணைய இணைப்பு இல்லாதபோதும்கூட வழித்தடத்தையும் சுற்றுப்புற மேப்பையும் நீங்கள் அணுக விரும்பினால், “வழியைப் பதிவிறக்கு” ஆன் செய்யப்பட்டுள்ளதை உறுதிசெய்யவும்.

ஓர் இடத்தைத் தட்டி, பின்னர் “இடத்தை அகற்று”, “புறப்படுமிடத்தை அகற்று”, “சேருமிடத்தை அகற்று” ஆகியவற்றில் ஒன்றைத் தட்டுவதன் மூலம் அந்த இடத்தை அகற்றலாம்.

ஹைக்கிங் வழித்தடங்களைக் கண்டறிதல் மற்றும் சேமித்தல்

ஹைக்கிங் வழித்தடங்களைக் கண்டறிய நீங்கள் ஆன்லைனில் இருக்க வேண்டும்.

தேசியப் பூங்காவில் உள்ள ஹைக்கிங் வழித்தடங்கள் தொடர்பான தேடல் முடிவுகள் மேப்ஸ் செயலியில் காட்டப்பட்டுள்ளன.

  1. உங்கள் iPad சாதனத்தில் உள்ள மேப்ஸ் செயலிக்குச் செல்லவும்.

  2. உங்கள் மேப்பின் மேல் வலதுபக்கம் உள்ள ஐகானில் காட்டப்படும் மேப்பில் “கண்டறிதல்” காட்சியை நீங்கள் பார்ப்பதை உறுதிசெய்து கொள்ளவும். வேறு மேப் காட்சிக்கு மாறுதல் கட்டுரையைப் பார்க்கவும்.

  3. “[தேசியப் பூங்கா பெயர்] ஹைக்கிங் வழித்தடங்கள்” என்று தேடி, தேடல் முடிவைத் தட்டவும்.

  4. முடிவுகளைத் துல்லியமாக்க, “அனைத்து நீளங்களும்”, “அனைத்து வழி வகைகளும்” போன்ற ஃபில்டர்களைத் தட்டவும். மேலும் விருப்பங்களைப் பார்க்க இடதுபுறம் ஸ்வைப் செய்யவும்.

  5. ஹைக்கிங்கைத் திறக்க, “சேர்” பட்டன்-ஐத் தட்டவும்.

    உங்கள் இடங்கள் பக்கத்தில் ஹைக்கிங் வழித்தடத்தைச் சேமிப்பதற்குப் பதிலாக பின்வருவனவற்றில் ஏதேனும் ஒன்றைச் செய்யலாம்:

    • வழித்தடத்தின் தொடங்குமிடத்திற்கு அருகே நீங்கள் இருந்தால்: வழித்தடத்தின் தொடங்குமிடத்திற்குச் செல்ல “வழிகள்” என்பதைத் தட்டவும்.

    • வழித்தடத்திற்கு அருகே நீங்கள் இல்லை என்றால்: நடந்துசெல்வதற்கான படிப்படியான வழிகளைப் பெறத் தொடங்க, “செல்” என்பதைத் தட்டவும்.

    தூரம், உயரம் குறித்த விவரங்கள், கணக்கிடப்பட்ட நேரம் மற்றும் ஹைக்கிங் வழித்தடத்தின் தொடங்குமிடத்திற்குச் செல்வதற்கான வழிகளைச் சேமிப்பதற்கான அல்லது பெறுவதற்கான விருப்பங்கள் போன்றவற்றை உள்ளடக்கிய பதிவிறக்கக்கூடிய ஹைக்கிங் வழித்தடத்தின் மேலோட்டம் காட்டப்பட்டுள்ளது.

    உதவிக்குறிப்பு: உங்கள் iPadஇல் இணைய இணைப்பு இல்லாதபோது வழியையும் சுற்றுப்புற மேப்பையும் நீங்கள் அணுக வேண்டுமெனில், “வழியைப் பதிவிறக்கு” ஆன் செய்யப்பட்டுள்ளதை உறுதிசெய்யவும்.

இவற்றையும் பாருங்கள்iPad சாதனத்தில் உள்ள மேப்ஸ் செயலியில் நடந்து செல்வதற்கான வழிகளைப் பெறுதல்iPadஇல் மேப்ஸ் செயலியைப் பயன்படுத்துதல்iPad சாதனத்தில் ஆஃப்லைன் மேப்களைப் பதிவிறக்குதல்iPad சாதனத்தில் உள்ள மேப்ஸ் செயலியில் வழிகளை அறிவிப்பதற்கான அமைப்புகளை மாற்றுதல்
Morty Proxy This is a proxified and sanitized view of the page, visit original site.
உதவியாக இருந்ததா?
எழுத்தின் அளவு: 250
அதிகபட்ச எழுத்தின் அளவு: 250
உங்கள் கருத்திற்கு நன்றி.
Morty Proxy This is a proxified and sanitized view of the page, visit original site.