iPadOS 26
iPadOS 18
இந்தக் கட்டுப்பாட்டை மாற்றினால் இந்தப் பக்கம் தானாக மாற்றப்படும்

iPadஇல் “குறிப்புகள்” செயலியில் இணைப்புகளைச் சேர்த்தல்

குறிப்புகள் செயலியில், நீங்கள் இணையப் பக்கங்களுக்கான இணைப்புகளைச் சேர்க்கலாம். பயணத் திட்டம், பரிந்துரைக்கப்படும் உணவகங்களின் பட்டியல் போன்ற தொடர்புடைய குறிப்புகளுடனும் நீங்கள் இணைக்கலாம். தெரு மற்றும் மின்னஞ்சல் முகவரிகள், ஃபோன் எண்கள் மற்றும் தேதிகளைச் சேர்க்கும்போது, அவை தானாகவே நீங்கள் செயல்களை மேற்கொள்ளக்கூடிய அடிக்கோடிடப்பட்ட வார்த்தையாக மாறும்.

இணையப் பக்கத்தை இணைத்தல்

  1. உங்கள் iPad சாதனத்தில் உள்ள குறிப்புகள் செயலிக்குச் செல்லவும்.

  2. நீங்கள் இணைப்பைச் சேர்க்க விரும்பும் குறிப்பில், பின்வருவனவற்றில் ஒன்றைச் செய்யவும்:

    • வார்த்தையைத் தேர்ந்தெடுத்து, “ஃபார்வேர்டு செய்” பட்டன்-ஐத் தட்டி, “இணைப்பைச் சேர்” என்பதைத் தட்டவும். தேர்ந்தெடுக்கப்பட்ட வார்த்தை இணைப்பு வார்த்தையாக மாறும். இணைப்பின் இலக்கைக் குறிப்பிட URLஐ உள்ளிடவும்.

    • சேர்ப்பதற்கான புள்ளியை அமைக்க தட்டி, “ஃபார்வேர்டு செய்” பட்டன்-ஐத் தட்டி, “இணைப்பைச் சேர்” என்பதைத் தட்டி, பிறகு URL மற்றும் பெயரை (கட்டாயமில்லை) உள்ளிடவும்.

தலைப்பைப் பயன்படுத்தி மற்றொரு குறிப்பை இணைத்தல்

இலக்குக் குறிப்பின் தலைப்பைப் பயன்படுத்தி மற்றொரு குறிப்பிற்கு இணைப்பை நீங்கள் உருவாக்கலாம். இலக்குக் குறிப்பின் தலைப்பு மாறினால், இணைப்பு வார்த்தை புதிய தலைப்பிற்குப் புதுப்பிக்கப்படும்.

  1. உங்கள் iPad சாதனத்தில் உள்ள குறிப்புகள் செயலிக்குச் செல்லவும்.

  2. நீங்கள் இணைப்பைச் சேர்க்க விரும்பும் குறிப்பில், சேர்ப்பதற்கான புள்ளியைத் தட்டி “இணைப்பைச் சேர்” என்பதைத் தட்டவும். அல்லது “>>” என்று டைப் செய்தால் போதும்.

  3. ஏற்கெனவே உள்ள குறிப்பைத் தேர்வுசெய்யவும் அல்லது புதிய குறிப்பின் தலைப்பை உள்ளிடவும்.

இணைப்பைத் திருத்த அல்லது அகற்ற, இணைப்பைத் தொட்டுப் பிடித்து ஒரு செயலைத் தேர்வுசெய்யவும்.

பிரத்தியேக இணைப்பைப் பயன்படுத்தி மற்றொரு குறிப்பை இணைத்தல்

இலக்குக் குறிப்பின் தலைப்பைப் பயன்படுத்துவதற்குப் பதிலாக, பிரத்தியேக இணைப்பு வார்த்தையைப் பயன்படுத்தலாம். இலக்குக் குறிப்பின் தலைப்பு மாறினால், இணைப்பு வார்த்தை மாறாது.

  1. உங்கள் iPad சாதனத்தில் உள்ள குறிப்புகள் செயலிக்குச் செல்லவும்.

  2. இணைப்பைச் சேர்க்க விரும்பும் குறிப்பில் “>>” என்று டைப் செய்து, ஏற்கெனவே உள்ள குறிப்பைத் தேர்வுசெய்யவும் அல்லது புதிய குறிப்பின் தலைப்பை உள்ளிடவும்.

  3. குறிப்பைத் தொட்டுப் பிடித்து “இணைப்பைத் திருத்து” என்பதைத் தட்டவும்

  4. “குறிப்புத் தலைப்பைப் பயன்படுத்து” என்பதை ஆஃப் செய்து, பிரத்தியேக உரையை உள்ளிட்டு “முடிந்தது” பட்டன்-ஐத் தட்டவும்.

முகவரிகள், ஃபோன் எண்கள், தேதிகள் மற்றும் பலவற்றில் செயல்களை மேற்கொள்ளுதல்

உங்கள் குறிப்புகளில் தெரு அல்லது மின்னஞ்சல் முகவரி, ஃபோன் எண், தேதி அல்லது பிற தரவாக அடையாளம் காணப்பட்ட வார்த்தை கீழே அடிக்கோடிட்டுக் காட்டப்படும். அடிக்கோடிடப்பட்ட வார்த்தையில் செயலை மேற்கொள்ள அதைத் தட்டவும். எடுத்துக்காட்டாக, நீங்கள் மேப்ஸில் தெரு முகவரியைப் பார்க்கலாம், மின்னஞ்சலை உருவாக்கலாம், ஃபோன் எண்ணை அழைக்கலாம், கேலண்டர் நிகழ்வைச் சேர்க்கலாம் அல்லது யூனிட்களையும் நாணயத்தையும் மாற்றலாம்.

குறிப்பு: அமைப்புகள்  > பொது அமைப்புகள் > மொழி & பிராந்தியம் என்பதில், ஆதரிக்கப்படும் மொழியை உங்கள் iPadஇன் சிஸ்டம் மொழியாக அமைத்திருந்தால் "தரவுக் கண்டறிதல்" அம்சம் கிடைக்கும். iOS மற்றும் iPadOS அம்சங்களின் கிடைக்கும்தன்மை குறித்த இணையப்பக்கத்தைப் பார்க்கவும்.

இவற்றையும் பாருங்கள்iPad சாதனத்தில் விரைவுக் குறிப்புகளைப் பயன்படுத்துதல்
Morty Proxy This is a proxified and sanitized view of the page, visit original site.
உதவியாக இருந்ததா?
எழுத்தின் அளவு: 250
அதிகபட்ச எழுத்தின் அளவு: 250
உங்கள் கருத்திற்கு நன்றி.
Morty Proxy This is a proxified and sanitized view of the page, visit original site.