iOS 26
iOS 18
ಈ ನಿಯಂತ್ರಣವನ್ನು ಮಾರ್ಪಡಿಸುವುದರಿಂದ ಈ ಪುಟವು ಸ್ವಯಂಚಾಲಿತವಾಗಿ ಅಪ್‌ಡೇಟ್ ಆಗುತ್ತದೆ

iPhoneನಲ್ಲಿನ ಆರೋಗ್ಯ ಆ್ಯಪ್‌ನಲ್ಲಿ ನಿಮ್ಮ ನಡಿಗೆಯ ಸ್ಥಿರತೆಯನ್ನು ಮಾನಿಟರ್ ಮಾಡುವುದು

ನೀವು ನಿಮ್ಮ iPhone ಅನ್ನು ನಿಮ್ಮ ಸೊಂಟದ ಬಳಿ, ಪಾಕೆಟ್ ಅಥವಾ ಹೋಲ್ಡರ್‌ನಲ್ಲಿ ಇಟ್ಟುಕೊಂಡಾಗ, ಆರೋಗ್ಯ ಆ್ಯಪ್ ನಿಮ್ಮ ಬ್ಯಾಲೆನ್ಸ್, ಸಾಮರ್ಥ್ಯ ಮತ್ತು ನಡಿಗೆಗಳನ್ನು ನಿರ್ಣಯಿಸುವ ಕಸ್ಟಮ್ ಅಲ್ಗಾರಿದಮ್‌ಗಳನ್ನು ಬಳಸುತ್ತದೆ. ನಿಮ್ಮ ಸ್ಥಿರತೆ ಕಡಿಮೆಯಾದರೆ ಅಥವಾ ಕಡಿಮೆಯಾಗಿಯೇ ಉಳಿದರೆ ನೀವು ನೋಟಿಫಿಕೇಷನ್ ಅನ್ನು ಸ್ವೀಕರಿಸಬಹುದು ಮತ್ತು ನಿಮ್ಮ ಪ್ರೀತಿ ಪಾತ್ರರೊಂದಿಗೆ ನೀವು ನೋಟಿಫಿಕೇಷನ್ ಅನ್ನು ಸ್ವಯಂಚಾಲಿತವಾಗಿ ಹಂಚಿಕೊಳ್ಳಬಹುದು. ನಿಮ್ಮ ವಾಕಿಂಗ್ ಸ್ಥಿರತೆಯನ್ನು ಸುಧಾರಿಸುವುದಕ್ಕೆ ಸಹಾಯ ಮಾಡಲು ಆರೋಗ್ಯ ಆ್ಯಪ್ ನಿಮಗೆ ವ್ಯಾಯಾಮಗಳನ್ನು ಸಹ ತೋರಿಸಬಹುದು. (iPhone 8 ಅಥವಾ ನಂತರದ ಆವೃತ್ತಿ.)

ನಿಮ್ಮ ಸ್ಥಿರತೆ ಕಡಿಮೆಯಾದಾಗ ಅಥವಾ ತೀವ್ರ ಕಡಿಮೆಯಾದಾಗ ನೋಟಿಫಿಕೇಷನ್‌ಗಳನ್ನು ಸ್ವೀಕರಿಸಿ

  1. ನಿಮ್ಮ iPhoneನಲ್ಲಿ ಆರೋಗ್ಯ ಆ್ಯಪ್‌ಗೆ ಹೋಗಿ.

  2. ಮೇಲಿನ ಬಲಭಾಗದಲ್ಲಿರುವ ನಿಮ್ಮ ಚಿತ್ರ ಅಥವಾ ಹೆಸರಿನ ಮೊದಲಕ್ಷರಗಳನ್ನು ಟ್ಯಾಪ್ ಮಾಡಿ.

    ನಿಮ್ಮ ಚಿತ್ರ ಅಥವಾ ಹೆಸರಿನ ಮೊದಲಕ್ಷರಗಳು ನಿಮಗೆ ಕಾಣಿಸದಿದ್ದರೆ, ಸ್ಕ್ರೀನ್‌ನ ಕೆಳಭಾಗದಲ್ಲಿರುವ ಸಾರಾಂಶ ಅಥವಾ ಬ್ರೌಸ್ ಮಾಡಿ ಎಂಬುದನ್ನು ಟ್ಯಾಪ್ ಮಾಡಿ, ನಂತರ ಸ್ಕ್ರೀನ್‌ನ ಮೇಲ್ಭಾಗಕ್ಕೆ ಸ್ಕ್ರೋಲ್ ಮಾಡಿ.

  3. ಆರೋಗ್ಯ ಚೆಕ್‌ಲಿಸ್ಟ್ ಅನ್ನು ಟ್ಯಾಪ್ ಮಾಡಿ.

  4. ನಡಿಗೆ ಸ್ಥಿರತೆಯ ನೋಟಿಫಿಕೇಷನ್‌ಗಳಿಗಾಗಿ ಸೆಟಪ್ ಮಾಡಿ ಎಂಬುದನ್ನು ಟ್ಯಾಪ್ ಮಾಡಿ, ನಂತರ ಸ್ಕ್ರೀನ್ ಮೇಲಿನ ಸೂಚನೆಗಳನ್ನು ಅನುಸರಿಸಿ.

ನಿಮ್ಮ ನೋಟಿಫಿಕೇಷನ್‌ಗಳನ್ನು ಪರಿಶೀಲಿಸಲು, ಕೆಳಗಿನ ಬಲಭಾಗದಲ್ಲಿರುವ ಬ್ರೌಸ್ ಮಾಡಿ ಎಂಬುದನ್ನು ಟ್ಯಾಪ್ ಮಾಡಿ, ಮೊಬಿಲಿಟಿ ಎಂಬುದನ್ನು ಟ್ಯಾಪ್ ಮಾಡಿ, ಕೆಳಕ್ಕೆ ಸ್ಕ್ರೋಲ್ ಮಾಡಿ, ನಂತರ ನಡಿಗೆಯ ಸ್ಥಿರತೆಯ ನೋಟಿಫಿಕೇಷನ್‌ಗಳನ್ನು ಟ್ಯಾಪ್ ಮಾಡಿ.

ನಿಮ್ಮ ನಡಿಗೆಯ ಸ್ಥಿರತೆಯ ನೋಟಿಫಿಕೇಷನ್‌ಗಳನ್ನು ನಿಮ್ಮ ಪ್ರೀತಿಪಾತ್ರರೊಂದಿಗೆ ಸ್ವಯಂಚಾಲಿತವಾಗಿ ಹಂಚಿಕೊಳ್ಳಲು, ಆರೋಗ್ಯ ಆ್ಯಪ್‌ನಲ್ಲಿ ನಿಮ್ಮ ಡೇಟವನ್ನು ಹಂಚಿಕೊಳ್ಳಿ ಎಂಬುದನ್ನು ನೋಡಿ.

ನಿಮ್ಮ ನಡಿಗೆಯ ಸ್ಥಿರತೆಯ ಡೇಟವನ್ನು ನೋಡಿ

  1. ನಿಮ್ಮ iPhoneನಲ್ಲಿ ಆರೋಗ್ಯ ಆ್ಯಪ್‌ಗೆ ಹೋಗಿ.

  2. ಕೆಳಗಿನ ಬಲಭಾಗದಲ್ಲಿರುವ ಬ್ರೌಸ್ ಮಾಡಿ ಎಂಬುದನ್ನು ಟ್ಯಾಪ್ ಮಾಡಿ, ನಂತರ ಮೊಬಿಲಿಟಿ ಎಂಬುದನ್ನು ಟ್ಯಾಪ್ ಮಾಡಿ.

  3. ನಡಿಗೆಯ ಸ್ಥಿರತೆಯನ್ನು ಟ್ಯಾಪ್ ಮಾಡಿ (ನೀವು ಕೆಳಕ್ಕೆ ಸ್ಕ್ರೋಲ್ ಮಾಡಬೇಕಾಗಬಹುದು).

  4. ಮೂರು ಸ್ಥಿರತೆಯ ಮಟ್ಟಗಳ ಬಗ್ಗೆ ತಿಳಿಯಲು (ಪರವಾಗಿಲ್ಲ, ಕಡಿಮೆ ಮತ್ತು ತೀರಾ ಕಡಿಮೆ), ಮಾಹಿತಿಯನ್ನು ತೋರಿಸಿ ಬಟನ್ ಅನ್ನು ಟ್ಯಾಪ್ ಮಾಡಿ.

ನಿಮ್ಮ ನಡಿಗೆಯ ಸ್ಥಿರತೆಯನ್ನು ಸುಧಾರಿಸುವುದು ಹೇಗೆ ಎಂಬುದನ್ನು ತಿಳಿಯಿರಿ

  1. ನಿಮ್ಮ iPhoneನಲ್ಲಿ ಆರೋಗ್ಯ ಆ್ಯಪ್‌ಗೆ ಹೋಗಿ.

  2. ಕೆಳಗಿನ ಬಲಭಾಗದಲ್ಲಿರುವ ಬ್ರೌಸ್ ಮಾಡಿ ಎಂಬುದನ್ನು ಟ್ಯಾಪ್ ಮಾಡಿ, ನಂತರ ಮೊಬಿಲಿಟಿ ಎಂಬುದನ್ನು ಟ್ಯಾಪ್ ಮಾಡಿ.

  3. ಕೆಳಕ್ಕೆ ಸ್ಕ್ರೋಲ್ ಮಾಡಿ, ನಂತರ ನಡಿಗೆಯ ಸ್ಥಿರತೆಯನ್ನು ಸುಧಾರಿಸುವ ವ್ಯಾಯಾಮಗಳು ಎಂಬುದನ್ನು ಟ್ಯಾಪ್ ಮಾಡಿ.

ಇದನ್ನು ಸಹ ನೋಡಿiPhoneನಲ್ಲಿನ ಆರೋಗ್ಯ ಡೇಟದ ಬಗ್ಗೆ ಪರಿಚಯiPhoneನಲ್ಲಿನ ಆರೋಗ್ಯ ಆ್ಯಪ್‌ನಲ್ಲಿ ಋತುಚಕ್ರದ ಮಾಹಿತಿಯನ್ನು ಲಾಗ್ ಮಾಡುವುದು
Morty Proxy This is a proxified and sanitized view of the page, visit original site.
ಉಪಯುಕ್ತವಾಗಿದೆಯೇ?
ಅಕ್ಷರ ಮಿತಿ: 250
ಗರಿಷ್ಠ ಅಕ್ಷರ ಮಿತಿಯು 250 ಆಗಿದೆ.
ನಿಮ್ಮ ಫೀಡ್‌ಬ್ಯಾಕ್‌ಗಾಗಿ ಧನ್ಯವಾದಗಳು.
Morty Proxy This is a proxified and sanitized view of the page, visit original site.