iOS 26
iOS 18
ಈ ನಿಯಂತ್ರಣವನ್ನು ಮಾರ್ಪಡಿಸುವುದರಿಂದ ಈ ಪುಟವು ಸ್ವಯಂಚಾಲಿತವಾಗಿ ಅಪ್‌ಡೇಟ್ ಆಗುತ್ತದೆ

ನೀವು ಬಂದಿದ್ದೀರಿ ಎಂದು ನಿಮ್ಮ ಸ್ನೇಹಿತರಿಗೆ ತಿಳಿಸಲು iPhoneನಲ್ಲಿ ಚೆಕ್ ಇನ್ ಬಳಸಿ

ಸ್ನೇಹಿತರಿಗೆ 14 ನಿಮಿಷಗಳಲ್ಲಿ ಸೂಚನೆ ನೀಡಲಾಗುತ್ತದೆ ಎಂದು ತೋರಿಸುವ ಚೆಕ್ ಇನ್ ಸ್ಕ್ರೀನ್, ಅದರ ಕೆಳಗೆ ಸಮಯವನ್ನು ವಿಸ್ತರಿಸುವ ಅಥವಾ ಚೆಕ್ ಇನ್ ಅನ್ನು ರದ್ದುಗೊಳಿಸುವ ಆಯ್ಕೆಗಳಿವೆ. ಕೆಳಭಾಗದಲ್ಲಿ ಪ್ರಸ್ತುತ ಸ್ಥಳವನ್ನು ತೋರಿಸುವ ನಕ್ಷೆ ಇದೆ.

ಗಮನಿಸಿ: ಚೆಕ್ ಇನ್‌ಗೆ, ಕಳುಹಿಸುವವರು ಮತ್ತು ಸ್ವೀಕರಿಸುವವರು ಇಬ್ಬರ ಬಳಿಯೂ iOS 17 ಅಥವಾ ನಂತರದ ಆವೃತ್ತಿ ಇರಬೇಕಾಗುತ್ತದೆ.

ಚೆಕ್ ಇನ್ ಹೇಗೆ ಕಾರ್ಯನಿರ್ವಹಿಸುತ್ತದೆ

ನಿಮ್ಮ iPhone ಬಂದಿದೆ ಎಂದು ಸ್ನೇಹಿತರಿಗೆ ಸ್ವಯಂಚಾಲಿತವಾಗಿ ತಿಳಿಸಲು ನೀವು iPhoneನಲ್ಲಿ ಚೆಕ್ ಇನ್ ಅನ್ನು ಬಳಸಬಹುದು ಮತ್ತು ನಿಮ್ಮ ಚೆಕ್ ಇನ್ ಅನ್ನು ನೀವು ಯಶಸ್ವಿಯಾಗಿ ಪೂರ್ಣಗೊಳಿಸದಿದ್ದರೆ ಅವರು ಯಾವ ವಿವರಗಳನ್ನು ನೋಡಬಹುದು ಎಂಬುದನ್ನು ಆಯ್ಕೆ ಮಾಡಿಕೊಳ್ಳಬಹುದು.

ಅಂತೆಯೇ, ಸ್ನೇಹಿತರೊಬ್ಬರು ನಿಮಗೆ ಚೆಕ್ ಇನ್ ಕಳುಹಿಸಿದ್ದು, ನಿಮ್ಮ ನಿರೀಕ್ಷೆಯಂತೆ ಅವರ iPhone ಬರದಿದ್ದರೆ, ನೀವು ಅವರ ಸ್ಥಳ, ಬ್ಯಾಟರಿಯ ಶೇಕಡಾವಾರು ಪ್ರಮಾಣ, ಮೊಬೈಲ್ ಸಿಗ್ನಲ್ ಇತ್ಯಾದಿಗಳನ್ನು ನೋಡಬಹುದು.

ಚೆಕ್ ಇನ್ ಅನ್ನು ಕಳುಹಿಸಿ

  1. ನಿಮ್ಮ iPhoneನಲ್ಲಿ ಸಂದೇಶ ಆ್ಯಪ್ ಅನ್ನು ತೆರೆಯಿರಿ.

  2. ಸ್ಕ್ರೀನ್‌ನ ಮೇಲ್ಭಾಗದಲ್ಲಿರುವ ರಚಿಸಿ ಬಟನ್ ಅನ್ನು ಟ್ಯಾಪ್ ಮಾಡಿ ಮತ್ತು ಸ್ವೀಕೃತದಾರರನ್ನು ಸೇರಿಸಿ ಅಥವಾ ಅಸ್ತಿತ್ವದಲ್ಲಿರುವ ಸಂಭಾಷಣೆಯನ್ನು ಆಯ್ಕೆಮಾಡಿ.

  3. ಆ್ಯಪ್‌ಗಳು ಬಟನ್ ಅನ್ನು ಟ್ಯಾಪ್ ಮಾಡಿ, ಇನ್ನಷ್ಟು ಎಂಬುದನ್ನು ಟ್ಯಾಪ್ ಮಾಡಿ, ಚೆಕ್ ಇನ್ ಎಂಬುದನ್ನು ಟ್ಯಾಪ್ ಮಾಡಿ, ನಂತರ ಎಡಿಟ್ ಎಂಬುದನ್ನು ಟ್ಯಾಪ್ ಮಾಡಿ.

  4. ಈ ಕೆಳಗಿನವುಗಳಲ್ಲಿ ಯಾವುದನ್ನಾದರೂ ಆಯ್ಕೆಮಾಡಿ:

    • ನಾನು ಬಂದಾಗ: ನಿಮ್ಮ ತಲುಪಬೇಕಾದ ಸ್ಥಳವನ್ನು, ನೀವು ಹೇಗೆ ಪ್ರಯಾಣಿಸುತ್ತಿದ್ದೀರಿ (ಡ್ರೈವಿಂಗ್, ಸಾರಿಗೆ ಅಥವಾ ನಡಿಗೆ) ಎಂಬುದನ್ನು ನಿರ್ದಿಷ್ಟಪಡಿಸಿ ಮತ್ತು ಅಗತ್ಯವಿದ್ದರೆ ಹೆಚ್ಚುವರಿ ಸಮಯವನ್ನು ಸೇರಿಸಿ. ಚೆಕ್ ಇನ್ ನಿಮ್ಮ ಪ್ರಯಾಣದ ಮೇಲೆ ನಿಗಾವಹಿಸುತ್ತದೆ ಮತ್ತು ನಿಮ್ಮ iPhone ದೀರ್ಘಕಾಲದವರೆಗೆ ಒಂದೇ ಕಡೆಯಲ್ಲಿದ್ದರೆ ಅಥವಾ ನಿರೀಕ್ಷಿಸಿದಂತೆ ಅದು ನಿಮ್ಮ ತಲುಪಬೇಕಾದ ಸ್ಥಳಕ್ಕೆ ತಲುಪದಿದ್ದರೆ ನಿಮ್ಮ ಸ್ನೇಹಿತರಿಗೆ ತಿಳಿಸುತ್ತದೆ. ನೀವು ನಿಮ್ಮ ತಲುಪಬೇಕಾದ ಸ್ಥಳವನ್ನು ಯಶಸ್ವಿಯಾಗಿ ತಲುಪಿದಾಗ, ಚೆಕ್ ಇನ್ ಸ್ವಯಂಚಾಲಿತವಾಗಿ ಪೂರ್ಣಗೊಳ್ಳುತ್ತದೆ ಮತ್ತು ನಿಮ್ಮ iPhone ಬಂದಿದೆ ಎಂದು ನಿಮ್ಮ ಸ್ನೇಹಿತರಿಗೆ ತಿಳಿಸುತ್ತದೆ.

    • ಟೈಮರ್‌ನ ನಂತರ: ಕಾಲಾವಧಿಯನ್ನು ನಿರ್ದಿಷ್ಟಪಡಿಸಿ—ಉದಾಹರಣೆಗೆ, ನೀವು ಹೊಸ ವ್ಯಕ್ತಿಯನ್ನು ಭೇಟಿಯಾಗುತ್ತಿದ್ದರೆ. ನೀವು ಸೆಟ್ ಮಾಡಿರುವ ಸಮಯಕ್ಕಿಂತ ಮೊದಲು ನೀವು ಚೆಕ್ ಇನ್ ಅನ್ನು ಕೊನೆಗೊಳಿಸದಿದ್ದರೆ, ಚೆಕ್ ಇನ್ ನಿಮ್ಮ ಸ್ನೇಹಿತರಿಗೆ ಸೂಚಿಸುತ್ತದೆ.

  5. ಕಳುಹಿಸಿ ಬಟನ್ ಅನ್ನು ಟ್ಯಾಪ್ ಮಾಡಿ.

    ನಿಮ್ಮ iPhone ನಿಮ್ಮ ತಲುಪಬೇಕಾದ ಸ್ಥಳಕ್ಕೆ ಬರದಿದ್ದರೆ ಅಥವಾ ನೀವು ಚೆಕ್ ಇನ್ ಅನ್ನು ರದ್ದುಗೊಳಿಸದಿದ್ದರೆ ಮತ್ತು ನೀವು ಚೆಕ್ ಇನ್ ಪ್ರಾಂಪ್ಟ್‌ಗಳಿಗೆ ಪ್ರತಿಕ್ರಿಯಿಸದಿದ್ದರೆ, ನಿಮ್ಮ iPhoneನ ಪ್ರಯಾಣದ ವಿವರಗಳನ್ನು ನಿಮ್ಮ ಸ್ನೇಹಿತರಿಗೆ ಕಳುಹಿಸಲಾಗುತ್ತದೆ.

    ನಿರೀಕ್ಷಿಸಿದಂತೆ ನೀವು ನಿಮ್ಮ ಚೆಕ್ ಇನ್ ಅನ್ನು ಪೂರ್ಣಗೊಳಿಸದಿದ್ದರೆ, ನಿಮ್ಮ ಸ್ನೇಹಿತರ ಜೊತೆ ಹಂಚಿಕೊಳ್ಳಲು ಬಯಸುವ ವಿವರಗಳನ್ನು ಬದಲಾಯಿಸಲು, ನೀವು ಯಾವ ವಿವರಗಳನ್ನು ಹಂಚಿಕೊಳ್ಳುತ್ತೀರಿ ಎಂಬುದನ್ನು ಆರಿಸಿ ನೋಡಿ.

    ಗಮನಿಸಿ: ನೀವು ಚೆಕ್ ಇನ್ ಅನ್ನು ಪ್ರಾರಂಭಿಸಿ ನಂತರ ಸೇವೆಯನ್ನು ಕಳೆದುಕೊಂಡರೆ ಅಥವಾ ನಿಮ್ಮ iPhoneನ ಪವರ್ ಆಫ್ ಆದರೆ, ನಿಮ್ಮ ಚೆಕ್ ಇನ್ ಸ್ವೀಕರಿಸುವವರು ವಿಳಂಬವಾದ ಅಥವಾ ಮುಂಚಿತ ನೋಟಿಫಿಕೇಷನ್ ಅನ್ನು ಪಡೆಯಬಹುದು ಮತ್ತು ಅವರೊಂದಿಗೆ ನೀವು ಹಂಚಿಕೊಂಡ iPhone ವಿವರಗಳನ್ನು ನೋಡುವ ಆಯ್ಕೆಯನ್ನು ಅವರು ಹೊಂದಿರಬಹುದು.

ನಿಮ್ಮ ಚೆಕ್ ಇನ್‌ಗೆ ಸಮಯವನ್ನು ಸೇರಿಸಿ

ನಿಮಗೆ ಹೆಚ್ಚುವರಿ ಸಮಯ ಬೇಕಾಗಿದ್ದರೆ, ನಿಮ್ಮ ಚೆಕ್ ಇನ್‌ಗೆ ನೀವು ಸಮಯವನ್ನು ಸೇರಿಸಬಹುದು.

  1. ನಿಮ್ಮ iPhoneನಲ್ಲಿ ಸಂದೇಶ ಆ್ಯಪ್ ಅನ್ನು ತೆರೆಯಿರಿ.

  2. ನೀವು ಚೆಕ್ ಇನ್ ಕಳುಹಿಸಿದ ಸ್ನೇಹಿತರೊಂದಿಗಿನ ಸಂಭಾಷಣೆಯನ್ನು ತೆರೆಯಿರಿ.

  3. ಚೆಕ್ ಇನ್ ಸಂದೇಶದಲ್ಲಿ ವಿವರಗಳು ಎಂಬುದನ್ನು ಟ್ಯಾಪ್ ಮಾಡಿ, ಸಮಯವನ್ನು ಸೇರಿಸಿ ಎಂಬುದನ್ನು ಟ್ಯಾಪ್ ಮಾಡಿ, ನಂತರ ಆಯ್ಕೆಗಳಲ್ಲಿ ಒಂದನ್ನು ಆರಿಸಿ.

ಚೆಕ್ ಇನ್ ಅನ್ನು ರದ್ದುಮಾಡಿ

ನಿಮ್ಮ ಪ್ರಯಾಣವನ್ನು ನೀವು ಪೂರ್ಣಗೊಳಿಸಿದ್ದರೆ ಅಥವಾ ಯಾವುದೇ ಕಾರಣಕ್ಕಾಗಿ ನಿಮ್ಮ ಸೆಶನ್ ಅನ್ನು ಕೊನೆಗೊಳಿಸಲು ಬಯಸಿದಲ್ಲಿ, ನಿಮ್ಮ ಸ್ನೇಹಿತರಿಗೆ ಅದನ್ನು ತಿಳಿಸಲು ನಿಮ್ಮ ಚೆಕ್ ಇನ್ ಅನ್ನು ರದ್ದುಗೊಳಿಸಬಹುದು.

  1. ನಿಮ್ಮ iPhoneನಲ್ಲಿ ಸಂದೇಶ ಆ್ಯಪ್ ಅನ್ನು ತೆರೆಯಿರಿ.

  2. ನೀವು ಚೆಕ್ ಇನ್ ಕಳುಹಿಸಿದ ಸ್ನೇಹಿತರೊಂದಿಗಿನ ಸಂಭಾಷಣೆಯನ್ನು ತೆರೆಯಿರಿ.

  3. ಚೆಕ್ ಇನ್ ಸಂದೇಶದಲ್ಲಿರುವ ವಿವರಗಳು ಎಂಬುದನ್ನು ಟ್ಯಾಪ್ ಮಾಡಿ, ನಂತರ ಚೆಕ್ ಇನ್ ಅನ್ನು ರದ್ದುಗೊಳಿಸಿ ಎಂಬುದನ್ನು ಟ್ಯಾಪ್ ಮಾಡಿ ಮತ್ತು ಖಚಿತಪಡಿಸಿ.

ನೀವು ಯಾವ ವಿವರಗಳನ್ನು ಹಂಚಿಕೊಳ್ಳುತ್ತೀರಿ ಎಂಬುದನ್ನು ಆರಿಸಿ

ಚೆಕ್ ಇನ್ ಸಮಯದಲ್ಲಿ ನೀವು ನಿಮ್ಮ ಸ್ನೇಹಿತರೊಂದಿಗೆ ಹಂಚಿಕೊಳ್ಳುವ ವಿವರಗಳನ್ನು ಬದಲಾಯಿಸಬಹುದು.

  1. ನಿಮ್ಮ iPhoneನಲ್ಲಿ ಸೆಟ್ಟಿಂಗ್ಸ್  > ಆ್ಯಪ್‌ಗಳು > ಸಂದೇಶ ಎಂಬಲ್ಲಿಗೆ ಹೋಗಿ.

  2. ಕೆಳಕ್ಕೆ ಸ್ಕ್ರೋಲ್ ಮಾಡಿ ಮತ್ತು ಚೆಕ್ ಇನ್ ಡೇಟ ಎಂಬುದನ್ನು ಟ್ಯಾಪ್ ಮಾಡಿ.

  3. ನಿರೀಕ್ಷಿಸಿದಂತೆ ನೀವು ನಿಮ್ಮ ಚೆಕ್ ಇನ್ ಅನ್ನು ಪೂರ್ಣಗೊಳಿಸದಿದ್ದರೆ, ನೀವು ಹಂಚಿಕೊಳ್ಳಲು ಬಯಸುವ ವಿವರಗಳನ್ನು ಆಯ್ಕೆಮಾಡಿ:

    • ಸೀಮಿತ: ನಿಮ್ಮ iPhone ಮತ್ತು Apple Watchನ ನೆಟ್‌ವರ್ಕ್ ಸಿಗ್ನಲ್ ಮತ್ತು ಬ್ಯಾಟರಿ ವಿವರಗಳ ಜೊತೆಗೆ ನಿಮ್ಮ ಪ್ರಸ್ತುತ ಸ್ಥಳವನ್ನು ಹಂಚಿಕೊಳ್ಳಿ.

    • ಪೂರ್ಣ: ನೀವು ಪ್ರಯಾಣಿಸಿದ ಮಾರ್ಗ ಮತ್ತು ಕೊನೆಯ ಬಾರಿಗೆ ನಿಮ್ಮ iPhone ಅನ್ನು ಅನ್‌ಲಾಕ್ ಮಾಡಿದ ಅಥವಾ ನಿಮ್ಮ Apple Watch ಅನ್ನು ತೆಗೆದುಹಾಕಿದ ಸಮಯದೊಂದಿಗೆ ಮೇಲಿನ ಡೇಟವನ್ನು (ಪ್ರಸ್ತುತ ಸ್ಥಳ, ನೆಟ್‌ವರ್ಕ್ ಸಿಗ್ನಲ್ ಮತ್ತು ಬ್ಯಾಟರಿ ವಿವರಗಳು) ಹಂಚಿಕೊಳ್ಳಿ.

ಇದನ್ನು ಸಹ ನೋಡಿನಿಮ್ಮ ಮೆಡಿಕಲ್ IDಯನ್ನು ಸೆಟಪ್ ಮಾಡಿ ಮತ್ತು ನೋಡಿನಿಮ್ಮ iPhoneನಲ್ಲಿ ಸ್ಯಾಟಲೈಟ್ ಮೂಲಕ ರಸ್ತೆಬದಿಯ ಸಹಾಯಕ್ಕಾಗಿ ವಿನಂತಿಸಿiPhoneನಲ್ಲಿ ಸ್ಯಾಟಲೈಟ್ ಮೂಲಕ ಪಠ್ಯ ಸಂದೇಶವನ್ನು ಕಳುಹಿಸುವುದುiPhone ನಲ್ಲಿನ ಹುಡುಕಿ ಆ್ಯಪ್‌ನಲ್ಲಿ ಸ್ಯಾಟಲೈಟ್ ಮೂಲಕ ನಿಮ್ಮ ಸ್ಥಳವನ್ನು ಕಳುಹಿಸಿ
Morty Proxy This is a proxified and sanitized view of the page, visit original site.
ಉಪಯುಕ್ತವಾಗಿದೆಯೇ?
ಅಕ್ಷರ ಮಿತಿ: 250
ಗರಿಷ್ಠ ಅಕ್ಷರ ಮಿತಿಯು 250 ಆಗಿದೆ.
ನಿಮ್ಮ ಫೀಡ್‌ಬ್ಯಾಕ್‌ಗಾಗಿ ಧನ್ಯವಾದಗಳು.
Morty Proxy This is a proxified and sanitized view of the page, visit original site.