iOS 26
iOS 18
ಈ ನಿಯಂತ್ರಣವನ್ನು ಮಾರ್ಪಡಿಸುವುದರಿಂದ ಈ ಪುಟವು ಸ್ವಯಂಚಾಲಿತವಾಗಿ ಅಪ್‌ಡೇಟ್ ಆಗುತ್ತದೆ

iPhoneನಲ್ಲಿನ ಗಡಿಯಾರದಲ್ಲಿ ನಿಮ್ಮ ಎಚ್ಚರಗೊಳ್ಳುವ ಅಲಾರಂ ಅನ್ನು ಬದಲಾಯಿಸುವುದು

ನೀವು ಆರೋಗ್ಯ ಆ್ಯಪ್‌ನಲ್ಲಿ ನಿದ್ರೆಯ ವೇಳಾಪಟ್ಟಿಯನ್ನು ಸೆಟಪ್ ಮಾಡಿದ್ದರೆ ನಿಮ್ಮ ಎಚ್ಚರಗೊಳ್ಳುವ ಅಲಾರಂನಲ್ಲಿ ಬದಲಾವಣೆಗಳನ್ನು ಮಾಡಬಹುದು.

ನಿಮ್ಮ ಎಚ್ಚರಗೊಳ್ಳುವ ಅಲಾರಂ ಅನ್ನು ಬದಲಾಯಿಸುವುದು

  1. ನಿಮ್ಮ iPhoneನಲ್ಲಿನ ಗಡಿಯಾರ ಆ್ಯಪ್‌ಗೆ ಹೋಗಿ.

  2. ಅಲಾರಂಗಳನ್ನು ಟ್ಯಾಪ್ ಮಾಡಿ, ನಂತರ ಬದಲಾಯಿಸಿ ಎಂಬುದನ್ನು ಟ್ಯಾಪ್ ಮಾಡಿ.

  3. ಈ ಕೆಳಗಿನವುಗಳಲ್ಲಿ ಯಾವುದಾದರೂ ಒಂದನ್ನು ಮಾಡಿ:

    • ನಿಮ್ಮ ಎಚ್ಚರಗೊಳ್ಳುವ ಸಮಯವನ್ನು ಮಾತ್ರ ಬದಲಾಯಿಸಿ: ರಿಂಗಿಂಗ್ ಅಲಾರಂ ಬಟನ್ ಅನ್ನು ಡ್ರ್ಯಾಗ್ ಮಾಡಿ.

    • ನಿಮ್ಮ ನಿದ್ರೆಯ ವೇಳಾಪಟ್ಟಿಯನ್ನು ಬದಲಾಯಿಸಿ: ಮಲಗುವ ಸಮಯದ ಬಟನ್ ಮತ್ತು ರಿಂಗಿಂಗ್ ಅಲಾರಂ ಬಟನ್ ನಡುವಿನ ಆರ್ಕ್ ಅನ್ನು ತಿರುಗಿಸಲು ಡ್ರ್ಯಾಗ್ ಮಾಡಿ. (ನಿಮ್ಮ ಮಲಗುವ ಸಮಯ ಮತ್ತು ಏಳುವ ಸಮಯ ಏಕಕಾಲದಲ್ಲಿ ಬದಲಾಗುತ್ತವೆ ಮತ್ತು ನಿದ್ರೆಯ ಅವಧಿಯು ಬದಲಾಗದೆ ಉಳಿಯುತ್ತದೆ.)

    ಮುಂದಿನ ಎಚ್ಚರಗೊಳ್ಳುವ ಅಲಾರಂ ಅನ್ನು ಬದಲಾಯಿಸುವ ಸ್ಕ್ರೀನ್. ರಿಂಗಿಂಗ್ ಅಲಾರಂ ಬಟನ್‌ನ ಸ್ಥಾನವು ಅಲಾರಂನ ಸಮಯವನ್ನು ಸೆಟ್ ಮಾಡುತ್ತದೆ.

  4. ಅಲಾರಂ ಆಯ್ಕೆಗಳಿಗೆ ಹೋಗಲು ಕೆಳಕ್ಕೆ ಸ್ಕ್ರೋಲ್ ಮಾಡಿ, ಅಲಾರಂ ಅನ್ನು ಆನ್ ಮಾಡಿ, ನಂತರ ಈ ಕೆಳಗಿನ ಯಾವುದೇ ಆಯ್ಕೆಗಳನ್ನು ಬದಲಾಯಿಸಿ:

    • ಸೌಂಡ್ಸ್ & ಹ್ಯಾಪ್ಟಿಕ್ಸ್: ವೈಬ್ರೇಷನ್ ಅಥವಾ ರಿಂಗ್‌ಟೋನ್ ಅನ್ನು ಆಯ್ಕೆಮಾಡಲು ಟ್ಯಾಪ್ ಮಾಡಿ.

    • ಅಲಾರಂ ವಾಲ್ಯೂಮ್: ಸ್ಲೈಡರ್ ಅನ್ನು ಡ್ರ್ಯಾಗ್ ಮಾಡಿ.

    • ಸ್ನೂಝ್ ಮಾಡಿ: ನಿಮ್ಮ ಅಲಾರಮ್‌ನೊಂದಿಗೆ ಸ್ನೂಝ್ ಬಟನ್ ನೋಡಲು ಆನ್ ಮಾಡಿ. (ಇದು ಅಲಾರಂ ಅನ್ನು 9 ನಿಮಿಷಗಳ ಕಾಲ ವಿರಾಮಗೊಳಿಸುತ್ತದೆ.)

  5. ಮುಗಿದಿದೆ ಎಂಬುದನ್ನು ಟ್ಯಾಪ್ ಮಾಡಿ, ನಂತರ ಮುಂದಿನ ಅಲಾರಂ ಅನ್ನು ಮಾತ್ರ ಬದಲಾಯಿಸಿ ಎಂಬುದನ್ನು ಟ್ಯಾಪ್ ಮಾಡಿ.

    ಗಮನಿಸಿ: ನೀವು ’ಈ ವೇಳಾಪಟ್ಟಿಯನ್ನು ಬದಲಾಯಿಸಿ’ ಎಂಬುದನ್ನು ಟ್ಯಾಪ್ ಮಾಡಿದರೆ, ನಿಮ್ಮ ನಿದ್ರೆಯ ವೇಳಾಪಟ್ಟಿಯಲ್ಲಿನ ನಿಮ್ಮ ಮರುಕಳಿಸುವ ಎಚ್ಚರಗೊಳ್ಳುವ ಅಲಾರಂ ಅನ್ನು ಸಹ ಅಪ್‌ಡೇಟ್ ಮಾಡುತ್ತೀರಿ.

ನಿಮ್ಮ ನಿದ್ರೆಯ ವೇಳಾಪಟ್ಟಿಯಲ್ಲಿ ನಿಮ್ಮ ಮುಂದಿನ ಎಚ್ಚರಗೊಳ್ಳುವಿಕೆ ಅಲಾರಂಗಿಂತಲೂ ಹೆಚ್ಚಿನ ಬದಲಾವಣೆಗಳನ್ನು ಮಾಡಲು, ಆರೋಗ್ಯ ಆ್ಯಪ್‌ನಲ್ಲಿ ನಿದ್ರೆಯ ವೇಳಾಪಟ್ಟಿಯನ್ನು ಎಡಿಟ್ ಎಂಬುದನ್ನು ಟ್ಯಾಪ್ ಮಾಡಿ. (ನಿದ್ರೆಯ ವೇಳಾಪಟ್ಟಿಗಳನ್ನು ಸೇರಿಸಿ ಅಥವಾ ಬದಲಾಯಿಸಿ ಎಂಬುದನ್ನು ನೋಡಿ.)

ನಿಮ್ಮ ಮುಂದಿನ ಎಚ್ಚರಗೊಳ್ಳುವಿಕೆ ಅಲಾರಂ ಅನ್ನು ಆಫ್ ಮಾಡುವುದು

  1. ನಿಮ್ಮ iPhoneನಲ್ಲಿನ ಗಡಿಯಾರ ಆ್ಯಪ್‌ಗೆ ಹೋಗಿ.

  2. ಅಲಾರಂಗಳನ್ನು ಟ್ಯಾಪ್ ಮಾಡಿ, ನಂತರ ಬದಲಾಯಿಸಿ ಎಂಬುದನ್ನು ಟ್ಯಾಪ್ ಮಾಡಿ.

  3. ಅಲಾರಂ ಆಯ್ಕೆಗಳಿಗೆ ಹೋಗಲು ಕೆಳಕ್ಕೆ ಸ್ಕ್ರೋಲ್ ಮಾಡಿ, ನಂತರ ಅಲಾರಂ ಅನ್ನು ಆಫ್ ಮಾಡಿ.

  4. ಮುಗಿದಿದೆ ಎಂಬುದನ್ನು ಟ್ಯಾಪ್ ಮಾಡಿ, ನಂತರ ಮುಂದಿನ ಅಲಾರಂ ಅನ್ನು ಮಾತ್ರ ಬದಲಾಯಿಸಿ ಎಂಬುದನ್ನು ಟ್ಯಾಪ್ ಮಾಡಿ.

    ಗಮನಿಸಿ: ನೀವು ’ಈ ವೇಳಾಪಟ್ಟಿಯನ್ನು ಬದಲಾಯಿಸಿ’ ಎಂಬುದನ್ನು ಟ್ಯಾಪ್ ಮಾಡಿದರೆ, ನಿಮ್ಮ ನಿದ್ರೆಯ ವೇಳಾಪಟ್ಟಿಯಲ್ಲಿನ ನಿಮ್ಮ ಮರುಕಳಿಸುವ ಎಚ್ಚರಗೊಳ್ಳುವ ಅಲಾರಂ ಅನ್ನು ಸಹ ಅಪ್‌ಡೇಟ್ ಮಾಡುತ್ತೀರಿ.

ಎಚ್ಚರಗೊಳ್ಳುವ ಅಲಾರಂ ಅನ್ನು ತೆಗೆದುಹಾಕುವುದು

  1. ನಿಮ್ಮ iPhoneನಲ್ಲಿನ ಗಡಿಯಾರ ಆ್ಯಪ್‌ಗೆ ಹೋಗಿ.

  2. ಬದಲಾಯಿಸಿ ಎಂಬುದನ್ನು ಟ್ಯಾಪ್ ಮಾಡಿ, ನಂತರ ಆರೋಗ್ಯ ಆ್ಯಪ್‌ನಲ್ಲಿ ನಿದ್ರೆಯ ವೇಳಾಪಟ್ಟಿಯನ್ನು ಎಡಿಟ್ ಎಂಬುದನ್ನು ಟ್ಯಾಪ್ ಮಾಡಿ.

  3. ನಿದ್ರೆಯ ವೇಳಾಪಟ್ಟಿಯನ್ನು ಆಫ್ ಮಾಡಿ.

ಆರೋಗ್ಯ ಆ್ಯಪ್‌ನಲ್ಲಿ, ನೀವು ನಿದ್ರೆಯ ವೇಳಾಪಟ್ಟಿಯನ್ನು ಡಿಲೀಟ್ ಮಾಡಬಹುದು ಅಥವಾ ಎಲ್ಲಾ ನಿದ್ರೆಯ ವೇಳಾಪಟ್ಟಿಗಳನ್ನು ಆಫ್ ಮಾಡಬಹುದು.

ಇದನ್ನು ಸಹ ನೋಡಿiPhoneನಲ್ಲಿನ ಗಡಿಯಾರ ಆ್ಯಪ್‌ನಲ್ಲಿ ಸ್ಟಾಪ್‌ವಾಚ್ ಬಳಸಿ ಸಮಯವನ್ನು ಟ್ರ್ಯಾಕ್ ಮಾಡುವುದುನಿಮ್ಮ ಮೊದಲ ಪುನರಾವರ್ತಿತ ನಿದ್ರೆಯ ವೇಳಾಪಟ್ಟಿಯನ್ನು ಸೆಟಪ್ ಮಾಡಿiPhoneನಲ್ಲಿನ ಆರೋಗ್ಯ ಆ್ಯಪ್‌ನಲ್ಲಿ ಅಲಾರಂಗಳನ್ನು ಆಫ್ ಮಾಡಿ ಮತ್ತು ನಿದ್ರೆಯ ವೇಳಾಪಟ್ಟಿಗಳನ್ನು ಡಿಲೀಟ್ ಮಾಡಿ
Morty Proxy This is a proxified and sanitized view of the page, visit original site.
ಉಪಯುಕ್ತವಾಗಿದೆಯೇ?
ಅಕ್ಷರ ಮಿತಿ: 250
ಗರಿಷ್ಠ ಅಕ್ಷರ ಮಿತಿಯು 250 ಆಗಿದೆ.
ನಿಮ್ಮ ಫೀಡ್‌ಬ್ಯಾಕ್‌ಗಾಗಿ ಧನ್ಯವಾದಗಳು.
Morty Proxy This is a proxified and sanitized view of the page, visit original site.