iOS 26
iOS 18
ಈ ನಿಯಂತ್ರಣವನ್ನು ಮಾರ್ಪಡಿಸುವುದರಿಂದ ಈ ಪುಟವು ಸ್ವಯಂಚಾಲಿತವಾಗಿ ಅಪ್‌ಡೇಟ್ ಆಗುತ್ತದೆ

iPhoneನಲ್ಲಿ ನೋಟಿಫಿಕೇಷನ್ ಸೆಟ್ಟಿಂಗ್ಸ್ ಅನ್ನು ಬದಲಾಯಿಸುವುದು

ನೋಟಿಫಿಕೇಷನ್‌ಗಳು ಯಾವಾಗ ಮತ್ತು ಹೇಗೆ ಕಾಣಿಸಿಕೊಳ್ಳಬೇಕು, ಯಾವ ಆ್ಯಪ್‌ಗಳು ಅವುಗಳನ್ನು ಕಳುಹಿಸಬಹುದು ಮತ್ತು ಅವು ಯಾವ ಸೌಂಡ್‌ಗಳನ್ನು ಮಾಡುತ್ತವೆ ಎಂಬುದನ್ನು ಆಯ್ಕೆಮಾಡಿ. ನೀವು ಸ್ಥಳ ಆಧಾರಿತ ಅಲರ್ಟ್‌ಗಳನ್ನು ಸೆಟಪ್ ಮಾಡಬಹುದು, ಸರ್ಕಾರಿ ಅಲರ್ಟ್‌ಗಳನ್ನು ಅನುಮತಿಸಬಹುದು ಮತ್ತು ಇನ್ನೂ ಹೆಚ್ಚಿನವುಗಳನ್ನು ಸಹ ಮಾಡಬಹುದು. ಹಲವು ನೋಟಿಫಿಕೇಷನ್ ಸೆಟ್ಟಿಂಗ್‌ಗಳು ಎಲ್ಲಾ ಆ್ಯಪ್ ನೋಟಿಫಿಕೇಷನ್‌ಗಳಿಗೆ ಅನ್ವಯಿಸುತ್ತವೆ, ಆದರೆ ಇತರ ನೋಟಿಫಿಕೇಷನ್ ಸೆಟ್ಟಿಂಗ್ಸ್ ಅನ್ನು ಆ್ಯಪ್‌ಗಳಿಗೆ ಪ್ರತ್ಯೇಕವಾಗಿ ಕಸ್ಟಮೈಸ್ ಮಾಡಬಹುದು.

ನೋಟಿಫಿಕೇಷನ್‌ಗಳ ನೋಟವನ್ನು ಬದಲಾಯಿಸಿ

  1. ಸೆಟ್ಟಿಂಗ್ಸ್  > ನೋಟಿಫಿಕೇಷನ್‌ಗಳು ಎಂಬುದಕ್ಕೆ ಹೋಗಿ.

  2. ಲಾಕ್ ಸ್ಕ್ರೀನ್‌ನಲ್ಲಿ ನೋಟಿಫಿಕೇಷನ್‌ಗಳನ್ನು ಹೇಗೆ ಪ್ರದರ್ಶಿಸಬೇಕೆಂದು ನೀವು ಬಯಸುತ್ತೀರಿ ಎಂಬುದನ್ನು ಆರಿಸಿ:

    • ಕೇವಲ ನೋಟಿಫಿಕೇಷನ್‌ಗಳ ಸಂಖ್ಯೆಯನ್ನು ವೀಕ್ಷಿಸಿ: ಎಣಿಕೆ ಎಂಬುದನ್ನು ಟ್ಯಾಪ್ ಮಾಡಿ.

    • ಆ್ಯಪ್‌ನ ಪ್ರಕಾರ ಸ್ಟ್ಯಾಕ್‌ಗಳಾಗಿ ಗುಂಪು ಮಾಡಲಾದ ನೋಟಿಫಿಕೇಷನ್‌ಗಳನ್ನು ವೀಕ್ಷಿಸಿ: ಸ್ಟ್ಯಾಕ್ ಎಂಬುದನ್ನು ಟ್ಯಾಪ್ ಮಾಡಿ.

    • ನೋಟಿಫಿಕೇಷನ್‌ಗಳನ್ನು ಪಟ್ಟಿಯಲ್ಲಿ ವೀಕ್ಷಿಸಿ: ಪಟ್ಟಿ ಎಂಬುದನ್ನು ಟ್ಯಾಪ್ ಮಾಡಿ.

    ನೋಟಿಫಿಕೇಷನ್‌ಗಳು ಬಂದಾಗ, ನೀವು ಲಾಕ್ ಸ್ಕ್ರೀನ್‌ನಲ್ಲಿ ನೋಟಿಫಿಕೇಷನ್‌ಗಳನ್ನು ಪಿಂಚ್ ಮಾಡುವ ಮೂಲಕ ಲೇಔಟ್ ಅನ್ನು ಬದಲಾಯಿಸಬಹುದು.

ಆ್ಯಪ್‌ಗೆ ನೋಟಿಫಿಕೇಷನ್‌ಗಳನ್ನು ಆಫ್ ಮಾಡಲು, ಸೆಟ್ಟಿಂಗ್ಸ್  > ನೋಟಿಫಿಕೇಷನ್‌ಗಳು ಎಂಬಲ್ಲಿಗೆ ಹೋಗಿ, ಆ್ಯಪ್ ಅನ್ನು ಟ್ಯಾಪ್ ಮಾಡಿ, ನಂತರ ನೋಟಿಫಿಕೇಷನ್‌ಗಳನ್ನು ಅನುಮತಿಸಿ ಎಂಬುದನ್ನು ಆಫ್ ಮಾಡಿ.

ಲಾಕ್ ಸ್ಕ್ರೀನ್‌ನಲ್ಲಿ ನೋಟಿಫಿಕೇಷನ್ ಪ್ರಿವ್ಯೂಗಳು ಕಾಣಿಸಿಕೊಳ್ಳುವುದನ್ನು ತಡೆಯುವುದು

ನಿಮ್ಮ ಲಾಕ್ ಸ್ಕ್ರೀನ್‌ನಲ್ಲಿ ಆ್ಯಪ್‌ನ ನೋಟಿಫಿಕೇಷನ್‌ ಪ್ರಿವ್ಯೂಗಳು ಯಾವಾಗ ಕಾಣಿಸಿಕೊಳ್ಳಬೇಕು ಎಂಬುದನ್ನು ನೀವು ಆಯ್ಕೆಮಾಡಬಹುದು.

  1. ಸೆಟ್ಟಿಂಗ್ಸ್  > ನೋಟಿಫಿಕೇಷನ್ಸ್ ಎಂಬಲ್ಲಿಗೆ ಹೋಗಿ, ನಂತರ ನೋಟಿಫಿಕೇಷನ್ ಶೈಲಿ ಎಂಬುದರ ಕೆಳಗಿರುವ ಆ್ಯಪ್ ಅನ್ನು ಟ್ಯಾಪ್ ಮಾಡಿ.

  2. ಕೆಳಕ್ಕೆ ಸ್ಕ್ರೋಲ್ ಮಾಡಿ, ಪ್ರಿವ್ಯೂಗಳನ್ನು ತೋರಿಸಿ ಎಂಬುದನ್ನು ಟ್ಯಾಪ್ ಮಾಡಿ, ನಂತರ ಈ ಕೆಳಗಿನವುಗಳಲ್ಲಿ ಒಂದನ್ನು ಆಯ್ಕೆ ಮಾಡಿ:

    • ಯಾವಾಗಲೂ

    • ಅನ್‌ಲಾಕ್ ಆಗಿರುವಾಗ

    • ಎಂದಿಗೂ ಬೇಡ

ನೋಟಿಫಿಕೇಷನ್‌ಗಳ ಫ್ರೀಕ್ವೆನ್ಸಿಯನ್ನು ಬದಲಾಯಿಸಿ

ದಿನವಿಡೀ ಬರುವ ನೋಟಿಫಿಕೇಷನ್‌ಗಳಿಂದ ಉಂಟಾಗುವ ಅಡಚಣೆಗಳನ್ನು ಕಡಿಮೆ ಮಾಡಲು, ನೀವು ಏಕಕಾಲದಲ್ಲಿ ಹಲವಾರು ಆ್ಯಪ್‌ಗಳಿಗೆ ಸಂಬಂಧಿಸಿದ ನೋಟಿಫಿಕೇಷನ್‌ಗಳನ್ನು ಒಳಗೊಂಡಿರುವ ನೋಟಿಫಿಕೇಷನ್ ಸಾರಾಂಶವನ್ನು ನಿಗದಿಪಡಿಸಬಹುದು.

  1. ಸೆಟ್ಟಿಂಗ್ಸ್ ಆ್ಯಪ್  > ನೋಟಿಫಿಕೇಷನ್‌ಗಳು > ನಿಗದಿಪಡಿಸಿದ ಸಾರಾಂಶ ಎಂಬಲ್ಲಿಗೆ ಹೋಗಿ.

  2. ನಿಗದಿಪಡಿಸಿದ ಸಾರಾಂಶ ಎಂಬುದನ್ನು ಆನ್ ಮಾಡಿ, ನಂತರ ಮುಂದುವರಿಸಿ ಎಂಬುದನ್ನು ಟ್ಯಾಪ್ ಮಾಡಿ.

  3. ನೋಟಿಫಿಕೇಷನ್ ಸಾರಾಂಶಕ್ಕಾಗಿ ಸಮಯವನ್ನು ನಿಗದಿಪಡಿಸಿ.

  4. ನಿಮ್ಮ ನೋಟಿಫಿಕೇಷನ್ ಸಾರಾಂಶದಲ್ಲಿ ಸೇರಿಸಲು ಬಯಸುವ ಆ್ಯಪ್‌ಗಳನ್ನು ಆಯ್ಕೆಮಾಡಿ, ನಂತರ ಆ್ಯಪ್‌ಗಳನ್ನು ಸೇರಿಸಿ ಎಂಬುದನ್ನು ಟ್ಯಾಪ್ ಮಾಡಿ.

  5. ನಿಮಗೆ ನೋಟಿಫಿಕೇಷನ್ ಪ್ರಿವ್ಯೂಗಳು ಯಾವಾಗ ಕಾಣಿಸಿಕೊಳ್ಳಬೇಕು ಎಂಬುದನ್ನು ಆಯ್ಕೆಮಾಡಲು, ಪ್ರಿವ್ಯೂಗಳನ್ನು ತೋರಿಸಿ ಎಂಬುದನ್ನು ಟ್ಯಾಪ್ ಮಾಡಿ, ಒಂದು ಆಯ್ಕೆಯನ್ನು ಆರಿಸಿ, ನಂತರ ಸ್ಕ್ರೀನ್‌ನ ಮೇಲ್ಭಾಗದಲ್ಲಿರುವ ಹಿಂದಕ್ಕೆ ಬಟನ್ ಅನ್ನು ಟ್ಯಾಪ್ ಮಾಡಿ.

    ಪ್ರಿವ್ಯೂಗಳು ಪಠ್ಯ (ಸಂದೇಶ ಮತ್ತು Mailನಿಂದ) ಮತ್ತು ಆಹ್ವಾನದ ವಿವರಗಳನ್ನು (ಕ್ಯಾಲೆಂಡರ್‌ನಿಂದ) ಒಳಗೊಂಡಿರಬಹುದು. ಪ್ರತ್ಯೇಕ ಆ್ಯಪ್‌ಗಳಿಗಾಗಿ ನೀವು ಈ ಸೆಟ್ಟಿಂಗ್ ಅನ್ನು ಓವರ್‌ರೈಡ್ ಮಾಡಬಹುದು.

ನೀವು ಫೋಕಸ್ ಅನ್ನು ಬಳಸುವಾಗ, ಇದು ಅಡಚಣೆಗಳನ್ನು ತಡೆಯಲು iPhoneನಲ್ಲಿ ನೋಟಿಫಿಕೇಷನ್‌ಗಳ ಡೆಲಿವರಿಯನ್ನು ವಿಳಂಬಗೊಳಿಸುತ್ತದೆ. ನೀವು ಮಿಸ್ ಮಾಡಿಕೊಂಡಿರುವ ನೋಟಿಫಿಕೇಷನ್‌ಗಳ ಸಾರಾಂಶವನ್ನು ಸ್ವೀಕರಿಸಲು ನೀವು ಸಮಯವನ್ನು ನಿಗದಿಪಡಿಸಬಹುದು. ನೋಟಿಫಿಕೇಷನ್ ಸಾರಾಂಶವನ್ನು ನಿಗದಿಪಡಿಸಿ ಅನ್ನು ನೋಡಿ.

ಪ್ರತ್ಯೇಕ ಆ್ಯಪ್‌ಗಳಿಗಾಗಿ ನೋಟಿಫಿಕೇಷನ್ ಸೌಂಡ್‌ಗಳನ್ನು ಆಯ್ಕೆಮಾಡಿ

ಆ್ಯಪ್‌ಗಾಗಿ ನೋಟಿಫಿಕೇಷನ್ ಬಂದಾಗ ಪ್ಲೇ ಆಗುವ ಸೌಂಡ್ ಅನ್ನು ನೀವು ಆಯ್ಕೆಮಾಡಬಹುದು.

  1. ಸೆಟ್ಟಿಂಗ್ಸ್ ಆ್ಯಪ್‌  > ನೋಟಿಫಿಕೇಷನ್‌ಗಳು ಎಂಬುದಕ್ಕೆ ಹೋಗಿ.

  2. ನೋಟಿಫಿಕೇಷನ್ ಶೈಲಿ ಎಂಬುದರ ಕೆಳಗೆ ಆ್ಯಪ್ ಒಂದನ್ನು ಟ್ಯಾಪ್ ಮಾಡಿ, ನಂತರ ನೋಟಿಫಿಕೇಷನ್‌ಗಳನ್ನು ಅನುಮತಿಸಿ ಎಂಬುದನ್ನು ಆನ್ ಮಾಡಿ.

  3. ಸೌಂಡ್‌ಗಳು ಎಂಬುದನ್ನು ಟ್ಯಾಪ್ ಮಾಡಿ, ಸೌಂಡ್ ಅನ್ನು ಆಯ್ಕೆಮಾಡಿ, ನಂತರ ಸ್ಕ್ರೀನ್‌ನ ಮೇಲ್ಭಾಗದಲ್ಲಿರುವ ಹಿಂದಕ್ಕೆ ಬಟನ್ ಅನ್ನು ಟ್ಯಾಪ್ ಮಾಡಿ.

ಆ್ಯಪ್‌ನ ನೋಟಿಫಿಕೇಷನ್‌ಗಳಿಗಾಗಿ ನೀವು ತಕ್ಷಣದ ಅಥವಾ ನಿಗದಿಪಡಿಸಿದ ಡೆಲಿವರಿಯನ್ನು ಮತ್ತು ಅವುಗಳು ಎಲ್ಲಿ ಕಾಣಿಸಿಕೊಳ್ಳಬೇಕು ಎಂಬುದನ್ನು (ಲಾಕ್ ಸ್ಕ್ರೀನ್‌ನಲ್ಲಿ, ನೋಟಿಫಿಕೇಷನ್ ಸೆಂಟರ್‌ನಲ್ಲಿ ಅಥವಾ ಸ್ಕ್ರೀನ್‌ನ ಮೇಲ್ಭಾಗದಲ್ಲಿ ಬ್ಯಾನರ್ ಆಗಿ) ಮತ್ತು ಇನ್ನೂ ಹೆಚ್ಚಿನದನ್ನು ಆಯ್ಕೆಮಾಡಬಹುದು .

ಪ್ರತ್ಯೇಕ ಆ್ಯಪ್‌ಗಳಿಗಾಗಿ ಆಯ್ದ ನೋಟಿಫಿಕೇಷನ್‌ಗಳನ್ನು ಆಫ್ ಮಾಡಿ

  1. ಸೆಟ್ಟಿಂಗ್ಸ್  > ನೋಟಿಫಿಕೇಷನ್‌ಗಳು ಎಂಬುದಕ್ಕೆ ಹೋಗಿ.

  2. ಆ್ಯಪ್ ಅನ್ನು ಟ್ಯಾಪ್ ಮಾಡಿ, ನಂತರ ನೋಟಿಫಿಕೇಷನ್‌ಗಳನ್ನು ಅನುಮತಿಸಿ ಎಂಬುದನ್ನು ಆಫ್ ಮಾಡಿ.

ಸ್ಥಳ-ಆಧಾರಿತ ಅಲರ್ಟ್‌ಗಳನ್ನು ಆಫ್ ಮಾಡಿ

ನೀವು ಇರುವ ಸ್ಥಳದ ಆಧಾರದ ಮೇಲೆ ಸಂಬಂಧಿತ ಅಲರ್ಟ್‌ಗಳನ್ನು ಕಳುಹಿಸಲು ಕೆಲವು ಆ್ಯಪ್‌ಗಳು ನಿಮ್ಮ ಸ್ಥಳವನ್ನು ಬಳಸುತ್ತವೆ. ಉದಾಹರಣೆಗೆ, ಹವಾಮಾನ ಆ್ಯಪ್ ನಿಮ್ಮ ಸ್ಥಳದ ಆಧಾರದ ಮೇಲೆ ನಿಮಗೆ ಅಲರ್ಟ್‌ಗಳನ್ನು ಕಳುಹಿಸಬಹುದು.

ನೀವು ಈ ರೀತಿಯ ಅಲರ್ಟ್‌ಗಳನ್ನು ನೋಡಲು ಬಯಸದಿದ್ದರೆ, ನೀವು ಅವುಗಳನ್ನು ಆಫ್ ಮಾಡಬಹುದು.

  1. ಸೆಟ್ಟಿಂಗ್ಸ್ ಆ್ಯಪ್‌  > ಗೌಪ್ಯತೆ ಮತ್ತು ಭದ್ರತೆ > ಸ್ಥಳ ಸೇವೆಗಳು ಎಂಬಲ್ಲಿಗೆ ಹೋಗಿ.

  2. ಸ್ಥಳ ಸೇವೆಗಳನ್ನು ಆನ್ ಮಾಡಿ.

  3. ಆ್ಯಪ್ ಒಂದನ್ನು ಟ್ಯಾಪ್ ಮಾಡಿ (ಪಟ್ಟಿಯಲ್ಲಿ ಯಾವುದಾದರೂ ಕಾಣಿಸಿಕೊಂಡರೆ), ನಂತರ ನೀವು ಆ ಆ್ಯಪ್ ಅನ್ನು ಬಳಸುವಾಗ ನಿಮ್ಮ ಸ್ಥಳವನ್ನು ಹಂಚಿಕೊಳ್ಳಲು ಬಯಸುತ್ತೀರೋ ಇಲ್ಲವೋ ಎಂಬುದನ್ನು ಆಯ್ಕೆಮಾಡಿ.

ಗೌಪ್ಯತೆ ಮತ್ತು ಸ್ಥಳ ಸೇವೆಗಳನ್ನು ಕುರಿತು ಎಂಬ Apple ಬೆಂಬಲ ಲೇಖನವನ್ನು ನೋಡಿ.

ಸರ್ಕಾರಿ ಅಲರ್ಟ್‌ಗಳನ್ನು ಆನ್ ಅಥವಾ ಆಫ್ ಮಾಡುವುದು

ಕೆಲವು ದೇಶಗಳು ಅಥವಾ ಪ್ರದೇಶಗಳಲ್ಲಿ, ನೀವು ಸರ್ಕಾರಿ ಅಲರ್ಟ್‌ಗಳ ಪಟ್ಟಿಯಲ್ಲಿ ಅಲರ್ಟ್‌ಗಳನ್ನು ಆನ್ ಮಾಡಬಹುದು. ಉದಾಹರಣೆಗೆ, ಯುನೈಟೆಡ್ ಸ್ಟೇಟ್ಸ್‌ನಲ್ಲಿರುವ iPhoneನಲ್ಲಿ, ನೀವು ರಾಷ್ಟ್ರೀಯ ಅಲರ್ಟ್‌ಗಳನ್ನು ಸ್ವೀಕರಿಸಬಹುದು ಮತ್ತು ನೀವು AMBER, ಸಾರ್ವಜನಿಕ ಸುರಕ್ಷತೆ ಮತ್ತು ತುರ್ತು ಅಲರ್ಟ್‌ಗಳನ್ನು (ಅವು ತೀವ್ರವಾದ ಮತ್ತು ಹೆಚ್ಚಿನ ತೀವ್ರತೆಯ ಸಂಭವಿಸಲಿರುವ ಅಪಾಯದ ಅಲರ್ಟ್‌ಗಳನ್ನು ಒಳಗೊಂಡಿರುತ್ತವೆ) ಆನ್ ಅಥವಾ ಆಫ್ ಮಾಡಬಹುದು (ಡಿಫಾಲ್ಟ್ ಆಗಿ ಅವು ಆನ್ ಇರುತ್ತವೆ). ಜಪಾನ್‌ನಲ್ಲಿನ iPhoneನಲ್ಲಿ, ಜಪಾನ್ ಹವಾಮಾನ ಅಧ್ಯಯನ ಸಂಸ್ಥೆಯಿಂದ ಭೂಕಂಪದ ತುರ್ತು ಅಲರ್ಟ್‌ಗಳನ್ನು ಸ್ವೀಕರಿಸಬಹುದು.

  1. ಸೆಟ್ಟಿಂಗ್ಸ್ ಆ್ಯಪ್‌  > ನೋಟಿಫಿಕೇಷನ್‌ಗಳು ಎಂಬುದಕ್ಕೆ ಹೋಗಿ.

  2. ಸರ್ಕಾರಿ ಅಲರ್ಟ್‌ಗಳು ಎಂಬ ವಿಭಾಗಕ್ಕೆ ಸ್ಕ್ರೋಲ್ ಮಾಡಿ, ನಂತರ ನೀವು ಸ್ವೀಕರಿಸಲು ಬಯಸುವ ಅಲರ್ಟ್‌ಗಳನ್ನು ಆನ್ ಮಾಡಿ.

    ಸರ್ಕಾರಿ ಅಲರ್ಟ್‌ಗಳನ್ನು ಸ್ವೀಕರಿಸಲು ನೀವು ಆನ್ ಮಾಡಬಹುದಾದ ಸರ್ಕಾರಿ ಅಲರ್ಟ್‌ಗಳು ಎಂಬುದನ್ನು ತೋರಿಸುವ ನೋಟಿಫಿಕೇಷನ್‌ಗಳ ಸ್ಕ್ರೀನ್.

  3. ನೀವು ತುರ್ತು ಅಲರ್ಟ್‌ಗಳು ಮತ್ತು ಸ್ಥಳೀಯ ಜಾಗೃತಿ ಎಂಬುವನ್ನು ಆನ್ ಮಾಡಲು ಬಯಸಿದರೆ ತುರ್ತು ಅಲರ್ಟ್‌ಗಳು ಎಂಬುದನ್ನು ಟ್ಯಾಪ್ ಮಾಡಿ.

    ಗಮನಿಸಿ: ಕೆಲವು ಪ್ರದೇಶಗಳಲ್ಲಿ, ಸ್ಥಳೀಯ ಜಾಗೃತಿಯು ಕೆಲವು ತುರ್ತು ಅಲರ್ಟ್‌ಗಳ ಸಮಯೋಚಿತತೆ, ನಿಖರತೆ ಮತ್ತು ವಿಶ್ವಾಸಾರ್ಹತೆಯನ್ನು ಸುಧಾರಿಸಬಹುದು. ಉದಾಹರಣೆಗೆ, ಕ್ಯಾಲಿಫೋರ್ನಿಯಾ, ಒರೆಗಾನ್ ಮತ್ತು ವಾಶಿಂಗ್ಟನ್‌ನಲ್ಲಿ (ಗಡಿ ಪ್ರದೇಶಗಳು ಸೇರಿದಂತೆ) iPhoneನಲ್ಲಿ ಸ್ವೀಕರಿಸುವ ಭೂಕಂಪದ ಅಲರ್ಟ್‌ಗಳು ‘ಸ್ಥಳೀಯ ಜಾಗೃತಿ’ಯನ್ನು ಆನ್ ಮಾಡಿರುವಾಗ ಹೆಚ್ಚು ಸಕಾಲಿಕವಾಗಿ ಅಥವಾ ಹೆಚ್ಚಿನ ನಿಖರತೆಯೊಂದಿಗೆ ಬರಬಹುದು.

    ತುರ್ತು ಅಲರ್ಟ್‌ಗಳು, ಸ್ಥಳೀಯ ಜಾಗೃತಿ ಮತ್ತು ‘ಯಾವಾಗಲೂ ಸೌಂಡ್ ಪ್ಲೇ ಮಾಡಿ’ ಎಂಬುವು ಆನ್ ಆಗಿರುವುದನ್ನು ತೋರಿಸುವ ತುರ್ತು ಅಲರ್ಟ್‌ಗಳ ಸ್ಕ್ರೀನ್.

  4. iPhone ನಿಶ್ಯಬ್ದ ಮೋಡ್‌ನಲ್ಲಿದ್ದಾಗಲೂ ತುರ್ತು ಅಲರ್ಟ್‌ಗಳು ಸೌಂಡ್ ಅನ್ನು ಪ್ಲೇ ಮಾಡಬೇಕೆಂದರೆ, ‘ಯಾವಾಗಲೂ ಸೌಂಡ್ ಪ್ಲೇ ಮಾಡಿ’ ಎಂಬುದನ್ನು ಆನ್ ಮಾಡಿ.

ಸರ್ಕಾರಿ ಅಲರ್ಟ್‌ಗಳು ನೆಟ್‌ವರ್ಕ್ ಪೂರೈಕೆದಾರರು ಮತ್ತು iPhone ಮಾಡಲ್ ಅನ್ನು ಅವಲಂಬಿಸಿ ಬದಲಾಗುತ್ತವೆ ಮತ್ತು ಎಲ್ಲಾ ಪರಿಸ್ಥಿತಿಗಳಲ್ಲಿ ಕೆಲಸ ಮಾಡದಿರಬಹುದು. ತುರ್ತು ಮತ್ತು ಸರ್ಕಾರಿ ಅಲರ್ಟ್‌ಗಳನ್ನು ಕುರಿತು ಎಂಬ Apple ಬೆಂಬಲ ಲೇಖನವನ್ನು ನೋಡಿ.

ಇದನ್ನು ಸಹ ನೋಡಿiPhoneನಲ್ಲಿನ ಫೋಕಸ್‌ಗಾಗಿ ನೋಟಿಫಿಕೇಷನ್‌ಗಳನ್ನು ಅನುಮತಿಸಿ ಅಥವಾ ನಿಶ್ಶಬ್ದಗೊಳಿಸಿ
Morty Proxy This is a proxified and sanitized view of the page, visit original site.
ಉಪಯುಕ್ತವಾಗಿದೆಯೇ?
ಅಕ್ಷರ ಮಿತಿ: 250
ಗರಿಷ್ಠ ಅಕ್ಷರ ಮಿತಿಯು 250 ಆಗಿದೆ.
ನಿಮ್ಮ ಫೀಡ್‌ಬ್ಯಾಕ್‌ಗಾಗಿ ಧನ್ಯವಾದಗಳು.
Morty Proxy This is a proxified and sanitized view of the page, visit original site.