iOS 26
iOS 18
ಈ ನಿಯಂತ್ರಣವನ್ನು ಮಾರ್ಪಡಿಸುವುದರಿಂದ ಈ ಪುಟವು ಸ್ವಯಂಚಾಲಿತವಾಗಿ ಅಪ್‌ಡೇಟ್ ಆಗುತ್ತದೆ

iPhoneನಲ್ಲಿ ಸ್ಕ್ರೀನ್ ಟೈಮ್ ಬಳಕೆಯನ್ನು ಪ್ರಾರಂಭಿಸುವುದು

ನೀವು ಯಾವ ಆ್ಯಪ್‌ಗಳು ಮತ್ತು ವೆಬ್‌ಸೈಟ್‌ಗಳನ್ನು ಬಳಸುತ್ತೀರಿ ಮತ್ತು ನಿಮ್ಮ ಸಾಧನವನ್ನು ಎಷ್ಟು ಬಾರಿ ಎತ್ತಿಕೊಳ್ಳುತ್ತೀರಿ ಎಂಬುದೂ ಸೇರಿದಂತೆ, ನೀವು ಮತ್ತು ನಿಮ್ಮ ಕುಟುಂಬದ ಸದಸ್ಯರು ನಿಮ್ಮ ಸಾಧನಗಳಲ್ಲಿ ಸಮಯವನ್ನು ಹೇಗೆ ಕಳೆಯುತ್ತೀರಿ ಎಂಬುದರ ಕುರಿತು ಮಾಹಿತಿಯನ್ನು ಪಡೆಯಬಹುದು. ಸ್ಕ್ರೀನ್ ಸಮಯವು ಸ್ಕ್ರೀನ್‌ನಿಂದ ದೂರವಿರುವ ಸಮಯವನ್ನು ನಿಗದಿಪಡಿಸಲು ಮತ್ತು ಆ್ಯಪ್ ಬಳಕೆಗೆ ಮಿತಿಗಳನ್ನು ಸೆಟ್ ಮಾಡಲು ನಿಮಗೆ ಅನುವು ಮಾಡಿಕೊಡುತ್ತದೆ.

ಸ್ಕ್ರೀನ್ ಟೈಮ್ ಅನ್ನು ಆನ್ ಮಾಡಿ

  1. ಸೆಟ್ಟಿಂಗ್ಸ್  > ಸ್ಕ್ರೀನ್ ಟೈಮ್ ಎಂಬಲ್ಲಿಗೆ ಹೋಗಿ.

  2. ಆ್ಯಪ್ ಮತ್ತು ವೆಬ್‌ಸೈಟ್ ಚಟುವಟಿಕೆಯನ್ನು ಟ್ಯಾಪ್ ಮಾಡಿ, ನಂತರ ಆ್ಯಪ್ ಮತ್ತು ವೆಬ್‌ಸೈಟ್ ಚಟುವಟಿಕೆಯನ್ನು ಆನ್ ಮಾಡಿ ಎಂಬುದನ್ನು ಟ್ಯಾಪ್ ಮಾಡಿ.

    ಸ್ಕ್ರೀನ್ ಟೈಮ್ ಸೆಟಪ್ ಮಾಡುವ ಸ್ಕ್ರೀನ್, ಪ್ರಾರಂಭಿಸಲು ನೀವು ಆ್ಯಪ್ ಮತ್ತು ವೆಬ್‌ಸೈಟ್ ಚಟುವಟಿಕೆಯನ್ನು ಟ್ಯಾಪ್ ಮಾಡಬೇಕು ಎಂಬುದನ್ನು ತೋರಿಸುತ್ತಿದೆ.

ನಿಮ್ಮ ಎಲ್ಲಾ ಸಾಧನಗಳಲ್ಲಿ ಸ್ಕ್ರೀನ್ ಸಮಯವನ್ನು ಬಳಸಿ

ನೀವು ಒಂದೇ Apple ಖಾತೆಗೆ ಸೈನ್ ಇನ್ ಆಗಿರುವ ನಿಮ್ಮ ಎಲ್ಲಾ ಸಾಧನಗಳಲ್ಲಿ ನಿಮ್ಮ ಸ್ಕ್ರೀನ್ ಟೈಮ್ ಸೆಟ್ಟಿಂಗ್ಸ್ ಮತ್ತು ವರದಿಗಳನ್ನು ನೀವು ಹಂಚಿಕೊಳ್ಳಬಹುದು.

  1. ಸೆಟ್ಟಿಂಗ್ಸ್  > ಸ್ಕ್ರೀನ್ ಟೈಮ್ ಎಂಬಲ್ಲಿಗೆ ಹೋಗಿ.

  2. ಕೆಳಕ್ಕೆ ಸ್ಕ್ರೋಲ್ ಮಾಡಿ, ನಂತರ ಸಾಧನಗಳಾದ್ಯಂತ ಹಂಚಿಕೊಳ್ಳಿ ಎಂಬುದನ್ನು ಆನ್ ಮಾಡಿ.

ನಿಮ್ಮ ಸ್ಕ್ರೀನ್ ಟೈಮ್ ಸಾರಾಂಶವನ್ನು ವೀಕ್ಷಿಸಿ

ನೀವು ಸ್ಕ್ರೀನ್ ಟೈಮ್ ಅನ್ನು ಆನ್ ಮಾಡಿದ ನಂತರ ಯಾವುದೇ ಸಮಯದಲ್ಲಿ, ಕೆಲವು ರೀತಿಯ ಆ್ಯಪ್‌ಗಳನ್ನು ಬಳಸಿಕೊಂಡು ನೀವು ಎಷ್ಟು ಸಮಯವನ್ನು ಕಳೆಯುತ್ತೀರಿ, ನಿಮ್ಮ iPhone ಅನ್ನು ಮತ್ತು ಇತರ ಸಾಧನಗಳನ್ನು ಎಷ್ಟು ಬಾರಿ ಎತ್ತಿಕೊಳ್ಳುತ್ತೀರಿ, ಯಾವ ಆ್ಯಪ್‌ಗಳು ನಿಮಗೆ ಅತಿ ಹೆಚ್ಚಿನ ನೋಟಿಫಿಕೇಷನ್‌ಗಳನ್ನು ಕಳುಹಿಸುತ್ತವೆ ಮತ್ತು ಇತ್ಯಾದಿಗಳನ್ನು ಒಳಗೊಂಡಂತೆ ನಿಮ್ಮ ಸಾಧನದ ಬಳಕೆಯ ವರದಿಯನ್ನು ನೀವು ನೋಡಬಹುದು.

  1. ಸೆಟ್ಟಿಂಗ್ಸ್  > ಸ್ಕ್ರೀನ್ ಟೈಮ್ ಎಂಬಲ್ಲಿಗೆ ಹೋಗಿ.

  2. ಎಲ್ಲಾ ಆ್ಯಪ್ ಮತ್ತು ವೆಬ್‌ಸೈಟ್ ಚಟುವಟಿಕೆಯನ್ನು ನೋಡಿ ಎಂಬುದನ್ನು ಟ್ಯಾಪ್ ಮಾಡಿ, ನಂತರ ನೀವು ಯಾವ ಸಾಧನದ ಬಳಕೆಯನ್ನು ನೋಡಲು ಬಯಸುತ್ತೀರಿ ಎಂಬುದನ್ನು ಆಯ್ಕೆಮಾಡಲು ಸಾಧನಗಳನ್ನು ಟ್ಯಾಪ್ ಮಾಡಿ.

  3. ನಿಮ್ಮ ವಾರದ ಬಳಕೆಯ ಸಾರಾಂಶವನ್ನು ನೋಡಲು ವಾರ ಎಂಬುದನ್ನು ಟ್ಯಾಪ್ ಮಾಡಿ ಅಥವಾ ನಿಮ್ಮ ದೈನಂದಿನ ಬಳಕೆಯ ಸಾರಾಂಶವನ್ನು ನೋಡಲು ದಿನ ಎಂಬುದನ್ನು ಟ್ಯಾಪ್ ಮಾಡಿ.

    ವರ್ಗದ ಪ್ರಕಾರ ಮತ್ತು ಆ್ಯಪ್‌ನ ಪ್ರಕಾರ ಆ್ಯಪ್‌ಗಳಲ್ಲಿ ಒಟ್ಟು ಎಷ್ಟು ಸಮಯವನ್ನು ವ್ಯಯಿಸಲಾಗಿದೆ ಎಂಬುದನ್ನು ತೋರಿಸುತ್ತಿರುವ ಸ್ಕ್ರೀನ್ ಟೈಮ್ ಸಾಪ್ತಾಹಿಕ ವರದಿ.

ನಿಮ್ಮ ಸಾಧನದ ಬಳಕೆಯತ್ತ ಒಂದು ನೋಟವನ್ನು ಹರಿಸಲು ಸ್ಕ್ರೀನ್ ಟೈಮ್ ವಿಜೆಟ್ ಅನ್ನು ಬಳಸಿ

ನಿಮ್ಮ ಹೋಮ್ ಸ್ಕ್ರೀನ್‌ ಸ್ಕ್ರೀನ್ ಸಮಯದ ವಿಜೆಟ್ ಅನ್ನು ಸೇರಿಸುವ ಮೂಲಕ ನಿಮ್ಮ ಸಾಧನದ ಬಳಕೆಯನ್ನು ನೀವು ತ್ವರಿತವಾಗಿ ಪರಿಶೀಲಿಸಬಹುದು. ವಿಜೆಟ್ ನಿಮ್ಮ ಸ್ಕ್ರೀನ್ ಟೈಮ್ ಸಾರಾಂಶದಲ್ಲಿನ ಮಾಹಿತಿಯನ್ನು ಪ್ರದರ್ಶಿಸುತ್ತದೆ—ನೀವು ಎಷ್ಟು ದೊಡ್ಡ ವಿಜೆಟ್ ಅನ್ನು ಸೇರಿಸುತ್ತೀರೋ ಅದು ಅಷ್ಟು ಹೆಚ್ಚಿನ ಮಾಹಿತಿಯನ್ನು ಪ್ರದರ್ಶಿಸುತ್ತದೆ.

ನೀವು ಕುಟುಂಬ ಹಂಚಿಕೆಯ ಮೂಲಕ ಕುಟುಂಬದ ಸದಸ್ಯರಿಗಾಗಿ ಸ್ಕ್ರೀನ್ ಸಮಯವನ್ನು ಸೆಟಪ್ ಮಾಡಿದರೆ, ನಿಮ್ಮ ಕುಟುಂಬದ ಗುಂಪಿನಲ್ಲಿರುವ ಜನರ ಪಟ್ಟಿಯನ್ನು ನೋಡಲು ನೀವು ವಿಜೆಟ್ ಅನ್ನು ಟ್ಯಾಪ್ ಮಾಡಬಹುದು. ನೀವು ಯಾವ ಕುಟುಂಬದ ಸದಸ್ಯರ ವರದಿಯನ್ನು ನೋಡಲು ಬಯಸುತ್ತೀರೋ ಅವರ ಹೆಸರನ್ನು ಟ್ಯಾಪ್ ಮಾಡಿ.

ನಿಮ್ಮ ಸ್ಕ್ರೀನ್‌ನ ಮೇಲೆ ಸ್ಕ್ರೀನ್ ಟೈಮ್ ಸಾಪ್ತಾಹಿಕ ವರದಿಯ ನೋಟಿಫಿಕೇಷನ್ ಕಾಣಿಸಿಕೊಂಡಾಗ ಅದನ್ನು ಟ್ಯಾಪ್ ಮಾಡುವ ಮೂಲಕವೂ ಸಹ ನಿಮ್ಮ ಸಾರಾಂಶವನ್ನು ನೀವು ನೋಡಬಹುದು. (ನೋಟಿಫಿಕೇಷನ್ ಕಣ್ಮರೆಯಾದರೆ, ನೀವು ಅದನ್ನು ನೋಟಿಫಿಕೇಷನ್ ಕೇಂದ್ರದಲ್ಲಿ ಕಾಣಬಹುದು.)

ಇದನ್ನು ಸಹ ನೋಡಿiPhoneನಲ್ಲಿ ಸ್ಕ್ರೀನ್ ದೂರದ ಮೂಲಕ ನಿಮ್ಮ ದೃಷ್ಟಿಯ ಆರೋಗ್ಯವನ್ನು ರಕ್ಷಿಸಲು ಸಹಾಯ ಮಾಡಿiPhoneನಲ್ಲಿನ ಸ್ಕ್ರೀನ್ ಟೈಮ್‌ನಲ್ಲಿ ವೇಳಾಪಟ್ಟಿಯನ್ನು ಸೆಟ್ ಮಾಡುವುದು
Morty Proxy This is a proxified and sanitized view of the page, visit original site.
ಉಪಯುಕ್ತವಾಗಿದೆಯೇ?
ಅಕ್ಷರ ಮಿತಿ: 250
ಗರಿಷ್ಠ ಅಕ್ಷರ ಮಿತಿಯು 250 ಆಗಿದೆ.
ನಿಮ್ಮ ಫೀಡ್‌ಬ್ಯಾಕ್‌ಗಾಗಿ ಧನ್ಯವಾದಗಳು.
Morty Proxy This is a proxified and sanitized view of the page, visit original site.