iOS 26
iOS 18
ಈ ನಿಯಂತ್ರಣವನ್ನು ಮಾರ್ಪಡಿಸುವುದರಿಂದ ಈ ಪುಟವು ಸ್ವಯಂಚಾಲಿತವಾಗಿ ಅಪ್‌ಡೇಟ್ ಆಗುತ್ತದೆ

iPhoneನಲ್ಲಿ ಲೈವ್ ಸ್ಪೀಚ್ ಬಳಸಿ ಮಾತನಾಡಲು ಟೈಪ್ ಮಾಡಿ

ನಿಮಗೆ ಮಾತನಾಡಲು ಸಾಧ್ಯವಾಗದಿದ್ದರೆ ಅಥವಾ ಕಾಲಕ್ರಮೇಣ ನಿಮ್ಮ ಮಾತಿನ ಸಾಮರ್ಥ್ಯವನ್ನು ನೀವು ಕಳೆದುಕೊಂಡಿದ್ದರೆ, ನೀವು ವೈಯಕ್ತಿಕ ಸಂಭಾಷಣೆಗಳ ಸಮಯದಲ್ಲಿ ಮತ್ತು FaceTime ರೀತಿಯ ಆ್ಯಪ್‌ಗಳಲ್ಲಿ ಟೈಪ್ ಮಾಡುವುದನ್ನು ಜೋರಾಗಿ ಮಾತನಾಡಲು ನೀವು iPhoneನಲ್ಲಿ ಲೈವ್ ಸ್ಪೀಚ್ ಅನ್ನು ಬಳಸಬಹುದು. ನೀವು ಹತ್ತಾರು ಸಿಸ್ಟಂ ಧ್ವನಿಗಳಿಂದ ಒಂದನ್ನು ಆಯ್ಕೆಮಾಡಬಹುದು ಅಥವಾ ನೀವು ರಚಿಸುವ ವೈಯಕ್ತಿಕ ಧ್ವನಿಯನ್ನು ಬಳಸಬಹುದು.

ಗಮನಿಸಿ: ಲೈವ್ ಸ್ಪೀಚ್ ಎಲ್ಲಾ ಭಾಷೆಗಳಲ್ಲಿ ಲಭ್ಯವಿಲ್ಲ. iOS ಮತ್ತು iPadOS ಫೀಚರ್ ಲಭ್ಯತೆಯ ವೆಬ್‌ಸೈಟ್ ಅನ್ನು ನೋಡಿ.

ಲೈವ್ ಸ್ಪೀಚ್ ಅನ್ನು ಆನ್ ಮಾಡಿ

  1. ಸೆಟ್ಟಿಂಗ್ಸ್  > ಆ್ಯಕ್ಸೆಸಬಿಲಿಟಿ → ಲೈವ್ ಸ್ಪೀಚ್ ಎಂಬಲ್ಲಿಗೆ ಹೋಗಿ, ನಂತರ ಲೈವ್ ಸ್ಪೀಚ್ ಎಂಬುದನ್ನು ಆನ್ ಮಾಡಿ.

  2. ಧ್ವನಿಯನ್ನು ಆಯ್ಕೆಮಾಡಿ. ನಿಮ್ಮ ವೈಯಕ್ತಿಕ ಧ್ವನಿ ಸೇರಿದಂತೆ ನೀವು ಆಯ್ಕೆಮಾಡುವ ಯಾವುದೇ ಧ್ವನಿಯೊಂದಿಗೆ ನೀವು ಲೈವ್ ಸ್ಪೀಚ್ ಅನ್ನು ಬಳಸಬಹುದು.

  3. ಸೈಡ್ ಬಟನ್ ಅಥವಾ ಹೋಮ್ ಬಟನ್ ಅನ್ನು ಮೂರು ಬಾರಿ ಕ್ಲಿಕ್ ಮಾಡಿ (ನಿಮ್ಮ iPhone ಮಾಡಲ್ ಅನ್ನು ಅವಲಂಬಿಸಿ), ನಂತರ ಲೈವ್ ಸ್ಪೀಚ್ ಅನ್ನು ಟ್ಯಾಪ್ ಮಾಡಿ (ಒಂದಕ್ಕಿಂತ ಹೆಚ್ಚು ಫೀಚರ್‌ಗಳೊಂದಿಗೆ ಆ್ಯಕ್ಸೆಸಬಿಲಿಟಿ ಶಾರ್ಟ್‌ಕಟ್ ಅನ್ನು ಸೆಟಪ್ ಮಾಡಿದ್ದರೆ).

ನೀವು ಟೈಪ್ ಮಾಡುವುದನ್ನು ಜೋರಾಗಿ ಮಾತನಾಡುವಂತೆ ಮಾಡುವುದು

  1. ನೀವು ಲೈವ್ ಸ್ಪೀಚ್ ಅನ್ನು ಆನ್ ಮಾಡಿದ ನಂತರ, ನೀವು ಮಾತನಾಡಲು ಬಯಸಿದ್ದನ್ನು ಲೈವ್ ಸ್ಪೀಚ್ ವಿಂಡೋದಲ್ಲಿ ಟೈಪ್ ಮಾಡಿ.

    ಕಾಪಿ ಮಾಡಿದ ಪಠ್ಯವನ್ನು ಸಹ ನೀವು ವಿಂಡೋದಲ್ಲಿ ಪೇಸ್ಟ್ ಮಾಡಬಹುದು ಅಥವಾ ನೀವು ಟೈಪ್ ಮಾಡುವಾಗ ಕೀಬೋರ್ಡ್ ಮೇಲೆ ಸಲಹೆಯಾಗಿ ಕಾಣಿಸುವ ಪದಗಳನ್ನು ಟ್ಯಾಪ್ ಮಾಡಬಹುದು.

  2. ನಿಮ್ಮ ಪಠ್ಯವನ್ನು ಜೋರಾಗಿ ಮಾತನಾಡುವಂತೆ ಮಾಡಲು “ಮಾತಿನಲ್ಲಿ ಹೇಳಿ” ಎಂಬುದನ್ನು ಟ್ಯಾಪ್ ಮಾಡಿ.

ನೀವು FaceTime ಕರೆಯಲ್ಲಿದ್ದರೆ, ಕರೆಯಲ್ಲಿ ನಿಮ್ಮೊಂದಿಗೆ ಮಾತನಾಡುತ್ತಿರುವವರಿಗೆ ಲೈವ್ ಸ್ಪೀಚ್ ಔಟ್‌ಪುಟ್ ಆಗಿರುತ್ತದೆ. ಇಲ್ಲದಿದ್ದರೆ, ನಿಮ್ಮ iPhoneನಲ್ಲಿನ ಸ್ಪೀಕರ್ ಲೈವ್ ಸ್ಪೀಚ್ ಅನ್ನು ಔಟ್‌ಪುಟ್ ಮಾಡುತ್ತದೆ.

ಸೇವ್ ಮಾಡಿರುವ ಫ್ರೇಸ್‌ಗಳನ್ನು ಜೋರಾಗಿ ಮಾತನಾಡುವಂತೆ ಮಾಡುವುದು

ಲೈವ್ ಸ್ಪೀಚ್ ಮೂಲಕ, ನೀವು ಹೆಚ್ಚಾಗಿ ಬಳಸುವ ಫ್ರೇಸ್‌ಗಳ ಪಟ್ಟಿಯಿಂದ ಆಯ್ಕೆ ಮಾಡಬಹುದು.

  1. ನೀವು ಲೈವ್ ಸ್ಪೀಚ್ ಅನ್ನು ಆನ್ ಮಾಡಿದ ನಂತರ, ಲೈವ್ ಸ್ಪೀಚ್ ವಿಂಡೋದ ಮೇಲ್ಭಾಗದಲ್ಲಿರುವ ಕೀಬೋರ್ಡ್ ಅನ್ನು ಟ್ಯಾಪ್ ಮಾಡಿ.

  2. ಇತ್ತೀಚಿನವು ಅಥವಾ ಸೇವ್ ಮಾಡಿರುವುದು ಎಂಬ ರೀತಿಯ ವಿಭಾಗವನ್ನು ಟ್ಯಾಪ್ ಮಾಡಿ, ನಂತರ ಒಂದು ಫ್ರೇಸ್ ಅನ್ನು ಜೋರಾಗಿ ಮಾತನಾಡುವಂತೆ ಮಾಡಲು ಅದನ್ನು ಟ್ಯಾಪ್ ಮಾಡಿ.

  3. ನಿಮ್ಮ ಸೇವ್ ಮಾಡಿದ ಫ್ರೇಸ್‌ಗಳನ್ನು ಮರೆಮಾಡಲು ಮತ್ತು ಕೀಬೋರ್ಡ್ ಮೂಲಕ ಪಠ್ಯವನ್ನು ನಮೂದಿಸುವುದಕ್ಕೆ ಹಿಂತಿರುಗಲು, ಲೈವ್ ಸ್ಪೀಚ್ ವಿಂಡೋದ ಮೇಲ್ಭಾಗದಲ್ಲಿರುವ ಫ್ರೇಸ್‌ಗಳನ್ನು ಟ್ಯಾಪ್ ಮಾಡಿ.

ಸೇವ್ ಮಾಡಿದ ಫ್ರೇಸ್‌ಗಳನ್ನು ಸೇರಿಸುವುದು ಅಥವಾ ತೆಗೆದುಹಾಕುವುದು

ನೀವು ಆಗಾಗ್ಗೆ ಬಳಸುವ ಸೇವ್ ಮಾಡಿದ ಫ್ರೇಸ್‌ಗಳ ಪಟ್ಟಿಗೆ ಫ್ರೇಸ್‌ಗಳನ್ನು ಸೇರಿಸಿ ಅಥವಾ ಅದರಿಂದ ತೆಗೆದುಹಾಕಿ.

  1. ಸೆಟ್ಟಿಂಗ್ಸ್  > ಆ್ಯಕ್ಸೆಸಬಿಲಿಟಿ → ಲೈವ್ ಸ್ಪೀಚ್ ಎಂಬಲ್ಲಿಗೆ ಹೋಗಿ, ನಂತರ ಫ್ರೇಸ್‌ಗಳು ಎಂಬುದನ್ನು ಆನ್ ಮಾಡಿ.

  2. ಸೇವ್ ಮಾಡಿರುವುದು ಅಥವಾ ನೀವು ರಚಿಸಿದ ಇತರ ವರ್ಗವನ್ನು ಟ್ಯಾಪ್ ಮಾಡಿ, ನಂತರ ಈ ಕೆಳಗಿನವುಗಳಲ್ಲಿ ಯಾವುದಾದರೂ ಒಂದನ್ನು ಮಾಡಿ:

    • ಸೇವ್ ಮಾಡಲಾದ ಫ್ರೇಸ್ ಅನ್ನು ಸೇರಿಸಿ: ಫ್ರೇಸ್ ಸೇರಿಸಿ ಬಟನ್ ಅನ್ನು ಟ್ಯಾಪ್ ಮಾಡಿ, ಪಠ್ಯ ಫೀಲ್ಡ್‌ನಲ್ಲಿ ನಿಮ್ಮ ಫ್ರೇಸ್ ಅನ್ನು ನಮೂದಿಸಿ, ನಂತರ ಸೇವ್ ಮಾಡಿ ಎಂಬುದನ್ನು ಟ್ಯಾಪ್ ಮಾಡಿ.

    • ಸೇವ್ ಮಾಡಲಾದ ಫ್ರೇಸ್ ಅನ್ನು ತೆಗೆದುಹಾಕಿ: ಫ್ರೇಸ್ ಅನ್ನು ಟ್ಯಾಪ್ ಮಾಡಿ, ನಂತರ ಫ್ರೇಸ್ ಡಿಲೀಟ್ ಮಾಡಿ ಎಂಬುದನ್ನು ಟ್ಯಾಪ್ ಮಾಡಿ.

ಸೇವ್ ಮಾಡಿದ ಫ್ರೇಸ್‌ಗಳಿಗೆ ವರ್ಗಗಳನ್ನು ರಚಿಸಿ

ಕೆಲಸ, ಶಾಲೆ ಅಥವಾ ಗೇಮಿಂಗ್ ಮುಂತಾದ ವಿವಿಧ ಚಟುವಟಿಕೆಗಳಿಗೆ ಸಂಬಂಧಿಸಿದ ವರ್ಗಗಳನ್ನಾಗಿ ನಿಮ್ಮ ಸೇವ್ ಮಾಡಿದ ಫ್ರೇಸ್‌ಗಳನ್ನು ವ್ಯವಸ್ಥಿತಗೊಳಿಸಿ.

  1. ಸೆಟ್ಟಿಂಗ್ಸ್  > ಆ್ಯಕ್ಸೆಸಬಿಲಿಟಿ → ಲೈವ್ ಸ್ಪೀಚ್ ಎಂಬಲ್ಲಿಗೆ ಹೋಗಿ, ನಂತರ ಫ್ರೇಸ್‌ಗಳು ಎಂಬುದನ್ನು ಆನ್ ಮಾಡಿ.

  2. ವರ್ಗವನ್ನು ಸೇರಿಸಿ ಬಟನ್ ಅನ್ನು ಟ್ಯಾಪ್ ಮಾಡಿ, ವರ್ಗಕ್ಕೆ ಹೆಸರನ್ನು ನಮೂದಿಸಿ, ಐಕಾನ್ ಆಯ್ಕೆಮಾಡಿ, ನಂತರ ಮುಗಿದಿದೆ ಎಂಬುದನ್ನು ಟ್ಯಾಪ್ ಮಾಡಿ.

ಇತರ ಆ್ಯಪ್‌ಗಳಿಂದ ಕರೆಗಳಲ್ಲಿ ಆಡಿಯೊವನ್ನು ಅನುಮತಿಸುವುದು

ವಾಯ್ಸ್ ಮತ್ತು ವೀಡಿಯೊ ಕರೆಗಳಲ್ಲಿ ಆ್ಯಪ್‌ಗಳಿಂದ ಆಡಿಯೊವನ್ನು ಕೇಳಿಸಲು ನೀವು ಅನುಮತಿಸಬಹುದು, ಮಾತನಾಡಲು ಮತ್ತು ಸಂವಹನಕ್ಕೆ ಸಹಾಯ ಮಾಡುವ ಆ್ಯಪ್‌ಗಳಿಂದ ಅದನ್ನು ಬಳಸಿದರೆ ಉಪಯುಕ್ತವಾಗಬಹುದು.

  1. ಸೆಟ್ಟಿಂಗ್ಸ್  > ಆ್ಯಕ್ಸೆಸಬಿಲಿಟಿ > ಆಡಿಯೊ ಮತ್ತು ವಿಷುವಲ್ ಎಂಬಲ್ಲಿಗೆ ಹೋಗಿ. ನಂತರ ಕರೆಗಳಲ್ಲಿ ಆಡಿಯೊ ಸೇರಿಸಿ ಎಂಬುದನ್ನು ಟ್ಯಾಪ್ ಮಾಡಿ.

  2. ಕರೆಗಳಲ್ಲಿ ಆಡಿಯೊ ಸೇರಿಸಲು ಆ್ಯಪ್‌ಗಳಿಗೆ ಅನುಮತಿಸಿ ಎಂಬುದನ್ನು ಆನ್ ಮಾಡಿ.

    ಈ ಆಯ್ಕೆಯು ಆನ್ ಆಗಿರುವಾಗ, ಆಡಿಯೊ ಮತ್ತು ಮೈಕ್ರೋಫೋನ್ ಇನ್‌ಪುಟ್‌ಗಳೆರಡನ್ನು ಕರೆಗಳಲ್ಲಿ ಸೇರಿಸಲಾಗುತ್ತದೆ. ಕರೆಯ ಸಮಯದಲ್ಲಿ ಎಲ್ಲಾ ಆಡಿಯೊವನ್ನು ಮ್ಯೂಟ್ ಮಾಡಲು, ಮೈಕ್ರೋಫೋನ್ ಅನ್ನು ಮ್ಯೂಟ್ ಮಾಡಿ.

ಇದನ್ನು ಸಹ ನೋಡಿSiriಗೆ ಮಾತನಾಡುವ ಬದಲು ಟೈಪ್ ಮಾಡಿಸ್ಕ್ರೀನ್, ಆಯ್ದ ಪಠ್ಯ ಮತ್ತು ಟೈಪಿಂಗ್ ಫೀಡ್‌ಬ್ಯಾಕ್ ಅನ್ನು iPhone ಮಾತನಾಡಿ ಹೇಳುವುದನ್ನು ಕೇಳಿiPhoneನಲ್ಲಿ ಮಾತಿನ ಆ್ಯಕ್ಸೆಸಬಿಲಿಟಿ ಫೀಚರ್‌ಗಳುApple ಬೆಂಬಲ ಲೇಖನ: iPhone, iPad, Mac ಅಥವಾ Apple Watchನಲ್ಲಿ ಲೈವ್ ಸ್ಪೀಚ್ ಅನ್ನು ಬಳಸಿ
Morty Proxy This is a proxified and sanitized view of the page, visit original site.
ಉಪಯುಕ್ತವಾಗಿದೆಯೇ?
ಅಕ್ಷರ ಮಿತಿ: 250
ಗರಿಷ್ಠ ಅಕ್ಷರ ಮಿತಿಯು 250 ಆಗಿದೆ.
ನಿಮ್ಮ ಫೀಡ್‌ಬ್ಯಾಕ್‌ಗಾಗಿ ಧನ್ಯವಾದಗಳು.
Morty Proxy This is a proxified and sanitized view of the page, visit original site.