iOS 26
iOS 18
ಈ ನಿಯಂತ್ರಣವನ್ನು ಮಾರ್ಪಡಿಸುವುದರಿಂದ ಈ ಪುಟವು ಸ್ವಯಂಚಾಲಿತವಾಗಿ ಅಪ್‌ಡೇಟ್ ಆಗುತ್ತದೆ

iPhoneಗೆ ಬಾಹ್ಯ ಸಂಗ್ರಹಣೆ ಸಾಧನಗಳನ್ನು ಕನೆಕ್ಟ್ ಮಾಡಿ

ನಿಮ್ಮ iPhoneಗೆ ಕನೆಕ್ಟ್ ಆಗಿರುವ USB ಡ್ರೈವ್‌ಗಳು ಮತ್ತು SD ಕಾರ್ಡ್‌ಗಳಂತಹ ಬಾಹ್ಯ ಸಾಧನಗಳಲ್ಲಿ ಸಂಗ್ರಹವಾಗಿರುವ ಫೈಲ್‌ಗಳನ್ನು ಆ್ಯಕ್ಸೆಸ್ ಮಾಡಲು ನೀವು ಫೈಲ್ಸ್ ಆ್ಯಪ್ ಮತ್ತು ಇತರ ಬೆಂಬಲಿತ ಆ್ಯಪ್‌ಗಳನ್ನು ಬಳಸಬಹುದು.

USB ಡ್ರೈವ್ ಅಥವಾ SD ಕಾರ್ಡ್ ರೀಡರ್ ಒಂದನ್ನು ಕನೆಕ್ಟ್ ಮಾಡಿ

  1. ಹೊಂದಾಣಿಕೆಯಾಗುವ ಕನೆಕ್ಟರ್ ಅಥವಾ ಅಡಾಪ್ಟರ್ ಅನ್ನು ಬಳಸಿ ನಿಮ್ಮ iPhoneನ ಚಾರ್ಜಿಂಗ್ ಪೋರ್ಟ್‌ಗೆ USB ಡ್ರೈವ್ ಅಥವಾ SD ಕಾರ್ಡ್ ರೀಡರ್ ಅನ್ನು ಅಟ್ಯಾಚ್ ಮಾಡಿ.

    ನಿಮಗೆ Lightning ಟು USB ಕ್ಯಾಮರಾ ಅಡಾಪ್ಟರ್, Lightning ಟು USB 3 ಕ್ಯಾಮರಾ ಅಡಾಪ್ಟರ್, USB-C ಟು SD ಕಾರ್ಡ್ ಕ್ಯಾಮರಾ ರೀಡರ್ ಅಥವಾ Lightning ಟು SD ಕಾರ್ಡ್ ಕ್ಯಾಮರಾ ರೀಡರ್ ಬೇಕಾಗಬಹುದು (ಈ ಎಲ್ಲವನ್ನೂ ಪ್ರತ್ಯೇಕವಾಗಿ ಮಾರಲಾಗುತ್ತದೆ).

    ಗಮನಿಸಿ: ಬಾಹ್ಯ ಸಂಗ್ರಹಣೆ ಸಾಧನವು ಕೇವಲ ಒಂದೇ ಡೇಟ ಪಾರ್ಟಿಶನ್ ಅನ್ನು ಹೊಂದಿರಬೇಕು ಮತ್ತು ಅದನ್ನು APFS, APFS (ಎನ್‌ಕ್ರಿಪ್ಟ್ ಮಾಡಿರುವುದು), macOS ಎಕ್ಸ್‌ಟೆಂಡೆಡ್ (HFS+), exFAT (FAT64), FAT32 ಅಥವಾ FAT ಎಂದು ಫಾರ್ಮ್ಯಾಟ್ ಮಾಡಿರಬೇಕು. ಸಂಗ್ರಹಣೆ ಸಾಧನದ ಫಾರ್ಮ್ಯಾಟಿಂಗ್ ಅನ್ನು ಬದಲಾಯಿಸಲು, ಫೈಲ್ಸ್ ಆ್ಯಪ್ ಅಥವಾ Mac ಅಥವಾ PCಯನ್ನು ಬಳಸಿ.

  2. ಈ ಕೆಳಗಿನವುಗಳಲ್ಲಿ ಯಾವುದಾದರೂ ಒಂದನ್ನು ಮಾಡಿ:

    • ಕಾರ್ಡ್ ರೀಡರ್‌ಗೆ SD ಮೆಮೊರಿ ಕಾರ್ಡ್ ಅನ್ನು ಸೇರಿಸಿ: ರೀಡರ್‌ನಲ್ಲಿರುವ ಸ್ಲಾಟ್‌ಗೆ ಕಾರ್ಡ್ ಜೋರಾಗಿ ತಳ್ಳಬೇಡಿ; ಅದು ಒಂದು ನಿರ್ದಿಷ್ಟ ಬಗೆಯಲ್ಲಿ ಮಾತ್ರ ಸರಿಯಾಗಿ ಕೂರುತ್ತದೆ.

      ಗಮನಿಸಿ: ನೀವು ಫೋಟೋಗಳು ಮತ್ತು ವೀಡಿಯೊಗಳನ್ನು ಮೆಮೊರಿ ಕಾರ್ಡ್‌ನಿಂದ ನೇರವಾಗಿ ಫೋಟೋಸ್ ಆ್ಯಪ್‌ಗೆ ಇಂಪೋರ್ಟ್ ಮಾಡಬಹುದು. iPhoneನಲ್ಲಿ ಫೋಟೋಗಳು ಮತ್ತು ವೀಡಿಯೊಗಳನ್ನು ಇಂಪೋರ್ಟ್ ಮತ್ತು ಎಕ್ಸ್‌ಪೋರ್ಟ್ ಮಾಡಿ ಅನ್ನು ನೋಡಿ.

    • ಡ್ರೈವ್ ಅಥವಾ ಮೆಮೊರಿ ಕಾರ್ಡ್‌ನ ಕಂಟೆಂಟ್‌ಗಳನ್ನು ನೋಡಿ: ಬೆಂಬಲಿತ ಆ್ಯಪ್‌ನಲ್ಲಿ (ಉದಾಹರಣೆಗೆ, ಫೈಲ್ಸ್ ಆ್ಯಪ್‌ನಲ್ಲಿ), ಸ್ಕ್ರೀನ್‌ನ ಕೆಳಭಾಗದಲ್ಲಿರುವ ಬ್ರೌಸ್ ಎಂಬುದನ್ನು ಟ್ಯಾಪ್ ಮಾಡಿ, ನಂತರ ಸ್ಥಳಗಳ ಕೆಳಗಿರುವ ಸಾಧನದ ಹೆಸರನ್ನು ಟ್ಯಾಪ್ ಮಾಡಿ. ನೀವು ಸ್ಥಳಗಳನ್ನು ನೋಡದಿದ್ದರೆ, ಸ್ಕ್ರೀನ್‌ನ ಕೆಳಭಾಗದಲ್ಲಿರುವ ಬ್ರೌಸ್ ಎಂಬುದನ್ನು ಮತ್ತೊಮ್ಮೆ ಟ್ಯಾಪ್ ಮಾಡಿ.

    • ಡ್ರೈವ್ ಅಥವಾ ಕಾರ್ಡ್ ರೀಡರ್ ಅನ್ನು ಡಿಸ್‌ಕನೆಕ್ಟ್ ಮಾಡಿ: iPhoneನಲ್ಲಿನ ಚಾರ್ಜಿಂಗ್ ಪೋರ್ಟ್‌ನಿಂದ ಅದನ್ನು ತೆಗೆದುಹಾಕಿ.

ಗಮನಿಸಿ: ಬಾಹ್ಯ ಹಾರ್ಡ್ ಡ್ರೈವ್‌ಗಳನ್ನು iPhoneನೊಂದಿಗೆ ಬಳಸುವಾಗ ಅವುಗಳಿಗೆ ಸಾಮಾನ್ಯವಾಗಿ ಬಾಹ್ಯ ವಿದ್ಯುಚ್ಛಕ್ತಿ ಮೂಲದ ಅಗತ್ಯವಿರುತ್ತದೆ. ಬಾಹ್ಯ ಹಾರ್ಡ್ ಡ್ರೈವ್ ತನ್ನದೇ ಆದ ವಿದ್ಯುಚ್ಛಕ್ತಿಯನ್ನು ಪೂರೈಸದಿದ್ದರೆ ಮತ್ತು ನಿಮ್ಮ iPhone USB-C ಕನೆಕ್ಟರ್ ಅನ್ನು ಹೊಂದಿದ್ದರೆ, ನೀವು ಪವರ್ಡ್ USB ಹಬ್ ಅನ್ನು ಬಳಸಬಹುದು. ನಿಮ್ಮ iPhoneನಲ್ಲಿ Lightning ಕನೆಕ್ಟರ್ ಇದ್ದರೆ, ನೀವು USB ಪವರ್ ಅಡಾಪ್ಟರ್‌ಗೆ ಕನೆಕ್ಟ್ ಆಗಿರುವ Lightning ಟು USB 3 ಕ್ಯಾಮರಾ ಅಡಾಪ್ಟರ್ ಅನ್ನು ಬಳಸಬಹುದು.

ಇದನ್ನು ಸಹ ನೋಡಿiPhoneನಲ್ಲಿನ ಫೈಲ್ಸ್ ಆ್ಯಪ್‌ನಲ್ಲಿ ಫೈಲ್‌ಗಳು ಮತ್ತು ಫೋಲ್ಡರ್‌ಗಳನ್ನು ಮಾರ್ಪಡಿಸುವುದು
Morty Proxy This is a proxified and sanitized view of the page, visit original site.
ಉಪಯುಕ್ತವಾಗಿದೆಯೇ?
ಅಕ್ಷರ ಮಿತಿ: 250
ಗರಿಷ್ಠ ಅಕ್ಷರ ಮಿತಿಯು 250 ಆಗಿದೆ.
ನಿಮ್ಮ ಫೀಡ್‌ಬ್ಯಾಕ್‌ಗಾಗಿ ಧನ್ಯವಾದಗಳು.
Morty Proxy This is a proxified and sanitized view of the page, visit original site.