iOS 26
iOS 18
ಈ ನಿಯಂತ್ರಣವನ್ನು ಮಾರ್ಪಡಿಸುವುದರಿಂದ ಈ ಪುಟವು ಸ್ವಯಂಚಾಲಿತವಾಗಿ ಅಪ್‌ಡೇಟ್ ಆಗುತ್ತದೆ

iPhoneನಲ್ಲಿ ಫೋಕಸ್ ಅನ್ನು ಸೆಟಪ್ ಮಾಡಿ

ಫೋಕಸ್ ಎನ್ನುವುದು ಅಡಚಣೆಗಳನ್ನು ಕಡಿಮೆ ಮಾಡುವ ಮೂಲಕ ಕೆಲಸದ ಮೇಲೆ ಗಮನವನ್ನು ಕೇಂದ್ರೀಕರಿಸಲು ನಿಮಗೆ ಸಹಾಯ ಮಾಡುವ ಒಂದು ಫೀಚರ್ ಆಗಿದೆ. ನಿರ್ದಿಷ್ಟ ಚಟುವಟಿಕೆ ಮೇಲೆ ಗಮನಹರಿಸಬೇಕೆಂದು ನೀವು ಬಯಸಿದಾಗ ಕೆಲಸ, ವೈಯಕ್ತಿಕ ಅಥವಾ ನಿದ್ರೆ ಎಂಬಂತಹ ಒದಗಿಸಲಾದ ಯಾವುದಾದರೂ ಒಂದು ಫೋಕಸ್‌ನ ಆಯ್ಕೆಗಳನ್ನು ನೀವು ಕಸ್ಟಮೈಸ್ ಮಾಡಿ ಅಥವಾ ಕಸ್ಟಮ್ ಫೋಕಸ್ ಅನ್ನು ರಚಿಸಿ. ನೀವು ಫೋಕಸ್ ಒಂದನ್ನು ಬಳಸಿಕೊಂಡು ಎಲ್ಲಾ ನೋಟಿಫಿಕೇಷನ್‌ಗಳನ್ನು ತಾತ್ಕಾಲಿಕವಾಗಿ ನಿಶ್ಯಬ್ದಗೊಳಿಸಬಹುದು ಅಥವಾ ನಿಮ್ಮ ಟಾಸ್ಕ್‌ಗೆ ಅನ್ವಯಿಸುವಂತಹ ನೋಟಿಫಿಕೇಷನ್‌ಗಳನ್ನು ಮಾತ್ರ ಅನುಮತಿಸಬಹುದು ಮತ್ತು ನೀವು ಕಾರ್ಯನಿರತರಾಗಿದ್ದೀರಿ ಎಂದು ಇತರ ಜನರಿಗೆ ಮತ್ತು ಆ್ಯಪ್‌ಗಳಿಗೆ ತಿಳಿಸಬಹುದು.

ಸಲಹೆ: ಎಲ್ಲಾ ನೋಟಿಫಿಕೇಷನ್‌ಗಳನ್ನು ತ್ವರಿತವಾಗಿ ನಿಶ್ಯಬ್ದಗೊಳಿಸಲು, ಕಂಟ್ರೋಲ್ ಸೆಂಟರ್ ತೆರೆಯಿರಿ, ಫೋಕಸ್ ಅನ್ನು ಟ್ಯಾಪ್ ಮಾಡಿ, ನಂತರ ಅಡಚಣೆ ಮಾಡಬೇಡಿ ಎಂಬುದನ್ನು ಆನ್ ಮಾಡಿ.

ಫೋಕಸ್ ಅನ್ನು ಸೆಟಪ್ ಮಾಡಿ

  1. ಸೆಟ್ಟಿಂಗ್ಸ್ ಆ್ಯಪ್  > ಫೋಕಸ್ ಎಂಬಲ್ಲಿಗೆ ಹೋಗಿ, ನಂತರ ಅಡಚಣೆ ಮಾಡಬೇಡಿ, ವೈಯಕ್ತಿಕ ಅಥವಾ ಕೆಲಸ ಎಂಬಂತಹ ಫೋಕಸ್ ಒಂದನ್ನು ಟ್ಯಾಪ್ ಮಾಡಿ.

    ನಿಮ್ಮ ಫೋಕಸ್‌ಗಾಗಿ, ಕೆಳಗಿನ ಹಂತಗಳಲ್ಲಿ ವಿವರಿಸಿರುವ ಆಯ್ಕೆಗಳನ್ನು ನೀವು ಸೆಟಪ್ ಮಾಡಬಹುದು, ಆದರೆ ನೀವು ಅವೆಲ್ಲವನ್ನೂ ಸೆಟಪ್ ಮಾಡಬೇಕಾಗಿಲ್ಲ.

    ಅಡಚಣೆ ಮಾಡಬೇಡಿ, ಕರೆಗಳ ಸಮಯದಲ್ಲಿ ಯಾವುದೇ ಸಂದೇಶಗಳು ಬೇಡ, ನಿದ್ರೆ, ವೈಯಕ್ತಿಕ ಮತ್ತು ಕೆಲಸ ಎಂಬ ಒದಗಿಸಲಾದ ಐದು ಫೋಕಸ್ ಆಯ್ಕೆಗಳನ್ನು ತೋರಿಸುವ ಸ್ಕ್ರೀನ್. ‘ಸಾಧನಗಳಾದ್ಯಂತ ಹಂಚಿಕೊಳ್ಳಿ’ ಆಯ್ಕೆಯು ಆನ್ ಆಗಿದೆ. ಅದು ನಿಮ್ಮ Apple ಸಾಧನಗಳಾದ್ಯಂತ ಒಂದೇ ರೀತಿಯ ಫೋಕಸ್ ಸೆಟ್ಟಿಂಗ್ಸ್ ಅನ್ನು ಬಳಸಲು ಅನುಮತಿಸುತ್ತದೆ.

  2. ನಿಮ್ಮ ಫೋಕಸ್ ಸಮಯದಲ್ಲಿ ಯಾವ ಜನರು ಮತ್ತು ಆ್ಯಪ್‌ಗಳ ನೋಟಿಫಿಕೇಷನ್‌ಗಳನ್ನು ಅನುಮತಿಸಬೇಕೆಂದು ನಿರ್ದಿಷ್ಟಪಡಿಸಿ:

    • ಜನರು: ಜನರು ಎಂಬುದನ್ನು ಟ್ಯಾಪ್ ಮಾಡಿ, ನಂತರ ‘ಇವರಿಂದ ಬರುವ ನೋಟಿಫಿಕೇಷನ್‌ಗಳನ್ನು ಅನುಮತಿಸಿ’ ಎಂಬುದನ್ನು ಟ್ಯಾಪ್ ಮಾಡಿ. ‘ಜನರನ್ನು ಸೇರಿಸಿ’ ಬಟನ್ ಅನ್ನು ಟ್ಯಾಪ್ ಮಾಡಿ, ಸಂಪರ್ಕಗಳನ್ನು ಆಯ್ಕೆಮಾಡಿ,ಮುಗಿದಿದೆ ಎಂಬುದನ್ನು ಟ್ಯಾಪ್ ಮಾಡಿ, ನಂತರ ಸ್ಕ್ರೀನ್‌ನ ಮೇಲ್ಭಾಗದಲ್ಲಿರುವ ಹಿಂದಕ್ಕೆ ಬಟನ್ ಅನ್ನು ಟ್ಯಾಪ್ ಮಾಡಿ. ಅದರ ಬದಲಿಗೆ ನೀವು ‘ಇವರಿಂದ ಬರುವ ನೋಟಿಫಿಕೇಷನ್‌ಗಳನ್ನು ನಿಶ್ಯಬ್ದಗೊಳಿಸಿ’ ಎಂಬುದನ್ನು ಟ್ಯಾಪ್ ಮಾಡುವ ಮೂಲಕ ನಿರ್ದಿಷ್ಟ ಜನರನ್ನು ನಿಶ್ಯಬ್ದಗೊಳಿಸಬಹುದು.

    • ಆ್ಯಪ್‌ಗಳು: ಆ್ಯಪ್‌ಗಳು ಎಂಬುದನ್ನು ಟ್ಯಾಪ್ ಮಾಡಿ, ನಂತರ ‘ಇವುಗಳಿಂದ ನೋಟಿಫಿಕೇಷನ್‌ಗಳನ್ನು ಅನುಮತಿಸಿ’ ಎಂಬುದನ್ನು ಟ್ಯಾಪ್ ಮಾಡಿ. ‘ಆ್ಯಪ್‌ಗಳನ್ನು ಸೇರಿಸಿ’ ಬಟನ್ ಅನ್ನು ಟ್ಯಾಪ್ ಮಾಡಿ, ಆ್ಯಪ್‌ಗಳನ್ನು ಆಯ್ಕೆಮಾಡಿ, ಮುಗಿದಿದೆ ಎಂಬುದನ್ನು ಟ್ಯಾಪ್ ಮಾಡಿ, ನಂತರ ಸ್ಕ್ರೀನ್‌ನ ಮೇಲ್ಭಾಗದಲ್ಲಿರುವ ಹಿಂದಕ್ಕೆ ಬಟನ್ ಅನ್ನು ಟ್ಯಾಪ್ ಮಾಡಿ. ಅದರ ಬದಲಿಗೆ ನೀವು ‘ಇವುಗಳಿಂದ ಬರುವ ನೋಟಿಫಿಕೇಷನ್‌ಗಳನ್ನು ನಿಶ್ಯಬ್ದಗೊಳಿಸಿ’ ಎಂಬುದನ್ನು ಟ್ಯಾಪ್ ಮಾಡುವ ಮೂಲಕ ನಿರ್ದಿಷ್ಟ ಆ್ಯಪ್‌ಗಳನ್ನು ನಿಶ್ಯಬ್ದಗೊಳಿಸಬಹುದು.

  3. ಆಯ್ಕೆಗಳು ಎಂಬುದನ್ನು ಟ್ಯಾಪ್ ಮಾಡಿ, ನಂತರ ಈ ಕೆಳಗಿನವುಗಳಲ್ಲಿ ಯಾವುದಾದರೂ ಒಂದನ್ನು ಆಯ್ಕೆಮಾಡಿ:

    • ಲಾಕ್ ಸ್ಕ್ರೀನ್‌ನ ಬದಲು ನೋಟಿಫಿಕೇಷನ್ ಸೆಂಟರ್‌ನಲ್ಲಿ ನಿಶ್ಯಬ್ದಗೊಳಿಸಿದ ನೋಟಿಫಿಕೇಷನ್‌ಗಳನ್ನು ತೋರಿಸಿ: ಲಾಕ್ ಸ್ಕ್ರೀನ್‌ನಲ್ಲಿ ತೋರಿಸಿ ಎಂಬುದನ್ನು ಆಫ್ ಮಾಡಿ.

    • ಅಡಚಣೆಯನ್ನು ತಡೆಯಲು ನಿಮ್ಮ ನಿಶ್ಯಬ್ದಗೊಳಿಸಿದ ಆ್ಯಪ್‌ಗಳ ಮೇಲಿನ ನೋಟಿಫಿಕೇಷನ್ ಬ್ಯಾಡ್ಜ್‌ಗಳನ್ನು ಮರೆಮಾಡಿ: ನೋಟಿಫಿಕೇಷನ್ ಬ್ಯಾಡ್ಜ್‌ಗಳನ್ನು ಮರೆಮಾಡಿ ಎಂಬುದನ್ನು ಆನ್ ಮಾಡಿ.

    • ಕರೆಗಳು ಮತ್ತು ನೋಟಿಫಿಕೇಷನ್‌ಗಳನ್ನು ನಿಶ್ಯಬ್ದಗೊಳಿಸಿ: ನೋಟಿಫಿಕೇಷನ್‌ಗಳನ್ನು ನಿಶ್ಯಬ್ದಗೊಳಿಸಿ ಎಂಬುದನ್ನು ಟ್ಯಾಪ್ ಮಾಡಿ, ನಂತರ ‘ಯಾವಾಗಲೂ ಅಥವಾ ಲಾಕ್ ಆಗಿರುವಾಗ’ ಎಂಬುದನ್ನು ಆಯ್ಕೆಮಾಡಿ.

    • ಈ ಫೋಕಸ್ ಸಮಯದಲ್ಲಿ ಲಾಕ್ ಸ್ಕ್ರೀನ್ ಅನ್ನು ಡಿಮ್ ಮಾಡಿ: ಲಾಕ್ ಸ್ಕ್ರೀನ್ ಅನ್ನು ಡಿಮ್ ಮಾಡಿ ಎಂಬುದನ್ನು ಆನ್ ಮಾಡಿ.

    • ನಿಮಗೆ ಅಡಚಣೆ ಮಾಡಲು ಪ್ರಮುಖ ನೋಟಿಫಿಕೇಷನ್‌ಗಳಿಗೆ ಬುದ್ಧಿವಂತಿಕೆಯಿಂದ ಅನುಮತಿಸಿ: ನೀವು ಯಾವುದೇ iPhone 16 ಮಾಡಲ್, iPhone 15 Pro ಅಥವಾ iPhone 15 Pro Max ಅನ್ನು ಹೊಂದಿದ್ದರೆ, ಇಂಟೆಲಿಜೆಂಟ್ ಬ್ರೇಕ್‌ಥ್ರೂ ಮತ್ತು ಸೈಲೆನ್ಸಿಂಗ್ ಅನ್ನು ಆನ್ ಮಾಡಿ. ನಿರ್ದಿಷ್ಟವಾಗಿ ಅನುಮತಿಸಲಾದ ಅಥವಾ ನಿಶಬ್ದಗೊಳಿಸಿದ ಯಾವುದೇ ನೋಟಿಫಿಕೇಷನ್‌ಗಳನ್ನು ಯಾವಾಗಲೂ ಅನುಮತಿಸಲಾಗುತ್ತದೆ ಅಥವಾ ನಿಶಬ್ದಗೊಳಿಸಲಾಗುತ್ತದೆ.

  4. ನೀವು ಆಯ್ಕೆಗಳನ್ನು ಆರಿಸುವುದನ್ನು ಪೂರ್ಣಗೊಳಿಸಿದಾಗ, ಸ್ಕ್ರೀನ್‌ನ ಮೇಲ್ಭಾಗದಲ್ಲಿರುವ ಹಿಂದಕ್ಕೆ ಬಟನ್ ಅನ್ನು ಟ್ಯಾಪ್ ಮಾಡಿ.

  5. ಲಾಕ್ ಸ್ಕ್ರೀನ್ ಮತ್ತು ಹೋಮ್ ಸ್ಕ್ರೀನ್ ಆಯ್ಕೆಗಳನ್ನು ನಿರ್ದಿಷ್ಟಪಡಿಸಿ:

    • ಈ ಫೋಕಸ್‌ಗಾಗಿ ಲಾಕ್ ಸ್ಕ್ರೀನ್ ಅನ್ನು ಆಯ್ಕೆಮಾಡಿ: ಸ್ಕ್ರೀನ್‌ಗಳನ್ನು ಕಸ್ಟಮೈಸ್ ಮಾಡಿ ಎಂಬುದರ ಕೆಳಗಿರುವ ಲಾಕ್ ಸ್ಕ್ರೀನ್ ಪ್ರಿವ್ಯೂ ಅನ್ನು ಟ್ಯಾಪ್ ಮಾಡಿ, ಲಾಕ್ ಸ್ಕ್ರೀನ್ ಅನ್ನು ಆಯ್ಕೆಮಾಡಿ, ನಂತರ ಸ್ಕ್ರೀನ್‌ನ ಮೇಲ್ಭಾಗದಲ್ಲಿರುವ “ಮುಗಿದಿದೆ” ಅನ್ನು ಟ್ಯಾಪ್ ಮಾಡಿ.

    • ಈ ಫೋಕಸ್‌ಗಾಗಿ ಹೋಮ್ ಸ್ಕ್ರೀನ್ ಅನ್ನು ಆಯ್ಕೆಮಾಡಿ: ಸ್ಕ್ರೀನ್‌ಗಳನ್ನು ಕಸ್ಟಮೈಸ್ ಮಾಡಿ ಎಂಬುದರ ಕೆಳಗಿರುವ ಹೋಮ್ ಸ್ಕ್ರೀನ್ ಪ್ರಿವ್ಯೂ ಅನ್ನು ಟ್ಯಾಪ್ ಮಾಡಿ, ಹೋಮ್ ಸ್ಕ್ರೀನ್ ಅನ್ನು ಆಯ್ಕೆಮಾಡಿ, ನಂತರ ಸ್ಕ್ರೀನ್‌ನ ಮೇಲ್ಭಾಗದಲ್ಲಿರುವ “ಮುಗಿದಿದೆ” ಅನ್ನು ಟ್ಯಾಪ್ ಮಾಡಿ.

      ಗಮನಿಸಿ: ನಿಮ್ಮ ಫೋಕಸ್‌ಗಾಗಿ ಹೋಮ್ ಸ್ಕ್ರೀನ್ ಅನ್ನು ಇನ್ನಷ್ಟು ಕಸ್ಟಮೈಸ್ ಮಾಡುವುದಕ್ಕಾಗಿ ಅದಕ್ಕೆ ಬದಲಾವಣೆಗಳನ್ನು ಮಾಡಲು, ಹೋಮ್ ಸ್ಕ್ರೀನ್‌ನಲ್ಲಿನ ಆ್ಯಪ್‌ಗಳು ಮತ್ತು ವಿಜೆಟ್‌ಗಳನ್ನು ಮೂವ್ ಮಾಡಿ ಎಂಬುದನ್ನು ನೋಡಿ.

ನಿಮ್ಮ ಫೋಕಸ್ ಅನ್ನು ಸೆಟಪ್ ಮಾಡಿದ ನಂತರ, ನೀವು ಯಾವುದೇ ಸಮಯದಲ್ಲಿ ಸೆಟ್ಟಿಂಗ್ಸ್ ಆ್ಯಪ್ > ಫೋಕಸ್ ಎಂಬಲ್ಲಿಗೆ ಹಿಂದಿರುಗಬಹುದು ಮತ್ತು ಮೇಲೆ ಆರಿಸಿದ ಯಾವುದೇ ಆಯ್ಕೆಗಳನ್ನು ನೀವು ಬದಲಾಯಿಸಬಹುದು.

ಫೋಕಸ್ ಫಿಲ್ಟರ್‌ಗಳನ್ನು ಸೇರಿಸಿ

ನೀವು ಫೋಕಸ್ ಅನ್ನು ಸೆಟಪ್ ಮಾಡಿದಾಗ, ಫೋಕಸ್ ಸಮಯದಲ್ಲಿ ಆ್ಯಪ್‌ಗಳು ಯಾವ ಮಾಹಿತಿಯನ್ನು ತೋರಿಸಬೇಕು ಎಂಬುದನ್ನು ನಿರ್ಧರಿಸುವ ಆ್ಯಪ್ ಫಿಲ್ಟರ್‌ಗಳನ್ನು ನೀವು ಸೇರಿಸಬಹುದು. ಉದಾಹರಣೆಗೆ, ಫೋಕಸ್ ಸಮಯದಲ್ಲಿ ಯಾವ ಮೇಲ್ ಖಾತೆಯನ್ನು ಬಳಸಬೇಕು ಅಥವಾ ಯಾವ ಕ್ಯಾಲೆಂಡರ್ ಅನ್ನು ಬಳಸಬೇಕು ಎಂಬುದನ್ನು ನೀವು ಆಯ್ಕೆಮಾಡಬಹುದು.

  1. ಸೆಟ್ಟಿಂಗ್ಸ್ ಆ್ಯಪ್  > ಫೋಕಸ್ ಎಂಬಲ್ಲಿಗೆ ಹೋಗಿ, ನಂತರ ನೀವು ಯಾವ ಫೋಕಸ್‌ಗೆ ಫಿಲ್ಟರ್‌ಗಳನ್ನು ಸೇರಿಸಲು ಬಯಸುತ್ತೀರೋ ಅದನ್ನು ಟ್ಯಾಪ್ ಮಾಡಿ.

  2. ಫೋಕಸ್ ಫಿಲ್ಟರ್‌ಗಳು ಎಂಬಲ್ಲಿಗೆ ಸ್ಕ್ರೋಲ್ ಮಾಡಿ, ನಂತರ ಫಿಲ್ಟರ್ ಸೇರಿಸಿ ಎಂಬುದನ್ನು ಟ್ಯಾಪ್ ಮಾಡಿ.

  3. ಆ್ಯಪ್ ಒಂದನ್ನು ಟ್ಯಾಪ್ ಮಾಡಿ, ನಂತರ ಫೋಕಸ್ ಸಮಯದಲ್ಲಿ ನೀವು ಬಳಸಲು ಬಯಸುವ ಆ ಆ್ಯಪ್‌ನ ಮಾಹಿತಿಯನ್ನು ಆಯ್ಕೆಮಾಡಿ:

    • ಕ್ಯಾಲೆಂಡರ್ ಆ್ಯಪ್: ಫೋಕಸ್ ಸಮಯದಲ್ಲಿ ನಿಮಗೆ ಯಾವ ಕ್ಯಾಲೆಂಡರ್‌ಗಳನ್ನು ತೋರಿಸಬೇಕೆಂದು ಬಯಸುತ್ತೀರಿ ಎಂಬುದನ್ನು ಆಯ್ಕೆಮಾಡಿ.

    • Mail: ಫೋಕಸ್ ಸಮಯದಲ್ಲಿ ನೀವು ಯಾವ ಮೇಲ್ ಖಾತೆಗಳನ್ನು ಬಳಸಲು ಬಯಸುತ್ತೀರಿ ಎಂಬುದನ್ನು ಆಯ್ಕೆಮಾಡಿ.

    • ಸಂದೇಶ ಆ್ಯಪ್: ಫೋಕಸ್ ಸಮಯದಲ್ಲಿ ನೀವು ಯಾವ ಸಂದೇಶ ಸಂಭಾಷಣೆಗಳನ್ನು ನೋಡಲು ಬಯಸುತ್ತೀರಿ ಎಂಬುದನ್ನು ಆರಿಸಿ—ಉದಾಹರಣೆಗೆ, ಈ ಫೋಕಸ್ ಸಮಯದಲ್ಲಿ ನೀವು ಯಾವ ಜನರ ನೋಟಿಫಿಕೇಷನ್‌ಗಳನ್ನು ಅನುಮತಿಸಿರುತ್ತೀರೋ ಅವರ ಸಂಭಾಷಣೆಗಳು ಮಾತ್ರ ಕಾಣುತ್ತವೆ.

    • Safari: ಫೋಕಸ್ ಸಮಯದಲ್ಲಿ ನೀವು ಯಾವ ಟ್ಯಾಬ್ ಗುಂಪನ್ನು ಬಳಸಲು ಬಯಸುತ್ತೀರಿ ಎಂಬುದನ್ನು ಆಯ್ಕೆಮಾಡಿ.

  4. ಫೋಕಸ್‌ಗೆ ಫಿಲ್ಟರ್ ಅನ್ನು ಸೇರಿಸಲು ‘ಸೇರಿಸಿ’ ಎಂಬುದನ್ನು ಟ್ಯಾಪ್ ಮಾಡಿ.

ಗಮನಿಸಿ: ಸೆಟ್ಟಿಂಗ್ಸ್ > ಫೋಕಸ್ ಎಂಬಲ್ಲಿ ಸಾಧನಗಳಾದ್ಯಂತ ಹಂಚಿಕೊಳ್ಳಿ ಎಂಬುದು ಆನ್ ಆಗಿದ್ದಾಗ ಫೋಕಸ್ ಫಿಲ್ಟರ್‌ಗಳು ಸಾಧನಗಳಾದ್ಯಂತ ಸಿಂಕ್ ಆಗುವುದಿಲ್ಲ.

ಕಸ್ಟಮ್ ಫೋಕಸ್ ಅನ್ನು ರಚಿಸುವುದು

ಒದಗಿಸಿದ ಯಾವುದೇ ಫೋಕಸ್ ಆಯ್ಕೆಗಳಿಗಿಂತ ಭಿನ್ನವಾದ ಚಟುವಟಿಕೆಯ ಮೇಲೆ ಗಮನವನ್ನು ಕೇಂದ್ರೀಕರಿಸಲು ನೀವು ಬಯಸಿದರೆ, ನೀವು ಕಸ್ಟಮ್ ಫೋಕಸ್ ಅನ್ನು ರಚಿಸಬಹುದು.

ಕಸ್ಟಮ್, ಡ್ರೈವಿಂಗ್, ಫಿಟ್‌ನೆಸ್, ಗೇಮಿಂಗ್, ಮೈಂಡ್‌ಫುಲ್‌ನೆಸ್ ಮತ್ತು ಓದುವಿಕೆ ಸೇರಿದಂತೆ ಹೆಚ್ಚುವರಿ ಫೋಕಸ್ ಆಯ್ಕೆಗಳನ್ನು ಹೊಂದಿರುವ ಫೋಕಸ್ ಸೆಟಪ್ ಸ್ಕ್ರೀನ್.

  1. ಸೆಟ್ಟಿಂಗ್ಸ್ ಆ್ಯಪ್  >ಫೋಕಸ್ ಎಂಬಲ್ಲಿಗೆ ಹೋಗಿ.

  2. ಮೇಲಿನ ಬಲಭಾಗದಲ್ಲಿರುವ ಸೇರಿಸಿ ಬಟನ್ ಅನ್ನು ಟ್ಯಾಪ್ ಮಾಡಿ, ನಂತರ ಕಸ್ಟಮ್ ಅನ್ನು ಟ್ಯಾಪ್ ಮಾಡಿ.

  3. ನಿಮ್ಮ ಫೋಕಸ್‌ಗಾಗಿ ಹೆಸರನ್ನು ನಮೂದಿಸಿ, ನಂತರ ಹಿಂದಿರುಗಿ ಎಂಬುದನ್ನು ಟ್ಯಾಪ್ ಮಾಡಿ.

  4. ನಿಮ್ಮ ಫೋಕಸ್ ಅನ್ನು ಪ್ರತಿನಿಧಿಸಲು ಬಣ್ಣ ಮತ್ತು ಐಕಾನ್ ಅನ್ನು ಆರಿಸಿ, ನಂತರ ‘ಮುಂದೆ’ ಎಂಬುದನ್ನು ಟ್ಯಾಪ್ ಮಾಡಿ.

  5. ಫೋಕಸ್ ಅನ್ನು ಕಸ್ಟಮೈಸ್ ಮಾಡಿ ಎಂಬುದನ್ನು ಟ್ಯಾಪ್ ಮಾಡಿ, ನಂತರ ಫೋಕಸ್ ಸೆಟಪ್ ಮಾಡಿ ಎಂಬುದರಲ್ಲಿರುವ ಸೂಚನೆಗಳನ್ನು ಅನುಸರಿಸುವ ಮೂಲಕ ನಿಮ್ಮ ಕಸ್ಟಮ್ ಫೋಕಸ್‌ಗಾಗಿ ಆಯ್ಕೆಗಳನ್ನು ಸೆಟಪ್ ಮಾಡಿ.

ನಿಮ್ಮ Apple ಸಾಧನಗಳಲ್ಲಿ ನಿಮ್ಮ ಫೋಕಸ್ ಸೆಟ್ಟಿಂಗ್ಸ್ ಅನ್ನು ಅಪ್ ಟು ಡೇಟ್ ಆಗಿ ಇರಿಸುವುದು

ನೀವು ಒಂದೇ Apple ಖಾತೆಗೆ ಸೈನ್ ಇನ್ ಮಾಡಿರುವ ನಿಮ್ಮ ಎಲ್ಲಾ Apple ಸಾಧನಗಳಲ್ಲಿ ನೀವು ಒಂದೇ ರೀತಿಯ ಫೋಕಸ್ ಸೆಟ್ಟಿಂಗ್ಸ್ ಅನ್ನು ಬಳಸಬಹುದು.

  1. ಸೆಟ್ಟಿಂಗ್ಸ್ ಆ್ಯಪ್ > >ಫೋಕಸ್ ಎಂಬಲ್ಲಿಗೆ ಹೋಗಿ.

  2. ಸಾಧನಗಳಾದ್ಯಂತ ಹಂಚಿಕೊಳ್ಳಿ ಎಂಬುದನ್ನು ಆನ್ ಮಾಡಿ.

    ಗಮನಿಸಿ: ನೀವು ಸಾಧನಗಳಾದ್ಯಂತ ಹಂಚಿಕೊಳ್ಳಿ ಎಂಬುದನ್ನು ಆನ್ ಮಾಡಿದಾಗ ಮತ್ತು ಫೋಕಸ್ ಸ್ಟೇಟಸ್ ಅನ್ನು ಹಂಚಿಕೊಳ್ಳಿ ಎಂಬುದನ್ನು ಆನ್ ಮಾಡಿದಾಗ, ನೀವು ನೋಟಿಫಿಕೇಶನ್‌ಗಳನ್ನು ನಿಶ್ಯಬ್ದಗೊಳಿಸಿದ್ದೀರಿ ಎಂಬುದನ್ನು ನಿಮ್ಮ ಫೋಕಸ್ ತೋರಿಸಬಹುದು. ಉದಾಹರಣೆಗೆ, ನೀವು ಫೋಕಸ್ ಅನ್ನು ಸೆಟಪ್ ಮಾಡುವಾಗ ನೋಟಿಫಿಕೇಷನ್‌ಗಳನ್ನು ನಿಶ್ಶಬ್ದಗೊಳಿಸಿದರೆ, ನಿಮಗೆ ಪಠ್ಯ ಸಂದೇಶವನ್ನು ಕಳುಹಿಸುವ ಜನರಿಗೆ ನೀವು ನೋಟಿಫಿಕೇಷನ್‌ಗಳನ್ನು ನಿಶ್ಶಬ್ದಗೊಳಿಸಿದ್ದೀರಿ ಎಂಬುದು ಕಾಣಿಸುತ್ತದೆ. ನೀವು ನಿರ್ದಿಷ್ಟ ಜನರ ಸಂಪರ್ಕ ಕಾರ್ಡ್‌ನಲ್ಲಿ ಅವರಿಗಾಗಿ ಈ ಸೆಟ್ಟಿಂಗ್ ಅನ್ನು ಬದಲಾಯಿಸಬಹುದು.

ಇದನ್ನು ಸಹ ನೋಡಿiPhoneನಲ್ಲಿ ಫೋಕಸ್ ಅನ್ನು ಆನ್ ಮಾಡುವುದು ಅಥವಾ ನಿಗದಿಪಡಿಸುವುದುನಿಮ್ಮ ಲಾಕ್ ಸ್ಕ್ರೀನ್‌ಗೆ ಫೋಕಸ್ ಅನ್ನು ಲಿಂಕ್ ಮಾಡಿiPhone ಹೋಮ್ ಸ್ಕ್ರೀನ್‌ನಲ್ಲಿ ಆ್ಯಪ್‌ಗಳು ಮತ್ತು ವಿಜೆಟ್‌ಗಳನ್ನು ಮೂವ್ ಮಾಡಿ
Morty Proxy This is a proxified and sanitized view of the page, visit original site.
ಉಪಯುಕ್ತವಾಗಿದೆಯೇ?
ಅಕ್ಷರ ಮಿತಿ: 250
ಗರಿಷ್ಠ ಅಕ್ಷರ ಮಿತಿಯು 250 ಆಗಿದೆ.
ನಿಮ್ಮ ಫೀಡ್‌ಬ್ಯಾಕ್‌ಗಾಗಿ ಧನ್ಯವಾದಗಳು.
Morty Proxy This is a proxified and sanitized view of the page, visit original site.