iOS 26
iOS 18
ಈ ನಿಯಂತ್ರಣವನ್ನು ಮಾರ್ಪಡಿಸುವುದರಿಂದ ಈ ಪುಟವು ಸ್ವಯಂಚಾಲಿತವಾಗಿ ಅಪ್‌ಡೇಟ್ ಆಗುತ್ತದೆ

iPhoneನಲ್ಲಿನ ಸಂದೇಶ ಆ್ಯಪ್‌ನಲ್ಲಿ ಕಂಟೆಂಟ್‌ ಅನ್ನು ಹಂಚಿಕೊಳ್ಳಿ

ನೀವು ಸಂದೇಶ ಆ್ಯಪ್ ಅನ್ನು ಬಳಸಿ ಚಿತ್ರಗಳು, ಲಿಂಕ್‌ಗಳು ಮತ್ತು ಇತರ ಕಂಟೆಂಟ್ ಅನ್ನು ಹಂಚಿಕೊಳ್ಳಬಹುದು. ಯಾರಾದರೂ ನಿಮ್ಮೊಂದಿಗೆ ಕಂಟೆಂಟ್ ಅನ್ನು ಹಂಚಿಕೊಂಡಾಗ, ನೀವು ಅದನ್ನು ಸಂಬಂಧಿತ ಆ್ಯಪ್‌ಗಳಲ್ಲಿರುವ ನಿಮ್ಮೊಂದಿಗೆ ಹಂಚಿಕೊಂಡಿರುವುದು ಎಂಬ ವಿಭಾಗದಲ್ಲಿ ಕಾಣಬಹುದು. ನಿಮ್ಮೊಂದಿಗೆ ಹಂಚಿಕೊಂಡಿರುವುದು ಎಂಬುದನ್ನು ಬೆಂಬಲಿಸುವ ಆ್ಯಪ್‌ಗಳು, ಫೋಟೋಸ್, ಸಂಗೀತ, News ಮತ್ತು ಇತ್ಯಾದಿಗಳನ್ನು ಒಳಗೊಂಡಿರುತ್ತವೆ.

ಕಂಟೆಂಟ್ ಅನ್ನು ಇತರರೊಂದಿಗೆ ಹಂಚಿಕೊಳ್ಳಿ

  1. ನಿಮ್ಮ iPhoneನಲ್ಲಿ ಸಂದೇಶ ಆ್ಯಪ್‌ಗೆ ಹೋಗಿ.

  2. ಹೊಸ ಸಂದೇಶವನ್ನು ಪ್ರಾರಂಭಿಸಿ ಅಥವಾ ಸಂಭಾಷಣೆಯನ್ನು ತೆರೆಯಿರಿ.

  3. ಈ ಕೆಳಗಿನವುಗಳಲ್ಲಿ ಒಂದನ್ನು ಮಾಡಿ:

    • ನಿಮ್ಮ ಸಂದೇಶಕ್ಕೆ ಚಿತ್ರ ಅಥವಾ ಲಿಂಕ್ ಅನ್ನು ಕಾಪಿ ಮಾಡಿ ಮತ್ತು ಪೇಸ್ಟ್ ಮಾಡಿ.

    • ಆ್ಯಪ್‌ಗಳು ಬಟನ್ ಅನ್ನು ಟ್ಯಾಪ್ ಮಾಡಿ, ಇತ್ತೀಚಿನ ಫೋಟೋಗಳು ಮತ್ತು ವೀಡಿಯೊಗಳನ್ನು ಬ್ರೌಸ್ ಮಾಡಲು ಫೋಟೋಸ್ ಆ್ಯಪ್‌ ಅನ್ನು ಟ್ಯಾಪ್ ಮಾಡಿ, ನಂತರ ಸೇರಿಸಲು ಟ್ಯಾಪ್ ಮಾಡಿ.

    • ಸಂದೇಶದ ಅಟ್ಯಾಚ್‌ಮೆಂಟ್ ಅನ್ನು ಟ್ಯಾಪ್ ಮಾಡಿ, ಹಂಚಿಕೊಳ್ಳಿ ಬಟನ್ ಅನ್ನು ಟ್ಯಾಪ್ ಮಾಡಿ, ನಂತರ ಸಂಪರ್ಕವೊಂದನ್ನು ಅಥವಾ ಸಂದೇಶ ಆ್ಯಪ್‌ನ ಐಕಾನ್ ಅನ್ನು ಟ್ಯಾಪ್ ಮಾಡಿ.

      ಸಲಹೆ: ನೀವು ಹಂಚಿಕೊಳ್ಳಿ ಬಟನ್ ಅನ್ನು ಟ್ಯಾಪ್ ಮಾಡಿದಾಗ, ನಿಮ್ಮ ಅಟ್ಯಾಚ್‌ಮೆಂಟ್ ಅನ್ನು ನೀವು ಕಾಪಿ ಮಾಡಬಹುದು, ಸೇವ್ ಮಾಡಬಹುದು ಅಥವಾ ಪ್ರಿಂಟ್ ಮಾಡಬಹುದು.

  4. ಸಂದೇಶವನ್ನು ಸೇರಿಸಿ (ಐಚ್ಛಿಕ), ನಂತರ ಕಳುಹಿಸಿ ಬಟನ್ ಅನ್ನು ಟ್ಯಾಪ್ ಮಾಡಿ.

ಮತ್ತೊಂದು ಆ್ಯಪ್‌ನಿಂದ (ಉದಾಹರಣೆಗೆ, ಪಾಡ್‌ಕಾಸ್ಟ್ಸ್, News ಅಥವಾ ಸಂಗೀತ), ನೀವು ಹಂಚಿಕೊಳ್ಳಲು ಬಯಸುವ ಕಂಟೆಂಟ್ ಅನ್ನು ಆಯ್ಕೆ ಮಾಡಿ, ಇನ್ನಷ್ಟು ಬಟನ್ ಅನ್ನು ಟ್ಯಾಪ್ ಮಾಡಿ, ಹಂಚಿಕೊಳ್ಳಿ ಎಂಬುದನ್ನು ಟ್ಯಾಪ್ ಮಾಡಿ, ನಂತರ ಸಂದೇಶ ಆ್ಯಪ್ ಅನ್ನು ಆಯ್ಕೆ ಮಾಡಿ.

ನಿಮ್ಮೊಂದಿಗೆ ಯಾವುದೇ ವ್ಯಕ್ತಿಯು ಹಂಚಿಕೊಂಡ ಎಲ್ಲಾ ಕಂಟೆಂಟ್ ಅನ್ನು ಹುಡುಕಿ

  1. ನಿಮ್ಮ iPhoneನಲ್ಲಿ ಸಂದೇಶ ಆ್ಯಪ್‌ಗೆ ಹೋಗಿ.

  2. ನೀವು ಯಾವ ಸಂಭಾಷಣೆಯ ಕಂಟೆಂಟ್ ಅನ್ನು ನೋಡಲು ಬಯಸುತ್ತೀರೋ ಅದನ್ನು ತೆರೆಯಿರಿ.

  3. ಸಂಭಾಷಣೆಯ ಮೇಲ್ಭಾಗದಲ್ಲಿರುವ, ನಿಮ್ಮೊಂದಿಗೆ ಸಂವಹನ ನಡೆಸುತ್ತಿರುವ ವ್ಯಕ್ತಿ ಅಥವಾ ಗುಂಪಿನ ಹೆಸರನ್ನು ಟ್ಯಾಪ್ ಮಾಡಿ.

  4. ನಿಮ್ಮೊಂದಿಗೆ ಹಂಚಿಕೊಂಡಿರುವುದು ಎಂಬ ವಿಭಾಗಕ್ಕೆ ಹೋಗಲು ಕೆಳಕ್ಕೆ ಸ್ಕ್ರೋಲ್ ಮಾಡಿ.

ಗಮನಿಸಿ: ಕಂಟೆಂಟ್ ಅನ್ನು ಕಳುಹಿಸಿದ ವ್ಯಕ್ತಿಯು ನಿಮ್ಮ ಸಂಪರ್ಕಗಳಲ್ಲಿ ಇದ್ದರೆ ಮಾತ್ರ ಅದು ನಿಮ್ಮೊಂದಿಗೆ ಹಂಚಿಕೊಂಡಿರುವುದು ಎಂಬಲ್ಲಿ ಕಾಣಿಸುತ್ತದೆ.

ನೀವು ಫೋಟೋಸ್, Safari, ಸಂಗೀತ, ಪಾಡ್‌ಕಾಸ್ಟ್ಸ್ ಮತ್ತು ಇತರ ಬೆಂಬಲಿತ ಆ್ಯಪ್‌ಗಳಲ್ಲಿ ನಿಮ್ಮೊಂದಿಗೆ ಹಂಚಿಕೊಂಡಿರುವುದು ಎಂಬ ವಿಭಾಗವನ್ನು ಕಾಣಬಹುದು.

ಫೋಟೋಗಳು ಅಥವಾ ವೀಡಿಯೊಗಳನ್ನು ಪರಿಶೀಲಿಸಿ ಮತ್ತು ಸೇವ್ ಮಾಡಿ

ನೀವು ಒಂದೇ ಸಮಯದಲ್ಲಿ ಅನೇಕ ಫೋಟೋಗಳು ಅಥವಾ ವೀಡಿಯೊಗಳನ್ನು ಸ್ವೀಕರಿಸಿದರೆ, ಅವುಗಳನ್ನು ಸ್ವಯಂಚಾಲಿತವಾಗಿ ಕೊಲಾಜ್ (ಎರಡರಿಂದ ಮೂರು ಐಟಂಗಳು) ಅಥವಾ ಸ್ಟ್ಯಾಕ್ (ನಾಲ್ಕು ಅಥವಾ ಹೆಚ್ಚು) ಎಂದು ಗುಂಪು ಮಾಡಲಾಗುತ್ತದೆ.

  1. ನಿಮ್ಮ iPhoneನಲ್ಲಿ ಸಂದೇಶ ಆ್ಯಪ್‌ಗೆ ಹೋಗಿ.

  2. ಈ ಕೆಳಗಿನವುಗಳಲ್ಲಿ ಒಂದನ್ನು ಮಾಡಿ:

    • ಸ್ಟ್ಯಾಕ್‌ನ ಒಳಗೆ ನೋಡಿ: ತೆರೆಯಲು ಟ್ಯಾಪ್ ಮಾಡಿ, ನಂತರ ಪ್ರತಿಯೊಂದು ಫೋಟೋ ಅಥವಾ ವೀಡಿಯೊವನ್ನು ಪ್ರತ್ಯೇಕವಾಗಿ ವೀಕ್ಷಿಸಲು, ಪ್ರತಿಕ್ರಿಯಿಸಲು ಅಥವಾ ಅವುಗಳೊಂದಿಗೆ ಸಂವಹನ ನಡೆಸಲು ಸ್ಟ್ಯಾಕ್ ಮೂಲಕ ಸ್ವೈಪ್ ಮಾಡಿ.

    • ಫೋಟೋ ಅಥವಾ ವೀಡಿಯೊವನ್ನು ಸೇವ್ ಮಾಡಿ: ಫೋಟೋ ಅಥವಾ ಸ್ಟ್ಯಾಕ್‌ನ ಪಕ್ಕದಲ್ಲಿರುವ ಫೋಟೋವನ್ನು ಸೇವ್ ಮಾಡಿ ಬಟನ್ ಅನ್ನು ಟ್ಯಾಪ್ ಮಾಡಿ.

ಹಂಚಿಕೊಂಡ ಕಂಟೆಂಟ್ ಅನ್ನು ಪಿನ್ ಮಾಡಿ

ಯಾರಾದರೂ ವಿಶೇಷವಾಗಿ ಆಸಕ್ತಿದಾಯಕವಾಗಿರುವ ಕಂಟೆಂಟ್ ಅನ್ನು ಹಂಚಿಕೊಂಡರೆ, ನೀವು ಸಂದೇಶ ಆ್ಯಪ್‌ನಲ್ಲಿ ಅದನ್ನು ತ್ವರಿತವಾಗಿ ಪಿನ್ ಮಾಡಬಹುದು ಹಾಗೂ ಅದನ್ನು ಬೆಂಬಲಿತ ಆ್ಯಪ್‌ಗಳ ‘ನಿಮ್ಮೊಂದಿಗೆ ಹಂಚಿಕೊಂಡಿರುವುದು’ ಎಂಬ ವಿಭಾಗದಲ್ಲಿ, ಸಂದೇಶ ಆ್ಯಪ್‌ನ ಹುಡುಕಾಟದಲ್ಲಿ ಮತ್ತು ಸಂಭಾಷಣೆಯ ವಿವರಗಳಲ್ಲಿ (ನೀವು ಸಂಭಾಷಣೆಯ ಮೇಲ್ಭಾಗದಲ್ಲಿರುವ ಹೆಸರನ್ನು ಟ್ಯಾಪ್ ಮಾಡಿದಾಗ ನಿಮಗೆ ಕಾಣಿಸುವ ಮಾಹಿತಿ) ಎಲಿವೇಟ್ ಮಾಡಲಾಗುತ್ತದೆ.

  1. ನಿಮ್ಮ iPhoneನಲ್ಲಿ ಸಂದೇಶ ಆ್ಯಪ್‌ಗೆ ಹೋಗಿ.

  2. ನೀವು ಪಿನ್ ಮಾಡಲು ಬಯಸುವ ಕಂಟೆಂಟ್ ಅನ್ನು ಹೊಂದಿರುವ ಸಂಭಾಷಣೆಯನ್ನು ತೆರೆಯಿರಿ.

  3. ಲಿಂಕ್ ಅನ್ನು ಹೊಂದಿರುವ ಸಂದೇಶದ ಬಬಲ್ ಅನ್ನು ಒತ್ತಿ ಹಿಡಿದುಕೊಳ್ಳಿ, ನಂತರ ಪಿನ್ ಮಾಡಿ ಎಂಬುದನ್ನು ಟ್ಯಾಪ್ ಮಾಡಿ.

ಗಮನಿಸಿ: ಫೋಟೋಗಳನ್ನು ನಿಮ್ಮ ಲೈಬ್ರರಿಯಲ್ಲಿ ಸೇವ್ ಮಾಡಬಹುದು, ಆದರೆ ಪಿನ್ ಮಾಡಲು ಸಾಧ್ಯವಿಲ್ಲ.

ಹಂಚಿಕೊಂಡ ಕಂಟೆಂಟ್ ಅನ್ನು ಮರೆಮಾಡಿ

ಆ್ಯಪ್ ಒಂದರ ನಿಮ್ಮೊಂದಿಗೆ ಹಂಚಿಕೊಂಡಿರುವುದು ಎಂಬ ವಿಭಾಗವನ್ನು ಮರೆಮಾಡಲು ನಿಮ್ಮ ಸೆಟ್ಟಿಂಗ್ಸ್ ಅನ್ನು ನೀವು ಸರಿಹೊಂದಿಸಬಹುದು.

  1. ಸೆಟ್ಟಿಂಗ್ಸ್  > ಆ್ಯಪ್‌ಗಳು > ಸಂದೇಶ ಎಂಬಲ್ಲಿಗೆ ಹೋಗಿ.

  2. ನಿಮ್ಮೊಂದಿಗೆ ಹಂಚಿಕೊಂಡಿರುವುದು ಎಂಬುದನ್ನು ಟ್ಯಾಪ್ ಮಾಡಿ, ನಂತರ ಸ್ವಯಂಚಾಲಿತ ಹಂಚಿಕೊಳ್ಳುವಿಕೆಯನ್ನು ಆಫ್ ಮಾಡಿ ಅಥವಾ ನಿರ್ದಿಷ್ಟ ಆ್ಯಪ್‌ಗಾಗಿ ನಿಮ್ಮೊಂದಿಗೆ ಹಂಚಿಕೊಂಡಿರುವುದು ಎಂಬುದನ್ನು ಆಫ್ ಮಾಡಿ.

ಗಮನಿಸಿ: ನಿಮ್ಮ (ಅಥವಾ ಕುಟುಂಬದ ಸದಸ್ಯರ) iPhone ಸೂಕ್ಷ್ಮ ಕಂಟೆಂಟ್‌ನ ಕುರಿತು ಎಚ್ಚರಿಕೆಗಳನ್ನು ಸ್ವೀಕರಿಸುವಂತೆ ನೀವು ಮಾಡಬಹುದು ಮತ್ತು ಅದನ್ನು ಕಳುಹಿಸುವ ಅಥವಾ ಸ್ವೀಕರಿಸುವ ಮೊದಲು ನಿಮಗೆ ಎಚ್ಚರಿಕೆ ನೀಡುವಂತೆ ಮಾಡಬಹುದು. ಸೂಕ್ಷ್ಮ ಕಂಟೆಂಟ್ ಕುರಿತು ಎಚ್ಚರಿಕೆಗಳನ್ನು ಸ್ವೀಕರಿಸಿ ಅಥವಾ ಸೂಕ್ಷ್ಮ ಚಿತ್ರಗಳನ್ನು ಪರಿಶೀಲಿಸಿ ಎಂಬುದನ್ನು ನೋಡಿ.

ಇದನ್ನು ಸಹ ನೋಡಿiPhoneನಲ್ಲಿನ ಸಂದೇಶ ಆ್ಯಪ್‌ನಲ್ಲಿ ಫೋಟೋಗಳು ಅಥವಾ ವೀಡಿಯೊಗಳನ್ನು ತೆಗೆದುಕೊಳ್ಳಿ ಮತ್ತು ಎಡಿಟ್ ಮಾಡಿiPhoneನಲ್ಲಿ ಸಂದೇಶ ಆ್ಯಪ್ ಅನ್ನು ಬಳಸಿಕೊಂಡು ಸ್ಕ್ರೀನ್‌ಗಳನ್ನು ಹಂಚಿಕೊಳ್ಳಿiPhoneನಲ್ಲಿನ ಸಂದೇಶ ಆ್ಯಪ್ ಮೂಲಕ ಪ್ರಾಜೆಕ್ಟ್‌ಗಳಲ್ಲಿ ಕೊಲಾಬೊರೇಟ್ ಮಾಡಿiPhoneನಲ್ಲಿನ ಸಂದೇಶ ಆ್ಯಪ್‌ನಲ್ಲಿ ಸಂದೇಶಗಳು ಮತ್ತು ಅಟ್ಯಾಚ್‌ಮೆಂಟ್‌ಗಳನ್ನು ಡಿಲೀಟ್ ಮಾಡಿ
Morty Proxy This is a proxified and sanitized view of the page, visit original site.
ಉಪಯುಕ್ತವಾಗಿದೆಯೇ?
ಅಕ್ಷರ ಮಿತಿ: 250
ಗರಿಷ್ಠ ಅಕ್ಷರ ಮಿತಿಯು 250 ಆಗಿದೆ.
ನಿಮ್ಮ ಫೀಡ್‌ಬ್ಯಾಕ್‌ಗಾಗಿ ಧನ್ಯವಾದಗಳು.
Morty Proxy This is a proxified and sanitized view of the page, visit original site.