iOS 26
iOS 18
ಈ ನಿಯಂತ್ರಣವನ್ನು ಮಾರ್ಪಡಿಸುವುದರಿಂದ ಈ ಪುಟವು ಸ್ವಯಂಚಾಲಿತವಾಗಿ ಅಪ್‌ಡೇಟ್ ಆಗುತ್ತದೆ

iPhoneನಲ್ಲಿ ಅಪರಿಚಿತ ಕರೆ ಮಾಡುವವರಿಂದ ಬರುವ FaceTime ಕರೆಗಳನ್ನು ನಿರ್ಬಂಧಿಸಿ ಮತ್ತು ನಿಶ್ಯಬ್ದಗೊಳಿಸಿ

FaceTime ಆ್ಯಪ್‌ನಲ್ಲಿ, ನೀವು ಅಪರಿಚಿತ ಕರೆ ಮಾಡುವವರಿಂದ ಬರುವ FaceTime ಕರೆಗಳನ್ನು ಬ್ಲಾಕ್ ಮಾಡಬಹುದು ಮತ್ತು ಕರೆಗಳನ್ನು ಸ್ಪ್ಯಾಮ್ ಅಥವಾ ಜಂಕ್ ಎಂದು ವರದಿ ಮಾಡಬಹುದು. ನೀವು ಅಪರಿಚಿತ ಕರೆ ಮಾಡುವವರ ಕರೆಗಳನ್ನು ಸಹ ನಿಶ್ಯಬ್ದಗೊಳಿಸಬಹುದು.

FaceTime ಕರೆಯನ್ನು ಬ್ಲಾಕ್ ಮಾಡಿ

ನೀವು ಅನಗತ್ಯ FaceTime ಕರೆಯನ್ನು ಸ್ವೀಕರಿಸಿದರೆ, ನೀವು ಕರೆಮಾಡುವವರನ್ನು ಬ್ಲಾಕ್ ಮಾಡಬಹುದು. ಈ ಕೆಳಗಿನವುಗಳಲ್ಲಿ ಒಂದನ್ನು ಮಾಡಿ:

  • ಕರೆಯ ಸಮಯದಲ್ಲಿ, ಮಾಹಿತಿ ಬಟನ್ ಅನ್ನು ಟ್ಯಾಪ್ ಮಾಡಿ, ಕರೆ ಮಾಡುವವರನ್ನು ಬ್ಲಾಕ್ ಮಾಡಿ ಎಂಬುದನ್ನು ಟ್ಯಾಪ್ ಮಾಡಿ, ನಂತರ ಬ್ಲಾಕ್ ಮಾಡಿ ಎಂಬುದನ್ನು ಟ್ಯಾಪ್ ಮಾಡಿ. (ಮಾಹಿತಿ ಬಟನ್ ಕಾಣಿಸಿಕೊಳ್ಳಲು ನೀವು FaceTime ವಿಂಡೋವನ್ನು ಟ್ಯಾಪ್ ಮಾಡಬೇಕಾಗಬಹುದು.)

  • ನಿಮ್ಮ FaceTime ಕರೆ ಇತಿಹಾಸದಲ್ಲಿ ಅಥವಾ ಫೋನ್ ಆ್ಯಪ್‌ನಲ್ಲಿನ ಇತ್ತೀಚಿನವುಗಳ ಪಟ್ಟಿಯಲ್ಲಿ, ಕರೆಯ ಮೇಲೆ ಎಡಕ್ಕೆ ಸ್ವೈಪ್ ಮಾಡಿ, ಬ್ಲಾಕ್ ಮಾಡಿ ಬಟನ್ ಅನ್ನು ಟ್ಯಾಪ್ ಮಾಡಿ, ನಂತರ ಬ್ಲಾಕ್ ಮಾಡಿ ಎಂಬುದನ್ನು ಟ್ಯಾಪ್ ಮಾಡಿ.

ಗುಂಪು FaceTime ಕರೆಯನ್ನು ಬ್ಲಾಕ್ ಮಾಡುವುದು

ನೀವು ಅಪರಿಚಿತ ಕರೆ ಮಾಡುವವರಿಂದ ಅನಗತ್ಯ ಗುಂಪು FaceTime ಕರೆಯನ್ನು ಸ್ವೀಕರಿಸಿದರೆ, ಈ ಕೆಳಗಿನವುಗಳಲ್ಲಿ ಒಂದನ್ನು ಮಾಡುವ ಮೂಲಕ ನೀವು ಎಲ್ಲಾ ಸಹಭಾಗಿಗಳನ್ನು ಬ್ಲಾಕ್ ಮಾಡಬಹುದು:

  • ಕರೆಯು ರಿಂಗ್ ಆಗುತ್ತಿರುವಾಗ: ವಿಂಡೋವನ್ನು ವಿಸ್ತರಿಸಲು ನೋಟಿಫಿಕೇಷನ್‌ನ ಎಡಭಾಗವನ್ನು ಟ್ಯಾಪ್ ಮಾಡಿ, ಸ್ಕ್ರೀನ್‌ನ ಮೇಲ್ಭಾಗದಲ್ಲಿನ ಮಾಹಿತಿ ಬಟನ್ ಅನ್ನು ಟ್ಯಾಪ್ ಮಾಡಿ, ನಂತರ ಎಲ್ಲಾ ಸಹಭಾಗಿಗಳನ್ನು ಬ್ಲಾಕ್ ಮಾಡಿ ಎಂಬುದನ್ನು ಟ್ಯಾಪ್ ಮಾಡಿ.

  • ಗುಂಪು FaceTime ಕರೆಯ ಸಮಯದಲ್ಲಿ: ಸ್ಕ್ರೀನ್‌ನ ಮೇಲ್ಭಾಗದಲ್ಲಿರುವ ಮಾಹಿತಿ ಬಟನ್ ಅನ್ನು ಟ್ಯಾಪ್ ಮಾಡಿ, ನಂತರ ಎಲ್ಲಾ ಸಹಭಾಗಿಗಳನ್ನು ಬ್ಲಾಕ್ ಮಾಡಿ ಎಂಬುದನ್ನು ಟ್ಯಾಪ್ ಮಾಡಿ.

  • ಗುಂಪು FaceTime ಕರೆ ಕೊನೆಗೊಂಡ ನಂತರ: ಕರೆ ಇತಿಹಾಸದಲ್ಲಿ ಕರೆಯನ್ನು ಟ್ಯಾಪ್ ಮಾಡಿ, ಕರೆ ಮಾಡುವವರ ಮಾಹಿತಿಯ ಪಕ್ಕದಲ್ಲಿನ ಮಾಹಿತಿ ಬಟನ್ ಅನ್ನು ಟ್ಯಾಪ್ ಮಾಡಿ, ಕರೆ ಮಾಡುವವರನ್ನು ಬ್ಲಾಕ್ ಮಾಡಿ ಎಂಬುದನ್ನು ಟ್ಯಾಪ್ ಮಾಡಿ, ನಂತರ ಸಂಪರ್ಕವನ್ನು ಬ್ಲಾಕ್ ಮಾಡಿ ಎಂಬುದನ್ನು ಟ್ಯಾಪ್ ಮಾಡಿ.

    ಜೊತೆಯಲ್ಲೇ ನೀವು ನಿಮ್ಮ FaceTime ಕರೆ ಇತಿಹಾಸ ಅಥವಾ ಫೋನ್ ಆ್ಯಪ್‌ನಲ್ಲಿನ ಇತ್ತೀಚಿನವುಗಳ ಪಟ್ಟಿಗೆ ಹೋಗಿ, ಕರೆಯ ಮೇಲೆ ಎಡಕ್ಕೆ ಸ್ವೈಪ್ ಮಾಡಿ, ಬ್ಲಾಕ್ ಮಾಡಿ ಬಟನ್ ಅನ್ನು ಟ್ಯಾಪ್ ಮಾಡಿ, ನಂತರ ಎಲ್ಲಾ ಸಹಭಾಗಿಗಳನ್ನು ಬ್ಲಾಕ್ ಮಾಡಿ ಎಂಬುದನ್ನು ಟ್ಯಾಪ್ ಮಾಡಬಹುದು.

    ಗಮನಿಸಿ: ಸಕ್ರಿಯ ವಿಭಾಗದಲ್ಲಿ ಗುಂಪು FaceTime ಕರೆಯನ್ನು ಪಟ್ಟಿ ಮಾಡಿದ್ದರೆ, ಅದು ಕೊನೆಗೊಂಡಿಲ್ಲ ಎಂದರ್ಥ; ನಿಮ್ಮ ಕರೆಯ ಇತಿಹಾಸದಲ್ಲಿ ಬ್ಲಾಕ್ ಮಾಡುವ ಆಯ್ಕೆಯು ಲಭ್ಯವಿರುವುದಿಲ್ಲ.

ಅಪರಿಚಿತ ಕರೆ ಮಾಡುವವರಿಂದ ಬರುವ FaceTime ಕರೆಗಳನ್ನು ನಿಶ್ಯಬ್ದಗೊಳಿಸುವುದು

ಸೆಟ್ಟಿಂಗ್ಸ್ ಆ್ಯಪ್  > ಆ್ಯಪ್‌ಗಳು > FaceTime > ಅಪರಿಚಿತ ಕರೆ ಮಾಡುವವರನ್ನು ನಿಶ್ಯಬ್ದಗೊಳಿಸಿ ಎಂಬಲ್ಲಿಗೆ ಹೋಗಿ, ನಂತರ ಅಪರಿಚಿತ ಕರೆ ಮಾಡುವವರನ್ನು ನಿಶ್ಯಬ್ದಗೊಳಿಸಿ ಎಂಬುದನ್ನು ಆನ್ ಮಾಡಿ.

ಈ ಸೆಟ್ಟಿಂಗ್ ನೀವು ಸೇವ್ ಮಾಡಿರುವ ಸಂಪರ್ಕಗಳು, ನೀವು ಕರೆ ಮಾಡಿದ ಜನರು ಮತ್ತು Siri ಸೂಚಿಸಿದ ಜನರಿಂದ ಮಾತ್ರ ನೀವು FaceTime ಕರೆಗಳನ್ನು ಸ್ವೀಕರಿಸುತ್ತೀರಿ ಎಂಬುದನ್ನು ಖಚಿತಪಡಿಸುತ್ತದೆ. ಅಪರಿಚಿತ ಸಂಖ್ಯೆಗಳಿಂದ ಬರುವ ಕರೆಗಳು ವಾಯ್ಸ್‌ಮೇಲ್‌ಗೆ ಹೋಗುತ್ತವೆ ಮತ್ತು ಅವುಗಳನ್ನು ಇತ್ತೀಚಿನವುಗಳು ಎಂಬ ಪಟ್ಟಿಯಲ್ಲಿ ಪ್ರದರ್ಶಿಸಲಾಗುತ್ತದೆ.

ಇದನ್ನು ಸಹ ನೋಡಿನಿಮ್ಮ iPhone ಅಥವಾ iPadನಲ್ಲಿ ಫೋನ್ ಸಂಖ್ಯೆಗಳು ಮತ್ತು ಸಂಪರ್ಕಗಳನ್ನು ಬ್ಲಾಕ್ ಮಾಡಿiPhoneನಲ್ಲಿ FaceTime ಕರೆಯನ್ನು ಸ್ಪ್ಯಾಮ್ ಎಂದು ವರದಿ ಮಾಡುವುದು
Morty Proxy This is a proxified and sanitized view of the page, visit original site.
ಉಪಯುಕ್ತವಾಗಿದೆಯೇ?
ಅಕ್ಷರ ಮಿತಿ: 250
ಗರಿಷ್ಠ ಅಕ್ಷರ ಮಿತಿಯು 250 ಆಗಿದೆ.
ನಿಮ್ಮ ಫೀಡ್‌ಬ್ಯಾಕ್‌ಗಾಗಿ ಧನ್ಯವಾದಗಳು.
Morty Proxy This is a proxified and sanitized view of the page, visit original site.