iOS 26
iOS 18
ಈ ನಿಯಂತ್ರಣವನ್ನು ಮಾರ್ಪಡಿಸುವುದರಿಂದ ಈ ಪುಟವು ಸ್ವಯಂಚಾಲಿತವಾಗಿ ಅಪ್‌ಡೇಟ್ ಆಗುತ್ತದೆ

iPhoneನಲ್ಲಿ ನಿಮ್ಮ ಜರ್ನಲ್ ನಮೂದುಗಳನ್ನು ನೋಡಿ ಮತ್ತು ಹುಡುಕಿ

ಜರ್ನಲ್ ಆ್ಯಪ್ ನಿಮ್ಮ ಹಿಂದಿನ ನಮೂದುಗಳ ಸ್ಕ್ರಾಲ್ ಮಾಡಬಹುದಾದ ವ್ಯೂ ಅನ್ನು ಒದಗಿಸುತ್ತದೆ. ನಿಮ್ಮ ನಮೂದುಗಳಲ್ಲಿ ನೀವು ಪಠ್ಯವನ್ನು ಹುಡುಕಬಹುದು ಮತ್ತು ಫೋಟೋಗಳು, ಸ್ಥಳಗಳು ಮತ್ತು ಸಂಭಾಷಣೆಗಳಂತಹ ವಿವರಗಳಿಗಾಗಿ ಫಿಲ್ಟರ್ ಮಾಡಬಹುದು. ಜರ್ನಲ್‌ನಲ್ಲಿ ನಮೂದುಗಳನ್ನು ಬುಕ್‌ಮಾರ್ಕ್ ಮಾಡುವ ಮೂಲಕ ನೀವು ಅವುಗಳನ್ನು ನಂತರದ ಸಮಯದಲ್ಲಿ ಮರುಪರಿಶೀಲಿಸಬಹುದು ಮತ್ತು ಎಡಿಟ್ ಅಥವಾ ಡಿಲೀಟ್ ಮಾಡಬಹುದು.

ಮೇಲಿನ ಬಲಭಾಗದಲ್ಲಿ ಹುಡುಕಾಟ ಬಟನ್ ಹೊಂದಿರುವ ಮತ್ತು ಜರ್ನಲ್ ನಮೂದುಗಳನ್ನು ತೋರಿಸುವ ಸ್ಕ್ರೀನ್.

ನಿಮ್ಮ ಜರ್ನಲ್ ನಮೂದುಗಳನ್ನು ನೋಡಿ ಮತ್ತು ಹುಡುಕಿ

  1. ನಿಮ್ಮ iPhoneನಲ್ಲಿರುವ ಜರ್ನಲ್ ಆ್ಯಪ್‌ಗೆ ಹೋಗಿ.

  2. ನಿಮ್ಮ ನಮೂದುಗಳನ್ನು ನೋಡಲು ಕೆಳಕ್ಕೆ ಸ್ಕ್ರೋಲ್ ಮಾಡಿ.

  3. ನಮೂದಿನಲ್ಲಿರುವ ಪಠ್ಯವನ್ನು ವಿಸ್ತರಿಸಲು ಅದನ್ನು ಟ್ಯಾಪ್ ಮಾಡಿ. ನಮೂದನ್ನು ಕುಗ್ಗಿಸಲು, ಅದನ್ನು ಮತ್ತೊಮ್ಮೆ ಟ್ಯಾಪ್ ಮಾಡಿ. ಅಟ್ಯಾಚ್‌ಮೆಂಟ್ ಅನ್ನು ಫುಲ್‌ಸ್ಕ್ರೀನ್‌ನಲ್ಲಿ ನೋಡಲು ಅದನ್ನು ಟ್ಯಾಪ್ ಮಾಡಿ.

  4. ಈ ಕೆಳಗಿನವುಗಳಲ್ಲಿ ಯಾವುದಾದರೂ ಒಂದನ್ನು ಮಾಡಿ:

    • ನಿರ್ದಿಷ್ಟ ನಮೂದುಗಳನ್ನು ಹುಡುಕಿ: ಹುಡುಕಾಟ ಬಟನ್ ಅನ್ನು ಟ್ಯಾಪ್ ಮಾಡಿ, ಫೋಟೋಗಳು ಅಥವಾ ಸಂಭಾಷಣೆಗಳಂತಹ ವರ್ಗವನ್ನು ಆರಿಸಿ, ನಂತರ ನಿಮ್ಮ ನಮೂದುಗಳಲ್ಲಿ ಹುಡುಕಲು ಪಠ್ಯವನ್ನು ಟೈಪ್ ಮಾಡಿ.

    • ನಿರ್ದಿಷ್ಟ ದಿನಕ್ಕೆ ಸಂಬಂಧಿಸಿದ ನಮೂದುಗಳನ್ನು ಹುಡುಕಿ: ಕ್ಯಾಲೆಂಡರ್ ಬಟನ್ ಅನ್ನು ಟ್ಯಾಪ್ ಮಾಡಿ, ನಂತರ ಕ್ಯಾಲೆಂಡರ್‌ನಲ್ಲಿ ದಿನಾಂಕವೊಂದನ್ನು ಟ್ಯಾಪ್ ಮಾಡಿ.

    • ನಮೂದುಗಳನ್ನು ವಿಂಗಡಿಸಿ: ಇನ್ನಷ್ಟು ಬಟನ್ ಅನ್ನು ಟ್ಯಾಪ್ ಮಾಡಿ, ಈ ಪ್ರಕಾರ ವಿಂಗಡಿಸಿ ಎಂಬುದನ್ನು ಟ್ಯಾಪ್ ಮಾಡಿ, ನಂತರ ನಮೂದಿನ ದಿನಾಂಕ ಅಥವಾ ಕ್ಷಣದ ದಿನಾಂಕವನ್ನು ಆಯ್ಕೆಮಾಡಿ.

ಮುಖ್ಯವಾದ ಜರ್ನಲ್ ನಮೂದುಗಳನ್ನು ಬುಕ್‌ಮಾರ್ಕ್ ಮಾಡುವುದು

  1. ನಿಮ್ಮ iPhoneನಲ್ಲಿರುವ ಜರ್ನಲ್ ಆ್ಯಪ್‌ಗೆ ಹೋಗಿ.

  2. ನಮೂದಿನ ಮೇಲೆ ಬಲಕ್ಕೆ ಸ್ವೈಪ್ ಮಾಡಿ, ನಂತರ ಬುಕ್‌ಮಾರ್ಕ್ ಬಟನ್ ಅನ್ನು ಟ್ಯಾಪ್ ಮಾಡಿ.

    ಜರ್ನಲ್ ನಮೂದುಗಳನ್ನು ತೋರಿಸುತ್ತಿರುವ ಸ್ಕ್ರೀನ್. ಒಂದು ನಮೂದನ್ನು ಬಲಕ್ಕೆ ಸ್ವೈಪ್ ಮಾಡಲಾಗಿದೆ ಮತ್ತು ಬುಕ್‌ಮಾರ್ಕ್ ಬಟನ್ ಅನ್ನು ತೋರಿಸುತ್ತದೆ.

  3. ಬುಕ್‌ಮಾರ್ಕ್ ಮಾಡಿದ ನಮೂದುಗಳನ್ನು ಮಾತ್ರ ನೋಡಲು ಹುಡುಕಾಟ ಬಟನ್ ಅನ್ನು ಟ್ಯಾಪ್ ಮಾಡಿ, ನಂತರ ಬುಕ್‌ಮಾರ್ಕ್‌ ಮಾಡಿರುವುದು ಎಂಬುದನ್ನು ಟ್ಯಾಪ್ ಮಾಡಿ.

ಜರ್ನಲ್ ನಮೂದನ್ನು ಎಡಿಟ್ ಮಾಡಿ ಮತ್ತು ದಿನಾಂಕವನ್ನು ಬದಲಾಯಿಸಿ

  1. ನಿಮ್ಮ iPhoneನಲ್ಲಿರುವ ಜರ್ನಲ್ ಆ್ಯಪ್‌ಗೆ ಹೋಗಿ.

  2. ನಮೂದಿನ ಮೇಲೆ ಎಡಕ್ಕೆ ಸ್ವೈಪ್ ಮಾಡಿ, ನಂತರ ಎಡಿಟ್ ಬಟನ್ ಅನ್ನು ಟ್ಯಾಪ್ ಮಾಡಿ.

  3. ದಿನಾಂಕವನ್ನು ಬದಲಾಯಿಸಲು, ಇನ್ನಷ್ಟು ಬಟನ್ ಅನ್ನು ಟ್ಯಾಪ್ ಮಾಡಿ, ನಂತರ ದಿನಾಂಕವನ್ನು ಎಡಿಟ್ ಎಂಬುದನ್ನು ಟ್ಯಾಪ್ ಮಾಡಿ.

ಜರ್ನಲ್ ನಮೂದನ್ನು ಡಿಲೀಟ್ ಮಾಡಿ

  1. ನಿಮ್ಮ iPhoneನಲ್ಲಿರುವ ಜರ್ನಲ್ ಆ್ಯಪ್‌ಗೆ ಹೋಗಿ.

  2. ನಮೂದಿನ ಮೇಲೆ ಎಡಕ್ಕೆ ಸ್ವೈಪ್ ಮಾಡಿ, ನಂತರ ಡಿಲೀಟ್ ಮಾಡಿ ಬಟನ್ ಅನ್ನು ಟ್ಯಾಪ್ ಮಾಡಿ.

ಇದನ್ನು ಸಹ ನೋಡಿiPhoneನಲ್ಲಿನ ನಿಮ್ಮ ಜರ್ನಲ್‌ನಲ್ಲಿ ಬರೆಯಿರಿiPhoneನಲ್ಲಿ ನಿಮ್ಮ ಜರ್ನಲ್ ಆ್ಯಪ್‌ನ ಸೆಟ್ಟಿಂಗ್ಸ್ ಅನ್ನು ಬದಲಾಯಿಸಿ
Morty Proxy This is a proxified and sanitized view of the page, visit original site.
ಉಪಯುಕ್ತವಾಗಿದೆಯೇ?
ಅಕ್ಷರ ಮಿತಿ: 250
ಗರಿಷ್ಠ ಅಕ್ಷರ ಮಿತಿಯು 250 ಆಗಿದೆ.
ನಿಮ್ಮ ಫೀಡ್‌ಬ್ಯಾಕ್‌ಗಾಗಿ ಧನ್ಯವಾದಗಳು.
Morty Proxy This is a proxified and sanitized view of the page, visit original site.