iOS 26
iOS 18
ಈ ನಿಯಂತ್ರಣವನ್ನು ಮಾರ್ಪಡಿಸುವುದರಿಂದ ಈ ಪುಟವು ಸ್ವಯಂಚಾಲಿತವಾಗಿ ಅಪ್‌ಡೇಟ್ ಆಗುತ್ತದೆ

iPhoneನಲ್ಲಿ ಹವಾಮಾನವನ್ನು ಪರಿಶೀಲಿಸಿ

ನಿಮ್ಮ ಪ್ರಸ್ತುತ ಸ್ಥಳದ ಹವಾಮಾನವನ್ನು ನೋಡಿ. ಮುಂಬರುವ ಪ್ರತೀ ಗಂಟೆಯ ಮತ್ತು 10-ದಿನದ ಮುನ್ಸೂಚನೆಯನ್ನು ನೋಡಿ, ಪ್ರತಿಕೂಲ ಹವಾಮಾನದ ಮಾಹಿತಿ ಸೇರಿದಂತೆ ಇನ್ನೂ ಹೆಚ್ಚಿನದನ್ನು ನೋಡಿ.

ಮೇಲಿನಿಂದ ಕೆಳಕ್ಕೆ ಹವಾಮಾನದ ಸ್ಕ್ರೀನ್ ಅನ್ನು ತೋರಿಸಲಾಗುತ್ತಿದೆ: ಸ್ಥಳ, ಪ್ರಸ್ತುತ ತಾಪಮಾನ, ದಿನದ ಗರಿಷ್ಠ ಮತ್ತು ಕನಿಷ್ಠ ತಾಪಮಾನಗಳು, ಗಂಟೆಯ ಮುನ್ಸೂಚನೆ ಮತ್ತು 10-ದಿನದ ಮುನ್ಸೂಚನೆ. ಕೆಳಗಿನ ಮಧ್ಯ‌ಭಾಗದಲ್ಲಿರುವ ಡಾಟ್‌ಗಳ ಸಾಲು, ಸ್ಥಳಗಳ ಪಟ್ಟಿಯಲ್ಲಿ ಎಷ್ಟು ಸ್ಥಳಗಳಿವೆ ಎಂಬುದನ್ನು ತೋರಿಸುತ್ತದೆ. ಕೆಳಗಿನ ಬಲ ಮೂಲೆಯಲ್ಲಿ ಸ್ಥಳದ ಪಟ್ಟಿಯಿರುವ ಬಟನ್ ಮತ್ತು ಕೆಳಗಿನ ಎಡ ಮೂಲೆಯಲ್ಲಿ ನಕ್ಷೆಯನ್ನು ತೋರಿಸಿ ಬಟನ್ ಇದೆ.

ನೀವು ಪ್ರಾರಂಭಿಸುವ ಮೊದಲು

ನಿಮ್ಮ ಪ್ರಸ್ತುತ ಸ್ಥಳದ ಹವಾಮಾನ ಮುನ್ಸೂಚನೆಯನ್ನು ಪಡೆಯಲು ಹವಾಮಾನ ಆ್ಯಪ್ ಸ್ಥಳ ಸೇವೆಗಳನ್ನು ಬಳಸುತ್ತದೆ. ಮುನ್ಸೂಚನೆಯ ನಿಖರತೆಯನ್ನು ಹೆಚ್ಚಿಸಲು ನೀವು ನಿಖರವಾದ ಸ್ಥಳವನ್ನು ಆನ್ ಮಾಡಬಹುದು.

  1. ಸೆಟ್ಟಿಂಗ್ಸ್  > ಗೌಪ್ಯತೆ ಮತ್ತು ಭದ್ರತೆ > ಸ್ಥಳ ಸೇವೆಗಳು > ಹವಾಮಾನ ಎಂಬಲ್ಲಿಗೆ ಹೋಗಿ.

  2. ನಿಖರ ಸ್ಥಳ ಎಂಬುದನ್ನು ಆನ್ ಮಾಡಿ.

ಸ್ಥಳೀಯ ಮುನ್ಸೂಚನೆ ಮತ್ತು ಪರಿಸ್ಥಿತಿಗಳನ್ನು ಪರಿಶೀಲಿಸಿ

  1. ನಿಮ್ಮ iPhoneನಲ್ಲಿ ಹವಾಮಾನ ಆ್ಯಪ್‌ಗೆ ಹೋಗಿ.

  2. ನಿಮ್ಮ ಪ್ರಸ್ತುತ ಸ್ಥಳದ ವಿವರಗಳನ್ನು ತೋರಿಸಲಾಗಿದೆ. ನಿಮಗೆ ಅವುಗಳು ಕಾಣದಿದ್ದರೆ ನಗರಗಳನ್ನು ಎಡಿಟ್ ಮಾಡಿ ಬಟನ್ ಅನ್ನು ಟ್ಯಾಪ್ ಮಾಡಿ, ನಂತರ ನನ್ನ ಸ್ಥಳ ಎಂಬುದನ್ನು ಟ್ಯಾಪ್ ಮಾಡಿ.

    ಈ ಕೆಳಗಿನಂತಹ ಹವಾಮಾನದ ವಿವರಗಳನ್ನು ನೋಡಲು ಮೇಲಕ್ಕೆ ಸ್ವೈಪ್ ಮಾಡಿ:

    • ಪ್ರತಿ ಗಂಟೆಯ ಮುನ್ಸೂಚನೆ: ಪ್ರತೀ ಗಂಟೆಯ ಡಿಸ್‌ಪ್ಲೇಯನ್ನು ಎಡಕ್ಕೆ ಅಥವಾ ಬಲಕ್ಕೆ ಸ್ವೈಪ್ ಮಾಡಿ.

      ಸಲಹೆ: ಪ್ರತೀ ಗಂಟೆಯ ತಾಪಮಾನ ಮುನ್ಸೂಚನೆ, ಪ್ರೆಸಿಪಿಟೇಷನ್ ಸಂಭವನೀಯತೆ, ಗರಿಷ್ಠ ಮತ್ತು ಕನಿಷ್ಠ ತಾಪಮಾನಗಳು ಮತ್ತು ಇನ್ನೂ ಹೆಚ್ಚಿನವುಗಳನ್ನು ನೋಡಲು ಪ್ರತೀ ಗಂಟೆಯ ಮುನ್ಸೂಚನೆಯನ್ನು ಟ್ಯಾಪ್ ಮಾಡಿ. ತೋರಿಸಲಾದ ಹವಾಮಾನ ಸ್ಥಿತಿಯನ್ನು ಬದಲಾಯಿಸಲು ಚಾರ್ಟ್ ಸ್ಥಿತಿ ಬಟನ್ ಅನ್ನು ಟ್ಯಾಪ್ ಮಾಡಿ. ಮುಂದಿನ ದಿನಗಳಿಗಾಗಿ ಅದೇ ಮಾಹಿತಿಯನ್ನು ನೋಡಲು ಎಡಕ್ಕೆ ಸ್ವೈಪ್ ಮಾಡಿ.

    • 10-ದಿನದ ಮುನ್ಸೂಚನೆ: ಹವಾಮಾನ ಪರಿಸ್ಥಿತಿಗಳು, ಮಳೆ ಬರುವ ಸಾಧ್ಯತೆ ಮತ್ತು ಮುಂಬರುವ ದಿನಗಳ ಗರಿಷ್ಠ ಮತ್ತು ಕನಿಷ್ಠ ತಾಪಮಾನಗಳನ್ನು ನೋಡಿ.

    • ತೀವ್ರ ಹವಾಮಾನದ ಅಲರ್ಟ್‌ಗಳು: ಚಳಿಗಾಲದ ಬಿರುಗಾಳಿಗಳು ಮತ್ತು ಹಠಾತ್ ಪ್ರವಾಹಗಳಂತಹ ಹವಾಮಾನ ಘಟನೆಗಳಿಗೆ ಸಂಬಂಧಿಸಿದ ಅಪ್‌ಡೇಟ್‌ಗಳನ್ನು ನೋಡಿ. ಸರ್ಕಾರವು ಹೊರಡಿಸಿದ ಸಂಪೂರ್ಣ ಅಲರ್ಟ್ ಓದಲು ಅಲರ್ಟ್ ಅನ್ನು ಟ್ಯಾಪ್ ಮಾಡಿ.

    • ನಕ್ಷೆ: ಪ್ರದೇಶದಲ್ಲಿನ ತಾಪಮಾನ, ಮಳೆಯ ಪ್ರಮಾಣ, ಗಾಳಿಯ ಗುಣಮಟ್ಟ ಅಥವಾ ಗಾಳಿಯ ಸ್ಥಿತಿಗತಿಗಳನ್ನು ತೋರಿಸುವ ನಕ್ಷೆಯನ್ನು ನೋಡಿ. ನಕ್ಷೆಯನ್ನು ಫುಲ್‌ಸ್ಕ್ರೀನ್‌ನಲ್ಲಿ ನೋಡಲು ಅಥವಾ ತಾಪಮಾನ, ಮಳೆಯ ಪ್ರಮಾಣ, ಗಾಳಿಯ ಗುಣಮಟ್ಟ ಮತ್ತು ಗಾಳಿಯ ನಡುವಿನ ನಕ್ಷೆಯ ವ್ಯೂ ಅನ್ನು ಬದಲಾಯಿಸಲು ಟ್ಯಾಪ್ ಮಾಡಿ. ಹವಾಮಾನ ನಕ್ಷೆಗಳನ್ನು ವೀಕ್ಷಿಸಿ ಎಂಬುದನ್ನು ನೋಡಿ.

    • ಗಾಳಿಯ ಗುಣಮಟ್ಟ: ವಾಯು ಮಾಲಿನ್ಯಕಾರಕಗಳ ಬಗ್ಗೆ ಆರೋಗ್ಯ ಮಾಹಿತಿ ಮತ್ತು ವಿವರಗಳನ್ನು ನೋಡಲು ಟ್ಯಾಪ್ ಮಾಡಿ.

      ಗಮನಿಸಿ: ಆ ಸ್ಥಳದ ನಿರ್ದಿಷ್ಟ ಮಟ್ಟವನ್ನು ತಲುಪಿದಾಗ ಗಾಳಿಯ ಗುಣಮಟ್ಟದ ಮಾಪಕವು ಪ್ರತೀ ಗಂಟೆಯ ಮುನ್ಸೂಚನೆಯ ಮೇಲೆ ಕಾಣಿಸಿಕೊಳ್ಳುತ್ತದೆ. ಕೆಲವು ಸ್ಥಳಗಳಿಗೆ, ಗಾಳಿಯ ಗುಣಮಟ್ಟದ ಮಾಪಕವು ಯಾವಾಗಲೂ ಪ್ರತೀ ಗಂಟೆಯ ಮುನ್ಸೂಚನೆಯ ಮೇಲೆ ಕಾಣಿಸಿಕೊಳ್ಳುತ್ತದೆ.

    • News: ಆ ಸ್ಥಳದ ಹವಾಮಾನಕ್ಕೆ ಸಂಬಂಧಿಸಿದ ಸ್ಟೋರಿ ಇದ್ದಾಗ ಸುದ್ದಿ ಲೇಖನವೊಂದನ್ನು ಓದಿ.

    • ಹೆಚ್ಚುವರಿ ಹವಾಮಾನ ವಿವರಗಳು: UV ಸೂಚ್ಯಂಕ, ಗಾಳಿ, ಗೋಚರತೆ, ಚಂದ್ರನ ವಿವಿಧ ಹಂತಗಳು ಮತ್ತು ಇನ್ನೂ ಹೆಚ್ಚಿನ ಹೆಚ್ಚುವರಿ ಹವಾಮಾನ ಮಾಹಿತಿಯನ್ನು ನೋಡಿ. ಆ ವಿವರಕ್ಕೆ ಸಂಬಂಧಿಸಿದ ಹೆಚ್ಚಿನ ಫೀಚರ್‌ಗಳು ಮತ್ತು ನಿರ್ದಿಷ್ಟವಾದ ಮಾಹಿತಿಗಾಗಿ ಹವಾಮಾನದ ವಿವರ ಎಂಬುದನ್ನು ಟ್ಯಾಪ್ ಮಾಡಿ.

      ಸಲಹೆ: ಸರಾಸರಿ ಹವಾಮಾನ ವಿವರವು ಇಂದಿನ ತಾಪಮಾನ ಅಥವಾ ಮಳೆಯು ಐತಿಹಾಸಿಕ ಸರಾಸರಿಗೆ ಹೇಗೆ ಹೋಲಿಕೆಯಾಗುತ್ತದೆ ಎಂಬುದನ್ನು ತೋರಿಸುತ್ತದೆ; ಹೆಚ್ಚುವರಿ ಮಾಹಿತಿಗಾಗಿ ಅದನ್ನು ಟ್ಯಾಪ್ ಮಾಡಿ.

      ಮೇಲ್ಭಾಗದಲ್ಲಿ ಸ್ಥಳ, ಅದರ ಕೆಳಗೆ ಪ್ರಸ್ತುತ ತಾಪಮಾನ ಮತ್ತು ಹವಾಮಾನದ ಸ್ಥಿತಿಯನ್ನು ತೋರಿಸುವ ಹವಾಮಾನದ ಸ್ಕ್ರೀನ್. ಸ್ಕ್ರೀನ್‌ನ ಉಳಿದ ಭಾಗವು ಈ ಕೆಳಗಿನ ಅಂಶಗಳಿಗೆ ಸಂಬಂಧಿಸಿದ ಹವಾಮಾನದ ವಿವರಗಳನ್ನು ಒಳಗೊಂಡಿದೆ: ಗಾಳಿಯ ಗುಣಮಟ್ಟ, ಪ್ರೆಸಿಪಿಟೇಶನ್, UV ಸೂಚ್ಯಂಕ ಮತ್ತು ಸೂರ್ಯಾಸ್ತ.

ಗಮನಿಸಿ: ಕೆಲವು ಹವಾಮಾನ ಆ್ಯಪ್ ಫೀಚರ್‌ಗಳು—ಉದಾಹರಣೆಗೆ ತೀವ್ರ ಹವಾಮಾನ ಅಲರ್ಟ್‌ಗಳು, ಗಾಳಿಯ ಗುಣಮಟ್ಟ, ಮುಂದಿನ ಗಂಟೆಯಲ್ಲಿ ಆಗಬಹುದಾದ ಮಳೆ ಮತ್ತು ಸುದ್ದಿಗಳು—ಎಲ್ಲಾ ದೇಶಗಳು ಮತ್ತು ಪ್ರದೇಶಗಳಲ್ಲಿ ಲಭ್ಯವಿಲ್ಲ. ಹವಾಮಾನ ಆ್ಯಪ್‌ನ ಡೇಟ ಮೂಲಗಳ ಬಗ್ಗೆ ತಿಳಿಯಲು, ಹವಾಮಾನ ಆ್ಯಪ್‌ನಲ್ಲಿ ಫೀಚರ್ ಲಭ್ಯತೆ ಮತ್ತು ಡೇಟ ಮೂಲಗಳು ಎಂಬ Apple ಬೆಂಬಲ ಲೇಖನವನ್ನು ಓದಿ.

ಹವಾಮಾನ ಯೂನಿಟ್‌ಗಳನ್ನು ಕಸ್ಟಮೈಸ್ ಮಾಡಿ

ಹವಾಮಾನ ಡೇಟದಲ್ಲಿ ಬಳಸುವ ಯೂನಿಟ್‌ಗಳನ್ನು ನೀವು ಬದಲಾಯಿಸಬಹುದು. ಇದು ತಾಪಮಾನಕ್ಕೆ ಫ್ಯಾರನ್ಹೀಟ್ ಅಥವಾ ಸೆಲ್ಸಿಯಸ್ ಮತ್ತು ಪ್ರತೀ ಗಂಟೆಗೆ ಮೈಲುಗಳು, ಪ್ರತೀ ಗಂಟೆಗೆ ಕಿಲೋಮೀಟರ್‌ಗಳು, ನಾಟ್‌ಗಳು ಅಥವಾ ಗಾಳಿಗೆ ಬ್ಯೂಫೋರ್ಟ್ ಅನ್ನು ಒಳಗೊಂಡಿರುತ್ತದೆ.

  1. ನಿಮ್ಮ iPhoneನಲ್ಲಿ ಹವಾಮಾನ ಆ್ಯಪ್‌ಗೆ ಹೋಗಿ.

  2. ನಗರಗಳನ್ನು ಎಡಿಟ್ ಮಾಡಿ ಬಟನ್ ಅನ್ನು ಟ್ಯಾಪ್ ಮಾಡಿ.

  3. ಇನ್ನಷ್ಟು ಬಟನ್ ಅನ್ನು ಟ್ಯಾಪ್ ಮಾಡಿ, ಯೂನಿಟ್‌ಗಳನ್ನು ಟ್ಯಾಪ್ ಮಾಡಿ, ನಂತರ ಈ ಕೆಳಗಿನ ಯಾವುದನ್ನಾದರೂ ಮಾಡಿ:

    • ತಾಪಮಾನದ ಯೂನಿಟ್‌ಗಳನ್ನು ಬದಲಾಯಿಸಿ: ಫ್ಯಾರನ್‌ಹೈಟ್, ಸೆಲ್ಸಿಯಸ್ ಅಥವಾ “ಸಿಸ್ಟಮ್ ಸೆಟ್ಟಿಂಗ್ ಅನ್ನು ಬಳಸಿ” ಎಂಬುದನ್ನು ಟ್ಯಾಪ್ ಮಾಡಿ.

    • ಗಾಳಿ, ಮಳೆ ಸುರಿಯುವಿಕೆ, ಒತ್ತಡ ಅಥವಾ ದೂರದ ಯೂನಿಟ್‌ಗಳನ್ನು ಬದಲಾಯಿಸಿ: ಪ್ರಸ್ತುತ ಮಾಪನದ ಯೂನಿಟ್‌ನ ಪಕ್ಕದಲ್ಲಿರುವ ಆ್ಯಕ್ಷನ್ ಬಟನ್ ಮೆನು ಅನ್ನು ಟ್ಯಾಪ್ ಮಾಡಿ, ನಂತರ ಆಯ್ಕೆಯೊಂದನ್ನು ಆರಿಸಿ.

ಹವಾಮಾನದ ಬಗ್ಗೆ ವರದಿಯನ್ನು ಕಳುಹಿಸಿ

ಹವಾಮಾನ ಆ್ಯಪ್‌ನಲ್ಲಿ ತೋರಿಸಲಾಗಿರುವ ಹವಾಮಾನವು ನಿಮ್ಮ ಸ್ಥಳಕ್ಕೆ ಹೊಂದಿಕೆಯಾಗದಿದ್ದರೆ, ನೀವು ಹವಾಮಾನವನ್ನು ವರದಿ ಮಾಡಬಹುದು.

  1. ನಿಮ್ಮ iPhoneನಲ್ಲಿ ಹವಾಮಾನ ಆ್ಯಪ್‌ಗೆ ಹೋಗಿ.

  2. ನಗರಗಳನ್ನು ಎಡಿಟ್ ಮಾಡಿ ಬಟನ್ ಅನ್ನು ಟ್ಯಾಪ್ ಮಾಡಿ, ಇನ್ನಷ್ಟು ಬಟನ್ ಅನ್ನು ಟ್ಯಾಪ್ ಮಾಡಿ, ನಂತರ ಸಮಸ್ಯೆಯನ್ನು ವರದಿ ಮಾಡಿ ಎಂಬುದನ್ನು ಟ್ಯಾಪ್ ಮಾಡಿ.

  3. ನಿಮ್ಮ ಸ್ಥಳದಲ್ಲಿನ ಹವಾಮಾನವನ್ನು ಅತ್ಯುತ್ತಮವಾಗಿ ವಿವರಿಸುವ ಆಯ್ಕೆಗಳನ್ನು ಟ್ಯಾಪ್ ಮಾಡಿ, ನಂತರ ಸಲ್ಲಿಸಿ ಎಂಬುದನ್ನು ಟ್ಯಾಪ್ ಮಾಡಿ.

Apple ಜೊತೆಗೆ ನೀವು ಹಂಚಿಕೊಳ್ಳುವ ಮಾಹಿತಿಯು ನಿಮ್ಮ Apple ಖಾತೆಯೊಂದಿಗೆ ಸಂಯೋಜಿತವಾಗಿಲ್ಲ.

ಇದನ್ನು ಸಹ ನೋಡಿiPhoneನಲ್ಲಿ ಇತರ ಸ್ಥಳಗಳಲ್ಲಿನ ಹವಾಮಾನವನ್ನು ಪರಿಶೀಲಿಸುವುದುiPhoneನಲ್ಲಿ ಹವಾಮಾನದ ವಿಜೆಟ್‌ಗಳನ್ನು ಬಳಸುವುದುiPhoneನಲ್ಲಿ ಹವಾಮಾನ ಐಕಾನ್‌ಗಳ ಬಗ್ಗೆ ತಿಳಿದುಕೊಳ್ಳುವುದು
Morty Proxy This is a proxified and sanitized view of the page, visit original site.
ಉಪಯುಕ್ತವಾಗಿದೆಯೇ?
ಅಕ್ಷರ ಮಿತಿ: 250
ಗರಿಷ್ಠ ಅಕ್ಷರ ಮಿತಿಯು 250 ಆಗಿದೆ.
ನಿಮ್ಮ ಫೀಡ್‌ಬ್ಯಾಕ್‌ಗಾಗಿ ಧನ್ಯವಾದಗಳು.
Morty Proxy This is a proxified and sanitized view of the page, visit original site.