iOS 26
iOS 18
ಈ ನಿಯಂತ್ರಣವನ್ನು ಮಾರ್ಪಡಿಸುವುದರಿಂದ ಈ ಪುಟವು ಸ್ವಯಂಚಾಲಿತವಾಗಿ ಅಪ್‌ಡೇಟ್ ಆಗುತ್ತದೆ

iPhoneನಲ್ಲಿನ ಹುಡುಕಿ ಆ್ಯಪ್‌ನಲ್ಲಿ AirTag ಅನ್ನು ಅಥವಾ ಇತರ ಐಟಮ್ ಅನ್ನು ಪತ್ತೆಹಚ್ಚಿ

ನಿಮ್ಮ Apple ಖಾತೆಗೆ ನೋಂದಾಯಿಸಿರುವ ಕಾಣೆಯಾದ AirTag ಅಥವಾ ಥರ್ಡ್-ಪಾರ್ಟಿ ಐಟಮ್ ಅನ್ನು ಪತ್ತೆಹಚ್ಚಲು ನೀವು ಹುಡುಕಿ ಆ್ಯಪ್ ಅನ್ನು ಬಳಸಬಹುದು. ನೀವು iPhone 15 ಅಥವಾ ನಂತರದ ಮಾಡಲ್ ಅನ್ನು ಹೊಂದಿದ್ದರೆ, ಅವುಗಳ ನಿಖರವಾದ ಸ್ಥಳವನ್ನು ಸಹ ನೀವು ಕಂಡುಹಿಡಿಯಬಹುದು.

AirTag ಅಥವಾ ಥರ್ಡ್ ಪಾರ್ಟಿ ಐಟಮ್ ಅನ್ನು ನೋಂದಾಯಿಸುವುದು ಹೇಗೆಂದು ತಿಳಿಯಿರಿ.

ಐಟಂನ ಸ್ಥಳವನ್ನು ನೋಡಿ

ಸ್ಕ್ರೀನ್‌ನ ಕೆಳಭಾಗದಲ್ಲಿರುವ ಐಟಮ್‌ಗಳನ್ನು ಟ್ಯಾಪ್ ಮಾಡಿ, ನಂತರ ನೀವು ಪತ್ತೆ ಮಾಡಲು ಬಯಸುವ ಐಟಮ್ ಅನ್ನು ಟ್ಯಾಪ್ ಮಾಡಿ.

  • ಐಟಮ್ ಅನ್ನು ಪತ್ತೆಹಚ್ಚಲು ಸಾಧ್ಯವಾದರೆ: ಅದು ನಕ್ಷೆಯಲ್ಲಿ ಕಾಣಿಸಿಕೊಳ್ಳುತ್ತದೆ, ಆಗ ಅದು ಎಲ್ಲಿದೆ ಎಂಬುದನ್ನು ನೀವು ನೋಡಬಹುದು. ಸ್ಥಳ ಮತ್ತು ಟೈಮ್‌ಸ್ಟ್ಯಂಪ್ ಐಟಂನ ಹೆಸರಿನ ಕೆಳಗೆ ಕಾಣಿಸಿಕೊಳ್ಳುತ್ತವೆ. ಹುಡುಕಿ ಆ್ಯಪ್‌ನ ನೆಟ್‌ವರ್ಕ್‌ಗೆ ಕನೆಕ್ಟ್ ಮಾಡಿದಾಗ ಐಟಂನ ಸ್ಥಳ ಅಪ್‌ಡೇಟ್ ಮಾಡಲಾಗುತ್ತದೆ.

  • ಐಟಮ್ ಅನ್ನು ಪತ್ತೆಹಚ್ಚಲು ಸಾಧ್ಯವಾಗದಿದ್ದರೆ: ಅದು ಕೊನೆಯದಾಗಿ ಎಲ್ಲಿ ಮತ್ತು ಯಾವಾಗ ಪತ್ತೆಯಾಗಿತ್ತು ಎಂಬುದನ್ನು ನೀವು ನೋಡಬಹುದು. ನೋಟಿಫಿಕೇಷನ್‌ಗಳ ಕೆಳಗೆ, ಕಂಡುಬಂದಾಗ ತಿಳಿಸಿ ಎಂಬುದನ್ನು ಆನ್ ಮಾಡಿ. ಅದನ್ನು ಮತ್ತೊಮ್ಮೆ ಪತ್ತೆಮಾಡಿದ ನಂತರ ನೀವು ನೋಟಿಫಿಕೇಷನ್ ಅನ್ನು ಸ್ವೀಕರಿಸುತ್ತೀರಿ.

    ಪ್ರಮುಖ ಸೂಚನೆ: ಹುಡುಕಿ ಆ್ಯಪ್‌ಗಾಗಿ ನೀವು ನೋಟಿಫಿಕೇಷನ್‌ಗಳನ್ನು ಅನುಮತಿಸುತ್ತಿದ್ದೀರಿ ಎಂಬುದನ್ನು ಖಚಿತಪಡಿಸಿಕೊಳ್ಳಿ. iPhoneನಲ್ಲಿ ನೋಟಿಫಿಕೇಷನ್ ಸೆಟ್ಟಿಂಗ್ಸ್ ಅನ್ನು ಬದಲಾಯಿಸುವುದು ಅನ್ನು ನೋಡಿ.

ಸೌಂಡ್ ಒಂದನ್ನು ಪ್ಲೇ ಮಾಡಿ

ಐಟಮ್ ಹತ್ತಿರದಲ್ಲಿದ್ದರೆ, ಅದನ್ನು ಹುಡುಕಲು ನಿಮಗೆ ಸಹಾಯ ಮಾಡಲು ನೀವು ಅದರಲ್ಲಿ ಸೌಂಡ್ ಅನ್ನು ಪ್ಲೇ ಮಾಡಬಹುದು.

ಗಮನಿಸಿ: ಐಟಂನಲ್ಲಿ ಸೌಂಡ್ ಅನ್ನು ಪ್ಲೇ ಮಾಡಲು ನಿಮಗೆ ಸಾಧ್ಯವಾಗದಿದ್ದರೆ, ನಿಮಗೆ ಸೌಂಡ್ ಪ್ಲೇ ಮಾಡಿ ಬಟನ್ ಕಾಣಿಸುವುದಿಲ್ಲ.

  1. ನಿಮ್ಮ iPhoneನಲ್ಲಿನ ಹುಡುಕಿ ಆ್ಯಪ್‌ಗೆ ಹೋಗಿ.

  2. ಸ್ಕ್ರೀನ್‌ನ ಕೆಳಭಾಗದಲ್ಲಿರುವ ಐಟಮ್‌ಗಳನ್ನು ಟ್ಯಾಪ್ ಮಾಡಿ, ನಂತರ ನೀವು ಸೌಂಡ್ ಅನ್ನು ಪ್ಲೇ ಮಾಡಲು ಬಯಸುವ ಐಟಮ್ ಅನ್ನು ಟ್ಯಾಪ್ ಮಾಡಿ.

  3. ಸೌಂಡ್ ಪ್ಲೇ ಮಾಡಿ ಎಂಬುದನ್ನು ಟ್ಯಾಪ್ ಮಾಡಿ.

    ಸೌಂಡ್ ಸ್ವಯಂಚಾಲಿತವಾಗಿ ಕೊನೆಗೊಳ್ಳುವ ಮೊದಲು ಅದನ್ನು ಪ್ಲೇ ಮಾಡುವುದನ್ನು ನಿಲ್ಲಿಸಲು, ಸೌಂಡ್ ಅನ್ನು ನಿಲ್ಲಿಸಿ ಎಂಬುದನ್ನು ಟ್ಯಾಪ್ ಮಾಡಿ.

ಐಟಮ್ ಒಂದಕ್ಕೆ ನಿರ್ದೇಶನಗಳನ್ನು ಪಡೆಯಿರಿ

ನಕ್ಷೆ ಆ್ಯಪ್‌ನಲ್ಲಿ ನೀವು ಐಟಂನ ಪ್ರಸ್ತುತ ಅಥವಾ ಕೊನೆಯದಾಗಿ ತಿಳಿದಿರುವ ಸ್ಥಳಕ್ಕೆ ಮಾರ್ಗ ನಿರ್ದೇಶನಗಳನ್ನು ಪಡೆಯಬಹುದು.

  1. ನಿಮ್ಮ iPhoneನಲ್ಲಿನ ಹುಡುಕಿ ಆ್ಯಪ್‌ಗೆ ಹೋಗಿ.

  2. ಸ್ಕ್ರೀನ್‌ನ ಕೆಳಭಾಗದಲ್ಲಿರುವ ಐಟಂಗಳನ್ನು ಟ್ಯಾಪ್ ಮಾಡಿ, ನಂತರ ನೀವು ಯಾವ ಐಟಂಗಾಗಿ ಮಾರ್ಗ ನಿರ್ದೇಶನಗಳನ್ನು ಪಡೆಯಲು ಬಯಸುತ್ತೀರೋ ಅದನ್ನು ಟ್ಯಾಪ್ ಮಾಡಿ.

  3. ನಕ್ಷೆ ಆ್ಯಪ್ ಅನ್ನು ತೆರೆಯಲು ನಿರ್ದೇಶನಗಳನ್ನು ಟ್ಯಾಪ್ ಮಾಡಿ.

ಮಾರ್ಗ ನಿರ್ದೇಶನಗಳನ್ನು ಪಡೆಯಿರಿ ಅನ್ನು ನೋಡಿ.

AirTagನ ನಿಖರವಾದ ಸ್ಥಳವನ್ನು ಹುಡುಕಿ

ನೀವು ಬೆಂಬಲಿತ iPhone ಅನ್ನು ಹೊಂದಿದ್ದರೆ ಮತ್ತು ನಿಮ್ಮ AirTagನ ಹತ್ತಿರದಲ್ಲಿದ್ದರೆ, ನೀವು AirTagನ ನಿಖರವಾದ ಸ್ಥಳವನ್ನು ಕಂಡುಹಿಡಿಯಬಹುದು.

  1. ನಿಮ್ಮ iPhoneನಲ್ಲಿನ ಹುಡುಕಿ ಆ್ಯಪ್‌ಗೆ ಹೋಗಿ.

  2. ಸ್ಕ್ರೀನ್‌ನ ಕೆಳಭಾಗದಲ್ಲಿರುವ ಐಟಂಗಳನ್ನು ಟ್ಯಾಪ್ ಮಾಡಿ, ನಂತರ ಹತ್ತಿರದ AirTag ಅನ್ನು ಟ್ಯಾಪ್ ಮಾಡಿ.

  3. ಹುಡುಕಿ ಎಂಬುದನ್ನು ಟ್ಯಾಪ್ ಮಾಡಿ.

    ಹುಡುಕಿ ಆ್ಯಪ್ ತೆರೆದಿದೆ, ಇದು ಡ್ಯಾನಿಯ ಕೀಗಳು ಗೋಲ್ಡನ್ ಗೇಟ್ ಪಾರ್ಕ್‌ನಲ್ಲಿವೆ ಎಂದು ತೋರಿಸುತ್ತಿದೆ. ಹತ್ತಿರದ AirTag ಅನ್ನು ಪತ್ತೆಮಾಡಲು ಹುಡುಕಿ ಬಟನ್ ಅನ್ನು ಟ್ಯಾಪ್ ಮಾಡಿ.

  4. ಈ ಕೆಳಗಿನವುಗಳಲ್ಲಿ ಯಾವುದಾದರೂ ಒಂದನ್ನು ಮಾಡಿ:

    • AirTagಗೆ ಹತ್ತಿರ ಮೂವ್‌ ಮಾಡಿ: AirTag ಅನ್ನು ಪತ್ತೆಹಚ್ಚಲು ಸುತ್ತಮುತ್ತ ಓಡಾಡಲು ಪ್ರಾರಂಭಿಸಿ ಮತ್ತು ಸ್ಕ್ರೀನ್ ಮೇಲಿನ ಸೂಚನೆಗಳನ್ನು ಅನುಸರಿಸಿ. ನೀವು AirTagನ ದಿಕ್ಕಿನಲ್ಲಿ ತೋರಿಸುವ ಬಾಣವನ್ನು, ಅದು ಎಷ್ಟು ದೂರದಲ್ಲಿದೆ ಎಂಬುದನ್ನು ತೋರಿಸುವ ಅಂದಾಜು ದೂರವನ್ನು ಮತ್ತು ಅದು ಬೇರೆ ಮಹಡಿಯಲ್ಲಿದೆಯೇ ಎಂಬುದನ್ನು ಸೂಚಿಸುವ ಟಿಪ್ಪಣಿಯನ್ನು ನೋಡಬಹುದು.

    • ಸೌಂಡ್ ಅನ್ನು ಪ್ಲೇ ಮಾಡಿ: AirTagನಲ್ಲಿ ಸೌಂಡ್ ಪ್ಲೇ ಮಾಡಲು ಸೌಂಡ್ ಪ್ಲೇ ಮಾಡಿ ಬಟನ್ ಅನ್ನು ಟ್ಯಾಪ್ ಮಾಡಿ.

  5. ನೀವು AirTag ಅನ್ನು ಪತ್ತೆ ಮಾಡಿದಾಗ, ಮುಚ್ಚಿ ಬಟನ್ ಅನ್ನು ಟ್ಯಾಪ್ ಮಾಡಿ.

ಇದನ್ನು ಸಹ ನೋಡಿiPhoneನಲ್ಲಿನ ಹುಡುಕಿ ಆ್ಯಪ್‌ನಲ್ಲಿ AirTag ಅಥವಾ ಇತರ ಐಟಮ್ ಅನ್ನು ಕಳೆದುಹೋಗಿದೆ ಎಂದು ಗುರುತಿಸಿiPhoneನಲ್ಲಿನ ಹುಡುಕಿ ಆ್ಯಪ್‌ನಲ್ಲಿ ಸಾಧನವೊಂದನ್ನು ಪತ್ತೆಹಚ್ಚಿApple ಬೆಂಬಲ ಲೇಖನ: AirTag, ಹುಡುಕಿ ನೆಟ್‌ವರ್ಕ್ ಆ್ಯಕ್ಸೆಸರಿ ಅಥವಾ AirPods ಸೆಟ್ ನಿಮ್ಮ ಬಳಿಯಿದೆ ಎಂಬ ಅಲರ್ಟ್ ನಿಮಗೆ ಬಂದರೆ ಏನು ಮಾಡಬೇಕು
Morty Proxy This is a proxified and sanitized view of the page, visit original site.
ಉಪಯುಕ್ತವಾಗಿದೆಯೇ?
ಅಕ್ಷರ ಮಿತಿ: 250
ಗರಿಷ್ಠ ಅಕ್ಷರ ಮಿತಿಯು 250 ಆಗಿದೆ.
ನಿಮ್ಮ ಫೀಡ್‌ಬ್ಯಾಕ್‌ಗಾಗಿ ಧನ್ಯವಾದಗಳು.
Morty Proxy This is a proxified and sanitized view of the page, visit original site.