iOS 26
iOS 18
ಈ ನಿಯಂತ್ರಣವನ್ನು ಮಾರ್ಪಡಿಸುವುದರಿಂದ ಈ ಪುಟವು ಸ್ವಯಂಚಾಲಿತವಾಗಿ ಅಪ್‌ಡೇಟ್ ಆಗುತ್ತದೆ

ಪಟ್ಟಿಗಳನ್ನು ಹಂಚಿಕೊಳ್ಳಿ ಮತ್ತು iPhoneನಲ್ಲಿನ ರಿಮೈಂಡರ್ಸ್ ಆ್ಯಪ್‌ನಲ್ಲಿ ಕೊಲಾಬೊರೇಟ್ ಮಾಡಿ

ರಿಮೈಂಡರ್ಸ್ ಆ್ಯಪ್‌ನಲ್ಲಿ, ಮಾಡಬೇಕಿರುವ ಕೆಲಸಗಳ ಪಟ್ಟಿಗಳನ್ನು ಹಂಚಿಕೊಳ್ಳಲು ನೀವು iCloud ಅನ್ನು ಬಳಸಬಹುದು. iCloud ಅನ್ನು ಬಳಸುವ ಇತರ ಜನರೊಂದಿಗೆ ನೀವು ಕೊಲಾಬೊರೇಟ್ ಮಾಡಬಹುದು ಮತ್ತು ಅವರಿಗೆ ಕಾರ್ಯಗಳನ್ನು ನಿಯೋಜಿಸಬಹುದು.

ಗಮನಿಸಿ: ನೀವು iCloudನಲ್ಲಿ ಅಪ್‌ಡೇಟ್ ಮಾಡಲಾದ ರಿಮೈಂಡರ್‌ಗಳನ್ನು ಬಳಸಿದಾಗ ಈ ಗೈಡ್‌ನಲ್ಲಿ ವಿವರಿಸಲಾಗಿರುವ ರಿಮೈಂಡರ್ಸ್ ಆ್ಯಪ್‌ನ ಎಲ್ಲಾ ಫೀಚರ್‌ಗಳು ಲಭ್ಯವಿರುತ್ತವೆ. ಇತರ ಖಾತೆಗಳನ್ನು ಬಳಸುವಾಗ ಕೆಲವು ಫೀಚರ್‌ಗಳು ಲಭ್ಯವಿರುವುದಿಲ್ಲ.

iCloud ಬಳಸಿ ಪಟ್ಟಿಯೊಂದರಲ್ಲಿ ಕೊಲಾಬೊರೇಟ್ ಮಾಡಿ

iCloud ಅನ್ನು ಬಳಸುವ ಜನರೊಂದಿಗೆ ನೀವು ಪಟ್ಟಿಯನ್ನು ಹಂಚಿಕೊಳ್ಳಬಹುದು ಮತ್ತು ಕೊಲಾಬೊರೇಟ್ ಮಾಡಬಹುದು. ಆಹ್ವಾನವನ್ನು ಒಪ್ಪಿಕೊಳ್ಳುವ ಜನರು ಐಟಂಗಳನ್ನು ಸೇರಿಸಬಹುದು ಮತ್ತು ಎಡಿಟ್ ಮಾಡಬಹುದು, ಐಟಂಗಳನ್ನು ಪೂರ್ಣಗೊಂಡಿದೆೆ ಎಂದು ಗುರುತು ಮಾಡಬಹುದು ಮತ್ತು ಎಲ್ಲಾ ಸಹಭಾಗಿಗಳು ಪ್ರತಿಯೊಬ್ಬರ ಬದಲಾವಣೆಗಳನ್ನು ನೋಡಬಹುದು. ನೀವು ಯಾರ ಜೊತೆ ಕೊಲಾಬೊರೇಟ್ ಮಾಡುತ್ತೀರೋ ಅವರೆಲ್ಲರೂ ತಮ್ಮ Apple ಖಾತೆಗೆ ಸೈನ್ ಇನ್ ಮಾಡಿರಬೇಕು ಮತ್ತು iCloud ಸೆಟ್ಟಿಂಗ್ಸ್‌ನಲ್ಲಿ ರಿಮೈಂಡರ್ಸ್ ಅನ್ನು ಆನ್ ಮಾಡಿರಬೇಕು.

  1. ನಿಮ್ಮ iPhoneನಲ್ಲಿರುವ ರಿಮೈಂಡರ್ಸ್ ಆ್ಯಪ್‌ಗೆ ಹೋಗಿ.

  2. ನೀವು ಹಂಚಿಕೊಳ್ಳಲು ಬಯಸುವ ಪಟ್ಟಿಯನ್ನು ನೋಡಿ, ನಂತರ ಹಂಚಿಕೊಳ್ಳಿ ಬಟನ್ ಅನ್ನು ಟ್ಯಾಪ್ ಮಾಡಿ.

    ಕೆಳಭಾಗದಲ್ಲಿ ಹಂಚಿಕೊಳ್ಳುವ ಆಯ್ಕೆಗಳನ್ನು ಹೊಂದಿರುವ ದಿನಸಿ ಪಟ್ಟಿಯನ್ನು ತೋರಿಸುತ್ತಿರುವ ರಿಮೈಂಡರ್ಸ್ ಆ್ಯಪ್‌ನ ಸ್ಕ್ರೀನ್.

  3. ಡಿಫಾಲ್ಟ್ ಆಗಿ, ಪಟ್ಟಿಯಲ್ಲಿರುವ ಸಹಭಾಗಿಗಳು ಇತರ ಜನರನ್ನು ಆಹ್ವಾನಿಸಬಹುದು. ಹಂಚಿಕೊಳ್ಳುವಿಕೆಯನ್ನು ನಿರ್ಬಂಧಿಸಲು, “ನೀವು ಆಹ್ವಾನಿಸುವ ಜನರು ಇತರರನ್ನು ಸೇರಿಸಬಹುದು” ಎಂಬುದನ್ನು ಟ್ಯಾಪ್ ಮಾಡಿ, ನಂತರ “ಆಹ್ವಾನಿಸಲು ಇತರರಿಗೆ ಅನುಮತಿಸಿ” ಎಂಬುದನ್ನು ಆಫ್ ಮಾಡಿ.

  4. ನಿಮ್ಮ ಆಹ್ವಾನವನ್ನು ಹೇಗೆ ಕಳುಹಿಸಬೇಕು ಎಂಬುದನ್ನು ಆಯ್ಕೆಮಾಡಿ (ಉದಾಹರಣೆಗೆ, ಸಂದೇಶ ಅಥವಾ Mail ಆ್ಯಪ್ ಅನ್ನು ಬಳಸಿ).

    ನೀವು ಸಂದೇಶ ಆ್ಯಪ್‌ನಲ್ಲಿ ಆಹ್ವಾನವನ್ನು ಕಳುಹಿಸಿದರೆ, ಹಂಚಿಕೊಂಡ ಪಟ್ಟಿಯಲ್ಲಿ ಯಾರಾದರೂ ಬದಲಾವಣೆಗಳನ್ನು ಮಾಡಿದಾಗ ಸಂದೇಶ ಆ್ಯಪ್‌ನ ಸಂಭಾಷಣೆಯಲ್ಲಿ ನೀವು ಚಟುವಟಿಕೆಯ ಅಪ್‌ಡೇಟ್‌ಗಳನ್ನು ಪಡೆಯುತ್ತೀರಿ. ಹಂಚಿಕೊಂಡ ಪಟ್ಟಿಗೆ ಹೋಗಲು ಅಪ್‌ಡೇಟ್‌ಗಳನ್ನು ಟ್ಯಾಪ್ ಮಾಡಿ.

ಹಂಚಿಕೊಂಡ ಪಟ್ಟಿಯಲ್ಲಿನ ಐಟಂಗಳನ್ನು ನಿಯೋಜಿಸಿ

ನಿಮ್ಮನ್ನು ಸೇರಿದಂತೆ ಪಟ್ಟಿಯಲ್ಲಿರುವ ಯಾವುದೇ ವ್ಯಕ್ತಿಗೆ ನೀವು ಕಾರ್ಯವನ್ನು ನಿಯೋಜಿಸಬಹುದು.

  1. ನಿಮ್ಮ iPhoneನಲ್ಲಿರುವ ರಿಮೈಂಡರ್ಸ್ ಆ್ಯಪ್‌ಗೆ ಹೋಗಿ.

  2. ಹಂಚಿಕೊಂಡ ಪಟ್ಟಿಯಲ್ಲಿ, ರಿಮೈಂಡರ್ ಅನ್ನು ರಚಿಸಿ ಅಥವಾ ಎಡಿಟ್ ಮಾಡಿ, ನಂತರ ಈ ಕೆಳಗಿನವುಗಳಲ್ಲಿ ಒಂದನ್ನು ಮಾಡಿ:

    • @ ಟೈಪ್ ಮಾಡಿ ಅದರ ನಂತರ ವ್ಯಕ್ತಿಯ ಹೆಸರನ್ನು ನಮೂದಿಸಿ ಅಥವಾ ಕೀಬೋರ್ಡ್‌ನ ಮೇಲ್ಭಾಗದ ಮೆನುವಿನಿಂದ ವ್ಯಕ್ತಿಯೊಬ್ಬರನ್ನು ಆರಿಸಿ.

    • ವ್ಯಕ್ತಿಯ ಬಟನ್ ಅನ್ನು ಟ್ಯಾಪ್ ಮಾಡಿ, ನಂತರ ವ್ಯಕ್ತಿಯೊಬ್ಬರನ್ನು ಆರಿಸಿ.

ಸಲಹೆ: ನಿಮಗೆ ನಿಯೋಜಿಸಲಾದ ಎಲ್ಲಾ ಐಟಂಗಳನ್ನು ತ್ವರಿತವಾಗಿ ನೋಡಲು, ನನಗೆ ನಿಯೋಜಿಸಿರುವುದು ಎಂಬ ಸ್ಮಾರ್ಟ್ ಪಟ್ಟಿಯನ್ನು ಬಳಸಿ.

ಹಂಚಿಕೊಂಡ ಪಟ್ಟಿಗಾಗಿ ನೋಟಿಫಿಕೇಷನ್‌ಗಳನ್ನು ಆನ್ ಅಥವಾ ಆಫ್ ಮಾಡಿ

  1. ನಿಮ್ಮ iPhoneನಲ್ಲಿರುವ ರಿಮೈಂಡರ್ಸ್ ಆ್ಯಪ್‌ಗೆ ಹೋಗಿ.

  2. ಹಂಚಿಕೊಳ್ಳಲಾದ ಪಟ್ಟಿಯಲ್ಲಿ, ಕೊಲಾಬೊರೇಟ್ ಮಾಡಿ ಬಟನ್ ಅನ್ನು ಟ್ಯಾಪ್ ಮಾಡಿ, ನಂತರ ಹಂಚಿಕೊಳ್ಳಲಾದ ಪಟ್ಟಿಯನ್ನು ನಿರ್ವಹಿಸಿ ಎಂಬುದನ್ನು ಟ್ಯಾಪ್ ಮಾಡಿ.

  3. ಯಾವಾಗ ಸೂಚಿಸಬೇಕು ಎಂಬುದರ ಈ ಕೆಳಗೆ, ಈ ಕೆಳಗಿನವುಗಳನ್ನು ಯಾವುದನ್ನಾದರೂ ಆನ್ ಅಥವಾ ಆಫ್ ಮಾಡಿ:

    • ಐಟಂಗಳನ್ನು ಸೇರಿಸಿದಾಗ: ಯಾರಾದರೂ ಐಟಮ್ ಅನ್ನು ಪಟ್ಟಿಗೆ ಸೇರಿಸಿದಾಗ ಅಲರ್ಟ್ ಸ್ವೀಕರಿಸಿ.

    • ಐಟಂಗಳನ್ನು ಪೂರ್ಣಗೊಳಿಸಿದಾಗ: ಪಟ್ಟಿಯಲ್ಲಿರುವ ಐಟಮ್ ಅನ್ನು ಯಾರಾದರೂ ಪೂರ್ಣಗೊಳಿಸಿದಾಗ ಅಲರ್ಟ್ ಅನ್ನು ಸ್ವೀಕರಿಸಿ.

ಇದನ್ನು ಸಹ ನೋಡಿiPhoneನಲ್ಲಿನ ರಿಮೈಂಡರ್ಸ್ ಆ್ಯಪ್‌ನಲ್ಲಿ ದಿನಸಿ ಪಟ್ಟಿಯೊಂದನ್ನು ರಚಿಸಿiPhoneನಲ್ಲಿನ ಸಂದೇಶ ಆ್ಯಪ್ ಮೂಲಕ ಪ್ರಾಜೆಕ್ಟ್‌ಗಳಲ್ಲಿ ಕೊಲಾಬೊರೇಟ್ ಮಾಡಿ
Morty Proxy This is a proxified and sanitized view of the page, visit original site.
ಉಪಯುಕ್ತವಾಗಿದೆಯೇ?
ಅಕ್ಷರ ಮಿತಿ: 250
ಗರಿಷ್ಠ ಅಕ್ಷರ ಮಿತಿಯು 250 ಆಗಿದೆ.
ನಿಮ್ಮ ಫೀಡ್‌ಬ್ಯಾಕ್‌ಗಾಗಿ ಧನ್ಯವಾದಗಳು.
Morty Proxy This is a proxified and sanitized view of the page, visit original site.