iOS 26
iOS 18
ਇਸ ਕੰਟਰੋਲ ਦੀ ਸੋਧ ਕਰਨ ਨਾਲ ਇਹ ਪੰਨਾ ਆਪਣੇ ਆਪ ਅੱਪਡੇਟ ਹੋ ਜਾਵੇਗਾ

iPhone ‘ਤੇ ਨਕਸ਼ੇ ਐਪ ਵਿੱਚ, ਇਲੈੱਕਟ੍ਰਿਕ ਵਾਹਨ ਰੂਟਿੰਗ ਦਾ ਸੈੱਟ ਅੱਪ ਕਰੋ

ਤੁਸੀਂ ਅਜਿਹੀਆਂ ਯਾਤਰਾਵਾਂ ਦੀ ਯੋਜਨਾ ਬਣਾ ਸਕਦੇ ਹੋ ਜਿਨ੍ਹਾਂ ਵਿੱਚ ਤੁਹਾਡੇ ਇਲੈੱਕਟ੍ਰਿਕ ਵਾਹਨ (EV) ਨੂੰ ਚਾਰਜ ਕਰਨ ਲਈ ਸਟੌਪ ਸ਼ਾਮਲ ਹਨ ਅਤੇ ਡ੍ਰਾਈਵਿੰਗ ਦੌਰਾਨ ਤੁਹਾਡੇ ਚਾਰਜ ਵਿੱਚ ਹੋਈਆਂ ਤਬਦੀਲੀਆਂ ਦੀ ਨਿਗਰਾਨੀ ਕਰਨਾ ਸ਼ਾਮਲ ਹੈ।

ਮਹੱਤਵਪੂਰਨ: EV ਰੂਟਿੰਗ ਚੋਣਵੇਂ ਵਾਹਨਾਂ ਅਤੇ ਚੋਣਵੇਂ ਖੇਤਰਾਂ ਵਿੱਚ ਉਪਲਬਧ ਹੈ। ਦੇਸ਼ ਅਤੇ ਖੇਤਰ ਅਨੁਸਾਰ ਫ਼ੀਚਰ ਵੱਖ-ਵੱਖ ਹੁੰਦੇ ਹਨ। ਅਨੁਕੂਲਤਾ ਸੰਬੰਧੀ ਜਾਣਕਾਰੀ ਲਈ ਆਪਣੇ ਵਾਹਨ ਦਾ ਓਨਰ ਗਾਈਡ ਦੇਖੋ।

ਜਦੋਂ ਤੁਹਾਨੂੰ ਡ੍ਰਾਈਵਿੰਗ ਦਿਸ਼ਾ-ਨਿਰਦੇਸ਼ ਪ੍ਰਾਪਤ ਹੁੰਦੇ ਹਨ, ਤਾਂ ਨਕਸ਼ੇ ਐਪ ਤੁਹਾਡੇ ਵਾਹਨ ਦੇ ਚਾਰਜ ਨੂੰ ਟ੍ਰੈਕ ਕਰ ਸਕਦੀ ਹੈ। ਰੂਟ ਅਤੇ ਹੋਰ ਕਾਰਕਾਂ ਦੇ ਨਾਲ-ਨਾਲ ਉਚਾਈ ਵਿੱਚ ਤਬਦੀਲੀਆਂ ਦਾ ਵਿਸ਼ਲੇਸ਼ਣ ਕਰ ਕੇ, ਨਕਸ਼ੇ ਐਪ ਵੱਲੋਂ ਰਸਤੇ ਵਿੱਚ ਢੁਕਵੇਂ ਚਾਰਜਿੰਗ ਸਟੇਸ਼ਨਾਂ ਦੀ ਪਛਾਣ ਕੀਤੀ ਜਾਂਦੀ ਹੈ ਅਤੇ ਚਾਰਜਿੰਗ ਪ੍ਰਦਾਤਿਆਂ ਅਤੇ ਦੇਸ਼ਾਂ ਦੀ ਚੋਣ ਕਰਨ ਲਈ, ਇਸ ਵੱਲੋਂ ਅਸਲ ਸਮੇਂ ਵਿੱਚ ਚਾਰਜਿੰਗ ਸਟੇਸ਼ਨ ਦੀ ਉਪਲਬਧਤਾ ਪ੍ਰਦਾਨ ਕੀਤੀ ਜਾਂਦੀ ਹੈ। ਜੇਕਰ ਤੁਸੀਂ ਉਦੋਂ ਤੱਕ ਗੱਡੀ ਚਲਾਉਂਦੇ ਹੋ ਜਦੋਂ ਤੱਕ ਤੁਹਾਡਾ ਚਾਰਜ ਬਹੁਤ ਘਟ ਨਹੀਂ ਜਾਂਦਾ, ਤਾਂ ਤੁਹਾਨੂੰ ਨਜ਼ਦੀਕੀ ਚਾਰਜਿੰਗ ਸਟੇਸ਼ਨ ਦਾ ਰੂਟ ਲੈਣ ਦੀ ਪੇਸ਼ਕਸ਼ ਕੀਤੀ ਜਾਂਦੀ ਹੈ।

CarPlay ਰਾਹੀਂ EV ਰੂਟਿੰਗ ਦਾ ਸੈੱਟ ਅੱਪ ਕਰੋ

ਅਨੁਕੂਲ ਇਲੈੱਕਟ੍ਰਿਕ ਵਾਹਨ (EV) ਲਈ ਜਿਸ ਲਈ ਇਸਦੇ ਨਿਰਮਾਤਾ ਤੋਂ ਕਿਸੇ ਐਪ ਦੀ ਲੋੜ ਨਹੀਂ ਹੈ, ਨਕਸ਼ੇ ਐਪ ਵਿੱਚ EV ਰੂਟਿੰਗ ਦਾ ਸੈੱਟ ਅੱਪ ਕਰਨ ਲਈ CarPlay ਦੀ ਵਰਤੋਂ ਕਰੋ।

ਨੋਟ: ਅਨੁਕੂਲਤਾ ਸੰਬੰਧੀ ਜਾਣਕਾਰੀ ਲਈ ਆਪਣੇ ਵਾਹਨ ਦਾ ਓਨਰ ਗਾਈਡ ਦੇਖੋ।

  1. iPhone ਨੂੰ CarPlay ਨਾਲ ਕਨੈਕਟ ਕਰੋ।

  2. ਆਪਣੇ iPhone ’ਤੇ ਨਕਸ਼ੇ ਐਪ ’ਤੇ ਜਾਓ।

  3. ਡ੍ਰਾਈਵਿੰਗ ਦੇ ਦਿਸ਼ਾ-ਨਿਰਦੇਸ਼ ਪ੍ਰਾਪਤ ਕਰੋ।

  4. “ਕਨੈਕਟ ਕਰੋ” (ਰੂਟਾਂ ਦੀ ਸੂਚੀ ਦੇ ਉੱਪਰ) ’ਤੇ ਟੈਪ ਕਰੋ, ਫਿਰ ਸਕਰੀਨ ’ਤੇ ਦਿੱਤੇ ਨਿਰਦੇਸ਼ਾਂ ਦੀ ਪਾਲਣਾ ਕਰੋ।

CarPlay ਅਤੇ iPhone ਦੀ ਜਾਣ-ਪਛਾਣ ਨੂੰ ਦੇਖੋ।

ਵਾਹਨ ਨਿਰਮਾਤਾ ਦੀ ਐਪ ਦੀ ਵਰਤੋਂ ਕਰਕੇ EV ਰੂਟਿੰਗ ਦਾ ਸੈੱਟ ਅੱਪ ਕਰੋ

ਅਨੁਕੂਲ ਵਾਹਨ ਲਈ ਜਿਸ ਲਈ ਇਸਦੇ ਨਿਰਮਾਤਾ ਵੱਲੋਂ ਕਿਸੇ ਐਪ ਦੀ ਲੋੜ ਹੁੰਦੀ ਹੈ, ਨਕਸ਼ੇ ਐਪ ਵਿੱਚ EV ਰੂਟਿੰਗ ਦਾ ਸੈੱਟ ਅੱਪ ਕਰਨ ਲਈ ਐਪ ਦੀ ਵਰਤੋਂ ਕਰੋ।

ਨੋਟ: ਅਨੁਕੂਲਤਾ ਸੰਬੰਧੀ ਜਾਣਕਾਰੀ ਲਈ ਆਪਣੇ ਵਾਹਨ ਦਾ ਓਨਰ ਗਾਈਡ ਦੇਖੋ।

  1. ਆਪਣੇ iPhone ‘ਤੇ App Store ’ਤੇ ਜਾਓ।

  2. ਆਪਣੇ ਵਾਹਨ ਦੇ ਨਿਰਮਾਤਾ ਦੀ ਖੋਜ ਕਰੋ, ਫਿਰ ਉਸ ਐਪ ਨੂੰ ਡਾਊਨਲੋਡ ਕਰੋ ਜੋ ਇਸਦੇ EV ਰੂਟਿੰਗ ਦਾ ਸਮਰਥਨ ਕਰਦੀ ਹੈ। (App Store ਵਿੱਚੋਂ ਐਪਾਂ ਪ੍ਰਾਪਤ ਕਰੋ ਨੂੰ ਦੇਖੋ।)

  3. ਐਪ ਖੋਲ੍ਹੋ, ਫਿਰ ਇਸ ਦੇ ਸੈੱਟਅੱਪ ਨਿਰਦੇਸ਼ਾਂ ਦੀ ਪਾਲਣਾ ਕਰੋ।

  4. ਨਕਸ਼ੇ ਐਪ ’ਤੇ ਜਾਓ ਅਤੇ ਫਿਰ ਖੋਜ ਖੇਤਰ ਦੇ ਅੱਗੇ ਆਪਣੀ ਤਸਵੀਰ ਜਾਂ ਪਹਿਲੇ ਅੱਖਰ ’ਤੇ ਟੈਪ ਕਰੋ।

    ਜੇਕਰ ਤੁਹਾਨੂੰ ਆਪਣੀ ਤਸਵੀਰ ਜਾਂ ਪਹਿਲੇ ਅੱਖਰ ਦਿਖਾਈ ਨਹੀਂ ਦੇ ਰਹੇ, ਤਾਂ ਖੋਜ ਖੇਤਰ ਦੇ ਅੱਗੇ ਦਿੱਤੇ “ਰੱਦ ਕਰੋ” ’ਤੇ ਟੈਪ ਕਰੋ ਜਾਂ ਖੋਜ ਖੇਤਰ ’ਤੇ ਟੈਪ ਕਰੋ, ਫਿਰ ਰੱਦ ਕਰੋ ’ਤੇ ਟੈਪ ਕਰੋ।

  5. ਵਾਹਨ ’ਤੇ ਟੈਪ ਕਰੋ, “ਆਪਣੇ ਇਲੈੱਕਟ੍ਰਿਕ ਵਾਹਨ ਕਨੈਕਟ ਕਰੋ” ’ਤੇ ਟੈਪ ਕਰੋ, ਫਿਰ ਸਕਰੀਨ ‘ਤੇ ਦਿੱਤੇ ਨਿਰਦੇਸ਼ਾਂ ਦੀ ਪਾਲਣਾ ਕਰੋ।

ਤੁਸੀਂ ਆਪਣੇ ਵਾਹਨ ਲਈ ਕਿਸੇ ਤਰਜੀਹੀ ਚਾਰਜਿੰਗ ਨੈੱਟਵਰਕ ਦੀ ਚੋਣ ਕਰ ਸਕਦੇ ਹੋ। ਨਕਸ਼ੇ ਐਪ ਵੱਲੋਂ ਚੋਣਵੇਂ ਚਾਰਜਿੰਗ ਪ੍ਰਦਾਤਾ ਅਤੇ ਦੇਸ਼ਾਂ ਲਈ ਅਸਲ-ਸਮੇਂ ਵਿੱਚ ਚਾਰਜਿੰਗ ਸਟੇਸ਼ਨ ਉਪਲਬਧਤਾ ਪ੍ਰਦਾਨ ਕੀਤੀ ਜਾਂਦੀ ਹੈ ਅਤੇ ਤੁਸੀਂ ਪਲੱਗ ਕਿਸਮ ਅਤੇ ਨੈੱਟਵਰਕ ਮੁਤਾਬਕ ਖੋਜ ਸਕਦੇ ਹੋ।

ਦਿਸ਼ਾ-ਨਿਰਦੇਸ਼ ਮਿਲਣ ’ਤੇ ਕੋਈ ਵੱਖਰਾ ਵਾਹਨ ਚੁਣੋ

ਜੇਕਰ ਤੁਸੀਂ ਕਈ ਵਾਹਨ ਚਲਾਉਂਦੇ ਹੋ, ਤਾਂ ਤੁਸੀਂ ਬਦਲ ਸਕਦੇ ਹੋ ਕਿ ਨਕਸ਼ੇ ਐਪ ਵੱਲੋਂ ਕਿਸ ਵਾਹਨ ਲਈ ਰੂਟਿੰਗ ਨਿਰਦੇਸ਼ ਦਿੰਦੇ ਜਾਂਦੇ ਹਨ।

  1. ਆਪਣੇ iPhone ’ਤੇ ਨਕਸ਼ੇ ਐਪ ’ਤੇ ਜਾਓ।

  2. ਡ੍ਰਾਈਵਿੰਗ ਦੇ ਦਿਸ਼ਾ-ਨਿਰਦੇਸ਼ ਪ੍ਰਾਪਤ ਕਰੋ।

  3. “ਜਾਓ” ’ਤੇ ਟੈਪ ਕਰਨ ਤੋਂ ਪਹਿਲਾਂ ਰੂਟ ਕਾਰਡ ਵਿੱਚ ਹੇਠਾਂ ਵੱਲ ਸਕ੍ਰੌਲ ਕਰੋ।

  4. ਕੋਈ ਹੋਰ ਇਲੈਕਟ੍ਰਿਕ ਵਾਹਨ ਚੁਣੋ ਜਾਂ ਜੇਕਰ ਤੁਸੀਂ ਕੋਈ ਅਜਿਹਾ ਵਾਹਨ ਚਲਾ ਰਹੇ ਹੋ ਜਿਸ ਦੀ ਤੁਹਾਡੇ iPhone ’ਤੇ EV ਰੂਟਿੰਗ ਐਪ ਨਾ ਹੋਵੇ, ਤਾਂ “ਵੱਖਰੀ ਕਾਰ” ’ਤੇ ਟੈਪ ਕਰੋ।

ਇਹ ਵੀ ਦੇਖੋiPhone ‘ਤੇ ਨਕਸ਼ੇ ਐਪ ਵਿੱਚ ਡ੍ਰਾਈਵਿੰਗ ਸੰਬੰਧੀ ਦਿਸ਼ਾ-ਨਿਰਦੇਸ਼ ਪ੍ਰਾਪਤ ਕਰੋiPhone ’ਤੇ ਡਿਫ਼ੌਲਟ ਯਾਤਰਾ ਮੋਡ ਅਤੇ ਤਰਜੀਹਾਂ ਚੁਣੋ
Morty Proxy This is a proxified and sanitized view of the page, visit original site.
ਕੋਈ ਮਦਦ ਮਿਲੀ?
ਅੱਖਰ ਸੀਮਾ: 250
ਵੱਧ ਤੋਂ ਵੱਧ ਅੱਖਰ ਸੀਮਾ 250 ਹੈ
ਫ਼ੀਡਬੈਕ ਲਈ ਤੁਹਾਡਾ ਧੰਨਵਾਦ।
Morty Proxy This is a proxified and sanitized view of the page, visit original site.