iOS 26
iOS 18
ਇਸ ਕੰਟਰੋਲ ਦੀ ਸੋਧ ਕਰਨ ਨਾਲ ਇਹ ਪੰਨਾ ਆਪਣੇ ਆਪ ਅੱਪਡੇਟ ਹੋ ਜਾਵੇਗਾ

iPhone ‘ਤੇ ਨੋਟਸ ਬਣਾਉਣੇ ਅਤੇ ਫ਼ਾਰਮੈਟ ਕਰਨੇ

ਵਿਚਾਰਾਂ ਨੂੰ ਤੇਜ਼ੀ ਨਾਲ ਲਿਖਣ ਜਾਂ ਜਾਂਚ-ਸੂਚੀਆਂ, ਚਿੱਤਰਾਂ, ਵੈੱਬ ਲਿੰਕਾਂ, ਸਕੈਨ ਕੀਤੇ ਦਸਤਾਵੇਜ਼ਾਂ, ਹੱਥ ਲਿਖਤ ਨੋਟਸ ਅਤੇ ਸਕੈੱਚਾਂ ਦੀ ਵੇਰਵੇ ਸਹਿਤ ਜਾਣਕਾਰੀ ਨੂੰ ਵਿਵਸਥਿਤ ਕਰਨ ਲਈ ਨੋਟਸ ਐਪ ਦੀ ਵਰਤੋਂ ਕਰੋ। ਤੁਸੀਂ ਆਪਣੇ ਨੋਟ ਨੂੰ ਸੈਕਸ਼ਨਾਂ ਅਤੇ ਸਿਰਲੇਖਾਂ ਨਾਲ ਵੀ ਵਿਵਸਥਿਤ ਕਰ ਸਕਦੇ ਹੋ।

ਯਾਤਰਾ ਦੇ ਖ਼ਰਚਿਆਂ ਦੇ ਹਿਸਾਬ ਅਤੇ ਤਸਵੀਰ ਸਮੇਤ ਯਾਤਰਾ ਦੀ ਯੋਜਨਾ ਬਣਾਉਣ ਲਈ ਇੱਕ ਨੋਟ।

ਨਵਾਂ ਨੋਟ ਬਣਾਓ

  1. ਆਪਣੇ iPhone ’ਤੇ ਨੋਟਸ ਐਪ ’ਤੇ ਜਾਓ।

  2. “ਨਵਾਂ ਨੋਟ” ਬਟਨ ’ਤੇ ਟੈਪ ਕਰੋ, ਫਿਰ ਆਪਣਾ ਟੈਕਸਟ ਭਰੋ।

    ਨੋਟ ਦੀ ਪਹਿਲੀ ਲਾਈਨ ਨੋਟ ਦਾ ਸਿਰਲੇਖ ਬਣ ਜਾਂਦੀ ਹੈ।

  3. ਨੋਟ ਨੂੰ ਸੰਭਾਲਣ ਲਈ, “ਹੋ ਗਿਆ” ਬਟਨ ’ਤੇ ਟੈਪ ਕਰੋ।

ਫ਼ਾਰਮੈਟਿੰਗ, ਜਾਂਚ-ਸੂਚੀਆਂ ਅਤੇ ਟੇਬਲ ਜੋੜੋ

  1. ਆਪਣੇ iPhone ’ਤੇ ਨੋਟਸ ਐਪ ’ਤੇ ਜਾਓ।

  2. ਨੋਟ ਲਿਖਣ ਦੌਰਾਨ, ਹੇਠ ਲਿਖਿਆਂ ਵਿੱਚੋਂ ਕੋਈ ਵੀ ਕੰਮ ਕਰੋ:

    • ਟੈਕਸਟ ਫ਼ਾਰਮੈਟ ਕਰੋ: “ਫ਼ਾਰਮੈਟ” ਬਟਨ ’ਤੇ ਟੈਪ ਕਰੋ, ਫਿਰ ਸਿਰਲੇਖ, ਬੋਲਡ ਜਾਂ ਇਟੈਲਿਕ ਫ਼ੌਟ, ਹਾਈਲਾਈਟ ਅਤੇ ਹੋਰ ਸਟਾਇਲ ਚੁਣੋ। ਤੁਸੀਂ ਆਮ ਤੌਰ ’ਤੇ ਵਰਤੇ ਜਾਣ ਵਾਲੇ ਸਟਾਈਲਾਂ ਨੂੰ ਤੇਜ਼ੀ ਨਾਲ ਐਕਸੈੱਸ ਕਰਨ ਲਈ ਫ਼ਾਰਮੈਟ ਬਾਰ ਵਿਕਲਪਾਂ ’ਤੇ ਵੀ ਸਵਾਈਪ ਕਰ ਸਕਦੇ ਹੋ।

    • ਜਾਂਚ-ਸੂਚੀ ਬਣਾਓ: “ਜਾਂਚ-ਸੂਚੀ” ਬਟਨ ‘ਤੇ ਟੈਪ ਕਰੋ।

    • ਟੇਬਲ ਜੋੜੋ: “ਟੇਬਲ ਜੋੜੋ” ਬਟਨ ‘ਤੇ ਟੈਪ ਕਰੋ।

ਸੈਕਸ਼ਨ ਅਤੇ ਸਿਰਲੇਖਾਂ ਵਾਲਾ ਨੋਟ ਵਿਵਸਥਿਤ ਕਰੋ

ਤੁਸੀਂ ਸੈਕਸ਼ਨਾਂ ਨੂੰ ਸਮੇਟ ਸਕਦੇ ਹੋ ਅਤੇ ਵਿਸਤਾਰ ਕਰ ਸਕਦੇ ਹੋ ਜਿਸ ਨਾਲ ਲੰਬੇ ਨੋਟਸ ਦਾ ਪ੍ਰਬੰਧਨ ਕਰਨਾ ਅਤੇ ਰੂਪ ਰੇਖਾ ਤਿਆਰ ਕਰਨੀ ਸੌਖੀ ਹੋ ਜਾਂਦੀ ਹੈ।

ਨੋਟਸ ਐਪ ਵਿੱਚ ਇੱਕ ਨੋਟ ਹੈ ਜਿਸ ਵਿੱਚ ਸਕਰੀਨ ਦੇ ਸਿਖਰ ‘ਤੇ ਸਮੇਟੇ ਜਾਣ ਵਾਲੇ ਸਿਰਲੇਖ ਹਨ।

  1. ਆਪਣੇ iPhone ’ਤੇ ਨੋਟਸ ਐਪ ’ਤੇ ਜਾਓ।

  2. ਨੋਟ ਵਿੱਚ ਸਿਰਲੇਖ ਲਈ ਟੈਕਸਟ ਚੁਣੋ।

  3. “ਫ਼ਾਰਮੈਟ” ਬਟਨ ‘ਤੇ ਟੈਪ ਕਰੋ, ਫਿਰ ਸਿਰਲੇਖ ਜਾਂ ਉਪ-ਸਿਰਲੇਖ ‘ਤੇ ਟੈਪ ਕਰੋ।

  4. ਸੈਕਸ਼ਨ ਵਿੱਚ ਕੰਟੈਂਟ ਜੋੜੋ, ਫਿਰ ਹੇਠ ਲਿਖਿਆਂ ਵਿੱਚੋਂ ਕੋਈ ਵੀ ਕੰਮ ਕਰੋ:

    • ਸੈਕਸ਼ਨ ਸਮੇਟੋ: “ਸਮੇਟੋ” ਬਟਨ ‘ਤੇ ਟੈਪ ਕਰੋ।

    • ਸੈਕਸ਼ਨ ਦਾ ਵਿਸਤਾਰ ਕਰੋ: “ਵਿਸਤਾਰ ਕਰੋ” ਬਟਨ ‘ਤੇ ਟੈਪ ਕਰੋ।

ਨੋਟਸ ਵਿੱਚ ਲਿਖਣ ਸੰਬੰਧੀ ਟੂਲ ਦੀ ਵਰਤੋਂ ਕਰਨੀ

Apple Intelligence* ਨਾਲ, ਤੁਸੀਂ ਇੱਕ ਟੈਪ ਨਾਲ ਚੁਣੇ ਹੋਏ ਟੈਕਸਟ ਨੂੰ ਸੰਖੇਪ ਕਰਨ ਲਈ, ਆਪਣੇ ਕੰਮ ਨੂੰ ਪਰੂਫ਼ਰੀਡ ਕਰਨ ਲਈ ਅਤੇ ਸਹੀ ਸ਼ਬਦਾਂ ਅਤੇ ਟੋਨ ਨੂੰ ਲੱਭਣ ਵਿੱਚ ਤੁਹਾਡੀ ਮਦਦ ਕਰਨ ਲਈ ਇੱਕੋ ਟੈਕਸਟ ਦੇ ਵੱਖ-ਵੱਖ ਸੰਸਕਰਨ ਬਣਾਉਣ ਲਈ ਲਿਖਣ ਸੰਬੰਧੀ ਟੂਲਾਂ ਦੀ ਵਰਤੋਂ ਕਰ ਸਕਦੇ ਹੋ। Apple Intelligence ਨਾਲ “ਲਿਖਣ ਸੰਬੰਧੀ ਟੂਲਾਂ” ਦੀ ਵਰਤੋਂ ਕਰਨੀ ਨੂੰ ਦੇਖੋ।

*Apple Intelligence ਹੇਠ ਲਿਖੀਆਂ ਭਾਸ਼ਾਵਾਂ ਲਈ ਸਮਰਥਨ ਨਾਲ ਬੀਟਾ ਵਿੱਚ ਉਪਲਬਧ ਹੈ: ਅੰਗਰੇਜ਼ੀ, ਡੈਨਿਸ਼, ਡੱਚ, ਫ਼ਰਾਂਸੀਸੀ, ਜਰਮਨ, ਇਤਾਲਵੀ, ਨਾਰਵੇਈ, ਪੁਰਤਗਾਲੀ, ਸਪੇਨੀ, ਸਵੀਡਿਸ਼, ਤੁਰਕੀ, ਚੀਨੀ (ਸਰਲੀਕ੍ਰਿਤ), ਚੀਨੀ (ਰਵਾਇਤੀ), ਜਪਾਨੀ, ਕੋਰੀਆਈ ਅਤੇ ਵੀਅਤਨਾਮੀ। ਹੋ ਸਕਦਾ ਹੈ ਕਿ ਕੁਝ ਫ਼ੀਚਰ ਸਾਰੀਆਂ ਭਾਸ਼ਾਵਾਂ ਜਾਂ ਖੇਤਰਾਂ ਵਿੱਚ ਉਪਲਬਧ ਨਾ ਹੋਣ। ਭਾਸ਼ਾ ਤੇ ਫ਼ੀਚਰ ਦੀ ਉਪਲਬਧਤਾ ਅਤੇ ਸਿਸਟਮ ਦੀਆਂ ਲੋੜਾਂ ਬਾਰੇ ਵਧੇਰੇ ਜਾਣਕਾਰੀ ਲਈ, Apple ਸਹਾਇਤਾ ਲੇਖ Apple Intelligence ਨੂੰ ਕਿਵੇਂ ਪ੍ਰਾਪਤ ਕਰੀਏ ਨੂੰ ਦੇਖੋ।
ਇਹ ਵੀ ਦੇਖੋiPhone ਤੇ ਨੋਟਸ ਵਿੱਚ ਤਸਵੀਰਾਂ, ਵੀਡੀਓ ਆਦਿ ਜੋੜੋiPhone ‘ਤੇ ਕੁਇੱਕ ਨੋਟਸ ਦੀ ਵਰਤੋਂ ਕਰਨੀ
Morty Proxy This is a proxified and sanitized view of the page, visit original site.
ਕੋਈ ਮਦਦ ਮਿਲੀ?
ਅੱਖਰ ਸੀਮਾ: 250
ਵੱਧ ਤੋਂ ਵੱਧ ਅੱਖਰ ਸੀਮਾ 250 ਹੈ
ਫ਼ੀਡਬੈਕ ਲਈ ਤੁਹਾਡਾ ਧੰਨਵਾਦ।
Morty Proxy This is a proxified and sanitized view of the page, visit original site.