iOS 26
iOS 18
ਇਸ ਕੰਟਰੋਲ ਦੀ ਸੋਧ ਕਰਨ ਨਾਲ ਇਹ ਪੰਨਾ ਆਪਣੇ ਆਪ ਅੱਪਡੇਟ ਹੋ ਜਾਵੇਗਾ

iPhone ’ਤੇ ਨਕਸ਼ੇ ਐਪ ਵਿੱਚ ਜਨਤਕ ਆਵਾਜਾਈ ਸੰਬੰਧੀ ਦਿਸ਼ਾ-ਨਿਰਦੇਸ਼ ਪ੍ਰਾਪਤ ਕਰੋ

ਤੁਸੀਂ ਰਵਾਨਗੀ ਦੇ ਸਮੇਂ, ਕਨੈਕਸ਼ਨ ਦੀ ਜਾਣਕਾਰੀ ਅਤੇ ਕਿਰਾਏ ਦੀ ਰਕਮ ਸਮੇਤ ਆਪਣੀ ਮੰਜ਼ਿਲ ’ਤੇ ਪਹੁੰਚਣ ਲਈ ਜਨਤਕ ਆਵਾਜਾਈ ਦੇ ਵੇਰਵੇ-ਸਹਿਤ ਦਿਸ਼ਾ-ਨਿਰਦੇਸ਼ ਪ੍ਰਾਪਤ ਕਰ ਸਕਦੇ ਹੋ। ਦਿਸ਼ਾ-ਨਿਰਦੇਸ਼ ਪ੍ਰਾਪਤ ਕਰਨ ਲਈ ਤੁਸੀਂ ਨਕਸ਼ੇ ਐਪ ਦੀ ਵਰਤੋਂ ਕਰਦਿਆਂ ਟ੍ਰਾਂਜ਼ਿਟ ਕਾਰਡ ਸ਼ਾਮਲ ਕਰ ਸਕਦੇ ਹੋ, ਘੱਟ ਬਕਾਇਆ ਦੇਖ ਸਕਦੇ ਹੋ ਅਤੇ ਆਪਣੇ ਕਾਰਡ ਵਿੱਚ ਪੈਸੇ ਪਾ ਸਕਦੇ ਹੋ।

ਨੋਟ: ਸਾਰੇ ਫ਼ੀਚਰ ਸਾਰੇ ਦੇਸ਼ਾਂ ਜਾਂ ਖੇਤਰਾਂ ਵਿੱਚ ਉਪਲਬਧ ਨਹੀਂ ਹਨ। iOS ਅਤੇ iPadOS ਫ਼ੀਚਰ ਉਪਲਬਧਤਾ ਵੈੱਬਸਾਈਟ ਨੂੰ ਦੇਖੋ।

ਜਨਤਕ ਆਵਾਜਾਈ ਰੂਟ ਦਿਖਾਉਂਦਾ ਨਕਸ਼ਾ। ਹੇਠਾਂ ਦਿੱਤੇ ਰੂਟ ਕਾਰਡ ਵਿੱਚ ਰੂਟ ਦੇ ਵੇਰਵੇ ਪ੍ਰਦਾਨ ਕੀਤੇ ਜਾਂਦੇ ਹਨ ਜਿਸ ਵਿੱਚ ਯਾਤਰਾ ਦਾ ਅਨੁਮਾਨਿਤ ਸਮਾਂ ਅਤੇ ਕੁੱਲ ਖ਼ਰਚੇ ਸ਼ਾਮਲ ਹਨ। ਵੇਰਵਿਆਂ ਦੇ ਸੱਜੇ ਪਾਸੇ “ਜਾਓ” ਬਟਨ ਦਿਖਾਈ ਦਿੰਦਾ ਹੈ।

ਜਨਤਕ ਆਵਾਜਾਈ ਲਈ ਦਿਸ਼ਾ-ਨਿਰਦੇਸ਼ ਪ੍ਰਾਪਤ ਕਰੋ

  1. ਆਪਣੇ iPhone ’ਤੇ ਨਕਸ਼ੇ ਐਪ ’ਤੇ ਜਾਓ।

  2. ਨਕਸ਼ੇ ’ਤੇ ਕਿਤੇ ਵੀ ਟੱਚ ਕਰ ਕੇ ਰੱਖੋ ਜਾਂ ਖੋਜ ਖੇਤਰ ਵਿੱਚ ਕੋਈ ਪਤਾ ਭਰੋ, ਫਿਰ “ਦਿਸ਼ਾ-ਨਿਰਦੇਸ਼” ਜਾਂ ”ਯਾਤਰਾ ਮੋਡ” ਬਟਨ ’ਤੇ ਟੈਪ ਕਰੋ।

  3. “ਤਰਜੀਹ ਦਿਓ” ’ਤੇ ਟੈਪ ਕਰੋ (ਮੰਜ਼ਿਲ ਦੇ ਹੇਠਾਂ), ਫਿਰ ਆਵਾਜਾਈ ਦਾ ਉਹ ਢੰਗ ਚੁਣੋ ਜਿਨ੍ਹਾਂ ਦੀ ਤੁਸੀਂ ਵਰਤੋਂ ਕਰਨੀ ਚਾਹੁੰਦੇ ਹੋ।

  4. ਤੁਸੀਂ ਜਿਸ ਰਸਤੇ ’ਤੇ ਜਾਣਾ ਚਾਹੁੰਦੇ ਹੋ, ਉਸ ਲਈ “ਜਾਓ” ਜਾਂ “ਕਦਮ” ’ਤੇ ਟੈਪ ਕਰੋ।

Siri: ਤੁਸੀਂ Siri ਤੋਂ ਕੁਝ ਇਸ ਤਰ੍ਹਾਂ ਵੀ ਪੁੱਛ ਸਕਦੇ ਹੋ, “Give me transit directions to the Ferry Building.” Siri ਦੀ ਵਰਤੋਂ ਕਰਨੀ ਸਿੱਖੋ।

ਜਦੋਂ ਤੁਹਾਨੂੰ ਨਕਸ਼ੇ ਵਿੱਚ ਚੁਣੇ ਗਏ ਜਨਤਕ ਆਵਾਜਾਈ ਸਿਸਟਮਾਂ ਲਈ ਦਿਸ਼ਾ-ਨਿਰਦੇਸ਼ ਪ੍ਰਾਪਤ ਹੁੰਦੇ ਹਨ, ਤਾਂ ਤੁਹਾਨੂੰ ਇਹ ਸੁਨੇਹਾ ਵੀ ਮਿਲ ਸਕਦਾ ਹੈ ਕਿ ਤੁਸੀਂ ਵੌਲਿਟ ਐਪ ਨੂੰ ਖੋਲ੍ਹਣ ਜਾਂ ਨਕਸ਼ੇ ਐਪ ਤੋਂ ਬਾਹਰ ਜਾਣ ਤੋਂ ਬਿਨਾਂ ਵੀ Apple Pay ਦੀ ਵਰਤੋਂ ਕਰ ਕੇ ਜਨਤਕ ਆਵਾਜਾਈ ਲਈ ਭੁਗਤਾਨ ਕਰ ਸਕਦੇ ਹੋ, ਟ੍ਰਾਂਜਿਟ ਕਾਰਡ ਸ਼ਾਮਲ ਕਰ ਸਕਦੇ ਹੋ ਜਾਂ ਆਪਣੇ ਟ੍ਰਾਂਜਿਟ ਕਾਰਡ ਵਿੱਚ ਪੈਸੇ ਪਾ ਸਕਦੇ ਹੋ। ਹੇਠਾਂ ਆਵਾਜਾਈ ਲਈ ਭੁਗਤਾਨ ਕਰੋ ਨੂੰ ਦੇਖੋ।

ਭਵਿੱਖ ਲਈ ਰਵਾਨਗੀ ਜਾਂ ਪਹੁੰਚਣ ਦੇ ਸਮੇਂ ਦੀ ਯੋਜਨਾ ਬਣਾਓ

  1. ਆਪਣੇ iPhone ’ਤੇ ਨਕਸ਼ੇ ਐਪ ’ਤੇ ਜਾਓ।

  2. ਨਕਸ਼ੇ ’ਤੇ ਕਿਤੇ ਵੀ ਟੱਚ ਕਰ ਕੇ ਰੱਖੋ ਜਾਂ ਖੋਜ ਖੇਤਰ ਵਿੱਚ ਕੋਈ ਪਤਾ ਭਰੋ, ਫਿਰ “ਦਿਸ਼ਾ-ਨਿਰਦੇਸ਼” ਜਾਂ ”ਯਾਤਰਾ ਮੋਡ” ਬਟਨ ’ਤੇ ਟੈਪ ਕਰੋ।

  3. “ਹੁਣੇ” (ਮੰਜ਼ਿਲ ਦੇ ਹੇਠਾਂ) ’ਤੇ ਟੈਪ ਕਰੋ, “ਰਵਾਨਗੀ“ ਜਾਂ “ਆਗਮਨ“ ਲਈ ਸਮਾਂ ਜਾਂ ਮਿਤੀ ਚੁਣੋ, ਫਿਰ “ਹੋ ਗਿਆ” ਬਟਨ ’ਤੇ ਟੈਪ ਕਰੋ।

ਨਗਦ ਕਿਰਾਇਆ ਦਿਖਾਓ

ਕੁਝ ਦੇਸ਼ਾਂ ਅਤੇ ਖੇਤਰਾਂ ਵਿੱਚ ਸੁਝਾਏ ਗਏ ਰੂਟਾਂ ਲਈ ਕਿਰਾਏ ਸੂਚੀਬੱਧ ਕੀਤੇ ਗਏ ਹਨ।

  1. ਆਪਣੇ iPhone ’ਤੇ ਨਕਸ਼ੇ ਐਪ ’ਤੇ ਜਾਓ।

  2. ਨਕਸ਼ੇ ’ਤੇ ਕਿਤੇ ਵੀ ਟੱਚ ਕਰ ਕੇ ਰੱਖੋ ਜਾਂ ਖੋਜ ਖੇਤਰ ਵਿੱਚ ਕੋਈ ਪਤਾ ਭਰੋ, ਫਿਰ “ਦਿਸ਼ਾ-ਨਿਰਦੇਸ਼” ਜਾਂ ”ਯਾਤਰਾ ਮੋਡ” ਬਟਨ ’ਤੇ ਟੈਪ ਕਰੋ।

  3. ਜਨਤਕ ਆਵਾਜਾਈ ਕਾਰਡ ਕਿਰਾਇਆ (ਮੰਜ਼ਿਲ ਦੇ ਹੇਠਾਂ) ’ਤੇ ਟੈਪ ਕਰੋ, ਫਿਰ ਨਗਦ ਕਿਰਾਇਆ ’ਤੇ ਟੈਪ ਕਰੋ।

ਨੇੜਲੀਆਂ ਜਨਤਕ ਰਵਾਨਗੀਆਂ ਦੇਖੋ

ਤੁਸੀਂ ਆਪਣੇ ਨੇੜੇ ਦੇ ਸਟੇਸ਼ਨਾਂ ਅਤੇ ਸਟੌਪਾਂ ਲਈ ਰਵਾਨਗੀ ਦੇ ਸਮੇਂ ਲਈ ਇੱਕ-ਟੈਪ ਐਕਸੈੱਸ ਪ੍ਰਾਪਤ ਕਰ ਸਕਦੇ ਹੋ।

  1. ਆਪਣੇ iPhone ’ਤੇ ਨਕਸ਼ੇ ਐਪ ’ਤੇ ਜਾਓ।

  2. “ਜੋੜੋ” ਬਟਨ ’ਤੇ ਟੈਪ ਕਰੋ, ਫਿਰ “ਨਜ਼ਦੀਕੀ ਜਨਤਕ ਆਵਾਜਾਈ” ਨੂੰ ਆਪਣੀਆਂ ਥਾਵਾਂ ਵਿੱਚ ਜੋੜਨ ਲਈ ਇਸ ’ਤੇ ਟੈਪ ਕਰੋ।

  3. “ਨਜ਼ਦੀਕੀ ਜਨਤਕ ਆਵਾਜਾਈ” ’ਤੇ ਟੈਪ ਕਰੋ, ਫਿਰ ਸ਼ੈਡਿਊਲ ਅਤੇ ਦੇਰੀ ਦੇਖਣ ਲਈ ਨੇੜਲੇ ਸਟੌਪ ’ਤੇ ਟੈਪ ਕਰੋ।

  4. ਹੇਠਾਂ ਨੂੰ ਸਕ੍ਰੌਲ ਕਰੋ, ਫਿਰ ਆਪਣੀਆਂ ਥਾਵਾਂ ਵਿੱਚ ਜੋੜਨ ਲਈ ਪਿੰਨ ਲਾਈਨ ’ਤੇ ਟੈਪ ਕਰੋ।

    ਸਲਾਹ: ਸਕਰੀਨ ਦੇ ਸਿਖਰ ’ਤੇ ਲਾਈਨ ਨੂੰ ਪਿੰਨ ਕਰਨ ਲਈ ਸੱਜੇ ਪਾਸੇ ਸਵਾਈਪ ਕਰੋ।

ਪ੍ਰਮੁੱਖ ਜਨਤਕ ਆਵਾਜਾਈ ਲਾਈਨਾਂ ਦੇਖੋ

  1. ਆਪਣੇ iPhone ’ਤੇ ਨਕਸ਼ੇ ਐਪ ’ਤੇ ਜਾਓ।

  2. ਨਕਸ਼ਾ ਦੇਖਦੇ ਸਮੇਂ, ਹੇਠਲੇ ਸੱਜੇ ਪਾਸੇ ”ਨਕਸ਼ੇ ਦੇ ਮੋਡ” ਬਟਨ (“ਪੜਚੋਲ ਨਕਸ਼ਾ ਮੋਡ” ਬਟਨ, “ਡਰਾਈਵਿੰਗ ਨਕਸ਼ਾ ਮੋਡ” ਬਟਨ, “ਟ੍ਰਾਂਜ਼ਿਟ ਨਕਸ਼ਾ ਮੋਡ” ਬਟਨ, “ਸੈਟੇਲਾਈਟ ਨਕਸ਼ਾ ਮੋਡ” ਬਟਨ) ’ਤੇ ਟੈਪ ਕਰੋ।

  3. ਜਨਤਕ ਆਵਾਜਾਈ ’ਤੇ ਟੈਪ ਕਰੋ, ਫਿਰ “ਬੰਦ ਕਰੋ” ਬਟਨ ’ਤੇ ਟੈਪ ਕਰੋ।

ਆਪਣੇ iPhone ਨਾਲ ਜਨਤਕ ਆਵਾਜਾਈ ਲਈ ਭੁਗਤਾਨ ਕਰੋ

ਕਈ ਜਨਤਕ ਆਵਾਜਾਈ ਏਜੰਸੀਆਂ ਦੇ ਨਾਲ, ਤੁਸੀਂ ਆਪਣੇ ਕਿਰਾਏ ਦਾ ਭੁਗਤਾਨ ਕਰਨ ਲਈ ਆਪਣੇ iPhone ਦੀ ਵਰਤੋਂ ਕਰ ਸਕਦੇ ਹੋ।

  • Apple Pay ਦੀ ਵਰਤੋਂ ਕਰੋ: ਵੌਲਿਟ ਐਪ ਵਿੱਚ  ਸਟੋਰ ਕੀਤੇ Apple Cash, ਕ੍ਰੈਡਿਟ ਅਤੇ ਡੈਬਿਟ ਕਾਰਡਾਂ ਨਾਲ ਤੁਸੀਂ Apple Pay ਦੀਆਂ ਸਮਰਥਿਤ ਏਜੰਸੀਆਂ ਨੂੰ ਜਨਤਕ ਆਵਾਜਾਈ ਲਈ ਸੰਪਰਕ ਰਹਿਤ ਭੁਗਤਾਨ ਕਰ ਸਕਦੇ ਹੋ।

  • ਜਨਤਕ ਆਵਾਜਾਈ ਕਾਰਡਾਂ ਦੀ ਵਰਤੋਂ ਕਰੋ: ਭਾਗੀਦਾਰ ਜਨਤਕ ਆਵਾਜਾਈ ਸਿਸਟਮ ਨਾਲ, ਤੁਸੀਂ ਆਪਣੇ ਵੌਲਿਟ ਵਿੱਚ ਜਨਤਕ ਆਵਾਜਾਈ ਕਾਰਡ ਨੂੰ ਸਟੋਰ ਕਰ ਕੇ ਆਪਣੇ ਕਿਰਾਏ ਦਾ ਭੁਗਤਾਨ ਕਰ ਸਕਦੇ ਹੋ। Apple ਸਹਾਇਤਾ ਲੇਖ ਤੁਸੀਂ Apple Pay ਦੀ ਵਰਤੋਂ ਕਰ ਕੇ ਜਨਤਕ ਆਵਾਜਾਈ ਸਾਧਨ ਵਿੱਚ ਕਿੱਥੇ ਯਾਤਰਾ ਕਰ ਸਕਦੇ ਹੋ ਨੂੰ ਦੇਖੋ।

  • ਜਨਤਕ ਆਵਾਜਾਈ ਐਪਾਂ ਦੀ ਵਰਤੋਂ ਕਰੋ: ਵੌਲਿਟ ਦਾ ਸਮਰਥਨ ਨਾ ਕਰਨ ਵਾਲੇ ਕਈ ਸਿਸਟਮਾਂ ਵਿੱਚ ਅਜਿਹੀਆਂ ਐਪਾਂ ਹੁੰਦੀਆਂ ਹਨ ਜੋ ਤੁਹਾਨੂੰ ਭੁਗਤਾਨ ਲਈ ਕਾਰਡ ਸ਼ਾਮਲ ਕਰਨ ਦੀ ਆਗਿਆ ਦਿੰਦੀਆਂ ਹਨ। ਵਧੇਰੇ ਜਾਣਕਾਰੀ ਲਈ ਜਨਤਕ ਆਵਾਜਾਈ ਏਜੰਸੀ ਦੀ ਅਧਿਕਾਰਤ ਵੈੱਬਸਾਈਟ ’ਤੇ ਜਾਓ ਜਾਂ App Store ਵਿੱਚੋਂ ਐਪਾਂ ਪ੍ਰਾਪਤ ਕਰੋ।

ਇਹ ਵੀ ਦੇਖੋiPhone ‘ਤੇ ਨਕਸ਼ੇ ਐਪ ਵਿੱਚ ਪੈਦਲ ਚੱਲਣ ਲਈ ਦਿਸ਼ਾ-ਨਿਰਦੇਸ਼ ਪ੍ਰਾਪਤ ਕਰੋiPhone ‘ਤੇ ਨਕਸ਼ੇ ਐਪ ਵਿੱਚ ਸਾਈਕਲਿੰਗ ਸੰਬੰਧੀ ਦਿਸ਼ਾ-ਨਿਰਦੇਸ਼ ਪ੍ਰਾਪਤ ਕਰੋiPhone ’ਤੇ ਨਕਸ਼ੇ ਐਪ ਵਿੱਚ ਮੌਸਮ ਦੀ ਜਾਣਕਾਰੀ ਪ੍ਰਾਪਤ ਕਰਨੀiPhone ’ਤੇ ਨਕਸ਼ੇ ਐਪ ਵਿੱਚ ਰਾਈਡ ਬੁੱਕ ਕਰੋ
Morty Proxy This is a proxified and sanitized view of the page, visit original site.
ਕੋਈ ਮਦਦ ਮਿਲੀ?
ਅੱਖਰ ਸੀਮਾ: 250
ਵੱਧ ਤੋਂ ਵੱਧ ਅੱਖਰ ਸੀਮਾ 250 ਹੈ
ਫ਼ੀਡਬੈਕ ਲਈ ਤੁਹਾਡਾ ਧੰਨਵਾਦ।
Morty Proxy This is a proxified and sanitized view of the page, visit original site.