iPadOS 26
iPadOS 18
ഈ കൺട്രോളിൽ മാറ്റം വരുത്തുന്നത് ഈ പേജ് ഒട്ടോമാറ്റിക്കായി അപ്ഡേറ്റ് ചെയ്യാനിടയാക്കും

iPad-ലെ Safari-യിൽ വ്യക്തിഗത വിവരങ്ങൾ പൂരിപ്പിക്കൂ

iPad-ൽ സേവ് ചെയ്തിരുന്ന നിങ്ങളുടെ വ്യക്തിഗത വിവരങ്ങൾ ഉപയോഗിച്ച്, നിങ്ങൾക്ക് കോൺടാക്റ്റ് വിവരങ്ങളും യൂസർനെയിമുകളും പാസ്‌വേഡുകളും ഓട്ടോമാറ്റിക്കായി പൂരിപ്പിക്കാം.

നിങ്ങൾക്ക് ഓട്ടോമാറ്റിക്കായി പേയ്മെന്റ് വിവരങ്ങൾ പൂരിപ്പിക്കാനും കഴിയും.

ഓട്ടോ-ഫിൽ സജ്ജീകരിക്കൂ

ഓൺലൈൻ ഫോമുകൾ പൂരിപ്പിക്കുന്നത് വേഗത്തിലാക്കാൻ നിങ്ങളുടെ വ്യക്തിഗത വിവരങ്ങൾ നിങ്ങളുടെ iPad-ൽ സേവ് ചെയ്യാനാകും.

  1. നിങ്ങളുടെ iPad-ലെ ‘ക്രമീകരണം’  ആപ്പിലേക്ക് പോകൂ.

  2. ആപ്പുകൾ ടാപ്പ് ചെയ്യൂ, തുടർന്ന് Safari ടാപ്പ് ചെയ്യൂ

  3. ‘ഓട്ടോ-ഫിൽ’ ടാപ്പ് ചെയ്യൂ, തുടർന്ന് ‘കോൺടാക്റ്റ് വിവരങ്ങൾ ഉപയോഗിക്കൂ’ ഓണാക്കൂ.

  4. ‘എന്റെ വിവരങ്ങൾ’ ടാപ്പ് ചെയ്യൂ, തുടർന്ന് നിങ്ങളുടെ കോൺടാക്റ്റ് കാർഡ് തിരഞ്ഞെടുക്കൂ.

    Safari-യിലെ വെബ്പേജുകളിൽ ഓട്ടോ-ഫിൽ ടാപ്പ് ചെയ്യുമ്പോൾ നിങ്ങളുടെ കാർഡിൽ നിന്നുള്ള കോൺടാക്റ്റ് വിവരങ്ങൾ നൽകപ്പെടും.

നിങ്ങളുടെ കോൺടാക്റ്റ് വിവരങ്ങൾ ഓട്ടോമാറ്റിക്കായി പൂരിപ്പിക്കൂ

ഓട്ടോ-ഫിൽ ഉപയോഗിച്ച് നിങ്ങളുടെ വ്യക്തിഗത വിവരങ്ങൾ ഓൺലൈൻ ഫോമുകളിൽ വേഗത്തിൽ ചേർക്കാൻ കഴിയും.

  1. നിങ്ങളുടെ iPad-ലെ Safari ആപ്പിലേക്ക് പോകൂ.

  2. ഓട്ടോ-ഫിൽ പിന്തുണയ്ക്കുന്ന ഒരു വെബ്സൈറ്റിലെ ഒരു ഫോമിലെ ഒരു ശൂന്യമായ ഫീൽഡിൽ ടാപ്പ് ചെയ്യൂ.

  3. കീബോർഡിന് മുകളിലുള്ള ‘കോൺടാക്റ്റ് ഓട്ടോ-ഫിൽ ചെയ്യൂ’ എന്നതിൽ ടാപ്പ് ചെയ്തതിന് ശേഷം ഒരു കോൺടാക്റ്റ് സെലക്റ്റ് ചെയ്യൂ.

  4. മാറ്റങ്ങൾ വരുത്താൻ ഏതെങ്കിലും ഫീൽഡിൽ ടാപ്പ് ചെയ്യൂ.

കുറിപ്പ്: നിങ്ങളുടെ കോൺടാക്റ്റ് ലിസ്റ്റിൽ നിന്നുള്ള മറ്റൊരു വ്യക്തിയുടെ വിവരങ്ങൾ നൽകാൻ നിങ്ങൾക്ക് ഓട്ടോ-ഫിൽ ഉപയോഗിക്കാം. ഉദാഹരണത്തിന്, നിങ്ങൾ ഒരു സമ്മാനം വാങ്ങി ഒരു സുഹൃത്തിന് അയയ്ക്കുകയാണെങ്കിൽ, അവരുടെ വിലാസം നൽകാൻ നിങ്ങൾക്ക് ഓട്ടോ-ഫിൽ ഉപയോഗിക്കാം. ‘കോൺടാക്റ്റ് ഓട്ടോ-ഫിൽ ചെയ്യൂ’ ടാപ്പ് ചെയ്ത് 'മറ്റ് കോൺടാക്റ്റ്' ടാപ്പ് ചെയ്തതിന് ശേഷം അവരുടെ കോൺടാക്റ്റ് കാർഡ് തിരഞ്ഞെടുക്കൂ.

നിങ്ങളുടെ പാസ്‌വേഡുകൾ ഓട്ടോമാറ്റിക്കായി പൂരിപ്പിക്കൂ

വെബ്സൈറ്റുകളിലും ആപ്പുകളിലും സേവനങ്ങൾക്കായി നിങ്ങൾ സൈൻ-അപ്പ് ചെയ്യുമ്പോൾ, നിങ്ങളുടെ പല അക്കൗണ്ടുകൾക്കും ശക്തമായ പാസ്‌വേഡുകൾ സൃഷ്ടിക്കാനും സേവ് ചെയ്യാനും iPad-നെ നിങ്ങൾക്ക് അനുവദിക്കാം. ശക്തമായ പാസ്‌വേഡുകൾ ഓട്ടോമാറ്റിക്കായി പൂരിപ്പിക്കൂ എന്നത് കാണൂ.

പ്രധാനപ്പെട്ടത്: ‘സുരക്ഷിതമല്ല’ എന്ന മുന്നറിയിപ്പ് ഉള്ള സൈറ്റുകളിൽ ഒരിക്കലും പാസ്‌വേഡ് നൽകരുത്. Safari ഉപയോഗിച്ച് ബ്രൗസ് ചെയ്യുമ്പോൾ ‘സുരക്ഷിതമല്ല’ എന്ന മുന്നറിയിപ്പ് നിങ്ങൾ കാണുകയാണെങ്കിൽ എന്ന Apple പിന്തുണ ലേഖനം കാണൂ.

ഓട്ടോ-ഫിൽ ഓഫ് ചെയ്യൂ

നിങ്ങളുടെ കോൺടാക്റ്റ് വിവരങ്ങൾക്കും പാസ്‌വേഡുകൾക്കുമായി നിങ്ങൾക്ക് ഓട്ടോ-ഫിൽ ഓഫ് ചെയ്യാം. നിങ്ങളുടെ കോൺടാക്റ്റ് വിവരങ്ങൾ എളുപ്പത്തിൽ ലഭ്യമാകാൻ നിങ്ങൾ ആഗ്രഹിക്കാത്ത സാഹചര്യങ്ങളിൽ ഇത് സഹായകരമാണ്—ഉദാഹരണത്തിന് നിങ്ങൾ ഒരു ഡിവൈസ് മറ്റുള്ളവരുമായി പങ്കിടുകയാണെങ്കിൽ.

  • നിങ്ങളുടെ കോൺടാക്റ്റ് വിവരങ്ങൾക്കായി ഓട്ടോ-ഫിൽ ഓഫ് ചെയ്യാൻ: ക്രമീകരണം  > ആപ്പുകൾ > Safari > ഓട്ടോ-ഫിൽ എന്നതിലേക്ക് പോയി ‘കോൺടാക്റ്റ് വിവരങ്ങൾ ഉപയോഗിക്കൂ’ ഓഫ് ചെയ്യൂ.

  • പാസ്‌വേഡുകൾക്കായി ഓട്ടോ-ഫിൽ ഓഫ് ചെയ്യാൻ: ക്രമീകരണം  > പൊതുവായവ > ഓട്ടോ-ഫില്ലും പാസ്‌വേഡുകളും എന്നതിലേക്ക് പോയതിന് ശേഷം ‘പാസ്‌വേഡുകളും പാസ്കീകളും ഓട്ടോ-ഫിൽ ചെയ്യൂ’ എന്നത് ഓഫ് ചെയ്യൂ.

ഇതും കാണൂiPad-ലെ Safari-യിൽ ഒരു വെബ്സൈറ്റ് ബുക്ക്മാർക്ക് ചെയ്യൂiPad-ലെ Safari ഇഷ്ടാനുസൃതമാക്കാനായി വിപുലീകരണങ്ങൾ നേടൂiPad-ലെ ഒറ്റത്തവണ പരിശോധിച്ചുറപ്പിക്കൽ കോഡുകൾ ഓട്ടോമാറ്റിക്കായി പൂരിപ്പിക്കൂ
Morty Proxy This is a proxified and sanitized view of the page, visit original site.
സഹായകമായോ?
കാരക്റ്റർ പരിധി: 250
പരമാവധി കാരക്റ്റർ പരിധി 250 ആണ്.
നിങ്ങളുടെ ഫീഡ്ബാക്കിന് നന്ദി.
Morty Proxy This is a proxified and sanitized view of the page, visit original site.