iPadOS 26
iPadOS 18
ഈ കൺട്രോളിൽ മാറ്റം വരുത്തുന്നത് ഈ പേജ് ഒട്ടോമാറ്റിക്കായി അപ്ഡേറ്റ് ചെയ്യാനിടയാക്കും

iPad-ൽ സന്ദേശങ്ങൾ അയയ്ക്കുകയും അവയ്ക്ക് മറുപടി നൽകുകയും ചെയ്യൂ

നിങ്ങൾക്ക് ടെക്സ്റ്റ് സന്ദേശങ്ങൾ, ഇമേജുകൾ എന്നിവയും അതിലേറെയും അയയ്ക്കാം. ഒരു സംഭാഷണത്തിൽ തന്നെയോ ഒരു ത്രെഡിലെ നിർദിഷ്ട അഭിപ്രായങ്ങളിലേക്കോ നിങ്ങൾക്ക് മറുപടി നൽകാം. നിങ്ങളുടെ സന്ദേശങ്ങൾ കേൾക്കാനും പ്രതികരിക്കാനും നിങ്ങൾക്ക് Siri-യും ഉപയോഗിക്കാം.

‘സന്ദേശങ്ങൾ’ ആപ്പിലെ എല്ലാ ഫീച്ചറുകളും പൂർണ്ണമായും ഉപയോഗിക്കാൻ, നിങ്ങൾ സന്ദേശങ്ങൾ സജ്ജീകരിച്ചുവെന്ന് ഉറപ്പാക്കൂ.

Siri: ‘Read my last message from Antonio.’ എന്നതുപോലുള്ള എന്തെങ്കിലും Siri-യോട് ചോദിക്കൂ. Siri എങ്ങനെ ഉപയോഗിക്കാമെന്ന് അറിയൂ.

സന്ദേശങ്ങളിലെ സംഭാഷണ ലിസ്റ്റ് ഇടതുവശത്തും സംഭാഷണ ട്രാൻസ്ക്രിപ്റ്റ് വലതുവശത്തും. വായിക്കാത്ത സന്ദേശങ്ങൾ ഒരു നീല ഡോട്ട് ഉപയോഗിച്ച് അടയാളപ്പെടുത്തിയിരിക്കുന്നു.

ഒരു സംഭാഷണം ആരംഭിക്കൂ

ഒരു പുതിയ സംഭാഷണം ആരംഭിക്കാൻ ഒന്നോ അതിലധികമോ ആളുകൾക്ക് നിങ്ങൾക്ക് ഒരു ടെക്സ്റ്റ് സന്ദേശം അയയ്ക്കാവുന്നതാണ്.

സന്ദേശങ്ങളിലെ സംഭാഷണ ലിസ്റ്റ് ഇടതുവശത്തും സംഭാഷണ ട്രാൻസ്ക്രിപ്റ്റ് വലതുവശത്തും. മുകളിൽ, കോൺടാക്റ്റ് ഐക്കൺ ടാപ്പ് ചെയ്താൽ സംഭാഷണ വിശദാംശങ്ങൾ തുറക്കപ്പെടും.

  1. നിങ്ങളുടെ iPad-ലെ സന്ദേശങ്ങൾ ആപ്പിലേക്ക് പോകൂ.

  2. സ്ക്രീനിന്റെ മുകളിലുള്ള ‘എഴുതൂ’ ബട്ടൺ ടാപ്പ് ചെയ്യൂ.

  3. ‘സ്വീകർത്താവ്’ ഫീൽഡിൽ ടാപ്പ് ചെയ്യൂ, തുടർന്ന് ഓരോ സ്വീകർത്താവിന്റെയും ഫോൺ നമ്പർ, കോൺടാക്റ്റ് നെയിം അല്ലെങ്കിൽ Apple അക്കൗണ്ട് നൽകൂ.

    നിങ്ങളുടെ കോൺടാക്റ്റുകളിൽ നിന്ന് സ്വീകർത്താക്കളെ തിരഞ്ഞെടുക്കാൻ, കോൺടാക്റ്റ് ചേർക്കൂ ബട്ടൺ ടാപ്പ് ചെയ്യൂ.

  4. താഴെപ്പറയുന്നവയിൽ ഏതെങ്കിലും ചെയ്യൂ:

  5. അയയ്ക്കാൻ അയയ്ക്കൂ ബട്ടൺ ടാപ്പ് ചെയ്യൂ.

    ഒരു സന്ദേശം അയയ്ക്കാൻ കഴിയുന്നില്ലെങ്കിൽ, ഒരു അലേർട്ട് ദൃശ്യമാകും. സന്ദേശം വീണ്ടും അയയ്ക്കാൻ ശ്രമിക്കാൻ ‘അയയ്ക്കാൻ കഴിഞ്ഞില്ല’ ബട്ടൺ ടാപ്പ് ചെയ്യൂ.

ഒരു സംഭാഷണത്തിൽ നിന്നും സംഭാഷണ ലിസ്റ്റിലേക്ക് മടങ്ങാൻ, ‘പിന്നിലേക്ക്’ ബട്ടൺ ടാപ്പ് ചെയ്യൂ.

Apple Intelligence* ഓണാക്കിയിട്ടുണ്ടെങ്കിൽ, നിങ്ങൾക്ക് Genmoji എന്ന് വിളിക്കുന്ന ഇഷ്ടാനുസൃത ഇമോജി സൃഷ്ടിക്കാം. Genmoji ഉപയോഗിച്ച് നിങ്ങളുടെ സ്വന്തം ഇമോജി സൃഷ്ടിക്കൂ എന്നത് കാണൂ.

നിങ്ങൾക്ക് പ്രശ്നങ്ങളുണ്ടെങ്കിൽ, നിങ്ങളുടെ iPhone-ൽ അല്ലെങ്കിൽ iPad-ൽ സന്ദേശങ്ങൾ അയയ്ക്കാനോ സ്വീകരിക്കാനോ കഴിയുന്നില്ലെങ്കിൽ എന്ന Apple പിന്തുണ ലേഖനം കാണൂ.

ഒരു സന്ദേശത്തിന് മറുപടി നൽകൂ

‘സംഭാഷണങ്ങളു’ടെ ലിസ്റ്റിലെ സംഭാഷണത്തിനനുസരിച്ച് സന്ദേശങ്ങൾ ഗ്രൂപ്പ് ചെയ്യുന്നു. ആ സംഭാഷണത്തിലെ ഒന്നോ അതിലധികമോ സന്ദേശങ്ങൾ നിങ്ങൾ ഇതുവരെ വായിച്ചിട്ടില്ലെന്ന് ഒരു ഡോട്ട് സൂചിപ്പിക്കുന്നു.

  1. നിങ്ങളുടെ iPad-ലെ സന്ദേശങ്ങൾ ആപ്പിലേക്ക് പോകൂ.

  2. സംഭാഷണ ലിസ്റ്റിൽ, നിങ്ങൾ പങ്കെടുക്കാൻ ആഗ്രഹിക്കുന്ന സംഭാഷണം ടാപ്പ് ചെയ്യൂ.

  3. ടെക്സ്റ്റ് ഫീൽഡിൽ ടാപ്പ് ചെയ്യൂ, നിങ്ങളുടെ സന്ദേശം സൃഷ്ടിക്കൂ, എന്നിട്ട് നിങ്ങളുടെ സന്ദേശം അയയ്ക്കാൻ അയയ്ക്കൂ ബട്ടൺ ടാപ്പ് ചെയ്യൂ.

Apple Intelligence* ഓണാക്കിയിട്ടുണ്ടെങ്കിൽ, നിങ്ങൾക്ക് ലഭിക്കുന്ന ഒരു സന്ദേശത്തിന് മറുപടി നിർദേശിക്കാൻ നിങ്ങൾക്ക് ഇത് ഉപയോഗിക്കാം. ‘സന്ദേശങ്ങളി’ൽ Apple Intelligence ഉപയോഗിക്കൂ എന്നത് കാണൂ.

നുറുങ്ങ്: ഒരു സന്ദേശം നിങ്ങൾക്ക് എപ്പോൾ അയച്ചുവെന്ന് കണ്ടെത്തൂ. സംഭാഷണത്തിലെ എല്ലാ സന്ദേശങ്ങളുടെയും ടൈംസ്റ്റാമ്പുകൾ കാണാൻ സന്ദേശ ബബിൾ ഇടത്തേക്ക് വലിക്കൂ.

ഒരു നിർദിഷ്ട സന്ദേശത്തിന് ഇൻലൈനിൽ മറുപടി നൽകൂ

ഒരു നിർദിഷ്ട സന്ദേശത്തിന് ഇൻലൈനിൽ നിങ്ങൾക്ക് പ്രതികരിക്കാം. നിങ്ങൾ പ്രതികരിക്കുന്ന സന്ദേശം ഒരു ഇൻലൈൻ മറുപടി ക്വോട്ട് ചെയ്യുന്നു. ഏത് പ്രതികരണം ഏത് സന്ദേശവുമായി ബന്ധപ്പെട്ടതാണെന്ന് വ്യക്തമാക്കിക്കൊണ്ട് ഇത് ഒരു തിരക്കുള്ള സംഭാഷണം ഓർഗനൈസ് ചെയ്യുന്നു.

‘സന്ദേശങ്ങളി’ലെ ഒരു ഗ്രൂപ്പ് സംഭാഷണത്തിൽ ഒരു ഇൻലൈൻ മറുപടി എഴുതുന്നു. സംഭാഷണത്തിലെ മറ്റൊരു വ്യക്തിയെക്കുറിച്ച് പരാമർശിച്ചിരിക്കുന്നതിനാൽ, അവരുടെ പേര് നീല, ബോൾഡ് ടെക്സ്റ്റായി കാണിക്കുന്നു.

  1. നിങ്ങളുടെ iPad-ലെ സന്ദേശങ്ങൾ ആപ്പിലേക്ക് പോകൂ.

  2. സംഭാഷണ ലിസ്റ്റിൽ, നിങ്ങൾ പങ്കെടുക്കാൻ ആഗ്രഹിക്കുന്ന സംഭാഷണം ടാപ്പ് ചെയ്യൂ.

  3. താഴെപ്പറയുന്നവയിലൊന്ന് ചെയ്യൂ:

    • നിങ്ങൾക്ക് മറുപടി നൽകേണ്ട സന്ദേശ ബബിളിൽ വലത്തേക്ക് സ്വൈപ്പ് ചെയ്യൂ.

    • നിങ്ങൾക്ക് മറുപടി നൽകേണ്ട സന്ദേശ ബബിൾ തൊട്ടുപിടിക്കൂ, തുടർന്ന് ‘മറുപടി നൽകൂ’ ടാപ്പ് ചെയ്യൂ.

  4. നിങ്ങളുടെ സന്ദേശം നൽകിയശേഷം അയയ്ക്കൂ ബട്ടൺ ടാപ്പ് ചെയ്യൂ.

    കുറിപ്പ്: ഒരു ഗ്രൂപ്പ് സംഭാഷണത്തിലെ എല്ലാവർക്കും നിങ്ങളുടെ ഇൻലൈൻ മറുപടി കാണാൻ കഴിയും. സ്വകാര്യമായി മറുപടി നൽകാൻ, സംഭാഷണത്തിന്റെ മുകളിലുള്ള നിങ്ങളുടെ ‘ഗ്രൂപ്പ്’ ഐക്കണിൽ ടാപ്പ് ചെയ്യൂ, നിങ്ങൾ സ്വകാര്യമായി സന്ദേശം അയയ്ക്കാൻ ആഗ്രഹിക്കുന്ന വ്യക്തിയുടെ ഐക്കൺ തൊട്ടുപിടിക്കൂ, തുടർന്ന് ‘സന്ദേശം’ എന്നതിൽ ടാപ്പ് ചെയ്യൂ.

  5. പ്രധാന സംഭാഷണത്തിലേക്ക് മടങ്ങാൻ, മങ്ങിയ പശ്ചാത്തലത്തിൽ ടാപ്പ് ചെയ്യൂ.

ഒരു തംബ്സ്-അപ്പ് അല്ലെങ്കിൽ ഹൃദയം പോലുള്ള Tapback ഉപയോഗിച്ച് പ്രതികരിക്കാൻ ഒരു സന്ദേശം തൊട്ടുപിടിക്കൂ.

നുറുങ്ങ്: ഒരു സന്ദേശത്തിന്റെ ഒരു ഭാഗം കോപ്പി ചെയ്യാൻ, സന്ദേശം തൊട്ടുപിടിക്കൂ, ‘സെലക്റ്റ് ചെയ്യൂ’ എന്നതിൽ ടാപ്പ് ചെയ്യൂ, നിങ്ങൾ കോപ്പി ചെയ്യാൻ ആഗ്രഹിക്കുന്ന ടെക്സ്റ്റ് സെലക്റ്റ് ചെയ്യൂ, തുടർന്ന് ‘കോപ്പി ചെയ്യൂ’ എന്നതിൽ ടാപ്പ് ചെയ്യൂ.

നിങ്ങളുടെ ലോക്ക് സ്ക്രീനിൽ നിന്നുള്ള സന്ദേശങ്ങൾക്ക് മറുപടി നൽകൂ

‘സന്ദേശങ്ങൾ’ തുറക്കാതെ നിങ്ങളുടെ ലോക്ക് സ്ക്രീനിലെ സന്ദേശങ്ങൾക്ക് നിങ്ങൾക്ക് മറുപടി നൽകാം. ലോക്ക് സ്ക്രീൻ ഫീച്ചറുകൾ ഓൺ ചെയ്യൂ എന്നത് കാണൂ.

എന്തുകൊണ്ടാണ് ചില ബബിളുകൾ നീലയും മറ്റു ചിലത് പച്ചയും?

iMessage ഉപയോഗിച്ച് ഒരു സന്ദേശം അയയ്ക്കാമെങ്കിൽ, നിങ്ങൾ ഒരു നീല ‘അയയ്ക്കൂ’ അമ്പടയാളം അയയ്ക്കൂ ബട്ടൺ കാണുകയും, സന്ദേശം നീല ബബിളിൽ പ്രത്യക്ഷപ്പെടുകയും ചെയ്യും.

നിങ്ങൾക്ക് iMessage ഉപയോഗിക്കാൻ കഴിയുന്നില്ലെങ്കിൽ (ഉദാഹരണത്തിന്, ഒരു സ്വീകർത്താവ് Apple ഡിവൈസ് ഉപയോഗിക്കാതിരിക്കുമ്പോൾ ഇത് സംഭവിക്കുന്നു), നിങ്ങൾക്ക് എസ്എംഎസ്, എംഎംഎസ്, ആർസിഎസ് എന്നിവ ഉപയോഗിക്കാം. എസ്എംഎസ്, എംഎംഎസ്, ആർസിഎസ് എന്നിവ ഉപയോഗിച്ച് അയച്ച സന്ദേശങ്ങൾ പച്ച ബബിളുകളിൽ ദൃശ്യമാകുന്നു.

കൂടുതൽ വിവരങ്ങൾക്ക്, iMessage, ആർസിഎസ്, എസ്എംഎസ്/എംഎംഎസ് എന്നിവ തമ്മിലുള്ള വ്യത്യാസം എന്താണ്? എന്ന Apple പിന്തുണാ ലേഖനം കാണൂ

കുറിപ്പ്: Apple ഇതര ഡിവൈസുകൾ ഉപയോഗിക്കുന്ന സ്വീകർത്താക്കൾക്ക് നിങ്ങൾ സന്ദേശങ്ങൾ അയയ്ക്കുമ്പോൾ ഉള്ളടക്കം പ്രതീക്ഷിച്ചതുപോലെ ദൃശ്യമാകണമെന്നില്ല.

തത്സമയ വിവർത്തനം ഉപയോഗിക്കൂ

Apple Intelligence* ഓണാക്കിയിട്ടുണ്ടെങ്കിൽ, ‘സന്ദേശങ്ങളി’ലെ ടെക്സ്റ്റ് ഓട്ടോമാറ്റിക്കായി വിവർത്തനം ചെയ്യാൻ നിങ്ങൾക്ക് ഇത് ഉപയോഗിക്കാം. സന്ദേശങ്ങളും കോളുകളും വിവർത്തനം ചെയ്യൂ എന്നത് കാണൂ.

*Apple Intelligence ഇനിപ്പറയുന്ന ഭാഷകൾക്കുള്ള പിന്തുണയുമായി ബീറ്റയിൽ ലഭ്യമാണ്: ഇംഗ്ലീഷ്, ഡാനിഷ്, ഡച്ച്, ഫ്രഞ്ച്, ജർമൻ, ഇറ്റാലിയൻ, നോർവീജിയൻ, പോർച്ചുഗീസ്, സ്പാനിഷ്, സ്വീഡിഷ്, ടർക്കിഷ്, ചൈനീസ് (ലളിതമാക്കിയത്), ചൈനീസ് (പരമ്പരാഗതം), ജാപ്പനീസ്, കൊറിയൻ, വിയറ്റ്നാമീസ്. ചില ഫീച്ചറുകൾ എല്ലാ ഭാഷകളിലും പ്രദേശങ്ങളിലും ലഭ്യമല്ലായിരിക്കാം. ഭാഷ, ഫീച്ചർ ലഭ്യത, സിസ്റ്റം ആവശ്യകതകൾ എന്നിവയെക്കുറിച്ചുള്ള കൂടുതൽ വിവരങ്ങൾക്ക് Apple Intelligence എങ്ങനെ ലഭിക്കും എന്ന Apple പിന്തുണ ലേഖനം കാണൂ.
ഇതും കാണൂiPad-ൽ അയച്ച സന്ദേശങ്ങൾ പിൻവലിക്കുകയും എഡിറ്റ് ചെയ്യുകയും ചെയ്യൂiPad-ലെ ‘സന്ദേശങ്ങളി’ൽ ഒരു ഗ്രൂപ്പ് സംഭാഷണം നടത്തൂiPad-ലെ ‘സന്ദേശങ്ങൾ’ ഉപയോഗിച്ച് പ്രോജക്റ്റുകളിൽ കൂട്ടുപ്രവർത്തനം നടത്തൂ
Morty Proxy This is a proxified and sanitized view of the page, visit original site.
സഹായകമായോ?
കാരക്റ്റർ പരിധി: 250
പരമാവധി കാരക്റ്റർ പരിധി 250 ആണ്.
നിങ്ങളുടെ ഫീഡ്ബാക്കിന് നന്ദി.
Morty Proxy This is a proxified and sanitized view of the page, visit original site.