iPadOS 26
iPadOS 18
ഈ കൺട്രോളിൽ മാറ്റം വരുത്തുന്നത് ഈ പേജ് ഒട്ടോമാറ്റിക്കായി അപ്ഡേറ്റ് ചെയ്യാനിടയാക്കും

iPad-ൽ പ്രവചനാത്മക ടെക്സ്റ്റ് ഉപയോഗിക്കൂ

പ്രവചനാത്മക ടെക്സ്റ്റ് ഉപയോഗിച്ച്, നിങ്ങൾക്ക് കുറച്ച് ടാപ്പുകൾ മാത്രം ഉപയോഗിച്ച് മുഴുവൻ വാക്യങ്ങളും എഴുതാനും പൂർത്തിയാക്കാനുമാകും. നിങ്ങൾ iPad കീബോർഡിൽ ടെക്സ്റ്റ് ടൈപ്പ് ചെയ്യുമ്പോൾ, നിങ്ങൾ അടുത്തതായി ടൈപ്പ് ചെയ്യാൻ സാധ്യതയുള്ള വാക്കുകൾ, ഇമോജി, വിവരങ്ങൾ എന്നിവയ്ക്കുള്ള ചോയ്സുകൾ നിങ്ങൾക്ക് കാണാം (എല്ലാ ഭാഷകൾക്കും ലഭ്യമല്ല). സന്ദേശങ്ങളിൽ, ഉദാഹരണത്തിന്, നിങ്ങൾ ഇതുപോലെ എന്തെങ്കിലും ടൈപ്പ് ചെയ്യുമ്പോൾ:

  • ‘I’m at’ എന്നതിന് ശേഷം ഒരു സ്പേസ് ചേർക്കുമ്പോൾ, നിങ്ങളുടെ നിലവിലെ ലൊക്കേഷൻ ഒരു ഓപ്ഷനായി ദൃശ്യമാകും

  • ‘My number is’ എന്നതിന് ശേഷം ഒരു സ്പേസ് ചേർക്കുമ്പോൾ, നിങ്ങളുടെ ഫോൺ നമ്പർ ഒരു ഓപ്ഷനായി കാണപ്പെടും

നിങ്ങൾ ഇപ്പോൾ ടൈപ്പ് ചെയ്യുന്ന വാക്കോ വാക്യമോ പൂർത്തിയാക്കുന്ന ഇൻലൈൻ പ്രവചനങ്ങളും നിങ്ങൾ കാണുന്നു.

ഇൻലൈൻ ടെക്സ്റ്റ് പ്രവചനങ്ങൾ പ്രയോഗിക്കൂ

നിങ്ങൾ ടൈപ്പ് ചെയ്യുമ്പോൾ, നിങ്ങൾ ടൈപ്പ് ചെയ്യുന്ന വാക്കോ വാക്യമോ പൂർത്തിയാക്കുന്ന പ്രവചനങ്ങൾ ഗ്രേ ടെക്സ്റ്റിൽ ഇൻലൈനിൽ ദൃശ്യമാകും. വാക്കിന്റെയോ വാക്യത്തിന്റെയോ പ്രവചനം സ്വീകരിക്കാൻ ‘സ്പേസ് ബാർ’ ടാപ്പ് ചെയ്യൂ; അത് നിരസിക്കാൻ ടൈപ്പ് ചെയ്യുന്നത് തുടരൂ.

നിങ്ങൾ ഒരു ഇൻലൈൻ പ്രവചനം അംഗീകരിച്ച് പിന്നീട് മനസ്സ് മാറ്റുകയാണെങ്കിൽ, ‘ഡിലീറ്റ്’ കീ ടാപ്പ് ചെയ്ത്, നിങ്ങൾ ടൈപ്പ് ചെയ്യുന്ന പ്രക്രിയയിലായിരുന്ന വാക്കിൽ ടാപ്പ് ചെയ്യൂ.

കുറിപ്പ്: ഇൻലൈൻ പ്രവചനാത്മക ടെക്സ്റ്റ് നിങ്ങളുടെ ഭാഷയിൽ പിന്തുണയ്ക്കപ്പെടുന്നില്ലായിരിക്കാം. iOS, iPadOS ഫീച്ചർ ലഭ്യത എന്നത് കാണൂ.

പ്രവചനാത്മക ടെക്സ്റ്റ് പ്രയോഗിക്കൂ

നിങ്ങൾ ടൈപ്പ് ചെയ്യുമ്പോൾ, നിർദേശിക്കപ്പെട്ട വാക്കുകൾ, ഇമോജി, വിവരങ്ങൾ എന്നിവ ഓൺസ്ക്രീൻ കീബോർഡിന് മുകളിൽ ദൃശ്യമാകും; ഇത് പ്രയോഗിക്കാൻ ഒരു നിർദേശം ടാപ്പ് ചെയ്യൂ.

കുറിപ്പുകൾ ആപ്പിൽ ഓൺസ്ക്രീൻ കീബോർഡ് തുറന്നിരിക്കുന്നു. ടെക്സ്റ്റ് ഫീൽഡിൽ ടെക്സ്റ്റ് നൽകിയിട്ടുണ്ട്, കീബോർഡിന് മുകളിൽ അടുത്ത പദത്തിനായുള്ള പ്രവചനാത്മക ടെക്സ്റ്റ് നിർദേശങ്ങളുണ്ട്.

കുറിപ്പ്: നിർദേശിച്ച ഒരു വാക്ക് നിങ്ങൾ അംഗീകരിക്കുമ്പോൾ, നിർദേശത്തിന് ശേഷം ഒരു സ്പേസ് ഓട്ടോമാറ്റിക്കായി നൽകപ്പെടും. നിങ്ങൾ ഒരു കോമ, ഫുൾസ്റ്റോപ്പ് അല്ലെങ്കിൽ മറ്റ് പങ്ച്വേഷൻ എന്നിവ നൽകിയാൽ, ആ സ്പേസ് ഓട്ടോമാറ്റിക്കായി ഇല്ലാതാക്കപ്പെടും.

നിർദേശങ്ങൾ നിരസിക്കാൻ, നിങ്ങളുടെ ഒറിജിനൽ വാക്കിൽ ടാപ്പ് ചെയ്യൂ (കൊട്ടേഷൻ മാർക്കിനുള്ളിലെ ഓപ്ഷനായി കാണിച്ചിരിക്കുന്നു) അല്ലെങ്കിൽ ടൈപ്പ് ചെയ്യുന്നത് തുടരൂ.

പ്രവചനാത്മക ടെക്സ്റ്റ് ഓഫാക്കുകയോ ഓണാക്കുകയോ ചെയ്യൂ

  • ഒരു ഓൺസ്ക്രീൻ കീബോർഡിൽ: ‘ഇമോജി’ ബട്ടൺ അല്ലെങ്കിൽ ‘കീബോർഡ് സ്വിച്ച് ചെയ്യൂ’ കീ തൊട്ടുപിടിച്ച്, ‘കീബോർഡ് ക്രമീകരണം’ എന്നതിൽ ടാപ്പ് ചെയ്ത്, പ്രവചനാത്മക ടെക്സ്റ്റ് ഓഫ് ചെയ്യുകയോ ഓൺ ചെയ്യുകയോ ചെയ്യൂ.

  • ഒരു എക്സ്റ്റേണൽ കീബോർഡിൽ: ക്രമീകരണം  > പൊതുവായവ > കീബോർഡ് എന്നതിലേക്ക് പോയി, പ്രവചനാത്മക ടെക്സ്റ്റ് ഓഫ് ചെയ്യൂ.

നിങ്ങൾ പ്രവചനാത്മക ടെക്സ്റ്റ് ഓഫ് ചെയ്താലും, iPad തെറ്റായ സ്പെല്ലിങ് ഉള്ള വാക്കുകൾക്ക് തിരുത്തലുകൾ നിർദേശിക്കാൻ ശ്രമിച്ചേക്കാം. ഒരു തിരുത്തൽ അംഗീകരിക്കാൻ, ഒരു സ്പേസ് അല്ലെങ്കിൽ പങ്ച്വേഷൻ നൽകൂ, അല്ലെങ്കിൽ റിട്ടേൺ എന്നതിൽ ടാപ്പ് ചെയ്യൂ. ഒരു തിരുത്തൽ നിരസിക്കാൻ, ‘x’ ടാപ്പ് ചെയ്യൂ. ഇതേ നിർദേശം നിങ്ങൾ കുറച്ച് തവണ നിരസിക്കുകയാണെങ്കിൽ, iPad അത് നിർദേശിക്കുന്നത് നിർത്തുന്നു.

കുറിപ്പ്: പ്രവചനാത്മക ടെക്സ്റ്റ് ക്രമീകരണം ഓഫ് ചെയ്യുന്നത് പ്രവചനാത്മക ടെക്സ്റ്റും ഇൻലൈൻ ടെക്സ്റ്റ് പ്രവചനങ്ങളും ഓഫ് ചെയ്യും.

ഇതും കാണൂiPad-ലെ ടെക്സ്റ്റ് പകരംവയ്ക്കലുകൾ ഉപയോഗിച്ച് കീസ്ട്രോക്കുകൾ സേവ് ചെയ്യൂiPad-ൽ ടെക്സ്റ്റ് ‘കേട്ടെഴുതൂ’
Morty Proxy This is a proxified and sanitized view of the page, visit original site.
സഹായകമായോ?
കാരക്റ്റർ പരിധി: 250
പരമാവധി കാരക്റ്റർ പരിധി 250 ആണ്.
നിങ്ങളുടെ ഫീഡ്ബാക്കിന് നന്ദി.
Morty Proxy This is a proxified and sanitized view of the page, visit original site.