iOS 26
iOS 18
ಈ ನಿಯಂತ್ರಣವನ್ನು ಮಾರ್ಪಡಿಸುವುದರಿಂದ ಈ ಪುಟವು ಸ್ವಯಂಚಾಲಿತವಾಗಿ ಅಪ್‌ಡೇಟ್ ಆಗುತ್ತದೆ

iOS 26ನಲ್ಲಿ ಹೊಸತೇನಿದೆ

ಲಾಕ್ ಸ್ಕ್ರೀನ್. ಲಾಕ್ ಸ್ಕ್ರೀನ್ ಫೋಟೋ ಅಥವಾ ವಾಲ್‌ಪೇಪರ್ ಆಧರಿಸಿ ಸಮಯವು ಕ್ರಿಯಾತ್ಮಕವಾಗಿ ತನ್ನ ಸ್ಥಾನವನ್ನು ಹೊಂದಿಕೊಳ್ಳುತ್ತದೆ ಮತ್ತು ಯಾವಾಗಲೂ ವ್ಯಕ್ತಿ ಅಥವಾ ಸಾಕುಪ್ರಾಣಿಯನ್ನು ವ್ಯೂನಲ್ಲಿರಿಸುತ್ತದೆ. ನೀವು ನಿಮ್ಮ iPhone ಅನ್ನು ಮೂವ್ ಮಾಡಿದಾಗ, ನಿಮ್ಮ ಲಾಕ್ ಸ್ಕ್ರೀನ್ ಫೋಟೋ ಹೊಸ 3D ಎಫೆಕ್ಟ್‌ನಿಂದ ಜೀವಂತಿಕೆಯನ್ನು ಪಡೆಯುತ್ತದೆ. ಕಸ್ಟಮ್ iPhone ಲಾಕ್ ಸ್ಕ್ರೀನ್ ಅನ್ನು ರಚಿಸಿ ಅನ್ನು ನೋಡಿ.

iPhone ಲಾಕ್ ಸ್ಕ್ರೀನ್.

ಹೋಮ್ ಸ್ಕ್ರೀನ್. ನಿಮ್ಮ ಹೋಮ್ ಸ್ಕ್ರೀನ್‌ನಲ್ಲಿರುವ ಆ್ಯಪ್ ಐಕಾನ್‌ಗಳು ಹೊಸ ನೋಟವನ್ನು ಹೊಂದಿದ್ದು, ನೀವು ಅವುಗಳನ್ನು ಬೇರೆಬೇರೆ ಬಣ್ಣಗಳಿಂದ ಟಿಂಟ್ ಮಾಡಬಹುದು ಅಥವಾ ಲೈಟ್, ಡಾರ್ಕ್ ಅಥವಾ ಸ್ಪಷ್ಟ ಎಂದು ಸೆಟ್ ಮಾಡಬಹುದು. iPhone ಹೋಮ್ ಸ್ಕ್ರೀನ್‌ನಲ್ಲಿನ ಆ್ಯಪ್‌ಗಳು ಮತ್ತು ವಿಜೆಟ್‌ಗಳನ್ನು ಕಸ್ಟಮೈಸ್ ಮಾಡಿ ಅನ್ನು ನೋಡಿ.

ಟಿಂಟೆಡ್ ಆ್ಯಪ್ ಐಕಾನ್‌ಗಳನ್ನು ಹೊಂದಿರುವ iPhone ಹೋಮ್ ಸ್ಕ್ರೀನ್.

Apple Intelligence. *ಈಗಾಗಲೇ ಇರುವ ಎಮೋಜಿ, ಎಮೋಜಿ ಸಂಯೋಜನೆಗಳು ಅಥವಾ ವಿವರಣಾತ್ಮಕ ಪಠ್ಯವನ್ನು ಬಳಸಿ ಕಸ್ಟಮ್ Genmoji ರಚಿಸಿ. ನಿಮ್ಮ ಫೋಟೋಗಳ ಲೈಬ್ರರಿಯಿಂದ ಜನರಿಗೆ ಅನುಗುಣವಾಗಿ Genmoji ಮತ್ತು Image Playground ರಚನೆಗಳ ನೋಟ ಮತ್ತು ಮುಖಭಾವಗಳನ್ನು ಬದಲಾಯಿಸಿ. ನಿಮ್ಮ ಸಂದೇಶ ಆ್ಯಪ್‌ನ ಸಂಭಾಷಣೆಗಳಿಗಾಗಿ ಕಸ್ಟಮ್ ಹಿನ್ನೆಲೆಗಳನ್ನು ವಿನ್ಯಾಸ ಮಾಡಿ. ಲೈವ್ ಅನುವಾದವು ಸಂದೇಶ ಆ್ಯಪ್‌ನಲ್ಲಿನ ಪಠ್ಯಗಳನ್ನು ಸ್ವಯಂಚಾಲಿತವಾಗಿ ಅನುವಾದಿಸುತ್ತದೆ, ಲೈವ್ ಅನುವಾದಿತ ಕ್ಯಾಪ್ಶನ್‌ಗಳನ್ನು FaceTime ಕರೆಗಳಲ್ಲಿ ತೋರಿಸುತ್ತದೆ ಮತ್ತು ಫೋನ್ ಕರೆಗಳಿಗೆ ಮಾತಿನ ರೂಪದ ಅನುವಾದಗಳನ್ನು ಒದಗಿಸುತ್ತದೆ. ನಿಮ್ಮ iPhone ಸ್ಕ್ರೀನ್‌ನಲ್ಲಿ ನೀವು ಯಾವುದನ್ನು ನೋಡುತ್ತಿದ್ದೀರೋ ಅದರ ಕುರಿತು ಇನ್ನಷ್ಟು ತಿಳಿದುಕೊಳ್ಳಲು ವಿಷುವಲ್ ಇಂಟೆಲಿಜೆನ್ಸ್ ಬಳಸಿ. iPhoneನಲ್ಲಿ Image Playground ಜೊತೆಗೆ ಮೂಲ ಚಿತ್ರಗಳನ್ನು ರಚಿಸಿ, iPhoneನಲ್ಲಿ Genmojiಯೊಂದಿಗೆ ನಿಮ್ಮ ಸ್ವಂತ ಎಮೋಜಿಯನ್ನು ರಚಿಸುವುದು, Image Playgroundನೊಂದಿಗೆ ನೈಜ ಹಿನ್ನೆಲೆಗಳನ್ನು ರಚಿಸುವುದು ಮತ್ತು ಎಡಿಟ್ ಮಾಡುವುದು, iPhoneನಲ್ಲಿ ಸಂದೇಶಗಳು, ಕರೆಗಳು ಮತ್ತು ಸಂಭಾಷಣೆಗಳನ್ನು ಅನುವಾದಿಸುವುದು ಮತ್ತು ನಿಮ್ಮ iPhone ಸ್ಕ್ರೀನ್‌ನಲ್ಲಿರುವ ಕಂಟೆಂಟ್ ಬಗ್ಗೆ ಇನ್ನಷ್ಟು ತಿಳಿಯಿರಿ ಅನ್ನು ನೋಡಿ.

ಫೋನ್ ಆ್ಯಪ್‌ನಲ್ಲಿ ಜರ್ಮನ್‌ ಭಾಷೆಯಿಂದ ಇಂಗ್ಲಿಷ್‌ ಭಾಷೆಗೆ ಅನುವಾದಿಸಲಾದ ಸಂಭಾಷಣೆಯನ್ನು ತೋರಿಸುತ್ತಿರುವ ಫೋನ್ ಕರೆ.

ಕ್ಯಾಮರಾ. ಸರಳೀಕೃತ ವಿನ್ಯಾಸವು ತ್ವರಿತ ಆ್ಯಕ್ಸೆಸ್‌ಗಾಗಿ ಫೋಟೋ ಮತ್ತು ವೀಡಿಯೊ ಮೋಡ್‌ಗಳನ್ನು ಹೈಲೈಟ್ ಮಾಡುತ್ತದೆ, ಹಾಗೂ ಇತರೆ ಕ್ಯಾಮರಾ ಮೋಡ್‌ಗಳು ಕೇವಲ ಒಂದು ಸ್ವೈಪ್‌ನಲ್ಲಿ ಲಭ್ಯವಿರುತ್ತವೆ. ಕ್ಯಾಮರಾ ಕಂಟ್ರೋಲ್‌ಗಳನ್ನು ಈಗ ಸ್ಕ್ರೀನ್ ಮೇಲೆ ಒಟ್ಟಿಗೆ ಗುಂಪುಮಾಡಲಾಗಿದ್ದು, ನಿಮ್ಮ ಕ್ಯಾಮರಾ ಸೆಟ್ಟಿಂಗ್ಸ್ ಅನ್ನು ಕ್ಷಣಾರ್ಧದಲ್ಲಿ ಸುಲಭವಾಗಿ ಸರಿಹೊಂದಿಸಬಹುದು. ಕ್ಯಾಮರಾ ಮೋಡ್‌ಗಳ ನಡುವೆ ಬದಲಾಯಿಸಿ ಮತ್ತು ನಿಮ್ಮ ಶಾಟ್ ಅನ್ನು ಸೆಟಪ್ ಮಾಡಲು iPhone ಕ್ಯಾಮರಾ ಟೂಲ್‌ಗಳನ್ನು ಬಳಸುವುದು ಅನ್ನು ನೋಡಿ.

ಫೋಟೋ ಮೋಡ್‌ನಲ್ಲಿರುವ ಕ್ಯಾಮರಾ. ಸ್ಕ್ರೀನ್‌ನ ಕೆಳಭಾಗದಲ್ಲಿ ಈ ಕೆಳಗಿನ ಕ್ಯಾಮರಾ ಕಂಟ್ರೋಲ್‌ಗಳಿಗಾಗಿ ಬಟನ್‌ಗಳಿವೆ: ಫ್ಲ್ಯಾಶ್, ಲೈವ್, ಟೈಮರ್, ಎಕ್ಸ್‌ಪೋಶರ್, ಶೈಲಿಗಳು ಮತ್ತು ದೃಶ್ಯಾನುಪಾತ.

ಫೋನ್. ನಿಮ್ಮ ಫೋನ್ ರಿಂಗ್ ಆಗುವ ಮೊದಲೇ ಅಗತ್ಯ ಮಾಹಿತಿಯನ್ನು ಸಂಗ್ರಹಿಸುವ ಕರೆ ಸ್ಕ್ರೀನಿಂಗ್‌ನೊಂದಿಗೆ ಅಪರಿಚಿತ ಸಂಖ್ಯೆಗಳಿಂದ ಅಡಚಣೆಯಾಗುವುದನ್ನು ತಪ್ಪಿಸಿ, ಇದರಿಂದ ನೀವು ಕರೆಗೆ ಉತ್ತರಿಸಬೇಕೇ ಅಥವಾ ನಿರಾಕರಿಸಬೇಕೇ, ಅಥವಾ ಹೆಚ್ಚಿನ ಮಾಹಿತಿಯನ್ನು ಕೇಳಬೇಕೇ ಎಂಬುದರ ಕುರಿತು ತಿಳುವಳಿಕೆಯುಳ್ಳ ನಿರ್ಧಾರವನ್ನು ತೆಗೆದುಕೊಳ್ಳಬಹುದು. ನಿಮಗಾಗಿ ಹೋಲ್ಡ್‌ನಲ್ಲಿ ಕಾಯಲು ಮತ್ತು ನಂತರ ಕರೆಗೆ ಹಿಂತಿರುಗುವ ಸಮಯ ಬಂದಾಗ ನಿಮಗೆ ನೋಟಿಫಿಕೇಷನ್ ಕಳುಹಿಸಲು ಹೋಲ್ಡ್ ಅಸಿಸ್ಟ್ ಬಳಸಿ. iPhoneನಲ್ಲಿ ಕರೆಗಳನ್ನು ಸ್ಕ್ರೀನ್ ಮಾಡುವುದು ಮತ್ತು ಬ್ಲಾಕ್ ಮಾಡುವುದು ಮತ್ತು ನೀವು ಹೋಲ್ಡ್ ಮಾಡಿರದಿದ್ದಾಗ ನೋಟಿಫಿಕೇಷನ್ ಅನ್ನು ಸ್ವೀಕರಿಸುವುದು ಅನ್ನು ನೋಡಿ.

ಫೋನ್ ಆ್ಯಪ್ iPhone ಸ್ಕ್ರೀನ್‌ನಲ್ಲಿ ಪ್ರಗತಿಯಲ್ಲಿರುವ ಕರೆಯನ್ನು ತೋರಿಸುತ್ತದೆ. ಕರೆಯನ್ನು ಹೋಲ್ಡ್ ಮಾಡಬೇಕೇ ಮತ್ತು ಅದನ್ನು ಯಾವಾಗ ಉತ್ತರಿಸಬೇಕೆಂದು ಸೂಚಿಸಬೇಕೇ ಎಂದು ಕೇಳುವ ನೋಟಿಫಿಕೇಷನ್ ಸ್ಕ್ರೀನ್‌ನ ಮಧ್ಯದಲ್ಲಿ ಇರುತ್ತದೆ. ನೋಟಿಫಿಕೇಷನ್ ಒಳಗೆ ಹೋಲ್ಡ್ ಬಟನ್ ಮತ್ತು ಮುಚ್ಚಿ ಬಟನ್ ಇರುತ್ತವೆ.

ಸಂದೇಶ. ಅಪರಿಚಿತ ಸಂಖ್ಯೆಗಳಿಂದ ಬರುವ ಸಂದೇಶಗಳನ್ನು ನಿಮ್ಮ ಸಂಭಾಷಣೆ ಪಟ್ಟಿಯ ಪ್ರತ್ಯೇಕ ಸ್ಥಳಕ್ಕೆ ಫಿಲ್ಟರ್ ಮಾಡಲಾಗುತ್ತದೆ, ಅದನ್ನು ನೀವು ಪರಿಶೀಲಿಸಬಹುದು ಮತ್ತು ಅನುಮೋದಿಸಬಹುದು. ಡೈನಾಮಿಕ್ ಹಿನ್ನೆಲೆಗಳು, ನಿಮ್ಮದೇ ಫೋಟೋಗಳು ಅಥವಾ Image Playgroundನಲ್ಲಿ ನೀವು ರಚಿಸುವ ಹಿನ್ನೆಲೆಗಳನ್ನು ಬಳಸಿಕೊಂಡು ಸಂಭಾಷಣೆಗಳನ್ನು ಪ್ರತಿಯೊಬ್ಬರೂ ಆನಂದಿಸುವಂತೆ ವೈಯಕ್ತೀಕರಿಸಲು ಹಿನ್ನೆಲೆಗಳು ನಿಮಗೆ ಅನುಮತಿಸುತ್ತವೆ. ಗುಂಪು ಸಂಭಾಷಣೆಗಳಲ್ಲಿ, ನೀವು ನಿರ್ಧಾರಗಳನ್ನು ತೆಗೆದುಕೊಳ್ಳುವುದಕ್ಕೆ ಸಹಾಯ ಮಾಡಲು ಸಮೀಕ್ಷೆಗಳನ್ನು ರಚಿಸಬಹುದು, Apple Cash ಬಳಸಿ ಹಣವನ್ನು ಕಳುಹಿಸಬಹುದು ಮತ್ತು ಟೈಪಿಂಗ್ ಸೂಚಕಗಳನ್ನು ನೋಡಬಹುದು. iPhoneನಲ್ಲಿ ಪಠ್ಯ ಸಂದೇಶಗಳನ್ನು ಸ್ಕ್ರೀನ್ ಮಾಡುವುದು ಮತ್ತು ಫಿಲ್ಟರ್ ಮಾಡುವುದು, iPhoneನಲ್ಲಿನ ಸಂದೇಶ ಆ್ಯಪ್‌ನಲ್ಲಿ ಹಿನ್ನೆಲೆಗಳನ್ನು ಸೇರಿಸುವುದು, ಸಂದೇಶ ಆ್ಯಪ್‌ನಲ್ಲಿ Apple Cash ಮೂಲಕ ಪಾವತಿಗಳನ್ನು ಕಳುಹಿಸುವುದು, ವಿನಂತಿಸುವುದು ಮತ್ತು ಸ್ವೀಕರಿಸುವುದು ಮತ್ತು iPhoneನಲ್ಲಿನ ಸಂದೇಶ ಆ್ಯಪ್‌ನಲ್ಲಿ ಜನರನ್ನು ಸಮೀಕ್ಷೆ ಮಾಡುವುದು ಅನ್ನು ನೋಡಿ.

ಡೈನಾಮಿಕ್ ಹಿನ್ನೆಲೆಯನ್ನು ಹೊಂದಿರುವ ಸಂದೇಶ ಆ್ಯಪ್‌ನ ಸಂಭಾಷಣೆ.

ಫೋಟೋಸ್. ಅಪ್‌ಡೇಟ್ ಆಗಿರುವ ವಿನ್ಯಾಸವು ನಿಮ್ಮ ಲೈಬ್ರರಿ ಮತ್ತು ಸಂಗ್ರಹಗಳ ನಡುವೆ ಬದಲಾಯಿಸುವುದನ್ನು ಸುಲಭಗೊಳಿಸುತ್ತದೆ. ಸಂಗ್ರಹಗಳು ಹೇಗೆ ಕಾಣಿಸಬೇಕೆಂದು ನೀವೀಗ ಕಸ್ಟಮೈಸ್ ಮಾಡಬಹುದು—ಅವುಗಳನ್ನು ಮರುಕ್ರಮಗೊಳಿಸಿ, ಯಾವುವನ್ನು ಪಿನ್ ಮಾಡಬೇಕೆಂದು ಆರಿಸಿ ಮತ್ತು ಮೂರು ಡಿಸ್‌ಪ್ಲೇ ಗಾತ್ರಗಳಿಂದ ಒಂದನ್ನು ಆಯ್ಕೆಮಾಡಿ: ದೊಡ್ಡ ಟೈಲ್‌ಗಳು, ದಟ್ಟ ಗ್ರಿಡ್ ಅಥವಾ ಮೇಲಿನ ಸಾಲನ್ನು ಹೈಲೈಟ್ ಮಾಡುವ ಲೇಔಟ್. iPhoneನಲ್ಲಿ ನಿಮ್ಮ ಫೋಟೋ ಲೈಬ್ರರಿಯನ್ನು ಬ್ರೌಸ್ ಮಾಡಿ ಮತ್ತು iPhoneನಲ್ಲಿ ನಿಮ್ಮ ಫೋಟೋ ಸಂಗ್ರಹಗಳನ್ನು ಬ್ರೌಸ್ ಮಾಡುವುದು ಅನ್ನು ನೋಡಿ.

ಫೋಟೋಸ್ ಆ್ಯಪ್‌ನಲ್ಲಿರುವ ಲೈಬ್ರರಿ ಸ್ಕ್ರೀನ್.

ನಕ್ಷೆ. ಕೆಲಸ ಅಥವಾ ಮನೆಯಂತಹ ನೀವು ಆಗಾಗ ಭೇಟಿ ನೀಡುವ ಸ್ಥಳಗಳಿಗೆ ಹೋಗುವ ನಿಮ್ಮ ಆದ್ಯತೆಯ ಮಾರ್ಗಗಳನ್ನು ನಕ್ಷೆ ತಿಳಿದುಕೊಳ್ಳುತ್ತದೆ. ನಕ್ಷೆಯು ನೀವು ಹೊರಡುವ ಮೊದಲು ನಿಮ್ಮ ಆದ್ಯತೆಯ ಮಾರ್ಗದ ಪರಿಸ್ಥಿತಿಗಳಾದ ಟ್ರಾಫಿಕ್ ವಿಳಂಬ ಅಥವಾ ರಸ್ತೆ ಮುಚ್ಚಿರುವುದರ ಬಗ್ಗೆ ನಿಮಗೆ ತಿಳಿಸುತ್ತದೆ ಮತ್ತು ನಿಮಗೆ ಪರ್ಯಾಯ ಮಾರ್ಗದ ಸಲಹೆಯನ್ನು ನೀಡುತ್ತದೆ. ನೀವು ಭೇಟಿ ನೀಡಿದ ಸ್ಥಳಗಳನ್ನು ಟ್ರ್ಯಾಕ್ ಮಾಡಲು, ಭೇಟಿ ನೀಡಿದ ಸ್ಥಳಗಳು ಎಂಬುದನ್ನು ಬಳಸಿ, ಇದರಿಂದ ನೀವು ಅವುಗಳನ್ನು ನಂತರ ನೆನಪಿಸಿಕೊಳ್ಳಬಹುದು ಮತ್ತು ಸ್ನೇಹಿತರು ಅಥವಾ ಕುಟುಂಬದವರೊಂದಿಗೆ ಹಂಚಿಕೊಳ್ಳಬಹುದು. iPhoneನಲ್ಲಿನ ನಕ್ಷೆ ಆ್ಯಪ್‌ನಲ್ಲಿ ಡ್ರೈವಿಂಗ್ ಮಾರ್ಗ ನಿರ್ದೇಶನಗಳನ್ನು ಪಡೆಯುವುದು ಮತ್ತು iPhoneನಲ್ಲಿನ ನಕ್ಷೆ ಆ್ಯಪ್‌ನಲ್ಲಿ ಭೇಟಿ ನೀಡಿದ ಸ್ಥಳಗಳನ್ನು ನೋಡುವುದು ಮತ್ತು ನಿರ್ವಹಿಸುವುದು ಅನ್ನು ನೋಡಿ.

ನಕ್ಷೆ ಆ್ಯಪ್‌ನಲ್ಲಿನ ಭೇಟಿ ನೀಡಿದ ಸ್ಥಳಗಳ ಸ್ಕ್ರೀನ್.

ಗೇಮ್ಸ್. ನೀವು ಆಡುತ್ತಿರುವ ಎಲ್ಲಾ ಗೇಮ್‌ಗಳನ್ನು ಟ್ರ್ಯಾಕ್ ಮಾಡಲು, ಹೊಸದನ್ನು ಅನ್ವೇಷಿಸಲು, ಸೂಕ್ತವಾದ ಶಿಫಾರಸುಗಳನ್ನು ಸ್ವೀಕರಿಸಲು ಮತ್ತು ಸ್ನೇಹಿತರೊಂದಿಗೆ ಸವಾಲುಗಳನ್ನು ಒಪ್ಪಿಕೊಳ್ಳಲು ಹೊಸ ಆ್ಯಪ್‌. iPhoneನಲ್ಲಿ Apple Games ಆ್ಯಪ್‌ನ ಬಳಕೆಯನ್ನು ಪ್ರಾರಂಭಿಸುವುದು ಅನ್ನು ನೋಡಿ.

Apple Games ಆ್ಯಪ್‌ ಹೋಮ್ ಟ್ಯಾಬ್ ಅನ್ನು ತೋರಿಸುತ್ತಿದೆ, ಇದು ವಿಶೇಷ ಇವೆಂಟ್, ಆಡುವುದನ್ನು ಮುಂದುವರಿಸಬೇಕಾದ ಗೇಮ್‌ಗಳು ಮತ್ತು ಹೊಸ ಬಿಡುಗಡೆಗಳನ್ನು ತೋರಿಸುತ್ತಿದೆ.

ಆಡಿಯೊ ರೆಕಾರ್ಡಿಂಗ್. ವೀಡಿಯೊ ಕಾನ್ಫರೆನ್ಸ್ ಕರೆಗಳ ಸಮಯದಲ್ಲಿ ಮತ್ತು ಕ್ಯಾಮರಾದೊಂದಿಗೆ ಅಧಿಕ ಗುಣಮಟ್ಟದ ಆಡಿಯೊ ಮತ್ತು ವೀಡಿಯೊವನ್ನು ಕ್ಯಾಪ್ಚರ್ ಮಾಡಿ. ಹೊಸ ಇನ್‌ಪುಟ್ ಚೂಸರ್ ಕ್ರಿಯೇಟರ್‌ಗಳಿಗೆ ಪ್ರತಿಯೊಂದು ಆ್ಯಪ್‌ಗೆ ಸರಿಯಾದ ಮೈಕ್ರೋಫೋನ್ ಅನ್ನು ಆಯ್ಕೆ ಮಾಡುವುದನ್ನು ಸುಲಭಗೊಳಿಸುತ್ತದೆ. iPhoneನಲ್ಲಿ ಆಡಿಯೊ ಮತ್ತು ವೀಡಿಯೊವನ್ನು ರೆಕಾರ್ಡ್ ಮಾಡುವುದು ಅನ್ನು ನೋಡಿ.

FaceTime ಕರೆಯ ಆಡಿಯೊ ಇನ್‌ಪುಟ್ ಸೋರ್ಸ್ ಅನ್ನು ಆಯ್ಕೆ ಮಾಡಲು ಕಂಟ್ರೋಲ್‌ಗಳು.

ಸಂಗೀತ. AutoMix ಡಿಜೆಯಂತೆಯೇ ಒಂದು ಹಾಡನ್ನು ಇನ್ನೊಂದು ಹಾಡಿಗೆ ತಡೆರಹಿತವಾಗಿ ಸಂಯೋಜಿಸುತ್ತದೆ. iPhoneನಲ್ಲಿನ ಸಂಗೀತ ಆ್ಯಪ್‌ನಲ್ಲಿ ಸೌಂಡ್ ಗುಣಮಟ್ಟವನ್ನು ಸರಿಹೊಂದಿಸುವುದು ಅನ್ನು ನೋಡಿ.

ರಿಮೈಂಡರ್ಸ್ ಆ್ಯಪ್.(iOS 26.2) ರಿಮೈಂಡರ್‌ನ ಸಮಯಕ್ಕೆ ನಿಮಗೆ ಅಲರ್ಟ್ ಮಾಡುವ ಅಲಾರಂ ಸೆಟ್ ಮಾಡಲು ಆ ರಿಮೈಂಡರ್ ಅನ್ನು ತುರ್ತು ಎಂದು ಗುರುತುಮಾಡಿ. iPhoneನಲ್ಲಿನ ರಿಮೈಂಡರ್ಸ್ ಆ್ಯಪ್‌ನಲ್ಲಿ ವಿವರಗಳನ್ನು ಸೇರಿಸುವುದು ಅನ್ನು ನೋಡಿ.

ವಾಲೆಟ್.ನೀವು ವಾಲೆಟ್‌ನಲ್ಲಿ ಸೇವ್ ಮಾಡುವ ಬೋರ್ಡಿಂಗ್ ಪಾಸ್‌ಗಳು ನಿಮ್ಮ ವಿಮಾನ ಮತ್ತು ವಿಮಾನ ನಿಲ್ದಾಣಕ್ಕೆ ಸಂಬಂಧಿಸಿದ ಮಾಹಿತಿಗೆ ಹಾಗೂ ಏರ್‌ಲೈನ್ ಆ್ಯಪ್‌ ಫೀಚರ್‌ಗಳಿಗೆ ಆ್ಯಕ್ಸೆಸ್ ಅನ್ನು ಒದಗಿಸುತ್ತವೆ. iPhoneನಲ್ಲಿರುವ ವಾಲೆಟ್‌ನಲ್ಲಿ ಪಾಸ್‌ಗಳನ್ನು ಬಳಸುವುದು ಅನ್ನು ನೋಡಿ.

ವಾಲೆಟ್ ಆ್ಯಪ್‌ನಲ್ಲಿರುವ ಬೋರ್ಡಿಂಗ್ ಪಾಸ್, ಕೆಳಭಾಗದಲ್ಲಿ ವಿಮಾನದ ಮಾಹಿತಿ ಮತ್ತು QR ಕೋಡ್ ಅನ್ನು ತೋರಿಸುತ್ತದೆ.

ಡಿಜಿಟಲ್ ID.(iOS 26.1) ದೇಶೀಯ ಪ್ರಯಾಣಕ್ಕಾಗಿ ವಿಮಾನ ನಿಲ್ದಾಣಗಳಲ್ಲಿನ TSA ಚೆಕ್‌ಪಾಯಿಂಟ್‌ಗಳಲ್ಲಿ ಪ್ರಸ್ತುತಪಡಿಸಬಹುದಾದ, ಅಥವಾ ವಯಸ್ಸಿನ ದೃಢೀಕರಣದ ಅಗತ್ಯವಿರುವ ಬೆಂಬಲಿತ ಆ್ಯಪ್‌ಗಳು ಅಥವಾ ವೆಬ್‌ಸೈಟ್‌ಗಳಲ್ಲಿ ಪ್ರಸ್ತುತಪಡಿಸಬಹುದಾದ ಪಾಸ್‌ಪೋರ್ಟ್ ದೃಢೀಕರಿಸಿದ IDಯಾದ ಡಿಜಿಟಲ್ IDಯನ್ನು ವಾಲೆಟ್‌ನಲ್ಲಿ ರಚಿಸಿ. ಡಿಜಿಟಲ್ IDಯನ್ನು ಸೇರಿಸುವುದು (U. S. ಮಾತ್ರ) ಅನ್ನು ನೋಡಿ.

ಪ್ರಿವ್ಯೂ. ಪ್ರಿವ್ಯೂ ಆ್ಯಪ್‌ ಈಗ iPhoneನಲ್ಲಿ ಲಭ್ಯವಿದ್ದು ನೀವು PDF ಡಾಕ್ಯು‌ಮಂಟ್‌ಗಳು ಮತ್ತು ಚಿತ್ರಗಳನ್ನು ಸುಲಭವಾಗಿ ನೋಡಬಹುದು, ಎಡಿಟ್ ಮಾಡಬಹುದು ಮತ್ತು ಹಂಚಿಕೊಳ್ಳಬಹುದು. ಪ್ರಿವ್ಯೂನಲ್ಲಿ ಡಾಕ್ಯುಮಂಟ್‌ಗಳನ್ನು ಸ್ಕ್ಯಾನ್ ಮಾಡಿ, ಪ್ರಿವ್ಯೂನಲ್ಲಿ ಫಾರ್ಮ್‌ಗಳನ್ನು ತ್ವರಿತವಾಗಿ ಭರ್ತಿ ಮಾಡಲು ಸ್ವಯಂ ಭರ್ತಿ ಎಂಬುದನ್ನು ಬಳಸಿ ಮತ್ತು PDFಗಳು ಮತ್ತು ಚಿತ್ರಗಳನ್ನು ವಿವಿಧ ಫೈಲ್ ಪ್ರಕಾರಗಳು ಅಥವಾ ಗಾತ್ರಗಳಲ್ಲಿ ಎಕ್ಸ್‌ಪೋರ್ಟ್ ಮಾಡಿ. iPhoneನಲ್ಲಿ ಪ್ರಿವ್ಯೂ ಬಳಕೆಯನ್ನು ಪ್ರಾರಂಭಿಸುವುದು ಅನ್ನು ನೋಡಿ.

ಪ್ರಿವ್ಯೂ ಆ್ಯಪ್‌ನಲ್ಲಿರುವ ಡಾಕ್ಯುಮಂಟ್ ಬ್ರೌಸರ್. ಸ್ಕ್ರೀನ್‌ನ ಮಧ್ಯಭಾಗದಲ್ಲಿ ಹೊಸ ಡಾಕ್ಯುಮಂಟ್, ಡಾಕ್ಯುಮಂಟ್‌ಗಳನ್ನು ಸ್ಕ್ಯಾನ್ ಮಾಡಿ, ಇನ್ನಷ್ಟು ಮತ್ತು ಹುಡುಕಿ ಎಂಬ ಬಟನ್‌ಗಳಿವೆ. ಸ್ಕ್ರೀನ್‌ನ ಕೆಳಭಾಗದಲ್ಲಿ ಇತ್ತೀಚಿನವುಗಳು, ಹಂಚಿಕೊಂಡಿರುವುದು ಮತ್ತು ಬ್ರೌಸ್ ಮಾಡಿ ಬಟನ್‌ಗಳಿವೆ.

ಗಡಿಯಾರ. ನಿಮ್ಮ ಆದ್ಯತೆಯ ನಿದ್ರೆಯ ಅಭ್ಯಾಸಗಳಿಗೆ ಹೊಂದಾಣಿಕೆಯಾಗುವಂತೆ ನಿಮ್ಮ ದೈನಂದಿನ ಅಲಾರಂಗಾಗಿ ಕಸ್ಟಮ್ ಸ್ನೂಝ್ ಸಮಯವನ್ನು ಸೆಟ್ ಮಾಡಿ. ಅಲಾರಂ ಅನ್ನು ಸೆಟ್ ಮಾಡಿ ಅನ್ನು ನೋಡಿ.

ಗಡಿಯಾರ ಆ್ಯಪ್‌ನಲ್ಲಿನ ಅಲಾರಂ ಸೇರಿಸಿ ಸ್ಕ್ರೀನ್. ಸ್ನೂಝ್ ಅನ್ನು ಆನ್ ಮಾಡಲಾಗಿದೆ ಮತ್ತು ಸ್ನೂಝ್ ಅವಧಿಯನ್ನು 12 ನಿಮಿಷಗಳ ಕಸ್ಟಮ್ ಸಮಯಕ್ಕೆ ಸೆಟ್ ಮಾಡಲಾಗಿದೆ.

ಆ್ಯಕ್ಸೆಸಬಿಲಿಟಿ.ಟಿಪ್ಪಣಿ ತೆಗೆದುಕೊಳ್ಳುವಿಕೆ, ಡಾಕ್ಯು‌ಮಂಟ್ ಓದುವಿಕೆ, ಲೈವ್ ಕ್ಯಾಪ್ಶನ್‌ಗಳಿಗೆ ಆ್ಯಕ್ಸೆಸ್ ಮತ್ತು ಇನ್ನೂ ಹೆಚ್ಚಿನದನ್ನು ಸಕ್ರಿಯಗೊಳಿಸುವ ಸಂಪರ್ಕಿತ ಬ್ರೇಲ್ ಡಿಸ್‌ಪ್ಲೇಯೊಂದಿಗೆ, ಬ್ರೇಲ್ ಬಳಕೆದಾರರಿಗಾಗಿ ವಿನ್ಯಾಸಗೊಳಿಸಲಾದ ಹೊಚ್ಚ ಹೊಸ ಅನುಭವವನ್ನು ಬ್ರೇಲ್ ಆ್ಯಕ್ಸೆಸ್ ಪರಿಚಯಿಸುತ್ತದೆ. ಚಲಿಸುವ ವಾಹನಗಳಲ್ಲಿ ಪ್ರಯಾಣಿಕರಿಗೆ ಪ್ರಯಾಣದ ಸಮಯದಲ್ಲಿ ಉಂಟಾಗುವ ವಾಕರಿಕೆಯನ್ನು ಕಡಿಮೆ ಮಾಡಲು ವಾಹನ ಚಲನೆಯ ಸೂಚನೆಗಳು ಸಹಾಯ ಮಾಡುತ್ತವೆ. ನೀವು ಬೇರೊಬ್ಬರ ಸಾಧನದಲ್ಲಿ ತಾತ್ಕಾಲಿಕವಾಗಿ ನಿಮ್ಮ ಆ್ಯಕ್ಸೆಸಬಿಲಿಟಿ ಸೆಟ್ಟಿಂಗ್ಸ್‌ ಅನ್ನು ಸಹ ಬಳಸಬಹುದು. iPhoneನಲ್ಲಿ ಬ್ರೇಲ್ ಡಿಸ್‌ಪ್ಲೇಯೊಂದಿಗೆ ಬ್ರೇಲ್ ಆ್ಯಕ್ಸೆಸ್ ಬಳಸುವುದು, ವಾಹನದಲ್ಲಿ ಪ್ರಯಾಣ ಮಾಡುವಾಗ iPhone ಅನ್ನು ಹೆಚ್ಚು ಆರಾಮದಾಯಕವಾಗಿ ಬಳಸುವುದು ಮತ್ತು iPhoneನಲ್ಲಿ ನಿಮ್ಮ ಆ್ಯಕ್ಸೆಸಬಿಲಿಟಿ ಸೆಟ್ಟಿಂಗ್ಸ್ ಅನ್ನು ಮತ್ತೊಂದು ಸಾಧನದೊಂದಿಗೆ ಹಂಚಿಕೊಳ್ಳುವುದು ಅನ್ನು ನೋಡಿ.

ಒಂದು iPhoneನಲ್ಲಿ ಬ್ರೇಲ್ ಆ್ಯಕ್ಸೆಸ್ ಮೆನು ತೆರೆದಿದ್ದು, ಅದು ಈ ಕೆಳಗಿನ ಆಯ್ಕೆಗಳನ್ನು ತೋರಿಸುತ್ತಿದೆ: ಆ್ಯಪ್ ಅನ್ನು ಪ್ರಾರಂಭಿಸಿ, ಐಟಮ್, ಬ್ರೇಲ್ ಟಿಪ್ಪಣಿಗಳು, BRF ಫೈಲ್‌ಗಳು, ಕ್ಯಾಲ್‌ಕ್ಯುಲೇಟರ್, ಲೈವ್ ಕ್ಯಾಪ್ಶನ್‌ಗಳು ಮತ್ತು ಸಮಯವನ್ನು ಆರಿಸಿ.

ಕುಟುಂಬ. ಸಾಧನವನ್ನು ಸೆಟಪ್ ಮಾಡುವಾಗ, 13–17 ವಯಸ್ಸಿನ ಮಗುವಿಗಾಗಿ ಸಾಧನವನ್ನು ಸೆಟಪ್ ಮಾಡುತ್ತಿದ್ದಾರೆಯೇ ಎಂಬುದನ್ನು ಪೋಷಕರು ನಿರ್ದಿಷ್ಟಪಡಿಸಬಹುದು ಇದರಿಂದ ವಯಸ್ಸಿಗೆ ಸೂಕ್ತವಾದ ರಕ್ಷಣೆಗಳನ್ನು ಸ್ವಯಂಚಾಲಿತವಾಗಿ ಸಕ್ರಿಯಗೊಳಿಸಲಾಗುತ್ತದೆ. iPhoneನಲ್ಲಿನ ಆ್ಯಪ್‌ಗಳೊಂದಿಗೆ ವಯಸ್ಸನ್ನು ಹಂಚಿಕೊಳ್ಳುವುದು ಅನ್ನು ನೋಡಿ.

ಆ್ಯಪ್‌ ಫೀಚರ್‌ಗಳಲ್ಲಿ ವಯೋಸೂಕ್ತ ಅನುಭವಗಳನ್ನು ಪಡೆಯಲು ಆನ್‌ಬೋರ್ಡಿಂಗ್ ಸ್ಕ್ರೀನ್.

ಜರ್ನಲ್. ನಿಮ್ಮ ಜೀವನದ ವಿವಿಧ ಘಟ್ಟಗಳಿಗಾಗಿ ಅನೇಕ ಜರ್ನಲ್‌ಗಳನ್ನು ರಚಿಸಿ. ನೀವು ಬರೆಯುತ್ತಾ ಹೋದಂತೆ, ಪಠ್ಯದೊಂದಿಗೆ ಇನ್‌ಲೈನ್ ಡ್ರಾಯಿಂಗ್‌ಗಳನ್ನು ಸೇರಿಸಿ ಮತ್ತು ನಂತರ ನಕ್ಷೆ ಆ್ಯಪ್‌ಗಳು ನಿಮ್ಮ ಜರ್ನಲ್ ನಮೂದುಗಳ ಸ್ಥಳವನ್ನು ನೋಡಿ. ಒಂದಕ್ಕಿಂತ ಹೆಚ್ಚು ಜರ್ನಲ್‌ಗಳನ್ನು ರಚಿಸಿ, iPhoneನಲ್ಲಿನ ಜರ್ನಲ್ ಆ್ಯಪ್‌ನಲ್ಲಿ ಫಾರ್ಮ್ಯಾಟಿಂಗ್, ಫೋಟೋಗಳು ಮತ್ತು ಇತ್ಯಾದಿಗಳನ್ನು ಸೇರಿಸುವುದು ಮತ್ತು iPhoneನಲ್ಲಿ ನಿಮ್ಮ ಜರ್ನಲ್ ನಮೂದುಗಳನ್ನು ನೋಡಿ ಮತ್ತು ಹುಡುಕಿ ಅನ್ನು ನೋಡಿ.

ಜರ್ನಲ್ ನಮೂದನ್ನು ತೋರಿಸುತ್ತಿರುವ ಜರ್ನಲ್ ಆ್ಯಪ್. ನಮೂದಿನ ಮೇಲ್ಭಾಗದಲ್ಲಿ ಅನೇಕ ಫೋಟೋಗಳು ಮತ್ತು ನಕ್ಷೆಯನ್ನು ಒಳಗೊಂಡಿರುವ ಗ್ರಿಡ್ ಇದೆ.

CarPlay. ಹೊಸ ವಿನ್ಯಾಸವು ನೀವು ಚಾಲನೆ ಮಾಡುವಾಗ ನಿಮ್ಮ iPhone ಅನ್ನು ಬಳಸಲು CarPlayಯನ್ನು ಸುಲಭ ಮತ್ತು ಸುರಕ್ಷಿತ ಮಾರ್ಗವನ್ನಾಗಿಸುತ್ತದೆ. ಡ್ರೈವಿಂಗ್ ಮಾಡುವಾಗ ನೀವು ಸ್ವೀಕರಿಸುವ ಸಂದೇಶಗಳಿಗೆ ತ್ವರಿತವಾಗಿ ಪ್ರತಿಕ್ರಿಯಿಸುವುದನ್ನು ಸಂದೇಶ ಆ್ಯಪ್‌ನಲ್ಲಿರುವ Tapbackಗಳು ಸುಲಭಗೊಳಿಸುತ್ತವೆ. ನಿಮ್ಮ ಮೆಚ್ಚಿನ ಆ್ಯಪ್‌ಗಳನ್ನು ಒಂದೇ ನೋಟದಲ್ಲೇ ನೋಡಿ ತಿಳಿದುಕೊಳ್ಳಲು ವಿಜೆಟ್‌ಗಳು ನಿಮಗೆ ಅವಕಾಶ ನೀಡುತ್ತವೆ ಮತ್ತು ಡ್ಯಾಶ್‌ಬೋರ್ಡ್‌ನಲ್ಲಿರುವ ಲೈವ್ ಚಟುವಟಿಕೆಗಳು ನೈಜ ಸಮಯದಲ್ಲಿ ಇವೆಂಟ್‌ಗಳನ್ನು ಟ್ರ್ಯಾಕ್ ಮಾಡಲು ನಿಮಗೆ ಅನುವುಮಾಡಿಕೊಡುತ್ತವೆ. Tapbackಗಳೊಂದಿಗೆ ಪ್ರತಿಕ್ರಿಯಿಸಿ, CarPlayಗಾಗಿ ವಿಜೆಟ್ ಅನ್ನು ಸೇರಿಸುವುದು ಮತ್ತು CarPlayಯಲ್ಲಿ ಲೈವ್ ಚಟುವಟಿಕೆಗಳನ್ನು ನೋಡುವುದು ಅನ್ನು ನೋಡಿ.

ಹವಾಮಾನ. ಮುಂಬರುವ ತಲುಪಬೇಕಾದ ಸ್ಥಳಕ್ಕಾಗಿ ನಿಮ್ಮ ಸ್ಮಾರ್ಟ್ ಸ್ಟ್ಯಾಕ್‌ಗೆ ಹವಾಮಾನ ವಿಜೆಟ್ ಅನ್ನು ಸೇರಿಸಿ. ಆ ಸ್ಥಳಕ್ಕಾಗಿ ಪ್ರತಿಕೂಲ ಹವಾಮಾನ ಅಲರ್ಟ್‌ಗಳನ್ನು ಸ್ವೀಕರಿಸಲು ಆಪ್ಟ್-ಇನ್ ಮಾಡಿ. ಸೂಚಿಸಲಾದ ಸ್ಥಳವೊಂದರ ಹವಾಮಾನ ನೋಟಿಫಿಕೇಷನ್‌ಗಳನ್ನು ಪಡೆಯುವುದು ಅನ್ನು ನೋಡಿ.

iOS 26ನ ಟ್ರಿಕ್‌ಗಳನ್ನು ತಿಳಿಯಿರಿ. ಸಲಹೆ ಆ್ಯಪ್ ನಿಯಮಿತವಾಗಿ ಹೊಸ ಸಲಹೆಗಳನ್ನು ಸೇರಿಸುತ್ತದೆ, ಇದರಿಂದ ನೀವು ನಿಮ್ಮ iPhoneನಿಂದ ಹೆಚ್ಚಿನದನ್ನು ಪಡೆಯಬಹುದು. ಸಲಹೆಗಳನ್ನು ಪಡೆಯಿರಿ ಎಂಬುದನ್ನು ನೋಡಿ.

ಗಮನಿಸಿ: iPhone ಮಾಡಲ್, ಪ್ರದೇಶ, ಭಾಷೆ ಮತ್ತು ನೆಟ್‌ವರ್ಕ್ ಪೂರೈಕೆದಾರರನ್ನು ಅವಲಂಬಿಸಿ ಹೊಸ ಫೀಚರ್‌ಗಳು ಮತ್ತು ಆ್ಯಪ್‌ಗಳು ಬದಲಾಗಬಹುದು.

*Apple Intelligence ಈ ಕೆಳಗಿನ ಭಾಷೆಗಳಿಗೆ ಬೆಂಬಲದೊಂದಿಗೆ ಬೀಟಾದಲ್ಲಿ ಲಭ್ಯವಿದೆ: ಇಂಗ್ಲಿಷ್, ಡ್ಯಾನಿಶ್, ಡಚ್, ಫ್ರೆಂಚ್, ಜರ್ಮನ್, ಇಟಾಲಿಯನ್, ನಾರ್ವೇಜಿಯನ್, ಪೋರ್ಚುಗೀಸ್, ಸ್ಪ್ಯಾನಿಷ್, ಸ್ವೀಡಿಷ್, ಟರ್ಕಿಶ್, ಚೈನೀಸ್ (ಸರಳೀಕೃತ), ಚೈನೀಸ್ (ಸಾಂಪ್ರದಾಯಿಕ), ಜಾಪನೀಸ್, ಕೊರಿಯನ್ ಮತ್ತು ವಿಯೆಟ್ನಾಮೀಸ್. ಕೆಲವು ಫೀಚರ್‌ಗಳು ಎಲ್ಲಾ ಭಾಷೆಗಳು ಅಥವಾ ಪ್ರದೇಶಗಳಲ್ಲಿ ಲಭ್ಯವಿಲ್ಲದಿರಬಹುದು. ಭಾಷೆ ಮತ್ತು ಫೀಚರ್ ಲಭ್ಯತೆ ಮತ್ತು ಸಿಸ್ಟಂ ಅವಶ್ಯಕತೆಗಳ ಕುರಿತ ಹೆಚ್ಚಿನ ಮಾಹಿತಿಗಾಗಿ, Apple Intelligence ಅನ್ನು ಪಡೆಯುವುದು ಹೇಗೆ? ಎಂಬ Apple ಬೆಂಬಲ ಲೇಖನವನ್ನು ನೋಡಿ.
Morty Proxy This is a proxified and sanitized view of the page, visit original site.
ಉಪಯುಕ್ತವಾಗಿದೆಯೇ?
ಅಕ್ಷರ ಮಿತಿ: 250
ಗರಿಷ್ಠ ಅಕ್ಷರ ಮಿತಿಯು 250 ಆಗಿದೆ.
ನಿಮ್ಮ ಫೀಡ್‌ಬ್ಯಾಕ್‌ಗಾಗಿ ಧನ್ಯವಾದಗಳು.
Morty Proxy This is a proxified and sanitized view of the page, visit original site.