iOS 26
iOS 18
ಈ ನಿಯಂತ್ರಣವನ್ನು ಮಾರ್ಪಡಿಸುವುದರಿಂದ ಈ ಪುಟವು ಸ್ವಯಂಚಾಲಿತವಾಗಿ ಅಪ್‌ಡೇಟ್ ಆಗುತ್ತದೆ

iPhoneನಲ್ಲಿನ ನಕ್ಷೆ ಆ್ಯಪ್‌ನಲ್ಲಿ ನಿಮ್ಮ ಆಗಮನದ ಅಂದಾಜು ಸಮಯವನ್ನು ಹಂಚಿಕೊಳ್ಳಿ

ಡ್ರೈವಿಂಗ್, ಸೈಕ್ಲಿಂಗ್ ಮತ್ತು ನಡೆಯುವ ದಾರಿಗಳನ್ನು ಅನುಸರಿಸುವಾಗ, ನೀವು ಯಾವಾಗ ಆಗಮಿಸಬಹುದು ಎಂಬುದನ್ನು ನಿಮ್ಮ ಸ್ನೇಹಿತರು ಮತ್ತು ಕುಟುಂಬ ಸದಸ್ಯರಿಗೆ ತಿಳಿಸಲು ನಿಮ್ಮ ಆಗಮನದ ಅಂದಾಜು ಸಮಯವನ್ನು (ETA) ಹಂಚಿಕೊಳ್ಳಬಹುದು. ತೀವ್ರ ವಿಳಂಬಗಳಿದ್ದರೆ ನಿಮ್ಮ ETA ಸ್ವಯಂಚಾಲಿತವಾಗಿ ಅಪ್‌ಡೇಟ್ ಆಗುತ್ತದೆ, ಆದ್ದರಿಂದ ನೀವು ಫಾಲೋ-ಅಪ್ ಸಂದೇಶಗಳನ್ನು ಕಳುಹಿಸಬೇಕಾಗಿಲ್ಲ.

ಗಮನಿಸಿ: ಎಲ್ಲಾ ಫೀಚರ್‌ಗಳು ಎಲ್ಲಾ ದೇಶಗಳು ಅಥವಾ ಪ್ರದೇಶಗಳಲ್ಲಿ ಲಭ್ಯವಿರುವುದಿಲ್ಲ. iOS ಮತ್ತು iPadOS ಫೀಚರ್ ಲಭ್ಯತೆಯ ವೆಬ್‌ಸೈಟ್ ಅನ್ನು ನೋಡಿ.

ನಿಮ್ಮ ಆಗಮನದ ಅಂದಾಜು ಸಮಯವನ್ನು (ETA) ಹಂಚಿಕೊಳ್ಳುವುದು

Siri: ಈ ರೀತಿ ಏನಾದರೂ Siriಗೆ ಕೇಳಿ, “Share my ETA.”Siriಯನ್ನು ಬಳಸುವುದು ಹೇಗೆ ಎಂಬುದನ್ನು ತಿಳಿಯಿರಿ.

ಅಥವಾ Siriಯನ್ನು ಬಳಸದೆಯೇ:

  1. ನಿಮ್ಮ iPhoneನಲ್ಲಿ ನಕ್ಷೆ ಆ್ಯಪ್‌ಗೆ ಹೋಗಿ.

  2. ನೀವು ಹೋಗಲು ಬಯಸುವ ಸ್ಥಳವನ್ನು ಹುಡುಕಿ , ನಂತರ ಪ್ರಾರಂಭಿಸಿ ಎಂಬುದನ್ನು ಟ್ಯಾಪ್ ಮಾಡಿ.

  3. ಸ್ಕ್ರೀನ್‌ನ ಕೆಳಭಾಗದಲ್ಲಿರುವ ಮಾರ್ಗದ ಕಾರ್ಡ್ ಅನ್ನು ಟ್ಯಾಪ್ ಮಾಡಿ, ನಂತರ ETA ಹಂಚಿಕೊಳ್ಳಿ ಎಂಬುದನ್ನು ಟ್ಯಾಪ್ ಮಾಡಿ.

    ನಿಮಗೆ ETA ಹಂಚಿಕೊಳ್ಳಿ ಎಂಬುದು ಕಾಣಿಸದಿದ್ದರೆ, ನೀವು ಅದನ್ನು ಸೆಟ್ಟಿಂಗ್ಸ್ ಆ್ಯಪ್  > ಆ್ಯಪ್‌ಗಳು > ನಕ್ಷೆ ಆ್ಯಪ್ ಎಂಬಲ್ಲಿ ಆನ್ ಮಾಡಿದ್ದೀರಿ ಎಂದು ಖಚಿತಪಡಿಸಿಕೊಳ್ಳಿ.

  4. ಒಂದು ಅಥವಾ ಒಂದಕ್ಕಿಂತ ಹೆಚ್ಚಿನ ಸಲಹೆ ಮಾಡಲಾದ ಸಂಪರ್ಕಗಳನ್ನು ಆಯ್ಕೆಮಾಡಿ ಅಥವಾ ಸಂಪರ್ಕವನ್ನು ಹುಡುಕಲು ಸಂಪರ್ಕಗಳನ್ನು ತೆರೆಯಿರಿ ಎಂಬುದನ್ನು ಟ್ಯಾಪ್ ಮಾಡಿ.

  5. ಹೆಚ್ಚಿನ ಸಂಪರ್ಕಗಳೊಂದಿಗೆ ನಿಮ್ಮ ETAಯನ್ನು ಹಂಚಿಕೊಳ್ಳಲು, ಸ್ಕ್ರೀನ್‌ನ ಕೆಳಭಾಗದಲ್ಲಿರುವ “ಇವರೊಂದಿಗೆ ಹಂಚಿಕೊಳ್ಳಲಾಗುತ್ತಿದೆ” ಎಂಬುದನ್ನು ಟ್ಯಾಪ್ ಮಾಡಿ, ನಂತರ ಸಂಪರ್ಕಗಳನ್ನು ತೆರೆಯಿರಿ ಎಂಬುದನ್ನು ಟ್ಯಾಪ್ ಮಾಡಿ.

ನಿಮ್ಮ ETAಯನ್ನು ಇತರರೊಂದಿಗೆ ಹಂಚಿಕೊಳ್ಳಲು ನೀವು ಸಂದೇಶ, ಹುಡುಕಿ ಮತ್ತು ಸಂಪರ್ಕ ಆ್ಯಪ್‌ಗಳನ್ನು ಸಹ ಬಳಸಬಹುದು. ಸಂದೇಶ ಆ್ಯಪ್‌ನಲ್ಲಿ ನಿಮ್ಮ ಸ್ಥಳವನ್ನು ಹಂಚಿಕೊಳ್ಳಿ, ಹುಡುಕಿ ಆ್ಯಪ್‌ನಲ್ಲಿ ನಿಮ್ಮ ಸ್ಥಳವನ್ನು ಹಂಚಿಕೊಳ್ಳಿ ಅಥವಾ ಸಂಪರ್ಕಗಳನ್ನು ಎಡಿಟ್ ಮಾಡಿ ಎಂಬುದನ್ನು ನೋಡಿ.

ನಿಮ್ಮ ETA ಹಂಚಿಕೊಳ್ಳುವುದನ್ನು ನಿಲ್ಲಿಸುವುದು

  1. ನಿಮ್ಮ iPhoneನಲ್ಲಿ ನಕ್ಷೆ ಆ್ಯಪ್‌ಗೆ ಹೋಗಿ.

  2. ಪ್ರಗತಿಯಲ್ಲಿರುವ ಪ್ರಯಾಣಕ್ಕಾಗಿ ಮಾರ್ಗದ ಕಾರ್ಡ್ ಅನ್ನು ತೆರೆಯಿರಿ.

  3. ಸ್ಕ್ರೀನ್‌ನ ಕೆಳಭಾಗದಲ್ಲಿರುವ “ಇವರೊಂದಿಗೆ ಹಂಚಿಕೊಳ್ಳಲಾಗುತ್ತಿದೆ” ಎಂಬುದನ್ನು ಟ್ಯಾಪ್ ಮಾಡಿ, ನಂತರ ಪ್ರತಿಯೊಂದು ಸಂಪರ್ಕದ ಹೆಸರಿನ ಕೆಳಭಾಗದಲ್ಲಿರುವ ETA ಹಂಚಿಕೊಳ್ಳುವುದನ್ನು ನಿಲ್ಲಿಸಿ ಎಂಬುದನ್ನು ಟ್ಯಾಪ್ ಮಾಡಿ.

ಪಿನ್‌ಗೆ ನಿಮ್ಮ ETAಯನ್ನು ಸ್ವಯಂಚಾಲಿತವಾಗಿ ಹಂಚಿಕೊಳ್ಳುವುದು

ನಿಮ್ಮ ಸ್ಥಳಗಳು ಎಂಬುದರಲ್ಲಿರುವ ಪಿನ್ ಮಾಡಲಾದ ಸ್ಥಳಕ್ಕೆ ನೀವು ಸಂಪರ್ಕವನ್ನು ಸೇರಿಸಿದಾಗ, ನೀವು ಆ ಸ್ಥಳಕ್ಕೆ ಹೋಗಲು ಟರ್ನ್-ಬೈ-ಟರ್ನ್ ನ್ಯಾವಿಗೇಷನ್ ಅನ್ನು ಪ್ರಾರಂಭಿಸಿದ ಪ್ರತಿಬಾರಿಯೂ ಆ ಸಂಪರ್ಕವು ಸ್ವಯಂಚಾಲಿತವಾಗಿ ನಿಮ್ಮ ETAಯನ್ನು ಸ್ವೀಕರಿಸುತ್ತದೆ.

  1. ನಿಮ್ಮ iPhoneನಲ್ಲಿ ನಕ್ಷೆ ಆ್ಯಪ್‌ಗೆ ಹೋಗಿ.

  2. ಸ್ಥಳಗಳು ಎಂಬುದನ್ನು ಟ್ಯಾಪ್ ಮಾಡಿ, ನಂತರ ಪಿನ್ ಮಾಡಿರುವುದು ಎಂಬುದನ್ನು ಟ್ಯಾಪ್ ಮಾಡಿ. ನಿಮ್ಮ ಸ್ಥಳಗಳಿಗೆ ಪಿನ್ ಅನ್ನು ಸೇರಿಸುವುದು ಅನ್ನು ನೋಡಿ.

  3. ಮಾಹಿತಿ ಬಟನ್ ಅನ್ನು ಟ್ಯಾಪ್ ಮಾಡಿ, ನಂತರ ವ್ಯಕ್ತಿಯನ್ನು ಸೇರಿಸಿ ಎಂಬುದನ್ನು ಟ್ಯಾಪ್ ಮಾಡಿ.

  4. ಸಂಪರ್ಕವೊಂದನ್ನು ಹುಡುಕಿ, ಅವರನ್ನು ಸೇರಿಸಲು ಟ್ಯಾಪ್ ಮಾಡಿ, ನಂತರ ಮುಗಿದಿದೆ ಬಟನ್ ಅನ್ನು ಟ್ಯಾಪ್ ಮಾಡಿ.

  5. ಪಿನ್ ಮಾಡಲಾದ ಸ್ಥಳವನ್ನು ಟ್ಯಾಪ್ ಮಾಡಿ, ನಂತರ ನಿಮ್ಮ ETA ಹಂಚಿಕೊಳ್ಳುವುದನ್ನು ಪ್ರಾರಂಭಿಸಲು ‘ಪ್ರಾರಂಭಿಸಿ’ ಎಂಬುದನ್ನು ಟ್ಯಾಪ್ ಮಾಡಿ.

ನೀವು ತಲುಪುವವರೆಗೆ ನಿಮ್ಮ ಸ್ಥಳ, ಮಾರ್ಗ ಮತ್ತು ETA ಕಾಣಿಸುತ್ತಿರುತ್ತದೆ.

ETA ಹಂಚಿಕೊಳ್ಳುವಿಕೆಯನ್ನು ಆಫ್ ಮಾಡುವುದು

  1. ನಿಮ್ಮ iPhoneನಲ್ಲಿ ಸೆಟ್ಟಿಂಗ್ಸ್‌ ಆ್ಯಪ್‌ಗೆ ಹೋಗಿ.

  2. ಆ್ಯಪ್‌ಗಳು ಎಂಬುದನ್ನು ಟ್ಯಾಪ್ ಮಾಡಿ, ನಂತರ ನಕ್ಷೆ ಎಂಬುದನ್ನು ಟ್ಯಾಪ್ ಮಾಡಿ.

  3. ಕೆಳಕ್ಕೆ ಸ್ಕ್ರೋಲ್ ಮಾಡಿ, ನಂತರ ETA ಹಂಚಿಕೊಳ್ಳಿ ಎಂಬುದನ್ನು ಆಫ್ ಮಾಡಿ.

ಗಮನಿಸಿ: ನೆಟ್‌ವರ್ಕ್ ಪೂರೈಕೆದಾರರ ಡೇಟ ಮತ್ತು ಪಠ್ಯ ಸಂದೇಶದ ಸ್ಟ್ಯಾಂಡರ್ಡ್ ದರಗಳು ಅನ್ವಯವಾಗಬಹುದು.

iOS 13.1, iPadOS 13.1 ಅಥವಾ ನಂತರದ ಆವೃತ್ತಿಯನ್ನು ಬಳಸುವ ಜನರು ನಿಮ್ಮ ETA ಹೊಂದಿರುವ ನಕ್ಷೆ ಆ್ಯಪ್‌ನ ನೋಟಿಫಿಕೇಷನ್ ಸ್ವೀಕರಿಸುತ್ತಾರೆ ಮತ್ತು ಅವರು ನಕ್ಷೆಗಳಲ್ಲಿ ನಿಮ್ಮ ಪ್ರಗತಿಯನ್ನು ಟ್ರ್ಯಾಕ್ ಮಾಡಬಹುದು. ಹಿಂದಿನ ಆವೃತ್ತಿಗಳನ್ನು ಬಳಸುವ ಜನರು iMessage ಮೂಲಕ ನೋಟಿಫಿಕೇಷನ್ ಅನ್ನು ಸ್ವೀಕರಿಸುತ್ತಾರೆ. ಇತರ ಮೊಬೈಲ್ ಸಾಧನಗಳನ್ನು ಬಳಸುವ ಜನರು SMS ಸಂದೇಶವನ್ನು ಸ್ವೀಕರಿಸುತ್ತಾರೆ.

ನೀವು ಹುಡುಕುತ್ತಿರುವ ವ್ಯಕ್ತಿಯ ಸಮೀಪದಲ್ಲಿರುವಾಗ ಮತ್ತು ನೀವಿಬ್ಬರೂ ಬೆಂಬಲಿತ ಮಾಡಲ್ ಅನ್ನು ಹೊಂದಿರುವಾಗ, ಪರಸ್ಪರರ ಸ್ಥಳಕ್ಕಾಗಿ ನಿಖರವಾದ ದಾರಿಗಳನ್ನು ಪಡೆಯಲು ನೀವು ಹುಡುಕಿ ಆ್ಯಪ್ ಅನ್ನು ಬಳಸಬಹುದು. ಸ್ನೇಹಿತರೊಬ್ಬರನ್ನು ಭೇಟಿ ಮಾಡಲು ನಿಖರವಾದ ಹುಡುಕಾಟವನ್ನು ಬಳಸಿ ಎಂಬುದನ್ನು ನೋಡಿ.

ಇದನ್ನು ಸಹ ನೋಡಿiPhoneನಲ್ಲಿ ನಕ್ಷೆ ಆ್ಯಪ್ ಬಳಸುವುದುiPhoneನಲ್ಲಿನ ಸಂದೇಶ ಆ್ಯಪ್‌ನಲ್ಲಿ ನಿಮ್ಮ ಸ್ಥಳವನ್ನು ಹಂಚಿಕೊಳ್ಳಿiPhoneನಲ್ಲಿನ ಹುಡುಕಿ ಆ್ಯಪ್‌ನಲ್ಲಿ ನಿಮ್ಮ ಸ್ಥಳವು ಬದಲಾದಾಗ ಸ್ನೇಹಿತರಿಗೆ ಸೂಚಿಸಿನೀವು ಬಂದಿದ್ದೀರಿ ಎಂದು ನಿಮ್ಮ ಸ್ನೇಹಿತರಿಗೆ ತಿಳಿಸಲು iPhoneನಲ್ಲಿ ಚೆಕ್ ಇನ್ ಬಳಸುವುದು
Morty Proxy This is a proxified and sanitized view of the page, visit original site.
ಉಪಯುಕ್ತವಾಗಿದೆಯೇ?
ಅಕ್ಷರ ಮಿತಿ: 250
ಗರಿಷ್ಠ ಅಕ್ಷರ ಮಿತಿಯು 250 ಆಗಿದೆ.
ನಿಮ್ಮ ಫೀಡ್‌ಬ್ಯಾಕ್‌ಗಾಗಿ ಧನ್ಯವಾದಗಳು.
Morty Proxy This is a proxified and sanitized view of the page, visit original site.