iOS 26
iOS 18
ಈ ನಿಯಂತ್ರಣವನ್ನು ಮಾರ್ಪಡಿಸುವುದರಿಂದ ಈ ಪುಟವು ಸ್ವಯಂಚಾಲಿತವಾಗಿ ಅಪ್‌ಡೇಟ್ ಆಗುತ್ತದೆ

Apple TV 4K ಅಥವಾ ಸ್ಮಾರ್ಟ್ TVಗೆ iPhoneನಿಂದ ವೀಡಿಯೊಗಳು ಮತ್ತು ಫೋಟೋಗಳನ್ನು ವೈರ್‌ಲೆಸ್ ಆಗಿ ಸ್ಟ್ರೀಮ್ ಮಾಡುವುದು

ನಿಮ್ಮ iPhoneನಿಂದ ಸ್ಟ್ರೀಮ್ ಮಾಡಲಾದ ವೀಡಿಯೊಗಳನ್ನು ವೀಕ್ಷಿಸಲು ಮತ್ತು ಫೋಟೊಗಳನ್ನು ನೋಡಲು ನಿಮ್ಮ Apple TV 4K ಅಥವಾ AirPlay 2-ಸಕ್ರಿಯಗೊಳಿಸಲಾದ ಸ್ಮಾರ್ಟ್ TVಯನ್ನು ಬಳಸಬಹುದು.

ಗಮನಿಸಿ: ವೀಡಿಯೊಗಳು ಅಥವಾ ಫೋಟೋಗಳನ್ನು ನಿಮ್ಮ iPhoneನಿಂದ Apple TV 4K ಅಥವಾ ಸ್ಮಾರ್ಟ್ ಟಿವಿಗೆ ಸ್ಟ್ರೀಮ್ ಮಾಡಲು, ಎರಡೂ ಸಾಧನಗಳು ಒಂದೇ Wi-Fi ನೆಟ್‌ವರ್ಕ್‌ನಲ್ಲಿರಬೇಕು.

Apple TV 4K ಅಥವಾ AirPlay 2-ಸಕ್ರಿಯಗೊಳಿಸಲಾದ ಸ್ಮಾರ್ಟ್ TVಯಲ್ಲಿ ವೀಡಿಯೊವನ್ನು ಪ್ಲೇ ಮಾಡುವುದು

  1. Apple TV ಆ್ಯಪ್ ಅಥವಾ ನಿಮ್ಮ iPhoneನಲ್ಲಿನ ಇತರ ಬೆಂಬಲಿತ ವೀಡಿಯೊ ಆ್ಯಪ್‌ನಲ್ಲಿ ವೀಡಿಯೊವನ್ನು ಪ್ಲೇ ಮಾಡುವಾಗ, ಕಂಟ್ರೋಲ್‌ಗಳನ್ನು ನೋಡಲು ಸ್ಕ್ರೀನ್ ಮೇಲೆ ಟ್ಯಾಪ್ ಮಾಡಿ.

  2. AirPlay ಬಟನ್ ಅನ್ನು ಟ್ಯಾಪ್ ಮಾಡಿ, ನಂತರ ನಿಮ್ಮ Apple TV 4K ಅಥವಾ AirPlay 2-ಸಕ್ರಿಯಗೊಳಿಸಿದ ಸ್ಮಾರ್ಟ್ TVಯನ್ನು ಪ್ಲೇಬ್ಯಾಕ್ ಡೆಸ್ಟಿನೇಷನ್ ಆಗಿ ಆಯ್ಕೆಮಾಡಿ.

    TV ಸ್ಕ್ರೀನ್‌ನಲ್ಲಿ AirPlay ಪಾಸ್‌ಕೋಡ್ ಕಾಣಿಸಿಕೊಂಡರೆ, ನಿಮ್ಮ iPhoneನಲ್ಲಿ ಆ ಪಾಸ್‌ಕೋಡ್ ಅನ್ನು ನಮೂದಿಸಿ.

    iPhone ಸ್ಕ್ರೀನ್‌ನಲ್ಲಿ ಪ್ಲೇ ಆಗುತ್ತಿರುವ ಚಲನಚಿತ್ರ. ಸ್ಕ್ರೀನ್‌ನ ಮಧ್ಯಭಾಗದಲ್ಲಿ ಪ್ಲೇಬ್ಯಾಕ್ ಕಂಟ್ರೋಲ್‌ಗಳಿವೆ. AirPlay ಬಟನ್ ಮೇಲಿನ ಎಡಭಾಗದಲ್ಲಿದೆ.

ಪ್ಲೇಬ್ಯಾಕ್ ಡೆಸ್ಟಿನೇಷನ್ ಅನ್ನು ಬದಲಾಯಿಸಲು, ನಿಮ್ಮ iPhone ಸ್ಕ್ರೀನ್‌ನಲ್ಲಿ ಬೇರೊಂದು AirPlay ಆಯ್ಕೆಯನ್ನು ಆರಿಸಿ.

Apple TV 4K ಅಥವಾ AirPlay 2-ಸಕ್ರಿಯಗೊಳಿಸಲಾದ ಸ್ಮಾರ್ಟ್ TVಯಲ್ಲಿ ಫೋಟೋಗಳನ್ನು ತೋರಿಸುವುದು

  1. ನಿಮ್ಮ iPhoneನಲ್ಲಿರುವ ಫೋಟೋಸ್ ಆ್ಯಪ್‌ಗೆ ಹೋಗಿ.

  2. ಫೋಟೋವನ್ನು ಟ್ಯಾಪ್ ಮಾಡಿ, ನಂತರ ಹಂಚಿಕೊಳ್ಳಿ ಬಟನ್ ಅನ್ನು ಟ್ಯಾಪ್ ಮಾಡಿ.

  3. ಮೇಲಕ್ಕೆ ಸ್ವೈಪ್ ಮಾಡಿ, AirPlay ಬಟನ್ ಅನ್ನು ಟ್ಯಾಪ್ ಮಾಡಿ, ನಂತರ ನಿಮ್ಮ Apple TV 4K ಅಥವಾ AirPlay 2-ಸಕ್ರಿಯಗೊಳಿಸಿದ ಸ್ಮಾರ್ಟ್ TVಯನ್ನು ಪ್ಲೇಬ್ಯಾಕ್ ಡೆಸ್ಟಿನೇಷನ್ ಆಗಿ ಆಯ್ಕೆ ಮಾಡಿ.

    TV ಸ್ಕ್ರೀನ್‌ನಲ್ಲಿ AirPlay ಪಾಸ್‌ಕೋಡ್ ಕಾಣಿಸಿಕೊಂಡರೆ, ನಿಮ್ಮ iPhoneನಲ್ಲಿ ಆ ಪಾಸ್‌ಕೋಡ್ ಅನ್ನು ನಮೂದಿಸಿ.

ಫೋಟೋಗಳನ್ನು ಸ್ಟ್ರೀಮ್ ಮಾಡುವುದನ್ನು ನಿಲ್ಲಿಸಲು, iPhone ಸ್ಕ್ರೀನ್‌ನ ಮೇಲ್ಭಾಗದ ಸಮೀಪ AirPlay ಬಟನ್ ಅನ್ನು ಟ್ಯಾಪ್ ಮಾಡಿ, ನಂತರ AirPlayಯನ್ನು ಆಫ್ ಮಾಡಿ ಎಂಬುದನ್ನು ಟ್ಯಾಪ್ ಮಾಡಿ.

ಸ್ವಯಂಚಾಲಿತ AirPlay ಸ್ಟ್ರೀಮಿಂಗ್ ಅನ್ನು ಆನ್ ಅಥವಾ ಆಫ್ ಮಾಡುವುದು

ನೀವು AirPlay ಜೊತೆಗೆ ನಿಯಮಿತವಾಗಿ ಬಳಸುವ ಆ್ಯಪ್‌ಗಳಲ್ಲಿನ ಕಂಟೆಂಟ್ ಅನ್ನು ಪ್ಲೇ ಮಾಡುವಾಗ, ಆಗಾಗ ಬಳಸುವ ಯಾವುದೇ Apple TV 4K ಅಥವಾ ಸ್ಮಾರ್ಟ್ ಟಿವಿಯನ್ನು ಕಂಡುಕೊಳ್ಳಲು ಮತ್ತು ಅವುಗಳಿಗೆ ಸ್ವಯಂಚಾಲಿತವಾಗಿ ಕನೆಕ್ಟ್ ಮಾಡಲು ನಿಮ್ಮ iPhoneಗೆ ನೀವು ಅನುಮತಿಸಬಹುದು.

ಸೆಟ್ಟಿಂಗ್ಸ್ ಆ್ಯಪ್‌  > ಸಾಮಾನ್ಯ > AirPlay ಮತ್ತು ಕಂಟಿನ್ಯುಯಿಟಿ ಎಂಬಲ್ಲಿಗೆ ಹೋಗಿ, ನಂತರ ಸ್ವಯಂಚಾಲಿತ, ಎಂದಿಗೂ ಬೇಡ, ಅಥವಾ ಕೇಳಬೇಡಿ ಎಂಬುದರಿಂದ ಒಂದನ್ನು ಆರಿಸಿ.

Apple TV 4K ಅಥವಾ ಸ್ಮಾರ್ಟ್ ಟಿವಿಯಲ್ಲಿ ನಿಮ್ಮ iPhone ಅನ್ನು ಮಿರರ್ ಮಾಡುವುದು

Apple TV 4K ಅಥವಾ ಸ್ಮಾರ್ಟ್ ಟಿವಿಯಲ್ಲಿ, ನಿಮ್ಮ iPhoneನಲ್ಲಿ ಕಾಣಿಸುವ ಯಾವುದನ್ನಾದರೂ ನೀವು ತೋರಿಸಬಹುದು.

  1. ನಿಮ್ಮ iPhoneನಲ್ಲಿ ಕಂಟ್ರೋಲ್ ಸೆಂಟರ್ ಅನ್ನು ತೆರೆಯಿರಿ.

  2. ಸ್ಕ್ರೀನ್ ಮಿರರಿಂಗ್ ಬಟನ್ ಅನ್ನು ಟ್ಯಾಪ್ ಮಾಡಿ, ನಂತರ ನಿಮ್ಮ Apple TV 4K ಅಥವಾ AirPlay 2-ಸಕ್ರಿಯಗೊಳಿಸಿದ ಸ್ಮಾರ್ಟ್ ಟಿವಿಯನ್ನು ಪ್ಲೇಬ್ಯಾಕ್ ಡೆಸ್ಟಿನೇಷನ್ ಆಗಿ ಆಯ್ಕೆ ಮಾಡಿ.

    TV ಸ್ಕ್ರೀನ್‌ನಲ್ಲಿ AirPlay ಪಾಸ್‌ಕೋಡ್ ಕಾಣಿಸಿಕೊಂಡರೆ, ನಿಮ್ಮ iPhoneನಲ್ಲಿ ಆ ಪಾಸ್‌ಕೋಡ್ ಅನ್ನು ನಮೂದಿಸಿ.

iPhoneಗೆ ಮರಳಿ ಸ್ವಿಚ್ ಮಾಡಲು, ಕಂಟ್ರೋಲ್ ಸೆಂಟರ್ ಅನ್ನು ತೆರೆಯಿರಿ, ಸ್ಕ್ರೀನ್ ಮಿರರಿಂಗ್ ಬಟನ್ ಅನ್ನು ಟ್ಯಾಪ್ ಮಾಡಿ, ನಂತರ ಮಿರರಿಂಗ್ ಅನ್ನು ನಿಲ್ಲಿಸಿ ಎಂಬುದನ್ನು ಟ್ಯಾಪ್ ಮಾಡಿ.

ಗಮನಿಸಿ: AirPlay 2-ಸಕ್ರಿಯಗೊಳಿಸಿದ ಸ್ಮಾರ್ಟ್ ಟಿವಿಗಳ ಪಟ್ಟಿಗಾಗಿ, ಮನೆ ಆಕ್ಸೆಸರಿಗಳ ವೆಬ್‌ಸೈಟ್ ಅನ್ನು ನೋಡಿ.

Apple TV 4Kಯನ್ನು ಬಳಸುವುದರ ಕುರಿತು ಇನ್ನಷ್ಟು ತಿಳಿದುಕೊಳ್ಳಲು, Apple TV 4K ಬಳಕೆದಾರರ ಮಾರ್ಗದರ್ಶಿ ಎಂಬುದನ್ನು ನೋಡಿ.

ಇದನ್ನು ಸಹ ನೋಡಿAirPlay ಮೂಲಕ ನಿಮ್ಮ iPhoneನಿಂದ ವೀಡಿಯೊ ಮತ್ತು ಆಡಿಯೊ ಸ್ಟ್ರೀಮ್ ಮಾಡಿiPhoneನ ಆಡಿಯೊವನ್ನು HomePod ಮತ್ತು ಇತರ ವೈರ್‌ಲೆಸ್ ಸ್ಪೀಕರ್‌ಗಳಲ್ಲಿ ಪ್ಲೇ ಮಾಡಿ
Morty Proxy This is a proxified and sanitized view of the page, visit original site.
ಉಪಯುಕ್ತವಾಗಿದೆಯೇ?
ಅಕ್ಷರ ಮಿತಿ: 250
ಗರಿಷ್ಠ ಅಕ್ಷರ ಮಿತಿಯು 250 ಆಗಿದೆ.
ನಿಮ್ಮ ಫೀಡ್‌ಬ್ಯಾಕ್‌ಗಾಗಿ ಧನ್ಯವಾದಗಳು.
Morty Proxy This is a proxified and sanitized view of the page, visit original site.