ಮಗುವಿನ ಸ್ಕ್ರೀನ್ ಟೈಮ್ ವಿನಂತಿಗೆ iPhoneನಲ್ಲಿ ಪ್ರತಿಕ್ರಿಯಿಸುವುದು

ಪೋಷಕರಿಗೆ ತಮ್ಮ ಮಕ್ಕಳು ಸಾಧನಗಳಲ್ಲಿ ಕಳೆಯುವ ಸಮಯ, ಅವರು ಬಳಸುವ ಆ್ಯಪ್‌ಗಳು ಮತ್ತು ಅವರೊಂದಿಗೆ ಸಂವಹನ ನಡೆಸಬಹುದಾದ ಜನರನ್ನು ನಿರ್ವಹಿಸಲು ಸ್ಕ್ರೀನ್ ಟೈಮ್ ಸಹಾಯ ಮಾಡುತ್ತದೆ. ಮತ್ತು ನೀವು ನಿಗದಿಪಡಿಸಿದ ಮಿತಿಯನ್ನು ಅವರು ತಲುಪಿದಾಗ ವಿನಂತಿಗಳನ್ನು ಮಾಡಲು ಇದು ಅವರಿಗೆ ಅನುಮತಿಸುತ್ತದೆ. ಉದಾಹರಣೆಗೆ:

  • ನೀವು ಡೌನ್‌ಟೈಮ್ ಆಥವಾ ಆ್ಯಪ್‌ ಮಿತಿಗಳು ಎಂಬುದನ್ನು ಆನ್ ಮಾಡಿದಾಗ, ಅವರು ಸಮಯದ ಮಿತಿಯನ್ನು ತಲುಪಿದ ನಂತರ ಹೆಚ್ಚಿನ ಸಮಯವನ್ನು ಅನುಮತಿಸುವಂತೆ ಅವರು ನಿಮ್ಮನ್ನು ಕೇಳಬಹುದು.

  • ನೀವು ಅವರ ಸಂವಹನದ ಮಿತಿಗಳನ್ನು ಸೆಟ್ ಮಾಡಿದರೆ, ಅವರು ತಮ್ಮ ಸಂಪರ್ಕಗಳ ಪಟ್ಟಿಯಲ್ಲಿರುವ ಜನರೊಂದಿಗೆ ಮಾತ್ರ ಸಂವಹನ ನಡೆಸಬಹುದು, ಪಟ್ಟಿಗೆ ಹೊಸ ಸಂಪರ್ಕವನ್ನು ಸೇರಿಸುವಂತೆ ಅವರು ಕೇಳಬಹುದು.

    ಗಮನಿಸಿ: ಆ್ಯಪ್ ಅಗತ್ಯವಿರುವ ತಾಂತ್ರಿಕ ಅವಶ್ಯಕತೆಗಳನ್ನು ಅಳವಡಿಸಿಕೊಂಡಿದ್ದರೆ, ನಿಮ್ಮ ಮಗು ಆ್ಯಪ್‌ನಲ್ಲಿರುವ ಜನರೊಂದಿಗೆ ಸಂವಹನ ನಡೆಸುವುದಕ್ಕೆ ಕೇಳಲು ಸಾಧ್ಯವಾಗಬಹುದು.

ನಿಮ್ಮ ಮಗು ಸ್ಕ್ರೀನ್ ಟೈಮ್‌ನ ಆಚೆಗೂ ಇತರ ವಿನಂತಿಗಳನ್ನು ಮಾಡಬಹುದು. ನೀವು “ಖರೀದಿಸಲು ಕೇಳಿ” ಎಂಬುದನ್ನು ಸೆಟಪ್ ಮಾಡಿದರೆ, ನಿಮ್ಮ ಮಗು ಆ್ಯಪ್ ಅನ್ನು ಡೌನ್‌ಲೋಡ್ ಮಾಡಲು, ಹಂಚಿಕೊಂಡ ಆ್ಯಪ್ ಅನ್ನು ಮರುಡೌನ್‌ಲೋಡ್ ಮಾಡಲು ಅಥವಾ App Store, iTunes Store ಅಥವಾ Apple Booksನಿಂದ ಐಟಮ್ ಅನ್ನು ಖರೀದಿಸಲು ಅನುಮತಿಯನ್ನು ಕೇಳಬಹುದು. ಅವರು ತಮ್ಮ ವಯಸ್ಸಿನ ರೇಟಿಂಗ್‌ಗಿಂತ ಹೊರಗಿರುವ ಆ್ಯಪ್ ಅನ್ನು ಖರೀದಿಸಲು ಅಥವಾ ಡೌನ್‌ಲೋಡ್ ಮಾಡಲು ವಿನಾಯಿತಿಯನ್ನು ಸಹ ಕೇಳಬಹುದು. ಖರೀದಿಸಲು ಕೇಳಿ ಎಂಬುದನ್ನು ಸೆಟಪ್ ಮಾಡಲು ಅಥವಾ ಈ ವಿನಂತಿಗಳನ್ನು ನಿರ್ವಹಿಸಲು, ಮಗುವಿಗಾಗಿ ಖರೀದಿಸಲು ಕೇಳಿ ಎಂಬುದನ್ನು ಆನ್ ಮಾಡಿ ಮತ್ತು ಮಗುವಿನ ವಿನಾಯಿತಿ ವಿನಂತಿಗೆ ಪ್ರತಿಕ್ರಿಯಿಸುವುದು ಅನ್ನು ನೋಡಿ.

ಕುಟುಂಬ ಹಂಚಿಕೆ ಗುಂಪಿನಲ್ಲಿರುವ ಮಗುವಿನ ಸ್ಕ್ರೀನ್, “ಹೆಚ್ಚು ಸಮಯ ವಿನಂತಿಗಳನ್ನು ಕೇಳಿ” ಎಂಬುದರ ವಿಭಾಗವನ್ನು ತೋರಿಸುತ್ತಿದೆ.

ಮಕ್ಕಳ ಸ್ಕ್ರೀನ್ ಟೈಮ್ ವಿನಂತಿಗೆ ಅವರ ಸಾಧನದಲ್ಲಿ ನೇರವಾಗಿ ಪ್ರತಿಕ್ರಿಯಿಸುವುದು

  1. ಮಗುವಿನ ಸಾಧನದಲ್ಲಿ, ಸಂಬಂಧಿತ ಆ್ಯಪ್ ಅನ್ನು ತೆರೆಯಿರಿ, ನಂತರ ವಿನಂತಿಯನ್ನು ಪ್ರಾರಂಭಿಸಲು ಆಯ್ಕೆಯನ್ನು ಕ್ಲಿಕ್ ಮಾಡಿ ಅಥವಾ ಟ್ಯಾಪ್ ಮಾಡಿ. (ಉದಾಹರಣೆಗೆ, ಹೆಚ್ಚಿನ ಸಮಯಕ್ಕಾಗಿ ಕೇಳಿ ಎಂಬುದನ್ನು ಕ್ಲಿಕ್ ಮಾಡಿ ಅಥವಾ ಟ್ಯಾಪ್ ಮಾಡಿ.)

  2. ಸ್ಕ್ರೀನ್ ಟೈಮ್ ಪಾಸ್‌ಕೋಡ್‌ ಅನ್ನು ನಮೂದಿಸಿ ಎಂಬುದನ್ನು ಕ್ಲಿಕ್ ಮಾಡಿ ಅಥವಾ ಟ್ಯಾಪ್ ಮಾಡಿ, ನಂತರ ಸ್ಕ್ರೀನ್ ಟೈಮ್ ಪಾಸ್‌ಕೋಡ್‌ ಅನ್ನು ನಮೂದಿಸಿ.

  3. ಅನುಮೋದಿಸಲು ಅಥವಾ ನಿರಾಕರಿಸಲು ಆಯ್ಕೆ ಎಂಬುದನ್ನು ಕ್ಲಿಕ್ ಮಾಡಿ ಅಥವಾ ಟ್ಯಾಪ್ ಮಾಡಿ.

ಮಗುವಿನ ಸ್ಕ್ರೀನ್ ಟೈಮ್ ವಿನಂತಿಗೆ ನಿಮ್ಮ iPhoneನಲ್ಲಿ ಪ್ರತಿಕ್ರಿಯಿಸುವುದು

ನಿಮ್ಮ iPhoneನಲ್ಲಿ ಮಗುವಿನ ವಿನಂತಿಯನ್ನು ಅನುಮೋದಿಸಬಹುದು—ಉದಾಹರಣೆಗೆ, ನಿಮ್ಮ iPhoneನಲ್ಲಿನ ಆ್ಯಪ್‌ನಲ್ಲಿ ಹೆಚ್ಚು ಸಮಯವನ್ನು ಬಳಸಲು ವಿನಂತಿಸುವುದು.

  1. ನಿಮ್ಮ iPhoneನಲ್ಲಿ ಸೆಟ್ಟಿಂಗ್ಸ್ ಆ್ಯಪ್‌ಗೆ ಹೋಗಿ.

  2. ಸ್ಕ್ರೀನ್ ಟೈಮ್ ಎಂಬುದನ್ನು ಟ್ಯಾಪ್ ಮಾಡಿ, ನಂತರ ನಿಮ್ಮ ಕುಟುಂಬದ ಸದಸ್ಯರ ಹೆಸರನ್ನು ಆಯ್ಕೆಮಾಡಿ. (ನೀವು ಕೆಳಕ್ಕೆ ಸ್ಕ್ರೋಲ್ ಮಾಡಬೇಕಾಗಬಹುದು.)

  3. ನಿಮ್ಮ ಮಗು ವಿನಂತಿಯನ್ನು ಮಾಡಿದ್ದರೆ, ಆ್ಯಪ್‌ಗಳ ಪಟ್ಟಿ ಕಾಣಿಸಿಕೊಳ್ಳುತ್ತದೆ. ಮಗುವಿನ ವಿನಂತಿಗಳು ಎಂಬುದರ ಅಡಿಯಲ್ಲಿರುವ ಆ್ಯಪ್ ಅನ್ನು ಟ್ಯಾಪ್ ಮಾಡಿ, ನಂತರ ಸ್ಕ್ರೀನ್ ಟೈಮ್ ಪಾಸ್‌ಕೋಡ್‌ ಅನ್ನು ನಮೂದಿಸಿ.

  4. ವಿನಂತಿಗೆ ಅನುಗುಣವಾಗಿ, ಈ ಕೆಳಗಿನವುಗಳಲ್ಲಿ ಒಂದನ್ನು ಮಾಡಿ:

    • 15 ನಿಮಿಷಗಳ ಕಾಲ ಅನುಮೋದಿಸಿ: 15 ನಿಮಿಷಗಳ ಕಾಲ ಅನುಮೋದಿಸಿ ಎಂಬುದನ್ನು ಟ್ಯಾಪ್ ಮಾಡಿ.

    • ಒಂದು ಗಂಟೆಯ ಕಾಲ ಅನುಮೋದಿಸಿ: 1 ಗಂಟೆಗಳ ಕಾಲ ಅನುಮೋದಿಸಿ ಎಂಬುದನ್ನು ಟ್ಯಾಪ್ ಮಾಡಿ.

    • ದಿನದ ಉಳಿದ ಅವಧಿಗೆ ಅನುಮತಿಸಿ: ಇಡೀ ದಿನಕ್ಕೆ ಅನುಮೋದಿಸಿ ಎಂಬುದನ್ನು ಟ್ಯಾಪ್ ಮಾಡಿ.

    • ವಿನಂತಿಯನ್ನು ಅನುಮೋದಿಸಿ: ಅನುಮೋದನೆ ವಿನಂತಿ ಎಂಬುದನ್ನು ಟ್ಯಾಪ್ ಮಾಡಿ.

    • ವಿನಂತಿಯನ್ನು ನಿರಾಕರಿಸಿ: ಅನುಮೋದಿಸಬೇಡಿ ಎಂಬುದನ್ನು ಟ್ಯಾಪ್ ಮಾಡಿ.

ನೀವು ನೇರವಾಗಿ ನೋಟಿಫಿಕೇಷನ್‌ಗಳು ಮತ್ತು ಸಂದೇಶ ಆ್ಯಪ್‌ನಿಂದಲೂ ವಿನಂತಿಗಳನ್ನು ಅನುಮೋದಿಸಬಹುದು ಅಥವಾ ನಿರಾಕರಿಸಬಹುದು. ನೋಟಿಫಿಕೇಷನ್ ಅಥವಾ ಸಂದೇಶದಲ್ಲಿ, ಅನುಮೋದಿಸಿ ಅಥವಾ ನಿರಾಕರಿಸಿ ಎಂಬುದನ್ನು ಕ್ಲಿಕ್ ಮಾಡಿ (ಅಥವಾ ಆಯ್ಕೆಯನ್ನು ಆರಿಸಲು ಆಯ್ಕೆಗಳ ಪಾಪ್-ಅಪ್ ಮೆನುವನ್ನು ಕ್ಲಿಕ್ ಮಾಡಿ).

ಇದನ್ನು ಸಹ ನೋಡಿiPhoneನಲ್ಲಿ ಮಗುವಿಗಾಗಿ ಸ್ಕ್ರೀನ್ ಟೈಮ್ ಅನ್ನು ಸೆಟಪ್ ಮಾಡಿiPhoneನಲ್ಲಿನ ಸ್ಕ್ರೀನ್ ಟೈಮ್‌ನಲ್ಲಿ ಸೂಕ್ಷ್ಮವಾದ ಚಿತ್ರಗಳು ಮತ್ತು ವಿಡಿಯೋಗಳನ್ನು ಪರಿಶೀಲಿಸಿiPhoneನಲ್ಲಿ ಸ್ಕ್ರೀನ್ ಟೈಮ್ ಪಾಸ್‌ಕೋಡ್‌ ರಚಿಸುವುದು, ನಿರ್ವಹಿಸುವುದು ಮತ್ತು ಟ್ರ್ಯಾಕ್ ಮಾಡುವುದು
Morty Proxy This is a proxified and sanitized view of the page, visit original site.
ಉಪಯುಕ್ತವಾಗಿದೆಯೇ?
ಅಕ್ಷರ ಮಿತಿ: 250
ಗರಿಷ್ಠ ಅಕ್ಷರ ಮಿತಿಯು 250 ಆಗಿದೆ.
ನಿಮ್ಮ ಫೀಡ್‌ಬ್ಯಾಕ್‌ಗಾಗಿ ಧನ್ಯವಾದಗಳು.
Morty Proxy This is a proxified and sanitized view of the page, visit original site.