iOS 26
iOS 18
ಈ ನಿಯಂತ್ರಣವನ್ನು ಮಾರ್ಪಡಿಸುವುದರಿಂದ ಈ ಪುಟವು ಸ್ವಯಂಚಾಲಿತವಾಗಿ ಅಪ್‌ಡೇಟ್ ಆಗುತ್ತದೆ

ಪಠ್ಯವನ್ನು iPhoneನಲ್ಲಿ ಆಯ್ಕೆಮಾಡಿ, ಕಟ್, ಕಾಪಿ ಮತ್ತು ಪೇಸ್ಟ್ ಮಾಡಿ

iPhoneನಲ್ಲಿನ ಆ್ಯಪ್‌ಗಳಲ್ಲಿ, ಪಠ್ಯದ ಫೀಲ್ಡ್‌ಗಳಲ್ಲಿನ ಪಠ್ಯವನ್ನು ಆಯ್ಕೆ ಮಾಡಲು ಮತ್ತು ಎಡಿಟ್ ಮಾಡಲು ನೀವು ಆನ್‌ಸ್ಕ್ರೀನ್ ಕೀಬೋರ್ಡ್ ಅನ್ನು ಬಳಸಬಹುದು.

ಪಠ್ಯವನ್ನು ಆಯ್ಕೆಮಾಡಿ ಮತ್ತು ಎಡಿಟ್ ಮಾಡಿ

ಟಿಪ್ಪಣಿ ಆ್ಯಪ್‌ನಲ್ಲಿನ ಟಿಪ್ಪಣಿಯಲ್ಲಿ ಪಠ್ಯವನ್ನು ಆಯ್ಕೆಮಾಡಲಾಗಿದೆ. ಆಯ್ಕೆಮಾಡಲಾದ ಪಠ್ಯದ ಮೇಲೆ ಕಟ್, ಕಾಪಿ, ಪೇಸ್ಟ್ ಮತ್ತು ಸ್ವಯಂಭರ್ತಿ ಬಟನ್‌ಗಳಿವೆ. ಆಯ್ಕೆಮಾಡಲಾದ ಪಠ್ಯವನ್ನು ಹೈಲೈಟ್ ಮಾಡಲಾಗಿದೆ ಮತ್ತು ಎರಡೂ ತುದಿಯಲ್ಲಿ ಆಯ್ಕೆಯನ್ನು ಸರಿಹೊಂದಿಸಲು ಗ್ರ್ಯಾಬ್ ಪಾಯಿಂಟ್‌ಗಳನ್ನು ನೀಡಲಾಗಿದೆ.

  1. ಪಠ್ಯವನ್ನು ಆಯ್ಕೆ ಮಾಡಲು, ಈ ಕೆಳಗಿನವುಗಳಲ್ಲಿ ಯಾವುದನ್ನಾದರೂ ಮಾಡಿ:

    • ಪದವನ್ನು ಆಯ್ಕೆಮಾಡಿ: ಒಂದು ಬೆರಳಿನಿಂದ ಡಬಲ್ ಟ್ಯಾಪ್ ಮಾಡಿ.

    • ಪ್ಯಾರಾಗ್ರಾಫ್ ಅನ್ನು ಆಯ್ಕೆಮಾಡಿ: ಒಂದು ಬೆರಳಿನಿಂದ ಮೂರು ಬಾರಿ ಟ್ಯಾಪ್ ಮಾಡಿ.

    • ಪಠ್ಯದ ಬ್ಲಾಕ್ ಒಂದನ್ನು ಆಯ್ಕೆಮಾಡಿ: ಬ್ಲಾಕ್‌ನಲ್ಲಿ ಮೊದಲ ಪದವನ್ನು ಡಬಲ್ ಟ್ಯಾಪ್ ಮಾಡಿ ಹಿಡಿದುಕೊಳ್ಳಿ, ನಂತರ ಪಠ್ಯವನ್ನು ಆಯ್ಕೆ ಮಾಡಲು ಗ್ರ್ಯಾಬ್ ಪಾಯಿಂಟ್‌ಗಳನ್ನು ಮೂವ್ ಮಾಡಿ.

  2. ನೀವು ಪರಿಷ್ಕರಿಸಲು ಬಯಸುವ ಪಠ್ಯವನ್ನು ಆಯ್ಕೆಮಾಡಿದ ನಂತರ ನೀವು ಟೈಪ್ ಮಾಡಬಹುದು ಅಥವಾ ಎಡಿಟಿಂಗ್ ಆಯ್ಕೆಗಳನ್ನು ನೋಡಲು ಆರಿಸಿರುವ ಪಠ್ಯವನ್ನು ಟ್ಯಾಪ್ ಮಾಡಬಹುದು:

    • ಕಟ್: ಕಟ್ ಎಂಬುದನ್ನು ಟ್ಯಾಪ್ ಮಾಡಿ ಅಥವಾ ಎರಡು ಬಾರಿ ಮೂರು ಬೆರಳುಗಳನ್ನು ಹತ್ತಿರಕ್ಕೆ ತಂದು ಪಿಂಚ್ ಮಾಡಿ.

    • ಕಾಪಿ ಮಾಡಿ: ಕಾಪಿ ಎಂಬುದನ್ನು ಟ್ಯಾಪ್ ಮಾಡಿ ಅಥವಾ ಮೂರು ಬೆರಳುಗಳನ್ನು ಹತ್ತಿರಕ್ಕೆ ತಂದು ಪಿಂಚ್ ಮಾಡಿ.

    • ಪೇಸ್ಟ್ ಮಾಡಿ: ಪೇಸ್ಟ್ ಎಂಬುದನ್ನು ಟ್ಯಾಪ್ ಮಾಡಿ ಅಥವಾ ಮೂರು ಬೆರಳುಗಳನ್ನು ದೂರಕ್ಕೆ ಸರಿಸುವ ಮೂಲಕ ಪಿಂಚ್ ಮಾಡಿ.

    • ಎಲ್ಲವನ್ನೂ ಆಯ್ಕೆಮಾಡಿ: ಡಾಕ್ಯುಮಂಟ್‌ನಲ್ಲಿರುವ ಎಲ್ಲಾ ಪಠ್ಯವನ್ನು ಆಯ್ಕೆಮಾಡಿ.

    • ಬದಲಾಯಿಸಿ: ಸೂಚಿಸಲಾದ ಬದಲಿ ಪಠ್ಯವನ್ನು ನೋಡಿ ಅಥವಾ Siriಯಿಂದ ಪರ್ಯಾಯ ಪಠ್ಯದ ಸಲಹೆಯನ್ನು ಪಡೆಯಿರಿ.

    • ಫಾರ್ಮ್ಯಾಟ್: ಆಯ್ಕೆಮಾಡಿದ ಪಠ್ಯವನ್ನು ಫಾರ್ಮ್ಯಾಟ್ ಮಾಡಿ.

    • ಮುಂದಕ್ಕೆ ಬಟನ್: ಹೆಚ್ಚಿನ ಆಯ್ಕೆಗಳನ್ನು ನೋಡಿ.

ಸಲಹೆ: ಪಠ್ಯವನ್ನು ಕಟ್ ಅಥವಾ ಕಾಪಿ ಮಾಡದೆಯೇ ಮೂವ್ ಮಾಡಲು, ಆಯ್ಕೆಮಾಡಿದ ಪಠ್ಯ ಮೇಲೇರುವವರೆಗೆ ಅದನ್ನು ಒತ್ತಿ ಹಿಡಿದುಕೊಳ್ಳಿ, ನಂತರ ಪಠ್ಯವನ್ನು ಬೇರೊಂದು ಸ್ಥಳಕ್ಕೆ ಡ್ರ್ಯಾಗ್ ಮಾಡಿ.

ಟೈಪ್ ಮಾಡುವ ಮೂಲಕ ಪಠ್ಯವನ್ನು ಸೇರಿಸಿ ಅಥವಾ ಎಡಿಟ್ ಮಾಡಿ

  1. ಈ ಕೆಳಗಿನವುಗಳಲ್ಲಿ ಯಾವುದನ್ನಾದರೂ ಮಾಡುವ ಮೂಲಕ ನೀವು ಪಠ್ಯವನ್ನು ಸೇರಿಸಲು ಅಥವಾ ಎಡಿಟ್ ಮಾಡಲು ಬಯಸುವ ಕಡೆ ಇನ್ಸರ್ಶನ್ ಪಾಯಿಂಟ್ ಅನ್ನು ಇರಿಸಿ:

    • ನೀವು ಪಠ್ಯವನ್ನು ಸೇರಿಸಲು ಅಥವಾ ಎಡಿಟ್ ಮಾಡಲು ಬಯಸುವ ಸ್ಥಳದಲ್ಲಿ ಟ್ಯಾಪ್ ಮಾಡಿ.

    • ಪಠ್ಯವನ್ನು ಮ್ಯಾಗ್ನಿಫೈ ಮಾಡಲು ಒತ್ತಿ ಹಿಡಿದುಕೊಳ್ಳಿ, ನಂತರ ಇನ್ಸರ್ಶನ್ ಪಾಯಿಂಟ್ ಅನ್ನು ಡ್ರ್ಯಾಗ್ ಮಾಡುವ ಮೂಲಕ ಅದನ್ನು ಮೂವ್ ಮಾಡಿ.

    ಪಠ್ಯವನ್ನು ಸೇರಿಸುವ ಅಥವಾ ಎಡಿಟ್ ಮಾಡುವ ಸ್ಥಳದಲ್ಲಿ ಇನ್ಸರ್ಶನ್ ಪಾಯಿಂಟ್ ಅನ್ನು ತೋರಿಸುತ್ತಿರುವ ಟಿಪ್ಪಣಿ. ಇನ್ಸರ್ಶನ್ ಪಾಯಿಂಟ್ ಅನ್ನು ಇರಿಸಲು ಸುಲಭವಾಗುವಂತೆ ಸುತ್ತಮುತ್ತಲಿನ ಪಠ್ಯವನ್ನು ಮ್ಯಾಗ್ನಿಫೈ ಮಾಡಲಾಗಿದೆ.

    ಗಮನಿಸಿ: ದೀರ್ಘವಾದ ಡಾಕ್ಯುಮಂಟ್ ಅನ್ನು ನ್ಯಾವಿಗೇಟ್ ಮಾಡಲು, ಡಾಕ್ಯುಮಂಟ್‌ನ ಬಲ ತುದಿಯನ್ನು ಒತ್ತಿ ಹಿಡಿದುಕೊಳ್ಳಿ, ನಂತರ ನೀವು ಪರಿಷ್ಕರಿಸಲು ಬಯಸುವ ಪಠ್ಯಕ್ಕೆ ಹೋಗಲು ಸ್ಕ್ರೋಲರ್ ಅನ್ನು ಡ್ರ್ಯಾಗ್ ಮಾಡಿ.

  2. ನೀವು ಸೇರಿಸಲು ಬಯಸುವ ಪಠ್ಯವನ್ನು ಟೈಪ್ ಮಾಡಿ ಅಥವಾ ಪೇಸ್ಟ್ ಮಾಡಿ.

ನೀವು ಸಾಮಾನ್ಯವಾಗಿ ಒಂದು Apple ಸಾಧನದಲ್ಲಿ ಮಾಡುವಂತೆ ಏನನ್ನಾದರೂ ಕಟ್ ಮಾಡಲು ಅಥವಾ ಕಾಪಿ ಮಾಡಲು ಯುನಿವರ್ಸಲ್ ಕ್ಲಿಪ್‌ಬೋರ್ಡ್ ಅನ್ನು ಸಹ ಬಳಸಬಹುದು ಮತ್ತು ಅದನ್ನು ಮತ್ತೊಂದು ಸಾಧನಕ್ಕೆ ಪೇಸ್ಟ್ ಮಾಡಬಹುದು. ನಿಮ್ಮ iPhone ಮತ್ತು ಇತರ Apple ಸಾಧನಗಳ ನಡುವೆ ಕಾಪಿ ಮಾಡಿ ಮತ್ತು ಪೇಸ್ಟ್ ಮಾಡಿ ಅನ್ನು ನೋಡಿ.

ಇದನ್ನು ಸಹ ನೋಡಿiPhoneನಲ್ಲಿ ಪಠ್ಯವನ್ನು ಡಿಕ್ಟೇಟ್ ಮಾಡಿiPhoneನಲ್ಲಿ ಊಹಾತ್ಮಕ ಪಠ್ಯವನ್ನು ಬಳಸುವುದುiPhoneನಲ್ಲಿರುವ VoiceOver ಜೊತೆಗೆ ಆನ್‌ಸ್ಕ್ರೀನ್ ಕೀಬೋರ್ಡ್ ಅನ್ನು ಬಳಸುವುದು
Morty Proxy This is a proxified and sanitized view of the page, visit original site.
ಉಪಯುಕ್ತವಾಗಿದೆಯೇ?
ಅಕ್ಷರ ಮಿತಿ: 250
ಗರಿಷ್ಠ ಅಕ್ಷರ ಮಿತಿಯು 250 ಆಗಿದೆ.
ನಿಮ್ಮ ಫೀಡ್‌ಬ್ಯಾಕ್‌ಗಾಗಿ ಧನ್ಯವಾದಗಳು.
Morty Proxy This is a proxified and sanitized view of the page, visit original site.