iOS 26
iOS 18
ಈ ನಿಯಂತ್ರಣವನ್ನು ಮಾರ್ಪಡಿಸುವುದರಿಂದ ಈ ಪುಟವು ಸ್ವಯಂಚಾಲಿತವಾಗಿ ಅಪ್‌ಡೇಟ್ ಆಗುತ್ತದೆ

iPhoneನಲ್ಲಿ ನಿಮ್ಮ Apple ಖಾತೆಯನ್ನು ಸುರಕ್ಷಿತವಾಗಿ ಇರಿಸಿಕೊಳ್ಳಿ

ನಿಮ್ಮ Apple ಖಾತೆಯು Apple ಸೇವೆಗಳಾದ App Store, Apple Music, iCloud, iMessage ಮತ್ತು FaceTime ಅನ್ನು ಆ್ಯಕ್ಸೆಸ್ ಮಾಡಲು ನೀವು ಬಳಸುವ ಖಾತೆಯಾಗಿದೆ. ನಿಮ್ಮ Apple ಖಾತೆಯು ನೀವು ಸೈನ್ ಇನ್ ಮಾಡಲು ಬಳಸುವ ಈಮೇಲ್ ವಿಳಾಸ ಮತ್ತು ಪಾಸ್‌ವರ್ಡ್ ಅನ್ನು ಒಳಗೊಂಡಿರುವ ಜೊತೆಯಲ್ಲೇ Apple ಸಾಧನಗಳಾದ್ಯಂತ ನೀವು ಬಳಸುವ ಸಂಪರ್ಕ, ಪಾವತಿ ಮತ್ತು ಭದ್ರತಾ ವಿವರಗಳನ್ನು ಒಳಗೊಂಡಿರುತ್ತದೆ. Apple ನಿಮ್ಮ Apple ಖಾತೆಯನ್ನು ರಕ್ಷಿಸಲು ಉದ್ಯಮ-ಪ್ರಮಾಣಿತ ಕಾರ್ಯವಿಧಾನಗಳನ್ನು ಬಳಸಿಕೊಳ್ಳುತ್ತದೆ.

ನಿಮ್ಮ Apple ಖಾತೆಗೆ ಗರಿಷ್ಠ ಭದ್ರತೆಯನ್ನು ಒದಗಿಸಲು ಅನುಸರಿಸಬೇಕಾದ ಉತ್ತಮ ಅಭ್ಯಾಸಗಳು

  • ಕುಟುಂಬ ಸದಸ್ಯರೂ ಸೇರಿದಂತೆ ಇನ್ನಾರಿಗೂ ನಿಮ್ಮ Apple ಖಾತೆಯನ್ನು ಬಳಸಲು ಬಿಡಬೇಡಿ.

    Apple ಖಾತೆಗಳನ್ನು ಹಂಚಿಕೊಳ್ಳದೆಯೇ ಖರೀದಿಗಳು, ಸಬ್‌ಸ್ಕ್ರಿಪ್ಶನ್‌ಗಳು, ಕುಟುಂಬ ಕ್ಯಾಲೆಂಡರ್ ಮತ್ತು ಇತ್ಯಾದಿಗಳನ್ನು ಹಂಚಿಕೊಳ್ಳಲು, ಕುಟುಂಬ ಹಂಚಿಕೆಯನ್ನು ಸೆಟಪ್ ಮಾಡಿ.

  • ಎರಡು-ಅಂಶದ ದೃಢೀಕರಣವನ್ನು ಬಳಸಿ. iOS 13.4, iPadOS 13.4, macOS 10.15.4 ಅಥವಾ ನಂತರದ ಆವೃತ್ತಿಗಳನ್ನು ಹೊಂದಿರುವ ಸಾಧನದಲ್ಲಿ ನಿಮ್ಮ Apple ಖಾತೆಯನ್ನು ನೀವು ರಚಿಸಿದ್ದರೆ, ನಿಮ್ಮ ಖಾತೆಯು ಸ್ವಯಂಚಾಲಿತವಾಗಿ ಎರಡು-ಅಂಶದ ದೃಢೀಕರಣವನ್ನು ಬಳಸುತ್ತದೆ. ನೀವು ಈ ಹಿಂದೆ ಎರಡು-ಅಂಶದ ದೃಢೀಕರಣವಿಲ್ಲದೆ Apple ಖಾತೆಯನ್ನು ರಚಿಸಿದ್ದರೆ, ಈಗ ಎರಡು-ಅಂಶದ ದೃಢೀಕರಣವನ್ನು ಆನ್ ಮಾಡಿ.

  • ನಿಮ್ಮ ಪಾಸ್‌ವರ್ಡ್, ಭದ್ರತಾ ಪ್ರಶ್ನೆಗಳು, ದೃಢೀಕರಣ ಕೋಡ್‌ಗಳು, ರಿಕವರಿ ಕೀ ಅಥವಾ ಖಾತೆಯ ಯಾವುದೇ ಇತರ ಭದ್ರತಾ ವಿವರಗಳನ್ನು ಬೇರೆಯವರಿಗೆ ಎಂದಿಗೂ ನೀಡಬೇಡಿ. Apple ಈ ಮಾಹಿತಿಯನ್ನು ಎಂದಿಗೂ ನಿಮ್ಮಲ್ಲಿ ಕೇಳುವುದಿಲ್ಲ.

  • Safari ಅಥವಾ ಬೇರೆ ವೆಬ್ ಬ್ರೌಸರ್‌ನಲ್ಲಿ ನಿಮ್ಮ Apple ಖಾತೆಯ ಪುಟವನ್ನು ಆ್ಯಕ್ಸೆಸ್ ಮಾಡುವಾಗ, ನಿಮ್ಮ ಸೆಶನ್ ಅನ್ನು ಎನ್‌ಕ್ರಿಪ್ಟ್ ಮಾಡಲಾಗಿದೆ ಹಾಗೂ ಸುರಕ್ಷಿತವಾಗಿದೆ ಎಂದು ಪರಿಶೀಲಿಸಲು ವಿಳಾಸದ ಫೀಲ್ಡ್‌ನಲ್ಲಿ ಲಾಕ್ ಐಕಾನ್ ಇದೆಯೇ ಎಂದು ನೋಡಿ.

  • ಸಾರ್ವಜನಿಕ ಕಂಪ್ಯೂಟರ್ ಅನ್ನು ಬಳಸುವಾಗ, ಇತರ ಜನರು ನಿಮ್ಮ ಖಾತೆಯನ್ನು ಆ್ಯಕ್ಸೆಸ್ ಮಾಡುವುದನ್ನು ತಡೆಯಲು ನಿಮ್ಮ ಸೆಶನ್ ಪೂರ್ಣಗೊಂಡಾಗ ಯಾವಾಗಲೂ ಸೈನ್ ಔಟ್ ಮಾಡಿ.

  • ಫಿಶಿಂಗ್ ಸ್ಕ್ಯಾಮ್‌ಗಳನ್ನು ತಪ್ಪಿಸಿ. ಅನುಮಾನಾಸ್ಪದ ಈಮೇಲ್ ಅಥವಾ ಪಠ್ಯ ಸಂದೇಶಗಳಲ್ಲಿನ ಲಿಂಕ್‌ಗಳನ್ನು ಕ್ಲಿಕ್ ಮಾಡಬೇಡಿ ಮತ್ತು ನಿಮಗೆ ಅಸಲಿ ಎಂದು ಖಚಿತವಾಗಿರದ ಯಾವುದೇ ವೆಬ್‌ಸೈಟ್‌ನಲ್ಲಿ ವೈಯಕ್ತಿಕ ಮಾಹಿತಿಯನ್ನು ಎಂದಿಗೂ ಒದಗಿಸಬೇಡಿ. ಫಿಶಿಂಗ್ ಸಂದೇಶಗಳು, ನಕಲಿ ಬೆಂಬಲ ಕರೆಗಳು ಮತ್ತು ಇತರ ಸ್ಕ್ಯಾಮ್‌ಗಳು ಸೇರಿದಂತೆ ಸೋಷಿಯಲ್ ಎಂಜಿನಿಯರಿಂಗ್ ಸ್ಕೀಮ್‌ಗಳನ್ನು ಗುರುತಿಸಿ ಮತ್ತು ತಪ್ಪಿಸಿ ಎಂಬ Apple ಬೆಂಬಲ ಲೇಖನವನ್ನು ನೋಡಿ.

  • ಇತರ ಆನ್‌ಲೈನ್ ಖಾತೆಗಳೊಂದಿಗೆ ನಿಮ್ಮ ಪಾಸ್‌ವರ್ಡ್ ಅನ್ನು ಬಳಸಬೇಡಿ.

  • ನಿಮ್ಮ iPhone ಕಳುವಾದರೆ ಅದರಲ್ಲಿರುವ ನಿಮ್ಮ ಮಾಹಿತಿಯನ್ನು ರಕ್ಷಿಸುವುದಕ್ಕೆ ಸಹಾಯ ಮಾಡಲು, ಕಳುವಾದ ಸಾಧನದ ರಕ್ಷಣೆ ಎಂಬುದನ್ನು ಆನ್ ಮಾಡಿ. ಮನೆ ಅಥವಾ ಕೆಲಸದ ಸ್ಥಳಗಳಂತಹ ಪರಿಚಿತ ಸ್ಥಳಗಳಿಂದ ನಿಮ್ಮ iPhone ದೂರವಿದ್ದಾಗ ಕಳುವಾದ ಸಾಧನದ ರಕ್ಷಣೆ ಹೆಚ್ಚಿನ ಸುರಕ್ಷತೆಯನ್ನು ಖಚಿತಪಡಿಸುತ್ತದೆ.

  • ನಿಮ್ಮ ಸಾಧನಗಳಲ್ಲಿ ಒಂದು ಸಾಧನ ಕಳೆದುಹೋದರೆ ಅಥವಾ ಕಳವಾದರೆ, ಆ ಸಾಧನಕ್ಕೆ ಆದಷ್ಟು ಬೇಗ ಕಳೆದುಹೋದ ಮೋಡ್ ಅನ್ನು ಆನ್ ಮಾಡಿ. (ನೀವು ಇದನ್ನು ಸ್ನೇಹಿತರ ಸಾಧನದಲ್ಲಿ ಮಾಡಬಹುದು ಮತ್ತು ನಿಮ್ಮ ಸ್ವಂತ ಸಾಧನವನ್ನು ಬಳಸಬೇಕಾಗಿಲ್ಲ.)

ಖಾತೆಯ ರಿಕವರಿ ಸಂಪರ್ಕಗಳನ್ನು ಸೇರಿಸುವುದು

ನಿಮ್ಮ Apple ಖಾತೆಯ ಪಾಸ್‌ವರ್ಡ್ ಅನ್ನು ನೀವು ಮರೆತರೆ ಅಥವಾ ಅದು ಲಾಕ್ ಆಗಿದ್ದರೆ, ನಿಮ್ಮ ಪಾಸ್‌ವರ್ಡ್ ಅನ್ನು ರೀಸೆಟ್ ಮಾಡಲು ಹಾಗೂ ನಿಮ್ಮ ಖಾತೆಗೆ ಪುನಃ ಆ್ಯಕ್ಸೆಸ್ ಅನ್ನು ಪಡೆಯುವುದಕ್ಕೆ ಸಹಾಯ ಮಾಡಲು ನೀವು ವಿಶ್ವಾಸವಿಡುವ ಒಬ್ಬರು ಅಥವಾ ಹೆಚ್ಚಿನ ಜನರನ್ನು “ಖಾತೆಯ ರಿಕವರಿ ಸಂಪರ್ಕಗಳಾಗಿ” ಆಯ್ಕೆಮಾಡಿ.

ಸೆಟ್ಟಿಂಗ್ಸ್  > [ನಿಮ್ಮ ಹೆಸರು] > ಸೈನ್ ಇನ್ ಮತ್ತು ಭದ್ರತೆ > ಲೆಗಸಿ ಸಂಪರ್ಕ ಎಂಬಲ್ಲಿಗೆ ಹೋಗಿ, ಲೆಗಸಿ ಸಂಪರ್ಕವನ್ನು ಸೇರಿಸಿ ಎಂಬುದನ್ನು ಟ್ಯಾಪ್ ಮಾಡಿ, ನಂತರ ಸ್ಕ್ರೀನ್ ಮೇಲಿನ ಸೂಚನೆಗಳನ್ನು ಅನುಸರಿಸಿ.

ಹೆಚ್ಚಿನ ಮಾಹಿತಿಗಾಗಿ ಸೆಟ್ಟಿಂಗ್ಸ್ ಆ್ಯಪ್‌  > [ನಿಮ್ಮ ಹೆಸರು] > ಸೈನ್-ಇನ್ ಮತ್ತು ಭದ್ರತೆ ಎಂಬಲ್ಲಿಗೆ ಹೋಗಿ, ನಂತರ ರಿಕವರಿ ಸಂಪರ್ಕವನ್ನು ಸೇರಿಸಿ ಎಂಬುದರ ಕೆಳಗಿನ “ಇನ್ನಷ್ಟು ತಿಳಿಯಿರಿ” ಎಂಬುದನ್ನು ಟ್ಯಾಪ್ ಮಾಡಿ.

ಲೆಗಸಿ ಸಂಪರ್ಕಗಳನ್ನು ಸೇರಿಸುವುದು

ನೀವು ಮೃತಪಟ್ಟ ಸಂದರ್ಭದಲ್ಲಿ ನಿಮ್ಮ Apple ಖಾತೆಯನ್ನು ಇತರರು ಆ್ಯಕ್ಸೆಸ್ ಮಾಡುವುದನ್ನು ಸಾಧ್ಯವಾಗಿಸಲು ಜನರನ್ನು ಲೆಗಸಿ ಸಂಪರ್ಕಗಳೆಂದು ಹೆಸರಿಸಲು ಡಿಜಿಟಲ್ ಲೆಗಸಿ ಪ್ರೋಗ್ರಾಂ ನಿಮಗೆ ಅವಕಾಶ ನೀಡುತ್ತದೆ.

ಸೆಟ್ಟಿಂಗ್ಸ್ ಆ್ಯಪ್‌  > [ನಿಮ್ಮ ಹೆಸರು] > ಸೈನ್-ಇನ್ ಮತ್ತು ಭದ್ರತೆ > ಲೆಗಸಿ ಸಂಪರ್ಕ ಎಂಬಲ್ಲಿಗೆ ಹೋಗಿ, ಲೆಗಸಿ ಸಂಪರ್ಕವನ್ನು ಸೇರಿಸಿ ಎಂಬುದನ್ನು ಟ್ಯಾಪ್ ಮಾಡಿ, ನಂತರ ಸ್ಕ್ರೀನ್ ಮೇಲಿನ ಸೂಚನೆಗಳನ್ನು ಅನುಸರಿಸಿ.

ಲೆಗಸಿ ಸಂಪರ್ಕದೊಂದಿಗೆ ಆ್ಯಕ್ಸೆಸ್ ಕೀಯನ್ನು ಹಂಚಿಕೊಳ್ಳುವುದು ಹೇಗೆ, ಲೆಗಸಿ ಸಂಪರ್ಕವನ್ನು ತೆಗೆದುಹಾಕುವುದು ಹೇಗೆ ಮತ್ತು ನಿಮ್ಮ ಲೆಗಸಿ ಸಂಪರ್ಕವು ನಿಮ್ಮ ಖಾತೆಗೆ ಆ್ಯಕ್ಸೆಸ್ ಅನ್ನು ಹೇಗೆ ವಿನಂತಿಸಬಹುದು ಎಂಬುದರ ಬಗೆಗಿನ ಹೆಚ್ಚಿನ ಮಾಹಿತಿಗಾಗಿ, ನಿಮ್ಮ Apple ಖಾತೆಗೆ ಲೆಗಸಿ ಸಂಪರ್ಕವನ್ನು ಹೇಗೆ ಸೇರಿಸುವುದು? ಎಂಬ Apple ಬೆಂಬಲ ಲೇಖನವನ್ನು ನೋಡಿ. ಲೆಗಸಿ ಸಂಪರ್ಕವು ಆ್ಯಕ್ಸೆಸ್ ಮಾಡಬಹುದಾದ ಡೇಟ ಎಂಬ Apple ಬೆಂಬಲ ಲೇಖನವನ್ನು ಸಹ ನೋಡಿ.

ನಿಮ್ಮ ಖಾತೆಗೆ ರಿಕವರಿ ಕೀಯನ್ನು ಜನರೇಟ್ ಮಾಡಿ

ನಿಮ್ಮ ಖಾತೆಯ ಭದ್ರತೆಯ ಮೇಲಿನ ಹೆಚ್ಚುವರಿ ನಿಯಂತ್ರಣಕ್ಕಾಗಿ, ನಿಮ್ಮ ಖಾತೆಯ ಪಾಸ್‌ವರ್ಡ್ ಅನ್ನು ರೀಸೆಟ್ ಮಾಡಲು ಅಥವಾ ನಿಮ್ಮ Apple ಖಾತೆಗೆ ಆ್ಯಕ್ಸೆಸ್ ಅನ್ನು ಮರಳಿ ಪಡೆಯಲು ಸಹಾಯ ಮಾಡುವ ರಿಕವರಿ ಕೋಡ್ ಅನ್ನು ನೀವು ಜನರೇಟ್ ಮಾಡಬಹುದು. ರಿಕವರಿ ಕೀ ಎಂಬುದು ಯಾದೃಚ್ಛಿಕವಾಗಿ ಜನರೇಟ್ ಮಾಡಲಾದ 28-ಅಕ್ಷರಗಳ ಕೋಡ್ ಆಗಿದ್ದು, ಅದನ್ನು ನೀವು ಸುರಕ್ಷಿತವಾದ ಸ್ಥಳದಲ್ಲಿ ಇಡಬೇಕಾಗುತ್ತದೆ. ನಿಮ್ಮ ರಿಕವರಿ ಕೀಯನ್ನು ನಮೂದಿಸುವ ಮೂಲಕ ಅಥವಾ ನಿಮ್ಮ Apple ಖಾತೆಗೆ ಈಗಾಗಲೇ ಸೈನ್ ಇನ್ ಮಾಡಿರುವ ಮತ್ತೊಂದು ಸಾಧನವನ್ನು ಬಳಸುವ ಮೂಲಕ ನಿಮ್ಮ ಖಾತೆಯ ಪಾಸ್‌ವರ್ಡ್ ಅನ್ನು ನೀವು ರೀಸೆಟ್ ಮಾಡಬಹುದು. ನಿಮ್ಮ ಖಾತೆಗೆ ನೀವು ಆ್ಯಕ್ಸೆಸ್ ಹೊಂದಿದ್ದೀರಿ ಎಂಬುದನ್ನು ಖಚಿತಪಡಿಸಿಕೊಳ್ಳಲು, ರಿಕವರಿ ಕೀ ಮತ್ತು ನಿಮ್ಮ ವಿಶ್ವಾಸಾರ್ಹ ಸಾಧನಗಳಿಗೆ ಆ್ಯಕ್ಸೆಸ್ ಅನ್ನು ನಿರ್ವಹಿಸಲು ನೀವು ವೈಯಕ್ತಿಕವಾಗಿ ಜವಾಬ್ದಾರರಾಗಿರುತ್ತೀರಿ.

ನಿಮ್ಮ Apple ಖಾತೆಗಾಗಿ ರಿಕವರಿ ಕೀಯನ್ನು ಸೆಟಪ್ ಮಾಡಿ ಎಂಬ Apple ಬೆಂಬಲ ಲೇಖನವನ್ನು ನೋಡಿ.

ಉತ್ತಮ ಅಭ್ಯಾಸಗಳನ್ನು ಕುರಿತ ಹೆಚ್ಚಿನ ಮಾಹಿತಿಗಾಗಿ, ಭದ್ರತೆ ಮತ್ತು ನಿಮ್ಮ Apple ಖಾತೆ ಎಂಬ Apple ಬೆಂಬಲ ಲೇಖನವನ್ನು ನೋಡಿ.

ನಿಮ್ಮ Apple ಖಾತೆಯನ್ನು ಸೆಟಪ್ ಮಾಡಲು ಅಥವಾ ನಿರ್ವಹಿಸಲು, Apple ಖಾತೆ ವೆಬ್‌ಸೈಟ್‌ಗೆ ಹೋಗಿ.

ನಿಮ್ಮ Apple ಖಾತೆಯ ಪಾಸ್‌ವರ್ಡ್ ಅನ್ನು ನೀವು ಮರೆತಿದ್ದರೆ, ನಿಮ್ಮ Apple ಖಾತೆ ವೆಬ್‌ಸೈಟ್ ಅನ್ನು ರಿಕವರ್ ಮಾಡಿ ಎಂಬುದನ್ನು ನೋಡಿ.

Morty Proxy This is a proxified and sanitized view of the page, visit original site.
ಉಪಯುಕ್ತವಾಗಿದೆಯೇ?
ಅಕ್ಷರ ಮಿತಿ: 250
ಗರಿಷ್ಠ ಅಕ್ಷರ ಮಿತಿಯು 250 ಆಗಿದೆ.
ನಿಮ್ಮ ಫೀಡ್‌ಬ್ಯಾಕ್‌ಗಾಗಿ ಧನ್ಯವಾದಗಳು.
Morty Proxy This is a proxified and sanitized view of the page, visit original site.