iOS 26
iOS 18
ಈ ನಿಯಂತ್ರಣವನ್ನು ಮಾರ್ಪಡಿಸುವುದರಿಂದ ಈ ಪುಟವು ಸ್ವಯಂಚಾಲಿತವಾಗಿ ಅಪ್‌ಡೇಟ್ ಆಗುತ್ತದೆ

iPhone ಜೊತೆಗೆ ಡ್ರೈವಿಂಗ್ ಮಾಡುವಾಗ ಗಮನವನ್ನು ಕೇಂದ್ರೀಕರಿಸುವುದು

ಡ್ರೈವಿಂಗ್ ಫೋಕಸ್ ಅನ್ನು ಆನ್ ಮಾಡುವುದರಿಂದ ನಿಮಗೆ ರಸ್ತೆಯ ಮೇಲೆ ಗಮನವನ್ನು ಕೇಂದ್ರೀಕರಿಸಲು ಸಹಾಯ ಮಾಡುತ್ತದೆ. ನೀವು ಅದನ್ನು ಆನ್ ಮಾಡಿದಾಗ, ಪಠ್ಯ ಸಂದೇಶಗಳು ಮತ್ತು ಇತರ ನೋಟಿಫಿಕೇಷನ್‌ಗಳನ್ನು ನಿಶ್ಯಬ್ದಗೊಳಿಸಲಾಗುತ್ತದೆ ಅಥವಾ ಸೀಮಿತಗೊಳಿಸಲಾಗುತ್ತದೆ. iPhone ಅನ್ನು CarPlayಗೆ ಅಥವಾ ಕಾರ್ Bluetooth® ಸಿಸ್ಟಂಗೆ ಅಥವಾ ಹ್ಯಾಂಡ್ಸ್-ಫ್ರೀ ಆ್ಯಕ್ಸೆಸರಿಗೆ ಕನೆಕ್ಟ್ ಮಾಡಿದಾಗ ಮಾತ್ರ ಒಳಬರುವ ಕರೆಗಳನ್ನು ಅನುಮತಿಸಲಾಗುತ್ತದೆ.

ಎಚ್ಚರಿಕೆ: ನ್ಯಾವಿಗೇಷನ್ ಮತ್ತು ಅಪಾಯಕಾರಿ ಸನ್ನಿವೇಶಗಳಿಗೆ ಕಾರಣವಾಗಬಹುದಾದ ಅಡಚಣೆಗಳನ್ನು ತಪ್ಪಿಸುವ ಕುರಿತ ಪ್ರಮುಖ ಮಾಹಿತಿಗಾಗಿ iPhoneಗಾಗಿ ಪ್ರಮುಖ ಸುರಕ್ಷತಾ ಮಾಹಿತಿ ಅನ್ನು ನೋಡಿ. ಅಡಚಣೆರಹಿತ ಡ್ರೈವಿಂಗ್‌ಗಾಗಿ ಪಾಲಿಸಲೇಬೇಕಾದ ನಿಯಮಗಳಿಗೆ ಡ್ರೈವಿಂಗ್ ಫೋಕಸ್ ಒಂದು ಪರ್ಯಾಯವಲ್ಲ.

ಡ್ರೈವಿಂಗ್ ಫೋಕಸ್ ಅನ್ನು ಸೆಟಪ್ ಮಾಡಿ

ನೀವು ಚಲಿಸುವ ಕಾರಿನಲ್ಲಿದ್ದಾಗ ಸ್ವಯಂಚಾಲಿತವಾಗಿ ಆನ್ ಆಗುವಂತೆ ಡ್ರೈವಿಂಗ್ ಫೋಕಸ್ ಅನ್ನು ಸೆಟಪ್ ಮಾಡಬಹುದು. (ನೀವು ಕಂಟ್ರೋಲ್ ಸೆಂಟರ್‌ನಲ್ಲಿ ಅದನ್ನು ಹಸ್ತಚಾಲಿತವಾಗಿಯೂ ಆನ್ ಮಾಡಬಹುದು.)

  1. ನಿಮ್ಮ iPhoneನಲ್ಲಿ ಸೆಟ್ಟಿಂಗ್ಸ್‌ ಆ್ಯಪ್‌ಗೆ  ಹೋಗಿ.

  2. ಫೋಕಸ್ ಎಂಬುದನ್ನು ಟ್ಯಾಪ್ ಮಾಡಿ, ನಂತರ ಡ್ರೈವಿಂಗ್ ಎಂಬುದನ್ನು ಟ್ಯಾಪ್ ಮಾಡಿ.

    ನೀವು ಡ್ರೈವಿಂಗ್ ಫೋಕಸ್ ಅನ್ನು ನೋಡದಿದ್ದರೆ ಮೇಲಿನ ಬಲಭಾಗದಲ್ಲಿರುವ ಸೇರಿಸಿ ಬಟನ್ ಅನ್ನು ಟ್ಯಾಪ್ ಮಾಡಿ, ನಂತರ ಡ್ರೈವಿಂಗ್ ಅನ್ನು ಟ್ಯಾಪ್ ಮಾಡಿ.

  3. ಸ್ವಯಂ-ಪ್ರತಿಕ್ರಿಯೆ ಎಂಬುದನ್ನು ಟ್ಯಾಪ್ ಮಾಡಿ, ನಂತರ ಡ್ರೈವಿಂಗ್ ಫೋಕಸ್ ಆನ್ ಆಗಿರುವಾಗ ನಿರ್ದಿಷ್ಟ ವ್ಯಕ್ತಿಗಳು ನಿಮ್ಮನ್ನು ಸಂಪರ್ಕಿಸಲು ಪ್ರಯತ್ನಿಸಿದರೆ ಅವರು ಸ್ವಯಂ-ಪ್ರತಿಕ್ರಿಯೆಯನ್ನು ಸ್ವೀಕರಿಸಬೇಕೇ ಅಥವಾ ಬೇಡವೇ ಎಂಬುದನ್ನು ಆಯ್ಕೆಮಾಡಿ

    ನಿಮ್ಮ ಸ್ವಯಂ-ಪ್ರತಿಕ್ರಿಯೆ ಸಂದೇಶವನ್ನು ಕಸ್ಟಮೈಸ್ ಮಾಡಲು ಅದನ್ನು ನೀವು ಎಡಿಟ್ ಮಾಡಬಹುದು.

    ನಂತರ ಮೇಲಿನ ಎಡಭಾಗದಲ್ಲಿರುವ ಹಿಂದಕ್ಕೆ ಬಟನ್ ಅನ್ನು ಟ್ಯಾಪ್ ಮಾಡಿ.

  4. ‘ಡ್ರೈವಿಂಗ್ ಮಾಡುವಾಗ’ ಎಂಬುದನ್ನು ಟ್ಯಾಪ್ ಮಾಡಿ (‘ಸ್ವಯಂಚಾಲಿತವಾಗಿ ಆನ್ ಮಾಡಿ’ ಎಂಬುದರ ಕೆಳಗೆ), ನಂತರ ‘ಡ್ರೈವಿಂಗ್’ ಅನ್ನು ಯಾವಾಗ ಸಕ್ರಿಯಗೊಳಿಸಬೇಕು ಎಂಬುದನ್ನು ಆಯ್ಕೆಮಾಡಿ:

    • ಸ್ವಯಂಚಾಲಿತವಾಗಿ: ನೀವು ಡ್ರೈವಿಂಗ್ ಮಾಡುತ್ತಿರಬಹುದು ಎಂದು iPhone ಪತ್ತೆಹಚ್ಚಿದಾಗ.

    • ಕಾರಿನ Bluetoothಗೆ ಕನೆಕ್ಟ್ ಮಾಡಿದಾಗ: ನಿಮ್ಮ iPhone ಅನ್ನು ಕಾರಿನ Bluetooth ಸಿಸ್ಟಂಗೆ ಕನೆಕ್ಟ್ ಮಾಡಿದಾಗ.

    • ಹಸ್ತಚಾಲಿತವಾಗಿ: ನೀವು ಇದನ್ನು ಕಂಟ್ರೋಲ್ ಸೆಂಟರ್‌ನಲ್ಲಿ ಆನ್ ಮಾಡಿದಾಗ.

    • CarPlay ಮೂಲಕ ಸಕ್ರಿಯಗೊಳಿಸಿ: iPhone CarPlayಗೆ ಕನೆಕ್ಟ್ ಆಗಿದ್ದಾಗ ಸ್ವಯಂಚಾಲಿತವಾಗಿ.

ಇದನ್ನು ಸಹ ನೋಡಿiPhoneನಲ್ಲಿನ ನೋಟಿಫಿಕೇಷನ್‌ಗಳನ್ನು ನೋಡಿ ಮತ್ತು ಪ್ರತಿಕ್ರಿಯಿಸಿ
Morty Proxy This is a proxified and sanitized view of the page, visit original site.
ಉಪಯುಕ್ತವಾಗಿದೆಯೇ?
ಅಕ್ಷರ ಮಿತಿ: 250
ಗರಿಷ್ಠ ಅಕ್ಷರ ಮಿತಿಯು 250 ಆಗಿದೆ.
ನಿಮ್ಮ ಫೀಡ್‌ಬ್ಯಾಕ್‌ಗಾಗಿ ಧನ್ಯವಾದಗಳು.
Morty Proxy This is a proxified and sanitized view of the page, visit original site.