iOS 26
iOS 18
ಈ ನಿಯಂತ್ರಣವನ್ನು ಮಾರ್ಪಡಿಸುವುದರಿಂದ ಈ ಪುಟವು ಸ್ವಯಂಚಾಲಿತವಾಗಿ ಅಪ್‌ಡೇಟ್ ಆಗುತ್ತದೆ

iPhoneನಲ್ಲಿನ ರಿಮೈಂಡರ್ಸ್ ಆ್ಯಪ್‌ನಲ್ಲಿ ಟೆಂಪ್ಲೇಟ್‌ಗಳೊಂದಿಗೆ ಕೆಲಸ ಮಾಡಿ

ರಿಮೈಂಡರ್ಸ್ ಆ್ಯಪ್‌ನಲ್ಲಿ ನೀವು ಪಟ್ಟಿಯನ್ನು ದಿನಚರಿಗಳು, ಪ್ಯಾಕಿಂಗ್ ಪಟ್ಟಿಗಳು ಮತ್ತು ಇತ್ಯಾದಿಗಳಿಗಾಗಿ ಮರುಬಳಕೆ ಮಾಡಲು ಟೆಂಪ್ಲೇಟ್‌ನಂತೆ ಸೇವ್ ಮಾಡಬಹುದು. ಇತರರೊಂದಿಗೆ ಟೆಂಪ್ಲೇಟ್ ಅನ್ನು ಪ್ರಕಟಿಸಲು ಮತ್ತು ಹಂಚಿಕೊಳ್ಳಲು ಲಿಂಕ್ ಅನ್ನು ರಚಿಸಿ ಅಥವಾ ಇತರರು ಹಂಚಿಕೊಂಡ ಟೆಂಪ್ಲೇಟ್‌ಗಳನ್ನು ಡೌನ್‌ಲೋಡ್ ಮಾಡಿ.

ಪಟ್ಟಿಯನ್ನು ಟೆಂಪ್ಲೇಟ್ ಆಗಿ ಸೇವ್ ಮಾಡಿ

  1. ನಿಮ್ಮ iPhoneನಲ್ಲಿರುವ ರಿಮೈಂಡರ್ಸ್ ಆ್ಯಪ್‌ಗೆ ಹೋಗಿ.

  2. ಪಟ್ಟಿಯನ್ನು ನೋಡುವಾಗ ಇನ್ನಷ್ಟು ಬಟನ್ ಅನ್ನು ಟ್ಯಾಪ್ ಮಾಡಿ, ನಂತರ ಟೆಂಪ್ಲೇಟ್ ಆಗಿ ಸೇವ್ ಮಾಡಿ ಎಂಬುದನ್ನು ಟ್ಯಾಪ್ ಮಾಡಿ.

  3. ಟೆಂಪ್ಲೇಟ್‌ಗಾಗಿ ಹೆಸರನ್ನು ನಮೂದಿಸಿ.

  4. ಪೂರ್ಣಗೊಂಡ ರಿಮೈಂಡರ್‌ಗಳನ್ನು ಸೇರಿಸಿ ಎಂಬುದನ್ನು ಆನ್ ಅಥವಾ ಆಫ್ ಮಾಡಿ, ನಂತರ ಮುಗಿದಿದೆ ಬಟನ್ ಅನ್ನು ಟ್ಯಾಪ್ ಮಾಡಿ.

ನೀವು ಪಟ್ಟಿಯಿಂದ ಟೆಂಪ್ಲೇಟ್ ಅನ್ನು ರಚಿಸಿದ ನಂತರ, ಆ ಪಟ್ಟಿಯಲ್ಲಿ ನೀವು ಮಾಡುವ ಯಾವುದೇ ಬದಲಾವಣೆಗಳು ಟೆಂಪ್ಲೇಟ್ ಮೇಲೆ ಪರಿಣಾಮ ಬೀರುವುದಿಲ್ಲ.

ಟೆಂಪ್ಲೇಟ್‌ನಿಂದ ಹೊಸ ಪಟ್ಟಿಯನ್ನು ರಚಿಸಿ

  1. ನಿಮ್ಮ iPhoneನಲ್ಲಿರುವ ರಿಮೈಂಡರ್ಸ್ ಆ್ಯಪ್‌ಗೆ ಹೋಗಿ.

  2. ಇನ್ನಷ್ಟು ಬಟನ್ ಅನ್ನು ಟ್ಯಾಪ್ ಮಾಡಿ, ಟೆಂಪ್ಲೇಟ್‌ಗಳನ್ನು ಟ್ಯಾಪ್ ಮಾಡಿ, ನಂತರ ಟೆಂಪ್ಲೇಟ್‌ನ ಹೆಸರನ್ನು ಟ್ಯಾಪ್ ಮಾಡಿ.

  3. ಪಟ್ಟಿಗಾಗಿ ಹೆಸರನ್ನು ನಮೂದಿಸಿ, ನಂತರ ರಚಿಸಿ ಎಂಬುದನ್ನು ಟ್ಯಾಪ್ ಮಾಡಿ.

ಟೆಂಪ್ಲೇಟ್ ಅನ್ನು ಎಡಿಟ್ ಮಾಡಿ ಅಥವಾ ಡಿಲೀಟ್ ಮಾಡಿ

ನೀವು ಟೆಂಪ್ಲೇಟ್‌ನಲ್ಲಿ ಮಾಡಿದ ಯಾವುದೇ ಬದಲಾವಣೆಗಳು ಈ ಹಿಂದೆ ಆ ಟೆಂಪ್ಲೇಟ್‌ನಿಂದ ರಚಿಸಲಾದ ಪಟ್ಟಿಗಳ ಮೇಲೆ ಪರಿಣಾಮ ಬೀರುವುದಿಲ್ಲ.

  1. ನಿಮ್ಮ iPhoneನಲ್ಲಿರುವ ರಿಮೈಂಡರ್ಸ್ ಆ್ಯಪ್‌ಗೆ ಹೋಗಿ.

  2. ಇನ್ನಷ್ಟು ಬಟನ್ ಅನ್ನು ಟ್ಯಾಪ್ ಮಾಡಿ, ಟೆಂಪ್ಲೇಟ್‌ಗಳನ್ನು ಟ್ಯಾಪ್ ಮಾಡಿ, ನಂತರ ನೀವು ನಿರ್ವಹಿಸಲು ಬಯಸುವ ಟೆಂಪ್ಲೇಟ್‌ನ ಪಕ್ಕದಲ್ಲಿರುವ ಎಡಿಟ್ ಬಟನ್ ಅನ್ನು ಟ್ಯಾಪ್ ಮಾಡಿ.

  3. ಈ ಕೆಳಗಿನವುಗಳಲ್ಲಿ ಯಾವುದನ್ನಾದರೂ ಆಯ್ಕೆಮಾಡಿ:

    • ಟೆಂಪ್ಲೇಟ್ ಅನ್ನು ಎಡಿಟ್ ಮಾಡಿ: ಟೆಂಪ್ಲೇಟ್‌ಗೆ ಯಾವುದೇ ಐಟಂಗಳನ್ನು ಸೇರಿಸಿ, ಅವುಗಳನ್ನು ಎಡಿಟ್ ಮಾಡಿ ಅಥವಾ ಡಿಲೀಟ್ ಮಾಡಿ. ನೀವು ಟೆಂಪ್ಲೇಟ್‌ನ ಹೆಸರು, ಬಣ್ಣ ಮತ್ತು ಐಕಾನ್ ಅನ್ನು ಸಹ ಬದಲಾಯಿಸಬಹುದು.

    • ಟೆಂಪ್ಲೇಟ್ ಅನ್ನು ಡಿಲೀಟ್ ಮಾಡಿ: ಟೆಂಪ್ಲೇಟ್ ಅನ್ನು ತೆಗೆದುಹಾಕಿ.

ಟೆಂಪ್ಲೇಟ್ ಅನ್ನು ಹಂಚಿಕೊಳ್ಳಿ

ನೀವು ಟೆಂಪ್ಲೇಟ್ ಒಂದನ್ನು ಹಂಚಿಕೊಂಡಾಗ, Apple ಸರ್ವರ್‌ಗಳು ಆ್ಯಕ್ಸೆಸ್ ಹೊಂದಿರುತ್ತವೆ. ಇದರಿಂದಾಗಿ ಲಿಂಕ್ ಹೊಂದಿರುವ ಯಾರಾದರೂ iOS 16, iPadOS 16, macOS 13, ಅಥವಾ ನಂತರದ ಆವೃತ್ತಿಗಳನ್ನು ಬಳಸುತ್ತಿರುವ ಸಾಧನದಲ್ಲಿ ಟೆಂಪ್ಲೇಟ್‌ನ ಕಾಪಿಯನ್ನು ಡೌನ್‌ಲೋಡ್ ಮಾಡಬಹುದು. ಹಂಚಿಕೊಂಡ ಟೆಂಪ್ಲೇಟ್‌ನಲ್ಲಿ ಯಾವುದೇ ದಿನಾಂಕಗಳು, ಟ್ಯಾಗ್‌ಗಳು ಅಥವಾ ಸ್ಥಳಗಳನ್ನು ಉಳಿಸಿಕೊಳ್ಳಬೇಕೇ ಬೇಡವೇ ಎಂಬುದನ್ನು ನೀವು ಆಯ್ಕೆಮಾಡಬಹುದು; ಚಿತ್ರಗಳನ್ನು ತೆಗೆದುಹಾಕಲಾಗುತ್ತದೆ.

  1. ನಿಮ್ಮ iPhoneನಲ್ಲಿರುವ ರಿಮೈಂಡರ್ಸ್ ಆ್ಯಪ್‌ಗೆ ಹೋಗಿ.

  2. ಇನ್ನಷ್ಟು ಬಟನ್ ಅನ್ನು ಟ್ಯಾಪ್ ಮಾಡಿ, ಟೆಂಪ್ಲೇಟ್‌ಗಳನ್ನು ಟ್ಯಾಪ್ ಮಾಡಿ, ನಂತರ ನೀವು ಹಂಚಿಕೊಳ್ಳಲು ಬಯಸುವ ಟೆಂಪ್ಲೇಟ್‌ನ ಪಕ್ಕದಲ್ಲಿರುವ ಎಡಿಟ್ ಬಟನ್ ಅನ್ನು ಟ್ಯಾಪ್ ಮಾಡಿ.

  3. ಹಂಚಿಕೊಳ್ಳಿ ಟೆಂಪ್ಲೇಟ್ ಎಂಬುದನ್ನು ಟ್ಯಾಪ್ ಮಾಡಿ, ನಂತರ ಹಂಚಿಕೊಳ್ಳಲು ಒಂದು ವಿಧಾನವನ್ನು ಆರಿಸಿ.

ಹಂಚಿಕೊಂಡ ಟೆಂಪ್ಲೇಟ್ ಅನ್ನು ನಿರ್ವಹಿಸಲು ಇನ್ನಷ್ಟು ಬಟನ್ ಅನ್ನು ಟ್ಯಾಪ್ ಮಾಡಿ, ಟೆಂಪ್ಲೇಟ್‌ಗಳು ಎಂಬುದನ್ನು ಟ್ಯಾಪ್ ಮಾಡಿ, ಎಡಿಟ್ ಬಟನ್ ಅನ್ನು ಟ್ಯಾಪ್ ಮಾಡಿ, ನಂತರ ಲಿಂಕ್ ಅನ್ನು ನಿರ್ವಹಿಸಿ ಎಂಬುದನ್ನು ಟ್ಯಾಪ್ ಮಾಡಿ.

ಹಂಚಿಕೊಂಡ ನಂತರ ನೀವು ಟೆಂಪ್ಲೇಟ್‌ನಲ್ಲಿ ಬದಲಾವಣೆಗಳನ್ನು ಮಾಡಿದರೆ, ನೀವು ಹಂಚಿಕೊಂಡ ಆವೃತ್ತಿಯನ್ನು ಅಪ್‌ಡೇಟ್ ಮಾಡಬಹುದು. ಯಾರಾದರೂ ಹಿಂದಿನ ಆವೃತ್ತಿಯನ್ನು ಡೌನ್‌ಲೋಡ್ ಮಾಡಿದ್ದರೆ ಅಪ್‌ಡೇಟ್‌ಗಳನ್ನು ಪಡೆಯಲು ಟೆಂಪ್ಲೇಟ್ ಅನ್ನು ಮತ್ತೊಮ್ಮೆ ಡೌನ್‌ಲೋಡ್ ಮಾಡಬೇಕಾಗುತ್ತದೆ.

ನೀವು ಟೆಂಪ್ಲೇಟ್ ಒಂದನ್ನು ಹಂಚಿಕೊಳ್ಳುವುದನ್ನು ನಿಲ್ಲಿಸುವುದರಿಂದ ಅದಾಗಲೇ ಟೆಂಪ್ಲೇಟ್ ಅನ್ನು ಡೌನ್‌ಲೋಡ್ ಮಾಡಿದ ಯಾರ ಮೇಲೂ ಪರಿಣಾಮ ಬೀರುವುದಿಲ್ಲ.

ಇದನ್ನು ಸಹ ನೋಡಿiPhoneನಲ್ಲಿನ ರಿಮೈಂಡರ್ಸ್ ಆ್ಯಪ್‌ನಲ್ಲಿ ಒಂದಕ್ಕಿಂತ ಹೆಚ್ಚು ಪಟ್ಟಿಗಳನ್ನು ವ್ಯವಸ್ಥಿತಗೊಳಿಸಿಪಟ್ಟಿಗಳನ್ನು ಹಂಚಿಕೊಳ್ಳಿ ಮತ್ತು iPhoneನಲ್ಲಿನ ರಿಮೈಂಡರ್ಸ್ ಆ್ಯಪ್‌ನಲ್ಲಿ ಕೊಲಾಬೊರೇಟ್ ಮಾಡಿ
Morty Proxy This is a proxified and sanitized view of the page, visit original site.
ಉಪಯುಕ್ತವಾಗಿದೆಯೇ?
ಅಕ್ಷರ ಮಿತಿ: 250
ಗರಿಷ್ಠ ಅಕ್ಷರ ಮಿತಿಯು 250 ಆಗಿದೆ.
ನಿಮ್ಮ ಫೀಡ್‌ಬ್ಯಾಕ್‌ಗಾಗಿ ಧನ್ಯವಾದಗಳು.
Morty Proxy This is a proxified and sanitized view of the page, visit original site.