iPhoneನಲ್ಲಿ ಸಂದೇಶಗಳು, ಕರೆಗಳು ಮತ್ತು ಸಂಭಾಷಣೆಗಳನ್ನು ಅನುವಾದಿಸುವುದು

Apple Intelligence* ಸಹಾಯದಿಂದ ನೀವು ವಿವಿಧ ಭಾಷೆಗಳಲ್ಲಿ ಪಠ್ಯ ಸಂದೇಶಗಳು, ಆಡಿಯೊ ಮತ್ತು ವೀಡಿಯೊ ಕರೆಗಳು ಮತ್ತು ಮುಖಾಮುಖಿ ಸಂಭಾಷಣೆಗಳ ಲೈವ್ ಅನುವಾದಗಳನ್ನು ಪಡೆಯಬಹುದು. ಉದಾಹರಣೆಗೆ, ನೀವು ವಿದೇಶಕ್ಕೆ ಪ್ರಯಾಣಿಸುವಾಗ ಮತ್ತು ನೀವು ಭೇಟಿಯಾಗುವ ಜನರೊಂದಿಗೆ ಸಂವಹನ ನಡೆಸಬೇಕಾದಾಗ, ಲೈವ್ ಅನುವಾದವು ನೈಜ ಸಮಯದಲ್ಲಿ ಭಾಷೆಯ ಅಡೆತಡೆಗಳನ್ನು ನಿವಾರಿಸಲು ಸಹಾಯ ಮಾಡುತ್ತದೆ. ಲೈವ್ ಅನುವಾದವನ್ನು ಸಂದೇಶ, FaceTime, ಫೋನ್ ಆ್ಯಪ್‌‌ಗಳಿಗೆ ಇಂಟಿಗ್ರೇಟ್ ಮಾಡಲಾಗಿದೆ. ನೀವು ಇದನ್ನು AirPods ಜೊತೆಗೂ ಬಳಸಬಹುದು. ಲೈವ್ ಅನುವಾದವು ಸಾಧನದಲ್ಲಿ ರನ್ ಆಗುವ Apple ಬಿಲ್ಟ್ ಮಾಡಲ್‌ಗಳನ್ನು ಬಳಸುತ್ತದೆ, ಇದರಿಂದ ನಿಮ್ಮ ವೈಯಕ್ತಿಕ ಸಂಭಾಷಣೆಗಳು ಖಾಸಗಿಯಾಗಿರುತ್ತವೆ.

ಗಮನಿಸಿ: Apple Intelligence ಎಲ್ಲಾ iPhone ಮಾಡಲ್‌ಗಳು ಅಥವಾ ಭಾಷೆಗಳು ಅಥವಾ ಪ್ರದೇಶಗಳಲ್ಲಿ ಲಭ್ಯವಿಲ್ಲ.** ತೀರಾ ಇತ್ತೀಚಿನ ಲಭ್ಯವಿರುವ ಫೀಚರ್‌ಗಳನ್ನು ಆ್ಯಕ್ಸೆಸ್ ಮಾಡಲು, ನೀವು iOSನ ಇತ್ತೀಚಿನ ಆವೃತ್ತಿಯನ್ನು ಬಳಸುತ್ತಿದ್ದೀರಿ ಮತ್ತು ನಿಮ್ಮ ಸಾಧನದಲ್ಲಿ Apple Intelligence ಆನ್ ಮಾಡಿದ್ದೀರಿ ಎಂಬುದನ್ನು ಖಚಿತಪಡಿಸಿಕೊಳ್ಳಿ.

Apple Intelligence ಮತ್ತು ಗೌಪ್ಯತೆಯ ಕುರಿತಾದ ಹೆಚ್ಚಿನ ಮಾಹಿತಿಗಾಗಿ, Apple Intelligence ಮತ್ತು ಗೌಪ್ಯತೆ ಎಂಬುದನ್ನು ನೋಡಿ.

ಭಾಷೆಗಳನ್ನು ಡೌನ್‌ಲೋಡ್ ಮಾಡುವುದು

ಸಂದೇಶ ಆ್ಯಪ್, FaceTime ಮತ್ತು ಫೋನ್ ಆ್ಯಪ್‌ಗಳಲ್ಲಿನ ಲೈವ್ ಅನುವಾದ ಫೀಚರ್‌ಗಳನ್ನು ಬಳಸುವ ಮೊದಲು, ನೀವು ಇನ್‌ಪುಟ್ ಮತ್ತು ಔಟ್‌ಪುಟ್ ಭಾಷೆಗಳನ್ನು ಡೌನ್‌ಲೋಡ್ ಮಾಡಬೇಕಾಗುತ್ತದೆ.

ಸಂದೇಶ ಆ್ಯಪ್‌ನಲ್ಲಿ ಪಠ್ಯಗಳನ್ನು ಅನುವಾದಿಸುವುದು

ಸಂದೇಶ ಆ್ಯಪ್‌ನಲ್ಲಿ, Apple Intelligenceನಿಂದ ಸಕ್ರಿಯಗೊಳಿಸಲಾದ ಲೈವ್ ಅನುವಾದವನ್ನು ಬಳಸಿಕೊಂಡು, ಇತರ ಭಾಷೆಗಳಲ್ಲಿ ಒಳಬರುವ ಪಠ್ಯಗಳನ್ನು ನಿಮ್ಮ ಆದ್ಯತೆಯ ಭಾಷೆಗೆ ಸ್ವಯಂಚಾಲಿತವಾಗಿ ಅನುವಾದಿಸುವುದನ್ನು ನೀವು ನೋಡಬಹುದು.

ಗಮನಿಸಿ: ಸಂದೇಶ ಆ್ಯಪ್‌ನಲ್ಲಿ ಲೈವ್ ಅನುವಾದವು ಇಂಗ್ಲಿಷ್, ಡ್ಯಾನಿಶ್, ಡಚ್, ಫ್ರೆಂಚ್, ಜರ್ಮನ್, ಇಟಾಲಿಯನ್, ನಾರ್ವೇಜಿಯನ್, ಪೋರ್ಚುಗೀಸ್, ಸ್ಪ್ಯಾನಿಷ್, ಸ್ವೀಡಿಷ್, ಟರ್ಕಿಶ್, ಚೈನೀಸ್ (ಸರಳೀಕೃತ), ಚೈನೀಸ್ (ಸಾಂಪ್ರದಾಯಿಕ), ಜಾಪನೀಸ್, ಕೊರಿಯನ್ ಮತ್ತು ವಿಯೆಟ್ನಾಮೀಸ್ ಭಾಷೆಗಳಲ್ಲಿ ಲಭ್ಯವಿದೆ.

  1. ನಿಮ್ಮ iPhoneನಲ್ಲಿ ಸಂದೇಶ ಆ್ಯಪ್‌ಗೆ ಹೋಗಿ.

  2. ನೀವು ಬೇರೊಂದು ಭಾಷೆಯಲ್ಲಿ ಸಂದೇಶವನ್ನು ಸ್ವೀಕರಿಸಿದಾಗ, ಈ ಕೆಳಗಿನವುಗಳಲ್ಲಿ ಯಾವುದನ್ನಾದರೂ ಮಾಡಿ:

    • ಬೇರೆ ಭಾಷೆಯನ್ನು ಆರಿಸಿ: ಸಂಭಾಷಣೆಯ ಮೇಲ್ಭಾಗದಲ್ಲಿರುವ ಸಂಪರ್ಕ ಅಥವಾ ಗುಂಪು ಐಕಾನ್ ಟ್ಯಾಪ್ ಮಾಡಿ, ಕೆಳಕ್ಕೆ ಸ್ಕ್ರೋಲ್ ಮಾಡಿ, ನಂತರ ಇದರಿಂದ ಅನುವಾದಿಸಿ ಅಥವಾ ಇದಕ್ಕೆ ಅನುವಾದಿಸಿ ಎಂಬುದನ್ನು ಟ್ಯಾಪ್ ಮಾಡಿ.

    • ಮೂಲ ಪಠ್ಯವನ್ನು ನೋಡಿ: ಸಂಭಾಷಣೆಯ ಕೆಳಭಾಗದಲ್ಲಿ, ಅನುವಾದಿಸುವ [ಭಾಷೆ] ಎಂಬುದನ್ನು ಟ್ಯಾಪ್ ಮಾಡಿ, ನಂತರ ಅನುವಾದಿಸಿದ ಪಠ್ಯದೊಂದಿಗೆ ಮೂಲ ಪಠ್ಯವನ್ನು ನೋಡಲು ಆಯ್ಕೆಮಾಡಿ.

    • ಸಂಭಾಷಣೆಗಾಗಿ ಲೈವ್ ಅನುವಾದವನ್ನು ಆಫ್ ಮಾಡಿ: ಸಂಭಾಷಣೆಯ ಕೆಳಭಾಗದಲ್ಲಿ, ಅನುವಾದಿಸುವ [ಭಾಷೆ] ಎಂಬುದನ್ನು ಟ್ಯಾಪ್ ಮಾಡಿ, ನಂತರ ಅನುವಾದವನ್ನು ನಿಲ್ಲಿಸಿ ಎಂಬುದನ್ನು ಟ್ಯಾಪ್ ಮಾಡಿ.

FaceTimeನಲ್ಲಿ ಅನುವಾದಿತ ಕ್ಯಾಪ್ಶನ್‌ಗಳನ್ನು ನೋಡುವುದು

ಬೇರೆ ಭಾಷೆಯನ್ನು ಮಾತನಾಡುವವರೊಂದಿಗೆ FaceTime ಕರೆಯಲ್ಲಿರುವಾಗ, ನಿಮ್ಮ ಆದ್ಯತೆಯ ಭಾಷೆಯಲ್ಲಿ ಅನುವಾದಿತ ಕ್ಯಾಪ್ಶನ್‌ಗಳನ್ನು ನೋಡಲು ನೀವು Apple Intelligenceನಿಂದ ಸಕ್ರಿಯಗೊಳಿಸಲಾದ ಲೈವ್ ಅನುವಾದವನ್ನು ಬಳಸಬಹುದು.

ಗಮನಿಸಿ: FaceTime ಆ್ಯಪ್‌ನಲ್ಲಿ ಲೈವ್ ಅನುವಾದವು ಒನ್-ಆನ್-ಒನ್ ಕರೆಗಳಿಗೆ, ಇಂಗ್ಲಿಷ್ (ಯುಕೆ, ಯು.ಎಸ್.), ಫ್ರೆಂಚ್ (ಫ್ರಾನ್ಸ್), ಜರ್ಮನ್, ಇಟಾಲಿಯನ್, ಪೋರ್ಚುಗೀಸ್ (ಬ್ರೆಜಿಲ್), ಸ್ಪ್ಯಾನಿಷ್ (ಸ್ಪೇನ್), ಚೈನೀಸ್ (ಸರಳೀಕೃತ), ಚೈನೀಸ್ (ಸಾಂಪ್ರದಾಯಿಕ), ಜಪಾನೀಸ್ ಮತ್ತು ಕೊರಿಯನ್ ಭಾಷೆಗಳಲ್ಲಿ ಲಭ್ಯವಿದೆ.

  1. ನಿಮ್ಮ iPhoneನಲ್ಲಿ FaceTime ಆ್ಯಪ್‌ಗೆ ಹೋಗಿ.

  2. ಕರೆಯ ಸಮಯದಲ್ಲಿ, FaceTime ಕಂಟ್ರೋಲ್‌ಗಳು ಕಾಣುವಂತೆ ಮಾಡಲು (ಅವುಗಳು ಗೋಚರಿಸದಿದ್ದರೆ) ಸ್ಕ್ರೀನ್ ಅನ್ನು ಟ್ಯಾಪ್ ಮಾಡಿ.

  3. ಇನ್ನಷ್ಟು ಬಟನ್ ಅನ್ನು ಟ್ಯಾಪ್ ಮಾಡಿ, ನಂತರ ಲೈವ್ ಕ್ಯಾಪ್ಶನ್‌ಗಳು ಎಂಬುದನ್ನು ಟ್ಯಾಪ್ ಮಾಡಿ.

    ಸ್ವಯಂಚಾಲಿತವಾಗಿ ಟ್ರಾನ್ಸ್‌ಕ್ರೈಬ್ ಮಾಡಲಾದ ಕರೆಯ ಡೈಲಾಗ್ ಅನ್ನು ತೋರಿಸುವ ಲೈವ್ ಕ್ಯಾಪ್ಶನ್‌ಗಳ ವಿಂಡೋ ಸ್ಕ್ರೀನ್‌ನ ಮೇಲ್ಭಾಗದ ಸಮೀಪ ಕಾಣಿಸಿಕೊಳ್ಳುತ್ತದೆ.

ಫೋನ್ ಕರೆಗಳ ಸಮಯದಲ್ಲಿ ಅನುವಾದಗಳನ್ನು ಪಡೆಯುವುದು

ನಿಮ್ಮ ಫೋನ್ ಆ್ಯಪ್‌ ಬಳಸಿ ಬೇರೆ ಭಾಷೆಯನ್ನು ಮಾತನಾಡುವ ವ್ಯಕ್ತಿಗೆ ಕರೆ ಮಾಡಿದಾಗ, ನಿಮ್ಮ ಆದ್ಯತೆಯ ಭಾಷೆಯಲ್ಲಿ ಮಾತಿನ ಮತ್ತು ಪಠ್ಯ ಅನುವಾದದೊಂದಿಗೆ ಅನುಸರಿಸಲು ನೀವು Apple Intelligenceನಿಂದ ಸಕ್ರಿಯಗೊಳಿಸಲಾದ ಲೈವ್ ಅನುವಾದವನ್ನು ಬಳಸಬಹುದು.

ಗಮನಿಸಿ: ಫೋನ್‌ ಆ್ಯಪ್‌ನಲ್ಲಿ ಲೈವ್ ಅನುವಾದವು ಇಂಗ್ಲಿಷ್ (ಯುಕೆ, ಯು.ಎಸ್.), ಫ್ರೆಂಚ್ (ಫ್ರಾನ್ಸ್), ಜರ್ಮನ್, ಇಟಾಲಿಯನ್, ಪೋರ್ಚುಗೀಸ್ (ಬ್ರೆಜಿಲ್), ಸ್ಪ್ಯಾನಿಷ್ (ಸ್ಪೇನ್), ಚೈನೀಸ್ (ಸರಳೀಕೃತ), ಚೈನೀಸ್ (ಸಾಂಪ್ರದಾಯಿಕ), ಜಾಪನೀಸ್ ಮತ್ತು ಕೊರಿಯನ್ ಭಾಷೆಗಳಲ್ಲಿ ಒನ್-ಆನ್-ಒನ್ ಕರೆಗಳಿಗೆ ಲಭ್ಯವಿದೆ.

ಫೋನ್ ಆ್ಯಪ್‌ನಲ್ಲಿ ಜರ್ಮನ್‌ ಭಾಷೆಯಿಂದ ಇಂಗ್ಲಿಷ್‌ ಭಾಷೆಗೆ ಅನುವಾದಿಸಲಾದ ಸಂಭಾಷಣೆಯನ್ನು ತೋರಿಸುತ್ತಿರುವ ಫೋನ್ ಕರೆ.

  1. ನಿಮ್ಮ iPhoneನಲ್ಲಿ ಫೋನ್ ಆ್ಯಪ್‌ಗೆ ಹೋಗಿ.

  2. ಫೋನ್ ಕರೆಯ ಸಮಯದಲ್ಲಿ, ಇನ್ನಷ್ಟು ಬಟನ್ ಅನ್ನು ಟ್ಯಾಪ್ ಮಾಡಿ, ನಂತರ ಲೈವ್ ಅನುವಾದ ಎಂಬುದನ್ನು ಟ್ಯಾಪ್ ಮಾಡಿ.

  3. ಕರೆ ಮಾಡುವವರು ಮಾತನಾಡುವ ಭಾಷೆಯನ್ನು ಮತ್ತು ನಿಮ್ಮ ಆದ್ಯತೆಯ ಭಾಷೆಯನ್ನು ಆರಿಸಿ.

  4. ಅನುವಾದವನ್ನು ಪ್ರಾರಂಭಿಸಿ ಎಂಬುದನ್ನು ಟ್ಯಾಪ್ ಮಾಡಿ.

AirPods ಬಳಸಿ ಸಮೀಪದ ಸಂಭಾಷಣೆಗಳ ಅನುವಾದಗಳನ್ನು ಆಲಿಸುವುದು

ಸಮೀಪದಲ್ಲಿರುವ ಯಾರಾದರೂ ನಿಮ್ಮೊಂದಿಗೆ ಬೇರೆ ಭಾಷೆಯಲ್ಲಿ ಮಾತನಾಡುವಾಗ, ಅವರು ಏನು ಹೇಳುತ್ತಿದ್ದಾರೆ ಎಂಬುದನ್ನು ನೈಜ ಸಮಯದಲ್ಲಿ ನಿಮ್ಮ ಆದ್ಯತೆಯ ಭಾಷೆಗೆ ಅನುವಾದಿಸಲು ನೀವು Apple Intelligenceನಿಂದ ಸಕ್ರಿಯಗೊಳಿಸಲಾದ “AirPods ಜೊತೆಗೆ ಲೈವ್ ಅನುವಾದ” ಫೀಚರ್ ಅನ್ನು ಬಳಸಬಹುದು. ಅನುವಾದಿತ ಡೈಲಾಗ್ ಸಹ ನಿಮ್ಮ iPhoneನಲ್ಲಿ ಕಾಣಿಸಿಕೊಳ್ಳುತ್ತದೆ.

ಗಮನಿಸಿ: Apple Intelligence ಆನ್ ಆಗಿರುವಾಗ, iPhone 15 Pro ಅಥವಾ ನಂತರದ ಮಾಡಲ್‌ನೊಂದಿಗೆ ಪೇರ್ ಮಾಡಲಾದ AirPods 4 (ANC), AirPods Pro 2 ಅಥವಾ AirPods Pro 3ನಲ್ಲಿ AirPodsನೊಂದಿಗೆ ಲೈವ್ ಅನುವಾದ ಬೆಂಬಲಿತವಾಗಿರುತ್ತದೆ. AirPodsನಲ್ಲಿ ಇತ್ತೀಚಿನ ಫರ್ಮ್‌ವೇರ್ ಇರಬೇಕು. ಲೈವ್ ಅನುವಾದವು ಎಲ್ಲಾ ಭಾಷೆಗಳು ಅಥವಾ ಪ್ರದೇಶಗಳಲ್ಲಿ ಲಭ್ಯವಿಲ್ಲ**; ಈ ಫೀಚರ್ EUನಲ್ಲಿ ಲಭ್ಯವಿಲ್ಲ. ಲಭ್ಯತೆಯ ಕುರಿತು ಹೆಚ್ಚಿನ ಮಾಹಿತಿಗಾಗಿ, iOS ಮತ್ತು iPadOS ಫೀಚರ್ ಲಭ್ಯತೆಯ ವೆಬ್‌ಸೈಟ್ ಅನ್ನು ನೋಡಿ.

  1. ನಿಮ್ಮ iPhoneನಲ್ಲಿರುವ ಅನುವಾದ ಆ್ಯಪ್‌ಗೆ ಹೋಗಿ.

  2. ನಿಮ್ಮ AirPods ಅನ್ನು ಧರಿಸಿ ಮತ್ತು ಅವು ನಿಮ್ಮ ಸಾಧನಕ್ಕೆ ಕನೆಕ್ಟ್ ಆಗಿವೆ ಎಂಬುದನ್ನು ಖಚಿತಪಡಿಸಿಕೊಳ್ಳಿ.

  3. ಲೈವ್ ಎಂಬುದನ್ನು ಟ್ಯಾಪ್ ಮಾಡಿ.

AirPods ಬಳಕೆದಾರರ ಮಾರ್ಗದರ್ಶಿಯಲ್ಲಿ, ಮುಖಾಮುಖಿ ಸಂಭಾಷಣೆಗಳ ಅನುವಾದವನ್ನು ಆಲಿಸಿ ಎಂಬುದನ್ನು ನೋಡಿ.

*Apple Intelligence ಜನರೇಟಿವ್ ಮಾಡಲ್‌ಗಳನ್ನು ಬಳಸುತ್ತದೆ ಮತ್ತು ಔಟ್‌ಪುಟ್‌ಗಳಲ್ಲಿ ವ್ಯತ್ಯಾಸವಾಗಬಹುದು. ನಿಖರತೆಗಾಗಿ ಮುಖ್ಯ ಮಾಹಿತಿಯನ್ನು ಪರಿಶೀಲಿಸಿ.
**Apple Intelligence ಈ ಕೆಳಗಿನ ಭಾಷೆಗಳಿಗೆ ಬೆಂಬಲದೊಂದಿಗೆ ಬೀಟಾದಲ್ಲಿ ಲಭ್ಯವಿದೆ: ಇಂಗ್ಲಿಷ್, ಡ್ಯಾನಿಶ್, ಡಚ್, ಫ್ರೆಂಚ್, ಜರ್ಮನ್, ಇಟಾಲಿಯನ್, ನಾರ್ವೇಜಿಯನ್, ಪೋರ್ಚುಗೀಸ್, ಸ್ಪ್ಯಾನಿಷ್, ಸ್ವೀಡಿಷ್, ಟರ್ಕಿಶ್, ಚೈನೀಸ್ (ಸರಳೀಕೃತ), ಚೈನೀಸ್ (ಸಾಂಪ್ರದಾಯಿಕ), ಜಾಪನೀಸ್, ಕೊರಿಯನ್ ಮತ್ತು ವಿಯೆಟ್ನಾಮೀಸ್. ಕೆಲವು ಫೀಚರ್‌ಗಳು ಎಲ್ಲಾ ಭಾಷೆಗಳು ಅಥವಾ ಪ್ರದೇಶಗಳಲ್ಲಿ ಲಭ್ಯವಿಲ್ಲದಿರಬಹುದು. ಭಾಷೆ ಮತ್ತು ಫೀಚರ್ ಲಭ್ಯತೆ ಮತ್ತು ಸಿಸ್ಟಂ ಅವಶ್ಯಕತೆಗಳ ಕುರಿತ ಹೆಚ್ಚಿನ ಮಾಹಿತಿಗಾಗಿ, Apple Intelligence ಅನ್ನು ಪಡೆಯುವುದು ಹೇಗೆ? ಎಂಬ Apple ಬೆಂಬಲ ಲೇಖನವನ್ನು ನೋಡಿ.
ಇದನ್ನು ಸಹ ನೋಡಿiPhoneನಲ್ಲಿನ ಸಂದೇಶ ಆ್ಯಪ್‌ನಲ್ಲಿ Apple Intelligence ಅನ್ನು ಬಳಸುವುದುiPhoneನಲ್ಲಿನ ಫೋನ್ ಆ್ಯಪ್‌ನಲ್ಲಿ Apple Intelligence ಅನ್ನು ಬಳಸುವುದು
Morty Proxy This is a proxified and sanitized view of the page, visit original site.
ಉಪಯುಕ್ತವಾಗಿದೆಯೇ?
ಅಕ್ಷರ ಮಿತಿ: 250
ಗರಿಷ್ಠ ಅಕ್ಷರ ಮಿತಿಯು 250 ಆಗಿದೆ.
ನಿಮ್ಮ ಫೀಡ್‌ಬ್ಯಾಕ್‌ಗಾಗಿ ಧನ್ಯವಾದಗಳು.
Morty Proxy This is a proxified and sanitized view of the page, visit original site.