iOS 26
iOS 18
ಈ ನಿಯಂತ್ರಣವನ್ನು ಮಾರ್ಪಡಿಸುವುದರಿಂದ ಈ ಪುಟವು ಸ್ವಯಂಚಾಲಿತವಾಗಿ ಅಪ್‌ಡೇಟ್ ಆಗುತ್ತದೆ

iPhoneಗೆ ಸಂಗೀತವನ್ನು ಸೇರಿಸುವುದು ಮತ್ತು ಆಫ್‌ಲೈನ್‌ನಲ್ಲಿ ಆಲಿಸುವುದು

ನೀವು Apple Musicಗೆ ಸಬ್‌ಸ್ಕ್ರೈಬ್ ಮಾಡಿದ ತಕ್ಷಣ, ನೀವು Apple Musicನಿಂದ ನಿಮ್ಮ ಸಂಗೀತದ ಲೈಬ್ರರಿಗೆ ಹಾಡುಗಳು ಮತ್ತು ವೀಡಿಯೊಗಳನ್ನು ಸೇರಿಸಬಹುದು ಮತ್ತು ಡೌನ್‌ಲೋಡ್ ಮಾಡಬಹುದು. ನೀವು ಇಂಟರ್ನೆಟ್ ಕನೆಕ್ಷನ್ ಅನ್ನು ಹೊಂದಿರುವಾಗ iPhoneಗೆ ಸೇರಿಸುವ ಸಂಗೀತವನ್ನು ಸ್ಟ್ರೀಮ್ ಮಾಡಬಹುದು. ನೀವು ಇಂಟರ್ನೆಟ್‌ಗೆ ಕನೆಕ್ಟ್ ಆಗಿಲ್ಲದಿರುವಾಗ ಸಂಗೀತವನ್ನು ಪ್ಲೇ ಮಾಡಲು, ನೀವು ಅದನ್ನು ಮೊದಲು ಡೌನ್‌ಲೋಡ್ ಮಾಡಬೇಕಾಗುತ್ತದೆ.

Siri: ಏನನ್ನಾದರೂ ಪ್ಲೇ ಮಾಡುವಾಗ ಈ ರೀತಿ ಏನಾದರೂ Siriಗೆ ಕೇಳಿ, “Add this to my library”. Siriಯನ್ನು ಬಳಸುವುದು ಹೇಗೆಂದು ತಿಳಿಯಿರಿ.

ನಿಮ್ಮ ಲೈಬ್ರರಿಗೆ Apple Musicನಿಂದ ಸಂಗೀತವನ್ನು ಸೇರಿಸುವುದು

  1. ನಿಮ್ಮ iPhoneನಲ್ಲಿ ಸಂಗೀತ ಆ್ಯಪ್‌ಗೆ ಹೋಗಿ.

  2. ಈ ಕೆಳಗಿನವುಗಳಲ್ಲಿ ಯಾವುದಾದರೂ ಒಂದನ್ನು ಮಾಡಿ:

    • ಹಾಡು, ಆಲ್ಬಮ್, ಪ್ಲೇಲಿಸ್ಟ್ ಅಥವಾ ವೀಡಿಯೊವನ್ನು ಹಿಡಿದುಕೊಳ್ಳಿ, ನಂತರ ಸೇರಿಸಿ ಎಂಬುದನ್ನು ಟ್ಯಾಪ್ ಮಾಡಿ.

    • ಆಲ್ಬಮ್ ಅಥವಾ ಪ್ಲೇಲಿಸ್ಟ್ ಕಂಟೆಂಟ್ ಅನ್ನು ವೀಕ್ಷಿಸುವಾಗ, ಆಲ್ಬಮ್ ಅಥವಾ ಪ್ಲೇಲಿಸ್ಟ್ ಅನ್ನು ಸೇರಿಸಲು ಸ್ಕ್ರೀನ್‌ನ ಮೇಲ್ಭಾಗದಲ್ಲಿರುವ ಲೈಬ್ರರಿಗೆ ಸೇರಿಸಿ ಬಟನ್ ಅನ್ನು ಟ್ಯಾಪ್ ಮಾಡಿ ಅಥವಾ ಹಾಡಿನ ಪಕ್ಕದಲ್ಲಿರುವ ಇನ್ನಷ್ಟು ಬಟನ್ ಅನ್ನು ಟ್ಯಾಪ್ ಮಾಡಿ, ನಂತರ ಆ ಹಾಡನ್ನು ಸೇರಿಸಲು ಸೇರಿಸಿ ಎಂಬುದನ್ನು ಟ್ಯಾಪ್ ಮಾಡಿ.

    • ಈಗ ಪ್ಲೇ ಆಗುತ್ತಿರುವುದು ಸ್ಕ್ರೀನ್‌ನಲ್ಲಿ, ಇನ್ನಷ್ಟು ಬಟನ್ ಅನ್ನು ಟ್ಯಾಪ್ ಮಾಡಿ, ನಂತರ ಸೇರಿಸಿ ಎಂಬುದನ್ನು ಟ್ಯಾಪ್ ಮಾಡಿ.

ನೀವು ಅದೇ Apple ಖಾತೆಗೆ ಸೈನ್ ಇನ್ ಆಗಿದ್ದರೆ ಮತ್ತು “ಲೈಬ್ರರಿ ಸಿಂಕ್ ಮಾಡಿ” ಅನ್ನು ಆನ್ ಮಾಡಿದ್ದರೆ (ಸೆಟ್ಟಿಂಗ್ಸ್ > ಆ್ಯಪ್‌ಗಳು > ಸಂಗೀತಕ್ಕೆ ಹೋಗಿ, ನಂತರ “ಲೈಬ್ರರಿ ಸಿಂಕ್ ಮಾಡಿ” ಅನ್ನು ಆನ್ ಮಾಡಿ) ನೀವು iPhoneಗೆ ಸೇರಿಸುವ ಸಂಗೀತವನ್ನು ಇತರ ಸಾಧನಗಳಿಗೂ ಸೇರಿಸಲಾಗುತ್ತದೆ.

Apple Musicನಿಂದ ನಿಮ್ಮ iPhoneಗೆ ಸಂಗೀತವನ್ನು ಡೌನ್‌ಲೋಡ್ ಮಾಡಿ

ನೀವು Apple ಸಂಗೀತದಿಂದ ನಿಮ್ಮ ಲೈಬ್ರರಿಗೆ ಸಂಗೀತವನ್ನು ಡೌನ್‌ಲೋಡ್ ಮಾಡುವ ಮೊದಲು, ನೀವು ಲೈಬ್ರರಿ ಸಿಂಕ್ ಮಾಡಿ ಎಂಬುದನ್ನು ಆನ್ ಮಾಡಬೇಕಾಗುತ್ತದೆ. ಸೆಟ್ಟಿಂಗ್ಸ್  > ಆ್ಯಪ್‌ಗಳು > ಸಂಗೀತ ಎಂಬಲ್ಲಿಗೆ ಹೋಗಿ, ನಂತರ ಲೈಬ್ರರಿಯನ್ನು ಸಿಂಕ್ ಮಾಡಿ ಎಂಬುದನ್ನು ಆನ್ ಮಾಡಿ. ನಂತರ ಸಂಗೀತವನ್ನು ಡೌನ್‌ಲೋಡ್ ಮಾಡಲು ಈ ಹಂತಗಳನ್ನು ಅನುಸರಿಸಿ.

  1. ನಿಮ್ಮ iPhoneನಲ್ಲಿ ಸಂಗೀತ ಆ್ಯಪ್‌ಗೆ ಹೋಗಿ.

  2. ಈ ಕೆಳಗಿನವುಗಳಲ್ಲಿ ಯಾವುದಾದರೂ ಒಂದನ್ನು ಮಾಡಿ:

    • ಹಾಡು, ಆಲ್ಬಮ್ ಅಥವಾ ಪ್ಲೇಲಿಸ್ಟ್ ಅನ್ನು ಡೌನ್‌ಲೋಡ್ ಮಾಡಿ: ನಿಮ್ಮ ಲೈಬ್ರರಿಗೆ ನೀವು ಸೇರಿಸಿದ ಸಂಗೀತವನ್ನು ಒತ್ತಿ ಹಿಡಿದುಕೊಳ್ಳಿ, ನಂತರ ಡೌನ್‌ಲೋಡ್ ಮಾಡಿ ಎಂಬುದನ್ನು ಟ್ಯಾಪ್ ಮಾಡಿ.

      ನೀವು ಪ್ಲೇಲಿಸ್ಟ್ ಅಥವಾ ಆಲ್ಬಮ್ ಅನ್ನು ಸೇರಿಸಿದ ನಂತರ, ನೀವು ಸ್ಕ್ರೀನ್‌ನ ಮೇಲ್ಭಾಗದಲ್ಲಿ ಡೌನ್‌ಲೋಡ್ ಬಟನ್ ಅನ್ನು ಟ್ಯಾಪ್ ಮಾಡಬಹುದು.

    • ಯಾವಾಗಲೂ ಸಂಗೀತವನ್ನು ಡೌನ್‌ಲೋಡ್ ಮಾಡಿ: ಸೆಟ್ಟಿಂಗ್ಸ್ > ಆ್ಯಪ್‌ಗಳು > ಸಂಗೀತ ಆ್ಯಪ್‌ ಎಂಬಲ್ಲಿಗೆ ಹೋಗಿ, ನಂತರ ಸ್ವಯಂಚಾಲಿತ ಡೌನ್‌ಲೋಡ್‌ಗಳು ಎಂಬುದನ್ನು ಆನ್ ಮಾಡಿ.

      ನೀವು ಸೇರಿಸುವ ಹಾಡುಗಳನ್ನು ಸ್ವಯಂಚಾಲಿತವಾಗಿ iPhoneಗೆ ಡೌನ್‌ಲೋಡ್ ಮಾಡಲಾಗುತ್ತದೆ.

    • ಡೌನ್‌ಲೋಡ್ ಪ್ರಗತಿಯನ್ನು ನೋಡಿ: ಲೈಬ್ರರಿ ಟ್ಯಾಬ್‌ನಲ್ಲಿ, ಡೌನ್‌ಲೋಡ್ ಮಾಡಲಾಗುತ್ತಿದೆ ಎಂಬುದನ್ನು ಟ್ಯಾಪ್ ಮಾಡಿ.

ಗಮನಿಸಿ: ನೀವು ಡೌನ್‌ಲೋಡ್ ಮಾಡುತ್ತಿರುವ ಸಂಗೀತವು Dolby Atmosನಲ್ಲಿ ಲಭ್ಯವಿದ್ದರೆ, Dolby ಐಕಾನ್ ಐಟಂನ ಪಕ್ಕದಲ್ಲಿ ಕಾಣಿಸಿಕೊಳ್ಳುತ್ತದೆ, ಮತ್ತು ನೀವು ಅದನ್ನು Dolby Atmos ಅಥವಾ ಸ್ಟೀರಿಯೊದಲ್ಲಿ ಡೌನ್‌ಲೋಡ್ ಮಾಡಬಹುದು. ಸಂಗೀತವು Dolby Atmosನಲ್ಲಿ ಲಭ್ಯವಿದ್ದಾಗ ಅದನ್ನು ಡೌನ್‌ಲೋಡ್ ಮಾಡಲು, ಸೆಟ್ಟಿಂಗ್ಸ್  > ಆ್ಯಪ್‌ಗಳು > ಸಂಗೀತ ಎಂಬಲ್ಲಿಗೆ ಹೋಗಿ, ನಂತರ Dolby Atmos‌ನಲ್ಲಿ ಡೌನ್‌ಲೋಡ್ ಮಾಡಿ ಎಂಬುದನ್ನು ಆನ್ ಮಾಡಿ. iPhoneನಲ್ಲಿ ಸ್ಪೇಷಿಯಲ್ ಆಡಿಯೊ ಮತ್ತು Dolby Atmos ಜೊತೆಗೆ ಸಂಗೀತವನ್ನು ಪ್ಲೇ ಮಾಡಿ ಅನ್ನು ನೋಡಿ.

ನಿಮ್ಮ ಲೈಬ್ರರಿಯಿಂದ ಸಂಗೀತವನ್ನು ಡಿಲೀಟ್ ಮಾಡಿ

  1. ನಿಮ್ಮ iPhoneನಲ್ಲಿ ಸಂಗೀತ ಆ್ಯಪ್‌ಗೆ ಹೋಗಿ.

  2. ಹಾಡು, ಆಲ್ಬಮ್, ಪ್ಲೇಲಿಸ್ಟ್ ಅಥವಾ ಸಂಗೀತದ ವೀಡಿಯೊವನ್ನು ಒತ್ತಿ ಹಿಡಿದುಕೊಳ್ಳಿ, ನಂತರ ಲೈಬ್ರರಿಯಿಂದ ಡಿಲೀಟ್ ಮಾಡಿ ಎಂಬುದನ್ನು ಟ್ಯಾಪ್ ಮಾಡಿ.

ಸಂಗ್ರಹಣಾ ಸ್ಥಳವನ್ನು ನಿರ್ವಹಿಸಿ

ಸಂಗ್ರಹಣಾ ಸ್ಥಳವನ್ನು ನಿರ್ವಹಿಸಲು, ಈ ಕೆಳಗಿನವುಗಳಲ್ಲಿ ಯಾವುದನ್ನಾದರೂ ಮಾಡಿ:

  • iPhoneನಲ್ಲಿ ಸಂಗ್ರಹಿಸಿದ ಸಂಗೀತ ಮತ್ತು ವೀಡಿಯೊಗಳನ್ನು ತೆಗೆದುಹಾಕಿ: ನಿಮ್ಮ iPhoneನಲ್ಲಿರುವ ಸಂಗೀತ ಆ್ಯಪ್‌ಗೆ ಹೋಗಿ, ನೀವು ಡೌನ್‌ಲೋಡ್ ಮಾಡಿದ ಐಟಮ್ ಒಂದನ್ನು ಒತ್ತಿ ಹಿಡಿದುಕೊಳ್ಳಿ, ನಂತರ ಡೌನ್‌ಲೋಡ್‌ ತೆಗೆದುಹಾಕಿ ಎಂಬುದನ್ನು ಟ್ಯಾಪ್ ಮಾಡಿ.

    ಐಟಮ್ ಅನ್ನು iPhoneನಿಂದ ತೆಗೆದುಹಾಕಲಾಗಿದೆ, ಆದರೆ ನಿಮ್ಮ ಇತರ ಸಾಧನಗಳಲ್ಲಿನ ನಿಮ್ಮ ಸಂಗೀತ ಲೈಬ್ರರಿಯಿಂದ ತೆಗೆದುಹಾಕಿಲ್ಲ.

  • ಸಂಗೀತದ ಸಂಗ್ರಹಣೆಯನ್ನು ಖಾಲಿ ಮಾಡಿ: ನಿಮ್ಮ iPhone ಸಂಗ್ರಹಣೆಯು ಕಡಿಮೆ ಸ್ಥಳಾವಕಾಶವನ್ನು ಹೊಂದಿದ್ದರೆ, ನೀವು ಒಮ್ಮೆಯೂ ಪ್ಲೇ ಮಾಡದ ಡೌನ್‌ಲೋಡ್ ಮಾಡಿದ ಸಂಗೀತವನ್ನು ನೀವು ಸ್ವಯಂಚಾಲಿತವಾಗಿ ಡಿಲೀಟ್ ಮಾಡಬಹುದು. ಸೆಟ್ಟಿಂಗ್ಸ್‌ಗೆ ಹೋಗಿ  > ಆ್ಯಪ್‌ಗಳು > ಸಂಗೀತ > ಸಂಗ್ರಹಣೆಯನ್ನು ಆಪ್ಟಿಮೈಸ್ ಮಾಡಿ.

  • iPhoneನಿಂದ ಎಲ್ಲಾ ಹಾಡುಗಳನ್ನು ಅಥವಾ ಕೆಲವು ಕಲಾವಿದರನ್ನು ತೆಗೆದುಹಾಕಿ: ಸೆಟ್ಟಿಂಗ್ಸ್  > ಆ್ಯಪ್‌ಗಳು > ಸಂಗೀತ ಆ್ಯಪ್‌ > ಡೌನ್‌ಲೋಡ್ ಮಾಡಲಾದ ಸಂಗೀತ ಎಂಬಲ್ಲಿಗೆ ಹೋಗಿ, ಎಡಿಟ್ ಮಾಡಿ ಎಂಬುದನ್ನು ಟ್ಯಾಪ್ ಮಾಡಿ, ನಂತರ ಎಲ್ಲಾ ಹಾಡುಗಳು ಅಥವಾ ನೀವು ಯಾರ ಸಂಗೀತವನ್ನು ಡಿಲೀಟ್ ಮಾಡಲು ಬಯಸುವಿರೋ ಆ ಕಲಾವಿದರ ಮುಂದೆ ಇರುವ ಡಿಲೀಟ್ ಮಾಡಿ ಬಟನ್ ಅನ್ನು ಟ್ಯಾಪ್ ಮಾಡಿ.

  • iPhoneನಿಂದ ಎಲ್ಲಾ Apple Music ಹಾಡುಗಳನ್ನು ತೆಗೆದುಹಾಕಿ: ಸೆಟ್ಟಿಂಗ್ಸ್ > ಆ್ಯಪ್‌ಗಳು > ಸಂಗೀತ ಆ್ಯಪ್ ಎಂಬಲ್ಲಿಗೆ ಹೋಗಿ, ನಂತರ ಲೈಬ್ರರಿಯನ್ನು ಸಿಂಕ್ ಮಾಡಿ ಎಂಬುದನ್ನು ಆಫ್ ಮಾಡಿ.

    iPhoneನಿಂದ ಹಾಡುಗಳನ್ನು ತೆಗೆದುಹಾಕಲಾಗಿದೆ, ಆದರೆ ನಿಮ್ಮ ಇತರ ಸಾಧನಗಳಲ್ಲಿರುವ ನಿಮ್ಮ ಸಂಗೀತದ ಲೈಬ್ರರಿಯಲ್ಲಿ ಹಾಗೆಯೇ ಇರುತ್ತವೆ. ನೀವು ಖರೀದಿಸಿದ ಅಥವಾ ಸಿಂಕ್ ಮಾಡಿದ ಸಂಗೀತ ಹಾಗೆಯೇ ಉಳಿಯುತ್ತದೆ.

ಸಂಗೀತಕ್ಕಾಗಿ ಮೊಬೈಲ್ ಡೇಟ ಆಯ್ಕೆಗಳನ್ನು ಆರಿಸಿ

  1. ನಿಮ್ಮ iPhoneನಲ್ಲಿ ಸೆಟ್ಟಿಂಗ್ಸ್ ಆ್ಯಪ್‌ಗೆ ಹೋಗಿ.

  2. ಆ್ಯಪ್‌ಗಳು ಎಂಬುದನ್ನು ಟ್ಯಾಪ್ ಮಾಡಿ, ನಂತರ ಸಂಗೀತ ಎಂಬುದನ್ನು ಟ್ಯಾಪ್ ಮಾಡಿ.

  3. ಮೊಬೈಲ್ ಡೇಟವನ್ನು ಆನ್ ಮಾಡಿ, ನಂತರ ಈ ಕೆಳಗಿನವುಗಳಲ್ಲಿ ಯಾವುದಾದರೂ ಒಂದನ್ನು ಮಾಡಿ:

    • ಮೊಬೈಲ್ ನೆಟ್‌ವರ್ಕ್‌ನಲ್ಲಿ ಡೌನ್‌ಲೋಡ್ ಮಾಡಿ ಎನ್ನುವುದನ್ನು ಆನ್ ಅಥವಾ ಆಫ್ ಮಾಡಿ.

    • ಆಡಿಯೊ ಗುಣಮಟ್ಟ ಎಂಬುದನ್ನು ಟ್ಯಾಪ್ ಮಾಡಿ, ಗುಣಮಟ್ಟದ Lossless ಆಡಿಯೊ ಅನ್ನು ಆನ್ ಮಾಡಿ, ನಂತರ ಸೆಟ್ಟಿಂಗ್ ಅನ್ನು ಆಯ್ಕೆ ಮಾಡಲು ಮೊಬೈಲ್ ಸೇವೆ ಸ್ಟ್ರೀಮಿಂಗ್ ಅನ್ನು ಟ್ಯಾಪ್ ಮಾಡಿ (ಯಾವುದೂ ಇಲ್ಲ, ಹೆಚ್ಚಿನ ದಕ್ಷತೆ, ಹೆಚ್ಚಿನ ಗುಣಮಟ್ಟ, Lossless ಅಥವಾ Lossless ಹೆಚ್ಚಿನ-ರೆಸಲ್ಯೂಷನ್).

      ಅಧಿಕ ಗುಣಮಟ್ಟ, Lossless ಮತ್ತು ಹೆಚ್ಚಿನ ರೆಸಲ್ಯೂಷನ್ Lossless ಅಧಿಕ ಎಫಿಸಿಯನ್ಸಿಗಿಂತಲೂ ಗಮನಾರ್ಹವಾಗಿ ಹೆಚ್ಚು ಮೊಬೈಲ್ ಡೇಟವನ್ನು ಬಳಸುತ್ತದೆ, ಇದಕ್ಕೆ ನಿಮ್ಮ ಮೊಬೈಲ್ ನೆಟ್‌ವರ್ಕ್ ಪೂರೈಕೆದಾರರು ಹೆಚ್ಚುವರಿ ಶುಲ್ಕಗಳನ್ನು ವಿಧಿಸಬಹುದು. ಹಾಡುಗಳು ಪ್ಲೇ ಆಗಲು ಹೆಚ್ಚು ಸಮಯ ತೆಗೆದುಕೊಳ್ಳಬಹುದು.

ನೀವು Appleನಿಂದ ಚಲನಚಿತ್ರಗಳು, ಟಿವಿ ಶೋಗಳು, ಸಂಗೀತ, ಸಂಗೀತದ ವೀಡಿಯೊಗಳು, ಇಬುಕ್‌ಗಳು, ಆಡಿಯೊಬುಕ್‌ಗಳು ಅಥವಾ ರಿಂಗ್‌ಟೋನ್‌ಗಳಿಗೆ ಆ್ಯಕ್ಸೆಸ್ ಅನ್ನು ಖರೀದಿಸಿದಾಗ, ನೀವು ಈ ಐಟಮ್‌ಗಳನ್ನು ಹೊಂದಾಣಿಕೆಯಾಗುವ iPhone, iPad, Mac ಅಥವಾ PCಗೆ ಶಾಶ್ವತವಾಗಿ ಡೌನ್‌ಲೋಡ್ ಮಾಡುವ ಆಯ್ಕೆಯನ್ನು ಸಹ ಹೊಂದಿರುತ್ತೀರಿ. ನಿಮ್ಮ ಡೌನ್‌ಲೋಡ್ ಮಾಡಿದ ಕಂಟೆಂಟ್ ಅನ್ನು ಹಿಂಪಡೆಯಲು Appleಗೆ ಸಾಧ್ಯವಿಲ್ಲ ಮತ್ತು ಇಂಟರ್ನೆಟ್ ಕನೆಕ್ಷನ್ ಇಲ್ಲದೆ ನೀವು ಯಾವುದೇ ಸಮಯದಲ್ಲಿ ನಿಮ್ಮ ಡೌನ್‌ಲೋಡ್ ಮಾಡಿದ ಕಂಟೆಂಟ್ ಅನ್ನು ಆ್ಯಕ್ಸೆಸ್ ಮಾಡಬಹುದು.
ಇದನ್ನು ಸಹ ನೋಡಿiPhoneನಲ್ಲಿ ಸಂಗೀತವನ್ನು ಹುಡುಕಿiPhoneನಲ್ಲಿರುವ Apple Musicಗೆ ಇತರ ಸಂಗೀತ ಸೇವೆಗಳಿಂದ ಸಂಗೀತವನ್ನು ವರ್ಗಾಯಿಸುವುದುApple ಬೆಂಬಲ ಲೇಖನ: ಖರೀದಿಗಳನ್ನು ಒಂದು Apple ಖಾತೆಯಿಂದ ಇನ್ನೊಂದು Apple ಖಾತೆಗೆ ಸ್ಥಳಾಂತರಿಸಿ
Morty Proxy This is a proxified and sanitized view of the page, visit original site.
ಉಪಯುಕ್ತವಾಗಿದೆಯೇ?
ಅಕ್ಷರ ಮಿತಿ: 250
ಗರಿಷ್ಠ ಅಕ್ಷರ ಮಿತಿಯು 250 ಆಗಿದೆ.
ನಿಮ್ಮ ಫೀಡ್‌ಬ್ಯಾಕ್‌ಗಾಗಿ ಧನ್ಯವಾದಗಳು.
Morty Proxy This is a proxified and sanitized view of the page, visit original site.