iOS 26
iOS 18
ಈ ನಿಯಂತ್ರಣವನ್ನು ಮಾರ್ಪಡಿಸುವುದರಿಂದ ಈ ಪುಟವು ಸ್ವಯಂಚಾಲಿತವಾಗಿ ಅಪ್‌ಡೇಟ್ ಆಗುತ್ತದೆ

iPhoneನಲ್ಲಿ ಮಗುವಿಗಾಗಿ ಸ್ಕ್ರೀನ್ ಟೈಮ್ ಅನ್ನು ಸೆಟಪ್ ಮಾಡಿ

ಸ್ಕ್ರೀನ್ ಟೈಮ್ ಅನ್ನು ಸೆಟಪ್ ಮಾಡಿ ಎಂಬಲ್ಲಿರುವ ಹಂತಗಳನ್ನು ಅನುಸರಿಸುವ ಮೂಲಕ ನೀವು ಮಗುವಿಗಾಗಿ ಸ್ಕ್ರೀನ್ ಟೈಮ್ ಅನ್ನು ಸೆಟಪ್ ಮಾಡಬಹುದು ಅಥವಾ ಅವರು ನೀವು ವ್ಯವಸ್ಥಾಪಕರಾಗಿರುವ ಕುಟುಂಬ ಹಂಚಿಕೆ ಗುಂಪಿನಲ್ಲಿದ್ದರೆ ಅಥವಾ ನೀವು ಪೋಷಕರು ಅಥವಾ ಪಾಲಕರಾಗಿದ್ದರೆ, ನಿಮ್ಮ ಸಾಧನದಲ್ಲಿನ ಕುಟುಂಬ ಹಂಚಿಕೆಯ ಮೂಲಕ ಅವರಿಗಾಗಿ ಸ್ಕ್ರೀನ್ ಟೈಮ್ ಅನ್ನು ಸೆಟಪ್ ಮಾಡಬಹುದು.

ನೀವು ಕುಟುಂಬ ಹಂಚಿಕೆ ಗುಂಪಿನ ವ್ಯವಸ್ಥಾಪಕರಾಗಿದ್ದರೆ (ಅಥವಾ ಪೋಷಕರು ಅಥವಾ ಪಾಲಕರಾಗಿದ್ದರೆ), ನೀವು ಮಗುವಿನ ಖಾತೆಯನ್ನು ಸೆಟಪ್ ಮಾಡಿದಾಗ, ನೀವು ಮಗುವಿನ ಹೆಸರು ಮತ್ತು ಜನ್ಮದಿನಾಂಕವನ್ನು ನಮೂದಿಸುತ್ತೀರಿ. ಮಗುವು ಆ್ಯಕ್ಸೆಸ್ ಮಾಡಬಹುದಾದ ಕಂಟೆಂಟ್ ಅನ್ನು ನಿರ್ಧರಿಸುವ ಸೂಚಿಸಲಾದ ಕಂಟೆಂಟ್ ನಿರ್ಬಂಧಗಳನ್ನು ಸೆಟ್ ಮಾಡಲು ಮಗುವಿನ ಜನ್ಮದಿನವನ್ನು ಬಳಸಲಾಗುತ್ತದೆ.

ನೀವು ಮಗುವಿನ ಸಾಧನದಲ್ಲಿನ ಸೆಟ್ಟಿಂಗ್ಸ್  > ಸ್ಕ್ರೀನ್ ಟೈಮ್‌ ಎಂಬಲ್ಲಿ ಕಂಟೆಂಟ್ ನಿರ್ಬಂಧಗಳನ್ನು ಹಸ್ತಚಾಲಿತವಾಗಿ ಸೆಟಪ್ ಮಾಡಬಹುದು, ನಿರ್ದಿಷ್ಟ ಸಂಪರ್ಕಗಳಿಂದ ಬರುವ ಕರೆಗಳು ಮತ್ತು ಸಂದೇಶಗಳನ್ನು ಅನುಮತಿಸಬಹುದು ಅಥವಾ ಬ್ಲಾಕ್ ಮಾಡಬಹುದು ಮತ್ತು ನಂತರದಲ್ಲಿ ಡೌನ್‌ಟೈಮ್ ಅನ್ನು ಸೆಟಪ್ ಮಾಡಬಹುದು.

ನೀವು 18 ವರ್ಷದೊಳಗಿನ ಮಗುವಿಗಾಗಿ ಸಾಧನವನ್ನು ಸೆಟಪ್ ಮಾಡಿದಾಗ, ಸಂವಹನ ಸುರಕ್ಷತೆ ಮತ್ತು ವೆಬ್ ಕಂಟೆಂಟ್ ಮಿತಿಗಳು ಡಿಫಾಲ್ಟ್ ಆಗಿ ಆನ್ ಆಗಿರುತ್ತವೆ ಮತ್ತು ಅವುಗಳನ್ನು ನಂತರದ ಸಮಯದಲ್ಲಿ ಸ್ಕ್ರೀನ್ ಟೈಮ್ ಸೆಟ್ಟಿಂಗ್ಸ್‌ನಲ್ಲಿ ನಿರ್ವಹಿಸಬಹುದು. (ಈ ವಯಸ್ಸು ದೇಶ ಅಥವಾ ಪ್ರದೇಶಕ್ಕೆ ಅನುಗುಣವಾಗಿ ಬದಲಾಗುತ್ತದೆ.)

ಮಗುವಿನ ಸ್ಕ್ರೀನ್ ಟೈಮ್ ಅನ್ನು ಸೆಟಪ್ ಮಾಡಿ

  1. ನಿಮ್ಮ iPhoneನಲ್ಲಿ ಸೆಟ್ಟಿಂಗ್ಸ್‌ ಆ್ಯಪ್‌ಗೆ ಹೋಗಿ.

  2. ಸ್ಕ್ರೀನ್ ಟೈಮ್ ಎಂಬುದನ್ನು ಟ್ಯಾಪ್ ಮಾಡಿ, ನಂತರ ಕೆಳಕ್ಕೆ ಸ್ಕ್ರೋಲ್ ಮಾಡಿ ಮತ್ತು ಕುಟುಂಬ ಎಂಬುದರ ಕೆಳಗಿರುವ ಮಗು ಎಂಬುದನ್ನು ಆಯ್ಕೆಮಾಡಿ.

  3. ಈ ಕೆಳಗಿನವುಗಳಲ್ಲಿ ಯಾವುದಾದರೂ ಒಂದನ್ನು ಮಾಡಿ:

    ಗಮನಿಸಿ: ನಿಮ್ಮ ಮಗುವಿನ ಆರೋಗ್ಯ ಅಥವಾ ಆ್ಯಕ್ಸೆಸಬಿಲಿಟಿ ಅ್ಯಪ್‌ಗಳ ಅಗತ್ಯವಿದ್ದರೆ, ಅವುಗಳು ಅನುಮತಿಸಲಾದ ಆ್ಯಪ್‌ಗಳ ಪಟ್ಟಿಯಲ್ಲಿವೆ ಎಂಬುದನ್ನು ಖಚಿತಪಡಿಸಿಕೊಳ್ಳಿ. ಸಂದೇಶ ಆ್ಯಪ್ ಅನ್ನು ಯಾವಾಗಲೂ ಅನುಮತಿಸದಿದ್ದರೆ, ಡೌನ್‌ಟೈಮ್‌ನ ಸಮಯದಲ್ಲಿ ಅಥವಾ ಆ್ಯಪ್ ಮಿತಿಯ ಅವಧಿ ಮುಗಿದ ನಂತರ ನಿಮ್ಮ ಮಗುವಿಗೆ ಸಂದೇಶಗಳನ್ನು ಕಳುಹಿಸಲು ಅಥವಾ ಸ್ವೀಕರಿಸಲು (ತುರ್ತು ಸಂಖ್ಯೆಗಳು ಮತ್ತು ಸಂಪರ್ಕಗಳು ಸೇರಿದಂತೆ) ಸಾಧ್ಯವಾಗುವುದಿಲ್ಲ.

ನೀವು ಮಗುವಿಗಾಗಿ ಈ ಕೆಳಗಿನವುಗಳಲ್ಲಿ ಯಾವುದನ್ನಾದರೂ ಸಹ ಮಾಡಬಹುದು:

ನಿಮ್ಮ ಮಗುವಿನ ಸಂಪರ್ಕಗಳನ್ನು ನೋಡುವುದು ಅಥವಾ ಬದಲಾಯಿಸುವುದು

  1. ನಿಮ್ಮ iPhoneನಲ್ಲಿ ಸೆಟ್ಟಿಂಗ್ಸ್ ಆ್ಯಪ್‌ಗೆ ಹೋಗಿ.

  2. ಸ್ಕ್ರೀನ್ ಟೈಮ್ ಎಂಬುದನ್ನು ಟ್ಯಾಪ್ ಮಾಡಿ, ನಂತರ ನಿಮ್ಮ ಕುಟುಂಬದ ಸದಸ್ಯರ ಹೆಸರನ್ನು ಆಯ್ಕೆಮಾಡಿ. (ನೀವು ಕೆಳಕ್ಕೆ ಸ್ಕ್ರೋಲ್ ಮಾಡಬೇಕಾಗಬಹುದು.)

  3. ಸಂವಹನ ಮಿತಿಗಳು ಎಂಬುದನ್ನು ಟ್ಯಾಪ್ ಮಾಡಿ, ನಂತರ [ಮಗುವಿನ ಹೆಸರಿನ ಸಂಪರ್ಕಗಳನ್ನು ನಿರ್ವಹಿಸಿ ಎಂಬುದನ್ನು ಆನ್ ಮಾಡಿ.

    ಸಂಪರ್ಕಗಳನ್ನು ಸೇರಿಸಲು ಮತ್ತು ಎಡಿಟ್ ಮಾಡಲು ನಿಮ್ಮ ಮಗುವಿಗೆ ಅನುಮತಿಸಲು, ಸಂಪರ್ಕ ಎಡಿಟ್ ಮಾಡುವಿಕೆಯನ್ನು ಅನುಮತಿಸಿ ಎಂಬುದನ್ನು ಆನ್ ಮಾಡಿ.

  4. ನಿಮ್ಮ ಮಗು ಸಂಪರ್ಕಗಳನ್ನು ನಿರ್ವಹಿಸುವ ಕೋರಿಕೆಯನ್ನು ಅವರ ಸಾಧನದಲ್ಲಿ ಅನುಮೋದಿಸುವಂತೆ ಮಾಡಿ.

  5. ನಿಮ್ಮ ಮಗು ನಿಮ್ಮ ವಿನಂತಿಯನ್ನು ಸ್ವೀಕರಿಸಿದ ನಂತರ, ಈ ಕೆಳಗಿನವುಗಳಲ್ಲಿ ಯಾವುದಾದರೂ ಒಂದನ್ನು ಮಾಡಿ:

    • ನಿಮ್ಮ ಮಗುವಿನ ಸಂಪರ್ಕಗಳನ್ನು ನೋಡಿ: ಸಂಪರ್ಕ ಎಂಬುದನ್ನು ಟ್ಯಾಪ್ ಮಾಡಿ.

    • ನಿಮ್ಮ ಮಗುವಿನ ಸಂಪರ್ಕಗಳನ್ನು ಎಡಿಟ್ ಮಾಡಿ: ಸಂಪರ್ಕಗಳು ಎಂಬುದನ್ನು ಟ್ಯಾಪ್ ಮಾಡಿ, ಹೆಸರನ್ನು ಟ್ಯಾಪ್ ಮಾಡಿ, ನಂತರ ಸ್ಕ್ರಿನ್‌ನ ಮೇಲಿನ ಬಲಭಾಗದಲ್ಲಿರುವ ಎಡಿಟ್ ಎಂಬುದನ್ನು ಟ್ಯಾಪ್ ಮಾಡಿ.

    • ನಿಮ್ಮ ಮಗುವಿನ ಸಂಪರ್ಕಗಳಿಂದ ಯಾರನ್ನಾದರೂ ತೆಗೆದುಹಾಕಿ: ಸಂಪರ್ಕ ಎಂಬುದನ್ನು ಟ್ಯಾಪ್ ಮಾಡಿ, ಹೆಸರನ್ನು ಟ್ಯಾಪ್ ಮಾಡಿ, ನಂತರ ಸಂಪರ್ಕವನ್ನು ಡಿಲೀಟ್ ಮಾಡಿ ಎಂಬುದನ್ನು ಟ್ಯಾಪ್ ಮಾಡಿ. (ನೀವು ಕೆಳಗೆ ಸ್ಕ್ರೋಲ್ ಮಾಡಬೇಕಾಗಬಹುದು.)

    • ನಿಮ್ಮ ಮಗುವಿನ ಸಂಪರ್ಕಗಳಿಗೆ ಯಾರನ್ನಾದರೂ ಸೇರಿಸಿ: ಸಂಪರ್ಕಗಳು ಎಂಬುದನ್ನು ಟ್ಯಾಪ್ ಮಾಡಿ, ನಂತರ ಮೇಲಿನ ಬಲ ಮೂಲೆಯಲ್ಲಿರುವ ಸೇರಿಸಿ ಬಟನ್ ಅನ್ನು ಟ್ಯಾಪ್ ಮಾಡಿ.

    ಗಮನಿಸಿ: ನೀವು ಪ್ರತಿ ಬಾರಿ ನಿಮ್ಮ ಮಗುವಿನ ಸಂಪರ್ಕಗಳನ್ನು ನೋಡುವಾಗ ಅಥವಾ ಬದಲಾವಣೆಗಳನ್ನು ಮಾಡುವಾಗ ಮಗುವಿನ ಸ್ಕ್ರೀನ್ ಟೈಮ್ ಪಾಸ್‌ಕೋಡ್ ಅನ್ನು ನಮೂದಿಸಬೇಕಾಗುತ್ತದೆ.

ಮಗುವಿನ iPhoneನಲ್ಲಿರುವ ಸಂವಹನಗಳಲ್ಲಿ ಸೂಕ್ಷ್ಮ ಚಿತ್ರಗಳು ಮತ್ತು ವೀಡಿಯೊಗಳ ಪರಿಶೀಲನೆಯನ್ನು ಆನ್ ಅಥವಾ ಆಫ್ ಮಾಡುವುದು

ನಿಮ್ಮ ಮಗುವಿನ iPhoneನಲ್ಲಿ ಚಿತ್ರಗಳು ಮತ್ತು ವೀಡಿಯೊಗಳನ್ನು ಕಳುಹಿಸುವ ಅಥವಾ ಸ್ವೀಕರಿಸುವ ಮೊದಲು ಅದರಲ್ಲಿರುವ ನಗ್ನತೆಯನ್ನು ನೀವು ಪತ್ತೆಹಚ್ಚಬಹುದು. ಈ ಫೀಚರ್ ಸಂದೇಶಗಳು AirDrop, ಸಂಪರ್ಕ ಪೋಸ್ಟರ್‌ಗಳು, FaceTime, ಫೋಟೋ ಪಿಕರ್ ಮತ್ತು ಫೋಟೋಸ್ ಅಲ್ಲಿ ಹಂಚಿಕೊಂಡ ಆಲ್ಬಮ್‌ಗಳಲ್ಲಿ ಲಭ್ಯವಿದೆ. ನಗ್ನ ಫೋಟೋಗಳು ಅಥವಾ ವೀಡಿಯೊಗಳನ್ನು ಕೆಲವು ಥರ್ಡ್ ಪಾರ್ಟಿ ಆ್ಯಪ್‌ಗಳ ಮೂಲಕ ಹಂಚಿಕೊಳ್ಳಲು ಆಯ್ಕೆಮಾಡಿದಾಗ ಅವುಗಳನ್ನು ಪತ್ತೆಹಚ್ಚಬಹುದು.

ನಗ್ನತೆ ಇರಬಹುದಾದಂತಹ ಫೋಟೋಗಳು ಅಥವಾ ವೀಡಿಯೊಗಳನ್ನು ಕಳುಹಿಸುವ ಪ್ರಯತ್ನ ಪತ್ತೆಯಾದರೆ, ಸಂವಹನ ಸುರಕ್ಷತೆಯು ಎಚ್ಚರಿಕೆಯನ್ನು ನೀಡುತ್ತದೆ, ಸುರಕ್ಷಿತವಾಗಿರಲು ಆಯ್ಕೆಗಳನ್ನು ನೀಡುತ್ತದೆ ಮತ್ತು ಉಪಯುಕ್ತ ಮಾಹಿತಿಯ ಮೂಲಗಳನ್ನು ಒದಗಿಸುತ್ತದೆ. ಸಾಧನದಲ್ಲಿ ಫೋಟೋಗಳು ಮತ್ತು ವೀಡಿಯೊಗಳನ್ನು ವಿಶ್ಲೇಷಿಸಲಾಗಿದೆ. ನಗ್ನತೆಯು ಪತ್ತೆಯಾಗಿದೆ ಎಂಬ ಸೂಚನೆಯನ್ನು Apple ಸ್ವೀಕರಿಸುವುದಿಲ್ಲ ಮತ್ತು ಫೋಟೋಗಳು ಅಥವಾ ವೀಡಿಯೊಗಳಿಗೆ ಆ್ಯಕ್ಸೆಸ್ ಪಡೆಯುವುದಿಲ್ಲ.

ಹೆಚ್ಚಿನ ಮಾಹಿತಿಗಾಗಿ ನಿಮ್ಮ ಮಗುವಿನ Apple ಸಾಧನದಲ್ಲಿನ ಸಂವಹನ ಸುರಕ್ಷತೆಯ ಕುರಿತು ಎಂಬ Apple ಬೆಂಬಲ ಲೇಖನವನ್ನು ನೋಡಿ.

ಗಮನಿಸಿ: ಸ್ಕ್ರೀನ್ ಟೈಮ್ ಸೆಟಪ್ ಮಾಡಿದ ನಂತರ 18 ವರ್ಷದೊಳಗಿನ ಮಕ್ಕಳಿಗೆ ಸಂವಹನ ಸುರಕ್ಷತೆಯನ್ನು ಡಿಫಾಲ್ಟ್ ಆಗಿ ಆನ್ ಮಾಡಲಾಗುತ್ತದೆ (ವಯಸ್ಸು ದೇಶ ಅಥವಾ ಪ್ರದೇಶಕ್ಕೆ ಅನುಗುಣವಾಗಿ ಬದಲಾಗುತ್ತದೆ).

  1. ನಿಮ್ಮ iPhoneನಲ್ಲಿ ಸೆಟ್ಟಿಂಗ್ಸ್ ಆ್ಯಪ್‌ಗೆ ಹೋಗಿ.

  2. ಸ್ಕ್ರೀನ್ ಟೈಮ್ ಎಂಬುದನ್ನು ಟ್ಯಾಪ್ ಮಾಡಿ, ಕೆಳಕ್ಕೆ ಸ್ಕ್ರೋಲ್ ಮಾಡಿ, ನಂತರ ನಿಮ್ಮ ಮಗುವಿನ ಹೆಸರನ್ನು ಆಯ್ಕೆಮಾಡಿ.

  3. ಸಂವಹನ ಸುರಕ್ಷತೆ ಎಂಬುದನ್ನು ಟ್ಯಾಪ್ ಮಾಡಿ, ನಂತರ ಸಂವಹನ ಸುರಕ್ಷತೆ ಎಂಬುದನ್ನು ಆನ್ ಅಥವಾ ಆಫ್ ಮಾಡಿ.

    ನೀವು ಸ್ಕ್ರೀನ್ ಟೈಮ್ ಪಾಸ್‌ಕೋಡ್ ಅನ್ನು ನಮೂದಿಸಬೇಕಾಗಬಹುದು.

ಗಮನಿಸಿ: ನೀವು ಸಂವಹನದ ಸುರಕ್ಷತೆಯನ್ನು ಆನ್ ಮಾಡಿದಾಗ, ಅದು ಸೆಟ್ಟಿಂಗ್ಸ್ > ಗೌಪ್ಯತೆ ಮತ್ತು ಭದ್ರತೆ ಎಂಬಲ್ಲಿ ಸೂಕ್ಷ್ಮ ಕಂಟೆಂಟ್ ಎಚ್ಚರಿಕೆಯನ್ನು ಸಕ್ರಿಯಗೊಳಿಸಲಾಗುತ್ತದೆ. iPhoneನಲ್ಲಿ ಸೂಕ್ಷ್ಮ ಕಂಟೆಂಟ್ ಕುರಿತು ಎಚ್ಚರಿಕೆಗಳನ್ನು ಸ್ವೀಕರಿಸಿ ಅನ್ನು ನೋಡಿ.

ಅನಾಲಿಟಿಕ್ಸ್ ಮತ್ತು ಬಳಕೆಯ ಡೇಟವನ್ನು ಹಂಚಿಕೊಳ್ಳುವ ಮೂಲಕ ಸಂವಹನ ಸುರಕ್ಷತೆಯನ್ನು ಸುಧಾರಿಸಲು ನೀವು Appleಗೆ ಸಹಾಯ ಮಾಡಬಹುದು. Appleನೊಂದಿಗೆ ಯಾವುದೇ ಸಂದೇಶಗಳು ಅಥವಾ ಮೀಡಿಯಾವನ್ನು ಹಂಚಿಕೊಳ್ಳಲಾಗುವುದಿಲ್ಲ. ಇದನ್ನು ಆನ್ ಮಾಡಲು, ಸೆಟ್ಟಿಂಗ್ಸ್ > ಸ್ಕ್ರೀನ್ ಟೈಮ್ > ಸಂವಹನ ಸುರಕ್ಷತೆ > ಸಂವಹನ ಸುರಕ್ಷತೆಯನ್ನು ಸುಧಾರಿಸಿ ಎಂಬಲ್ಲಿಗೆ ಹೋಗಿ.

ಮಗುವಿನ iPhoneನಲ್ಲಿ ವಯಸ್ಕರ ಕಂಟೆಂಟ್ ಅನ್ನು ಬ್ಲಾಕ್ ಮಾಡುವುದು

ನೀವು ಮಗುವಿನ ಖಾತೆಯೊಂದನ್ನು ಸೆಟಪ್ ಮಾಡಿದಾಗ, ನೀವು ಮಗುವಿನ ಖಾತೆಯನ್ನು ರಚಿಸಿ ಎಂಬುದನ್ನು ಟ್ಯಾಪ್ ಮಾಡಿದ ನಂತರ ಮಗುವಿನ ಹೆಸರು ಮತ್ತು ಜನ್ಮದಿನಾಂಕವನ್ನು ನಮೂದಿಸುತ್ತೀರಿ. ಮಗುವಿನ ವಯಸ್ಸು ಅವರು ಆ್ಯಕ್ಸೆಸ್ ಮಾಡಬಹುದಾದ ಕಂಟೆಂಟ್ ಅನ್ನು ಸ್ವಯಂಚಾಲಿತವಾಗಿ ನಿರ್ಧರಿಸುತ್ತದೆ. ನಿಮ್ಮ ಮಗುವಿನ ಸಾಧನದಲ್ಲಿರುವ ಸಂಗೀತ, ಪಾಡ್‌ಕಾಸ್ಟ್‌ಗಳು ಅಥವಾ ಸುದ್ದಿಗಳಂತಹ ಕೆಲವು ನಿರ್ದಿಷ್ಟ ಕಂಟೆಂಟ್ ವಯಸ್ಸಿಗೆ ಸೂಕ್ತವಾಗಿದೆ ಎಂಬುದನ್ನು ಖಚಿತಪಡಿಸಿಕೊಳ್ಳಲು, ಕಂಟೆಂಟ್ ಮತ್ತು ಗೌಪ್ಯತೆ ನಿರ್ಬಂಧಗಳಲ್ಲಿ ಅಶ್ಲೀಲತೆಯ ರೇಟಿಂಗ್‌ಗಳನ್ನು ಹಸ್ತಚಾಲಿತವಾಗಿ ಸೀಮಿತಿಗೊಳಿಸಬಹುದು.

  1. ನಿಮ್ಮ ಮಗುವಿನ iPhoneನಲ್ಲಿ ಸೆಟ್ಟಿಂಗ್ಸ್ ಆ್ಯಪ್‌ಗೆ ಹೋಗಿ.

  2. ಸ್ಕ್ರೀನ್ ಟೈಮ್ ಎಂಬುದನ್ನು ಟ್ಯಾಪ್ ಮಾಡಿ, ಕಂಟೆಂಟ್ ಮತ್ತು ಗೌಪ್ಯತೆ ನಿರ್ಬಂಧಗಳು ಎಂಬುದನ್ನು ಟ್ಯಾಪ್ ಮಾಡಿ, ನಂತರ ಕಂಟೆಂಟ್ ಮತ್ತು ಗೌಪ್ಯತೆ ನಿರ್ಬಂಧಗಳನ್ನು ಆನ್ ಮಾಡಿ.

  3. ನಿರ್ದಿಷ್ಟ ಕಂಟೆಂಟ್ ಮತ್ತು ಗೌಪ್ಯತೆಯ ಆಯ್ಕೆಗಳನ್ನು ಆರಿಸಿ. ಇದರ ಜೊತೆಗೆ, ಈ ಕೆಳಗಿನವುಗಳಲ್ಲಿ ಯಾವುದನ್ನಾದರೂ ಮಾಡಿ:

    • ನಿಮ್ಮ ಮಗುವಿನ ಶ್ರವಣಶಕ್ತಿಯನ್ನು ರಕ್ಷಿಸಲು, ಕೆಳಗೆ ಸ್ಕ್ರೋಲ್ ಮಾಡಿ, ಜೋರಾದ ಆಡಿಯೊ ಕಡಿಮೆ ಮಾಡಿ ಎನ್ನುವುದನ್ನು ಟ್ಯಾಪ್ ಮಾಡಿ, ನಂತರ ಅನುಮತಿಸಬೇಡಿ ಎಂಬುದನ್ನು ಆಯ್ಕೆಮಾಡಿ. (ಇದು ಗರಿಷ್ಠ ಹೆಡ್‌ಫೋನ್ ವಾಲ್ಯೂಮ್‌ನಲ್ಲಿ ಬದಲಾವಣೆಗಳನ್ನು ತಡೆಯುತ್ತದೆ.)

    • ನಿರ್ದಿಷ್ಟ ಆ್ಯಪ್‌ಗಳು ಮತ್ತು ಫೀಚರ್‌ಗಳಲ್ಲಿ ನಿಮ್ಮ ಮಗು ಆ್ಯಕ್ಸೆಸ್ ಮಾಡಬಹುದಾದ ಕಂಟೆಂಟ್ ಅನ್ನು ಮಾರ್ಪಡಿಸಲು, ಅನುಮತಿಸಲಾದ ಆ್ಯಪ್‌ಗಳು ಮತ್ತು ಫೀಚರ್‌ಗಳು ಎಂಬುದನ್ನು ಟ್ಯಾಪ್ ಮಾಡಿ, ನಂತರ ಅವುಗಳನ್ನು ಆಫ್ ಮಾಡಿ. ಆ್ಯಕ್ಸೆಸ್ ಅನ್ನು ಅನುಮತಿಸಲು, ಅವುಗಳನ್ನು ಆನ್ ಮಾಡಿ.

  4. ಮೇಲಿನ ಎಡಭಾಗದಲ್ಲಿರುವ ಹಿಂದಕ್ಕೆ ಬಟನ್ ಅನ್ನು ಟ್ಯಾಪ್ ಮಾಡಿ.

ಸದಸ್ಯ ಮಗುವಿಗಾಗಿ ಸ್ಕ್ರೀನ್ ಟೈಮ್ ಸೆಟ್ಟಿಂಗ್ಸ್ ಅನ್ನು ನಂತರ ಸೇರಿಸುವುದು ಅಥವಾ ಬದಲಾಯಿಸುವುದು

ನಂತರ ಸ್ಕ್ರೀನ್ ಟೈಮ್ ಸೆಟ್ಟಿಂಗ್ಸ್ ಅನ್ನು ಸೇರಿಸಲು ಅಥವಾ ಬದಲಾಯಿಸಲು, ಮೇಲಿನ ವಿಭಾಗಗಳಲ್ಲಿ ವಿವರಿಸಿರುವ ಹಂತಗಳನ್ನು ಅನುಸರಿಸಿ.

ಪ್ರಮುಖ ಸೂಚನೆ: ನೀವು ಮಗುವೊಂದರ ಸಾಧನದಲ್ಲಿ ಸ್ಕ್ರೀನ್ ಟೈಮ್ ಅನ್ನು ಸೆಟಪ್ ಮಾಡಿದರೆ (ಕುಟುಂಬದ ಹಂಚಿಕೆಯ ಮೂಲಕವಲ್ಲ) ಮತ್ತು ನೀವು ಸ್ಕ್ರೀನ್ ಟೈಮ್ ಪಾಸ್‌ಕೋಡ್ ಅನ್ನು ಮರೆತರೆ, ಅದನ್ನು ರೀಸೆಟ್ ಮಾಡಲು ನಿಮ್ಮ Apple ಖಾತೆಯನ್ನು ಬಳಸಬಹುದು. ಆದರೂ, ನೀವು ಕುಟುಂಬದ ಹಂಚಿಕೆಯ ಮೂಲಕ ನಿಮ್ಮ ಸಾಧನದಲ್ಲಿ ಮಗುವಿಗಾಗಿ ಸ್ಕ್ರೀನ್ ಟೈಮ್ ಅನ್ನು ಸೆಟಪ್ ಮಾಡಿದರೆ ಮತ್ತು ನಿಮ್ಮ ಸ್ಕ್ರೀನ್ ಟೈಮ್ ಪಾಸ್‌ಕೋಡ್ ಅನ್ನು ಮರೆತರೆ, ನಿಮ್ಮ ಸಾಧನದ ಪಾಸ್‌ಕೋಡ್, Touch ID ಅಥವಾ Face ID ಬಳಸಿ ನಿಮ್ಮ ಸಾಧನದಲ್ಲಿ ಅದನ್ನು ರೀಸೆಟ್ ಮಾಡಬಹುದು.

ಇದನ್ನು ಸಹ ನೋಡಿiPhoneನಲ್ಲಿನ ಕುಟುಂಬ ಹಂಚಿಕೆಯೊಂದಿಗೆ ಪೋಷಕರು ಹೇರುವ ನಿಯಂತ್ರಣಗಳನ್ನು ಸೆಟಪ್ ಮಾಡಿiPhoneನಲ್ಲಿ ಕುಟುಂಬ ಹಂಚಿಕೆಯ ಮೂಲಕ ಮಕ್ಕಳಿಗಾಗಿ ಸಾಧನವೊಂದನ್ನು ಸೆಟಪ್ ಮಾಡಿiPhoneನಲ್ಲಿನ ಸ್ಕ್ರೀನ್ ಟೈಮ್‌ನಲ್ಲಿ ವೇಳಾಪಟ್ಟಿಯನ್ನು ಸೆಟ್ ಮಾಡುವುದು
Morty Proxy This is a proxified and sanitized view of the page, visit original site.
ಉಪಯುಕ್ತವಾಗಿದೆಯೇ?
ಅಕ್ಷರ ಮಿತಿ: 250
ಗರಿಷ್ಠ ಅಕ್ಷರ ಮಿತಿಯು 250 ಆಗಿದೆ.
ನಿಮ್ಮ ಫೀಡ್‌ಬ್ಯಾಕ್‌ಗಾಗಿ ಧನ್ಯವಾದಗಳು.
Morty Proxy This is a proxified and sanitized view of the page, visit original site.