iOS 26
iOS 18
iOS 17
iOS 16
iOS 15
iOS 14
ဤထိန်းချုပ်မှုကို ပြင်ဆင်ခြင်းဖြင့် ဤစာမျက်နှာကို အလိုအလျောက် အပ်ဒိတ်လုပ်ပေးပါမည်

iPhone ရှိ Apple Games အက်ပ်မှ ဂိမ်းများကို ရှာပြီး ဒေါင်းလုတ်လုပ်ပါ

Apple Games အက်ပ်တွင် အတိုက်အခိုက်၊ စွန့်စားခြင်း၊ အပြေးပြိုင်ပွဲ၊ ပဟေဠိ အစရှိသည်တို့ပါဝင်သည့် ဂိမ်းအမျိုးအစားတစ်ဒါဇင်ကျော်တွင် သင့်အတွက် နောက်ထပ်ဂိမ်းကို တွေ့ရှိနိုင်သည်။

မှတ်စု Game Center၊ Apple Arcade နှင့် Apple One တို့ကို နိုင်ငံနှင့်ဒေသများအားလုံးတွင်မရနိုင်ပါ။ Apple အထောက်အကူပြုဆောင်းပါးရှိ Apple Media Services ရရှိနိုင်မှုကိုကြည့်ပါ။ Apple Arcade ဂိမ်းများကို စက်ပစ္စည်းများတွင်အသုံးပြုနိုင်မှုသည် ဟာ့ဒ်ဝဲလ်နှင့် ဆော့ဝဲလ် တွဲဖက်အသုံးပြုနိုင်မှုပေါ် မူတည်၍ ကွဲပြားသွားသည်။ အချို့သောအရာများသည် နေရာများအားလုံးတွင် မရရှိနိုင်ခြေ။ Apple အထောက်အကူပြုဆောင်းပါးရှိ စက်ပစ္စည်းများတွင် Apple Arcade ဂိမ်းအသုံးပြုခြင်း ကိုကြည့်ပါ။

ဆက်ပြီးကစားရန် ဂိမ်းများနှင့် အသစ်ထွက်ရှိသည့် ဂိမ်းများကို ဖော်ပြထားသည့် Home တက်ဘ်ကို ပြထားသည့် Apple Games အက်ပ်။

ဂိမ်းများကို လျှောက်ကြည့်ခြင်း သို့မဟုတ် ရှာခြင်း

  1. သင်၏ iPhone တွင် Apple Games အက်ပ် ကို သွားပါ။

  2. အောက်ပါတို့မှ နှစ်သက်ရာကိုလုပ်ဆောင်ပါ၊

    • အသစ်ထွက်ရှိသည့်ဂိမ်းများကို စူးစမ်းရှာဖွေပါ၊ ထိပ်တန်းဇယားများကို ကြည့်ပါ သို့မဟုတ် ကိုယ်ပိုင်ပုံစံ အကြံပေးချက်များကို ရယူပါ၊ Home ကိုနှိပ်ပါ။

    • ကြော်ငြာမပါဘဲ သို့မဟုတ် အက်ပ်အတွင်းဝယ်ယူမှုမရှိဘဲ Apple Arcade ( အသင်းဝင်ကြေးလိုအပ်သည်)မှ ရွေးချယ်ထားသည့် ဂိမ်းစုစည်းမှုကို ကြည့်ခြင်း၊ Arcade ကိုနှိပ်ပါ။

    • ရှာဖွေပါ သို့မဟုတ် လျှောက်ကြည့်ပါ၊ Search ခလုတ် ကိုနှိပ်ကာ အမျိုးအစားအလိုက် သို့မဟုတ် သင်ရှာဖွေနေသည့်အရာကို ရိုက်ထည့်ပါ၊ ထို့နောက် ဖန်သားပြင်စာရိုက်ခလုတ်ခုံပေါ် ရှိ Search ခလုတ်ကို နှိပ်ပါ။

  3. အဆင့်သတ်မှတ်ချက်များ၊ ဂိမ်းခလုတ်ပံ့ပိုးမှု၊ ဦးဆောင်မှုပြဇယာများ၊ အောင်မြင်မှုများ အစရှိသည့် အချက်အလက်များကို မြင်ရရန် ဂိမ်းတစ်ခုကိုရွေးချယ်ပါ။

    ပြန်လည်သုံးသပ်ချက်များနှင့် သီးသန့်တည်ရှိမှုအချက်အလက်များကဲ့သို့ နောက်ထပ်သတင်းအချက်အလက်များကို မြင်ရန် App Store ထဲရှိ View ကိုနှိပ်ပါ။

ဂိမ်းတစ်ခုကို ဒေါင်းလုတ်လုပ်ခြင်း သို့မဟုတ် ဝယ်ခြင်း

  1. သင်၏ iPhone တွင် Apple Games အက်ပ် ကို သွားပါ။

  2. သင်သွားလိုချင်သည့် ဂိမ်းကို သွားပါ၊ ထို့နောက် ဈေးနှုန်းကိုနှိပ်ပါ။ ဂိမ်းသည် အခမဲ့ဖြစ်ပါက Get ကိုနှိပ်ပါ။

    ဈေးနှုန်း သို့မဟုတ် Get အစား Redownload ခလုတ် ကို တွေ့ပါက သင်သည် ယခုဂိမ်းကို ယခင်က ဝယ်ထားပြီးဖြစ်သည်။ ၎င်းကို ထပ်မံ၍ အခမဲ့ ဒေါင်းလုတ်လုပ်ရန် Redownload ခလုတ် ကိုနှိပ်ပါ။

  3. လိုအပ်ပါက သင်၏ဝယ်ယူမှုပြီးမြောက်စေရန်အတွက် Face ID၊ Touch ID သို့မဟုတ် သင်၏ လျှို့ဝှက်ကုဒ်တို့ဖြင့် အထောက်အထားပြပါ။

    ဝယ်ယူမှုများကို သင်၏ Apple Account နှင့်ချိတ်ဆက်ထားသော ပေးချေမှုစနစ် ဖြင့် ပြုလုပ်ထားသည်။

အကယ်၍ သင်သည် Family Sharing အဖွဲ့ဝင်တစ်ဦးဖြစ်ပါက ကလေးတစ်ယောက်သည် ဂိမ်းများ ဒေါင်းလုတ်မလုပ်မီ သို့မဟုတ် မဝယ်မီ ခွင့်ပြုချက်ပေးရန် တောင်းဆိုဖို့ လိုအပ်ကောင်းလိုအပ်နိုင်သည်။ မိသားစုဝင်များအတွက် ဂိမ်းဒေါင်းလုတ်လုပ်ခြင်းများကို စီမံရန်အတွက် Ask to Buy ဖွင့်နည်း နှင့် app exception တောင်းဆိုချက်တစ်ခုကို တုံ့ပြန်နည်း ကိုလေ့လာပါ။

ဂိမ်းတစ်ခုကစားခြင်း

  1. သင်၏ iPhone တွင် Apple Games အက်ပ် ကို သွားပါ။

  2. အောက်ပါတို့မှ နှစ်သက်ရာကိုလုပ်ဆောင်ပါ၊

    • ဒေါင်းလုတ်လုပ်ထားသည့် ဂိမ်းတစ်ခုကို ကစားခြင်း၊ Library ကိုနှိပ်ပါ၊ ထို့နောက် သင်ကစားလိုသည့် ဂိမ်းဘေးရှိ Play ကိုနှိပ်ပါ။

    • ဂိမ်းတစ်ခုကို ဆက်လက်ကစားခြင်း၊ Home ကိုနှိပ်ပါ၊ ထို့နောက် Continue Playing ကဏ္ဍထဲရှိ ထိုဂိမ်းကိုနှိပ်ပါ။

ဂိမ်းတစ်ခုမှထွက်ခြင်း

ဂိမ်းတစ်ခုမှ ထွက်ရန် App Switcher ကိုဖွင့်ပါ၊ ဂိမ်းကိုရှာရန် ညာဘက်သို့ပွတ်ဆွဲ၍ ၎င်းဂိမ်းပေါ်တွင် အပေါ်ဘက်ပွတ်ဆွဲပါ။

ဒါကိုလည်းကြည့်ပါiPhone ရှိ Apple Games အက်ပ်ထဲတွင် သူငယ်ချင်းများနှင့် ကစားခြင်းiPhone သို့ ဂိမ်းခလုတ်တစ်ခု ချိတ်ဆက်ခြင်း
Morty Proxy This is a proxified and sanitized view of the page, visit original site.
အထောက်အကူဖြစ်ပါသလား။
စာလုံးရေအကန့်အသတ်- 250
အများဆုံး စာလုံးရေအကန့်အသတ်မှာ ၂၅၀ ဖြစ်ပါသည်။
သင်၏ အကြံပြုချက်အတွက် ကျေးဇူးတင်ပါသည်။
Morty Proxy This is a proxified and sanitized view of the page, visit original site.