iOS 26
iOS 18
iOS 17
iOS 16
iOS 15
iOS 14
iOS 13
ဤထိန်းချုပ်မှုကို ပြင်ဆင်ခြင်းဖြင့် ဤစာမျက်နှာကို အလိုအလျောက် အပ်ဒိတ်လုပ်ပေးပါမည်

iPhone တွင်သီချင်းဖွင့်ခြင်း

Apple Music မှသင်ထည့်ထားသော သို့မဟုတ် ဒေါင်းလုတ်ရယူထားသောသီချင်းများ၊ iPhone သို့သင်ချိန်ကိုက်ထားသော သီချင်းနှင့်ဗီဒီယိုများနှင့် သင့်iTunes Store ဝယ်ယူမှုများကိုဖွင့်ခြင်း။

Siri၊ တေးဂီတကိုရှာဖွေပြီး ဖွင့်ရန်၊ သင်၏ သီချင်းစုစည်းမှုထဲသို့ တေးဂီတကိုပေါင်းထည့်ရန် အစရှိသည်တို့အတွက် Siri ကို သင်အသုံးပြုနိုင်ပါသည်။ ဥပမာ၊ “Play something I like” ကဲ့သို့ တစ်ခုခုကို Siri ကိုမေးပါ။ Siri ဖြင့် တေးဂီတဖွင့်ခြင်းနှင့် podcasts များဖွင့်ခြင်းကိုကြည့်ပါ။

သီချင်းစာရင်းများ၊ အနုပညာရှင်များ၊ အယ်လ်ဘမ်များ၊ သီချင်းများ တေးဂီတဗီဒီယိုများနှင့် ဒေါင်းလုတ်ရယူထားသည့်အရာများ ပါဝင်သော အမျိုးအစားစာရင်းတစ်ခုကို ပြသထားသော Library တက်ဘ်။ မကြာသေးမီက ထည့်သွင်းသောခေါင်းစီးများသည် စာရင်း၏အောက်ဖက်တွင်ပေါ်သည်။ MiniPlayer သည် ဖွင့်ထားသောသီချင်း၏ ခေါင်းစီးကိုပြပြီး Pause နှင့် Next ခလုတ်များသည် အောက်ခြေအနီးနားတွင် ပေါ်သည်။

သင့်စုစည်းမှုမှသီချင်းများကိုဖွင့်ခြင်း

  1. သင့် iPhone ရှိ Music အက်ပ် ကိုသွားပါ။

  2. Library ကိုနှိပ်ပါ၊ ထို့နောက် Albums သို့မဟုတ် Songs ကဲ့သို့သော အမျိုးအစားတစ်ခုကိုနှိပ်ပါ- iPhone ပေါ်တွင်သိမ်းထည်းသောသီချင်းကိုသာလျှင်ကြည့်ရန် Downloaded ကိုနှိပ်ပါ။

    အကြံပြုချက် အနုပညာရှင်တစ်ယောက်၏ စာရင်းထံမှ သီချင်းများကိုဖွင့်ရန်—အသဲစွဲသီချင်းများနှင့် အကြိုက်ဆုံးသီချင်းများ—အနုပညာရှင်တစ်ယောက်၏ စာမျက်နှာသို့သွားပါ၊ ထို့နောက် အနုပညာရှင်အမည်၏ဘေးရှိ Play ခလုတ် ကိုနှိပ်ပါ။

  3. သင်ဖွင့်ချင်သည်ကို ရှာဖွေရန်အတွက် ပွတ်ဆွဲပါ—သို့မဟုတ် သင့်ရလဒ်များကိုစစ်ထုတ်ရန် ရှာဖွေမှုနယ်ပယ်ထဲတွင် စာရိုက်ပါ။

  4. အမျိုးအစားတစ်ခုကိုနှိပ်ပါ၊ ထို့နောက် Play ကိုနှိပ်ပါ သို့မဟုတ် Shuffle to shuffle အယ်လ်ဘမ်တစ်ခု သို့မဟုတ် သီချင်းစာရင်းကိုနှိပ်ပါ။

    သီချင်းစာရင်း သို့မဟုတ် အယ်လ်ဘမ်ကိုလည်း ဖိနှိပ်ထားနိုင်သည်၊ ထို့နောက် Play ကိုနှိပ်ပါ။

Library အမျိုးအစားစာရင်းကို ပြောင်းလဲရန် More ခလုတ်ကိုနှိပ်ပါ၊ Edit Sections ကိုနှိပ်ကာ Genres နှင့် Compilations ကဲ့သို့သော သင်ထည့်သွင်းလိုသော အမျိုးအစားကိုရွေးချယ်ပါ။ ရှိပြီးသားအမျိုးအစားများကို ဖယ်ရှားရန် ၎င်းတို့ကိုနှိပ်ပါ။

အကြုံပြုထားသော သီချင်းများကို တိုက်ရိုက်ဖွင့်ခြင်း

  1. သင့် iPhone ရှိ Music အက်ပ် ကိုသွားပါ။

  2. သင်ဖွင့်လိုသော သီချင်းကိုရှာဖွေရန် အောက်ပါတို့အနက်မှ နှစ်သက်ရာကိုပြုလုပ်ပါ၊

    • သင့်အတွက်အံဝင်ခွင်ကျ စီမံထားသော အကြံပြုချက်များကိုကြည့်ခြင်း၊ Home ကိုနှိပ်ပါ၊ ထို့နောက် သီချင်းစာရင်း သို့မဟုတ် အယ်လ်ဘမ်တစ်ခုကိုနှိပ်ပါ။

    • Apple Music တွင်အသစ်ပါသည်များကို ကြည့်ခြင်း၊ New ကိုနှိပ်ပါ၊ ထို့နောက် စိတ်ခံစားချက်၊ အသစ်ထွက်များ၊ ဇယားများနှင့် အခြားအရာများဖြင့် သီချင်းများကိုရှာပါ။

    • Apple Music စာရင်းကိုရှာခြင်း၊ သီချင်းရှာခြင်းအားကြည့်ပါ။

  3. အမျိုးအစားတစ်ခုကိုနှိပ်ပါ၊ ထို့နောက် Play ကိုနှိပ်ပါ သို့မဟုတ် Shuffle to shuffle အယ်လ်ဘမ်တစ်ခု သို့မဟုတ် သီချင်းစာရင်းကိုနှိပ်ပါ။

    သီချင်းစာရင်း သို့မဟုတ် အယ်လ်ဘမ်ကိုလည်း ဖိနှိပ်ထားနိုင်သည်၊ ထို့နောက် Play ကိုနှိပ်ပါ။

အခြားအက်ပ်သုံးနေစဥ် သော့ပိတ်ထားသည့်ဖန်သားပြင်မှနေ၍ သီချင်းဖွင့်ခြင်း

Control Center ကိုဖွင့်ပါ၊ ထို့နောက်ယင်းအသံကတ်ကိုနှိပ်ပါ။

အကြံပြုချက် ဖွင့်ထားသည့် သို့မဟုတ် သင်၏ iPhone အနီးတွင်ဖွင့်ထားသော သီချင်းအမျိုးအမည်ကို Control Center သို့ Music Recognition ထိန်းချုပ်မှုထည့်သွင်းခြင်းဖြင့်သိရှိနိုင်သည်။ Control Center ကိုဖွင့်ပါ၊ ထိပ်ဘယ်ဘက်ရှိ Add ခလုတ် ကိုနှိပ်ပါ၊ အောက်ခြေရှိ Add a Control ကိုနှိပ်ပါ၊ ထို့နောက် Recognize Music ထိန်းချုပ်ခလုတ်ကိုနှိပ်ပါ။ သီချင်းတစ်ပုဒ်ကိုဖွင့်ထားစဉ် Control Center ကိုဖွင့်ပါ၊ ထို့နောက် Recognize Music ခလုတ်ကိုနှိပ်ပါ။

သော့ပိတ်ထားသည့်ဖန်သားပြင်မှ သို့မဟုတ် အခြားအက်ပ်တစ်ခုကိုသုံးနေချိန် သီချင်းအားထိန်းချုပ်နိုင်သော အသံကတ်ကိုညွှန်ပြနေသည့် မြားတစ်စင်းကိုပြသည့် iPhone Control Center။

ကွန်ပျူတာအနီးတွင် မျှဝေထားသောသီချင်းကိုဖွင့်ခြင်း

သင်၏ကွန်ရက်ပေါ်ရှိ ကွန်ပျူတာတစ်လုံးသည် Home Sharing မှတစ်ဆင့် သီချင်းကိုမျှဝေလျှင် ၎င်း၏သီချင်းကိုသင်၏ iPhone တွင်ဖွင့်နိုင်သည်။

  1. သင့် iPhone တွင် Settings အက်ပ်  ကိုသွားပါ။

  2. Apps ကိုနှိပ်ပါ၊ ထို့နောက် Music ကိုနှိပ်ပါ။

  3. Home Sharing အောက်မှ Sign In ကိုနှိပ်ပါ၊ ထို့နောက်သင်၏ Apple Account သို့ဝင်ရောက်ပါ။

  4. Music အက်ပ် ကိုသွားပါ၊ Library > Home Sharing သို့သွားပါ၊ ထို့နောက်မျှဝေထားသော library တစ်ခုကိုရွေးပါ။

ပါဝင်သည့်အကြောင်းအရာကန့်သတ်ချက်များ

မသင့်လျော်သောအကြောင်းအရာများကို ပိတ်ဆို့ခြင်း သီချင်းဗီဒီယိုများကို ပိတ်ခြင်း အပြင် သင့်လျော်သော အသက်ကန့်သတ်ချက်ဖြင့် အကြောင်းအရာများကို ကန့်သတ်ခြင်း အစရှိသည်တို့ကို ပြုလုပ်နိုင်သည်။

  1. သင့် iPhone တွင် Settings အက်ပ်  ကိုသွားပါ။

  2. Screen Time ကိုနှိပ်ပါ၊ Content & Privacy Restrictions ကိုနှိပ်ပါ။

  3. App Store၊ Media၊ Web & Games ကိုနှိပ်ပါ၊ ထို့နောက် ရရှိနိုင်သည့် ကန့်သတ်ချက်များထဲမှ တစ်ခုကိုသတ်မှတ်ပါ။

    မှတ်စု အကယ်၍ သင်၏ စုစည်းမှုထဲတွင် ရုန့်ရင်းကြမ်းတမ်းသည့် သီချင်းများရှိထားပြီးသားဖြစ်ပါက ၎င်းတို့သည် မှိန်နေမှာဖြစ်ပြီး ဖွင့်၍ရမည်မဟုတ်ပါ။

သင်၏သီချင်းကို အမျိုးအစားခွဲခြင်း

  1. သင့် iPhone ရှိ Music အက်ပ် ကိုသွားပါ။

  2. Library ကိုနှိပ်ပါ၊ ထို့နောက် Playlists၊ Albums၊Songs၊TV & Movies သို့မဟုတ် Music Videos ကိုနှိပ်ပါ။

  3. More ခလုတ်ကိုနှိပ်ပြီးနောက် သီချင်းခေါင်းစဥ်၊ တေးသံရှင်၊ ထည့်သွင်းထားသောရက်စွဲနှင့် ထွက်ရှိမည့်ရက်စွဲ စသည်တို့ကဲ့သို့ အမျိုးအစားခွဲနည်းလမ်းတစ်ခုကို ရွေးချယ်ပါ။

ထို့အပြင် သင်သည် သီချင်းများကို အပြောင်းအလဲလုပ်ပြီး ထပ်ကျော့ခြင်း၊ သီးခြားအစဥ်တိုင်း ၎င်းတို့ကို တန်းစီထားနိုင်ခြင်း သို့မဟုတ် Crossfade သို့မဟုတ် AutoMix ကိုအသုံးပြု၍ ၎င်းတို့ကို ကူးပြောင်းခြင်း တို့လုပ်နိုင်ပါသည်။

သင်သည် Apple မှတစ်ဆင့် ရုပ်ရှင်များ၊ TV ရှိုးများ၊ ဂီတ၊ ဂီတဗီဒီယိုများ၊ ebooks၊ အသံဖိုင်စာအုပ်များ သို့မဟုတ် ဖုန်းမြည်သံများကို ဝယ်ယူသည့်အခါ သင်သည် တွဲဖက်သုံးစွဲနိုင်မည့် iPhone၊ iPad၊ Mac သို့မဟုတ် PC တစ်ခုခုသို့ ၎င်းတို့ကို ရာသက်ပန် ဒေါင်းလုတ်ဆွဲနိုင်မည့် ရွေးချယ်စရာရနိုင်မှာဖြစ်ပါသည်။ Apple သည် သင် ဒေါင်းလုတ်လုပ်ထားသည့် အကြောင်းအရာများကို မဖျက်သိမ်းနိုင်သည့်အပြင် သင်သည် အင်တာနက်ချိတ်ဆက်မှုမရှိဘဲ ဒေါင်းလုတ်ဆွဲထားသည့် ထိုအကြောင်းအရာများကို အမြဲတမ်း ဝင်ရောက်ကြည့်ရှုနိုင်မှာဖြစ်ပါသည်။
ဒါကိုလည်းကြည့်ပါiPhone တွင် သင်သဘောကျသည့်အရာကို Apple Music အားပြောခြင်းiPhone တွင် သီချင်းဖွင့်စက် ထိန်းချုပ်မှုများကို အသုံးပြုခြင်းiPhone ရှိ သီချင်းစာရင်းများနှင့် သီချင်းစာသားများကို ပြခြင်းApple အထောက်အကူပြုဆောင်းပါး၊ Apple Account တစ်ခုမှ ဝယ်ယူမှုကို အခြား Apple Account တစ်ခုသို့ ပြောင်းရွှေ့ခြင်း
Morty Proxy This is a proxified and sanitized view of the page, visit original site.
အထောက်အကူဖြစ်ပါသလား။
စာလုံးရေအကန့်အသတ်- 250
အများဆုံး စာလုံးရေအကန့်အသတ်မှာ ၂၅၀ ဖြစ်ပါသည်။
သင်၏ အကြံပြုချက်အတွက် ကျေးဇူးတင်ပါသည်။
Morty Proxy This is a proxified and sanitized view of the page, visit original site.