iOS 26
iOS 18
iOS 17
iOS 16
iOS 15
iOS 14
ဤထိန်းချုပ်မှုကို ပြင်ဆင်ခြင်းဖြင့် ဤစာမျက်နှာကို အလိုအလျောက် အပ်ဒိတ်လုပ်ပေးပါမည်

iPhone တွင် စာသားကို Select၊ cut၊ copy နှင့် paste လုပ်ခြင်း

iPhone ရှိ အက်ပ်များတွင် စာသားဖြည့်ကွက်လပ်၌ စာသားကိုရွေးချယ်ခြင်းနှင့် တည်းဖြတ်ခြင်းတို့လုပ်နိုင်ရန် ဖန်သားပြင်ရှိစာရိုက်ခလုတ်ခုံကိုအသုံးပြုနိုင်သည်။

စာသားကိုရွေးချယ်ခြင်းနှင့် တည်းဖြတ်ခြင်း

Notes အက်ပ်အတွင်း မှတ်စုတစ်ခုတွင် စာသားကို ရွေးချယ်ထားသည်။ Cut၊ Copy၊ Paste နှင့် AutoFill ခလုတ်များသည် ရွေးချယ်ထားသည့်စာသား အထက်တွင်ရှိသည်။ အဆုံးနှစ်ဘက်တွင် ရွေးချယ်မှုကို ချိန်ညှိရန် ဆွဲယူနိုင်သည့်အမှတ်များပါပြီး ရွေးချယ်ထားသည့် စာသားကို အသားပေးဖော်ပြထားသည်။

  1. စာသားကိုရွေးချယ်ရန် အောက်ပါတို့မှနှစ်သက်ရာကိုလုပ်ဆောင်ပါ၊

    • စာလုံးတစ်လုံးကိုရွေးချယ်ခြင်း၊ လက်ချောင်းတစ်ချောင်းဖြင့် နှစ်ကြိမ်ဆက်နှိပ်ပါ။

    • စာပိုဒ်ကိုရွေးချယ်ခြင်း၊ လက်တစ်ချောင်းဖြင့် သုံးကြိမ်ဆက်နှိပ်ပါ။

    • စာပိုဒ်ကြီးတစ်ခုကိုရွေးချယ်ခြင်း၊ စာစုအတွင်းရှိ ပထမဆုံးစာလုံးကို နှစ်ချက်နှိပ်၍ဖိထားပါ၊ ထို့နောက် စာသားကို ရွေးချယ်ရန် ဖိထားသောအမှတ်များကို ရွှေ့ပါ။

  2. သင်ပြင်ဆင်လိုသည့်စာသားကိုရွေးချယ်ပြီးသည့်နောက် စာရိုက်နိုင်သည် သို့မဟုတ် တည်းဖြတ်ခြင်းဆိုင်ရာရွေးချယ်စရာများကိုတွေ့ရရန် ရွေးချယ်မှုကိုနှိပ်ပါ။

    • ဖြတ်ခြင်း၊ Cut ကိုနှိပ်ပါ သို့မဟုတ် လက်ချောင်းသုံးချောင်းဖြင့်နှစ်ကြိမ်ဖိညှပ်ပါ။

    • ကူးယူခြင်း၊ Copy ကိုနှိပ်ပါ သို့မဟုတ် လက်ချောင်းသုံးချောင်းဖြင့်ဖိညှပ်ပါ။

    • ကူးယူထည့်သွင်းခြင်း၊ Paste ကိုနှိပ်ပါ သို့မဟုတ် လက်ချောင်းသုံးချောင်းဖြင့် ညှပ်ချဲ့ပါ။

    • အားလုံးကိုရွေးချယ်ခြင်း၊ စာရွက်စာတမ်းရှိ စာသားအားလုံးကိုရွေးချယ်ပါ။

    • အစားထိုးခြင်း၊ အကြံပြုထားသည့် အစားထိုးထည့်ရန်စာသားများကို ကြည့်ပါ သို့မဟုတ် Siri အကြံပြုထားသည့် အစားထိုးစာသားများကို ရယူပါ။

    • ပုံစံ၊ ရွေးချယ်ထားသည့်စာသားကို ပုံစံချပါ။

    • Forward ခလုတ်၊ ထပ်မံရွေးချယ်စရာများကိုကြည့်ရှုပါ။

အကြံပြုချက် စာသားကို ဖြတ်တောက်ခြင်း သို့မဟုတ် ကူးယူခြင်း မလုပ်ဘဲ ရွှေ့ရန် ရွေးချယ်ထားသည့် စာသားကြွလာသည်ထိ ထိ၍ထိန်းထားပြီးနောက် ယင်းအက်ပ်တွင်းရှိ နောက်တည်နေရာသို့ ဖိဆွဲသွားပါ။

စာရိုက်ခြင်းဖြင့် စာသားကို ထည့်သွင်းခြင်း သို့မဟုတ် ပြင်ဆင်ခြင်း

  1. အောက်ပါတို့မှ နှစ်သက်ရာကိုလုပ်ဆောင်ခြင်းဖြင့် သင်စာသား ပေါင်းထည့်သွင်းလိုသည့် သို့မဟုတ် ပြင်ဆင်လိုသည့်နေရာကို စာထည့်ညွှန်းတံကို ထားပါ၊

    • သင်စာသားထည့်သွင်းလိုသည့် နေရာ သို့မဟုတ် ပြင်ချင်သည့်နေရာကို နှိပ်ပါ။

    • စာလုံးကိုချဲ့ကြည့်ရန် ထိပြီးထိန်းထားပါ၊ ထို့နောက် ၎င်းကိုဆွဲပြီး ထည့်သွင်းခြင်းအမှတ်ကိုရွှေ့ပါ။

    စာသားဖြည့်သွင်းမည့်နေရာ သို့မဟုတ် ပြင်ဆင်မည့်နေရာတွင် နေရာချထားသည့် စာထည့်ညွှန်းတံကိုဖော်ပြသည့် မှတ်စု။ စာထည့်သွင်းမည့်ညွှန်းတံကို အလွယ်တကူထားနိုင်ရန် ပတ်ပတ်လည်စာသားကို အနီးကပ်ချဲ့ထားသည်။

    မှတ်စု စာဖိုင်ရှည်တစ်ခုကို ရှာဖွေရန် စာဖိုင်၏ညာဘက်စွန်းကို ထိ၍ထိန်းထားပြီး သင်ပြင်ဆင်လိုသည့်စာသားကို တည်နေရာပြရန် ရွှေ့ဆင်းခလုတ်ကိုဆွဲရွှေ့ပါ။

  2. သင်ထည့်လိုသော စာသားကိုရိုက်ထည့်ပါ သို့မဟုတ် ကူးထည့်ပါ။

Apple စက်ပစ္စည်းတစ်ခုပေါ်တွင် ပုံမှန်လုပ်နေကျအတိုင်း တစ်စုံတစ်ခုအား ဖြတ်တောက် သို့မဟုတ် ကူးယူ၍ အခြားတစ်ခုတွင် ကူးထည့်ရန်လည်း Universal Clipboard ကိုအသုံးပြုနိုင်သည်။ iPhone နှင့် အခြား Apple စက်ပစ္စည်းများကြား ကူးယူခြင်းနှင့် ကူးထည့်ခြင်း ကိုကြည့်ပါ။

ဒါကိုလည်းကြည့်ပါiPhone တွင် စာသားကိုနှုတ်တိုက်ချပေးခြင်းiPhone တွင် ကြိုတင်မှန်းဆထားသည့် စာသားကို အသုံးပြုခြင်းiPhone တွင် VoiceOver နှင့်ဖန်သားပြင်ပေါ်ရှိ စာရိုက်ခလုတ်ခုံကို အသုံးပြုခြင်း
Morty Proxy This is a proxified and sanitized view of the page, visit original site.
အထောက်အကူဖြစ်ပါသလား။
စာလုံးရေအကန့်အသတ်- 250
အများဆုံး စာလုံးရေအကန့်အသတ်မှာ ၂၅၀ ဖြစ်ပါသည်။
သင်၏ အကြံပြုချက်အတွက် ကျေးဇူးတင်ပါသည်။
Morty Proxy This is a proxified and sanitized view of the page, visit original site.