iOS 26
iOS 18
iOS 17
iOS 16
iOS 15
ဤထိန်းချုပ်မှုကို ပြင်ဆင်ခြင်းဖြင့် ဤစာမျက်နှာကို အလိုအလျောက် အပ်ဒိတ်လုပ်ပေးပါမည်

iPhone တွင် အီးမေးလ်အကောင့်များ ထည့်သွင်းခြင်း နှင့် ဖယ်ရှားခြင်း

Mail အက်ပ် ကို အသုံးပြု၍ အီးမေးလ်ပို့ရန်နှင့် လက်ခံရန် သင်အသုံးပြုလိုသော အီးမေးလ်အကောင့်များကို ထည့်ရန်လိုသည်။ Mail ကို ပထမဆုံး ဖွင့်သည့်အခါ အကောင့်တစ်ခုစီမံရန် သင့်ကို တောင်းဆိုပါလိမ့်မည်။ မည်သည့်အချိန်တွင်မဆို သင့် iPhone သို့ ထပ်ဆောင်းအီးမေးလ်အကောင့်များ ထည့်နိုင်သည် သို့မဟုတ် မလိုအပ်တော့သော အီးမေးလ်အကောင့်များကို ဖယ်ရှားနိုင်သည်။

အီးမေးလ်အကောင့်တစ်ခု ထည့်သွင်းခြင်း

Mail အက်ပ်သို့ အီးမေးလ်အကောင့် တစ်ခု သို့မဟုတ် တစ်ခုမက ထည့်နိုင်သည်၊ သို့မှသာ သင့်အီးမေးလ်အားလုံးကို တစ်နေရာတည်းတွင် လက်ခံရရှိနိုင်ပြီး သင်၏မည့်သည့်အကောင့်မှဖြစ်စေ လွယ်ကူစွာ အီးမေးလ်ပို့နိုင်သည်။

  1. Settings  > Apps > Mail ကိုသွားပါ။

  2. Mail Accounts ကိုနှိပ်၍ Add Account ကိုနှိပ်ပါ။

  3. iCloud၊ Microsoft Exchange သို့မဟုတ် Gmail (Google) ကဲ့သို့သော—သင်အသုံးပြုလိုသည့် အီးမေးလ်ဝန်ဆောင်မှုတစ်ခု ကိုနှိပ်ကာ သင်၏အီးမေးလ်အကောင့်အချက်အလက်များကို ထည့်သွင်းပါ။

    သင့်အီးမေးလ်ဝန်ဆောင်မှုသည် စာရင်းတွင် မပါရှိပါက Other ကိုနှိပ်ပါ၊ Add Mail Account ကိုနှိပ်ပါ၊ ထို့နောက် သင်၏အီးမေးလ်အကောင့်အချက်အလက်များကို ထည့်သွင်းပါ။

မှတ်စု အကောင့်များစွာကို စီမံသတ်မှတ်ထားပါက အီးမေးလ်မက်ဆေ့ကို စာစီသည့်အခါ မည်သည့်အကောင့်မှ ပေးပို့လိုကြောင်းကို ရွေးချယ်နိုင်သည်။ အီးမေးလ်ပို့ခြင်းကို ကြည့်ပါ။

အီးမေးလ်အကောင့်တစ်ခုကို အသုံးပြုမှု ယာယီ ရပ်နားခြင်း

သင့် iPhone တွင် အကောင့်တစ်ခုမှ အီးမေးလ် ပို့ခြင်းနှင့် လက်ခံခြင်းကို ယာယီ ရပ်နားလိုပါက ၎င်းကို Settings ထဲတွင် ပိတ်နိုင်သည်။ ၎င်းတို့ကို အချိန်မရွေး လွယ်ကူစွာ ပြန်ဖွင့်နိုင်သည်။

  1. Settings  > Apps > Mail ကိုသွားပါ။

  2. Mail Accounts ကို နှိပ်ပါ၊ သင် ပိတ်လိုသော အီးမေးလ်အကောင့်ကိုနှိပ်ပါ၊ ထို့နောက် အောက်ပါအတိုင်း ပြုလုပ်ပါ၊

    • iCloud အီးမေးလ်အကောင့်တစ်ခုကို ပိတ်ခြင်း၊ “Use on this iPhone” ကိုပိတ်ပါ။

    • နောက်ထပ်အီးမေးလ်အကောင့်တစ်ခုကို ပိတ်ခြင်း၊ Mail ကိုပိတ်ပါ။

အကြံပြုချက် သင်သည်—Contacts၊ Calendars နှင့် Reminders အပါအဝင် အခြားအက်ပ်များကို ဤအကောင့်နှင့်ဆက်လက်အသုံးပြုလိုခြင်းရှိမရှိကို ရွေးချယ်နိုင်သည်။ သီးခြား အက်ပ်တစ်ခုချင်းစီကို ဖွင့်ခြင်း သို့မဟုတ် ပိတ်ခြင်း။

အီးမေးလ်အကောင့်တစ်ခုကို ဖျက်ခြင်း

Mail အက်ပ်နှင့် သင့် iPhone တွင်အသုံးပြုထားသော အက်ပ်များအားလုံးမှ အီးမေးလ်အကောင့်တစ်ခုကို ဖယ်ရှားနိုင်သည်။

မှတ်စု ဤလုပ်ဆောင်မှုသည် အီးမေးလ်အကောင့်ကို ပယ်ဖျက်ခြင်းမဟုတ်ပါ- ၎င်းကို သင့် iPhone မှ ဖယ်ရှားခြင်းသာ ဖြစ်သည်။ အကောင့်ကို အပြီးပိတ်ရန် သင်၏အီးမေးလ်ထောက်ပံ့သူထံ ဝင်ရောက်ကြည့်ရှုပါ။

  1. Settings  > Apps > Mail ကိုသွားပါ။

  2. Mail Accounts ကို နှိပ်ပါ၊ သင့် iPhone မှ ဖယ်ရှားလိုသည့် အီးမေးလ်အကောင့်ကို နှိပ်ပါ၊ ထို့နောက် Sign Out သို့မဟုတ် Delete Account ကိုနှိပ်ပါ။

    မှတ်စု နောက်မှ စိတ်ပြောင်းသွားပါက ထိုအီးမေးလ်အကောင့်ကို သင့် iPhone သို့ ပြန်ထည့်နိုင်သည်။ အီးမေးလ်အကောင့်တစ်ခု ထည့်သွင်းခြင်းကိုကြည့်ပါ။

Mail အက်ပ်ကို သင့် Home ဖန်သားပြင်တွင် ပေါင်းထည့်ခြင်း

သင့် Home ဖန်သားပြင်တွင် Mail အက်ပ်ကို မတွေ့ပါက App Library တွင်ရှာ၍ ၎င်းကိုပြန်ရှာထည့်နိုင်သည်။

  1. Home ဖန်သားပြင်ပေါ်တွင် App Library ကိုမြင်ရသည်အထိ ဘယ်ဘက်သို့ပွတ်ဆွဲပါ။

  2. ရှာဖွေမှုကွက်လပ်တွင်“Mail”ကို ရိုက်ထည့်ပါ။

  3. Mail အက်ပ်သင်္ကေတကိုဖိပြီးနှိပ်ထားပါ၊ ထို့နောက် Add to Home Screen ကိုနှိပ်ပါ။

သင့် Home ဖန်သားပြင်ကို သင်နှင့်သင့်တော်ရုံ ပြန်လည်စီစဉ်ရန်Home ဖန်သားပြင်ပေါ် တွင် အက်ပ်များနှင့် အလွယ်သုံးပုံစံများကို ရွှေ့ခြင်းကို ကြည့်ပါ။

ဒါကိုလည်းကြည့်ပါiPhone ရှိ Mail တွင်အီးမေးလ်းကို စစ်ဆေးခြင်းiPhone ရှိ Mail တွင်အီးမေးလ်ပို့ခြင်းiPhone ရှိ iCloud Mail ဖြင့် စိတ်ကြိုက် အီးမေးလ်ဒိုမိန်းတစ်ခုစီမံခြင်း
Morty Proxy This is a proxified and sanitized view of the page, visit original site.
အထောက်အကူဖြစ်ပါသလား။
စာလုံးရေအကန့်အသတ်- 250
အများဆုံး စာလုံးရေအကန့်အသတ်မှာ ၂၅၀ ဖြစ်ပါသည်။
သင်၏ အကြံပြုချက်အတွက် ကျေးဇူးတင်ပါသည်။
Morty Proxy This is a proxified and sanitized view of the page, visit original site.