iOS 26
iOS 18
ဤထိန်းချုပ်မှုကို ပြင်ဆင်ခြင်းဖြင့် ဤစာမျက်နှာကို အလိုအလျောက် အပ်ဒိတ်လုပ်ပေးပါမည်

iPhone ရှိ Health တွင် ကိုယ်ဝန်တစ်ခုကို မှတ်တမ်းသွင်းခြင်း

သင်သည် Health အက်ပ်တွင် ကိုယ်ဝန်တစ်ခုကို မှတ်တမ်းသွင်းသည့်အခါ သင်၏ ကိုယ်ဝန်ဆောင်သက်တမ်းကို ကြည့်နိုင်သည်၊ ပြီးလျှင် ကိုယ်ဝန်ဆောင်စဉ် မကြာခဏ ကြုံတွေ့သည့် ရောဂါလက္ခဏာများကို မှတ်တမ်းသွင်းနိုင်သည်။ iPhone ရှိ Health အက်ပ်နှင့် Apple Watch ရှိ Cycle Tracking အက်ပ်တို့သည် ကိုယ်ဝန်ဆောင်စဉ်အတွင်း သင့်အချက်အလက်ကို ပိုမိုနားလည်ရန် ကူညီပေးနိုင်ပါသည်။ အက်ပ်နှစ်ခုလုံးသည် သင်၏ရုပ်ပိုင်းဆိုင်ရာနှင့် စိတ်ပိုင်းဆိုင်ရာကျန်းမာရေးဆိုင်ရာ ပြောင်းလဲမှုများကို ထင်ဟပ်စေရန် ချိန်ညှိမှုများနှင့် အကြံပြုချက်များ ပြုလုပ်သည်။

မျက်နှာပြင်ထိပ်ဆုံးရှိ တစ်ပတ်စာ ကိုယ်ဝန်ဆောင် အချိန်မှတ်တမ်းနှင့် Cycle Tracking ဖန်သားပြင်။ အနီရောင်စက်ဝိုင်းများနှင့် အစိမ်းနုရောင် ဘဲဥပုံများသည် အချိန်မှတ်တမ်းတွင် ပထမ 5 ရက်ကိုမှတ်သားပေးသည်။ အစိမ်းဖျော့ရောင် ဘဲဥပုံများ အချိန်မှတ်တမ်းတွင် အခြားနေ့များကို မှတ်သားပေးသည်။ အချိန်မှတ်တမ်းအောက်တွင် ကိုယ်ဝန်ဆောင်သက်တမ်း၊ စတင်သည့်နေ့ နှင့် မီးဖွားရက်တို့ကို ပြထားသည့် ကိုယ်ဝန်ဆောင်အကျဉ်းချုပ်ရှိသည်။ ကိုယ်ဝန်ဆောင်အကျဉ်းချုပ်အောက်တွင် ကိုယ်ဝန်ဆောင်ချိန် သွေးဆင်းခြင်း၊ ရောဂါလက္ခဏာများနှင့် အစရှိသည့် အချက်အလက်ကို ထည့်သွင်းရန် ရွေးချယ်စရာများရှိသည်။

ကိုယ်ဝန်တစ်ခုကို မှတ်တမ်းသွင်းခြင်း

  1. သင့် iPhone ရှိ Health အက်ပ် ကိုသွားပါ။

  2. ညာဘက်အောက်နားရှိ Browse ကိုနှိပ်၍ Cycle Tracking ကိုနှိပ်ပါ။

  3. အောက်သို့ရွှေ့ဆင်းပြီး Factors ကိုနှိပ်ပါ၊ ထို့နောက် Add Factor ကိုနှိပ်ပါ။

  4. Pregnancy ကိုနှိပ်ပါ၊ ထို့နောက် Begin ကိုနှိပ်ပါ။

  5. အောက်ပါတို့မှတစ်ခုကိုလုပ်ဆောင်ပါ၊

    • သင့်နောက်ဆုံးရာသီစက်ဝန်း၏ ပထမရက်ကို မှတ်တမ်းသွင်းခြင်း၊ Last Menstrual Period ကိုနှိပ်ပါ။

    • ခန့်မှန်းခြေမီးဖွားရက်တစ်ရက်ကို မှတ်တမ်းသွင်းခြင်း၊ Estimated Due Date ကိုနှိပ်ပါ။

    • ကိုယ်ဝန်ဆောင်ချိန်တစ်လျှောက် ရက်သတ္တပတ် မည်မျှကြာသည်ကို မှတ်တမ်းသွင်းခြင်း၊ Estimated Gestational Age ကိုနှိပ်ပါ။

    • IVF ကာလအတွင်း သန္ဓေသားလောင်းအဖြစ်သို့ပြောင်းသွားသည့်အခါ မှတ်တမ်းသွင်းခြင်း၊ Embryo Transfer Date ကိုနှိပ်ပါ။

    မှတ်စု ယခင်ကိုယ်ဝန်တစ်ခုကို မှတ်တမ်းသွင်းရန် Log a Past Pregnancy ကိုနှိပ်ပါ။

  6. Next ကိုနှိပ်ပါ၊ မျက်နှာပြင်ပေါ်ရှိ ညွှန်ကြားချက်များအတိုင်း လုပ်ဆောင်ပါ၊ ထို့နောက် Next ကိုနှိပ်ပါ။

  7. Next ကိုနှိပ်ပါ၊ ထို့နောက် သင့်ကိုယ်ဝန်ကို သင်၏ဆေးဘက်ဆိုင်ရာ ID တွင် ထည့်သွင်းရန်နှင့် သင့်ဆေးဝါးများကို ပြန်လည်သုံးသပ်ရန်ကို ရွေးချယ်ရန် ဖန်သားပြင်ပေါ်ရှိ ညွှန်ကြားချက်များကို လိုက်နာပါ။

    အကယ်၍ သင့်တွင် ယခင်က စာရင်းမှတ်ထားသော ဆေးဝါးများရှိလျှင် သင်၏ ကိုယ်ဝန်ဆောင်ခြင်းကို ဘေးဥပဒ်ဖြစ်စေမည့် ဆေးဝါးများရှိလျှင် သင့်ကို အကြောင်းကြားပေးသွားမှာဖြစ်သည်။

    မှတ်စု ဆေးဝါးအားလုံးအတွက် မလုပ်ဆောင်နိုင်ပါ။

  8. Cycle Timeline ကို ပြန်လည်သုံးသပ်ပါ၊ ထို့နောက် Done ကိုနှိပ်ပါ။

မှတ်စု သင့် Health Details ရှိ ကိုယ်ဝန်ဆောင်ချိန်တစ်ခုကိုလည်း မှတ်တမ်းသွင်းနိုင်သည်။ Summary ကိုနှိပ်ပါ၊ ညာဘက်ထိပ်ရှိ သင်၏ဓာတ်ပုံ သို့မဟုတ် နာမည်အစများကိုနှိပ်ပါ၊ Health Details ကိုနှိပ်ပါ၊ ထို့နောက် Cycle Tracking တွင် Set Up Pregnancy ကိုနှိပ်ပါ။

ကိုယ်ဝန်ဆောင်တစ်ခုကို မှတ်တမ်းသွင်းနေစဉ် ကိုယ်ဝန်ဆောင်စဉ်အတွင်းနှင့် ကိုယ်ဝန်ဆောင်ပြီးနောက် ဖွင့်သင့်သော သို့မဟုတ် ပိတ်သင့်သော အကြောင်းကြားချက် နှင့်ပတ်သက်သည့် အကြံပြုချက်အမျိုးမျိုးရရှိသည်။

  • လမ်းလျှောက်မှန်မှုကိုစောင့်ကြည့်ခြင်း၊ ဖွင့်ရန် အကြံပြုထားသည်။ လမ်းလျှောက်မှန်မှုကိုစောင့်ကြည့်ခြင်းသည် သင့်တတိယသုံးလပတ်အတွင်း လဲကျနိုင်ခြေ တိုးလာသောအခါတွင် သင့်အား ပိုမိုလျင်မြန်စွာ သတိပေးနိုင်သည်။

  • နှလုံးခုန်နှုန်းမြင့်တက်ခြင်း (Apple Watch သာလျှင်)၊ သင်၏ နှလုံးခုန်နှုန်းမြင့်တက်ခြင်းအကြောင်းကြားချက် သတ်မှတ်ချက်သည် တစ်မိနစ်လျှင် အကြိမ်ရေ 120 (bpm) အောက် သတ်မှတ်ထားပါက ၎င်းကို ပြန်လည်သုံးသပ်ပြီး ချိန်ညှိရန် သင့်အား တောင်းဆိုသည်။

  • နှလုံးကြံ့ခိုင်မှု (Apple Watch သာလျှင်)၊ နှလုံးကြံ့ခိုင်မှု အကြောင်းကြားချက်များသည် သင့်ကိုယ်ဝန်ဆောင်နေချိန်နှင့် ကိုယ်ဝန်ဆောင်ချိန်ပြီးဆုံးပြီးနောက် 12 ပတ်အထိ ပိတ်ထားရန် အကြံပြုထားသည်။

သင်၏ ကျန်းမာရေး အကြောင်းကြားချက် ချိန်ညှိချက်များကို ပြန်လည်သုံးသပ်ရန် သင်၏ Health Checklist ကို ပြန်လည်ဆန်းစစ်ခြင်းကိုကြည့်ပါ။

သွေးဆင်းခြင်းနှင့် အခြားရောဂါလက္ခဏာများကို မှတ်တမ်းသွင်းခြင်း

  1. သင့် iPhone ရှိ Health အက်ပ် ကိုသွားပါ။

  2. ညာဘက်အောက်နားရှိ Browse ကိုနှိပ်၍ Cycle Tracking ကိုနှိပ်ပါ။

  3. နေ့တစ်နေ့ကို ရွေးချယ်ရန် ဆွဲယူပါ၊ ထို့နောက် အောက်ပါတို့မှာ နှစ်သက်ရာကို လုပ်ဆောင်ပါ၊

    • သွေးဆင်းခြင်းကို မှတ်တမ်းသွင်းခြင်း၊ နေ့တစ်နေ့ကို ရွေးချယ်ရန် အချိန်ကာလကို ဆွဲရွှေ့ပါ၊ Bleeding During Pregnancy ကိုနှိပ်ပါ၊ Had Bleeding ကိုနှိပ်ပါ၊ Done ကိုနှိပ်ပါ။

      မှတ်စု သင်၏ ကိုယ်ဝန်ဆောင်ချိန်အတွင်း သွေးဆင်းခြင်းကို မှတ်တမ်းသွင်းသည့်အခါ သင် သင်၏ဆရာဝန် သို့မဟုတ် စောင့်ရှောက်ရေးအဖွဲ့ကို ဆက်သွယ်ပါဆိုသည့် အကြံပြုချက် အကြောင်းကြားချက်တစ်ခု လက်ခံရရှိသည်။

      သွေးဆင်းသည့် အဆင့်တစ်ခုကို ထည့်သွင်းရန် Bleeding During Pregnancy ကိုနှိပ်ပါ၊ သွေးဆင်းသည့် အဆင့်ကို ရွေးချယ်ပါ၊ ထို့နောက် Done ကိုနှိပ်ပါ။

    • လက္ခဏာများ သို့မဟုတ် အခြားအချက်အလက်များကို မှတ်တမ်းသွင်းခြင်း၊ ရက်တစ်ရက်ကိုရွေးရန် အချိန်မှတ်တမ်းကိုရွှေ့ပါ၊ အမျိုးအစားကဏ္ဍ (Other Data အောက်တွင်)ကိုနှိပ်ပါ၊ အချက်အလက်ကိုဖြည့်ပါ၊ ထို့နောက် Done ကိုနှိပ်ပါ။

အမျိုးအစားများကို အချက်အလက်ရေးသွင်းခြင်း ဖန်သားပြင်သို့ ထည့်ရန် Log ဘေးရှိ Options ကိုနှိပ်၍ Log အောက်ရှိ အမျိုးအစားများမှ ရွေးချယ်ပါ။

သင်၏ ကိုယ်ဝန်ဆောင်စက်ဝန်းအချိန်မှတ်တမ်းကို ကြည့်ရှုခြင်း

ညာဘက်အောက်နားရှိ Browse ကိုနှိပ်၍ Cycle Tracking ကိုနှိပ်ပါ။

ဖန်သားပြင်ထိပ်ရှိ အချိန်မှတ်တမ်းတစ်ခုသည် အောက်ပါသင်္ကေတများကိုပြသည်။

သင်္ကေတ

ဖော်ပြချက်

အစိမ်းနုရောင် ဘဲဥပုံ

သင်မှတ်တမ်းသွင်းထားသည့် ကိုယ်ဝန်ဆောင်ရက် တစ်ရက်။

မျဥ်းဖြတ်ပါ အစိမ်းဖျော့ရောင် ဘဲဥပုံ

အနာဂတ်တွင် ကိုယ်ဝန်ရှိနေနိုင်သေးသည့်နေ့တစ်နေ့။

အစိမ်းရင့်ရောင် ဘဲဥပုံ

သင်၏ ခန့်မှန်းခြေ မီးဖွားရက် ရက်စွဲ။

မတူညီသည့်ရက်များကို ရွေးချယ်ရန် အချိန်မှတ်တမ်းကို ဆွဲရွှေ့ပါ။

သင်၏ ကိုယ်ဝန် အသေးစိတ်အချက်အလက်ကို ပြုပြင်ခြင်း

  1. သင့် iPhone ရှိ Health အက်ပ် ကိုသွားပါ။

  2. ညာဘက်အောက်နားရှိ Browse ကိုနှိပ်၍ Cycle Tracking ကိုနှိပ်ပါ။

  3. Pregnancy နေရာကိုနှိပ်ပါ၊ ထို့နောက် အောက်ပါတို့မှ နှစ်သက်ရာကို လုပ်ဆောင်ပါ၊

    • ခန့်မှန်းမှုနည်းလမ်းကို ပြောင်းခြင်း၊ Change ကိုနှိပ်ပါ၊ ခန့်မှန်းမှုနည်းလမ်းတစ်ခုကိုနှိပ်ပါ။

    • သင်၏ ခန်းမှန်းမှုနည်းလမ်းကို ပြုပြင်ခြင်း၊ ပြောင်းလဲမှုတစ်ခုကို ပြုလုပ်ရန် ကွက်လပ်တစ်ခုကိုနှိပ်ပါ။

    • သင်၏ ကိုယ်ဝန်ဆောင် အချက်အလက်ကို ဖျက်ခြင်း၊ Health မှ Delete Factor ကိုနှိပ်ပါ။

  4. ပြင်ဆင်၍ပြီးစီးလျှင် Done ကိုနှိပ်ပါ။

သင့်ကျန်းမာရေးအချက်အလက်များနှင့် သီးသန့်တည်ရှိမှုအကြောင်း

Health တွင်သင်ကိုယ်တိုင်ထည့်ထားသော အချက်အလက်သည် သင့်အတွက် သုံးရန်နှင့် မျှဝေရန်ဖြစ်သည်။ Health တွင် မည်သည့်အချက်အလက်ကို သိမ်းမည်ဆိုသည်အပြင် သင့်အချက်အလက်ကို မည်သူမှကြည့်နိုင်မည်ဆိုသည်ကိုပါ သင်ဆုံးဖြတ်နိုင်သည်။

သင် ကိုယ်ဝန်ကို Medical ID သို့ ထည့်ရန် ရွေးချယ်ထားလျှင် Show When Locked ကိုဖွင့်ထားပါက သင်၏ကိုယ်ဝန်အခြေအနေအားကို သော့ပိတ်ထားသည့်ဖန်သားပြင်တွင် ဝင်ရောက် ကြည့်ရှုနိုင်မည်။ Share During Emergency Call ကို ဖွင့်ထားပါက အရေးပေါ်ခေါ်ဆိုမှုတစ်ခုအတွင်း သင်၏ ကိုယ်ဝန်ဆောင်အခြေအနေကို ပထမဆုံး တုံ့ပြန်သူများနှင့် မျှဝေလိမ့်မည်။ သင်၏ Health အက်ပ်ပရိုဖိုင်ကို သွားပြီး သင့် Medical ID ချိန်ညှိမှုများကို အချိန်မရွေးပြောင်းနိုင်ပါသည်။ သင့်အခြေအနေကို ပြောင်းလိုက်ပါက Medical ID ထဲတွင် သင့်ကိုယ်ဝန်အခြေအနေကို ဖယ်ရှားနိုင်သည် သို့မဟုတ် အချိန်နှင့် တပြေးညီ ပြောင်းလဲနိုင်သည်။

iPhone အား Face ID၊ Touch ID သို့မဟုတ်လျှို့ဝှက်ကုဒ်တစ်ခုနှင့် သော့ခတ်ထားသည့်အခါ သင် သင်၏ Medical IDထဲသို့ ထပ်ပေါင်းထည့်ခြင်းထက် Health အက်ပ်တွင်ရှိသည့် ကျန်းမာရေးအချက်အလက်များအားလုံးကို ကုတ်အဖြစ်ပြောင်းသိမ်းပေးထားသည်။ အကူးအပြောင်းနှင့် Apple ဆာဗာများနှစ်ခုလုံးတွင် iCloud သို့ချိန်ကိုက်ထားသည့် မည်သည့်ကျန်းမာရေးအချက်အလက်ကိုမဆိုကုဒ်ပြောင်းထားသည်။ သင့်တွင် ပုံသေ အထောက်အထားနှစ်ရပ် အတည်ပြုချက် နှင့် လျှို့ဝှက်ကုဒ်နံပါတ်ဖြင့် iOS၊ iPadOS နှင့် watchOS ဗားရှင်းတစ်ခုရှိပါက၊ (ဓမ္မတာစက်ဝန်းခြေရာခံခြင်းအတွက် iPad နှင့် Apple Watch ကိုသုံးနေပါက)၊ သင့်ကျန်းမာရေးနှင့် လုပ်ဆောင်မှုအချက်အလက်ကို Apple မှ၎င်းကိုဖတ်မရနိုင်သည့် နည်းတစ်နည်းဖြင့် သိမ်းဆည်းပေးသည်။

၎င်းသည် Cycle Tracking အစီအစဉ်နှင့် အထောက်အထားနှစ်ရပ် အတည်ပြုချက်ကိုသုံးသည့်အခါ iCloud နှင့်ချိန်ကိုက်ထားသော သင်၏ ကျန်းမာရေးအချက်အလက်ကို သက်ဆိုင်သူသာကြည့်ရှုနိုင်ရန် ပြောင်းလဲထားပြီး Apple တွင် ထိုအချက်အလက်ကိုကုဒ်ဖြည်ရန် သော့မရှိသဖြင့် ၎င်းကိုဖတ်၍မရနိုင်ဟုဆိုလိုခြင်းဖြစ်သည်။

ဒါကိုလည်းကြည့်ပါiPhone ရှိ Health တွင် သင်၏ Health Details ကိုဖြည့်ခြင်းသင့် Medical ID ကို စီမံလုပ်ဆောင်ခြင်းနှင့် ကြည့်ရှုခြင်းiPhone ပေါ် ရှိ Health တွင် စိတ်ကျန်းမာရေး အကဲဖြတ်စစ်ဆေးမှုတစ်ခုကို ခံယူခြင်း
Morty Proxy This is a proxified and sanitized view of the page, visit original site.
အထောက်အကူဖြစ်ပါသလား။
စာလုံးရေအကန့်အသတ်- 250
အများဆုံး စာလုံးရေအကန့်အသတ်မှာ ၂၅၀ ဖြစ်ပါသည်။
သင်၏ အကြံပြုချက်အတွက် ကျေးဇူးတင်ပါသည်။
Morty Proxy This is a proxified and sanitized view of the page, visit original site.