iOS 26
iOS 18
iOS 17
iOS 16
iOS 15
iOS 14
iOS 13
ဤထိန်းချုပ်မှုကို ပြင်ဆင်ခြင်းဖြင့် ဤစာမျက်နှာကို အလိုအလျောက် အပ်ဒိတ်လုပ်ပေးပါမည်

iPhone ကင်မရာဖြင့် ဗီဒီယိုများရိုက်ကူးခြင်း

ဗီဒီယိုများနှင့် QuickTake ဗီဒီယိုများ ရိုက်ကူးရန် သင့်iPhone ကင်မရာကိုသုံးပါ။ ဗီဒီယိုပုံစံများကြားတွင် ပြောင်းလဲနည်း၊ Cinematic၊ အနှေးပြကွက်နှင့် အမြန်ပြကွက်ဗီဒီယိုများရိုက်ကူးရန် မုဒ်များပြောင်းလဲနည်းနှင့်၊ ဗီဒီယိုတည်ငြိမ်စေမှုအား ပိုမိုကောင်းမွန်စေရန် Action မုဒ်ကိုသုံးနည်းတို့အား လေ့လာပါ။

မှတ်စု ဖုန်းခေါ်ဆိုမှုတစ်ခု သို့မဟုတ် FaceTime ခေါ်ဆိုမှုတစ်ခုပြုလုပ်နေစဥ် ဗီဒီယိုရိုက်ကူးခြင်းကို အသုံးပြု၍မရပါ။

ဗီဒီယိုမှတ်တမ်းရိုက်ကူးရန်

  1. သင့် iPhone ရှိ Camera ကိုဖွင့်ပါ။

  2. Video mode အားရွေးချယ်ပါ (ကင်မရာမုဒ်များတစ်ခုမှတစ်ခုသို့ ကူးပြောင်းခြင်းကိုကြည့်ပါ။)

  3. ရိုက်ကူးမှုစတင်ရန် Record ခလုတ်ကိုနှိပ်ပါ၊ အသံခလုတ်၊ သို့မဟုတ် Camera Control (အထောက်အကူပြုထားသော အမျိုးအစားများတွင်) တစ်ခုခုကိုနှိပ်ပါ။ ရိုက်ကူးနေစဉ်အတွင်း အောက်ပါတို့ကိုလုပ်နိုင်သည်၊

    • ရုပ်သေဓာတ်ပုံရိုက်ကူးရန် အဖြူရောင် Shutter ခလုတ်ကိုနှိပ်ပါ။

    • အသံသွင်းခြင်းကိုရပ်ရန် Pause ခလုတ်ကိုနှိပ်ပါ။

    • ဖန်သားပြင်ကို ချုံ့ရန် သို့မဟုတ် ချဲ့ရန် လက်ချောင်းထိပ်ဖြင့် ချုံ့ချဲ့ပါ။

    • ပိုမိုတိကျသော ချုံ့ခြင်းချဲ့ခြင်းအတွက် 1x ကိုဖိ၍နှိပ်ထားပြီး ဆလိုက်ကို ဖိဆွဲပါ (ထောက်ပံ့ထားသော အမျိုးအစားများတွင်)။

    • ထောက်ပံ့ပေးထားသော အမျိုးအစားများတွင် ပုံကြီးချဲ့ရန်နှင့်ချုံ့ရန် Camera Control ကိုအသုံးပြုပါ။

  4. Record ခလုတ်ကိုနှိပ်ပါ၊ ရိုက်ကူးခြင်းကိုရပ်တန့်ရန် အသံခလုတ်၊ သို့မဟုတ် (အထောက်အကူပြုထားသော အမျိုးအစားများတွင်) Camera Control တစ်ခုခုကိုနှိပ်ပါ။

မှတ်စု သင်၏လုံခြုံရေးအတွက် ကင်မရာအသုံးပြုနေသည့်အချိန်တွင် ဖန်သားပြင်၏ ထိပ်တွင် အစိမ်းရောင်အစက်လေးပေါ်နေမည်။ iPhone တွင် ဟာ့ဒ်ဝဲလ်အစီအစဥ်များသို့ဝင်ရောက်မှုကို ထိန်းချုပ်ခြင်းကိုကြည့်ပါကိုကြည့်ပါ။

HD သို့မဟုတ် 4K ဗီဒီယို ရိုက်ကူးရန်

iPhone အမျိုးအစားကို မူတည်၍ HD၊ 4K၊ HD (PAL) နှင့် 4K (PAL) ကဲ့သို့ အရည်အသွေးမြင့်ပုံစံများဖြင့် ဗီဒီယိုရိုက်ကူးနိုင်သည်။

  1. Settings  > Camera သို့ သွား၍ Record Video ကိုနှိပ်ပါ။

  2. သင့် iPhone တွင် ထောက်ပံ့ထားသည့် ဗီဒီယိုပုံစံများနှင့် ပုံရိပ်ဖမ်းယူမှုနှုန်းများစာရင်းမှ ရွေးချယ်ပါ။

    မှတ်စု ဆိုဒ်ပိုကြီးသည့်ဗီဒီယိုဖိုင်များတွင် ပုံရိပ်ဖမ်းယူမှုနှုန်းပိုမြန်၍ ရုပ်ထွက်အရည်အသွေးပိုကောင်းသည်။

ပိုမြန်ဆန်သော ပုံရိပ်ဖမ်းယူမှုနှုန်းဖြင့် ရိုက်ကူးသောဗီဒီယိုများအား Photos အက်ပ်ထဲတွင် ပိုနှေးသောအမြန်နှုန်းများဖြင့် ပြန်လည်ဖွင့်နိုင်ပါသည်။ ဗီဒီယိုအရှည်အား ဖြတ်တောက်ခြင်း၊ အနှေးပြကွက်အား ချိန်ညှိခြင်းနှင့်၊ အသံကိုပြင်ဆင်ခြင်းကိုကြည့်ပါ။

မှတ်စု PAL သည် ဥရောပ၊ အာဖရိက၊ အာရှနှင့် တောင်အမေရိကတို့လို ဒေသများနှင့် နိုင်ငံပေါင်းများစွာတွင် အသုံးပြုကြသော ရုပ်သံဗီဒီယိုပုံစံတစ်မျိုး ဖြစ်သည်။

Action မုဒ်ကိုသုံးခြင်း

အထောက်အကူပြုထားသော အမျိုးအစားများတွင်၊Action မုဒ်သည် Video မုဒ်ဖြင့်မှတ်တမ်းတင်နေစဉ် တိုးတက်သည့် တည်ငြိမ်မှုကို ပေးသည်။ Action မုဒ်ကိုဖွင့်ရန် ဖန်သားပြင်ထိပ်ရှိ Action Mode Off ခလုတ် နှင့် ယင်းကိုပိတ်ရန် Action Mode On ခလုတ် ကိုနှိပ်ပါ။

iPhone ကို အလျားလိုက်ထားပါ။ Camera ကို ဖွင့်၍ Video မုဒ်တွင်ထားပါ။ ကင်မရာဘောင်အတွင်းမှာ လူတစ်ယောက်သည် ရွရွပြေးနေသည်။ ဖန်သားပြင်၏ ဘယ်ဘက်အောက်ခြေထောင့်တွင် Flash ခလုတ်ရှိသည်။ ဖန်သားပြင်၏ ဘယ်ဘက်အလယ်တွင် Camera Controls ခလုတ်ရှိသည်။ ဘယ်ဘက်ထိပ်ထောင့်တွင် ဗီဒီယိုရုပ်ထွက်အရည်အသွေးကိုပြောင်းရန် အမြန်အလွယ်သုံးလွှဲခလုတ်များရှိသည်။ ဘယ်ဘက်ထိပ်ဆုံးထောင့်မှ Action ခလုတ်သည်ပွင့်နေမည်ဖြစ်သည်။ ဖန်သားပြင်၏ညာဘက်ခြမ်းရှိ အထက်မှအောက်ခြေတစ်လျှောက်တွင် Camera Chooser Back-Facing ခလုတ်၊ ၊ Record ခလုတ် နှင့် Photo နှင့် Video Viewer ခလုတ်တို့ရှိသည်။ ကင်မရာရိုက်ကွက်ပြကိရိယာအတွင်း လူတစ်ဦး ပြေးနေသည်။

မှတ်စု Action မုဒ်သည် အလင်းရောင်တောက်တောက်တွင် အဆင်အပြေဆုံးဖြစ်သည်။ အလင်းရောင်မှိန်မှိန်ဖြင့် Action မုဒ်ကိုသုံးလိုပါက Settings  > Camera သို့သွားပါ Record Video ကိုနှိပ်ပါ၊ ထို့နောက် Action Mode Lower Light ကိုဖွင့်ပါ။ Action မုဒ်တွင် အမြင့်ဆုံးကြည်လင်ပြတ်သားမှု 2.8K ရှိသည်။

Photo မုဒ်ထဲရှိနေစဥ် ဗီဒီယိုတစ်ခုကို မှတ်တမ်းတင်ခြင်း

QuickTake သည် Video မုဒ်ကိုပြောင်းမည့်အစား Photo မုဒ်ထဲတွင်ရှိနေစဥ် ဗီဒီယိုတစ်ခုအား ရိုက်ကူးစေနိုင်သည်။ ရိုက်ကူးနေစဥ် Record ခလုတ်ကို ပုံသေအနေအထားသို့ ပြောင်းရွှေ့ပြီး တစ်ချိန်တည်းတွင် အငြိမ်ဓာတ်ပုံများရိုက်ကူးနိုင်သည်။

  1. သင့် iPhone ရှိ Camera ကိုဖွင့်ပါ။

  2. စတင်ရိုက်ကူးရန် Shutter ခလုတ်ကို ထိ၍ထိန်းထားပါ။

  3. Shutter ခလုတ်ကိုညာဘက်သို့ရွှေ့ကာ လက်ဖြင့်ကိုင်ထားခြင်းမရှိဘဲဆက်လက်မှတ်တမ်းတင်ရန်အဖြူရောင်စက်ဝိုင်းကိုလွှတ်လိုက်ပါ။

    • ရိုက်ကွက်ဘောင်အောက်တွင် Record ခလုတ်နှင့် Shutter ခလုတ်တို့ပေါ်နေမည်—ဗီဒီယိုရိုက်ကူးနေစဥ် ရုပ်ငြိမ်ဓာတ်ပုံရိုက်ကူးရန် Shutter ခလုတ်ကိုနှိပ်ပါ။

    • သင့်အရာဝတ္ထုပေါ်တွင် မြင်ကွင်းချုံ့ရန် အပေါ်သို့ဆွဲပါ သို့မဟုတ် လက်ဖြင့်ကိုင်ထားခြင်းမရှိဘဲရိုက်ကူးလျှင် မြင်ကွင်းကိုချုံ့ရန် ဖန်သားပြင်ပေါ်တွင် လက်နှစ်ချောင်းဖြင့်ပြန်ချုံ့နိုင်သည်။

  4. အသံသွင်းယူမှုကို အပြီးသတ်ရန် Record ခလုတ် ကိုနှိပ်ပါ။

    Photo စနစ်ထဲရှိ Camera ဖန်သားပြင်။ ထိုအရာသည် ကင်မရာဘောင်အတွင်း ဖန်သားပြင်၏အလယ်တွင် ပြည့်နေမည်ဖြစ်သည်။ ဖန်သားပြင်အောက်ခြေအနီးတွင် Shutter ခလုတ်သည် ညာဘက်သို့ရွေ့ကာ၊ ဗီဒီယိုရိုက်ကူးမှု စတင်ခြင်းတစ်ခု၏ လှုပ်ရှားမှုကို ဖော်ပြပေးသည်။ ထိုဗီဒီယိုအချိန်မှတ်သားမှုသည်ယင်းဖန်သားပြင်ထိပ်တွင်ဖြစ်သည်။

    အကြံပြုချက် ဓာတ်ပုံရိုက်ကူးစနစ်ဖြင့် ဗီဒီယိုတစ်ခု စတင်ရိုက်ကူးရန် အသံတိုးခလုတ် သို့မဟုတ် အသံကျယ်ခလုတ်ကို ဖိ၍ထိန်းထားပါ။

    ထောက်ပံ့ပေးထားသော အမျိုးအစားများတွင် ရုပ်ထွက်အရည်အသွေးအပြည့်ဖြင့် ဗီဒီယိုများကိုရိုက်ကူးရန် Camera Control အားနှိပ်ကာ ဖိထားနိုင်သည်။

Photos အက်ပ်အတွင်း ဗီဒီယိုကိုကြည့်ရှုရန် ပုံကွက်ကိုနှိပ်ပါ။

အနှေးပြကွက်ဗီဒီယို မှတ်တမ်းတင်ရန်

Slo-mo စနစ်ဖြင့် ဗီဒီယိုတစ်ခုရိုက်ကူးသည့်အခါ သင့်ဗီဒီယိုသည် ပုံမှန်အတိုင်းရိုက်ကူးနေမည်ဖြစ်ပြီး ပြန်ဖွင့်ကြည့်သည့်အခါမှသာ အနှေးပြကွက်လုပ်ဆောင်ချက်ကို သင်မြင်ရမည်ဖြစ်သည်။ သတ်မှတ်အချိန်တွင် အနှေးပြကွက်လုပ်ဆောင်ချက်စတင်နိုင်ရန်နှင့် အဆုံးသတ်နိုင်စေရန်လည်း သင့်ဗီဒီယိုကိုပြုပြင်နိုင်သည်။

  1. သင့် iPhone ရှိ Camera ကိုဖွင့်ပါ။

  2. Slo-mo မုဒ်အားရွေးချယ်ပါ။

    အထောက်အကူပြုထားသော အမျိုးအစားများတွင် Camera Chooser Back-Facing ခလုတ် ကိုနှိပ်၍ ရှေ့ဘက်ကင်မရာဖြင့် Slo-mo စနစ်ရိုက်ကူးနိုင်သည်။

  3. ရိုက်ကူးခြင်းကို စတင်ရန် Record ခလုတ်ကိုနှိပ်ပါ၊ အသံခလုတ် သို့မဟုတ် Camera Control ကိုလည်းနှိပ်ပါ(အထောက်အကူပြုထားသော အမျိုးအစားများတွင်)။

    ဗီဒီယိုရိုက်ကူးနေစဥ် ရုပ်ငြိမ်ဓာတ်ပုံတစ်ပုံရိုက်ကူးရန် Shutter ခလုတ် ကိုနှိပ်နိုင်သည်။

  4. ရိုက်ကူးခြင်းကိုရပ်တန့်ရန် Record ခလုတ်ကိုနှိပ်ပါ၊ အသံခလုတ်၊ သို့မဟုတ် Camera Control ကိုနှိပ်ပါ(အထောက်အကူပြုထားသော အမျိုးအစားများတွင်)။

ဗီဒီယို၏တစ်စိတ်တစ်ပိုင်းကို အနှေးပြကွက်အတွင်း ထားရှိ၍ ကျန်အပိုင်းများကို ပုံမှန်နှုန်းဖြင့်ထားရှိရန် ဗီဒီယိုနမူနာပြပုံသေးကို ထိနှိပ်၍ Edit ကိုနှိပ်ပါ။ အနှေးပြကွက်ဖြင့် ပြန်လည်ပြစေလိုသောအပိုင်းကို သတ်မှတ်ရန် ပုံရိပ်မြင်ကွင်းအောက်ရှိ ဒေါက်လိုက်ဘားကို ဘေးသို့ဆွဲပါ။

သင့်ဖုန်းအမျိုးအစားကိုမူတည်၍ အနှေးပြကွက်ပုံရိပ်ဖမ်းယူမှုနှုန်းနှင့် ရုပ်ထွက်အရည်အသွေးကို ပြောင်းလဲနိုင်သည်။ အနှေးပြကွက်ဗီဒီယိုရိုက်ကူးမှုချိန်ညှိချက်များကိုပြောင်းလဲရန် Settings  > Camera သို့သွား၍ Record Slo-mo ကိုနှိပ်ပါ။

အကြံပြုချက် သင်ရိုက်ကူးနေစဥ် ဗီဒီယိုရုပ်ထွက်ကြည်လင်မှုနှင့် ရိုက်ကွက်ဘောင်အချိုးကို ချိန်ညှိရန် အလွယ်သုံးလွှဲခလုတ်သုံးပါ။ ဗီဒီယိုရုပ်ထွက်ကြည်လင်မှုနှင့် ရိုက်ကွက်ဘောင်အချိုးကို ပြောင်းလဲရန် အလွယ်သုံးလွှဲခလုတ်သုံးခြင်းကိုကြည့်ပါ။

အမြန်ပြကွက်ဗွီဒီယိုရိုက်ကူးခြင်း

နေဝင်နေချိန် သို့မဟုတ် ယာဉ်များသွားလာနေချိန်ကဲ့သို့ အချိန်ကာလတစ်ခုအတွင်း ဖြစ်ပျက်နေသည့် အချိန်ပြောင်းဗီဒီယိုတစ်ခု ဖန်တီးရန် ရွေးချယ်ထားသည့်အချိန်အပိုင်းအခြားများ တွင် ရိုက်ကူးပါ။

  1. သင့် iPhone ရှိ Camera ကိုဖွင့်ပါ။

  2. အမြန်ပြကွက်မုဒ်ကိုရွေးချယ်ပါ။

  3. ရွေ့လျားနေသည့်ရှုခင်းတစ်ခုကို ရိုက်ကူးရန် သင်ရိုက်ကူးလိုသည့်နေရာတွင် သင့် iPhone ကို စီမံသတ်မှတ်ပါ။

  4. ရိုက်ကူးခြင်းကိုစတင်ရန်အတွက် Record ခလုတ် သို့မဟုတ် Camera Control ကိုနှိပ်ပါ (အထောက်အကူပြုထားသော အမျိုးအစားများတွင်)- ရိုက်ကူးခြင်းကိုရပ်တန့်ရန် ၎င်းကိုထပ်၍ ခေါက်ပါ သို့မဟုတ် နှိပ်ပါ။

အကြံပြုချက် iPhone 12 အမျိုးအစားများနှင့်နောက်ပိုင်းထွက်များတွင် time-lapse ဗီဒီယိုများကို ရိုက်ကူးရာတွင် အလင်းအားနည်းနေစဥ်ရိုက်ကူးသည့်အခါ အသေးစိတ်ပြုပြင်နိုင်ပြီး အလင်းဝင်ရောက်အားမြင့်ရန် သုံးချောင်းထောက်တိုင်ကိုအသုံးပြုပါ။

ဒါကိုလည်းကြည့်ပါiPhone ကင်မရာဖြင့် ProRes ဗီဒီယိုများရိုက်ကူးခြင်းiPhone ရှိ ကင်မရာ၏ ဗီဒီယိုရိုက်ကူးမှုချိန်ညှိချက်များကို ပြောင်းလဲခြင်းiPhone တွင် ဗီဒီယိုအရှည်အား ဖြတ်တောက်ခြင်း၊ အမြန်နှုန်းအား ချိန်ညှိခြင်းနှင့် အသံကိုပြင်ဆင်ခြင်း
Morty Proxy This is a proxified and sanitized view of the page, visit original site.
အထောက်အကူဖြစ်ပါသလား။
စာလုံးရေအကန့်အသတ်- 250
အများဆုံး စာလုံးရေအကန့်အသတ်မှာ ၂၅၀ ဖြစ်ပါသည်။
သင်၏ အကြံပြုချက်အတွက် ကျေးဇူးတင်ပါသည်။
Morty Proxy This is a proxified and sanitized view of the page, visit original site.