iOS 26
iOS 18
iOS 17
iOS 16
iOS 15
iOS 14
ဤထိန်းချုပ်မှုကို ပြင်ဆင်ခြင်းဖြင့် ဤစာမျက်နှာကို အလိုအလျောက် အပ်ဒိတ်လုပ်ပေးပါမည်

ဓာတ်ပုံရိုက်ရန် iPhoneကင်မရာကိရိယာများကို အသုံးပြုခြင်း

ဓာတ်ပုံတစ်ပုံမရိုက်ကူးမီ၊ သင်၏ဓာတ်ပုံကို စိတ်ကြိုက်ပြုလုပ်ရန်နှင့် ပုံထွက်ပိုမိုကောင်းမွန်စေရန် သင်၏ iPhone ရှိ ကင်မရာကိရိယာများကို အသုံးပြုနိုင်သည်။

ကင်မရာ၏ဆုံချက်နှင့်အလင်းအမှောင်ကို ချိန်ညှိပါ

ဓာတ်ပုံမရိုက်ခင် iPhone ကင်မရာက ဆုံချက်နှင့်အလင်းအမှောင်ကို အလိုအလျောက်ချိန်ပေးပြီး မျက်နှာမှတ်သားမှုစနစ်က မျက်နှာပေါင်းများစွာအကြား အလင်းအမှောင်ကို ညှိပေးပါသည်။ ဆုံချက်နှင့် အလင်းအမှောင်ကို ကိုယ်တိုင်ချိန်ညှိလိုပါက အောက်ပါတို့ကိုလုပ်ပါ၊

  1. သင့် iPhone ရှိ Camera ကိုဖွင့်ပါ။

  2. ဆုံချက်ဧရိယာနှင့် အလင်းအမှောင် အလိုအလျောက်ချိန်ညှိမှုဆက်တင်ကို ပြရန် ဖန်သားပြင်ကိုထိနှိပ်ပါ။

  3. ဆုံချက်ဧရိယာကို သင်ရွှေ့လိုသည့်နေရာသို့ ထိနှိပ်ပါ။

  4. အလင်းအမှောင်ကို ချိန်ညှိရန် ဆုံချက်ဧရိယာဘေးရှိ Adjust Exposure ခလုတ် ကို အပေါ် သို့မဟုတ် အောက်သို့ ဆွဲပါ။

    Photo စနစ်ထဲရှိ Camera။ ကင်မရာရိုက်ကွက်ပြကိရိယာထဲတွင် ဆုံချက်ကို အရာဝတ္ထုတစ်ခုပေါ်တွင် ဘောင်ခတ်ထားပြီး အလင်းအမှောင် ချိန်ညှိရန် ဆလိုက်သည် ထိုအရာဝတ္ထု၏ဘေးတွင်ရှိသည်။

    အကြံပြုချက် ပုံပေါင်းများစွာရိုက်ကူးရန်အတွက် ဆုံချက်နှင့်အလင်းအမှောင်ကိုယ်တိုင်ချိန်ညှိခြင်းဆက်တင်ကို လော့ပိတ်ရန် AE/AF Lock ကိုမမြင်မချင်း၊ ဆုံချက်ဧရိယာကို ထိ၍နှိပ်ထားပါ၊ ဆက်တင်သော့ဖြည်ရန်ထိုဖန်သားပြင်ကိုနှိပ်ပါ။

    ထောက်ပံ့ပေးထားသော အမျိုးအစားများတွင် အသုံးပြုနိုင်သော ကင်မရာချိန်ညှိခြင်းများကိုပြသည့် အလွှာတစ်ခုကိုဖွင့်ရန် Camera Control ကို ညင်ညင်သာသာနှစ်ကြိမ်ဆက်နှိပ်ပါ။ Camera Control ပေါ်တွင် အလင်းအမှောင်ချိန်ညှိခြင်းသို့ သင့်လက်ချောင်းကိုပွတ်ဆွဲပါ၊ ထို့နောက် ၎င်းကိုရွေးချယ်ရန် ညင်ညင်သာသာနှိပ်ပါ။ အလင်းအမှောင်ကိုချိန်ညှိရန် သင့်လက်ချောင်းကိုပွတ်ဆွဲပါ။

အလင်းအမှောင်ချိန်ညှိခြင်းကို သော့ပိတ်ခြင်း

iPhone 11 နှင့် နောက်ပိုင်းအမျိုးအစားများတွင် ဆက်လက်ရိုက်ကူးမည့်ဓာတ်ပုံများအတွက် အလင်းဝင်ရောက်နှုန်းကို ပုံသေသတ်မှတ်နိုင်သည်။

  1. သင့် iPhone ရှိ Camera ကိုဖွင့်ပါ။

  2. Camera Controls ခလုတ်ကိုနှိပ်ပါ။

  3. Exposure ခလုတ်ကိုနှိပ်ပါ၊ ထို့နောက်နောက် အလင်းအမှောင်ချိန်ညှိရန် ဆလိုက်ဘားကိုရွှေ့ပါ။

    နောက်တစ်ကြိမ် ကင်မရာဖွင့်သည့်အချိန်ထိ အလင်းအမှောင်သည်အသေသတ်မှတ်ပြီးဖြစ်နေမည်။ သင် ကင်မရာဖွင့်သည့်အခါ အလင်းအမှောင်ထိန်းချုပ်မှုကို ၎င်းအတိုင်းရှိနေစေရန် Settings > Camera > Preserve Settings သို့သွားကာ Exposure Adjustment ကိုဖွင့်ပါ။

ဖလက်ရှ်မီးကို ဖွင့်ခြင်း သို့မဟုတ် ပိတ်ခြင်း

flash မီးကိုလိုအပ်သည့်အခါ အလိုအလျောက်လင်းစေရန်အတွက် သင်၏ iPhone ကင်မရာကို ပြင်ဆင်သတ်မှတ်ပါ။ ဓာတ်ပုံတစ်ပုံမရိုက်ကူးမီ flash မီးကို ကိုယ်တိုင်ထိန်းချုပ်ရန် အောက်ပါတို့ကိုလုပ်ဆောင်ပါ၊

  1. သင့် iPhone ရှိ Camera ကိုဖွင့်ပါ။

  2. အောက်ပါတို့မှတစ်ခုကိုလုပ်ဆောင်ပါ၊

    • အလိုအလျောက် flash မီးဖွင့်ရန် သို့မဟုတ် ပိတ်ရန် Flash ခလုတ် ကိုနှိပ်ပါ။

    • Camera Controls ခလုတ်ကိုနှိပ်ပါ၊ ဘောင်အောက်ရှိ Flash ခလုတ် ကိုနှိပ်ပါ၊ ထို့နောက် Auto၊ On သို့မဟုတ် Off ကိုနှိပ်ပါ။

filter ဖြင့် ဓာတ်ပုံရိုက်ကူးရန်

အထောက်အကူပြုထားသော အမျိုးအစားများတွင် သင်၏ဓာတ်ပုံကို အရောင်ဖြည့်စွက်ရန် စစ်ထုတ်မှန်ပြား တစ်ခုကိုအသုံးပြုနိုင်သည်။

  1. သင့် iPhone ရှိ Camera ကိုဖွင့်ပါ။

    ကင်မရာသည် ဓာတ်ပုံ သို့မဟုတ် Portrait မုဒ်တွင်ရှိနေသည်ကို သေချာစေရန်လုပ်ခြင်း- ကင်မရာမုဒ်များတစ်ခုမှတစ်ခုသို့ ကူးပြောင်းခြင်းကိုကြည့်ပါ။

  2. Camera Controls ခလုတ်ကိုနှိပ်ကာ Filters ခလုတ်ကိုနှိပ်ပါ။

  3. ကင်မရာဘောင်အောက်တွင် filter များကိုကြိုတင်ကြည့်ရှုရန် ဘယ်ဘက် သို့မဟုတ် ညာဘက်သို့ဆွဲပါ။

  4. သင်ရွေးချယ်ထားသည့် filter ဖြင့် ဓာတ်ပုံရိုက်ရန် Shutter ခလုတ်ကိုနှိပ်ပါ။

Photos အက်ပ်အတွင်း ဓာတ်ပုံ၏ filter ကိုဖယ်ရှားနိုင်သည် သို့မဟုတ် ပြောင်းလဲနိုင်သည်။ စစ်ထုတ်သည့်အထူးပြုလုပ်ချက်များသုံးခြင်းကိုကြည့်ပါ။

ထောက်ပံ့ပေးထားသော အမျိုးအစားများ တွင် သင့်ဓာတ်ပုံများအား စိတ်ကြိုက်ပြုပြင်ထားသည့် ပုံစံရရှိစေရန် စစ်ထုတ်မှန်ပြားများ Filters ခလုတ် အစား နောက်ဆုံး ပေါ်မျိုးဆက် Photographic Styles ကို အသုံးပြုပါ။

အချိန်တိုင်းစနစ်ကိုအသုံးပြုခြင်း

သင့်အနေနှင့် ဓာတ်ပုံရိုက်ကူးရာတွင် အချိန်ရရန် သင်၏ iPhone ကင်မရာကို အချိန်တိုင်းစနစ်တစ်ခုသတ်မှတ်နိုင်သည်။

  1. သင့် iPhone ရှိ Camera ကိုဖွင့်ပါ။

  2. Camera Controls ခလုတ်ကိုနှိပ်ပါ

  3. Timer ခလုတ်ကိုနှိပ်၍ 3s သို့မဟုတ် 10s ကို ရွေးချယ်ပါ။

  4. အချိန်တိုင်းစနစ်ကို စတင်ရန် Shutter ခလုတ်ကိုနှိပ်ပါ။

သင်၏ဓာတ်ပုံကိုတည့်မတ်နေစေရန် ဂရစ်ကွက်နှင့်အဆင့်ကိုအသုံးပြုခြင်း

ကင်မရာဖန်သားပြင်တွင် သင်၏ဓာတ်ပုံကို တည့်မတ်၍ အနေအထားမှန်အောင် ညှိပေးမည့် ဂရစ်ကွက်သို့မဟုတ်အဆင့်တစ်ခုပေါ်လာစေရန် Settings  > Camera သို့ဝင်ပြီး Grid and Level ကိုဖွင့်ပါ။

ဓာတ်ပုံတစ်ပုံရိုက်ပြီးသည့်နောက် ပုံများကိုထပ်မံညှိရန်နှင့် အလျားလိုက်နှင့်ဒေါင်လိုက်မြင်ကွင်းကိုညှိရန် Photos အက်ပ်ထဲရှိတည်းဖြတ်ကိရိယာများကိုသုံးနိုင်သည်။ ဓာတ်ပုံတစ်ပုံ သို့မဟုတ် ဗီဒီယိုတစ်ခုကို ဖြောင့်တန်းခြင်းနှင့် ၎င်း၏မြင်ကွင်းကိုချိန်ညှိခြင်းကိုကြည့်ပါ။

ဒါကိုလည်းကြည့်ပါiPhone ကင်မရာအခြေခံiPhone ရှိအဆင့်မြင့်ကင်မရာချိန်ညှိချက်မျာကို ပြုပြင်ခြင်းသင်၏ iPhone ကင်မရာဖြင့် Photographic Styles ကို အသုံးပြုခြင်း
Morty Proxy This is a proxified and sanitized view of the page, visit original site.
အထောက်အကူဖြစ်ပါသလား။
စာလုံးရေအကန့်အသတ်- 250
အများဆုံး စာလုံးရေအကန့်အသတ်မှာ ၂၅၀ ဖြစ်ပါသည်။
သင်၏ အကြံပြုချက်အတွက် ကျေးဇူးတင်ပါသည်။
Morty Proxy This is a proxified and sanitized view of the page, visit original site.