iOS 26
iOS 18
iOS 17
iOS 16
iOS 15
iOS 14
iOS 13
ဤထိန်းချုပ်မှုကို ပြင်ဆင်ခြင်းဖြင့် ဤစာမျက်နှာကို အလိုအလျောက် အပ်ဒိတ်လုပ်ပေးပါမည်

iPhone တွင် Control Center ကိုသုံးခြင်းနှင့် စိတ်ကြိုက်ပြုလုပ်ထားခြင်း

iPhone ရှိ Control Center သည် အသုံးဝင်သောထိန်းချုပ်မှုများသို့ ချက်ခြင်းအသုံးပြုခွင့်ကိုပေးသည်—Airplane Mode၊ Do Not Disturb၊ ဓာတ်မီး၊ အသံအတိုးအကျယ်၊ ဖန်သားပြင်တောက်ပမှုနှင့်၊ အစရှိသည်တို့အပါအဝင်။

Control Center ကိုဖွင့်ခြင်း

Control Center ကိုဖွင့်ရန် အောက်ပါတို့အနက်မှ တစ်ခုကိုပြုလုပ်ပါ၊

  • Face ID ပါဝင်သည့် iPhone တစ်လုံးတွင်၊ ဖန်သားပြင်ညာဘက်ထိပ်ထောင့်မှအောက်သို့ရွှေ့ပါ။ သင်ဆက်လက်၍ အောက်သို့ပွတ်ဆွဲပါက ထိန်းချုပ်ခလုတ်များ၏ အုပ်စုများကို ပိုမိုမြင်ရမည်။

  • Home ခလုတ်ပါဝင်သည့် iPhone တစ်လုံးတွင်၊ အောက်ခြေမှအပေါ်သို့ရွှေ့ပါ။

    ထိန်းချုပ်ခလုတ်များ၏ အခြားအုပ်စုများကို ကြည့်ရှုရန်အတွက် ညာဘက်တွင် သင်္ကေတများပါဝင်သော iPhone ဖန်သားပြင်ပေါ်တွင် ပွင့်နေသည့် Control Center။

    ဖန်သားပြင်၏ ညာဘက်အစွန်တွင် သင်္ကေတများတစ်လျှောက် ပွတ်ဆွဲခြင်းဖြင့် ထိန်းချုပ်ခလုတ်များ၏ တိကျသောအုပ်စုများသို့ ခုန်ကူးနိုင်သည်။ ပထမအုပ်စုသို့ပြန်သွားရန် သင်္ကေတများတစ်လျှောက် အပေါ်သို့ပွတ်ဆွဲပါ။

    Control Center ကိုပိတ်ရန် (Face ID ပါဝင်သော iPhone တစ်လုံးရှိ) ဖန်သားပြင်၏ အောက်ခြေအလယ်မှ အပေါ်သို့ပွတ်ဆွဲပါ သို့မဟုတ် Home ခလုတ်ကိုဖိပါ။

Control Center ထဲရှိ ပိုမိုထိန်းချုပ်မှုများသို့ ဝင်ရောက်ခြင်း

များစွာသောထိန်းချုပ်မှုများသည် ထပ်တိုးရွေးစရာနည်းလမ်းများပေးထားသည်။ ရရှိနိုင်သောရွေးချယ်စရာများကိုမြင်တွေ့ရရန် ထိန်းချုပ်မှုတစ်ခုကို ထိနှိပ်ထားပါ။ ဥပမာ - Control Center အတွင်း အောက်ပါတို့ကို သင်လုပ်နိုင်သည်၊

  • ထိန်းချုပ်မှုအုပ်စု၏ ထိပ်ဘယ်ဘက်ကို ထိပြီးထိန်းထားပါ၊ ထို့နောက် AirDrop ရွေးစရာနည်းလမ်းများကိုဝင်ကြည့်ရန် AirDrop ခလုတ် ကိုနှိပ်ပါ။

  • ဆယ်လ်ဖီဓာတ်ပုံရိုက်ရန်၊ ဗီဒီယိုမှတ်တမ်းတင်ရန် သို့မဟုတ် ဓာတ်ပုံရိုက်ရန် Camera ခလုတ် ကို ထိပြီးထိန်းထားပါ။

  • သင် တုန်ခါမှုကို ခံစားရသည်အထိ ဖန်သားပြင် ညာဘက်ထိပ်ရှိ Control Center Power ခလုတ်ကို ထိပြီးထိန်းထားပါ (Control Center ပွင့်နေချိန်)။ ထို့နောက် iPhone ကို ပိတ်ရန် ဆလိုက်ဘားကို ပွတ်ဆွဲပါ။

    Control Center ဖန်သားပြင်နှစ်ခုဘေးချင်းယှဉ်ထားခြင်း—ဘယ်ဘက်တစ်ခုသည် ဘယ်ဘက်ထိပ်အုပ်စုတွင် Airplane Mode၊ cellular အင်တာနက်၊ Wi-Fi နှင့် Bluetooth အတွက် ထိန်းချုပ်မှုများကို ပြသထားသည်။ ထို Camera သင်္ကေတကို ညာဘက်အောက်ခြေတွင်ပြထားသည်။ Camera အတွက် အမြန်လုပ်ဆောင်ချက်စာရင်းတွင် နောက်ထပ် ရွေးစရာများကို ညာဘက်တွင်ပြထားသည့် ဖန်သားပြင်၊ Selfie၊ Video၊ Portrait နှင့် Portrait Selfie။

ထိန်းချုပ်ခလုတ်များကို စိတ်ကြိုက်ပြုပြင်ခြင်း

Control Center ထဲတွင် ထိန်းချုပ်ခလုတ်များကို ပြန်စီနိုင်၊ ထည့်နိုင်ပြီး၊ ဖယ်ရှားနိုင်သည်။

  1. Control Center ကိုဖွင့်ခြင်း

  2. ထိန်းချုပ်ခလုတ်များကို ပြင်ဆင်မှုစတင်ရန် Control Center ထိပ်ဘယ်ဘက်ရှိ Add ခလုတ် ကိုနှိပ်ပါ။

    ထိန်းချုပ်ခလုတ်တိုင်းတွင် Remove ခလုတ်တစ်ခုနှင့် အရွယ်အစားပြန်သတ်မှတ်ခြင်း လက်ကိုင်တစ်ခုပါဝင်သော၊ ပြင်ဆင်ထားသည့် Control Center။

  3. အောက်ပါတို့မှ နှစ်သက်ရာကိုလုပ်ဆောင်ပါ၊

    • ထိန်းချုပ်ခလုတ်များကို ပြန်စီခြင်း၊ ထိန်းချုပ်ခလုတ်တစ်ခုအား နေရာအသစ်တစ်ခုသို့ဆွဲယူပါ။

    • ထိန်းချုပ်ခလုတ်တစ်ခု သို့မဟုတ် ထိန်းချုပ်ခလုတ်များ၏ အစုတစ်ခုကို ဖယ်ရှားခြင်း၊ ထိန်းချုပ်ခလုတ်၏ ဘယ်ဘက်ထိပ်ရှိ Remove ခလုတ် ကိုနှိပ်ပါ။

    • ထိန်းချုပ်ခလုတ်တစ်ခုကို အရွယ်အစားပြန်သတ်မှတ်ခြင်း၊ ထိန်းချုပ်ခလုတ်၏ ညာဘက်အောက်နားရှိ လက်ကိုင်ကိုဆွဲယူပါ။

    • ထိန်းချုပ်ခလုတ်များ ထပ်၍ထည့်ခြင်း၊ ထိန်းချုပ်ခလုတ်များပြခန်းကိုဖွင့်ရန် ဖန်သားပြင်၏အောက်ခြေရှိ Add a Control ကိုနှိပ်ပါ၊ ထို့နောက် ၎င်းကို Control Centerသို့ထည့်ရန် ထိန်းချုပ်ခလုတ်တစ်ခုကိုနှိပ်ပါ။

      အသုံးပြုနိုင်သော Control Center ထိန်းချုပ်ခလုတ်များကို ပြသနေသည့်၊ ထိန်းချုပ်ခလုတ်များပြခန်း။

  4. စိတ်ကြိုက်ပြုပြင်ခြင်း ပြီးဆုံးသည့်အခါ ဖန်သားပြင်၏ အောက်ခြေအလယ်မှနေ၍ အပေါ်သို့ပွတ်ဆွဲခြင်းဖြင့် Control Center ကိုပိတ်ပါ။

ထိန်းချုပ်ခလုတ်များ၏ စိတ်ကြိုက်အုပ်စုတစ်ခုကိုထည့်ခြင်း

Control Center သို့ ထိန်းချုပ်ခလုတ်များ၏ အုပ်စုအသစ်တစ်ခုကိုထည့်နိုင်သည်။

  1. Control Center ကိုဖွင့်ခြင်း

  2. ဖန်သားပြင်ထိပ်ဘယ်ဘက်ရှိ Add ခလုတ် ကိုနှိပ်ပါ။

  3. ဖန်သားပြင်၏ ညာဘက်အစွန်းတစ်လျှောက်ရှိ အောက်ဆုံးမှသင်္ကေတ (စက်ဝိုင်းကလေး) ကိုနှိပ်ပါ။

  4. ထိန်းချုပ်ခလုတ်များပြခန်းကို ဖွင့်ရန်အတွက် ဖန်သားပြင် အောက်ခြေရှိ Add a Control ကိုနှိပ်ပါ။

  5. ထိန်းချုပ်ခလုတ်များပြခန်းရှိ ထိန်းချုပ်ခလုတ်တစ်ခုကို အုပ်စုထဲသို့ထည့်ရန် ၎င်းကိုနှိပ်ပါ။

  6. ထိန်းချုပ်ခလုတ်များ၏ အုပ်စုအသစ်ကို ထပ်မံ၍ စိတ်ကြိုက်ပြုပြင်ရန် အောက်ပါတို့အနက်မှ နှစ်သက်ရာကိုပြုလုပ်ပါ၊

    • ထိန်းချုပ်ခလုတ်များကို ပြန်စီခြင်း၊ ထိန်းချုပ်ခလုတ်တစ်ခုအား နေရာအသစ်တစ်ခုသို့ဆွဲယူပါ။

    • ထိန်းချုပ်ခလုတ်တစ်ခု သို့မဟုတ် ထိန်းချုပ်ခလုတ်များ၏ အစုတစ်ခုကို ဖယ်ရှားခြင်း၊ ထိန်းချုပ်ခလုတ်၏ ဘယ်ဘက်ထိပ်ရှိ Remove ခလုတ် ကိုနှိပ်ပါ။

    • ထိန်းချုပ်ခလုတ်တစ်ခုကို အရွယ်အစားပြန်သတ်မှတ်ခြင်း၊ ထိန်းချုပ်ခလုတ်၏ ညာဘက်အောက်နားရှိ လက်ကိုင်ကိုဆွဲယူပါ။

    • ထိန်းချုပ်ခလုတ်များ ထပ်၍ထည့်ခြင်း၊ ထိန်းချုပ်ခလုတ်များပြခန်းကိုဖွင့်ရန် Control Center ၏ အောက်ခြေရှိ Add a Control ကိုနှိပ်ပါ၊ ထို့နောက် ၎င်းကို Control Center သို့ထည့်ရန် ထိန်းချုပ်ခလုတ်တစ်ခုကိုနှိပ်ပါ။

  7. စိတ်ကြိုက်ပြုပြင်ခြင်း ပြီးဆုံးသည့်အခါ ဖန်သားပြင်၏ အောက်ခြေအလယ်မှနေ၍ အပေါ်သို့ပွတ်ဆွဲခြင်းဖြင့် Control Center ကိုပိတ်ပါ။

Wi-Fi ကွန်ရက်မှ ယာယီဖြတ်တောက်ခြင်း

Control Center တွင်ပြန်လည်ချိတ်ဆက်ရန် Wi-Fi Switch ခလုတ် ကိုနှိပ်ပါ၊ ယင်းကိုထပ်မံနှိပ်ပါ။

ချိတ်ထားသည့် Wi-Fi ကွန်ရက်အမည်ကိုတွေ့ရန် Wi-Fi Switch ခလုတ် ကို ထိပြီးထိန်းထားပါ။

သင် ကွန်ရက်တစ်ခုမှဖြတ်တောက်လိုက်သည့်အခါ Wi-Fi မပိတ်ထားခြင်းကြောင့် AirPlay နှင့် AirDrop သည် အလုပ်လုပ်လျက်ရှိ၍ တည်နေရာပြောင်းလိုက်သည့်အခါ သို့မဟုတ် iPhone ကိုပြန်ဖွင့်သည့်အခါ သိသည့်ကွန်ရက်များကို iPhone မှချိတ်ဆက်ပေးသည်။ Wi-Fi ပိတ်ရန် Settings  > Wi-Fi သို့သွားပါ။ (Control Center တွင် Wi-Fi ကိုထပ်မံဖွင့်ရန် Wi-Fi Switch ခလုတ်ကိုနှိပ်ပါ။) လေယာဥ်စီးသည့်မုဒ် တွင်ရှိနေစဉ် Control Center ထဲရှိ Wi-Fi ဖွင့်ခြင်း သို့မဟုတ် ပိတ်ခြင်းနှင့်ပတ်သက်သည့် သတင်းအချက်အလက်များအတွက် ခရီးသွားခြင်းအတွက် iPhone ချိန်ညှိမှုများကိုရွေးချယ်ခြင်းကိုကြည့်ပါ။

Bluetooth စက်ပစ္စည်းများမှယာယီဖြတ်တောက်ခြင်း

Control Center တွင် ချိတ်ဆက်ခွင့်ရရန် Bluetooth Switch ခလုတ်ကိုနှိပ်ပါ၊ ထိုခလုတ်ကိုထပ်မံနှိပ်ပါ။

စက်ပစ္စည်းများမှ သင်အဆက်အသွယ်ဖြတ်တောက်လိုက်သည့်အချိန်တွင် Bluetooth®မှ ပိတ်မထားခြင်းကြောင့် တည်နေရာအတိအကျပြခြင်းနှင့် အခြား ဝန်ဆောင်မှုများသည် အသုံးပြု၍ရနေဆဲဖြစ်သည်။ Bluetooth ပိတ်ရန်၊ Settings  > Bluetooth သို့သွားပါ၊ ထို့နောက် Bluetooth ကိုပိတ်ပါ။ Control Center တွင် Bluetooth ကိုထပ်မံဖွင့်ရန် Bluetooth Switch ခလုတ်ကိုနှိပ်ပါ။ လေယာဉ်စီးသည့်စနစ်တွင်ရှိစဉ် Control Center တွင် Bluetooth ဖွင့်ခြင်း သို့မဟုတ် ပိတ်ခြင်းနှင့်ပတ်သက်သည့် သတင်းအချက်အလက်များအတွက် ခရီးသွားခြင်းအတွက် iPhone ချိန်ညှိမှုများကိုရွေးချယ်ခြင်းကိုကြည့်ပါ။

အက်ပ်စ်များထဲရှိ Control Center သို့ဝင်ကြည့်ခြင်းကိုပိတ်ခြင်း

Settings  > Control Center သို့သွားပါ ထို့နောက် Access Within Apps ကိုပိတ်ပါ။

ဒါကိုလည်းကြည့်ပါခရီးသွားခြင်းအတွက် iPhone ချိန်ညှိမှုများကိုရွေးချယ်ခြင်း
Morty Proxy This is a proxified and sanitized view of the page, visit original site.
အထောက်အကူဖြစ်ပါသလား။
စာလုံးရေအကန့်အသတ်- 250
အများဆုံး စာလုံးရေအကန့်အသတ်မှာ ၂၅၀ ဖြစ်ပါသည်။
သင်၏ အကြံပြုချက်အတွက် ကျေးဇူးတင်ပါသည်။
Morty Proxy This is a proxified and sanitized view of the page, visit original site.