iPadOS 26
iPadOS 18
ഈ കൺട്രോളിൽ മാറ്റം വരുത്തുന്നത് ഈ പേജ് ഒട്ടോമാറ്റിക്കായി അപ്ഡേറ്റ് ചെയ്യാനിടയാക്കും

iPad-ൽ നിങ്ങളുടെ കുറിപ്പുകൾ ലോക്ക് ചെയ്യൂ

കുറിപ്പുകൾ ആപ്പിൽ , നിങ്ങളുടെ സെൻസിറ്റീവ് വിവരങ്ങൾക്ക് പരിരക്ഷ നൽകാനായി നിങ്ങൾക്ക് കുറിപ്പുകൾ ലോക്ക് ചെയ്യാം. നിങ്ങളുടെ ഡിവൈസ് പാസ്കോഡോ ഒരു ഇഷ്ടാനുസൃത പാസ്‌വേഡോ ഉപയോഗിച്ച് നിങ്ങൾക്ക് ലോക്ക് ചെയ്ത കുറിപ്പുകൾ ആക്സസ് ചെയ്യാം. നിങ്ങൾക്ക് കുറിപ്പുകളുടെ ഒന്നിലധികം അക്കൗണ്ടുകൾ ഉണ്ടെങ്കിൽ, നിങ്ങൾ ഓരോ അക്കൗണ്ടിനും ലോക്കിങ് രീതി തിരഞ്ഞെടുക്കൂ (ഉദാഹരണത്തിന്, നിങ്ങളുടെ iCloud അക്കൌണ്ടിന്).

നിങ്ങളുടെ ഡിവൈസ് പാസ്കോഡ് ഉപയോഗിച്ച് കുറിപ്പുകൾ ലോക്ക് ചെയ്യൂ

ലോക്ക് ചെയ്ത കുറിപ്പുകൾ ആക്സസ് ചെയ്യാൻ നിങ്ങളുടെ ഡിവൈസ് പാസ്കോഡ് ഉപയോഗിക്കുകയാണെങ്കിൽ, നിങ്ങൾ വേറിട്ടൊരു പാസ്‌വേഡ് സൃഷ്ടിക്കുകയും ഓർമ്മിക്കുകയും ചെയ്യേണ്ടതില്ല, ഇത് നിങ്ങളുടെ ലോക്ക് ചെയ്ത കുറിപ്പുകളിലേക്കുള്ള ആക്സസ് നഷ്ടപ്പെടാനുള്ള സാധ്യത കുറയ്ക്കുന്നു. നിങ്ങളുടെ ഡിവൈസ് പാസ്കോഡ് ഉപയോഗിക്കുകയാണെങ്കിൽ, നിങ്ങളുടെ ലോക്ക് ചെയ്ത കുറിപ്പുകൾ ആക്സസ് ചെയ്യാൻ Face ID അല്ലെങ്കിൽ Touch ID ഉപയോഗിക്കാം.

ഒരേ Apple അക്കൗണ്ടിൽ നിങ്ങൾ സൈൻ ഇൻ ചെയ്തിരിക്കുന്ന ഒന്നിലധികം ഡിവൈസുകൾ ഉണ്ടെങ്കിൽ, ആ ഡിവൈസിൽ നിങ്ങളുടെ ലോക്ക് ചെയ്ത കുറിപ്പുകൾ ആക്സസ് ചെയ്യാൻ നിങ്ങൾ ഓരോ ഡിവൈസിന്റെയും പാസ്കോഡ് (അല്ലെങ്കിൽ Mac-ന്റെ ലോഗിൻ പാസ്‌വേഡ്) ഉപയോഗിക്കുന്നു.

ഒരു ഡിവൈസ് പാസ്കോഡ് ഉപയോഗിച്ച് ലോക്ക് ചെയ്ത കുറിപ്പുകൾ ആക്സസ് ചെയ്യാൻ, നിങ്ങൾ iOS 16, iPadOS 16, macOS 13 എന്നിവയോ, അതിനുശേഷമുള്ളതോ ഉപയോഗിക്കണം. OS-ന്റെ മുൻ പതിപ്പ് ഉള്ള ഡിവൈസുകളിൽ, ലോക്ക് ചെയ്ത കുറിപ്പുകൾ നിങ്ങൾക്ക് ആക്സസ് ചെയ്യാനാവില്ല.

  1. ക്രമീകരണം  > ആപ്പുകൾ > കുറിപ്പുകൾ എന്നതിലേക്ക് പോകൂ.

  2. പാസ്‌വേഡിൽ ടാപ്പ് ചെയ്യൂ.

  3. നിങ്ങൾക്ക് ഒന്നിലധികം അക്കൗണ്ടുകൾ ഉണ്ടെങ്കിൽ, നിങ്ങൾ ഒരു പാസ്‌വേഡ് സജ്ജമാക്കാൻ ആഗ്രഹിക്കുന്ന അക്കൗണ്ട് തിരഞ്ഞെടുക്കൂ.

  4. ‘ഡിവൈസ് പാസ്കോഡ് ഉപയോഗിക്കൂ’ എന്നതിൽ ടാപ്പ് ചെയ്യൂ.

  5. അധിക സൗകര്യത്തിന്, നിങ്ങൾക്ക് Face ID അല്ലെങ്കിൽ Touch ID ഓണാക്കാം.

ഒരു കസ്റ്റം പാസ്‌വേഡ് ഉപയോഗിച്ച് കുറിപ്പുകൾ ലോക്ക് ചെയ്യൂ

ലോക്ക് ചെയ്ത കുറിപ്പുകൾക്കായി ഒരു ഇഷ്ടാനുസൃത പാസ്‌വേഡ് സൃഷ്ടിക്കുന്നത് അധിക സുരക്ഷ നൽകും, എന്നാൽ നിങ്ങൾ പാസ്‌വേഡ് മറന്നാൽ, നിങ്ങളുടെ ലോക്ക് ചെയ്ത കുറിപ്പുകളിലേക്കുള്ള ആക്സസ് നഷ്ടമായേക്കാം.

ഒരേ Apple അക്കൗണ്ടിൽ നിങ്ങൾ സൈൻ ഇൻ ചെയ്ത എല്ലാ ഡിവൈസുകളിലും നിങ്ങളുടെ ലോക്ക് ചെയ്ത കുറിപ്പുകൾ ആക്സസ് ചെയ്യാൻ നിങ്ങളുടെ ഇഷ്ടാനുസൃത പാസ്‌വേഡ് ഉപയോഗിക്കുന്നു. നിങ്ങൾക്ക് ഒന്നിലധികം iCloud അക്കൗണ്ടുകളോ ‘എന്റെ iPad-ൽ’ അക്കൗണ്ടോ ഉണ്ടെങ്കിൽ, നിങ്ങൾക്ക് ഓരോ അക്കൗണ്ടിനും വ്യത്യസ്ത ഇഷ്ടാനുസൃത പാസ്‌വേഡ് സജ്ജമാക്കാം.

ഒരു ഇഷ്ടാനുസൃത പാസ്‌വേഡ് ഉപയോഗിച്ച് ലോക്ക് ചെയ്ത കുറിപ്പുകൾ ആക്സസ് ചെയ്യാൻ, നിങ്ങൾ iOS 9.3, iPadOS 13, OS X 10.11.4 എന്നിവയോ അതിനുശേഷമുള്ളതോ ഉപയോഗിക്കണം. OS-ന്റെ ഒരു മുൻ പതിപ്പ് ഉള്ള ഡിവൈസുകളിൽ, നിങ്ങൾക്ക് കുറിപ്പുകൾ കാണാൻ കഴിയില്ല.

  1. ക്രമീകരണം  > ആപ്പുകൾ > കുറിപ്പുകൾ എന്നതിലേക്ക് പോകൂ.

  2. പാസ്‌വേഡിൽ ടാപ്പ് ചെയ്യൂ.

  3. നിങ്ങൾക്ക് ഒന്നിലധികം അക്കൗണ്ടുകൾ ഉണ്ടെങ്കിൽ, നിങ്ങൾ ഒരു പാസ്‌വേഡ് സജ്ജമാക്കാൻ ആഗ്രഹിക്കുന്ന അക്കൗണ്ട് തിരഞ്ഞെടുക്കൂ.

  4. ‘ഇഷ്ടാനുസൃത പാസ്‌വേഡ് ഉപയോഗിക്കൂ’ എന്നതിൽ ടാപ്പ് ചെയ്യൂ.

  5. അധിക സൗകര്യത്തിന്, നിങ്ങൾക്ക് Face ID അല്ലെങ്കിൽ Touch ID ഓണാക്കാം.

    നിങ്ങളുടെ കുറിപ്പുകൾ അൺലോക്ക് ചെയ്യാനുള്ള ഏക മാർഗമായി Face ID അല്ലെങ്കിൽ Touch ID എന്നതിനെ ആശ്രയിക്കരുത്. നിങ്ങളുടെ Face ID അല്ലെങ്കിൽ Touch ID ക്രമീകരണങ്ങൾ അപ്ഡേറ്റ് ചെയ്യുകയോ നിങ്ങളുടെ കുറിപ്പുകളുടെ പാസ്‌വേഡ് മാറ്റുകയോ ചെയ്യണമെങ്കിൽ നിങ്ങളുടെ കുറിപ്പുകളുടെ പാസ്‌വേഡ് വീണ്ടും നൽകണം.

പ്രധാനപ്പെട്ടത്: നിങ്ങളുടെ ഇഷ്ടാനുസൃത പാസ്‌വേഡ് നിങ്ങൾ മറന്നുപോവുകയും നിങ്ങളുടെ ലോക്ക് ചെയ്ത കുറിപ്പുകൾ ആക്സസ് ചെയ്യാൻ Face ID അല്ലെങ്കിൽ Touch ID ഉപയോഗിക്കാൻ നിങ്ങൾക്ക് കഴിയാതെവരികയും ചെയ്താൽ, ആ കുറിപ്പുകളിലേക്കുള്ള ആക്സസ് വീണ്ടെടുക്കാൻ Apple-ന് നിങ്ങളെ സഹായിക്കാനാവില്ല.

നിങ്ങളുടെ ഇഷ്ടാനുസൃത പാസ്‌വേഡ് നിങ്ങൾക്ക് റീസെറ്റ് ചെയ്യാം, എന്നാൽ ഇത് മുൻപ് ലോക്ക് ചെയ്ത കുറിപ്പുകളിലേക്ക് നിങ്ങൾക്ക് ആക്സസ് നൽകില്ല. ഇനി മുതൽ നിങ്ങൾ ലോക്ക് ചെയ്യുന്ന എല്ലാ കുറിപ്പുകൾക്കും പുതിയ ഇഷ്ടാനുസൃത പാസ്‌വേഡ് ബാധകമാണ്. ക്രമീകരണം > ആപ്പുകൾ > കുറിപ്പുകൾ എന്നതിലേക്ക് പോയി, പാസ്‌വേഡ് > പാസ്‌വേഡ് റീസെറ്റ് ചെയ്യൂ എന്നതിൽ ടാപ്പ് ചെയ്യൂ.

നിങ്ങളുടെ iPhone-ലോ iPad-ലോ കുറിപ്പുകൾ എങ്ങനെ ലോക്ക് ചെയ്യാം അല്ലെങ്കിൽ അൺലോക്ക് ചെയ്യാം എന്ന Apple പിന്തുണാ ലേഖനം കാണൂ.

ലോക്കിങ് രീതി മാറ്റൂ

നിങ്ങൾ ഒരു ഇഷ്ടാനുസൃത പാസ്‌വേഡ് ആണ് ഉപയോഗിക്കുന്നതെങ്കിൽ, നിങ്ങൾക്ക് നിങ്ങളുടെ ഡിവൈസ് പാസ്കോഡ് ഉപയോഗിക്കുന്നതിലേക്ക് മാറാം. നിങ്ങളുടെ ലോക്കിങ് രീതി മാറ്റുമ്പോൾ, മുൻപത്തെ രീതി ഉപയോഗിച്ച് നിങ്ങൾ ആക്സസ് ചെയ്ത കുറിപ്പുകൾ പുതിയ രീതി ഉപയോഗിച്ച് തുടങ്ങും.

  1. ക്രമീകരണം  > ആപ്പുകൾ > കുറിപ്പുകൾ എന്നതിലേക്ക് പോകൂ.

  2. പാസ്‌വേഡിൽ ടാപ്പ് ചെയ്ത് ഒരു അക്കൗണ്ട് തിരഞ്ഞെടുക്കൂ (നിങ്ങൾക്ക് ഒന്നിലധികം ഉണ്ടെങ്കിൽ), എന്നിട്ട് ‘ഡിവൈസ് പാസ്കോഡ് ഉപയോഗിക്കൂ’ എന്നതിൽ ടാപ്പ് ചെയ്യൂ.

ഒരു കുറിപ്പ് ലോക്ക് ചെയ്യൂ

നിങ്ങളുടെ ഡിവൈസിലെ കുറിപ്പുകളും iCloud-ലെ കുറിപ്പുകളും മാത്രമേ നിങ്ങൾക്ക് ലോക്ക് ചെയ്യാനാവൂ. PDF, ഓഡിയോ, വീഡിയോ, Keynote, Pages എന്നിവയോ, Numbers അറ്റാച്ച്മെന്റുകളോ; മറ്റ് അക്കൗണ്ടുകളുമായി സിങ്ക് ചെയ്യുന്ന കുറിപ്പുകളോ തൽക്ഷണ കുറിപ്പുകളോ ഉള്ള കുറിപ്പുകൾ നിങ്ങൾക്ക് ലോക്ക് ചെയ്യാനാവില്ല. iCloud-ൽ പങ്കിട്ട ഒരു കുറിപ്പ് നിങ്ങൾക്ക് ലോക്ക് ചെയ്യാനാവില്ല.

  1. നിങ്ങളുടെ iPad-ലെ ‘കുറിപ്പുകൾ’ ആപ്പിലേക്ക് പോകൂ.

  2. കുറിപ്പ് തുറക്കൂ, തുടർന്ന് ‘കുറിപ്പ് പ്രവർത്തനങ്ങൾ’ ബട്ടൺ (മുകളിൽ വലത് കോണിൽ) ടാപ്പ് ചെയ്യൂ.

  3. ‘ലോക്ക് ചെയ്യൂ’ എന്നതിൽ ടാപ്പ് ചെയ്യൂ.

ഒരു കുറിപ്പ് ലോക്ക് ചെയ്തിരിക്കുമ്പോൾ, കുറിപ്പുകളുടെ ലിസ്റ്റിൽ ടൈറ്റിൽ ദൃശ്യമായിരിക്കും.

ഒരു കുറിപ്പിൽ നിന്ന് ഒരു ലോക്ക് നീക്കംചെയ്യാൻ ‘കുറിപ്പ് പ്രവർത്തനങ്ങൾ’ ബട്ടൺ (മുകളിൽ വലത് കോണിൽ) ടാപ്പ് ചെയ്യൂ, തുടർന്ന് 'നീക്കംചെയ്യൂ' ടാപ്പ് ചെയ്യൂ.

നിങ്ങളുടെ ലോക്ക് ചെയ്ത കുറിപ്പുകൾ തുറക്കൂ

ഒരു ലോക്ക് ചെയ്ത കുറിപ്പ് തുറക്കുന്നത് അതേ അക്കൗണ്ടിലെ നിങ്ങളുടെ ലോക്ക് ചെയ്ത കുറിപ്പുകളെല്ലാം കുറേ മിനിറ്റുകൾക്ക് തുറക്കുന്നു, അതിനാൽ നിങ്ങൾക്ക് എളുപ്പത്തിൽ മറ്റൊരു കുറിപ്പിലേക്ക് പോകാനും അല്ലെങ്കിൽ മറ്റ് ആപ്പുകളിൽ നിന്നുള്ള വിവരങ്ങൾ കോപ്പി ചെയ്ത് പേസ്റ്റ് ചെയ്യാനും കഴിയും.

  1. നിങ്ങളുടെ iPad-ലെ ‘കുറിപ്പുകൾ’ ആപ്പിലേക്ക് പോകൂ.

  2. ലോക്ക് ചെയ്ത കുറിപ്പിൽ ടാപ്പ് ചെയ്ത്, ‘കുറിപ്പ് കാണൂ' എന്നതിൽ ടാപ്പ് ചെയ്യൂ.

  3. കുറിപ്പ് തുറക്കാൻ, Face ID, Touch ID, നിങ്ങളുടെ ഡിവൈസ് പാസ്കോഡ് അല്ലെങ്കിൽ കുറിപ്പുകളുടെ പാസ്‌വേഡ് എന്നിവ ഉപയോഗിക്കൂ.

നിങ്ങളുടെ കുറിപ്പുകൾ വീണ്ടും ലോക്ക് ചെയ്യാൻ, താഴെപ്പറയുന്നവയിലൊന്ന് ചെയ്യൂ:

  • സ്ക്രീനിന്റെ ഏറ്റവും മുകളിലെ ലോക്ക് ഐക്കണിൽ ടാപ്പ് ചെയ്യൂ.

  • കുറിപ്പുകളുടെ ലിസ്റ്റിലെ ഏറ്റവും താഴെയുള്ള ‘ഇപ്പോൾ ലോക്ക് ചെയ്യൂ’ എന്നതിൽ ടാപ്പ് ചെയ്യൂ.

  • കുറിപ്പുകൾ ആപ്പ് അടയ്ക്കൂ.

  • നിങ്ങളുടെ iPad ലോക്ക് ചെയ്യൂ.

ഇതും കാണൂiPad-ലെ നിങ്ങളുടെ കുറിപ്പുകളുടെ ക്രമീകരണങ്ങൾ മാറ്റൂiPad-ൽ ഒരു പാസ്കോഡ് സജ്ജമാക്കൂ
Morty Proxy This is a proxified and sanitized view of the page, visit original site.
സഹായകമായോ?
കാരക്റ്റർ പരിധി: 250
പരമാവധി കാരക്റ്റർ പരിധി 250 ആണ്.
നിങ്ങളുടെ ഫീഡ്ബാക്കിന് നന്ദി.
Morty Proxy This is a proxified and sanitized view of the page, visit original site.